Lajmidites.com

Tag: raundin

  • Partizani eliminohet nga Conference League, mundet nga ekipi estonez në shtesë

    Partizani eliminohet nga Conference League, mundet nga ekipi estonez në shtesë

    Partizani është eliminuar nga Conference League që në raundin e parë kualifikues, pas humbjes 0-1 ndaj Nõmme Kalju në stadiumin “Air Albania”. Ndeshja e parë në Estoni ishte mbyllur me rezultatin 1-1, ndërsa për të përcaktuar skuadrën që do të avanconte më tej, u deshën 120 minuta lojë dramatike në Tiranë.
    Takimi u karakterizua nga shumë emocione dhe raste, por mungoi saktësia përpara portës. Pjesa e parë përfundoi pa gola, ndërsa në të dytën, ritmi u rrit dhe Partizani pati mundësinë më të mirë për të kaluar në avantazh. Në minutën e 78-të, të kuqtë fituan një penallti, por Xhuliano Skuka nuk arriti ta konkretizonte, duke humbur një rast të artë për të vulosur fatin e takimit.

    Skuadra estoneze u tregua më e freskët në shtesë dhe në minutat shtesë ishte Ivanov ai që realizoi golin vendimtar, duke i dhënë Nõmme Kalju-s kualifikimin për në raundin tjetër dhe duke i dhënë fund shpejt ëndrrës europiane të Partizanit për këtë sezon.

  • Përgatitje për zgjedhjet lokale, Kosova shtyp 1.8 milion fletëvotime

    Përgatitje për zgjedhjet lokale, Kosova shtyp 1.8 milion fletëvotime

    Komisioni Qendror i Zgjedhjeve mori vendim që për raundin e parë të zgjedhjeve për kryetarë të komunave, që do të mbahen më 12 tetor, të shtypen rreth 1 milion e 800 mijë fletëvotime. Ndërkaq, për raundin e dytë, planifikohen të shtypen 1 milionë e 250 mijë sosh.
    Lidhur me specifikat teknike për shtypjen e fletëvotimeve, broshurave të kandidatëve dhe listave të votuesve për Zgjedhjet Lokale 2025 tregoi Arianit Elshani nga Këshilli i Operacioneve Zgjedhore.
    Në mbledhjen e KQZ-së, më 2 korrik, ai tregoi se lista e votuesve për raundin e dytë është 4 mijë e 420.
    “Këshilli për Operacione Zgjedhore ka shqyrtuar kërkesën e sekretariatit për shqyrtimin e specifikave teknike për shtypjen e fletëvotimeve, broshurave të kandidatëve dhe listave votuese për zgjedhjet lokale. Lidhur më këtë dokument ne i kemi dhënë komentet tona dhe janë bërë edhe përditësimet e tona dhe janë bërë edhe përditësimet e fundit lidhur me numrin e përgjithshëm të përllogaritur se sa do të shtypen edhe për raundin e parë dhe të dytë të fletëvotimeve, lista votuese dhe broshurave. Bëhet fjalë për fletëvotimet për kuvend të komunës, është sasia 1 milionë e 800 mijë. Broshura e kandidatëve për kuvend të Kosovës 16 mijë e 980. Fletëvotime për kryetarët komunës 1 milion e 800 mijë fletëvotime. Dhe fletëvotime për kryetar të komunës për raundin e dytë 1 milion e 250 mijë të përllogaritur dhe lista e votuesve është 4 mijë e 420 për raundin e dytë”, tha Elshani.
    Lidhur me këtë, anëtari i Lëvizjes Vetëvendosje në KQZ, Sami Kurteshi sugjeroi që si bazë të merret numri maksimal i votuesve që kanë marrë pjesë në dy palët e fundit të zgjedhjeve lokale, ato të vitit 2017 dhe 2021, dhe mbi këtë numër të shtohen edhe 10 deri në 20 për qind më shumë fletëvotime.
    Në këtë mënyrë, sipas tij mund të reduktohet numri i fletëvotimeve.
    “A kishte me qenë e rrugës që të merret numri maksimal i votuesve në dy palë votimet e fundit lokale dhe t’i shtohet 10 ose 20 për qind më shumë fletëvotime sesa pjesëmarrja që ka qenë në dy votimet e fundit 2021 dhe 2017? Që do të mbërrinte rreth 1 milion fletëvotime”, tha Kurteshi.
    Në lidhje me propozimin për reduktimin e numrit të fletëvotimeve, Elshani tha se kjo çështje është diskutuar edhe brenda Këshillit të Operacioneve Zgjedhore dhe përbën një shqetësim të vazhdueshëm.
    Megjithatë, ai theksoi se një qasje e ngjashme me atë të zgjedhjeve parlamentare është e pamundur për zgjedhjet lokale, për shkak të specifikave të ndryshme teknike dhe organizative.
    “Ky ka qenë edhe shqetësimi ynë i operacioneve zgjedhore dhe e kemi diskutuar jo vetëm në këtë mbledhje në shqyrtim të këtyre specifikave por edhe në të kaluarën lidhur me numrin e materialeve që shtypen, që të reduktohet. Është reduktuar edhe në zgjedhjet parlamentare. Mirëpo, në zgjedhjet lokale është më e menaxhueshme për shkak që fletëvotimit është i njëjtë çdo kund. Në zgjedhjet lokale i kemi 38 zona zgjedhore, duhet të kemi parasysh fletëvotimit reduktohen edhe në rezerva në KKZ dhe kur ka të dëmtuara. Është e pamundur që vetë reduktohet në numra të ngjashëm si ajo e Kuvendit të Kosovës”, tha Elshani.
    Ndër të tjera, në mbledhjen e KQZ-së, anëtarët u njoftua se nga shpallja e datës së Zgjedhjeve Lokale 2025 dhe deri më 1 korrik, janë realizuar një në tërësi 33 aktivitete nga 269 sa janë planifikuar në përgjithësi, ndërkaq një pjesë tjetër është në zhvillim e sipër.
    Po ashtu, anëtarët u informuan se është duke u zhvilluar periudha për ndërrimin e Qendrës së Votimit brenda komunës dhe që nga fillimi i saj më 28 qershor dhe deri më 1 korrik, janë pranuar 246 kërkesa, prej të cilave 212 janë aprovuar, ndërkaq 34 të tjera janë refuzuar për shkak të dokumentacionit të paplotësuar.
    Në këtë mbledhje u bë e ditur se ka filluar programi orientues për trajnimin e anëtarëve të Komisioneve Komunale të Zgjedhjeve, i cili fillimisht është mbajtur për anëtarët e disa komunave dhe do të vazhdojë edhe gjatë javës.
     
     
     

  • Wimbledon/ Sinner e Djokoviç kalojnë pa probleme, Zverev eleminohet që në raundin e parë

    Wimbledon/ Sinner e Djokoviç kalojnë pa probleme, Zverev eleminohet që në raundin e parë

    Jannik Sinner fitoi lehtësisht në Wimbledon në derbin Italian ndaj Luca Nardit me rezultatin 6-4, 6-3, 6-0 dhe kaloi në raundin e dytë ku do të përballet me australianin Aleksandr Vukic. Sinner dominoi ndeshjen, duke qenë i barabartë vetëm në setin e parë, ndërsa më pas imponoi superioritetin e tij.
    Nga ana tjetër, Novak Djokovic kaloi gjithashtu pa probleme në raundin e dytë pas një beteje të fituar 3-1 me sete ndaj francezit Muller. Pas një fillimi të lehtë me 6-1, Djokovic u përball me rezistencë në setin e dytë, të cilin e humbi në tie-break, por u rikthye fuqishëm duke fituar setet e mëtejshme me 6-2, 6-2.

    Ndërsa, një surprizë erdhi nga eliminimi i Alexander Zverev, nr.3 I botës, i cili pas një ndeshjeje të gjatë u mund 3-2 me sete nga francezi Rinderknech. Ndeshja pati shumë kthesa dhe tie-break-e, por në setin e pestë francezi doli fitues me 6-4.
    Po ashtu, dolën nga gara edhe Bublik, Eubanks, Michelsen dhe Walton pas ndeshjeve të ngushta me rezultatin 3-2.
    Ndërkohë tek femrat suprizën e solli eleminimi I tenistes amerikane nr.2 në botë dhe favorites për të triumfuar në këtë turne Coco Gauf, e cila u mund 2-0 nga ukrainasja Yastremska.

  • Ka fituar 115 mijë euro në Wimbledon por nuk mund t’I tërheqë dot paratë, ja arsyeja e çuditshme

    Ka fituar 115 mijë euro në Wimbledon por nuk mund t’I tërheqë dot paratë, ja arsyeja e çuditshme

    Oliver Tarvet është një nga surprizat e mëdha të raundit të parë të grand slam-it të Wimbledon. Pasi kaloi kualifikimet javën e kaluar, anglezi 23-vjeçar mposhti zviceranin Leandro Riedi dhe kështu fitoi aksesin në raundin e dytë si numri 733 në botë.
    Një “përrallë e bukur” për tarvet, e kurorëzuar edhe me një çmim të konsiderueshëm financiar. Për fitoren në raundin e parë ai ka arkëtuar 99,000 paund, afërsisht 115,000 euro.
    Për fat të keq, Tarvet nuk mund ta marrë atë premio për shkak të statusit të tij. Në jetën e përditshme Oliver studion në Universitetin e San Diego, në Shtetet e Bashkuara të Amerikës.
    Dhe, për ata që janë të regjistruar në qarkun NCAA, nuk mund të tërheqin shuma më të larta se 7,300 paund, praktikisht 8,505 euro. Ndërkohë që, në raundin e dytë ai do të përballet me spanjollin Carlos Alcaraz, numrin 2 në botë.
    Gjithsesi, i riu anglezi po mendon për sfidën me spanjollin: “Kjo është ëndrra ime. Nuk jam këtu për paratë, por vetëm për publikun dhe përvojën, duke u përpjekur të lë gjurmën time”.
    “Kam punuar shumë për të marrë këto parà. Nuk mendoj se është e pamerituar. Ndoshta duhet të ketë një ndryshim në rregullat e NCAA-së, por në të njëjtën kohë nuk dua të përfshihem, nuk është fusha ime“, tha Oliver Tarvet.

  • Deontay Wilder rikthehet te fitorja pas më shumë se dy vitesh, ish-kampioni i botës synon sërish majat

    Deontay Wilder rikthehet te fitorja pas më shumë se dy vitesh, ish-kampioni i botës synon sërish majat

    Boksieri amerikan Deontay Wilder, ish-kampion bote në peshën e rëndë, rikthehet te suksesi në ring pas më shumë se dy vitesh e gjysmë. Në duelin e zhvilluar në Kansas (Amerikë) ai mundi me KO teknik në raundin e shtatë Tyrrell Anthony Herndon.
    Ky është suksesi i 44-t në karrierë për boksierin 39-vjecar amerikan, që numëron edhe 4 humbje e 1 barazim. Por ajo që ka rëndësi është rikthimi i tij te suksesi, madje me KO, që ka qenë specialiteti i tij (ka 43 fitore me KO).
    Wilder rikthehej në ring pas gati një viti e dy humbjesh radhazi, që për një moment la të kuptosh se ai do të tërhiqej. Por duket se amerikani shpreson ende se mund të rikthehet protagonist në ring, duke synuar sërish majën.
    “The Bronze Bomber” arriti ta hedhë rivalin në tapet edhe në raundin e dytë, por ai arriti të vijojë duelin. Më pas, falë grushteve të vazhdueshme, ai e vuri në vështirësi rivalin e tij, deri sa në raundin e shtatë gjyqtari ndali duelin.
    “Ndihesha shumë mirë. Qëndrova pushim për një kohë të gjatë duke u përpjekur të rikuperoja veten dhe ka qenë një rrugë e gjatë për mua. Jam thjesht i lumtur që jam rikthyer në ring, e dini. Ky është një fillim i ri për mua“, tha Wilder pas duelit.

  • Benfika mund Bajernin, mbyll e para te Grupi C

    Benfika mundi Bajern Mynih në raundin e fundit të grupit të Kupës së Botës për Klube për Grupin C dhe përfundoi e para përpara klubit bavarez i cili ishte kualifikuar që në turin e dytë. Ndeshja u vendos nga një gol i shënuar pas 13 minutash nga mesfushori norvegjez Andreas Schjelderup. Sulmi bavarez i treguar në pjesën e dytë nuk pati sukses, ku Kimish i’u anulua një gol për pozicion jashtë loje.

    Ndeshja tjetër e mbrëmjes midis Boka Zhuniors dhe Oukland u shty për shumë minuta për shkak të motit të keq. Ajo u luajt shumë minuta më vonë dhe surprizisht përfundoi 1-1. Ndeshja e zhvilluar në Geodis Park pati vetëm rëndësi statistikore pasi të dyja ekipet pas përfundimit të Benfika- Bajern 1-0 janë të eleminuara.

    Në raundin për 1/8-at, ekipi i Bajernit do të përballet me brazilianët e Flamengo-s, ndërsa Benfika aktualisht llogarit Çelsin.

    Vazhdo leximin

  • Shorti i skuadrave shqiptare në raundin e dytë

    Shorti eventual për raundin e dytë kualifikues të Ligës së Konferencës UEFA 2025/2026 u zhvillua dje në Shtëpinë e Futbollit Europian në Nion të Zvicrës. Ndeshjet në shtëpi dhe jashtë fushe do të luhen më 24 dhe 31 korrik 2025.

    Skuadrat shqiptare në këtë raund:

    PFC Ludogorets 1945 (BUL) / FC Dinamo-Minsk (BLR) – KF Egnatia (ALB) / Breidablik (ISL)

    KF Vllaznia (ALB) / BFC Daugavpils (LVA) vs FC Malisheva (KOS) / Víkingur Reykjavík (ISL)Hammarby Fotboll (SWE) vs R. Charleroi SC (BEL)

    St. Patrick’s Athletic (IRL) / FC Hegelmann (LTU) vs Nõmme Kalju FC (EST) / FK Partizani (ALB)

    Atlètic Club d’Escaldes (AND) / F91 Diddeleng (LUX) – FC Dinamo City (ALB)

    FC Ballkani (KOS) – Floriana FC (MLT) / Haverfordwest County AFC (WAL)

    Larne FC (NIR) / FK Auda (LVA) – FC Sheriff Tiraspol (MDA) / FC Prishtina (KOS)

    The New Saints FC (WAL) / KF Shkëndija (MKD) – FC Drita (KOS) / FC Differdange 03 (LUX)

    FK Dečić (MNE) / FC Sileks (MKD) vs SK Rapid (AUT)

    Datat dhe orët e ndeshjeve sipas UEFA-s do të komunikohen deri më 23 qershor 2025 ( vajtje-kthim).

    Vazhdo leximin

  • Egnatia mëson skuadrën e turit të dytë në Champions, Dinamo mëson rivalen në Conference League

    Egnatia mëson skuadrën e turit të dytë në Champions, Dinamo mëson rivalen në Conference League

    Adriatik BALLA
    Skuadrat e kampionatit shqiptar mësuan rivalët e tyre në turet e para të kompeticioneve të UEFA-s për klube. Natyrisht, vëmendjen kryesore e mori shorti i UEFA Champions League, pasi aty luan edhe kampionia jonë, Egmatia, e cila e nis nga turi i parë paraeliminator. Shorti për turin e parë në Champions dhe kompeticionet e tjera u hodh të martën, kurse dje u hodh shorti për turin e dytë paraeliminator. Sidomos me interes ishte shorti dje pasi aty u mësua edhe rivali i Dinamo Sitit të Shqipërisë, skuadër që ka fituar trofeun e Kupës së Shqipërisë dhe që këtë edicion, sipas një vendimi të vetë UEFA-s, e nis garën nga turi i dytë, pra ka një shans më shumë. Ndoshta Ilir Daja mund të përsërisë me dinamon atë ë ka bërë me Skënderbeun dhe me Ballkanin e Kosovës, duke e dërguar “nëndetësen” shqiptare në fazën e grupeve të Ligës së Konferencës.
    Egnatia me rivalë të fortë
    Kampionia e Shqipërisë, Egnatia e Rrogozhinës, ka mësuar kundërshtarin e mundshëm për raundin e dytë të Champions League, nëse kalon me sukses Breidablikun në raundin e parë. Në shortin e hedhur sot në selinë e UEFA-s në Nion të Zvicrës, goglat e vendosën përballë skuadrës polake, KKS Lech Poznan. Skuadra rrogozhinase do të nisë aventurën në raundin e parë kualifikues ndaj Breidablik më 8 ose 9 korrik në “Egnatia Arena”, ndërsa ndeshja e kthimit do të luhet më 15 ose 16 korrik. Sakaq, Egnatia, në rast se eliminohet nga Breidablik në raundin e parë të Champions League, do të vazhdojë aventurën europiane në raundin e dytë të Conference League, ku mund të përballet me humbësin e çiftit PFC Ludogorets 1945 (BUL) – FC Dinamo-Minsk (BLR).
    Dinamo direkt e në raundin e dytë të Conference League
    Ndërkohë që vëmendjen kryesore e mori Egnatia, pasi luan në Champions e me rivalë të fortë, duket se nuk mbeti jashtë vëmendjes as Dinamo, e cila dje njohu rivalin e saj në Europë. Në fakt, Dinamo Siti do të përballet me fituesin e çiftit Atletic Club d’Escaldes (AND) – F91 Didelanzh (LUX) në turin e dytë kualifikues të UEFA Conference League. Blutë, pas vendimit të UEFA-s, kaluan direkt në këtë raund. Ndeshjen e parë Dinamo Siti do ta zhvillojë në transfertë më 24 korrik, ndërsa ndeshja e kthimit do të luhet në shtëpi më 31 korrik. Ndërkohë, Vllaznia dhe Partizani kanë mësuar kundërshtarët e mundshëm në raundin e dytë të Conference League, nëse arrijnë të kalojnë me sukses fazën e parë kualifikuese.
    Nëse Vllaznia eliminon BFC Daugavpils, atëherë në raundin e dytë do të përballet me fituesin e çiftit FC Malisheva (KOS) – Víkingur Reikjavik (ISL). Partizani, që ishte në vazon e favoritëve për raundin e dytë, në rast të kalimit të Nõmme Kalju FC, do të luajë më tej ndaj fituesit të çiftit St. Patrick’s Athletic (IRL) – FC Hegelman (LTU). Mbetet të shihet se si do të paraqiten skuadrat tona në kompeticionet e UEFA-s, por pritshmëritë janë të mëdha për më tepër që klubet kanë nisur të studiojnë fort tregun për lojtarë cilësorë. Në këtë drejtim diferencën e bëjnë klubet që paguajnë më shumë.
     

  • Dinamo peshkon skuadrën jo favorite, Vllaznia rrezikon Malishevën

    Dinamo u përball me shortin e radhës pasi dje ajo mësoi se Drogeda rivali i mbetur u përjashtua nga shorti i këtij edicioni me blutë që kaluan direkt në turin e dytë. Shkak u bë Grupi Trivela i cili është pronarë jo vetëm te irlandezët por dhe te Silkeborg në Danimarkë. UEFA për shkak të rregullave mbi pronësinë e shumëfishtë të klubeve, e eleminoi Drogedan nga gara.

    Ndërkohë sot skuadra e Ilir Dajës mësoi rivalin që do të ketë përballë në raundin e dytë të Conference League. Sërish fati i rezervoi një ekip jo me potenciale si Rapid, Jagiellonia dhe Universitatea Kraiovës.

    Dinamo do të përballet me fituesin e çiftit Dudelanzh-Atletik d’Eskaldes. Sigurisht që një short më i favorshëm, pasi këto skuadra vijnë nga kampionate si Andorra e Luksemburgu.

    Sakaq, Vllaznia dhe Partizani kanë mësuar gjithashtu kundërshtarët e mundshëm në raundin e dytë të Conference League, nëse arrijnë të kalojnë fazën e parë kualifikuese.

    Nëse Vllaznia eliminon Daugavpils, në raundin e dytë do të përballet me fituesin e çiftit FC Malisheva (KOS) – Víkingur Rejkjavik (ISL).

    Raundi i dytë eventual për Partizanin, vjen ndaj fituesit të çiftit St. Patrick’s (IRL) – FC Hegelmann (LTU).

    E vështirë për Egnatian, gjithnjë në rast se eliminohet nga islandezët e Breidablik në raundin e parë të Champions League. Kalimi në raundin e dytë të Conference League, e vendos me humbësin e çiftit Ludogorets (BUL) – FC Dinamo Minsk (BLR).

    Vazhdo leximin

  • Dinamo e Ilir Dajës është me fat! Kaluan turin e parë pa luajtur dhe turi i dytë është i lehtë, Vllaznia mund të luajë me Malishevën 

    Dinamo e Ilir Dajës është me fat! Kaluan turin e parë pa luajtur dhe turi i dytë është i lehtë, Vllaznia mund të luajë me Malishevën 

    Dinamo City do të përballet me fituesin e çiftit Atlètic Club d’Escaldes (AND) – F91 Diddeleng (LUX) në turin e dytë kualifikues të UEFA Conference League. Blutë, pas vendimit të UEFA-s, kaluan direkt në këtë raund. Ndeshjen e parë Dinamo City do ta zhvillojë në transfertë më 24 korrik, ndërsa ndeshja e kthimit do të luhet në shtëpi më 31 korrik. 
    Ndërkohë, Vllaznia dhe Partizani kanë mësuar kundërshtarët e mundshëm në raundin e dytë të Conference League, nëse arrijnë të kalojnë me sukses fazën e parë kualifikuese. 
    Nëse Vllaznia eliminon BFC Daugavpils, atëherë në raundin e dytë do të përballet me fituesin e çiftit FC Malisheva (KOS) – Víkingur Reykjavík (ISL). 
    Partizani, që ishte në vazon e favoritëve për raundin e dytë, në rast të kalimit të Nõmme Kalju FC, do të luajë më tej ndaj fituesit të çiftit St. Patrick’s Athletic (IRL) – FC Hegelmann (LTU). 
    Sakaq, Egnatia, në rast se eliminohet nga Breidablik në raundin e parë të Champions League, do të vazhdojë aventurën europiane në raundin e dytë të Conference League, ku mund të përballet me humbësin e çiftit PFC Ludogorets 1945 (BUL) – FC Dinamo-Minsk (BLR).