Raundi i katërt në Conference League, programi për sot – Sporti im
Skip to content
Vazhdo leximin
error: Nuk lejohet kopjimi i materialit!
Tag: raundi
-
Ukraina mund pastër Shqipërinë, nis me humbje raundi i parë u kualifikueseve të europianit për kuqezinjtë U-19
Nisi në mënyrën më të keqe të mundshme raundi i parë i kualifikueseve të kampionatit europian për kombëtaren shqiptare të 19-vjeçarëve.
Në duelin e luajtur në “Niko Dovana” të Durrësit, kuqezinjtë e rinj u mundën 3 me 0 nga Ukraina, një nga rivalët e grupit “B5”. Rezultati në favor të ukrainasve u zhbllokua në minutën e 34 nga Redushko.
Shqipëria u përpoq të reagonte në pjesën e dytë, madje krijoi edhe mundësi, por në momentin më të mirë u godit nga goli i dytë i miqve, me autor Popov. Ky gol bëri që skuadra të dorëzohej, e jo vetëm kaq, por të pësonte edhe golin e tretë nga Kamenski.Në duelin tjetër të grupit, Sllovakia mposhti Malin e Zi në Rrogozhinë me rezultatin 3-0.
Më 15 nëntor kuqezinjtë do të përballen me Sllovakinë, ndërsa duelin e tretë do ta kemi kundër Malit të Zi./vizionplus.tv -
Kosovë, raundi i dytë i “lokaleve”, pjesëmarrja vetëm 32%
Në faqen e KQZ-së kanë nisur që të publikohen rezultatet e para preliminare për rundin e dytë të zgjedhjeve lokale, që u zhvillua në 18 komuna.
Sipas të dhënave, pjesëmarrja në zgjedhje ishte 32 për qind, më e ulët se rundin e parë kur votuan 40.10 për qind e votuesve.
Për shkak të garës së ngushtë mes kandidatëve, në 18 prej komunave , mbi 1 milionë qytetarë kishin të drejtën të shprehnin të drejtën e tyre në kutitë e votimit.Balotazhi është mbajtur në disa prej qyteteve më të mëdha të vendit, si Prishtina, Prizreni, Peja, Gjilani etj.
-
Raundi i dytë i zgjedhjeve në Kosovë, EULEX monitoron sigurinë me KFOR-in dhe policinë
Këtë të dielë në Kosovë po zhvillohet raundi i dytë për kryetarë komunash. Misioni i Bashkimit Evropian për Sundimin e Ligjit (EULEX) ka njoftuar se njësitë e tij janë në terren për të monitoruar situatën e sigurisë.
Sipas shefit të Misionit të EULEX-it, Giovanni Pietro Barbano, njësitë janë duke patrulluar në bashkëpunim me Policinë e Kosovës dhe KFOR-in.
“Ndërsa Kosova mban zgjedhjet e balotazhit për kryetarë komunash, Njësitë e Policisë së Formuar Rezervë dhe Njësitë e Policisë së Formuar të EULEX-it janë në terren, duke monitoruar situatën e sigurisë në bashkëpunim me Policinë e Kosovës dhe KFOR-in”, ka shkruar Barbano.
Ai shtoi se qëllimi i pranisë së EULEX-it është që çdo votues me të drejtë vote të mund ta ushtrojë lirshëm të drejtën e tij demokratike. -
Sot, raundi i dytë i vendoreve në Kosovë. 18 komuna në balotazh
Qytetarët e 18 komunave të Kosovës votojnë sot për raundin e dytë të zgjedhjeve për kryetarë komunash. Komisioni Qendror i Zgjedhjeve (KQZ) ka konfirmuar se të gjitha vendvotimet janë hapur në kohë dhe procesi i votimit ka nisur pa pengesa.
Në konferencën e parë për media, zëdhënësi i KQZ-së, Valmir Elezi, njoftoi se materiali zgjedhor, përfshirë edhe fletëvotimet, është shpërndarë në orët e para të mëngjesit në të gjitha Qendrat e Votimit.
“Sipas informacioneve të marra nga KQZ, procesi i votimit ka filluar në të gjitha Qendrat e Votimit,” tha Elezi.
Sot, procesi i votimit po zhvillohet në 525 Qendra të Votimit, me gjithsej 1,648 vendvotime. 507 qendra me 1,628 vendvotime janë të destinuara për votimin e rregullt. 18 qendra të tjera, nga një për secilën komunë, me gjithsej 20 vendvotime, janë hapur për votimin me kusht.
Raundi i dytë i zgjedhjeve për kryetarë komunash po mbahet në këto komuna: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
Sipas listës së votuesve, numri i qytetarëve me të drejtë vote në këto komuna është 1,316,672. Përveç votimit të rregullt, KQZ ka organizuar edhe ekipe mobile/lëvizëse për 2,541 votues me nevoja të veçanta, të cilët janë regjistruar paraprakisht.
Raundi i dytë i zgjedhjeve për kryetarë komunash zhvillohet pasi asnjë prej kandidatëve nuk mundi të siguronte mbi 50% të votave të nevojshme, konkretisht në: Gjakovë, Gjilan, Dragash, Kaçanik, Klinë, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.
Lëvizja Vetëvendosje (LVV) udhëheq me numrin më të madh të garave në balotazh, e pasuar nga LDK, PDK, AAK dhe Lista Serbe. Lëvizja Vetëvendosje e fitoi garën pa balotazh në tre komuna Podujevë, Kamenicë dhe Shtime dhe shkon në balotazh në 12 të tjera. LDK-ja, garon në 9 komuna në balotazh, PDK-ja garon në 6 komuna në balotazh, AAK-ja garon në 5 komuna në balotazh, ndërsa Lista Serbe shënoi fitore në 9 komunat e banuara me shumicë serbe, ndërsa në Kllokot kryesoi, por shkon në balotazh me Unitetin Kombëtar Serb. -
Sot raundi i dytë i zgjedhjeve lokale në Kosovë, në 18 komuna vota e balotazhit do të përcaktojë fituesit
Në Kosovë zhvillohet sot raundi i dytë për zgjedhjet lokale të 12 tetorit.
Në total janë 18 nga 38 komunat e Kosovës ku do të zhvillohen sot votimet e raundit të dytë të zgjedhjeve për kryetarë.Vëmendja e opinionit publik do të jetë kryesisht te përballja për Prishtinën.
Kryeqyteti diskuton balotazhin për të zgjedhur kryetarin e ri, ndërsa qytetarët presin që kandidatët – Përparim Rama nga Lidhja Demokratike e Kosovës dhe Hajrulla Çeku nga Lëvizja Vetëvendosje – t’u japin fund problemeve që prej vitesh e ngarkojnë jetën e përditshme: trafik i rënduar, mungesë parkingu, menaxhim i dobët i mbeturinave dhe hapësira publike që po pakësohen.
Të dy kandidatët, Përparim Rama dhe Hajrulla Çeku, vijnë pas një gare të ngushtë në raundin e parë, ku morën mbi 33% të votave.
Ata dolën pothuajse në barazim nga raundi i parë i zgjedhjeve lokale të mbajtura më 12 tetor. Sipas rezultateve të Komisionit Qendror të Zgjedhjeve, Rama mori 33,79% të votave, ndërsa Çeku 33,01%, duke e çuar garën në një balotazh të ngushtë.
Të dy kandidatët premtojnë zgjidhje për problemet e përditshme të prishtinasve, si trafiku i ngarkuar dhe mbeturinat.
Në Prishtinë, ku çdo votë mund të bëjë diferencën, gara pritet të jetë e fortë dhe vendimtare jo vetëm për fatin e kryeqytetit, por edhe për balancat politike në nivel vendi, sipas analistëve.
Fushata elektorale përfundon sot në orë 06:59, teksa qendrat e votimit zyrtarisht hapen në orën 07:00.
Komunat që zhvillojnë balotazh janë: Prishtina, Prizreni, Peja, Juniku, Dragashi, Gjakova, Kaçaniku, Fushë Kosova, Mitrovica e Jugut, Rahoveci, Suhareka, Gjilani, Vitia, Vushtrria, Obiliqi, Klina, Mamusha dhe Kllokoti.
Kujtojmë se LVV është në balotazh në 12 komuna të Kosovës, LDK në 9 komuna, PDK në 6 komuna, ndërsa AAK në 5 komuna. -
Balotazhi në Kosovë/ Raundi i dytë i zgjedhjeve për 18 komuna, mbi 1 milionë qytetarë me të drejtë vote
Mbi 1 milionë e 316 mijë qytetarë të Kosovës kanë sot të drejtën e votës, pjesë e procesit të dytë zgjedhor, për zgjedhjen e kryetarëve të komunave.
Raundi i parë i zhvilluar më 12 tetor, dërgoi në balotazh 18 komuna: Prishtinë, Prizren, Gjakovë, Gjilan, Dragash, Kaçanik, Klinë, Fushë-Kosovë, Mitrovicë e Jugut, Obiliq, Rahovec, Pejë, Suharekë, Viti, Vushtrri, Junik, Mamushë e Kllokot. Gara do të zhvillohet mes dy kryetarëve më të votuar nga raundi i parë i zgjedhjeve lokale, por që nuk arritën të siguronin më shumë se 50% të votave.
Në raundin e balotazhit partia që hyn në më shumë komuna si forcë e parë është Lëvizja Demokratike e Kosovës (LDK) me 6 të tilla, Aleanca për Aardhmërinë e Kosovës (AAK) në 4 dhe Partia Demokratike e Kosovës (PDK) me Lëvizja Vetëvendosje (LVV) në 3 komuna.
Garat më të forta konsiderohen ato për Prishtinën dhe Prizrenin. Për Prishtinën, garon kryetari aktual i LDK, Përparim Rama, dhe kandidati i LVV, Hajrulla Çeku. Në Prizren, Shaqir Totaj i PDK do të jetë përballë Artan Abrashit të Vetëvendosjes. PDK do mbështetet nga LDK sipas një marrëveshjeje.
Komunat Kandidatët
Prishtinë Përparim Rama LDK – Harullah Çeku LVV
Prizren Shaqir totaj PDK – Artan Arashi LVV
Pejë Gazmend Munaxheri LDK – Taulant Kelmendi LVV
Junik Ruzhdi Shehu LDK – Agro Kuçi AAK
Dragash Bexhet Xheladini LDK – Shaban Shabani PDK
Kaçanik Sabedin Vishi PDK – Jeton Raka LVV
Fushë Kosovë Valon Prereza LVV – Besnik Osmani LDK
Mitrovicë Arian Tahiri PDK – Faton Peci LVV
Rahovec Smajl Latifi AAK – Ali Dule LVV
Suharekë Bali Muharremaj AAK – Ardian Shala LDK
Gjilan Alban Hyseni LVV – Arbër Ismajli LDK
Vushtrri Ferit Idrizi PDK – Sylejman Meholli LVV
Obiliq Xhafer Gashi LDK – Halil Thaçi LVV
Klinë Zenun Elezaj AAK – Sokol Bashota PDK
Kllokot Bozhidar Dejanoviq Lista Serbe – Sreqko Spasiqi Uniteti Kombëtar Serb
Garën pa balotazh e përmbyllën: Agim Aliu i PDK-së në Ferizaj, Imri Ahmeti i LDK-së në Lipjan, Kadri Rahimaj nga LVV-ja në Kamenicë, Bashkim Ramosaj i AAK-së në Deçan, Ilir Ferati i LDK-së në Istog, Shpejtim Bulliqi i LVV-së në Podujevë, Sami Lushtaku i PDK-së në Skënderaj, Ekrem Kastrati në Malishevë dhe Ramiz Lladrovci nga partia “Për Drenasin Kampion” me Ramiz Lladrovcin në Drenas. -
Raundi i parë i kualifikueseve të Euro 2026 U-17/ Kombëtarja nis nesër grumbullimin në Kroaci, trajneri Tafaj fton 20 lojtarë
Kombëtarja shqiptare U-17 nis të dielën grumbullimin për sfidat e raundit të parë të kualifikueseve të Kampionatit Europian 2026. Përfaqësuesja jonë është pjesë e grupit 8 së bashku me Holandën, Kazakistanin e Kroacinë. Këta të fundit do të jenë edhe pritës të mini-turneut të këtij raundi.
Trajneri Fatjon Tafaj ka grumbulluar 20 lojtarë për këto sfida të rëndësishme, dy prej të cilëve portierë, 8 mbrojtës, 6 mesfushorë dhe 5 sulmues. Kuqezinjtë do të nisin grumbullimin direkt në Kroaci, ku do të zhvillojnë edhe përgatitjet për këto kualifkuese.Shqipëria do të luajë ndeshjen e parë të këtij raundi kundër Holandës më 11 nëntor në ora 13:45. Sfida e dytë e kuqezinjve është ajo ndaj vendasve të Kroacisë, më 14 nëntor në ora 11:30 ndërsa përballja e fundit e këtij grupi do të jetë ndaj Kazakistanit më 17 nëntor në ora 11:30.
Capture -
Del lista me lojtarët e thirrur për kualifikueset e Euro U-17. Shqipëria në grup me Holandën, Kroacinë dhe Kazakhistanin
8 Nëntor 2025
17:51
Telesport
Kombëtarja shqiptare U-17 nis të dielën grumbullimin për sfidat e raundit të parë të kualifikueseve të Kampionatit Europian 2026. Përfaqësuesja jonë është pjesë e grupit 8 së bashku me Holandën, Kazakistanin e Kroacinë. Këta të fundit do të jenë edhe pritës të mini-turneut të këtij raundi.
Trajneri Fatjon Tafaj ka grumbulluar 20 lojtarë për këto sfida të rëndësishme, dy prej të cilëve portierë, 8 mbrojtës, 6 mesfushorë dhe 5 sulmues. Kuqezinjtë do të nisin grumbullimin direkt në Kroaci, ku do të zhvillojnë edhe përgatitjet për këto kualifkuese.
Shqipëria do të luajë ndeshjen e parë të këtij raundi kundër Holandës më 11 nëntor në ora 13:45. Sfida e dytë e kuqezinjve është ajo ndaj vendasve të Kroacisë, më 14 nëntor në ora 11:30 ndërsa përballja e fundit e këtij grupi do të jetë ndaj Kazakistanit më 17 nëntor në ora 11:30.
Të gjitha ndeshjet e këtij raundi do të transmetohen live në FSHF Tv.