Lajmidites.com

Tag: range

  • Hap pas hapi! Publikohet VIDEO e vrasjes-I parkuar me ‘Range Rover’, autori i shkon në këmbë dhe qëllon mbi Mondi Mëhallën

    Hap pas hapi! Publikohet VIDEO e vrasjes-I parkuar me ‘Range Rover’, autori i shkon në këmbë dhe qëllon mbi Mondi Mëhallën

    PAMJE NGA NGJARJA

    ELBASAN-Janë publikuar pamjet nga momenti i ekzekutimit të biznesmenit Edmond Hyka alias Mondi Mëhalla në Elbasan mbrëmjen e 30 nëntorit. Në videon e siguruar nga ZËRI shihet momenti kur autorët afrohen pranë makinës së viktimës, i cili ndodhej në mjetin e tij tip ‘Range Rover’ i parkuar pranë karburantit “Xhaxhi Oil” në pronësi të tij. Pasi i janë afruar me makinë, njëri prej ekzekutorëve me kapuç në kokë zbret dhe shkon më këmbë drejt Mëhallës duke e qëlluar për vdekje disa herë.

    Në lidhje me ekzekutimin, Policia ka vënë në pranga Xhino Agon, ish-ortakun e Mëhallës, i cili akuzohet se iu ka dhënë hua mjetin dy prej autorëve të përfshirë në ngjarje, të shpallur në kërkim Amarildo Kola dhe Marselo Arani, si dhe rojen e karburantit, shtetasin Kujtim Pisha, i cili akuzohet për moskallëzim krimi. Në pranga është vendosur edhe Nevzat Spaho.

    Në pamjet filmike të grumbulluara nga grupi hetimor, Arani shihet duke marrë markinën tip Audi nga parkimi, ndërsa më pas makina u përdor për largimin e vrasësve të biznesmenit në drejtim të Librazhit, ku dhe mjeti u gjet i djegur në fshatin Mirakë. Pavarësisht arrestimeve, grupi hetimor ende nuk ka deklaruar një pistë konkrete për vrasjen e biznesmenit Mëhalla, i cili u qëllua me disa plumba, 2 prej tyre në kokë./ZËRI

  • Vrasja e biznesmenit në Elbasan, u qëllua në kokë sapo hyri në “Range Rover”, autorët u larguan me “Audi”

    mondi mehalla

    ELBASAN- Detaje të reja kanë dalë në dritë në lidhje me ekzekutimin e biznesmenit Mondi Mëhalla, në Unazën Jugore të qytetit të Elbasanit.
    Burime bëjnë me dije se biznesmeni sapo kishte dalë nga zyra e tij e karburantit dhe kishte hyrë ne automjetin “Range Rover”, në momentin që është qëlluar nga autorët, që dyshohet se kanë qenë 2.
    Mësohet se Mëhalla është qëlluar me dy plumba në kokë, që i kanë shkaktuar vdekjen e menjëhershme.
    Viktima mësohet se administronte disa biznese. Karburanti i tij, Xhaxhi Oil ishte në dalje të qytetit, në rrugën që të dërgon drejt Librazhdit.
    Mëhalla ka qenë i proceduar për armëmbajtje pa leje dhe shpërndarje të lëndëve narkotike. Grupi hetimor është në vendngjarje dhe po punon për zbardhjen e rastit.
    Autorët janë larguar me një mjet tip Audi në ngjyrë të zezë nga vendi i ngjarjes, dyshohet në drejtim të Librazhdit.
    Ngjarja ka pasur dëshmitarë të shumtë, edhe punonjës të karburantit, deklaratat e të cilëve po merren nga hetuesit. /ZËRI

  • I shpërthyen ‘Range Rover’-in me tritol/ Administratori i Fushë-Krujës: Po darkoja kur…

    I shpërthyen ‘Range Rover’-in me tritol/ Administratori i Fushë-Krujës: Po darkoja kur…

    Kryetari i njësisë administrative të Fushë-Krujës, Ilir Loci, makina e të cilit u hodh dje në erë pas një shpërthimi me lëndë plasëse, mohon të ketë qenë objektiv i sulmit.

    Në një reagim për News24, Loci thekson se tritoli ishte hedhur në parkimin e restorantit ku ai po darkonte dhe pikërisht te automjeti i tij tip Range Rover me targën KR 8778A. Sipas tij, nga shpërthimi u dëmtua mjeti i tij dhe një tjetër.

    “Në respekt të interesimit tuaj dua të ju informoj se lënda plasëse është hedhur ne parkingun e restorantit ku un po darkoja dhe është dëmtuar makina ime dhe një makine tjetër. Kjo është e dokumentuar me kamera, me foto nga policia në vendngjarje”, thuhet në reagimin e Locit.

    Shpërthimi ka qenë shumë i fuqishëm saqë është dëgjuar në të gjithë zonën përreth, por fatmirësisht ka pasur vetëm dëme materiale. Policia po vijon hetimet për zbardhjen e ngjarjes.

  • Hidhet në erë me tritol ‘Range Roveri’ i kryetarit të Njësisë Administrative Fushë Krujë

    Hidhet në erë me tritol ‘Range Roveri’ i kryetarit të Njësisë Administrative Fushë Krujë

    PAMJE NGA VENDNGJARJA

    KRUJË-Një shpërthim i fuqishëm me lëndë eksplozivi është regjistruar mbrëmjen e djeshme (29 shtator) në parkingun e një restoranti në Fushë-Krujë, ku është hedhur në erë makina e kryetarit të Njësisë Administrative Fushë-Krujë, Ilir Loci.
    Automjeti tip “Range Rover” ishte i parkuar, kur një sasi eksplozivi shpërtheu në pjesën e parme të saj. Sipas informacioneve paraprake, eksplozivi dyshohet të jetë hedhur nga një rrugicë pranë restorantit, duke shkaktuar dëme dhe tek një automjet tjetër të parkuar aty pranë.
    Njoftimi i policisë:
    Rreth orës 22:00, në fshatin Larushk, në parkimin e lokalit të shtetasit A. M., dyshohet se është hedhur një sasi lënde e dyshuar plasëse.
    Si pasojë e shpërthimit janë dëmtuar 2 automjete të parkuara, në pronësi të shtetasve E. K. dhe I. L.
    Grupi hetimor ndodhet në vendngjarje dhe po kryen veprimet hetimore për sqarimin e rrethanave të ngjarjes, si dhe për identifikimin dhe kapjen e autorit./ZËRI

  • Digjen “Benz”-i dhe “Range-Roveri” në fshatin Prekal të Shkodrës

    Digjen “Benz”-i dhe “Range-Roveri” në fshatin Prekal të Shkodrës

    Dy automjete janë djegur rreth orëve të para të mëngjesit në Shkodër.

    Ngjarja ka ndodhur në fshatin Prekal, kanë marrë flakë dhe janë djegur dy automjete tip “Benz” dhe “Range Rover”, në përdorim nga shtetasi E. N., 35 vjeç, të cilat kanë qenë të parkuara në rrugë, në afërsi të banesës së tij.
    Grupi hetimor po punon për sqarimin e plotë të rrethanave dhe të shkakut të rënies së zjarrit.

    Top Channel

  • E përplasi 17-vjeçari me “Range Rover”, ndërron jetë pas 10 ditësh në koma Kreshnik Tomani, baba i tre fëmijëve

    E përplasi 17-vjeçari me “Range Rover”, ndërron jetë pas 10 ditësh në koma Kreshnik Tomani, baba i tre fëmijëve

    Ka ndërruar jetë pas më shumë se 10 ditësh në Koma Kreshnik Tomani, 35-vjeç, baba i tre fëmijëve.

    Tomai u përplas më 24 gusht nga nj1 17-vjeçar, i cili pa patentë drejtonte një makinë “Range Rover”.Lexo edhe :Related Posts
    35-vjeçari u dërgua në spitalin e Traumës, por nuk arriti që të mbijetonte.

    Ngjarja ka tronditur familjen, të afërmit dhe komunitetin fierak.
    Varrimi i tij do të bëhet ditën e premte 5 shtator ora 10:00 në Drenovic të Beratit./vizionplus.tv

  • Nga Range Rover te BMW X5/ Autori i vrasjes së trefishtë në Gjilan, reklamonte jetën luksoze në rrjetet sociale

    Nga Range Rover te BMW X5/ Autori i vrasjes së trefishtë në Gjilan, reklamonte jetën luksoze në rrjetet sociale

    Po ashtu, në postime, ai del krah politikanëve të lartë në Kosovë, përfshirë presidenten Vjosa Osmani, kryeministrin Albin Kurti, ministrin e Brendshëm Xhelal Sveçla, kryetarin e Prishtinës, Përparim Rama apo kryetarin e AAK-së, Ramush Haradinaj.
    Autorit që akuzohet për vrasjen e trefishtë në Gjilan dhe që është dënuar me herët për fajde, Mefail Shkodra, nuk hezitonte të shfaqte jetën luksoze në rrjetet sociale. Në profilin e tij në “Instagram”, Shkodra ka ndarë foto me makina si “Range Rover” dhe “BMW X 5”.
    Shkodra shfaqej krenar për arritjet e tij dhe këtë e tregojnë statuse si “nëse ndalesh sa herë që një qen leh, nuk ke për ta mbaruar kurrë rrugën tënde” apo “njerëzit e fortë rrallë kanë një të kaluar të lehtë”.
    Në qershor të vitit të kaluar, ai u arrestua bashkë me të birin, nën dyshime se jepte para me fajde dhe më pas kërcënonte e shantazhonte viktimat. Mefail Shkodra akuzohet se është autori i vrasjes së tre personave mesditën e sotme në Gjilan.
    Pas një shkëmbimi zjarri, ai dyshohet se la të vdekur një burrë, së bashku me të birin dhe dhëndrin, ndërsa plagosi një tjetër. Paratë më fajde dyshohet se shkaktuan përplasjen, megjithatë hetimet për ngjarjen vijojnë.

  • Aksidenti tragjik ku vdiq 7-vjeçari, burg pa afat për ukrainasin

    Aksidenti tragjik ku vdiq 7-vjeçari, burg pa afat për ukrainasin

    Arrest në burg ka qenë vendimi i sapomarrë nga Gjykata e Shkallës së Parë në Gjirokastër, në ngarkim të Vadym Tryfonony, shtetasit ukrainas i cili dy ditë më parë, teksa ishte duke udhëtuar me mjetin e tij Mercedez Benz, u përplas me një Range Rover në kthesën e Luftinjës, në aksin nacional Memaliaj-Mallakaster, duke shkaktuar vdekjen e një fëmije 7-vjeçar që ndodhej në bordin e Range Rover që drejtohej nga i ati i tij, Blerim Dulaj.
    Prokurorja e çështjes, Aulona Haxhiraj, ka dhënë detajet nga aksidenti bazuar nga ekspertimi i grupit hetimor, ku bën fajtor shtetasin ukrainas i cili ka konsumuar veprën penale të shkeljes së rregullave të qarkullimit rrugor me pasojë vdekje.
    Pas kësaj, gjykatësja Entela Selmanaj ka dhënë masën e arrestit burg pa afat. Seanca gjyqësore është zhvilluar në pavionin e kirurgjisë, në spitalin rajonal të Gjirokastrës, nga ku ndodhet i shtruar me fraktura të shumta në gjymtyrë turisti i arrestuar ukrainas i cili kishte ardhur në Shqipëri për pushime pasi kishte prenotuar dhomë për 7 ditë në Ksamil.

  • Vrasja e 23-vjeçarit nga Mati, autorët dyshohet se erdhën me 2 makina Range Rover nga Rrësheni… (Detaje)

    Vrasja e 23-vjeçarit nga Mati, autorët dyshohet se erdhën me 2 makina Range Rover nga Rrësheni… (Detaje)

    Detaje të reja zbardhen nga hetimet e grupit hetimor që po heton shkaqet e vrasjes së 23-vjeçarit nga fshati Zenisht i Matit.
    Mediat raportojne se dy makina Range Rover dyshohet kanë ardhur nga Rrësheni për të marrë peng 23-vjeçarin Renis Dobra.

    Ndërsa një makinë tjetër, e ardhur nga Miloti,  pa u futur në rrugën Milot-Burrel, ka kontrolluar rrugën 12 km nëse ka lëvizje. Për këtë ngjarje, pritet të shoqërohen 10 persona.

  • Detaje/ Vrasja e 23-vjeçarit nga Mati, autorët dyshohet se erdhën me 2 makina Range Rover nga Rrësheni

    Detaje/ Vrasja e 23-vjeçarit nga Mati, autorët dyshohet se erdhën me 2 makina Range Rover nga Rrësheni

    Detaje të reja zbardhen nga hetimet e grupit hetimor që po heton shkaqet e vrasjes së 23-vjeçarit nga fshati Zenisht i Matit.
    Mediat raportojne se dy makina Range Rover dyshohet kanë ardhur nga Rrësheni për të marrë peng 23-vjeçarin Renis Dobra.
    Ndërsa një makinë tjetër, e ardhur nga Miloti,  pa u futur në rrugën Milot-Burrel, ka kontrolluar rrugën 12 km nëse ka lëvizje. Për këtë ngjarje, pritet të shoqërohen 10 persona.