Lajmidites.com

Tag: ramazanit

  • Vrasja e Runajt dhe Ramazanit/ Xhuliano Hoxha mbetet me burg përjetë, dënimi nuk ndryshon as për Halilin

    Vrasja e Runajt dhe Ramazanit/ Xhuliano Hoxha mbetet me burg përjetë, dënimi nuk ndryshon as për Halilin

    Emiljano Ramazanit dhe Regis Runaj

    TIRANË-Gjykata e Lartë ka lënë në fuqi vendimin e Apelit të Posaçëm për dënimin me burg përjetë të Xhulian Hoxhës dhe me 16 vite burg për Euglen Halilin, të akuzuar për vrasjen e Emiljano Ramazanit dhe Regis Runaj.
    Vendimi:
    GJKKO52104-00754-00-2024XHULIAN HOXHA, EUGLEN HALILI, JETNOR RUNAJ, DURIM RAMAZANINenet 78 paragrafi 2, 278/4, 28/4 dhe 334, si dhe neni 333/a/2 i Kodit Penal.-//-Lënien në fuqi të vendimit nr.15 (87-2024-98), datë 08.04.2024 të Gjykatës së Posaçme të Apelit për Korrupsionin dhe Krimin e Organizuar.
    Vrasja e Runajt dhe Ramazanit
    Vrasja e Runajt dhe Ramazanit ka ndodhur në vitin 2020 në Elbasan. Gjykata ka dhënë një dënim edhe më të rëndë, nga se ka kërkuar Prokuroria e Posaçme. Kjo e fundit kishte kërkuar 30 vite burg për Xhuliano Hoxhën dhe 12 për Euglent Halilin. 
    Emiljano Ramazani u vra më datë 20 korrik 2020. Ai u ekzekutua poshtë shtëpisë, kur po markonte makinën e tij. Autorët e vrasjes ishin tre persona, ku njëri ka qëlluar me breshëri automatiku. Vrasja e Ramazanit dyshohet se ka ndodhur për larje hesapesh, pas mosmarrëveshjeve për drogën. Pak ditë pas kësaj vrasje, është gjetur i vdekur dhe miku i Ramazanit, Regis Runaj, 23 vjeç. Ai ishte vrarë më thikë dhe trupi i pajetë i është gjetur pranë varrezave të qytetit, në një rrugë të braktisur./ZËRI

  • ‘Plumbi i Artë’! Si u vra Emiljano Ramazani? Alibej: Dumanit i çova 85 mijë euro, shkoi një vajzë…

    ‘Plumbi i Artë’! Si u vra Emiljano Ramazani? Alibej: Dumanit i çova 85 mijë euro, shkoi një vajzë…

    Emiljano Ramazani

    TIRANË-I penduari i drejtësisë, Erion Alibej ka rrëfyer në GJKKO rolin e Xhuliano Hoxhës në vrasjen e Emiljano Ramazanit, krim i ndodhur më 20 Korrik të vitit 2020. I penduari deklaroi se ditën e ekzekutimit të Emiljano Ramazanit ka komunikuar me Xhuliano Hoxhën. Alibej theksoi se pas kryerjes së krimit, i dërgoi Nuredin Dumanit një shumë prej 80-85 mijë euro.
    Erjon Alibej; Unë ia kam treguar. I kam thënë se kush është. I kam dhënë informacione edhe për Elio Bitrin. Ne nuk kishim një plan konkret. Nuk kishim një listë. Shikonim dhe e vlerësonim si do vepronim. Emiliano Ramazani ka qenë njëri i afërt i Talo Celës, i Mikael Qoses i vëllezërve Çopja. Kisha informacione pa fund për të. Emiliano rrinte gjatë në palestër. Nga dita kur u nisëm për ekzekutimin e tij e derisa ai doli nga palestra, Xhuliano ka qenë gjithë kohës aktiv. Ka qëndruar aty dhe kemi folur bashkë në vijimësi në SKY ECC. Për mua ishte i besueshëm informacioni. Ditën e ekzekutimit vetëm ai ka qenë informator. Për vrasjen e Emiliano Ramazanit kam komunikuar me Nuredinin. Duhet të çoja pagesën tek rrethi tek TEG. Kam dërguar Arsen Preçin atje me 80-85 mijë euro. Mesa mbaj mend ka shkuar një vajzë me taksi atje, që ka marrë lekët. Xhulianon e kam paguar gjatë gjithë kohës.
    Vrasja e Runajt dhe Ramazanit
    Vrasja e Runajt dhe Ramazanit ka ndodhur në vitin 2020 në Elbasan. Gjykata ka dhënë një dënim edhe më të rëndë, nga se ka kërkuar Prokuroria e Posaçme. Kjo e fundit kishte kërkuar 30 vite burg për Xhuliano Hoxhën dhe 12 për Euglent Halilin. Emiljano Ramazani u vra më datë 20 korrik 2020. Ai u ekzekutua poshtë shtëpisë, kur po markonte makinën e tij. Autorët e vrasjes ishin tre persona, ku njëri ka qëlluar me breshëri automatiku. Vrasja e Ramazanit dyshohet se ka ndodhur për larje hesapesh, pas mosmarrëveshjeve për drogën. Pak ditë pas kësaj vrasje, është gjetur i vdekur dhe miku i Ramazanit, Regis Runaj, 23 vjeç. Ai ishte vrarë më thikë dhe trupi i pajetë i është gjetur pranë varrezave të qytetit, në një rrugë të braktisur./ZËRI

  • “Ishte tek palestra, Hoxhaj e qëlloi me pistoletë”, Alibej rrëfen ekzekutimin e Emiljano Ramazanit: Armën donim ta linim në shtëpinë e…

    “Ishte tek palestra, Hoxhaj e qëlloi me pistoletë”, Alibej rrëfen ekzekutimin e Emiljano Ramazanit: Armën donim ta linim në shtëpinë e…

    Të tjera detaje kanë dalë në dritë në lidhje me krimet ku është përfshirë Erion Alibej, tashmë i penduar i drejtësisë.

    Ai ka zbuluar se si kanë realizuar planin për vrasjen e Emiliano Ramazanit, sipas dëshmisë së zbardhur nga gazetarja e Top Channel, Anila Hoxha.
    “Ditën e ekzekutimit, Emiliano Ramazani ishte te palestra, Henrik Hoxha ishte shofer dhe Skerdi Tase ishte ekzekutor. Ka ardhur makina e Emiljano Ramazanit, dhe pa e fikur Emiliano makinën e ka ekzekutuar Henrik Hoxhaj me pistoletë TT”, ka thënë Alibej.
    Alibej: Kur Nuredini erdhi në shtëpinë time, rreth asaj periudhe ishte kohë karantine. Doja të kishte lidhje mes Nuredinit dhe Dashnor Dumanin, dhe i kam dërguar dikë nga Roterdami për t’i nisur një telefon të enkriptuar.
    Lidhëm kontaktin dhe e ka pyetur edhe në lidhje me të afërmit e tij. Koha kur Nuredini shkonte e vinte në shtëpinë time. Nëpërmjet Eno Bitrit, lidhëm kontakt me Mikael Qosen, gjatë bisedave Nuredini i thotë po, jam unë pas këtyre vrasjeve.
    I nis një foto ku ishin shumë euro mbi tavolinë dhe një shkrim ku shkruhej datë, muaji dhe ora. Kemi 2 milionë euro për vrasjen e Erion Alibej.
    Sipas Nuredinit, i ka kërkuar gjysmën e lekëve dhe në këmbim Talo Çelën. Ka kontaktuar me Mikael Qosen që i ka thënë do i vras të gjithë jevgjit e tu. Ne i dinim të gjithë ata që na kishin vrarë familjarët e tu. Në vazhdimësi janë kryer shumë biseda.
    Nuredini solli një Pasat ngjyrë gri, makinë e vjedhur. Sa i përket një liste, nuk ka qenë kurrë një listë.
    E kemi lënë makinën në garazh te dajat e mi në Peqin. Nuk e kemi pasur një plan, përgatiteshim për diçka të radhës. Daja e nuses kishte një kapanon buzë rrugës te Metalurgjiku dhe na interesonte. Asokohe interesoheshim dhe për Bujar Çelën, vëllain e Talo Çelës. Për ekzekutimin e Bujar Çelës, e morën përsipër Henrik Hoxha dhe Skerdi Tase.
    Alibej: Gjatë kohës vendosëm për Emiljano Ramazanin, për të cilin informator kishim përveç Nuredinit, edhe Eljo Bitrin dhe Xhuljano Hoxhën.
    Avokati i Xhuljano Hoxhës: I pandehuri Xhuljano Hoxha ka kërkuar të jetë prezent kur t’i përmendet emri i tij.
    Prokuroria nuk e konsideron arsye për të ndërprerë seancën pasi mund t’i vihen në dispozicion regjistrimi me audio.
    Alibej: Donim të vrisnim Emiljano Ramazanin sepse ishte më aktivi që kishin grupi i Çopjave bashkë me Bujar Çelën. Këtë si punë e morën Henrik Hoxha dhe Skerdi Tase, për vrasjen e Emiliano Ramazanit. Kanë qenë 2-3 episodet që mbetën tentativë dhe nuk u krye ekzekutimi. Ditën e ekzekutimit, Emiliano Ramazani ishte te palestra, Henrik Hoxha ishte shofer dhe Skerdi Tase ishte ekzekutor. Ka ardhur makina e Emiljano Ramazanit, dhe pa e fikur Emiliano makinën e ka ekzekutuar Henrik Hoxhaj me pistoletë TT. Pas ekzekutimit kanë vazhduar rrugën dhe në dalje të Elbasanit, e kanë lënë armën diku në fshatin Brosh me idenë që do kthejnë dhe do e fusnin në shtëpinë e Bujar Çelës. Henrik Hoxha gjithmonë merrte makina me qera për të kryer vrasje. Emiliano Ramazanin e njihja si mik të Mikael Qoses, i njihja dhe vëllain Leonard Rrahmani.
    Unë kam qenë gjithmonë komunikues, për çdo gjë që kam bërë e kam menduar me Nuredinin.  Nuk merja unë ose ai ndonjë vendim, ai e organizonte dhe unë isha pro për çdo gjë. Për vrasjen e Emiliano Ramazanit kam qenë i interesuar unë. Nga ana ime kam patur informator Xhuljano Hoxhën dhe Nuredin Dumani Eljo Bitrin. Xhuljano Hoxha ka qenë në dijeni për vrasjen e Emiliano Ramazanit. E kam paguar edhe në këtë rast.
    Për çdo vrasje do paguheshin 100 mijë euro, për vrasjen e Emiliano Ramazanit kam paguar 75 mijë euro, aq sa më ka thënë Nuredini. Të nesërmen e ekzekutimit të vrasjes së Emilianos, kam dërguar Arsen Preçin, te rrethrrotullimi i Tegut, e priti një vajzë në taksi të cilës i dorëzoi paratë.

    Top Channel

  • “Në Tiranë fiton“, përgjimet e punonjëses së seksit! Gjatë Ramazanit ankohej për mungesë klientësh

    “Në Tiranë fiton“, përgjimet e punonjëses së seksit! Gjatë Ramazanit ankohej për mungesë klientësh

    Gjykata e Apelit la në burg një një vajzë turke që akuzohet se kishte ardhur në Shqipëri si punonjëse seksi.

    Në dosje, paraqitet dëshmia e vajzës, që pohon se në Tiranë kishte ardhur për të punuar pas propozimit të një mikeje, që i tregonte se në Shqipëri mund të fitonte shumë të ardhura.
    Në Tiranë, e priti Sinan Borat, që punonte si taksist dhe që ishte i gatshëm ta ndihmonte për të gjetur apartamentin dhe për gjithçka tjetër i nevojitej”. Borat ka treguar se për tre vite kishte punuar si parukier në zonën e Astirit, por për shkak të fitimeve të ulëta, vendosi të punonte si taksist për eksortat, që më parë i kishte pasur kliente në parukeri.
    “Më tha pse nuk shkon atje të punosh si eskortë, sepse ka shumë para, klientët paguajnë shumë. Më tha do të të presë atje një miku im turk”, thuhet në dëshminë e vajzës.
    Ajo do të punonte përmes një grupi në WhatsApp me emrin “Isil”, ku ishin tre anëtarë: vetë ajo si punëtore, një vajzë me pseudonimin Cansu (operatore) dhe Hakan, i cili ishte menaxher dhe gjente klientët që i dërgonte në apartamentin ku ajo qëndronte, thuhet në dosje.
    E reja ka pranuar që përfitimin nga puna si eskortë ta ndante përgjysmë me Hakanin, i cili jetonte në Turqi. Po ashtu, për pagesën e qirasë së apartamentit kishin rënë dakord që të ndanin shpenzimet. Hakan, përmes komunikimit në grupin WhatsApp sillte klientët në adresë. Pagesat kryheshin paraprakisht, nga 150 deri në 200 euro për 30 minuta.
    Kur arrinte një shumë të konsiderueshme parash, vajza njoftonte Hakanin, i cili dërgonte një person pranë apartamentit për të tërhequr paratë, ndërkohë që gjatë muajit të Ramazanit ankohej për shkak se nuk kishte shumë klientë./Top Channel

  • “Në Tiranë fiton shumë“/ Zbardhen përgjimet e punonjëses së seksit, gjatë muajit të Ramazanit ankohej për mungesë klientësh

    “Në Tiranë fiton shumë“/ Zbardhen përgjimet e punonjëses së seksit, gjatë muajit të Ramazanit ankohej për mungesë klientësh

    Gjykata e Apelit la në burg një një vajzë turke që akuzohet se kishte ardhur në Shqipëri si punonjëse seksi.
    Në dosjen e siguruar nga gazetarja e Top Channel, Anila Hoxha, paraqitet dëshmia e vajzës, që pohon se në Tiranë kishte ardhur për të punuar pas propozimit të një mikeje, që i tregonte se në Shqipëri mund të fitonte shumë të ardhura.
    Në Tiranë, e priti një shqiptar, që punonte si taksixhi dhe që ishte i gatshëm ta ndihmonte për të gjetur apartamentin dhe për gjithçka tjetër i nevojitej”.
    “Më tha pse nuk shkon atje të punosh si eskortë, sepse ka shumë para, klientët paguajnë shumë. Më tha do të të presë atje një miku im turk”, thuhet në dëshminë e vajzës.
    Ajo do të punonte përmes një grupi në WhatsApp me emrin “Isil”, ku ishin tre anëtarë: vetë ajo si punëtore, një vajzë me pseudonimin Cansu (operatore) dhe Hakan, i cili ishte menaxher dhe gjente klientët që i dërgonte në apartamentin ku ajo qëndronte, thuhet në dosje.
    E reja ka pranuar që përfitimin nga puna si eskortë ta ndante përgjysmë me Hakanin, i cili jetonte në Turqi. Po ashtu, për pagesën e qirasë së apartamentit kishin rënë dakord që të ndanin shpenzimet. Hakan, përmes komunikimit në grupin WhatsApp sillte klientët në adresë. Pagesat kryheshin paraprakisht, nga 150 deri në 200 euro për 30 minuta.
    Kur arrinte një shumë të konsiderueshme parash, vajza njoftonte Hakanin, i cili dërgonte një person pranë apartamentit për të tërhequr paratë, ndërkohë që gjatë muajit të Ramazanit ankohej për shkak se nuk kishte shumë klientë.

  • Vlen sa 1 mijë muaj/ Rëndësia e Natës së Kadrit

    Vlen sa 1 mijë muaj/ Rëndësia e Natës së Kadrit

    Ndër netët më të shenjta në kalendarin islam është Nata e Kadrit (Nata kur Kur’ani zbriti në tokë).Ndodh vetëm gjatë muajit të Ramazanit dhe zgjat një natë nga perëndimi i diellit deri në agim.
    Kjo natë hyjnore bie diku gjatë 10 netëve të fundit të Ramazanit.Thuhet se agjërimi në datën e Natës së Kadrit vlen sa 1 mijë muaj ose afro 84 vite, ku shpërblimi është më i madh se kurdoherë!
    Kadr, në arabisht, fjalë për fjalë përkthehet në ‘fat’ ose ‘dekret’. Besohet se myslimanët mund të ndryshojnë fatin e tyre dhe atë që është shkruar për ta nga Zoti përmes lutjes.
    Për shkak se ne kurrë nuk do ta dimë se kur ndodh fiks Nata e Kadrit gjatë 10 netëve të fundit, myslimanët inkurajohen të përfitojnë nga çdo natë duke u lutur e agjëruar. Netë që janë të mbushura me mëshirën dhe faljen e Zotit.
    Ritualet e përditshme të Ramazanit mbeten, të tilla si agjërimi, leximi i Kuranit dhe lutjet. Myslimanët gjithashtu kryejnë itikaf gjatë këtyre 10 netëve të fundit, që është akti i kalimit të ditëve dhe netëve në një xhami për të kryer adhurimin e devotshëm.
    Po ashtu jepet sadaka, akt bujarie në forma të ndryshme si ushqimi i dikujt me një vakt, dhuratat ose kryerja e një vepre të mire.
    /tvklan

  • Ushqimet për një agjërim sa më të shëndetshëm gjatë Ramazanit

    Ushqimet për një agjërim sa më të shëndetshëm gjatë Ramazanit

    Gjatë kohës së vakteve në muajin e Ramazanit, familjet myslimane zakonisht mblidhen për të shijuar vaktin pas perëndimit të diellit Iftarin dhe vaktin para lindjes së diellit Syfyrin.Kur vendosni se çfarë të konsumoni gjatë Ramazanit, mos harroni se Iftari dhe Syfyri ndihmojnë në mbajtjen e agjërimit tuaj përgjatë ditës.
    Kështu që konsumimi i ushqimit dhe i sasisë së duhur, por gjithashtu edhe hidratimi janë të rëndësishëm për një agjërim të shëndetshëm.AgroWeb.org bazuar në këshillat e dietologëve në Departamentin e Dietologjisë në Spitalin e Përgjithshëm të Singaporit, ju sugjeron disa këshilla për një agjërim të shëndetshëm.
    Mos e shmangni Syfyrin
    Thuhet se mëngjesi është vakti më i rëndësishëm i ditës dhe gjatë Ramazanit ky vakt bëhet edhe më i rëndësishëm.
    Prandaj ju nuk duhet të shmangni Syfyrin vetëm për të bërë disa orë gjjumë më tepër.
    Trupi juaj mbështetet në këtë vakt për t’ju siguruar të gjitha lëndët ushqyese dhe energjinë e mjaftueshme deri në Iftar.
    Për shkak të orëve të gjata të agjërimit, ka shumë mundësi të ndiheni të dehidratuar dhe të lodhur gjatë ditës.
    Për më tepër, shmangia e Syfyrit ju bën të konsumoni më tepër gjatë Iftarit. Gjë që mund të shkaktojë shtim jo të shëndetshëm në peshë.
    Mos e teproni me ushqimin gjatë Iftarit
    Iftari duhet të jetë një vakt i ekuilibruar dhe ushqyes, por jo një festë!
    Nuk është e pazakontë që agjëruesit të shpërblejnë veten me gatime të shijshme por shumë të yndyrshme ose me gatime me shumë sheqer.
    Edhe pse këto ushqime ju bëjnë të ndiheni mirë në një periudhë afatshkurtër, ato mund ta vështirësojnë agjërimin ditën tjetër.
    Në vaçanti konsumi i tepërt i ushqimeve me shumë yndyrë, mund të ngadalësojë procesin e tretjes dhe çojë në shtim të peshës.
    Përveç shtimit në peshë, konsumimi i tyre shkakton plogështi dhe lodhje.
    Ju gjithashtu duhet të kufizoni marrjen e kripës, veçanërisht gjatë Syfyrit, pasi kjo shton etjen.
    Për të pasur një vakt sa më të shëndetshëm, provoni të përfshini ushqime nga të gjitha grupet kryesore të ushqimit.
    Si frutat, perimet, orizi, buka integrale, produktet e qumështit me pak yndyrë dhe gjithashtu mishin e pulës dhe peshkun.
    Konsumimi i ushqimeve të pasura në fibra gjatë Ramazanit është ideal, pasi ato treten më ngadalë sesa ushqimet e përpunuara. Në këtë mënyrë ju do të ndiheni të ngopur më gjatë.
    Konsumoni sa më shumë ujë të jetë e mundur
    Konsumi i ujit ndërmjet Iftarit dhe Syfyrit, zvogëlon rrezikun e dehidrimit gjatë agjërimit.
    Përpiquni të pini të paktën 8 gota ujë ose lëngje çdo ditë para agimit dhe pas perëndimit të diellit.
    Ato mund të jenë qumësht, lëngje frutash dhe supë, por uji është zgjedhja më e mirë.
    Ju gjithashtu duhet të eleminoni pijet me kafeinë, pasi ato kanë një efekt diuretik dhe nxisin humbjen e lëngjeve./AgroWeb

  • Liderët në Kosovë urojnë Fitër Bajramin me thirrje për tolerancë

    Liderët në Kosovë urojnë Fitër Bajramin me thirrje për tolerancë

    Liderët e Kosovës, presidentja Vjosa Osmani dhe kryeministri në detyrë Albin Kurti, i kanë uruar qytetarët e vendit për festën e Fitër Bajramit, me mesazhe për mirësi dhe tolerancë.
    Myslimanët në Kosovë dhe në mbarë botën festojnë të dielën e 30 marsit Fitër Bajramin, një festë që shënon përfundimin e agjërimit të muajit të shenjtë të Ramazanit.
    Presidentja Osmani tha se kjo ditë feste duhet të jetë “një moment reflektimi, dashurie dhe mirësie për të gjithë ne”.

    “Uroj që lutjet tuaja gjatë muajit të shenjtë të Ramazanit të jenë pranuar, e që shtëpitë tuaja të mbushen me paqe, harmoni e me bekime”, tha ajo.
    Në Kosovë ceremonia kryesore e faljes se namazit të Bajramit u mbajt të dielën në Xhaminë e Madhe në Prishtinë, me mesazhe për paqe, solidaritet, harmoni dhe dashuri ndaj njëri-tjetrit.
    Kurti uroi besimtarët duke bërë thirrje për mirësi dhe shëndet.
    “Qoftë ky muaj rikthim te vlerat më të pastra njerëzore: dashuria, mëshira dhe solidariteti”, tha Kurti.
    Ndërkohë, Myftiu i Kosovës, Naim Tërnava, përcolli mesazhe paqeje, dashurie dhe tolerance mes njerëzve, duke bërë lutje që të ndalet dhuna pas disa vrasjeve që tronditën vendin gjatë muajit mars.
    “Pavarësisht motiveve dhe rrethanave, në islam vrasja është një akt i ndaluar dhe i shëmtuar, ndër gjynahet më të mëdha. Feja islame i jep shumë rëndësi jetës së njeriut dhe mbrojtjes së saj”, tha Tërnava.
    Dy vrasje dhe një vetëvrasje në Vushtrri, si një tjetër vrasje në Prishtinë gjatë muajit të Ramazanit në mars tronditën vendin.
    Çfarë është Fitër Bajrami?
    Fitër Bajrami zakonisht pritet me gëzim dhe entuziazëm dhe shënohet me falje në xhami dhe festime që zakonisht përfshijnë vizita familjare, tubime, shëtitje dhe rroba të reja.
    Kjo festë shënon përfundimin e agjërimit të muajit të Ramazanit, që zgjat 30 ditë, gjatë të cilit, myslimanët nuk hanë dhe nuk pinë nga lindja deri në perëndim të diellit.
    Përvec agjërimit, myslimanëve u kërkohet  gjithashtu të tregojnë mirësi dhe durim, si dhe t’i forcojnë marrëdhëniet e tyre me Zotin.
    Fitër Bajrami zgjat tri ditë.
    Fitër Bajrami dhe Kurban Bajrami, i cili shënohet dy muaj e dhjetë ditë pas të parit, janë festat më të rëndësishme në besimin islam.
    Islami është feja e dytë më e madhe në Evropë, pas krishterimit.
    Në kontinent janë disa vende me shumicë myslimane, përfshirë Kosovën, Shqipërinë dhe Bosnje e Hercegovinën.

  • Liderët urojnë Fitër Bajramin me thirrje për tolerancë

    Liderët urojnë Fitër Bajramin me thirrje për tolerancë

    Liderët e Kosovës, presidentja Vjosa Osmani dhe kryeministri në detyrë Albin Kurti, i kanë uruar qytetarët e vendit për festën e Fitër Bajramit, me mesazhe për mirësi dhe tolerancë.

    Myslimanët në Kosovë dhe në mbarë botën festojnë të dielën e 30 marsit Fitër Bajramin, një festë që shënon përfundimin e agjërimit të muajit të shenjtë të Ramazanit.
    Presidentja Osmani tha se kjo ditë feste duhet të jetë “një moment reflektimi, dashurie dhe mirësie për të gjithë ne”.
    “Uroj që lutjet tuaja gjatë muajit të shenjtë të Ramazanit të jenë pranuar, e që shtëpitë tuaja të mbushen me paqe, harmoni e me bekime”, tha ajo.
    Në Kosovë ceremonia kryesore e faljes se namazit të Bajramit u mbajt të dielën në Xhaminë e Madhe në Prishtinë, me mesazhe për paqe, solidaritet, harmoni dhe dashuri ndaj njëri-tjetrit.
    Kurti uroi besimtarët duke bërë thirrje për mirësi dhe shëndet.
    “Qoftë ky muaj rikthim te vlerat më të pastra njerëzore: dashuria, mëshira dhe solidariteti”, tha Kurti.
    Ndërkohë, Myftiu i Kosovës, Naim Tërnava, përcolli mesazhe paqeje, dashurie dhe tolerance mes njerëzve, duke bërë lutje që të ndalet dhuna pas disa vrasjeve që tronditën vendin gjatë muajit mars.
    “Pavarësisht motiveve dhe rrethanave, në islam vrasja është një akt i ndaluar dhe i shëmtuar, ndër gjynahet më të mëdha. Feja islame i jep shumë rëndësi jetës së njeriut dhe mbrojtjes së saj”, tha Tërnava.
    Dy vrasje dhe një vetëvrasje në Vushtrri, si një tjetër vrasje në Prishtinë gjatë muajit të Ramazanit në mars tronditën vendin.
    Çfarë është Fitër Bajrami?Fitër Bajrami zakonisht pritet me gëzim dhe entuziazëm dhe shënohet me falje në xhemat dhe festime që zakonisht përfshijnë vizita familjare, tubime, shëtitje dhe rroba të reja.
    Kjo festë shënon përfundimin e agjërimit të muajit të Ramazanit, që zgjat 30 ditë, gjatë të cilit, myslimanët nuk hanë dhe nuk pinë nga lindja deri në perëndim të diellit.
    Përvec agjërimit, myslimanëve u gjithashtu të tregojnë mirësi dhe durim, si dhe t’i forcojnë marrëdhëniet e tyre me Zotin.
    Fitër Bajrami zgjat tri ditë.
    Fitër Bajrami dhe Kurban Bajrami, i cili shënohet dy muaj e dhjetë ditë pas të parit, janë festat më të rëndësishme në besimin islam.
    Islami është feja e dytë më e madhe në Evropë, pas krishterimit.
    Në kontinent janë disa vende me shumicë myslimane, përfshirë Kosovën, Shqipërinë dhe Bosnje e Hercegovinën./REL

    Top Channel

  • Kremtohet Fitër Bajrami! Mijëra besimtarë falen në “Sheshin Skënderbej”

    Kremtohet Fitër Bajrami! Mijëra besimtarë falen në “Sheshin Skënderbej”

    Pamje nga ceremonia

    TIRANË- Të gjithë besimtarët myslimanë në Shqipëri dhe në botë festojnë sot Fitër Bajramin, pasi kanë përmbyllur muajin e Ramazanit. Në Tiranë edhe këtë vit, falja u krye në sheshin Skënderbej, ku është vënë re një pjesëmarrje mjaft e madhe e qytetarëve.
    Mijëra qytetarë e kryen faljen e namazit që nisi në orën 06:45 në të gjitha qytetet nëpër xhami e sheshe kryesore. Ceremonia nisi me leximin e Kuranit dhe ligjëratën dhe më pas vijoi me faljen e madhe në shesh. Kreu i Komunitetit Mysliman të Shqipërisë, Bujar Spahiu uroi besimtarët duke u lutur që “Zoti t’ua ketë pranuar agjërimin”.
    Ceremonia u mbyll me lutje të përbashkët ku besimtarët e shumtë kanë shkëmbyer me njëri- tjetrin mesazhin e paqes dhe begatisë në cdo familje.
    “Kjo ditë sot na gjen me zemra të mbushura dhe sakrifica jonë është pranuar. Jetojmë në një epokë ku vlerat e familjes po lëkunden dhe njeriu matet me atë që ka. Kjo ditë është një urë mes asaj që kemi mësuar në Ramazan dhe atë që do të bëjmë pas tij. Bajrami na kujton unitetin, mëshirën dhe drejtësinë, ne jemi një komb”, tha ai.
    Kremtimet e Fitër Bajramit shënojnë edhe fundin e muajit të shenjtë të Ramazanit, ku familjarë e miq mblidhen bashkë për lutje dhe për të ngrënë drekën e Fitër Bajramit. Për shumë besimtarë muaji i shenjtë i Ramazanit përbën në vetvete një kohë reflektimi dhe lutjesh.
    Agjërimi, tipari kryesor i tij, është një prej 5 shtyllave të Islamit dhe një moment shpirtëror për myslimanët anembanë botës që të fokusohen tek vetëpastrimi, qetësia, durimi dhe përkushtimi ndaj Zotit./ZËRI