Lajmidites.com

Tag: rajonale

  • Pensionet e reja, sa kohë kërkon miratimi i dosjes? Shkodra ka nivelin më të ulët, në Tiranë pritja është më e gjatë

    Pensionet e reja, sa kohë kërkon miratimi i dosjes? Shkodra ka nivelin më të ulët, në Tiranë pritja është më e gjatë

    Çdo individ që mbush moshën e pensionit dhe përgatit dosjen për përfitim financiar, do duhet të presë një kohë të caktuar nga bërja e kërkesës deri në miratimin e saj dhe llogaritjen e pensionit.

    Dosjet shpesh shoqërohen me problematika të ndryshme të gjenerimit të dokumentacionit sidomos për ata individë që kanë punuar në ish ndërmarrje shtetërore apo ish kooperative bujqësor, ndërsa pjesa tjetër e dokumenteve gjenerohet nga vetë Instituti i Shoqërore.

    Por sa është koha mesatare e përpunimit të kërkesave për pension?

    Ndërsa afati maksimal ligjor është 45 ditë, koha mesatare që merr Instituti i sigurimeve Shoqërore, është ndjeshëm më e ulët dhe llogaritet në 22.8 ditë.

    E ndarë sipas drejtorive rajonale , më pak kohë merr Shkodra me vetëm 9.9 ditë për bërjen gati të dosjes dhe përcaktimin e masës së pensionit dhe më shumë kohë merr Tirana me 30.4 ditë për shkake dhe të faktit se ka popullsi më të madhe dhe fluksi i kërkesave është më i lartë.

    Nën 20 ditë është edhe në drejtoritë rajonale Peshkopi, Korçë, Kukës, Vlorë.

    Ndërsa mbi 20 ditë afat është në drejtoritë rajonale Durrës, Elbasan, Fier, Gjirokastër, Lezhë.

    Ndërkohë nëse i referohemi shifrave të 2024-ës, rezulton se në shkallë vendi mbi 99.7 për qind e pensioneve të reja të pleqerisë janë lidhur përpara afatit.

    Tashmë do të jetë më e thjeshtë për plotësimin e dosjeve pasi qeveria ka miratuar ndryshimet ligjore të cilat garantojnë njohjen periudha të punësimit para vitit 1994, për afro 30 mijë individë, pa pasur nevojën e hapjes së proceseve gjyqësore për shkak të dëmtimit të dokumentacioneve.

    Ligji i cili ka për qëllim njohjen si periudhë sigurimi, për efekt pensioni në sistemin e sigurimeve shoqërore, të periudhave të punësimit në institucionet shtetërore, në ish-ndërmarrjet shtetërore, në ish-ndërmarrjet bujqësore dhe në ish-kooperativat bujqësore ka hyr në fuqi mesin e muajit Mars 2025.

    Gjatë vitit 2024 janë lidhur 29,232 pensione të reja pleqërie, nga të cilat 17.785 janë meshkuj dhe 11.447 janë femra.

  • Pensionet e reja, sa kohë kërkon miratimi i dosjes? Ja cili qytet ka nivelin më të ulët

    Pensionet e reja, sa kohë kërkon miratimi i dosjes? Ja cili qytet ka nivelin më të ulët

    Çdo individ që mbush moshën e pensionit dhe përgatit dosjen për përfitim financiar, do duhet të presë një kohë të caktuar nga bërja e kërkesës deri në miratimin e saj dhe llogaritjen e pensionit.
    Dosjet shpesh shoqërohen me problematika të ndryshme të gjenerimit të dokumentacionit sidomos për ata individë që kanë punuar në ish ndërmarrje shtetërore apo ish kooperative bujqësor, ndërsa pjesa tjetër e dokumenteve gjenerohet nga vetë Instituti i Shoqërore.
    Por sa është koha mesatare e përpunimit të kërkesave për pension?
    Ndërsa afati maksimal ligjor është 45 ditë, koha mesatare që merr Instituti i sigurimeve Shoqërore, është ndjeshëm më e ulët dhe llogaritet në 22.8 ditë.
    E ndarë sipas drejtorive rajonale , më pak kohë merr Shkodra me vetëm 9.9 ditë për bërjen gati të dosjes dhe përcaktimin e masës së pensionit dhe më shumë kohë merr Tirana me 30.4 ditë për shkake dhe të faktit se ka popullsi më të madhe dhe fluksi i kërkesave është më i lartë.
    Nën 20 ditë është edhe në drejtoritë rajonale Peshkopi, Korçë, Kukës, Vlorë.
    Ndërsa mbi 20 ditë afat është në drejtoritë rajonale Durrës, Elbasan, Fier, Gjirokastër, Lezhë.
    Ndërkohë nëse i referohemi shifrave të 2024-ës, rezulton se në shkallë vendi mbi 99.7 për qind e pensioneve të reja të pleqerisë janë lidhur përpara afatit.
    Tashmë do të jetë më e thjeshtë për plotësimin e dosjeve pasi qeveria ka miratuar ndryshimet ligjore të cilat garantojnë njohjen periudha të punësimit para vitit 1994, për afro 30 mijë individë, pa pasur nevojën e hapjes së proceseve gjyqësore për shkak të dëmtimit të dokumentacioneve.
    Ligji i cili ka për qëllim njohjen si periudhë sigurimi, për efekt pensioni në sistemin e sigurimeve shoqërore, të periudhave të punësimit në institucionet shtetërore, në ish-ndërmarrjet shtetërore, në ish-ndërmarrjet bujqësore dhe në ish-kooperativat bujqësore ka hyr në fuqi mesin e muajit Mars 2025.
    Gjatë vitit 2024 janë lidhur 29,232 pensione të reja pleqërie, nga të cilat 17.785 janë meshkuj dhe 11.447 janë femra.

  • Defekt në linjën e furnizimit, qytetarët e Fierit përballen me reduktim të ujit të pijshëm

    Defekt në linjën e furnizimit, qytetarët e Fierit përballen me reduktim të ujit të pijshëm

    Qytetarët e Fierit do të kenë reduktim në furnizimin me ujë të pijshëm. Njoftimi është bërë nga Shoqëria Rajonale Ujësjellës-Kanalizime Fier, ku reduktimi i ujit të pijshëm vjen për shkak të një defekti në linjën e furnizimit.
    “Shoqëria Rajonale Ujësjellës-Kanalizime Fier sh.a njofton qytetarët se, për shkak të një defekti në linjën e furnizimit, gjatë ditës së sotme do të ketë reduktim në furnizimin me ujë të pijshëm në qytetin e Fierit”, njofton Shoqëria Rajonale Ujësjellës-Kanalizime Fier.
    Shoqëria Rajonale Ujësjellës-Kanalizime Fier thotë se “ekipet tona ndodhen në terren dhe po punojnë për riparimin e defektit në kohën më të shkurtër të mundshme”.

  • Nga shtatori nisin kampionatet në të gjitha Qendrat Rajonale, hapen regjistrimet për klubet, akademitë & shoqatat sportive

    Nga shtatori nisin kampionatet në të gjitha Qendrat Rajonale, hapen regjistrimet për klubet, akademitë & shoqatat sportive

    Për sezonin 2025–2026, kampionatet rajonale për djem dhe vajza, në grupmoshat U-7 deri U-19, do të fillojnë nga muaji shtator në të gjitha qendrat rajonale. Regjistrimet janë hapur dhe klubet, akademitë dhe shoqatat sportive mund të aplikojnë për të marrë pjesë në garat zyrtare.
    Kampionatet përfshijnë të gjitha grupmoshat, duke ofruar mundësi për zhvillimin e lojtarëve të rinj dhe pjesëmarrje nga e gjithë Shqipëria.
    Të gjitha garat zhvillohen në nivel rajonal dhe qendror, duke siguruar konkurrencë dhe përvojë për lojtarët e rinj.
    Klubet, akademitë dhe shoqatat e interesuara mund të regjistrohen për sezonin e ri 2025/26 në të gjitha Qendrat Rajonale dhe të marrin pjesë në kampionatet rajonale.

  • Dorëheqje të njëpasnjëshme politikanësh në Spanjë, shumë prej tyre kanë gënjyer për kualifikimet akademike në CV

    Dorëheqje të njëpasnjëshme politikanësh në Spanjë, shumë prej tyre kanë gënjyer për kualifikimet akademike në CV

    Politikanët spanjollë po nxitojnë të korrigjojnë çdo “pasaktësi” në CV-të e tyre që mund t’u kushtojë karrierën, pas dorëheqjes së një politikaneje që gënjeu për studimet e saj.

    Gjithçka filloi me Noelia Núñez, 33 vjeç, një politikane në ngritje për Partinë Popullore konservatore të Spanjës, e cila muajin e kaluar u detyrua të pranonte se në fakt nuk i kishte përfunduar studimet e saj në Drejtësi dhe Administratë Publike.
    Núñez kërkoi falje dhe dha dorëheqjen, por lëvizja e saj nisi një trend në të cilin shumë politikanë spanjollë rishikojnë CV-të e tyre për pasaktësi ose japin dorëheqjen nga pozicionet e tyre në shenjë pendimi.
    Siç raporton Guardian, shembulli i Núñez u ndoq këtë javë nga Ana Miján, një zyrtare e lartë në qeverinë rajonale të partisë konservatore PP në Madrid, e cila pranoi se kishte gabime në CV-në e saj zyrtare, duke “ulur” një diplomë në Shkenca Politike që fillimisht pretendonte se e kishte në një diplomë në Administratë Publike.
    Diploma në marketing nga departamente universitare joekzistente
    Më parë, Ignacio Higuera, një anëtar i partisë së ekstremit të djathtë Vox në qeverinë rajonale të Extremadurës, u detyrua të tërhiqte pretendimet e tij se kishte një diplomë në marketing kur doli informacioni se universiteti në fjalë nuk e ofronte programin e diplomës në atë kohë dhe ai dha dorëheqjen nga pozicioni i tij.
    Në mënyrë të ngjashme, Pedro Rojan, president i Senatit dhe anëtar i PP u detyrua të hiqte një diplomë dhe një diplomë master në marketing nga CV-ja e tij pasi një emision televiziv zbuloi se kolegji në të cilin ai studioi nuk ofronte diploma të tilla.
    José María Ángel, një anëtar i Partisë Socialiste që mbikëqyr përpjekjet e rimëkëmbjes pas përmbytjeve shkatërruese në Valencia tetorin e kaluar, të cilat lanë 220 të vdekur, gjithashtu dha dorëheqjen pas akuzave se kishte falsifikuar një diplomë për të marrë një pozicion publik.
    Gjithashtu në Valencia, Partia Socialiste u detyrua të korrigjonte CV-në e Pilar Bernabé, një përfaqësuese e qeverisë rajonale, për të deklaruar se ajo nuk i kishte përfunduar studimet e saj në gjuhësi spanjolle dhe komunikim audiovizual.
    Për më tepër, Juan Manuel Moreno, president i qeverisë rajonale të Andaluzisë të udhëhequr nga PP-ja, u kërkua të shpjegonte pasaktësitë e dukshme në CV-në e tij, e cila në vitin 2000 deklaronte se kishte një diplomë në administrim biznesi.
    Më pas Moreno ndryshoi datën në diplomën e tij, duke deklaruar se i kishte përfunduar studimet në vitin 2008, këtë herë në administrim biznesi.

    Top Channel

  • Skandali i CV-ve trondit politikën spanjolle, disa figura politike japin dorëheqjen pas falsifikimit të diplomave

    Skandali i CV-ve trondit politikën spanjolle, disa figura politike japin dorëheqjen pas falsifikimit të diplomave

    Ajo që filloi si një rrëfim nga një yll në ngritje në Partinë Popullore (PP) konservatore të Spanjës, është kthyer në një valë zbulimesh tronditëse në politikën spanjolle, ku një sërë politikanësh janë detyruar të pranojnë se kanë pasur gabime – apo mashtrime – në CV-të e tyre zyrtare.

    Muajin e kaluar, Noelia Núñez, 33 vjeç, anëtare e komitetit drejtues të PP-së, pranoi publikisht se nuk e kishte përfunduar kurrë diplomën e saj të dyfishtë në drejtësi dhe administratë publike. Ajo kërkoi falje dhe dha dorëheqjen – një veprim që rrallë shihet në politikën spanjolle.“I kërkoj falje kujtdo që ndihet i zhgënjyer, por gjithashtu besoj se nuk mjafton të thuash vetëm ‘më fal’,” deklaroi ajo.
    Që nga ai moment, duket se pendesa e Núñezit ka hapur rrugën për një “trend” të ri: politikanë të tjerë, nga parti të ndryshme, kanë nisur të rishikojnë – dhe shpesh të ulin – arritjet e tyre akademike të pretenduara. Disa kanë dhënë dorëheqjen, duke ndjekur shembullin e saj.
    Këtë javë, Ana Millán, një figurë e lartë në qeverinë rajonale të Madridit të drejtuar nga PP-ja, pranoi se kishte pasaktësi në CV-në e saj. Ajo ndryshoi përshkrimin e diplomës nga “shkenca politike” në “administratë publike”.
    Nga partia e ekstremit të djathtë Vox, Ignacio Higuera – anëtar i qeverisë rajonale të Extremadurës – u detyrua të tërhiqej nga pretendimi se kishte një diplomë në marketing. Mediat zbuluan se universiteti që ai përmendte nuk ofronte një program të tillë në kohën kur ai pretendonte ta kishte ndjekur. Pas kësaj, ai dha dorëheqjen.
    Edhe në radhët e Partisë Socialiste janë evidentuar raste të ngjashme.José María Ángel, i cili kishte një rol kyç në përpjekjet për rimëkëmbjen pas përmbytjeve katastrofike në Valencia në tetor (ku humbën jetën 220 persona), dha dorëheqjen pas akuzave për falsifikim diplome për të fituar një vend pune në administratën publike.
    Gjithashtu në Valencia, partia socialiste u detyrua të korrigjonte CV-në e Pilar Bernabé-s, delegates rajonale të qeverisë, duke sqaruar se ajo nuk i kishte përfunduar kurrë studimet në gjuhësi spanjolle dhe komunikim audiovizual.
    Edhe presidenti i qeverisë rajonale të Andaluzisë, Juan Manuel Moreno nga PP-ja, është vënë nën presion për të sqaruar ndryshimet në CV-në e tij. Në vitin 2000, ai deklaronte se kishte një diplomë në menaxhim biznesi; në vitin 2004, kjo u ndryshua në “studime në menaxhim biznesi”, ndërsa në 2008 u përmirësua sërish në një master në të njëjtën fushë.
    Pedro Rollán, presidenti aktual i Senatit dhe një tjetër anëtar i PP-së, hoqi nga CV-ja e tij një diplomë dhe një master në marketing pasi një program investigativ zbuloi se kolegji ku ai pretendonte të kishte studiuar, në fakt, nuk ofronte diploma.
    Megjithatë, një nga rastet më të bujshme i parapriu këtyre zbulimeve të fundit.Në vitin 2018, Cristina Cifuentes, atëherë presidente e qeverisë rajonale të Madridit dhe udhëheqëse e PP-së në këtë rajon, u akuzua se kishte marrë një diplomë masteri në menaxhim biznesi nga Universiteti “King Juan Carlos” në Madrid pa ndjekur ndonjëherë mësime apo pa dorëzuar një disertacion.
    Kur Cifuentes paraqiti një certifikatë për të mbështetur pretendimet e saj, dy nga tre personat që figuronin si firmëtarë në dokument, deklaruan se nënshkrimet e tyre ishin falsifikuar.
    Përfundimisht, rënia e saj u përshpejtua kur pamjet e kamerave të sigurisë u publikuan, duke treguar një incident në një dyqan, ku një detektiv e ndaloi Cifuentes pasi dyshohej se kishte vjedhur dy kanaçe krem fytyre. Ajo e quajti incidentin “një gabim të pavullnetshëm”, por gjithsesi dha dorëheqjen për të shmangur, siç tha ajo, “çdo siklet të mëtejshëm për kolegët dhe familjen”.

    Top Channel

  • Drejtori Pea shpjegon risitë e sezonit të ri për Qendrat Rajonale & projektin TDS

    Drejtori Pea shpjegon risitë e sezonit të ri për Qendrat Rajonale & projektin TDS

    Edhe për sezonin e ardhshëm, FSHF-ja do të ruajë të njëjtën strukturë teknike në aktivitetin e rëndësishëm që zhvillohet në Qendrat Rajonale dhe në projektin TDS.
    Drejtori Teknik i FSHF-së, Fulvio Pea, ka dhënë një deklaratë për fshf.org, ku ka folur për risitë e këtij sezoni dhe ka prezantuar emrat e rinj që janë bërë pjesë e stafit teknik.
    “Edhe vitin e ardhshëm Qendrat Rajonale do të kenë dy skuadra, një e vitit 2013 dhe një skuadër e re e vitit 2014. Përzgjedhja do të bëhet në shtator nga trajnerët tanë të ekipeve të moshave që do të ndjekin seleksionimet e do të zgjedhin 23 lojtarët më të mirë për kategorinë 2013 dhe 2014 për secilën Qendër Rajonale” – u shpreh z.Pea.
    “Rreth 95% e trajnerëve janë konfirmuar sërish për punën e shkëlqyer të kryer nga Koordinatori ynë Teknik, Erjon Stavri, por edhe për angazhimin dhe profesionalizmin e treguar nga 8 Drejtorët Teknikë të Qendrave, si dhe për punën e shkëlqyer të bërë nga trajnerët, të cilët kanë ndjekur metodologjinë e punës së FSHF-së. Ata kanë marrë propozimin për të vazhduar edhe këtë sezon” – konfirmoi Trejtori Teknik i FSHF.
    “Në sezonin e ardhshëm do të ketë 2 trajnerë për portierët, të koordinuar nga Erion Meta, përgjegjësi i sektorit të portierëve: për zonën e veriut, Baholli, dhe për zonën e jugut, Halilaj, të cilët, së bashku me Erjon Stavrin, do të ndjekin seancat stërvitore të skuadrave çdo të hënë. E dimë shumë mirë që roli i portierit është shumë specifik, ndaj kemi menduar të rrisim monitorimin, si për trajnerët, ashtu edhe për lojtarët. Ndaj, në çdo Qendër Rajonale, çdo të hënë do të zhvillojmë një vizitë që do të na lejojë të monitorojmë nga pikëpamja teknike dhe e rritjes së secilit fëmijë” – shtoi më tej.
    “Brenda aktiviteteve të Qendrave Rajonale kemi projektin TDS. Vitin e ardhshëm kemi një risi, në fakt dy. E para, kemi shtuar një figurë të re, Cyme Lulaj, në rolin e Koordinatorit Teknik, duke ndjekur udhëzimet e Erjon Stavrit, ndaj çdo të hënë do të shkojë në çdo qytet dhe Qendër Rajonale për të ndjekur stërvitjet” – shpjegoi Fulvio Pea.
    “Risia e dytë është që vitin e ardhshëm, për herë të parë, të tetë Qendrat Rajonale do të formojnë një skuadër. Kjo përbën një risi të bukur që na bën krenarë. Përveç Tiranës, e cila ka një numër më të madh banorësh se qytetet e tjera, qytetet e tjera do të kenë 2 skuadra: një skuadër për 2012/13 dhe një skuadër për 2014” – përfundoi ai.

  • Ujësjellësi i Tiranës, fitimet 10 mln euro në 2024, larg objektivit furnizim 24 orë

    Ujësjellësi i Tiranës, fitimet 10 mln euro në 2024, larg objektivit furnizim 24 orë

    Kryeqyteti ende vuan mungesën e furnizimit 24 orë me ujë, por Ndërmarrja e Ujësjellësit të Tiranës ruan norma të larta fitimi.PaS vitit 2017, kur ndodhi rritja e tarifave të ujit me 45%, UKT ruajti bilanci pozitiv, po ndërkohë kryeqyteti vijon të përballet me problematika të furnizimit me ujë dhe sidomos në menaxhimin e ujërave të zeza.Të dhënat e raportuara nga Ministria e Financave për ecurinë e gjendjes financiare të ndërmarrjeve shtetërore tregojnë se në vitin 2024 Ujësjellës Kanalizime në Tiranë realizoi 4.9 miliardë lekë të ardhura, me ulje 2% raport me 2023. Fitimi neto ishte 990 milionë lekësh (rreth 10 mln euro) ose sa 20% e të ardhurave.UKT Tiranë kë shënuar tkurrje të aktivitetit si në të ardhura, shpenzime në fitime gjatë vitit 2024 (shiko grafikun e mëposhtëm).Të dhënat tregojnë se edhe në tremujorin e parë të vitit 2025, UKT regjistroi një fitim prej 195 milionë lekësh, që është dukshëm më i lartë se ai i tremujorit të parë të 2024-s, i cili ishte vetëm 71 milionë lekë.Edhe pse të ardhurat totale në 2024 janë pak më të ulëta se në 2023, UKT ka ruajtur një fitim të lartë falë kontrollit më të mirë të shpenzimeve.Vitin e kaluar norma e fitimit ishte 20 % ndërsa në tremujorin e parë 2025 ishte 18%.Norma e fitimit ka qenë relativisht e lartë për një ndërmarrje publike që ofron shërbime utilitare.Ndërmarrjet publike që ofrojnë shërbime utilitare si uji, energjia, mbetjet apo transporti publik nuk kanë për qëllim kryesor fitimin, por ofrimin e shërbimeve të qëndrueshme, të sigurta dhe me çmime të përballueshme për qytetarët. Të tilla ndërmarre në vendet e BE kanë norma fitimi 3 deri në 10%Normat e larta të UKT më shumë se efikasiteti sinjalizojnë mungesën e investimeve dhe tarifat e larta ndaj pjesës që paguan rregullisht faturat e ujit.UKT sh.a. ka një normë fitimi dukshëm më të lartë se mesatarja e ndërmarrjeve publike të ngjashme në Europë.Sipas Enti Rregullator të Ujit furnizimi me ujë në të gjithë vendin për 2024 është përmirësuar me rreth 1 orë në ditë, duke arritur në 17.3 or nga 16.3 orë/ditë që ishte në vitin 2023.Nga të gjitha shoqëritë rajonale dhe individuale që operojnë në sektor, gjatë vitit 2024 rezulton se janë 8 shoqëri UK rajonale që ofrojnë shërbimin e furnizimit me ujë 20-24 orë në ditë si UKR Korçë, Lezhë, Berat, Gjirokastër, Pogradec, Shkodër, Sarandë dhe Dibër.Katër shoqëri Rajonale si: Durrës, Elbasan, Fier, Lushnje dhe shoqëria UK- Tiranë furnizojnë me ujë 13-20 orë në ditë. Pjesa tjetër e shoqërive, 4 prej tyre ofrojnë furnizimin me ujë 4-13 orë në ditë. Më keq performojnë shoqëritë UK Kamzë, me 4 orë në ditë, dhe UK Vorë me 8 orë në ditë, të cilat nuk janë bërë akoma shoqëri rajonale./ B.HoxhaBurimi: Ministria e FinancaveKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Vengu: Ngremë 4 qendra rajonale për shuarjen e zjarreve, forcohet flota ajrore. Kamera termike në parqet kombëtare

    Vengu: Ngremë 4 qendra rajonale për shuarjen e zjarreve, forcohet flota ajrore. Kamera termike në parqet kombëtare

    Në kuadër të parandalimit por dhe mirëmenaxhimit të situatës së zjarreve në vend, Ministri i Mbrojtjes, Pirro Vengu, bëri të ditur se po investohet në ngritjen e katër qendrave rajonale të dedikuara shuarjes së zjarreve në zonat rurale, pyjore dhe malore. Dy prej tyre do të jenë në Bushat dhe Finiq, ndërsa pritet të përcaktohen edhe dy të tjera që do të mbulojnë verilindjen dhe juglindjen e vendit.
    Sipas ministrit, këto qendra do të kenë pista për uljen e helikopterëve dhe hapësira për furnizimin e tyre, duke shmangur humbjen e kohës gjatë operacioneve.
    Vengu bëri të ditur se parqet kombëtare do të pajisen me kamera termike për parandalimin dhe identifikimin në kohë të vatrave të zjarrit.
    “Forcojmë zinxhirin e reagimit të Emergjencave Civile, jemi duke investuar në 4 qendra rajonale duke i dhënë mundësi bashkive që të përqendrohen në element zjarrfikës urban dhe këto qendra të fokusohen në zonat rurale, pyjore, malore ku kemi edhe rrezikshmërinë më të lartë. Kemi identifikuar dy zona, Bushatin dhe Finiqin. Bushati do të mbuloj të gjithë zonën e nënShkodrës, Shëngjinin, Velipojën, Lezhën pra janë disa bashki dhe investimi ka filluar.
    Së bashku me rinovimin e një flote të dedikuar për këto qendra rajonale, të prodhuar nga kompania shtetërore të prodhimeve ushtarake që do të shërbejë edhe për rritjen e flotës tokësore. Do të jenë qendra rajonale ku do të ulen helikopterët dhe do të furnizohen që të mos kemi më këto vajtje-ardhjet dhe humbjet e kohës. Do kemi edhe pikën në jug që mbulon Gjirokastër Vlorë dhe Delvinën dhe jemi duke caktuar dhe dy ish reparte të tjera që të kemi në mbulim të verilindjes dhe juglindjes”, tha Vengu.
    Paralelisht, tha ministri, po investohet në rinovimin e flotës tokësore zjarrfikëse si dhe në rritjen e kapaciteteve ajrore dhe njerëzore.
    “Do investojmë në rinovimin e flotës zjarrfikëse në të gjithë vendin, dhe në kapacitete ajrore si dhe kapaciteteve njerëzore. Zjarri në Llogara dhe Dukati u parandalua se kishe një monitorim me kamera termike 24 orë, dhe këtë gjë duam ta shtrijmë këtë rrejt kamerash në të gjitha pikat me rrezikshmëri në lartë edhe në Lurë dhe të gjithë parqet kombëtare”, tha ministri.

  • Qytetarë me shufra hekuri ‘pushtojnë’ rrugët/ Një i arrestuar, sulmoi një pensionist, trazira në Spanjë

    Qytetarë me shufra hekuri ‘pushtojnë’ rrugët/ Një i arrestuar, sulmoi një pensionist, trazira në Spanjë

    Trazirat kundër emigrantëve kanë vazhduar për natën e dytë me radhë në qytetin Torre Pacheco, në juglindje të Spanjës, duke lënë disa persona të plagosur, njoftuan autoritetet të dielën.

    Sipas gazetës rajonale La Opinión de Murcia, grupe njerëzish të armatosur me shufra endeshin nëpër rrugët e qytetit duke kërkuar persona me origjinë të huaj, pavarësisht pranisë së shtuar të policisë, sipas The Guardian.
    Qeveria rajonale nuk dha një numër të saktë të të plagosurve, por konfirmoi se të paktën një person është arrestuar në lidhje me incidentet.
    Trazirat shpërthyen pas një sulmi ndaj një burri 68-vjeçar, i cili u shfaq në mediat spanjolle duke thënë se ishte rrahur në rrugë të mërkurën nga tre të rinj me origjinë nga Afrika Veriore. Sulmi u filmua dhe u shpërnda në rrjetet sociale.
    Komuna organizoi një protestë të premten që kishte për qëllim të ishte paqësore, por u dominua nga thirrje ksenofobike nga grupe të ekstremit të djathtë. Një grup me emrin “Deportoni tani” publikoi një mesazh në rrjetet sociale duke nxitur dhunë ndaj personave me origjinë afrikano-veriore.Autoritetet spanjolle bënë thirrje për qetësi të dielën në qytetin prej 36,000 banorësh.
    “Kuptoj frustrimin, por asgjë nuk e justifikon dhunën. Torre Pacheco duhet të kthehet në normalitet,” shkroi në rrjetin X kreu konservator i qeverisë rajonale të Murcias, Fernando López Miras.
    Edhe kryetari i bashkisë së Torre Pacheco-s, Pedro Ángel Roca Ternel, i bëri thirrje qytetarëve për qetësi në një intervistë për televizionin publik RTVE: “U bëj thirrje banorëve të ruajnë qetësinë dhe maturinë.”
    Ndërkohë, ministrja e Rinisë së Spanjës, Sira Rego, anëtare e aleancës së majtë radikale Sumar, dënoi dhunën ndaj emigrantëve përmes një mesazhi në rrjetin Bluesky, duke akuzuar “ekstremistët e djathtë” për nxitjen e trazirave.

    Top Channel