Lajmidites.com

Tag: qytetarët

  • BE propozon “Paketën e Mbijetesës”, për të përballuar fatkeqësitë natyre dhe sulmet ushtarake

    BE propozon “Paketën e Mbijetesës”, për të përballuar fatkeqësitë natyre dhe sulmet ushtarake

    Paketa e mbijetesës

    BRUKSEL- Bashkimi Evropian ka propozuar që secili shtet anëtarë të zhvillojë “paketën e mbijetesës” për qytetarët në rast se përballen me kriza të reja, Kjo paketë duhet të plotësohet me çdo artikull që mund t’i nevojiten qytetarët për 72 orë. Kjo është pjesë e Strategjisë së Bashkimit të Gatishmërisë që kërkon të ketë më shumë rezerva të furnizimeve thelbësore dhe për përmirësimin e bashkëpunimit civilo-ushtarak.
    Strategjia e zbuluar të mërkurën nga Komisioni Europian përfshin një listë me 30 veprime konkrete që thotë se shtetet anëtare të BE-së duhet të ndërmarrin masa për të rritur gatishmërinë e tyre kundër krizave të mundshme në të ardhmen. Këtu përfshihen edhe fatkeqësitë natyrore dhe aksidentet industriale deri te sulmet nga aktorët keqdashës në fushën kibernetike ose ushtarake.
    “Në BE ne duhet të mendojmë ndryshe, sepse kërcënimet janë të ndryshme. Ne duhet të mendojmë më shumë sepse kërcënimet janë gjithashtu më të mëdha”, u tha gazetarëve Hadja Lahbib, Komisionerja për ndihmën humanitare dhe menaxhimin e krizave.
    “Pandemia COVID ka treguar se vlera e shtuar e të vepruarit së bashku në solidaritet në koordinim, në kuadrin e Bashkimit Europian është absolutisht thelbësore, kjo është ajo që na bën më efikas, na bën më të fortë”, tha ajo.
    Një nga fushat kryesore të identifikuara është nevoja për të rritur gatishmërinë e popullsisë me Komisionin që u kërkon shteteve anëtare të sigurojnë që qytetarët të kenë një pajisje urgjence që u lejon atyre të jenë të vetë-mjaftueshëm për një minimum prej 72 orësh në rast se u shkëputen furnizimet thelbësore.
    Disa shtete anëtare kanë tashmë udhëzime të tilla me afate kohore të ndryshme. Franca, për shembull, kërkon një paketë mbijetese 72-orëshe që përfshin ushqim, ujë, ilaçe, një radio portative, një elektrik dore, bateri rezervë, karikues, para, kopje të dokumenteve të rëndësishme duke përfshirë receta mjekësore, çelësa rezervë, rroba dhe mjete bazë./ZËRI

  • Luçiano Boçi rrëfen skemën që po përdor opozita: Ja si do e rikthejmë Shkodrën djathtas në 11 maj

    Luçiano Boçi rrëfen skemën që po përdor opozita: Ja si do e rikthejmë Shkodrën djathtas në 11 maj

    Drejtuesi politik i Partisë Demokratike në qarkun e Shkodrës, Luçiano Boçi u shpreh me bindje se në zgjedhjet e 11 majit do të marrin kryeqendrën e veriut.
    Në një lidhje me Edicionin Qendror të Lajmeve të orës 19:00 në Televizionin Kombëtar Vizion Plus të moderuar nga Aleksandër Furxhi, Boçi tha se PD-ja synon të marrë mbi gjashtë mandate në Shkodër.
    Luçiano Boçi renditi arsyet pse qytetarët duhet të votojnë PD-në, teksa nënvizoi se ky koalicion hyn me program, me zgjidhje problemesh dhe kjo bën diferencën.
    Intervistë e plotë:
    Cila është atmosfera në kampin opozitar në Shkodër?
    Boçi: Atmosferë pune. Angazhim, kontakte me qytetarët. Prezantim dhe lancim i programit, bashkuar në një qëllim vetëm fitoren drejt 11 majit.
    Çfarë objektivi keni në Shkodër?
    Boçi: Në kushtet e reja, në mënyrën e pritshmërisë, në mënyrën se si jemi paraqitur ne si forcë politike dhe si ka ardhur ajo forcë e dominantes dhe rotacionit politik, kërkesat për ndryshim, na çojnë ne drejt një ndryshimi optimist krahasuar me 2021. Synojmë të marrim sa më shumë mandate, duke kaluar edhe mandatin e gjashtë. Do japim mesazhe të qarta tek qytetarët. Ne mendojmë që ky koalicion të bëjë diferencën dhe ne t’i kthejmë Shkodrës atë pamjen që gjithmonë ka pasur si bastion i së djathtës dhe si lokomotivë e Partisë Demokratike dhe vlerave.
    LSI në 2021 ka fituar rreth 9% të votave dhe ka marrë një mandat. Ndërkohë që faktori Çela në Shkodër nuk është më në opozitë, është bashkuar në PS, qeveria ka ndërmarrë investime aty. Si ndikojnë rrethanat në ekuacion?
    Boçi: Vërtet dikush mund të ketë bërë kapërcimin e ylberit, të ketë ndryshuar parti, për shkak të interesave, por kjo nuk do të thotë që merr me vete gjithë vagonat e votave. Aq më tepër që nuk kandidojnë vetë, kanë pjesëtarët e vet, respekt është çdo angazhim i ri politik, por kjo nuk do të thotë që do të ketë pasoja pozitive për Partinë Socialiste. LSI nuk e ka atë forcën sepse dihet që lideri i saj është i burgosur. Partia Demokratike ka qytetarë të devotshëm, emrat e vet, por mbi të gjitha PD hyn me program, me zgjidhje problemesh, ato kërkesa që qytetarët i kanë pasur dhe i kanë. Kjo bën diferencën.

  • Tragjedia me 59 viktima, qytetarët godasin me gurë komunën e Koçanit: Vrasës, dilni jashtë

    Tragjedia me 59 viktima, qytetarët godasin me gurë komunën e Koçanit: Vrasës, dilni jashtë

    Rajoni E Hënë, 17 Mars 2025 17:22
    Protesta përpara Komunës së Koçanit ka kaluar në tensione. E organizuar nga një grup qytetarësh si një shenjë revolte për tragjedinë me 59 viktima, ata kanë goditur me gurë dhe vezë mbi godinën.
    Protestuesit kërkojnë sqarime dhe përgjigje. Qytetarët kanë thirrur ndaj kryetarit dhe punonjësve të administratës “Vrasës, dilni jashtë”.

    Në protestë janë edhe disa nga prindërit e fëmijëve që ishin midis viktimave që humbën në diskotekën që kaploi zjarri.

  • Jorida Tabaku: “Nuk ka xhiro, nuk ka lekë!”

    Jorida Tabaku: “Nuk ka xhiro, nuk ka lekë!”

    Jorida Tabaku shkruan në postimin e saj: “Ekonomia e çdo tavoline shqiptari është në krizë!
    “Nuk ka xhiro, nuk ka lekë!” – thonë tregtarët.

    “Çmimet janë të papërballueshme!” – ankohen qytetarët.
    Një vend ku askush s’e përballon dot jetesën.
    Më pak ushqim për ju.
    Më shumë taksa për qytetarët.
    Më shumë korrupsion për qeverinë”.

     

  • Paralajmërohet protestë gjithëpopullore kundër shtrenjtimit të rrymës

    Paralajmërohet protestë gjithëpopullore kundër shtrenjtimit të rrymës

    Nga data 1 prill qytetarët pritet ti marrin faturat e energjisë elektrike me tarifa me të larta.
    Kjo pasi Zyra e Rregullatorit për Energjisë Elektrike ka propozuar rritjen e çmimit të rrymës për 15% nga muaji i ardhshëm.
    E kjo nuk është mirëpritur nga qytetarët në vend.
    Madje, këta, kanë nisur edhe një iniciativë në rrjetet sociale me moton “Asnjë cent më shumë”.
    Themeluesi i kësaj nisme, Luan Hasanaj, ka treguar qëllimin e kësaj fushate.
    “ Pra rritja e çmimit të energjisë elektrike në këtë kohë është me të vërtetë e papranueshme sepse Kosova edhe ashtu po përballet me rritje enorme në çdo sektor dhe ne nëse rrisim edhe çmimin e energjisë ne e dimë se kjo do të pasohet pastaj edhe me rritje shtesë zinxhirë të çdo çmimi tjetër , qoftë të produkteve apo edhe në prodhimtari industri apo edhe tjerat”, shprehet Hasanaj.
    Madje nëse institucionet e vendit nuk zmbrapsen nga ky vendim atëherë priten edhe protesta gjithë-popullore.
    “Fokusi tani i ZRRE-së është që sa më shumë njërzit të i shkruaj dhe të i tregojnë që ata janë të pakënaqur me ketë vendim që pretendohet të merret dhe krahas kësaj mandej do të angazhohemi për të organizuar një protestë të madhe ku do të ftojmë të gjithë qytetarët të marrin pjesë e kësaj dhe gjithë së bashku të kundërshtojmë këtë vendim dhe të mos lejojmë marrjen e tij prej anës së ZRRE-së”, thotë Hasanaj.
    E dje gjatë ditës, disa aktivistëve të shoqërisë civile kanë mbajtur një aksion simbolike tek zyrat e ZRRE-së për ta kundërshtuar shtrenjtimin e energjisë elektrike.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR