Lajmidites.com

Tag: qindra

  • Historia RRËQETHËSE: Si u varrosën qindra foshnje irlandeze në një varr masiv sekret

    Historia RRËQETHËSE: Si u varrosën qindra foshnje irlandeze në një varr masiv sekret

    Vendi i varrimit masiv

    IRLANDË- Pa të dhëna varrimi. Pa gurë varri. Aty nuk kishte asgjë deri në vitin 2014, kur një historian amator zbuloi një varr masiv, në një ish-rezervuar ujërash të zeza. Brenda besohet se janë qindra foshnje. Tani, hetuesit i kanë zhvendosur gërmuesit e tyre pranë një këndi lojërash për fëmijë në një kompleks banesash. Gërmimi që pritet të zgjasë dy vjet, do të fillojë të hënën.
    Zona dikur ishte vendi ku ndodhej shtëpia e fëmijëve të Shën Marisë, një institucion i drejtuar nga kisha që strehoi mijëra gra dhe fëmijë midis viteve 1925 dhe 1961. Shumë nga gratë kishin mbetur shtatzëna jashtë martesës dhe ishin mohuar nga familjet e tyre – disa të tjera kishin braktisur fëmijët pas lindjes. Sipas të dhënave, Patrick Derrane ishte foshnja e parë që vdiq në St Mary’s – në vitin 1925, në moshën 5-muajshe. Mary Carty, e së njëjtës moshë, ishte e fundit. Ajo ndërroi jetë në vitin 1960. Në 35 vite, mendohet se 794 foshnje dhe fëmijë të vegjël kanë vdekur atje – dhe besohet se janë varrosur në atë që ish-Taoiseach (kryeministri irlandez) Enda Kenny e quajti një “dhomë tmerresh”.
    PJ Haverty i kaloi 6 vitet e para të jetës së tij në vendin që ai e quan burg – por ai e konsideron veten me fat.
    “Unë dola që andej.”
    Shtëpia, e drejtuar nga murgeshat e Motrave Bon Secours, ishte një fantazmë e padukshme që qëndronte mbi të dhe shumë të tjerë në Tuam për dekada të tëra – derisa historiania amatore Catherine Corless nxori në dritë të kaluarën e errët të Shën Marisë.
    Zbulimi i varrit masiv
    E interesuar të thellohej në të kaluarën e familjes së saj, Catherine ndoqi një kurs historie në vitin 2005. Më vonë, interesi i saj u përqendrua te St Mary’s.
    “Kur fillova, nuk kisha idenë se çfarë do të gjeja.”
    Në fillim, Katerina u habit që pyetjet e saj të padëmshme po përballeshin me përgjigje boshe ose edhe me dyshime.
    “Askush nuk po ndihmonte dhe askush nuk kishte të dhëna,”- tha ajo. Por kjo vështirësi vetëm sa ia shtoi vendosmërinë për të mësuar më shumë rreth fëmijëve në shtëpi. Më shumë zbuloi kur foli me një kujdestar varrezash, i cili e çoi në kompleksin e banesave ku dikur ndodhej institucioni. Në anë të një këndi lojërash për fëmijë, kishte një katror me lëndinë dhe me një faltore e vogël rreth një statuje të Marisë.

    Kujdestari i tha Catherine se dy djem kishin qenë duke luajtur në atë zonë në mesin e viteve 1970, pasi shtëpia ishte shembur dhe kishin hasur në një pllakë betoni të thyer. E tërhoqën lart dhe zbuluan një vrimë. Brenda panë kocka. Kujdestari tha se autoritetet ishin njoftuar dhe vendi ishte mbuluar. Njerëzit besonin se eshtrat ishin nga Uria Irlandeze e viteve 1840. Në fakt, para se godina të kthehej në një “shtëpi” për nëna dhe fëmijë, aty ishte një institucion ndihme gjatë epokës së urisë, ku shumë njerëz kishin humbur jetën. Por ky version nuk e bindi Catherine-nën. Ajo e dinte që ata njerëz ishin varrosur me respekt – bashkë me një monument në nder të viktimave. Dyshimi i saj u shtua kur krahasoi hartat e vjetra të vendit. Njëra, e vitit 1929, e etiketonte zonën ku djemtë gjetën eshtrat si një “rezervuar ujërash të zeza”. Një tjetër, e viteve 1970, pasi shtëpia u shemb, kishte një shënim të shkruar me dorë pranë asaj zone ku shkruhej “vendvarrimi”.
    Por kush ishte varrosur atje?
    Catherine telefonoi zyrën e regjistrimit për lindje, vdekje dhe martesa në Galway dhe kërkoi emrat e të gjithë fëmijëve që kishin vdekur në shtëpi. Dy javë më vonë, një punonjëse e stafit telefonoi për ta pyetur nëse ajo i donte vërtet të gjithë emrat e viktimave– kështu që nga toni i bisedës Catherine priste “20 ose 30” persona që kishin ndërruar jetë– por në fakt ishin qindra. Lista e plotë kishte 796 fëmijë të vdekur. Ajo ishte plotësisht e tronditur.

    Së pari, ajo kontrolloi të dhënat e varrimit për të parë nëse ndonjë nga ata qindra fëmijë ishte varrosur në varreza në Galëay ose në Qarkun fqinj Mayo – dhe nuk mundi të gjente asgjë. Por edhe pa kryer gërmime, Catherine nuk mund ta provonte këtë pa asnjë dyshim. Ajo tani besonte se qindra fëmijë ishin varrosur në një varr masiv, ndoshta në një rezervuar të papërdorur për ujrat e zeza, në Shtëpinë e Shën Marisë. Kur zbulimet e saj u bënë lajm ndërkombëtarisht në vitin 2014, ajo u përball me armiqësi të konsiderueshme në qytetin e saj të lindjes.
    “Njerëzit nuk më besonin,”- kujtoi ajo. Por kishte një dëshmitare që e kishte parë gjithçka me sytë e saj. Mary Moriarty jetonte në njërën nga shtëpitë pranë vendit të institucionit në mesin e viteve 1970. Pak pasi foli për BBC News, ajo ndërroi jetë, por familja e saj ka rënë dakord të lejojë që ajo që ajo tha, të publikohet dhe të transmetohet.
    Meri kujtoi dy gra që erdhën tek ajo në fillim të viteve 1970 duke i thënë se kishin parë një djalë të vogël që mbante një kafkë mbi një shkop. Meri dhe fqinjët e saj e pyetën fëmijën se ku e kishte gjetur kafkën. Ai u tregoi disa shkurre dhe Meri, e cila shkoi të shikonte, ra në një gropë. Aty pa “tufa të vogla”, të mbështjella me copa që ishin nxirë nga kalbja dhe lagështia.
    Sa shumë?
    “Qindra,” u përgjigj ajo.
    Pak kohë më vonë, kur djali i dytë i Marisë lindi në maternitetin në Tuam, atë e sollën murgeshat që punonin në atë spital, të mbështjellë me pëlhura të njëjta si ato që ajo kishte parë në gropë. Në vitin 2017, gjetjet e Catherine u konfirmuan – një hetim i qeverisë irlandeze gjeti “sasi të konsiderueshme mbetjesh njerëzore” në një gërmim të vogël. Nga ajo që kishte mbetur prej kufomave kuptohej se nuk kishin ndërruar jetë nga uria sepse ishin foshnje të vogla. Kështu nisi një hetim në shkallë vendi. Anna Corrigan ishte ndër ato që donin që autoritetet të fillonin gërmimet.
    Deri në të 50-at, Ana besonte se ishte fëmijë e vetme. Por, kur bëri kërkime mbi historinë e familjes së saj në vitin 2012, zbuloi se nëna e saj kishte lindur dy djem në atë shtëpi në vitet 1946 dhe 1950, Xhonin dhe Uilliamin. Ana nuk mundi të gjente një certifikatë vdekjeje për Uilliamin, por gjeti një për Xhonin – ajo zyrtarisht e regjistron vdekjen e tij në moshën 16 muajshe. Nën shkakun e vdekjes shkruhej ekzaktësisht kështu: “idiot i lindur” dhe “fruthi”.
    Por nga një raport inspektimi i shtëpisë në vitin 1947 kishte disa detaje të tjera rreth Xhonit.
    “Ai lindi normal dhe i shëndetshëm, me peshë gati 4 kg. Kur mbushi 13 muaj, ai ishte dobësuar nuk kishte kontroll mbi funksionet trupore. Pastaj ai vdiq tre muaj më vonë.”
    Ana, e cila krijoi grupin “Tuam Babies” për të mbijetuarit dhe të afërmit.
    “Ne të gjithë i dimë emrat e tyre. Ne të gjithë e dimë se ata ekzistonin si qenie njerëzore.”
    Tani, puna ka nisur për të zbuluar se çfarë fshihet në një copë bari në Tuam. Gërmimet pritet të zgjasin rreth dy vjet.
    “Është një proces shumë sfidues dhe i pazakontë në botë”, tha Daniel MacSëeeney, kreu i operacionit, i cili ka ndihmuar në gjetjen e trupave të zhdukur në zona konflikti si Afganistani. Ai shpjegoi se mbetjet ishin përzierë së bashku dhe se femuri i një foshnje – kocka më e madhe e trupit – është vetëm sa madhësia e gishtit të një të rrituri.
    “Janë shumë  të vegjël. Ne duhet t’i rikuperojmë mbetjet me shumë, shumë kujdes – për të maksimizuar mundësinë e identifikimit,”-shtoi ai. 
    Sado kohë të duhet, do të ketë njerëz si Ana që presin lajme – duke shpresuar të dëgjojnë për motrat, vëllezërit, xhaxhallarët, hallat dhe kushërinjtë që nuk kanë pasur kurrë mundësinë t’i takojnë./ZËRI
    Marrë nga BBC

    fgjpg

    capturejpg

  • Dimal/ Zjarr në fshatin Malas-Bregas, shkrumbohen qindra pemë ulliri

    Dimal/ Zjarr në fshatin Malas-Bregas, shkrumbohen qindra pemë ulliri

    Një zjarr i përmasave të mëdha ka përfshirë mesnatën e kaluar zonën kodrinore pranë fshatit Malas-Bregas në qytetin e Dimalit.
    Flakët, të cilat vijojnë ende edhe sot në mesditë, janë përhapur me shpejtësi duke përfshirë një sipërfaqe të madhe toke dhe duke shkrumbuar qindra pemë ulliri.
    Në ndihmë të forcave zjarrfikëse të Dimalit kanë mbërritur edhe trupa nga Fier, Lushnje dhe Berat. Megjithatë, terreni i vështirë dhe era e fortë po e bëjnë tepër të vështirë ndërhyrjen dhe lokalizimin e flakëve.
    Autoritetet vendore dhe emergjencat civile janë në terren, ndërsa dëmet e shkaktuara deri më tani janë të konsiderueshme. Vijojnë përpjekjet për neutralizimin e plotë të zjarrit dhe shmangien e rrezikut për banesat pranë zonës së prekur.

  • Policia e Vlorës në aksion/ Qindra gjoba ndaj drejtuesve që kishin parkuar keq, dhjetëra makina hiqen me karrotrec

    Policia e Vlorës në aksion/ Qindra gjoba ndaj drejtuesve që kishin parkuar keq, dhjetëra makina hiqen me karrotrec

    Gjatë 24 orëve të fundit, shërbimet e Drejtorisë së Policisë Vlorë dhe të Komisariatit të Policisë Vlorë kanë intensifikuar veprimet për evidentimin dhe ndëshkimin e drejtuesve që parkojnë gabim automjetet e tyre, duke sjellë problematika në lëvizjen e këmbësorëve dhe të automjeteve të tjera, me fokus të veçantë zonat më të frekuentuara të qytetit, si: “Muradia”, bulevardi “Ismail Qemali”, Lungomare, si dhe akse të tjera me fluks të shtuar për shkak të sezonit turistik.
    Si rezultat: Janë vendosur qindra masa administrative ndaj drejtuesve që kishin zënë trotuaret dhe rrugëkalimet për këmbësorë; Janë larguar me karrotrec dhjetëra automjete që pengonin qarkullimin në këto zona.
    Kontrollet do të vijojnë çdo ditë, për të garantuar qarkullimin dhe lëvizjen e lirë të automjeteve dhe qytetarëve.
    Apeli për drejtuesit e automjeteve:
    Parkimi i dyfishtë nuk do të ndëshkohet vetëm administrativisht, por edhe penalisht për veprën penale “Pengimi i qarkullimit të mjeteve të transportit” e parashikuar nga neni 293 i Kodit Penal. Respektoni rregullat e qarkullimit, pasi çdo shkelje do të ndëshkohet dhe mjeti do të tërhiqet me karrotrec!

  • Votat e diasporës/ Berisha: DHL i dorëzoi zarfet pa asnjë firmë në zyrat e PS-së

    Votat e diasporës/ Berisha: DHL i dorëzoi zarfet pa asnjë firmë në zyrat e PS-së

    Kreu i Partisë Demokratike Sali Berisha tha sot gjatë një konference për shtyp se DHL i dorëzoi zarfet e diasporës pa asnjë firmë në zyrat e PS-së. Berisha prezantoi para mediave disa shembuj sipas tij të këtyre rasteve. Ai u shpreh se si këto ka qindra të tilla.
    Pjesë nga fjala e Berishës:
    Sot kam zgjedhur për të paraqitur para jush fatura të DHL-së, dorëzime të zarfeve të votimit, por që nuk kanë asnjë firmë. Shihni tani. Nga qindra e qindra kam zgjedhur disa. Ja, pa firmë. Tjetër, pa firmë fare. Vazhdo, pa firmë. Nuk ka firmë. Nuk ka firmë… Ylberi nuk ka firmë. Hatixhja nuk ka firmë. Ylberi nuk ka firmë, Gazmiri nuk ka firmë, Valentina nuk ka firmë, Mentori nuk ka firmë…
    Vazhdo pa firmë. Ju lutem, i ftoj qytetarët të përqendrohen. Urdhëroni se kujt ia ka dorëzuar zarfet për firmë DHL-ja, i ka dorëzuar në zyrat e PS, ndaj janë të gjitha pa firmë. Dhe janë plotësuar në zyrat e PS. Këto ishin. Kemi me qindra e qindra, por ne zgjodhëm këto se nuk mund t’u mbajmë kaq gjatë.

  • Skandali me votat e diasporës/ Berisha publikon provat tronditëse: DHL i dorëzoi zarfet pa asnjë firmë në zyrat e PS-së

    Skandali me votat e diasporës/ Berisha publikon provat tronditëse: DHL i dorëzoi zarfet pa asnjë firmë në zyrat e PS-së

    Lideri i opozitës, Sali Berisha, në një deklaratë për mediat, denoncoi një skandal të rëndë lidhur me votat e diasporës, duke publikuar sipas tij prova tronditëse që implikojnë Partinë Socialiste dhe kompaninë ndërkombëtare të shpërndarjes DHL.

    Ai deklaroi se zarfe të votimit janë dorëzuar pa asnjë firmë në zyrat e PS-së dhe janë plotësuar atje, duke vënë në dyshim integritetin e procesit zgjedhor.

    Në vijim, Berisha paraqiti disa nga këto fatura të DHL-së, duke theksuar mungesën e firmave në dorëzime.

    Pjesë nga deklarata:

    Sot kam zgjedhur për të paraqitur para jush fatura të DHL-së, dorëzime të zarfeve të votimit, por që nuk kanë asnjë firmë.
    Shihni tani. Nga qindra e qindra kam zgjedhur disa.
    Ja, pa firmë.
    Tjetër, pa firmë fare.
    Vazhdo, pa firmë.
    Nuk ka firmë.
    Nuk ka firmë…
    Ylberi nuk ka firmë. Hatixhja nuk ka firmë. Ylberi nuk ka firmë, Gazmiri nuk ka firmë, Valentina nuk ka firmë, Mentori nuk ka firmë…
    Vazhdo pa firmë.
    Ju lutem, i ftoj qytetarët të përqendrohen.
    Urdhëroni se kujt ia ka dorëzuar zarfet për firmë DHL-ja, i ka dorëzuar në zyrat e PS, ndaj janë të gjitha pa firmë.
    Dhe janë plotësuar në zyrat e PS.
    Këto ishin.
    Kemi me qindra e qindra, por ne zgjodhëm këto se nuk mund t’u mbajmë kaq gjatë.

  • “Rama firmosi 200 mln € falje gjobash për vota”, Berisha denoncon parregullsitë në zgjedhje: Fletë pa firma, votime..

    “Rama firmosi 200 mln € falje gjobash për vota”, Berisha denoncon parregullsitë në zgjedhje: Fletë pa firma, votime..

    Kryetari i opozitës, Sali Berisha, i ftuar në një emision televiziv, deklaroi se masakra elektorale ka ndodhur edhe në ditën e zgjedhjeve, jo vetëm përpara saj.
    “Do merrem me farsën elektorale më të shëmtuar në historinë e këtij vendi. Sigurisht në përputhje me ligjet, do merrem me farsën gjyqësore, një piramidë fund e krye mashtrimi, e ndërtuar me porositë e Edi Ramës politikisht.
    Por primarisht do merrem me farsën zgjedhore, e cila tejkalon çdo lloj imagjinate.

    Në ç’kuptim? Një njeri që cakton gjysmë miliardë euro prokurime për vota; një njeri që dhuron 76 milionë euro, 48 përqind të votuesve që janë pensionistë; një njeri që fal në kundërshtim me ligjin 200 milionë euro gjobë dhe kamata 2 ditë para zgjedhjeve; një njeri që organizon 4500 evente; një njeri i cili firmos mbjelljen e 29 mijë hektarëve kanabis nga 200 që parashikon ligji; një njeri që ka mobilizuar me dhjetëra mijëra punonjës si operativë elektoralë në kundërshtim me ligjin dhe i ka armatosur me të dhënat personale të qytetarëve në kundërshtim me ligjin; një njeri i cili punëson me dhjetëra mijëra me punësime të përkohshme për të marrë vota; përdor fuqinë ekzekutive për të firmosur me mijëra e mijëra legalizime, leje ndërtimi, certifikata për të marrë vota, mund të mendosh me të drejtë se ky njeri me këto i ka mbyllur hesapet dhe atë ditën e votimit e ka lënë të qetë.

    Një njeri që ka mobilizuar kartelet ku secili prej tyre është më i fuqishëm se çdo ministri për të mbështetur kandidatët që kanë porositur, nuk është marrë më me votat ditën e votimit.
    Por ajo që konstatojmë ne në ditën e votimit tejkalon çdo lloj imagjinate.
    Ne jemi përqendruar në zonat e dominuara nga kartelet. Në zonat e dominuara nga kartelet nuk ka komisionerë. Aty është ultimatumi që të ikën koka po lëvize. Sot unë demonstrova se votuesit vinin kot sepse votonte komisioneri. E filmuar. Ai vetëm paloste votën dhe e fuste në qendra. E keni në FB sot.
    Aty shkon kot votuesi.
    Në dhjetëra e qindra raste të tjera është karuseli, Treni Bullgar, i hapur fare. E merr fletën e votimit, e fut në xhep dhe del jashtë se e dorëzon.
    Tjetra, një njeri që voton 3 herë, 5 herë.
    Të gjitha në zonën e kartelit të drogës.
    Po të shihni, kemi shenja shumë të qarta të kutive që nuk mund të jenë kuti. Kuti votimi në të cilën nuk ekzistojnë firmat e komisionerëve. Kuti votimi në të cilat diskordancat midis fletëve të dorëzuara dhe të votuara janë të tilla që nuk kanë lidhje me qendrat e votimit.
    Tani po analizojmë vota e diasporës. Çfarë del në dorëzime? Me qindra dorëzime pa asnjë firmë. Nuk dihet se kujt iu dorëzua fare. Pa asnjë firmë. Në qindra dorëzime ekziston si firmë një vizë. Në qindra të tjera është bërë si firmë një flutur, por identike.
    Pra, i tëri një proces i stisur.
    Ne po i mbledhim këto të gjitha. Po u demonstrojmë qytetarëve shqiptarë, por do ia paraqesim edhe vëzhguesve ndërkombëtarë dhe pastaj do jetë dialogu me shqiptarët që ne kemi humbur në mënyrë përfundimtare votën dhe çfarë do bëjmë,” tha Berisha.
     
     
     

  • “Zgjedhje nën terror patronazhistësh”/ Berisha me prova të reja për ‘farsën’ e 11 majit

    “Zgjedhje nën terror patronazhistësh”/ Berisha me prova të reja për ‘farsën’ e 11 majit

    Sali Berisha pretendoi përsëri sot manipulimin dhe farsën zgjedhore të 11 majit, duke shfaqur dia pamje të reja nga dita e votimit, nga një prej qendrave në qarkun e Elbasanit.
    Ai tha se disponojnë qindra materiale filmime me parregullsi ku patronazhistët e partisë në pushtet votojnë vetë dhe orientojnë apo kontrollojnë votën e zgjedhësve.
    Në pamjet filmike që shfaqi ai tha se duken qartë komisionerët që ose votojnë në vend të zgjedhësve, ose i orientojnë dhe i ruajnë ata kur votojnë.
    “Më 11 maj qytetarët kanë votuar nën terrorin e patronazhistëve, që qëndronin si xhelatë te dhoma e fshehta. Mund të sjell qindra e qindra raste, por unë kam sjell vetëm disa për shkurtim kohe. Imagjinoni po të shtriheshin në qendrat e tjera”, tha ai.
    Dhe teksa përshkruante pamjet filmike që po shfaqte, duke i komentuar ai tha se ishte një nga qendrat e votimit të klanit të Suel Çelës.
    “Ja rasti te qendra e votimit në Elbasan, është dora e kartelit Çela. Ja se si votohet nga komisionerët patronazhistë për votuesit, vetëm nga një qendër, e njëjta qendër. Ja shikoni, voto dhe kontrollo”.

  • Qindra mijëra afganë detyrohen të largohen nga Irani

    Qindra mijëra afganë detyrohen të largohen nga Irani

    Qindra mijëra afganë janë larguar nga Irani javët e fundit, pasi Teherani u dha afat deri më 6 korrik më shumë se katër milionë imigrantëve afganë pa dokumente për ta lënë vendin, thanë Kombet e Bashkuara dhe organizata të tjera ndërkombëtare, duke ngritur alarmin për mungesën e theksuar të fondeve për t’i ndihmuar të kthyerit.

    Më shumë se 256.000 afganë janë kthyer në vendin e tyre nga Irani vetëm gjatë qershorit, sipas Organizatës Ndërkombëtare për Migracionin (IOM).
    Agjencia tha se rritja e madhe e numrit të të riatdhesuarve po e bën të vështirë për IOM-in dhe partnerët për të ofruar ndihmë.

    Këto organizata arrijnë t’i ndihmojnë vetëm te 10 për qind të atyre që kanë nevojë.
    Irani thotë se i strehon më shumë se 6 milionë afganë, shumë prej të cilëve jetojnë atje pa status të ligjshëm. Shumë imigrantë afganë pretendojnë se përballen me diskriminim të rregullt në Iran.
    Disa media iraniane kanë raportuar se edhe afganët me viza të vlefshme janë dëbuar me forcë gjatë valës së fundit të dëbimeve.
    Lufta 12-ditëshe e Iranit me Izraelin në mes të qershorit thuhet se ka kontribuar në largimet, me mediat shtetërore iraniane dhe përdorues të rrjeteve sociale që pretendojnë se një numër i pacaktuar shtetasish afganë janë arrestuar nën dyshime për spiunazh për Izraelin.
    Afganët ndalohen nën akuza për spiunazh
    Richard Bennett, raportuesi i posaçëm i OKB-së për të drejtat e njeriut në Afganistan, tha në platformën X më 5 korrik se “qindra” afganë dhe pjesëtarë të pakicave të tjera etnike dhe fetare janë ndaluar dhe “akuzuar për spiunazh”.
    Bennett gjithashtu shprehu shqetësim për atë që e përshkroi si “etiketimin e afganëve [dhe] komuniteteve pakicë si tradhtarë” nga mediat iraniane.
    Disa imigrantë që jetojnë në Iran i thanë Radios Evropa e Lirë se afganët e arrestuar për akuza spiunazhi janë keqtrajtuar në paraburgim dhe më pas janë dëbuar në Afganistan, pavarësisht se kishin leje qëndrimi dhe dokumentacion të vlefshëm.
    Një i ri afgan që jeton në Teheran i tha REL-it se babai i tij u arrestua dhe u keqtrajtua nga policia iraniane për një akuzë të rrejshme për spiunazh.
    “Babai im u arrestua dhe u torturua për akuza spiunazhi”, tha ai në kushte anonimiteti.
    I riu shtoi se viza e tij ka skaduar së fundmi dhe ai nuk del më jashtë nga frika se do të arrestohet dhe dëbohet.
    Një tjetër refugjat afgan ndau rrëfim të ngjashëm, duke thënë se “situata e refugjatëve afganë është përkeqësuar më tej gjatë një apo dy javëve të fundit”.
    “Edhe ata që kanë status të ligjshëm dhe punë jetojnë në frikë. Shumë prej miqve tanë janë dëbuar. Situata është shumë shqetësuese”, i tha ai REL-it më 6 korrik.
    IOM-i dhe organizata të tjera ndërkombëtare, si Federata Ndërkombëtare e Kryqit të Kuq dhe Gjysmëhënës së Kuqe (IFRC), që ofrojnë ndihmë për të kthyerit, thanë se shumë afganë mbërrijnë “vetëm me rrobat që kanë veshur” dhe “në nevojë urgjente për ushqim, kujdes mjekësor dhe mbështetje”.
    IFRC-ja tha më 5 korrik se grupe të mëdha afganësh, përfshirë shumë fëmijë, po mbërrijnë nëpërmjet pikës kufitare Islam Qala, pasi kanë përjetuar “lodhje, uri dhe pasiguri gjatë rrugës së kthimit”, me temperatura mbi 43 gradë celsius.
    Sipas IFRC-së, më shumë se 800.000 afganë janë kthyer nga Irani që nga janari.
    Ndërkohë, qindra mijëra të tjerë janë kthyer nga Pakistani, një tjetër vend pritës për refugjatët afganë.
    Pakistani planifikon t’i dëbojë 3 milionë afganë këtë vit.
    Agjencia për refugjatë e OKB-së, UNHCR, tha muajin e kaluar se të paktën 1.2 milion afganë janë detyruar të kthehen nga Irani dhe Pakistani deri tani këtë vit, duke shkaktuar një krizë që mund të destabilizojë më tej situatën e brishtë në Afganistan./REL

  • Qindra mijëra afganë detyrohen të largohen nga Irani, thotë OKB-ja

    Qindra mijëra afganë detyrohen të largohen nga Irani, thotë OKB-ja

    Refugjatët afganë mbërrijnë në pikën kufitare Islam Qala midis Afganistanit dhe Iranit më 27 qershor 2025, pas dëbimit nga Irani.
    Qindra mijëra afganë janë larguar nga Irani javët e fundit, pasi Teherani u dha afat deri më 6 korrik më shumë se katër milionë imigrantëve afganë pa dokumente për ta lënë vendin, thanë Kombet e Bashkuara dhe organizata të tjera ndërkombëtare, duke ngritur alarmin për mungesën e theksuar të fondeve për t’i ndihmuar të kthyerit.
    Më shumë se 256.000 afganë janë kthyer në vendin e tyre nga Irani vetëm gjatë qershorit, sipas Organizatës Ndërkombëtare për Migracionin (IOM).

    Agjencia tha se rritja e madhe e numrit të të riatdhesuarve po e bën të vështirë për IOM-in dhe partnerët për të ofruar ndihmë.
    Këto organizata arrijnë t’i ndihmojnë vetëm te 10 për qind të atyre që kanë nevojë.
    Refugjatët afganë janë fotografuar në pikën kufitare Islam Qala midis Afganistanit dhe Iranit më 28 qershor 2025, pas dëbimit nga Irani.
    Irani thotë se i strehon më shumë se 6 milionë afganë, shumë prej të cilëve jetojnë atje pa status të ligjshëm. Shumë imigrantë afganë pretendojnë se përballen me diskriminim të rregullt në Iran.
    Disa media iraniane kanë raportuar se edhe afganët me viza të vlefshme janë dëbuar me forcë gjatë valës së fundit të dëbimeve.
    Lufta 12-ditëshe e Iranit me Izraelin në mes të qershorit thuhet se ka kontribuar në largimet, me mediat shtetërore iraniane dhe përdorues të rrjeteve sociale që pretendojnë se një numër i pacaktuar shtetasish afganë janë arrestuar nën dyshime për spiunazh për Izraelin.
    Afganët ndalohen nën akuza për spiunazhRichard Bennett, raportuesi i posaçëm i OKB-së për të drejtat e njeriut në Afganistan, tha në platformën X më 5 korrik se “qindra” afganë dhe pjesëtarë të pakicave të tjera etnike dhe fetare janë ndaluar dhe “akuzuar për spiunazh”.
    Bennett gjithashtu shprehu shqetësim për atë që e përshkroi si “etiketimin e afganëve [dhe] komuniteteve pakicë si tradhtarë” nga mediat iraniane.
    Disa imigrantë që jetojnë në Iran i thanë Radios Evropa e Lirë se afganët e arrestuar për akuza spiunazhi janë keqtrajtuar në paraburgim dhe më pas janë dëbuar në Afganistan, pavarësisht se kishin leje qëndrimi dhe dokumentacion të vlefshëm.
    Një i ri afgan që jeton në Teheran i tha REL-it se babai i tij u arrestua dhe u keqtrajtua nga policia iraniane për një akuzë të rrejshme për spiunazh.
    “Babai im u arrestua dhe u torturua për akuza spiunazhi”, tha ai në kushte anonimiteti.
    I riu shtoi se viza e tij ka skaduar së fundmi dhe ai nuk del më jashtë nga frika se do të arrestohet dhe dëbohet.
    Një tjetër refugjat afgan ndau rrëfim të ngjashëm, duke thënë se “situata e refugjatëve afganë është përkeqësuar më tej gjatë një apo dy javëve të fundit”.
    “Edhe ata që kanë status të ligjshëm dhe punë jetojnë në frikë. Shumë prej miqve tanë janë dëbuar. Situata është shumë shqetësuese”, i tha ai REL-it më 6 korrik.
    IOM-i dhe organizata të tjera ndërkombëtare, si Federata Ndërkombëtare e Kryqit të Kuq dhe Gjysmëhënës së Kuqe (IFRC), që ofrojnë ndihmë për të kthyerit, thanë se shumë afganë mbërrijnë “vetëm me rrobat që kanë veshur” dhe “në nevojë urgjente për ushqim, kujdes mjekësor dhe mbështetje”.
    IFRC-ja tha më 5 korrik se grupe të mëdha afganësh, përfshirë shumë fëmijë, po mbërrijnë nëpërmjet pikës kufitare Islam Qala, pasi kanë përjetuar “lodhje, uri dhe pasiguri gjatë rrugës së kthimit”, me temperatura mbi 43 gradë celsius.
    Sipas IFRC-së, më shumë se 800.000 afganë janë kthyer nga Irani që nga janari.
    Ndërkohë, qindra mijëra të tjerë janë kthyer nga Pakistani, një tjetër vend pritës për refugjatët afganë.
    Pakistani planifikon t’i dëbojë 3 milionë afganë këtë vit.
    Agjencia për refugjatë e OKB-së, UNHCR, tha muajin e kaluar se të paktën 1.2 milion afganë janë detyruar të kthehen nga Irani dhe Pakistani deri tani këtë vit, duke shkaktuar një krizë që mund të destabilizojë më tej situatën e brishtë në Afganistan.
    REL

  • Kapet cisterna me qindra kg kokainë në Belgjikë, mes të arrestuarve edhe një shqiptar

    Kapet cisterna me qindra kg kokainë në Belgjikë, mes të arrestuarve edhe një shqiptar

    Autoritetet belge në një operacion të zhvilluar së fundmi kanë zbuluar qindra kg kokainë në një anije cisternë turke.
    Mësohet se anija “Scot Bremen” u ndalua pasi një patrullë policie vuri re në mbrëmje tetë burra që po lëshonin një varkë në marinën Blankenberge.
    Zyra e prokurorit publik të Flandrës Perëndimore në njoftim theksoi se i konfirmojnë arrestimet në Blankenberge dhe zbulimin e drogës në cisternën e naftës në Zeebrugge. Ata shtuan se ende nuk mund të komentojnë nëse dy rastet janë të lidhura. Hetimi në vazhdim do ta tregojë këtë. 8 të arrestuarit janë 4 belgë, 3 holandezë dhe 1 shqiptar. Anija mbeti e ankoruar në Zeebrugge.