Lajmidites.com

Tag: qindra

  • Mbrojtja rajonale/ Vendet nordike do të blejnë së bashku qindra automjete të blinduara suedeze

    Mbrojtja rajonale/ Vendet nordike do të blejnë së bashku qindra automjete të blinduara suedeze

    Finlanda, Norvegjia, Suedia dhe Lituania do të blejnë së bashku disa qindra automjete të blinduara të rënda CV-90 të prodhimit suedez, në një përpjekje të koordinuar për të forcuar mbrojtjen rajonale dhe për të ulur kostot e prokurimit, njoftuan mediat suedeze të martën.

    Kryeministri suedez Ulf Kristersson, duke folur në një konferencë të përbashkët shtypi me kryeministrin lituanez Gintautas Paluckas, theksoi përfitimet strategjike të bashkëpunimit.

    “Prokurimi i përbashkët do të përshpejtojë dërgesat, do të ulë kostot dhe do të përfitojë nga lidhjet tona industriale të mbrojtjes,” tha Kristersson, sipas transmetuesit publik SVT.

    Ndërsa kostoja totale e paketës nuk është bërë e ditur, një letër interesi për blerjen pritet të nënshkruhet në pranverë.

    CV-90, i prodhuar nga gjiganti i mbrojtjes BAE Systems në Suedi, konsiderohet si një nga mjetet e blinduara të rënda më të mira dhe më të avancuara në klasën e tij. Ai vjen në 17 variante dhe tashmë është në shërbim në 10 vende./ AA.

  • Meta vazhdon fushatën nga qelia: Pensionistët, kategoria sociale më e diskriminuar

    Meta vazhdon fushatën nga qelia: Pensionistët, kategoria sociale më e diskriminuar

    Kreu i Partisë së Lirisë, Ilir Meta thotë se pensionistët janë kategoria më e diskriminuar nga qeveria, të cilët për 12 vite janë lënë në harresë. Në një mesazh nga qelia, Meta shprehet se shifrat tregojnë varfërinë në të cilën ndodhen pensionistët, ndërsa bën edhe një krahasim të pensioneve me vendet e rajonit.
    Postimi i plotë i Metës në Facebook: 

    Kam takuar qindra e qindra pensionistë që me shkollën e tyre të jetës më kanë mësuar kaq shumë.Varfëria e tyre më ka tronditur thellë. Ndaj prioritet i prioriteteve dhe angazhim madhor për Shqipërinë Madhështore, do të jetë trajtimi i pensionisteve, që janë krenari e vendit për gjithçka kanë dhënë e për sakrificat që kanë kaluar.Shifrat janë shokuese dhe tregojnë varfërinë dhe mjerimin e dhimbshëm të qindra mijra pensionistëve.Masa e pensionit mesatar të pleqërisë urbane dhe rurale aktualisht në Shqipëri është 170 Euro, ndërsa në Kosovë është 340 Euro, në Malin e Zi është 450 Euro, në Maqedoninë e Veriut 325 Euro, dhe në Serbi 390 Euro.Në tre mandate askush nuk e pengoi Edi Ramën të rriste realisht pensionet, por plaçkitja dhe korrupsioni i tij skizofrenik rrëmbeu miliarda euro që do të shërbenin për rritjen e pensioneve.Në 12 vite në pushtet, ai i varfëroi në ekstrem pensionistët, që sot janë kategoria sociale më e diskriminuar, më e përjashtuar dhe më e varfër e shoqërisë.Ndaj Programi i shkëlqyer i Shqipërisë Madhështore flet qartë për pensionistet përmes “Paketës së Dhembshurisë”, që konsiston:NË 100 DITËT E PARA DO TË VENDOSET MINIMUMI JETIK PREJ 200 EUROSH PËR ÇDO SHQIPTAR• Çdo pensionist, me pension të plotë apo të pjesshëm, më të ulët se 200 euro në muaj, do të marrë 200 euro në muaj.• Rriten pensionet me 20%.• Çdo pensionist do të pajiset me Kartën e Konsumatorit, me të cilën do të përfitojë kthimin e TVSH-së që paguan për blerjet e ushqimeve bazë, energjisë elektrike, ujit dhe ilaçeve, duke përfituar rreth 450 euro në vit.• Për personat me aftësi të kufizuara që kanë nevojë, do të paguhet kujdestari dhe sigurimet e tij, si dhe do të garantohen nga shteti të gjitha mjetet sanitare dhe ndihmëse që u nevojiten.ÇMIMI I ENERGJISË ELEKTRIKE DO TË ULET NË 7 LEKË/KWH• Falen të gjitha gjobat për energjinë elektrike dhe ujin e pijshëm për Pensionistët.✅️🗳 VOTO NR.1 – Koalicioni “PD – Aleanca për Shqipërinë Madhështore”✅️🗳 VOTO ILIR METAJ – Qarku Tiranë

  • Qindra njerëz mbushin rrugët e Vatikanit pas vdekjes së Papa Françeskut: Domethënëse që ndërroi jetë gjatë Pashkëve!

    Qindra njerëz mbushin rrugët e Vatikanit pas vdekjes së Papa Françeskut: Domethënëse që ndërroi jetë gjatë Pashkëve!

    Sheshi i Shën Pjetrit u mbush me qindra njerëz të hënën pas njoftimit të vdekjes së Papa Françeskut, të cilët janë shprehur të trishtuar për këtë lajm.
    Për shkak të turmave të mëdha, njerëzit lëviznin ngadalë, disa duke shtyrë biçikletat e tyre, të tjerë duke shtyrë karrocat ose duke i drejtuar fëmijët e tyre nëpër turmë.
    Për Alessia Saltinin, një turiste italiane, vdekja e Françeskut “goditi në çdo kuptim”.
    “Ajo që ndodhi këtë mëngjes, ishim pak të trishtuar sepse dinim për gjendjen shëndetësore të Papës, por praktikisht e dinim nga lajmet se ai do të vdiste”, tha ajo për Reuters.
    Shumë turistë ishin ende në Romë pas fundjavës së Pashkëve, kur 1.3 miliardë katolikë në botë festojnë ringjalljen e Jezu Krishtit.
    “Unë jam këtu për Pashkë dhe e shoh shumë domethënëse që Papa ka vdekur gjatë Pashkëve, ose fundjavës së Pashkëve,” i tha Reuters Becca Tusa, një turiste argjentinase.
    “Unë jam nga Argjentina, Papa ishte argjentinas, kështu që ka shumë rëndësi për ne. Është një moment pak trishtimi dhe në të njëjtën kohë falënderimi dhe një festë e jetës.”

  • Qindra besimtarë në Sarandë kremtojnë Ringjalljen e Krishtit – VIDEO

    Qindra besimtarë në Sarandë kremtojnë Ringjalljen e Krishtit – VIDEO

     
    Mbrëmjen e së shtunës, atmosfera festive dhe shpirtërore ka mbërthyer Kishën Ortodokse “Shën Harallambi” në Sarandë, ku qindra besimtarë janë mbledhur për të kremtuar Ringjalljen e Krishtit, një nga festat më të rëndësishme të kalendarit fetar.
     
     

     
    Ceremonia ka nisur në orët e vona të mbrëmjes me meshën e shenjtë dhe është kulmuar me momentin e shumëpritur të marrjes së dritës së bekuar, simbol i fitores së jetës mbi vdekjen dhe i shpresës së re. Në një atmosferë solemniteti dhe gëzimi, besimtarët kanë mbushur oborrin dhe ambientet e brendshme të kishës me qirinj të ndezur në dorë, duke përcjellë mesazhin e paqes, dashurisë dhe besimit.
     
    At Kozmai, gjatë predikimit të tij, theksoi rëndësinë e Ringjalljes si një moment reflektimi shpirtëror dhe ripërtëritjeje të vlerave të besimit, mirësisë dhe mëshirës. Ai uroi që kjo festë t’u sjellë të gjithëve paqe në zemër dhe forcë për të përballuar sfidat e jetës.
     

     
    Kremtimi i Pashkës Ortodokse në Sarandë është kthyer tashmë në një traditë të dashur për komunitetin, ku përveç aspektit fetar, sjell edhe një ndjesi të fortë bashkimi mes qytetarëve dhe një përjetim të veçantë të shpirtit të kësaj feste.
     
    Me përfundimin e meshës dhe ndarjen e dritës, besimtarët janë larguar nga kisha duke uruar njëri-tjetrin me fjalët tradicionale: “Krishti u ringjall!” – “Vërtet u ringjall!”, duke përçuar kështu simbolikën e kësaj nate të bekuar.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Kremtimi i Pashkëve në Vlorë/ Qindra besimtarë marrin pjesë në meshën e shenjtë në Kishën e Shën Theodhorit

    Kremtimi i Pashkëve në Vlorë/ Qindra besimtarë marrin pjesë në meshën e shenjtë në Kishën e Shën Theodhorit

    Qindra besimtarë të krishterë në Vlorë i janë drejtuar Kishës së Shën Theodhorit.

    Ndërsa kanë pritur mesnatën duke marrë edhe flakën e shenjtë nuk ka munguar urimi Gëzuar Pashkët. Reklama në FieriWeb – “STREET FOOD S.O.A”

    Urimi është përcjellë pas meshës nga At Konstandin Prifti si edhe nga besimtarët vlonjatë.  Reklama në FieriWeb – “CAPRICCIOSA LALI”

    Kisha e Shën Theodhorit në Vlorë priti qindra besimtarë të pranishëm në meshën e shenjtë dhe me urimin për më shumë dashuri.

    Reklama në FieriWeb – “PASTIÇERI “RUSTEMAJ”

  • Qindra qytetarë dalin e presin përgjatë rrugës për Dibër, Berisha i ‘surprizon’, zbret nga makina dhe…

    Qindra qytetarë dalin e presin përgjatë rrugës për Dibër, Berisha i ‘surprizon’, zbret nga makina dhe…

    Për gjatë gjithë rrugës së Arbrit qindra qytetarë kanë dalë me automjetet e tyre për të pritur liderin e Partisë Demokratike, Sali Berisha për takimin elektoral që do të mbahet në Dibër.

    Në një moment përgjatë rrugës lideri historik i të djathtës ka surprizuar mbështetësit, teksa kryedmeokrati Berisha ka zbritur nga automjeti i tij për t’u përshëndetur me ta.

    Momenti elektrizues në video:

  • “Udha e Kryqit”/ Qindra besimtarë në Lezhë kremtuan të premten e zezë

    “Udha e Kryqit”/ Qindra besimtarë në Lezhë kremtuan të premten e zezë

    Ceremonia u udhëhoq nga Arqipeshkvi i Dioqezës së Lezhës, Monsinjor Otavio Vitale, i cili drejtoi lutjet dhe meditimet për vuajtjet e Krishtit në rrugëtimin e tij drejt Kalvarit.
    Qindra besimtarë të krishterë në Lezhë u mblodhën një ditë më parë për të përkujtuar një nga momentet më të rëndësishme të javës së shenjtë, të Premten e Zezë, që në liturgji njihet si “Udha e Kryqit”. Besimtarët, me devotshmëri dhe përulësi, përshkuan rrugën simbolike nga sheshi “Gjergj Kastrioti” deri në kalanë e qytetit, duke ndjekur stacion pas stacioni të gjitha etapat e vuajtjeve të Krishtit, që sipas besimit të krishterë, mori mbi vete mëkatet njerëzore për t’u kryqëzuar dhe për t’u ringjallur pas tre ditësh.
    Mons Otavio Vitale theksoi rëndësinë shpirtërore të kësaj dite në pritje të Pashkës, ringjalljes së Krishtit. Me këtë përkujtim të thellë dhe solemn, besimtarët rikonfirmojnë besimin në fuqinë e sakrificës dhe shpresën e ringjalljes – thelbi i Pashkëve dhe i jetës së krishterë. Në heshtjen dhe lutjen e kësaj dite, ndjehej forca e shpirtit që kërkon dritën pas çdo errësire.

  • Zyrtarët kongolez: Të paktën 50 të vdekur dhe qindra të zhdukur pas përmbysjes së një varke në Kongo

    Zyrtarët kongolez: Të paktën 50 të vdekur dhe qindra të zhdukur pas përmbysjes së një varke në Kongo

    Të paktën 50 persona kanë humbur jetën dhe qindra të tjerë rezultojnë të zhdukur pas një aksidenti tragjik me varkë në lumin Kongo, në pjesën veriperëndimore të Republikës Demokratike të Kongos (DRC). Ngjarja ndodhi të martën mbrëma, kur një varkë motorike prej druri, me rreth 400 pasagjerë në bord, mori flakë pranë qytetit Mbandaka.

    Zyrtarët lokalë konfirmuan se dhjetëra persona janë shpëtuar, por shumë prej tyre kanë pësuar djegie të rënda. Rreth 100 të mbijetuar janë strehuar në mënyrë të përkohshme në bashkinë e Mbandaka, ndërsa ata që kanë nevojë për ndihmë mjekësore janë dërguar në spitalet lokale.

    Sipas komisionerit të lumit, Kompetent Loyoko, incidenti ndodhi pasi një grua në bord kishte nisur të gatuante, çka shkaktoi shpërthimin e zjarrit. Disa pasagjerë, përfshirë gra dhe fëmijë, u hodhën në ujë në përpjekje për t’u shpëtuar flakëve, por humbën jetën pasi nuk ishin në gjendje të notonin.

    Varka, e quajtur HB Kongolo, ishte nisur nga porti i Matankumu dhe kishte si destinacion territorin e Bolombës. Shërbimet e kërkim-shpëtimit, së bashku me Kryqin e Kuq dhe autoritetet provinciale, janë ende në terren në përpjekje për të gjetur të mbijetuarit dhe për të rikuperuar trupat e pajetë.

    Aksidentet me varka janë të zakonshme në DRC, ku anijet shpesh janë të mbipopulluara dhe udhëtimet bëhen gjatë natës pa masa sigurie. Autoritetet vendase kanë hasur vështirësi në zbatimin e rregulloreve detare, ndërkohë që lumenjtë mbeten mjeti kryesor i transportit për miliona banorë, sidomos në zonat e izoluara me infrastrukturë të dobët.

    Në vitet e fundit, qindra persona kanë humbur jetën në aksidente të ngjashme, duke e kthyer këtë lloj tragjedie në një plagë të përsëritur për popullsinë e këtij vendi të Afrikës Qendrore.

  • Paloka: Qesharake! Rama po përdor shtetin për të manipuluar zgjedhjet, opozita akuzohet për blerje votash

    Paloka: Qesharake! Rama po përdor shtetin për të manipuluar zgjedhjet, opozita akuzohet për blerje votash

    Kryetari i Këshillit Kombëtar të Partisë Demokratike, Edi Paloka, ka hedhur akuza për krime elektorale dhe manipulimin e procesit zgjedhor nga Partia Socialiste.
    Paloka ka theksuar se ai ka dëgjuar shpifje dhe dezinformata që, sipas tij, janë përdorur për të sulmuar opozitën dhe për të nxjerrë PD-në si përgjegjëse për krime elektoralë, ndërkohë që ai e konsideron këtë një tentativë të qeverisë për të mbuluar shkeljet dhe abuzimet që janë bërë gjatë periudhës që PS është në pushtet.
    Ai ka theksuar se këto akuzat dhe denoncimet për blerjen e votave me shifra si 500 euro janë një vazhdimësi e një skeme të njohur që qeveria e Edi Ramës përdor për të kontrolluar procesin zgjedhor, duke e pasur këtë si një praktikë të zakonshme të fushatave elektorale të PS.
    “Atë të ‘Piranjave’ e dëgjova, është demaskim i qartë i njërit prej qindra shkeljeve ligjore dhe krimeve elektorale që PS i ka si normalitet, ajo janë fushata reale e Partisë Socialiste.
    Nuk e dija që janë shoqëruar persona, shohim rezultatin se unë deri tani kam dëgjuar se krimin elektoral e paska bërë PD, dhe i arrestuari i vetëm që njoh unë është një anëtar i PD, sipas deklaratave të Veliut dhe asaj dashnorese të këtij Gysit të fortë.
    Më qesharak se aq nuk ka, nuk vënë as ndonjë shifër që njerëzit ta besojnë se unë bëra dhe një status për këtë, pra 12 vitesh që ne jemi në opozitë, dhe pas 12 vitesh që kjo qeveri vetëm vjedh e manipulon, pra votat i blen PD dhe me 500 euro dhe jo 50 klasike.
    Pra ne që kemi 12 vite në opozitë të blejmë vota nga 500 euro, dhe ne blejmë votat e në pushtet vazhdon Rama dhe kjo skemë dihet që do luhej sepse edhe me Belerin u luajt kjo skemë.
    Kur ke të tilla monstra në vend, si ato që unë përmenda pak më parë, normal që Rama do i përdorë për të sajuar çdo gjë, ndërsa krimet elektorale të denoncuara dhe ato publike, sepse një pjesë me qindra e qindra krime elektorale ne i kemi denoncuar dhe janë publike, duke nisur që të asfalti elektoral natën deri te kjo që ka transmetuar Piranjat, që marin njerëz e i joshin me vende pune apo me zgjidhjen e problemeve të tyre“, tha Paloka

  • Qindra ish-agjentë të Mossad-it protestë kundër rifillimit të sulmeve në Gaza, qeveria urdhëron shkarkimin e atyre që iu bashkohen

    Qindra ish-agjentë të Mossad-it protestë kundër rifillimit të sulmeve në Gaza, qeveria urdhëron shkarkimin e atyre që iu bashkohen

    Qindra ish-agjentë të Mossad-it po kritikojnë rifillimin e luftës së Gazës, mes zhgënjimit në rritje që jo të gjithë pengjet e mbajtura nga Hamasi janë riatdhesuar ende.

    Më shumë se 250 ish-oficerë të Mossad-it, përfshirë tre ish-shefa, kanë mbështetur një letër të nënshkruar fillimisht nga veteranë dhe rezervistë të Forcave Ajrore, duke i kërkuar qeverisë izraelite që t’i jepte përparësi kthimit të pengjeve në vend të luftimit të Hamasit në Gaza.
    Qeveria izraelite beson se 24 nga 59 pengjet e kapur gjatë sulmit të Hamasit në Izraelin jugor më 7 tetor 2023, janë ende gjallë, sipas The Guardian.
    Letra pretendon se përshkallëzimi i sulmeve izraelite dhe operacioneve tokësore në Gaza që nga rënia e armëpushimit në mars është për shkak të interesave personale të kryeministrit, Benjamin Netanyahu. Letra gjithashtu akuzonte qeverinë e tij për rrezikimin e jetës së ushtarëve dhe pengjeve për përfitimet e saj politike.
    Letra u nënshkrua nga afro 1000 rezervistë dhe anëtarë në pension të Forcave Ajrore izraelite, e cila është në vijën e parë të ofensivës së vazhdueshme në Gaza.
    Ajo provokoi një reagim të fortë nga Netanyahu, i cili tha se ishte formuluar nga “një grup ekstrem i skajshëm që po përpiqet edhe një herë të ndajë shoqërinë izraelite nga brenda”. Qeveria urdhëroi shkarkimin e të gjithë rezervistëve aktivë që e kishin nënshkruar atë.

    Top Channel