Ministri grek i Emigracionit dhe Azilit, Makis Voridis, ka dhënë një deklaratë së fundmi nga Parlamenti helen, lidhur me të huajt e paligjshëm në vend.
Siç shprehet ai, qëndrimi në një periudhë të gjatë kohore i një emigrant të paligjshëm në Greqi, nuk do të çojë aspak në dhënien e lejes së qëndrimit apo nënshtetësisë. Voridis sqaron se ky hap i ndërmarrë nga këta emigrantë, që mendojnë se duke qendruar gjatë do të shpërblehen nga shteti helen, është i pavërtetë.
“Nuk mund të ketë një strategji për shpërblimin e atyre që qëndrojnë këtu ilegalisht. Nuk mund të themi se, për shkak se dikush e mundi sistemin dhe qëndroi shtatë vite në mënyrë të paligjshme, do t’i japim leje qëndrimi”, u shpreh ministri grek, raporton Protothema.
“Nuk do të hyj logjikës së legalizimit të emigracionit të paligjshëm. Kushdo që qëndron këtu ilegalisht nuk mund të marrë leje qëndrimi vetëm se plotëson nevojat e tregut. Një qasje e tillë anulon konceptin e kufijve, politikave të azilit dhe kthimeve”, shtoi ministri.
E gjitha kjo, vjen pas vrojtimit të bërë nga deputetja opozitare greke, Nandia Giannakopoulou, e partisë PASOK, e cila u shpreh se Strategjia Kombëtare e Punësimit parashikon 89,290 vende të lira pune për emigrantët për vitin 2025.
“Korriku po afron dhe askush nuk e di se sa kanë mbërritur”, tha ajo.
Në këtë mënyrë, deputetja e PASOK vë në theks se ka deficite të mëdha në tregun e punës, duke u shprehur se ka rreth 7 mijë vende të lira punë në sektorin e turizmit vetëm në Kretë, e rreth 80 mijë mungesa në të gjithë vendin.
Pikëpyetjet për qëndrimin e qeverisë greke për emigrantët
Deputetja e PASOK, solli në vëmendje një projektligj të votuar pro nga ministry për legalizimin e 40 mijë emigrantëve në Greqi, por jo se është përmbushur.
“Cila është politika e vërtetë e qeverisë? Kjo e një viti më parë apo kjo e sotmja”, pyeti Giannakopoulou.
Ministri Voridis u përgjigj se u paraqitën 40 mijë aplikime, porjo të gjitha u miratuan. Sipas tij, ai projektligj ishte thjesht një përjashtim, por jo ndryshim në politikën vendase për emigrantët.
“U paraqitën 40 mijë aplikime, nga të cilat 12 mijë u miratuan dhe 8 mijë u refuzuan. Pjesa tjetër është në pritje. Por ka mbaruar si process. Ky ishte thjesht një përjashtim, jo ndryshim në politikë. Është thjesht një rregullim i pjesshëm”, sqaroi ai.
Ky i fundit këmbënguli se asnjë politikë serioze emigracioni nuk mund të ekzistojë pa një dallim midis emigracionit të ligjshëm dhe të paligjshëm, por edhe pa një sistem efektiv kthimesh.
“Nëse të gjithë hyjnë e mbeten këtu, nuk ka kuptim të flasim për politika”, tha ai.
Kështu, ministri paralajmëroi një projektligj për politika më të rrepta, që parashikohen e kthime të menjëhershme. Ky projektligj do të përfshijë dhe propozime nga Komisioni Evropian.
A është ky një alarm për emigrantët shqiptarë?
Padyshim që këto politika mund të kenë ndikim tek shqiptarët që jetojnë në shtetin fqinjë, pasi ka një numër të konsiderueshëm të bashkëkombësve të cilët janë në pritje të një leje qendrimi grek.
Nuk janë të paktë shqiptarët, të cilët duke qëndruar sa më gjatë ilegalisht në Greqi, po shpresojnë të përfitojnë dokumentacionin e nevojshëm, por ata po përballen me një qëndrim zyrtar më të prerë nga ana e qeverisë: jo më shpërblime.
Duke qenë se po paralajmërohet për projektligj të ri që ashpërson kthimin e të huajve të paligjshëm, rrezik ka dhe për komunitetin shqiptar, i cili është dhe ndër më të mëdhenjtë nga të huajt që qëndrojnë në Greqi.
Edhe pse në vend ka mijëra vende të lira pune, sidomos në sektorë si turizmi dhe bujqësia ku zakonisht punojnë emigrantët shqiptarë, ministri theksoi se nevojat ekonomike nuk do të përdoren si justifikim për dhënien e dokumenteve
Në këtë mënyrë, stresi dhe frika e emigrantëve shqiptarë vjen në rritje, të cilët janë në pritje të miratimit të një leje qendrimi, për t’i bërë ata legalë në shtetin fqinjë. Ata që janë në pritje, mund të ndodhë të përballen me refuzime ose me një proces që nuk zgjidhet në favor të tyre.
Të gjitha këto, krijojnë vështirësi në integrimin social dhe ekonomik për komunitetin shqiptar i cili ende nuk është pajisur me dokumentacione.
Tag: qëndrimi
-
A preken shqiptarët?/ Ministri grek: Qëndrimi i gjatë i emigrantëve të paligjshëm nuk u mundëson legalizimin e tyre
-
Banka e Shqipërisë: Emigrantët nuk po sjellin më para, ja faktorët që ndikojnë
Paratë që emigrantët sjellin tek familjet e tyre në Shqipëria po shfaqin një tendencë ngadalësimi në muajt e parë të këtij viti, duke reflektuar indirekt se valës së re të emigracionit po i vjen kulmi.
Të dhënat e Bankës së Shqipërisë në bilancin e pagesave bënë të ditur se të ardhurat nga emigrantët ishin 251 milionë euro në janar-mars 2025, me një rritje prej 3.7% në krahasim me të njëjtën periudhë të një viti më parë. ky është niveli më i ulët i rritjes, që nga viti 2020. Në tremujorin e parë 2024, paratë që emigrantët sjellin në shtëpi ishin rritur me 13% dhe një vit më parë me 16%.
Që nga viti 2013, paratë që emigrantët sjellin në Shqipëri janë rritur vazhdimisht (shiko grafikun), duke reflektuar një cikël të ri emigracioni, që nisi kryesisht pas vitit 2015.
Të dhëna të tjera të Eurostat tregojnë se ritmet e emigracionit të shtetasve shqiptare në vendet e Bashkimit Europian janë përshpejtuar vitet e fundit dhe kjo reflektohet në numrin e lartë të lejeve të qëndrimit të dhëna nga shtetet e BE-së. Në vitin 2023 u dhanë rreth 75 mijë leje qëndrimi për shtetasit shqiptarë nga vendet e BE-së. Një vit më parë ishin dhënë 79.2 mijë leje qëndrimi për herë të pare.
Këto janë nivelet më të larta që nga 2010-a, duke treguar për një përshpejtim të ritmeve të emigracionit pas pandemisë. Në 2022-2023 u dhanë gjithsej 154 mijë leje qëndrimi për herë të parë. Duke qenë se një pjesë e madhe e të ikurve janë me kontrata pune, sidomos në shtete si Gjermania, dhënia e lejeve është më e shpejtë sesa dikur, kur shtetasit shqiptarë hynin në vendet e BE-së pa dokumente. Që nga viti 2008, kur Eurostat raporton të dhënat kanë marrë leje qëndrimi për herë të parë rreth 920 mijë shtetas shqiptarë.
I gjithë ky fluks i ri të ikurish është reflektuar në një cikël të ri emigracioni. Vlerësohet se në 10-15 vjet lidhjet me vendim amë fillojnë e zbehen, teksa emigrantët krijojnë një jetë të re, në shtetin ku kanë emigruar. Kjo ndodhi me valën e parë të emigracionit të pas viteve ’90, që çoi në një rënie të prurjeve pas vitit 2008.
Aktorët e tregut pohojnë se kanalet kryesore vijojnë të mbeten vendet tradicionale ku ka emigracione, si Greqia e Italia, por vitet e fundit ka pasur rritje dhe nga destinacionet e reja si Anglia dhe Gjermania./Monitor -
Cikli i ri i emigracionit po arrin kulmin?! Ngadalësohen prurjet e emigrantëve
Paratë që emigrantët sjellin tek familjet e tyre në Shqipëria po shfaqin një tendencë ngadalësimi në muajt e parë të këtij viti, duke reflektuar indirekt se valës së re të emigracionit po i vjen kulmi.Të dhënat e Bankës së Shqipërisë në bilancin e pagesave bënë të ditur se të ardhurat nga emigrantët ishin 251 milionë euro në janar-mars 2025, me një rritje prej 3.7% në krahasim me të njëjtën periudhë të një viti më parë. ky është niveli më i ulët i rritjes, që nga viti 2020. Në tremujorin e parë 2024, paratë që emigrantët sjellin në shtëpi ishin rritur me 13% dhe një vit më parë me 16%.Që nga viti 2013, paratë që emigrantët sjellin në Shqipëri janë rritur vazhdimisht (shiko grafikun), duke reflektuar një cikël të ri emigracioni, që nisi kryesisht pas vitit 2015.Të dhëna të tjera të Eurostat tregojnë se ritmet e emigracionit të shtetasve shqiptare në vendet e Bashkimit Europian janë përshpejtuar vitet e fundit dhe kjo reflektohet në numrin e lartë të lejeve të qëndrimit të dhëna nga shtetet e BE-së. Në vitin 2023 u dhanë rreth 75 mijë leje qëndrimi për shtetasit shqiptarë nga vendet e BE-së. Një vit më parë ishin dhënë 79.2 mijë leje qëndrimi për herë të pare.Këto janë nivelet më të larta që nga 2010-a, duke treguar për një përshpejtim të ritmeve të emigracionit pas pandemisë. Në 2022-2023 u dhanë gjithsej 154 mijë leje qëndrimi për herë të parë. Duke qenë se një pjesë e madhe e të ikurve janë me kontrata pune, sidomos në shtete si Gjermania, dhënia e lejeve është më e shpejtë sesa dikur, kur shtetasit shqiptarë hynin në vendet e BE-së pa dokumente. Që nga viti 2008, kur Eurostat raporton të dhënat kanë marrë leje qëndrimi për herë të parë rreth 920 mijë shtetas shqiptarë.I gjithë ky fluks i ri të ikurish është reflektuar në një cikël të ri emigracioni. Vlerësohet se në 10-15 vjet lidhjet me vendim amë fillojnë e zbehen, teksa emigrantët krijojnë një jetë të re, në shtetin ku kanë emigruar. Kjo ndodhi me valën e parë të emigracionit të pas viteve ’90, që çoi në një rënie të prurjeve pas vitit 2008.Aktorët e tregut pohojnë se kanalet kryesore vijojnë të mbeten vendet tradicionale ku ka emigracione, si Greqia e Italia, por vitet e fundit ka pasur rritje dhe nga destinacionet e reja si Anglia dhe Gjermania.Burimi: BSHBurimi: BSHKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.
-
Vlora qytet edhe për emigrantët, vetëm në fillim të 2025 ka 4000 kërkesa për leje qëndrimi dhe pune nga shtetas të huaj
Viti 2025 ka sjellë një rritje të ndjeshme të kërkesave për vende pune në sektorin e turizmit në qytetet bregdetare si Vlora dhe Saranda.
Zyrat e punës në këto qytete kanë shpallur dhjetëra vende të lira në pozicione si kamerierë, kuzhinierë, recepsionistë dhe punëtorë sezonalë, duke reflektuar rritjen e fluksit turistik dhe nevojën për fuqi punëtore.
Ajo që bie në sy këtë sezon është pjesëmarrja e shtuar e të huajve në tregun e punës. Punonjës nga vende të ndryshme si Filipinet, India, Italia po kontribuojnë në mbulimin e kërkesës për staf në sektorin e shërbimeve.
Krahasuar me vitin e kaluar, për të njëjtën periudhë kohore, kërkesat për punësim janë shumë më të larta, çka tregon për një sezon veror më intensiv dhe më të kërkuar nga ana e punëdhënësve.
Ndërkohë, në Zyrën e Migracionit pranë Policisë Kufitare të Vlorës, është vënë re një rritje e vazhdueshme e numrit të shtetasve të huaj që kërkojnë leje qëndrimi, rinovim apo regjistrim.
Çdo ditë, dhjetëra aplikime dorëzohen nga qytetarë të huaj, kryesisht nga Italia, Filipinet, India, por edhe nga vende si Ukraina, Bjellorusia, Rusia, SHBA dhe të tjera. Vitin e kaluar kërkesat për leje qëndrimi ishin 1900 persona të huaj, ndërsa këtë vit vërehet rritje, pasi deri më tani janë 4000 kërkesa për leje qëndrimi.
“Vij nga Zvicra. Kemi qenë një herë këtu me pushime dhe na ka pëlqyer shumë, sidomos deti që në Zvicër nuk e kemi, klima dhe mbi të gjitha njerëzit. Aty nisëm të mendonim se ishte një ide shumë e mirë për të jetuar në Vlorë dhe ja ku jemi. Po jetojmë këtu bashkë me mamanë. Me ndërtimin e aeroportit do të jetë më e lehtë për ne për të udhëtuar”, tha një vajzë nga Zvicra.“Jam nga Bjellorusia, më pëlqen të jetoj këtu, më pëlqen deti, qyteti i Vlorës dhe njerëzit”, u shpreh një vajzë nga Bjellorusia.
“Jam nga Bjellorusia dhe jetoja në Amerike, derisa njoha Vlorën. Vendosa të jetoj këtu për shumë arsye. Vlora është një qytet me pak njerëz dhe shumë hapësirë, taksa të ulëta dhe në veçanti njerëzit janë shumë të mirë. I vetmi problem janë mbeturinat dhe kjo nuk është një pamje e mirë për turistët”, tha një djalë bjellorus që jetonte në Amerikë
Kjo prani gjithnjë në rritje e të huajve dhe dinamika e re në tregun e punës e pozicionon Shqipërinë si një destinacion gjithnjë e më të rëndësishëm, jo vetëm për turizëm, por edhe për mundësi punësimi.Top Channel
-
Berisha lexon shënimin që i la Dumanit: Qëndrimi mbrojtës ndaj krimit elektoral përbën një krim të rëndë, antikushtetues
Kryetari i PD, Slai Berisha pas paraqitjes së tij në SPAK, në kuadër të procesit politik të iniciuar ndaj tij, nuk ka ngurruar t’i lërë një shënim drejtuesit të Prokurorisë së Posaçme, Altin Dumani, pas masakrës elektorale të 11 majit.
Në një dalje për mediat nga SPAK, Berisha i kutjoi Dumanit, përmes shënimit të lënë ndaj këtij të fundit, se qëndrimi mbrojtës ndaj krimit elektoral, sipas tij përbën një vepër të rëndë dhe është në kundërshtim me Kushtetutën e vendit.
‘Qëndrimi mbrojtës ndaj krimit elektoral i Altin Dumanit, përbën një krim të rëndë antikushtetues në shërbim të narkoshtetit dhe kreut të tij, Edi Rama. Kjo është deklarata që unë i lashë kreut të Skapit, u shpreh Berisha.
-
Berisha paraqitet për masën e sigurisë në SPAK, i lë të tjera shënime Dumanit
TIRANË-Kryetari i Partisë Demokratike, Sali Berisha do të paraqitet në ambientet e Prokurorinë e Posaçme në kuadër të respektimit të masës së sigurisë “detyrim paraqitje” të vendosur ndaj tij.
Berisha lexon shënimin që i la Dumanit: Qëndrimi mbrojtës ndaj krimit elektoral përbën një krim të rëndë antikushtetues
Qëndrimi mbrojtës ndaj krimit elektoral i Altin Dumanit, përbën një krim të rëndë antikushtetues në shërbim të narkoshtetit dhe kreut të tij, Edi Rama.Kjo është deklarata që unë i lashë kreut të Skapit.
Kreu i PD akuzohet për veprën penale të korrupsionit të kryer në bashkëpunim në lidhje me çështjen e privatizimit të ish-kompleksit sportiv “Partizani”.
Seancën e kaluar Berisha publikoi dokumentet që sipas tij vërtetojnë dënimin e gjyqtares Irena Gjoka nga gjykata e Janinës dhe rrjedhimisht bëjnë vendimet e saj ndaj ish-kryeministrit të pavlefshme./ZËRI -
Kosovarët më së shumti kërkojnë leje qëndrimi në Gjermani
Instituti GAP ka publikuar raportin e fundit rreth emigrimit dhe tregut të punës në Kosovë, duke u fokusuar në disa pika kryesore të faktorëve që po ndikojnë në emigrimin e punëtorëve, si dhe përqindjet rreth numrit të të punësuarve në kategori të ndryshme.
Sipas raportit, ka një tendencë të prurjes së të huajve në Kosovë, pas emigrimit të fuqisë punëtore nga Kosova.
Në të dhënat e siguruara nga GAP-i bëhet e ditur se në vitin 2024 u lëshuan 8011 leje qëndrimi të përkohshme dhe të përhershme në Kosovë, ky 4273 prej tyre ishin për arsye punësimi.
Ndërkaq, 3984 personave iu vazhdua leja e qëndrimit.
Personat që u pajisen më së shumti me leje qëndrimi në Kosovë gjatë vitit 2024 janë me origjinë nga Turqia – 2387 sosh.
Ndërkaq, ka edhe shtetas të Serbisë, Shqipërisë, Maqedonisë, Bangladeshit, SHBA-së, Malit të Zi, Filipineve e Italisë, që janë pajisur me leje qëndrimi.Në anën tjetër, pati edhe shtetas të Republikës së Kosovës që u pajisen me leje qëndrimi në shtetet e BE-së.
Në vitin 2023, 45 mijë e 650 kosovarë u pajisen me leje qëndrimi në Evropë, shkruan IndeksOnline.
Sipas të dhënave, më së shumti leje qëndrimi u lëshuan nga shteti gjerman: 23040, më pas nga Sllovenia (6492), Kroacia (4288), Italia (3541), Zvicra (1966), e kështu më radhë.
Arsyet e pajisjes me leje qëndrimi nga qytetarët e Kosovës janë kryesisht për bashkim familjar, edukim dhe punësim.Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.JOQ Sondazh
-
A mund të ftoheni nëse qëndroni në shi, shkencëtarët shpjegojnë mitin e famshëm
Është një keqkuptim i zakonshëm të mendosh se lagia nga shiu të bën të sëmurësh. Vetë shiu nuk të sëmur.
Qëndrimi i lagur dhe në të ftohtë për periudha të gjata mund ta ulë temperaturën e trupit dhe të dobësojë sistemin imunitar. Një sistem imunitar i dobët rrit rrezikun për t’u prekur nga një virus si i ftohti ose gripi.
A të sëmur shiu në të vërtetë?
Nëse ngelesh në shi ose vrapon në shi, nuk do të sëmuresh, sepse shiu nuk transmeton viruse.
Kërkimet tregojnë se viruset e ftohjes dhe gripit përhapen më shumë në kushte të ftohta dhe të thata. Ato nuk përhapen mirë në kushte të lagështa dhe me lagështi, si ato që sjell shiu.
Pra, nuk sëmuresh nga shiu vetë, por nëse qëndron i lagur për një kohë të gjatë, kjo mund të ulë temperaturën trupore dhe të dobësojë reagimin imunitar.
Qëndrimi në të ftohtë gjithashtu mund të shkaktojë ngushtimin e enëve të gjakut në hundë, duke penguar qarkullimin e qelizave të bardha të gjakut që luftojnë mikrobet.
Çfarë shkakton të ftohtin?
Viruset që shkaktojnë të ftohtin dhe gripin përhapen përmes lëngjeve trupore të një personi të infektuar.
Ato përhapen më shumë kur jemi në kontakt të ngushtë me njerëz të sëmurë apo sipërfaqe të ndotura.
Më shumë njerëz sëmuren gjatë stinëve të ftohta dhe me shi, por kjo nuk është për shkak të shiut vetë, por sepse njerëzit qëndrojnë më shumë brenda në ambiente të mbyllura, ku viruset përhapen më lehtë.
A mund të shkaktojë shiu hipotermi?
Qëndrimi jashtë në temperatura të ftohta – me ose pa shi – mund të çojë në hipotermi, një gjendje kur temperatura e trupit bie në mënyrë të rrezikshme.
Hipotermia ndodh kur trupi humbet më shumë nxehtësi sesa mund të prodhojë. Edhe temperatura mbi 4.4°C (40°F) mund të shkaktojë hipotermi nëse trupi laget nga shiu ose djersa.
Hipotermia është shumë e rrezikshme dhe mund të jetë fatale. Simptomat përfshijnë:
Konfuzion
Përgjumje
Lodhje ekstreme
Humbje koordinimi
Humbje kujtese
Dridhje
Të folur të pakuptimtë ose të ngadalësuar
Hipotermia ndikon edhe në funksionin e trurit, kështu që personi mund të mos kuptojë që është në një gjendje urgjente.
Kërkoni ndihmë mjekësore menjëherë nëse dikush shfaq këto simptoma pas qëndrimit në shi.
-
Ajri i pastër dhe natyra, terapi falas për stresin
Kur ndihesh i ngarkuar, zgjidhja mund të jetë më afër nga sa mendon: në natyrë.
Qëndrimi për vetëm 20 minuta në ambient të hapur, sidomos në natyrë, ul nivelin e kortizolit – hormonit të stresit, ka zbuluar një studim suedez.
Kontaktet me natyrën ndikojnë pozitivisht në shëndetin mendor, duke përmirësuar humorin, reduktuar ankthin dhe rritur ndjenjën e qetësisë. Ecja në ndonjë park, dëgjimi i cicërimave të zogjve apo shikimi i gjelbërimit aktivizojnë qendra relaksi në tru.
Përveç përfitimeve emocionale, qëndrimi në natyrë ndihmon edhe në shëndetin fizik – përmirëson gjumin, rregullon tensionin dhe rrit nivelin e energjisë. Është një nga mënyrat më të thjeshta dhe më të fuqishme për mirëqenie të përgjithshme.
Në një botë gjithnjë e më të digjitalizuar, një kthim i vogël te natyra mund të jetë hap i madh për shëndetin.
-
Strakosha sfidon urrejtjen në Greqi, mban flamurin shqiptar me krenari
Thomas Strakosha ka qenë shpesh në qendër të kritikave për paraqitjet e tij, veçanërisht me fanellën kuqezi, edhe pse në Kampionatin Europian të Gjermanisë portieri zhvilloi një turne pozitiv. Disa vite më parë, ai u konsiderua një prej portierëve më premtues të Serisë A, duke konkurruar madje me Donnarummën për titullin e më të mirit në Itali. Por karriera e tij mori një kthesë të papritur.Pasi iu realizua ëndrra për t’u transferuar në Premier League me Brentfordin, Strakosha nuk arriti të bindë drejtuesit e klubit dhe shanset për të luajtur ishin të pakta. Më pas ai u transferua te AEK në Greqi, ku nisi si titullar, por sot gjendet sërish në bankinë.Megjithatë, përtej formës sportive, Thomas Strakosha mbetet një figurë që frymëzon për ndjenjën kombëtare. Në çdo ndeshje me AEK-un, ai mban në doreza flamurin shqiptar – një gjest i thjeshtë, por me shumë domethënie, veçanërisht në një vend si Greqia ku raportet me simbolet shqiptare nuk janë gjithmonë të mirëpritura. Ky detaj i vogël, që për shumë do të kalonte pa u vënë re, në këtë kontekst merr vlerën e një qëndrimi të qartë identitar.Ky nuk është rasti i parë që një lojtar me kombësi shqiptare përballet me vështirësi te AEK për shkak të përzgjedhjes për Kombëtaren. Kujtojmë edhe rastin e Astrit Ajdarevic, i cili pasi u grumbullua nga ish-trajneri Christian Panucci dhe luajti vetëm 9 minuta në një miqësore ndaj Turqisë, u la në stol dhe më pas humbi terren në karrierën e tij. Pas kësaj periudhe, ai u detyrua të largohej drejt Suedisë, pa e rimarrë më veten.Sot, ndonëse Strakosha nuk po gëzon minuta në fushë, ai vazhdon të mbajë me krenari flamurin kuqezi në doreza – një simbolikë që flet më shumë se çdo deklaratë për dashurinë ndaj vendit të tij. Edhe pse qëndrimi në stol mund të vijë si pasojë e formës apo konkurrencës me Brignolin, për shumëkënd nuk përjashtohet edhe ndikimi i faktorit kombëtar.Në një karrierë ku ngritjet dhe rëniet janë të zakonshme, qëndrimi i Strakoshës për flamurin mbetet i palëkundur.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Thomas Strakosha ka qenë shpesh në qendër të kritikave për paraqitjet e tij, veçanërisht me fanellën kuqezi, edhe pse në Kampionatin Europian të Gjermanisë portieri zhvilloi një turne pozitiv. Disa vite më parë, ai u konsiderua një prej portierëve më premtues të Serisë A, duke konkurruar madje me Donnarummën për titullin e më të mirit në Itali. Por karriera e tij mori një kthesë të papritur.Pasi iu realizua ëndrra për t’u transferuar në Premier League me Brentfordin, Strakosha nuk arriti të bindë drejtuesit e klubit dhe shanset për të luajtur ishin të pakta. Më pas ai u transferua te AEK në Greqi, ku nisi si titullar, por sot gjendet sërish në bankinë.Megjithatë, përtej formës sportive, Thomas Strakosha mbetet një figurë që frymëzon për ndjenjën kombëtare. Në çdo ndeshje me AEK-un, ai mban në doreza flamurin shqiptar – një gjest i thjeshtë, por me shumë domethënie, veçanërisht në një vend si Greqia ku raportet me simbolet shqiptare nuk janë gjithmonë të mirëpritura. Ky detaj i vogël, që për shumë do të kalonte pa u vënë re, në këtë kontekst merr vlerën e një qëndrimi të qartë identitar.Ky nuk është rasti i parë që një lojtar me kombësi shqiptare përballet me vështirësi te AEK për shkak të përzgjedhjes për Kombëtaren. Kujtojmë edhe rastin e Astrit Ajdarevic, i cili pasi u grumbullua nga ish-trajneri Christian Panucci dhe luajti vetëm 9 minuta në një miqësore ndaj Turqisë, u la në stol dhe më pas humbi terren në karrierën e tij. Pas kësaj periudhe, ai u detyrua të largohej drejt Suedisë, pa e rimarrë më veten.Sot, ndonëse Strakosha nuk po gëzon minuta në fushë, ai vazhdon të mbajë me krenari flamurin kuqezi në doreza – një simbolikë që flet më shumë se çdo deklaratë për dashurinë ndaj vendit të tij. Edhe pse qëndrimi në stol mund të vijë si pasojë e formës apo konkurrencës me Brignolin, për shumëkënd nuk përjashtohet edhe ndikimi i faktorit kombëtar.Në një karrierë ku ngritjet dhe rëniet janë të zakonshme, qëndrimi i Strakoshës për flamurin mbetet i palëkundur.