Lajmidites.com

Tag: qendrave

  • Kosovë, më pak se dy orë para mbylljes së qendrave të votimeve, 27.55% është pjesmarrja

    Kosovë, më pak se dy orë para mbylljes së qendrave të votimeve, 27.55% është pjesmarrja

    Kosova E Diel, 9 Nëntor 2025 17:40
    KQZ ka publikuar të dhënat e radhës nga numri i qytetarëve që kanë marrë pjesë deri në ora 17:34 në raundin e dytë për balotazhin e zgjedhjeve lokale.
    Kur kanë mbetur më pak se dy orë deri te mbyllja e qendrave të votimit në 18 komunat ku po organizohet balotazhi në Kosovë, numri i qytetarëve që kanë marrë pjesë deri tani në votim është 362 mijë e 753, transmeton KosovaPress.

    Ky numër (362 mijë e 753) i votuesve paraqet 27.55% të numrit të përgjithshëm të qytetarëve që kanë dalur për të votuar deri tani.Kujtojmë që nga 18 komunat ku organizohet balotazhi të drejtë vote kanë 1 milion e 316 mijë e 672 qytetarë.

    Në kryeqytet deri tani kanë votuar 78 mijë e 376 qytetarë nga 222 mijë e 418 me të drejtë vote apo 35.24%./KosovaPress.

    /Kosovapress/

  • Një orë nga mbyllja e votimit, ja pjesëmarrja në 5 bashkitë e vendit deri në orën 17:00

    Një orë nga mbyllja e votimit, ja pjesëmarrja në 5 bashkitë e vendit deri në orën 17:00

    Pjesëmarrja në zgjedhjet e pjesshme lokale mbetet e ulët, vetëm një orë para mbylljes së qendrave të votimit, me një total prej 18,55%. Shifrat tregojnë një interes të ulët sidomos në disa bashki bregdetare dhe një përqindje më të lartë në zona të tjera.
    Vlora shënon nivelin më të dobët të pjesëmarrjes, me vetëm 12,42%, ndërsa Berati ka regjistruar 19,84%. Bashkitë e tjera paraqiten më mirë: Cërriku 23,49%, Tepelena 32,21%, dhe Mati 39,99%, duke mbajtur rekordin për pjesëmarrjen më të madhe në këto zgjedhje.
    Komisioni Qendror i Zgjedhjeve njofton se më shumë se 30% e qendrave të votimit ende nuk kanë raportuar, duke lënë mundësinë që shifrat përfundimtare të ndryshojnë deri në mbyllje.
    Pjesëmarrja sipas bashkive (deri në ora 17:00):
    Vlorë: 12,42%Berat: 19,84%Cërrik: 23,49%Mat: 39,99%Tepelenë: 32,21%

  • Sala: Shëndetësia mbi 1 miliard euro për 2026, do bëhet dhe rikonstruksioni i 100 Qendrave Shëndetësore

    Sala: Shëndetësia mbi 1 miliard euro për 2026, do bëhet dhe rikonstruksioni i 100 Qendrave Shëndetësore

    Ministrja e Shëndetësisë dhe Mbrojtjes Sociale, Evis Sala, ka bërë me dije se përmes projekt-buxhetit 2026, me mbi 1 miliard euro të dedikuara për shëndetësinë dhe mirëqenien sociale, parashikohet edhe rikonstruksioni i 100 Qendrave Shëndetësore në të gjithë vendin, në funksion të përmirësimit të shërbimit për komunitetin.
    “Qendra Shëndetësore në Maliq është bërë një model i kujdesit mjekësor modern dhe të integruar, ku së fundmi është shtuar edhe shërbimi i depistimit të shikimit për fëmijët”, tha ministrja.
    Në dy muajt e fundit, në të gjithë NJVKSH Korçë janë kryer 1,000 depistime të shikimit për fëmijët, me qëllim zbulimin dhe parandalimin e hershëm të problemeve të syve.

  • Zgjedhjet në pesë bashkitë/ Pjesëmarrja e ulët, shkak koha e keqe dhe terreni i vështirë i qendrave të votimit

    Zgjedhjet në pesë bashkitë/ Pjesëmarrja e ulët, shkak koha e keqe dhe terreni i vështirë i qendrave të votimit

    Rreth 60 qytetarë nga 1170 zgjedhësit e Tragjasit kanë ushtruar të drejtën e votës.

    Sipas anëtarëve të komisioneve të dy qendrave të votimit të këtij fshati, pengesë është koha me shi, vendndodhja ku votohet në zonë të vështirë me rrugë të pashtruar, si edhe fushata e vakët.
    “Procesi po shkon mirë, nga 505 kanë votuar 20 qytetarë në këtë qendër votimi”, shprehet një nga anëtarët.
    Kjo zonë njihet edhe për protestat e banorëve që kundërshtonin projektin për ndërtimin e një ujësjellësi të ri që merr ujin e  fshatit për të furnizuar Palasën dhe Dhërmiun.
    Megjithëse në zgjedhjet parlamentare të 11 majit pjesëmarrja arriti gati 300 votues, me 70% vota për socialistët.

    Top Channel

  • “Po intimidohen votuesit para qendrave të votimit”, kandidati i Lapajt nis ankesat

    “Po intimidohen votuesit para qendrave të votimit”, kandidati i Lapajt nis ankesat

    Kandidati i Shqipëria Bëhet për Bashkinë e Cërrikut, Elget Hima, ka denoncuar fenomenin e intimidimit të votuesve në të gjitha qendrat e votimit në këtë bashki.
    “Duhet të largohen të gjithë personat që rrinë përballë qendrave të votimit dhe nuk kanë asnjë funksion. I bëj thirrje Policisë së Shtetit, të marrë masa për të mos intimiduar votuesit dhe vota duhet të jetë e lirë dhe jo me ndere e favore që u është bërë me favore e ndere nga punonjësit e administratës”, tha Hima në një prononcim për mediat, shkruan A2 CNN.
    “Kam bërë një xhiro personalisht sot në qendrat e votimit, kam konstatuar persona që nuk asnjë funksion dhe intimidojnë votuesit. Jam këtu për drejtësi dhe jo për favorizim kundër ligjit”. (

  • Sot zgjedhje në 5 bashki, ja orari i hapjes dhe mbylljes së qendrave të votimit

    Sot zgjedhje në 5 bashki, ja orari i hapjes dhe mbylljes së qendrave të votimit

    Komisioneri Shtetëror i Zgjedhjeve, Ilirjan Celibashi, ka njoftuar zyrtarisht nëpërmjet rrjeteve sociale rreth raundit të zgjedhjeve të pjesshme vendore të datës 9 Nëntor 2025.
    Në këto zgjedhje do të votohet për zgjedhjen e kryetarëve të rinj në pesë bashki të vendit: Vlorë, Berat, Cërrik, Mat, Tepelenë.
    Orari dhe rregullat kryesore
    Celibashi kujton të gjithë qytetarët dhe subjektet zgjedhore rreth orarit zyrtar të votimit dhe rregullave të heshtjes zgjedhore, të cilat janë në fuqi deri në mbylljen e votimit.
    Hapja e qendrave të votimit është në orën 07:00, ndërsa mbyllja e qendrave të votimit është deri në orën 18:00
    Rregulli i heshtjes zgjedhore
    Në datën e zgjedhjeve, deri në orën 18:00, është në fuqi heshtja zgjedhore. Në këtë periudhë ndalohet çdo lloj fushate zgjedhore përmes organeve të medias, si dhe zhvillimi i mitingjeve ose veprimtarive të tjera zgjedhore nga subjektet pjesëmarrëse.
    Komisioneri Celibashi fton të gjithë qytetarët e këtyre bashkive që të ushtrojnë të drejtën e tyre të votës, duke respektuar rregullat e procesit.

  • “Qendrat e kthimit nuk janë zgjidhje”, Rama për BBC: Si e zmbrapsëm trafikun e shqiptarëve me gomone

    “Qendrat e kthimit nuk janë zgjidhje”, Rama për BBC: Si e zmbrapsëm trafikun e shqiptarëve me gomone

    Kryeministri Edi Rama gjatë qëndrimit të tij në Londër ku ka shkuar për Samitin e Procesit të Berlinit, ka dhënë një intervistë për emisionin “The World Tonight” në BBC Radio 4, ku ka folur mbi çështjet e emigracionit të paligjshëm të shqiptarëve drejt Mbretërisë së Bashkuar.
    Gjatë kësaj interviste, gazetari i BBC-së i kujtoi Ramës planet e Keir Starmer për ngritjen e qendrave të kthimit për azilkërkuesit e refuzuar në Shqipëri, të cilat ai i hodhi poshtë. Rama theksoi se Shqipëria nuk do të pranojë kurrë që të bëhet vend pritës për qendra të tilla.
    “Pjesa tjetër e pyetjes suaj ka të bëjë me këtë ide të qendrave të kthimit. Kjo nuk është zgjidhja.“, tha Rama.
    Duke folur për marrëveshjen e ngjashme me Italinë, Rama u shpreh se ky ishte një rast unik për shkak të marrëdhënieve të veçanta mes dy vendeve fqinje. Megjithatë, sipas tij, kjo nuk është një zgjidhje e përshtatshme për emigracionin në një shkallë më të gjerë: “Në rastin e Shqipërisë dhe Italisë, ka kuptim sepse është vetëm një det që ndan dy vendet tona. Por të marrësh njerëz në tokë, t’i futësh në një avion, t’i sjellësh diku mijëra kilometra larg, në një vend të tretë, po, mund të ketë një efekt parandalues, por nuk do ta ndalojë imigracionin në mënyrën e duhur. Sepse në fund të ditës, ka një pyetje që Europa në përgjithësi, por edhe Britania në këtë rast, duhet ta përgjigjet.“
    Kryeministri Rama theksoi se dërgimi i emigrantëve në vende të treta përmes qendrave të kthimit mund të ketë një efekt parandalues, por nuk do të ndalojë plotësisht fenomenin e emigracionit ilegal.
    Ai ngriti pyetjen që sipas tij duhet të adresojë Europa dhe Britania: “A është emigracioni problem apo pjesë e zgjidhjes?” Rama dha pikëpamjet e veta dhe argumentoi se emigracioni është pjesë e zgjidhjes, për shkak të “dimrit demografik” që sipas tij po përjeton Europa dhe nevojës urgjente për fuqinë punëtore, si të kualifikuar ashtu edhe në punë të ndryshme.
    Intervista
    Kryeministër, ajo marrëveshje që ka të bëjë me shtetasit shqiptarë padyshim pati një ndikim në vitin 2022. Shqiptarët përbënin më shumë se një të tretën e njerëzve që mbërrinin me anije, më shumë se çdo kombësi tjetër, por numri i shqiptarëve ka ardhur në ulje me 95% në tre vitet e fundit.  Megjithatë, nuk ka qenë krejt e thjeshtë. Në maj të këtij viti, Keir Starmer shpalli planet për ngritjen e qendrave të kthimit për azilkërkuesit e refuzuar gjatë një vizite në Shqipëri, vetëm që mikpritësi i tij, Kryeministri shqiptar Edi Rama, ta hidhte poshtë idenë e një të tilli. Zoti Rama, marrëveshja e të cilit me Italinë fqinje për të trajtuar azilkërkuesit është bllokuar nga Gjykata Evropiane e Drejtësisë, përdori një fjalim në Londër mbrëmë për të theksuar se Shqipëria nuk do të ketë kurrë qendra kthimi. Sonte në mbrëmje, unë fola me Kryeministrin shqiptar dhe e pyeta se çfarë shpjegonte suksesin e marrëveshjes për kthimet.
    Rama: Për një kohë të gjatë, informacioni zvarritej nëpër kanale të ndryshme, kështu që shpejtësia e reagimit ishte krejtësisht e papranueshme. Agjencitë kishin shumë keqkomunikim, prandaj gjithmonë kam thënë: dëgjoni, nëse duam sukses në këtë, duhet të përgjigjemi njëlloj. Duhet të përgjigjemi po aq shpejt sa ata, dmth trafikantët. Duhet të jemi po aq interaktivë sa ata, duhet të jemi po aq të bashkuar sa ata, sepse nuk është fjala për një grup të vetëm etnik që merret me të gjithë rrjetin, por fjala është për një ndërmarrje shumëkombëshe. Prandaj, ne jemi dy vende: sillni disa nga njerëzit tuaj në Shqipëri dhe ne nisim punën, dhe ne sjellim disa nga njerëzit tanë në Britani dhe nisim punën, dhe kjo është ajo që bëmë. Ne krijuam praktikisht një ekip të përbashkët. Informacioni kaloi në kohë reale.
    Tani, tema është sigurisht për këto qendra kthimi. Ju e keni bërë të qartë qëndrimin tuaj, Shqipëria e përjashton të qenit një vend me qendra kthimi. Ju kishit marrëveshjen me Italinë dhe ajo hasi vështirësi ligjore për shkak të Gjykatës Evropiane të Drejtësisë. Pyes veten, ka një debat të madh në këtë vend për momentin nëse traktatet duhet të përshtaten për epokën moderne, pasi ato nuk marrin parasysh realitetin e asaj që po ndodh me këto rrjete transnacionale të kontrabandës së paligjshme. A mendoni kështu? Mendoni se gjërat duhet të ndryshohen, duke pasur parasysh përvojën tuaj?
    Rama: Le ta respektoj BBC-në siç e meriton, duke ju dhënë përgjigjen time shumë të sinqertë. Me Italinë ishte një marrëveshje unike, kjo ndodhi për shkak të marrëdhënies sonë shumë të veçantë me Italinë, dhe në atë marrëveshje e bëra shumë të qartë: “ne i ofrojmë Italisë një copë toke tonën që ju ta menaxhoni për projektin tuaj. Ajo copë toke është juridiksion italian. Ne thjesht po ju ofrojmë këtë copë toke sepse ju jeni të veçantë për ne”. Pjesa tjetër e pyetjes suaj ka të bëjë me këtë ide të qendrave të kthimit. Kjo nuk është zgjidhja. Në rastin e Shqipërisë dhe Italisë, ka kuptim sepse është vetëm një det që ndan dy vendet tona. Por të marrësh njerëz në tokë, t’i futësh në një avion, t’i sjellësh diku mijëra kilometra larg, në një vend të tretë, po, mund të ketë një efekt parandalues, por nuk do ta ndalojë imigracionin në mënyrën e duhur. Sepse në fund të ditës, ka një pyetje që Europa në përgjithësi, por edhe Britania në këtë rast, duhet ta përgjigjet: A është imigracioni një problem apo është pjesë e zgjidhjes?
    Dhe unë besoj se është pjesë e zgjidhjes, sepse demografia është alarmante. Dimri demografik për pjesën e vjetër të Europës dhe për Britaninë është shumë, shumë i pranishëm. Dhe nevoja për fuqinë punëtore dhe për fuqinë punëtore të kualifikuar dhe për njerëz që janë gati të bëjnë të gjitha llojet e punëve është e madhe. Tani, ana e errët e këtij fenomeni, që është trafikimi, që është emigracioni i paligjshëm, duhet trajtuar përmes marrëveshjeve me vendet e origjinës. Duhet të jetë përmes marrëveshjeve ku të dyja palët fitojnë e kështu me radhë. Por, për fat të keq, jetojmë në një kohë kur zgjidhjet e dobëta mbizotërojnë për shkak të presionit të lartë të atyre anëve të politikës që kërkojnë përçarje dhe kërkojnë gjak, në kuptimin simbolik.
    Nëse jepni një këshillë, nëse ju kërkohet këshillë nga Kryeministri, nga qeveria britanike, për të trajtuar çështjet e veçanta që përballet Britania, cilat janë idetë tuaja kryesore? Çfarë këshille do të jepnit?
    Rama: Dëgjoni, unë jam më i gjati mes të gjithë liderëve deri tani në këtë pjesë të botës, por jam shumë i vetëdijshëm që udhëheq një vend shumë të vogël, dhe është e pamundur për mua të vendos veten në vendin e Kryeministrit të Mbretërisë së Bashkuar. Dhe, duke parë se si po shkojnë gjërat në Mbretërinë e Bashkuar, jam shumë i lumtur që jam Kryeministri i Shqipërisë.
    Ky ishte Kryeministri i Shqipërisë, Edi Rama.

  • Kampi i Gjadrit/ Mbi 1 milion euro për çdo migrant: Dështimi i qendrës italiane në Shqipëri

    Kampi i Gjadrit/ Mbi 1 milion euro për çdo migrant: Dështimi i qendrës italiane në Shqipëri

    Gazeta italiane La Repubblica ka shkruar së fundmi për qendrën e emigrantëve në Shqipëri, duke e përshkruar projektin si tejet të kushtueshëm dhe thuajse të paefektshëm. Qendra e inauguruar më 14 tetor 2024 është kthyer në një “katedrale në shkretëtirë”, pasi pjesa më e madhe e hapësirave mbetet e pashfrytëzuar.

    Sipas dokumenteve të protokollit Itali–Shqipëri dhe planifikimit qeveritar, për funksionimin e dy qendrave, në Gjadër dhe Shëngjin, janë parashikuar 653 milionë euro për pesë vite. Përveç ndërtimit, kjo shumë përfshin kontratën me operatorin Medihospes, shpenzimet për misionet e policisë dhe kostot e transportit me anije dhe avion nga Italia në Shqipëri dhe anasjelltas, që përkthehet në mbi 130 milionë euro në vit.

    Megjithatë, deri më 25 korrik, vetëm 111 migrantë kanë kaluar në këto qendra, duke e çuar koston për person mbi një milion euro. La Repubblica thekson se taksapaguesit italianë kanë paguar për një projekt që Gjykata e Drejtësisë së BE-së ka vendosur se nuk mund të përdoret për të ndaluar azilkërkuesit nga vende të sigurta.
    Artikulli i plotë
    Më 22 gusht, në qendrën për migrantët në Shqipëri kishin mbetur vetëm nëntë persona. Dhjetë ditë më parë ishin shtatëmbëdhjetë. Gjatë gjithë verës, numri mesatar nuk e ka kaluar kurrë njëzetën, dhe në total pak më shumë se njëqind migrantë janë strehuar aty brenda një viti. Ndërkohë, sipas planit fillestar, pritej që të strehoheshin 3 mijë persona në muaj, një diferencë e madhe që ka bërë që projekti të cilësohet si një dështim i kushtueshëm.
    Qendra, e inauguruar më 14 tetor 2024, është kthyer në një “katedrale në shkretëtirë”, një strukturë e madhe, por thuajse gjithmonë bosh. Nga 880 vende të planifikuara, vetëm 400 janë funksionale, ndërsa burgu i parashikuar nuk është hapur kurrë. Ndërkohë, kontingjentet e policisë dhe të agjentëve të burgjeve vazhdojnë të patrullojnë një hapësirë pa të strehuar.
    Pavarësisht deklaratave të përsëritura të kryeministres italiane Giorgia Meloni se “qendrat në Shqipëri do të funksionojnë”, situata pritet të mbetet e pandryshuar të paktën deri në verën e ardhshme, kur mund të hyjë në fuqi Pakti i ri i BE-së për azilin dhe emigracionin, një zhvillim që ende nuk ka marrë konsensusin e shteteve anëtare.
    Sipas dokumenteve të protokollit Itali–Shqipëri dhe planifikimit qeveritar, për funksionimin e dy qendrave (në Gjadër dhe Shëngjin) janë parashikuar 653 milionë euro për pesë vite. Kjo përfshin ndërtimin e qendrave, kontratën me operatorin Medihospes, shpenzimet për misionet e policisë dhe kostot e larta të transportit me anije dhe avionë nga Italia në Shqipëri dhe anasjelltas. Kjo përkthehet në mbi 130 milionë euro në vit.
    Duke marrë parasysh se deri më 25 korrik kanë kaluar vetëm 111 migrantë nëpër këto qendra, kostoja për person kap vlerën astronomike prej mbi një milion euro. Ky është çmimi që, sipas raportit të Altraeconomia, kanë paguar taksapaguesit italianë për një projekt që Gjykata e Drejtësisë së BE-së ka vendosur se nuk mund të përdoret për të ndaluar azilkërkuesit nga vende të sigurta.
    Për më tepër, sipas të njëjtit raport, Medihospes, kompania që fitoi menaxhimin e qendrave për 133 milionë euro për dy vitet e para, nuk ka nënshkruar ende kontratën me prefekturën e Romës, edhe pse kanë kaluar 17 muaj nga përfundimi i tenderit, kur afati maksimal për finalizimin e kontratës ishte 60 ditë.
    Ministri italian i Brendshëm, Matteo Piantedosi, kishte shpresuar që Pakti i ri europian për azilin dhe emigracionin do të mundësonte funksionimin e plotë të qendrës në Gjadër, por kjo mundësi duket gjithnjë e më larg, pasi shtetet anëtare të BE-së vazhdojnë të mos bien dakord për linjat operative të paktit.

  • Paralajmërim i fortë nga Parisi, Ministria e Shëndetësisë urdhëron ngritjen e qendrave mjekësore për të plagosurit nga fronti

    Paralajmërim i fortë nga Parisi, Ministria e Shëndetësisë urdhëron ngritjen e qendrave mjekësore për të plagosurit nga fronti

    Një qarkore e Ministrisë Franceze të Shëndetësisë ka urdhëruar agjencitë rajonale të shëndetit që të përgatiten për krijimin e objekteve mjekësore të reja, në bashkëpunim me Ministrinë e Mbrojtjes, për të përballuar një skenar të mundshëm të ardhjes masive të ushtarëve të plagosur në Evropë.

    Sipas të përjavshmes Le Canard Enchainé, që ka siguruar dhe publikuar dokumentin, plani parashikon ngritjen e qendrave rajonale të klasifikimit për të plagosurit. Këto qendra do të shërbejnë për pritjen e ushtarëve që kthehen nga fronti, dërgimin e tyre në spitalet më të përshtatshme civile dhe riatdhesimin në vendet e origjinës pas trajtimit.
    Në nivel kombëtar, shteti francez, në koordinim me NATO-n dhe Bashkimin Evropian, është i përgatitur të përballojë një fluks prej 100 pacientësh në ditë për 60 ditë rresht, me kulme aktiviteti që mund të arrijnë deri në 250 pacientë në ditë për tre ditë radhazi.
    Ministrja e Shëndetësisë, Catherine Vautrin, e justifikoi këtë hap si pjesë të domosdoshmërisë për të avancuar përgatitjen e “stoqeve strategjike”, njësoj siç bëhet për epidemitë.
    Ky zhvillim ka ngjallur debat në Francë, duke rritur pyetjet mbi shkallën e përfshirjes së vendit dhe Evropës në konfliktet aktuale dhe mbi mundësinë e një përshkallëzimi të ri ushtarak në kontinent.

    Top Channel

  • Ngritja e qendrave italiane në Shqipëri, të paktën 50 punëtorë të portit të Shëngjinit kanë humbur punën, përfitimet ekonomike zero

    Ngritja e qendrave italiane në Shqipëri, të paktën 50 punëtorë të portit të Shëngjinit kanë humbur punën, përfitimet ekonomike zero

    Nga Kristina Millona, Luca Rondi e Lorenzo Figoni*

    Të paktën 50 punëtorë të portit të Shëngjinit do të kenë humbur vendin e punës brenda një viti. Ky është çmimi jashtëzakonisht i lartë që kanë paguar qytetarët shqiptarë për zbatimin e protokollit për emigrantët të nënshkruar mes Romës dhe Tiranës: një informacion i sikletshëm dhe për këtë arsye i fshehur, por që është konfirmuar nga tre burime të ndryshme për Altreconomia.

    ‘Arsyet janë banale-rrëfen një prej tyre-hapja e strukturës italiane e ka reduktuar ndjeshëm hapësirën në dispozicion dhe ardhja e anijeve ushtarake italiane në një port të tillë e vështirëson shumë logjistikën.’ Të gjithë e dinë, por askush nuk dëshiron të flasë: në mesin e korrikut 2025 hyrja në port është e ndaluar, punëtorët janë të rezervuar dhe drejtori i portit të Shëngjinit është i pakapshëm. Shifra mbetet vetëm një vlerësim, por mjafton për të pasqyruar ndikimin në strukturën sociale lokale të qendrave italiane.

    Në qytetin bregdetar shqiptar, të mbushur me turistë, shoqëria ‘Rafaelo Resort Hotel & Spa’ duket se është e vetmja që ka përfituar vërtet. Për mikpritjen e operatorëve të policisë italiane, ajo ka marrë në total, nga qershori 2024 deri më sot, 8.9 milionë euro nga Ministria e Brendshme italiane.

    Një shumë që mund të rritet akoma: në mesin e korrikut 2025, Drejtoria Qendrore e Emigracionit dhe Policisë Kufitare ka publikuar një thirrje të re duke kërkuar nga dy konkurrentët (përveç Rafaelo-s është në garë edhe Xenia Spa, një gjigant i sektorit të mikpritjes me seli ligjore në Chiasso, Zvicër) një ofertë dyvjeçare për strehimin e 300 njësive, që mund të rriten deri në 400 gjatë ‘periudhave të ndërrimeve të stafit’. Shifra mbresëlënëse nëse mendojmë se më 27 korrik ishin vetëm 29 persona të ndaluar në Qendrën për Qëndrim të Përkohshëm (Cpr) shqiptare. Dhe jo vetëm. ‘Sinqerisht nuk e di sa mirë i bën turizmit gjithë kjo prani e uniformave, makinat që lëvizin vazhdimisht drejt qendrës bien shumë në sy’, rrëfen një banor.

    Janë rreth 20 kilometra që ndajnë Shëngjinin nga Gjadri, ku ndodhet struktura e dytë e parashikuar nga protokolli Itali-Shqipëri: ajo më e madhja, me një kapacitet (në letër) prej afro 1.100 vendesh, ndërmjet personave të huaj të ndaluar dhe stafit të shoqërisë menaxhuese Medihospes dhe operatorëve të policisë. Duke u drejtuar drejt qendrës, kur nga rruga kryesore që lidh Tiranën me Shkodrën kthehesh djathtas për t’u futur në rrugën dytësore që të çon në qytetin shqiptar, has menjëherë një pjesë të Italisë. Që nga tetori i vitit 2009 në Komunën Gocaj është aktiv një fabrikë e Colacem Spa, një nga kompanitë kryesore italiane në prodhimin e çimentos. Duke kaluar fabrikën, pas më pak se dhjetë kilometrash, pas një kthese majtas, shfaqet hyrja e strukturës mbi të cilën valëviten flamuri italian dhe ai i Bashkimit Europian.

    Porta, gri dhe imponuese, shënon një vijë kufitare: policët shqiptarë rrinë në kabinën jashtë saj. Ata lëvizin, në fakt, vetëm kur aktivizohen nga ‘kolegët’ italianë të cilët, sapo mbërrijmë dhe fillojmë të bëjmë fotografi nga jashtë strukturës, i thërrasin menjëherë. ‘Ndalini’, thërret një polic italian. Polici shqiptar, megjithatë, pasi afrohet, shpjegon i irrituar se jashtë qendrës kompetenca është e tyre dhe ‘kolegët’ nuk kanë asnjë arsye të ndërhyjnë. ‘Pashë që ishit mjaftueshëm larg për të bërë xhirimet tuaja’, thekson.

    Gjithçka është shumë e paqartë, e turbullt, në disa raste paradoksale. Ndërkohë që Arbeni, një burrë rreth të dyzetave që banon pranë qendrës, rrëfen atë që di për strukturën, dy makina të policisë italiane të burgjeve kalojnë me shpejtësi pas tij. ‘Thonë se brenda ka ‘kriminelë’, njerëz që kanë kryer vepra të rënda penale-shpjegon me dyshim ndërsa shkarkon blerjet nga bagazhi i makinës. Sinqerisht nuk di shumë. Edhe sepse nuk shihet asgjë nga brenda.’

    Në një fshat të vogël me rreth 800 banorë, e panjohura shpesh lë hapësirë për thashetheme dhe informacione të paverifikuara. Në Gjadër qarkullojnë shumë. ‘Kemi dëgjuar zëra se të burgosurit që vijnë nga Mbretëria e Bashkuar do të transferohen në strukturën e burgut për të shmangur që qendrat të mbeten bosh. Ka 30 dhoma atje. Kemi dëgjuar se Meloni ka arritur një marrëveshje me liderët britanikë’, rrëfen një burim i brendshëm i Cpr që kërkoi të mbetet anonim. Një tjetër burim na siguron se një qytetar shqiptar është aktualisht i pranishëm në Cpr. Kjo nuk është e vërtetë, sipas të dhënave zyrtare, por vija që ndan propagandën nga realiteti në qytetin shqiptar tashmë nuk ekziston më. Dhe për banorët kjo nuk është fare një risi në mënyrën si jetojnë.

    Pas një periudhe kur ishte një nga zonat më të lulëzuara për kultivimin e misrit dhe lulediellit, si dhe për kullotën e lopëve, gjithçka ndryshoi në vitin 1974. Në kohën e komunizmit, presidenti Enver Hoxha vendosi të ndërtojë në Gjadër një nga bazat më të mëdha ushtarake në Ballkan. Nën kodrën pranë qendrave për emigrantë u ndërtua një pistë sekrete për ulje avionësh dhe, disa qindra metra më larg, një tjetër pistë për ngritje në ajër. Kjo zonë u përdor më pas edhe nga CIA gjatë viteve ’90 përpara se të braktisej. Sot ajo mbikqyret nga ushtria sepse nuk është ende çminuar dhe duket se materiale të ndryshme armësh ndodhen ende si brenda galerisë ashtu edhe jashtë saj. Informacione, megjithatë, që duhen marrë me rezervë sepse edhe për të kaluarën dëshmitë e banorëve shpesh janë kontradiktore.

    ‘Po jetojmë sërish të zhytur në pasiguri-shpjegon njëri prej tyre, lindur në fshat dhe më pas shpërngulur jashtë vendit.-E kemi përjetuar gjatë komunizmit dhe tani përsëri, por mendoj se ka një ndryshim të madh krahasuar me të kaluarën.’ Për të, prania e ushtarëve në vitet nëntëdhjetë ishte më e heshtur. ‘Sot nuk është më kështu. Edhe vetëm sepse, ndërsa kalon në rrugën që të çon në qendrën e Gjadrit, papritur gjendesh përballë hyrjes së strukturave me barriera, polici dhe flamurin italian. Është gjithçka kaq anormale dhe e trishtë.’

    Shumica e banorëve të takuar nuk kanë një mendim të qartë mbi protokollin ose, sidoqoftë, hezitojnë ta ndajnë atë. Ajo që dihet, megjithatë, është se për sa i përket vendeve të punës, as në qytetin e brendshëm dhe as në Shëngjin, struktura nuk ka ndryshuar fatin e banorëve. Thuhet se vetëm tre persona kanë gjetur punë brenda strukturës, me një pagë mujore që nuk i kalon 500 eurot dhe që gjithsesi është më e ulët krahasuar me kolegët italianë që kryejnë të njëjtën detyrë. Në total, vlerësohet se enti menaxhues ka punësuar rreth 20% staf me origjinë shqiptare, shumë prej të cilëve vijnë nga jashtë Gjadërit.

    ‘Po kërkojnë operatorë të rinj ligjorë për t’i përfshirë në strukturë-tregon një burim i brendshëm i qendrave në mëngjesin e 23 korrikut.-Po ofrojnë kontrata duke filluar nga 1 gushti, sepse thonë që gjykata europiane do t’i japë të drejtë qeverisë italiane’. Por nuk ndodhi kështu.

    Në mëngjesin e 1 gushtit, në fakt, Gjykata e Drejtësisë së Bashkimit Europian vendosi që përkufizimi i ‘Shtetit të origjinës së sigurt’ nuk mund të aplikohet nëse një shtet nuk garanton mbrojtje të mjaftueshme për të gjithë popullsinë. Një gur themeli për ndërtimin fillestar të funksionimit të qendrave në Shqipëri. ‘Vendimi i Gjykatës është befasues’, bëri të ditur qeveria. Atmosfera që mbizotëronte në Gjadër dhe ndoshta edhe në Pallatin Chigi ishte ndryshe. Me shumë mundësi, pra, nuk do të ketë punësime të reja. Ata që janë tashmë të kontraktuar dhe që vazhdojnë të jetojnë në një ‘klimë terrori’, ditët e fundit kanë rinovuar marrëveshjen për tre muaj të tjerë.

    /www.altreconomia.it- Përgatiti: SYRI.net