Dashi
Do të jetë një ditë stimuluese për ju. Do të ndiheni shumë mirë dhe nuk do të keni problem ta kanalizoni të gjithë energjinë tuaj në aktivitete të ndryshme. Sado krijuese që janë idetë tuaja, ato mund të mos i përshtaten të gjithëve. Jini bindës dhe do ta arrini qëllimin tuaj.
Demi
Kini kujdes të mos e humbni mendjen sot. Po e provoni këtë moment këto ditë, megjithëse natyra juaj e guximshme është kufizuar nga problemet financiare dhe profesionale. Është e kotë të ushqeni iluzione madhështore për momentin. Nëse ju këshillohet të jeni më konservatorë, merrni parasysh sugjerimin.
Binjakët
Sot, koha do të “ngrijë” dhe madje do të duket sikur do të shkojë pas. Përdoreni këtë pauzë për të reflektuar mbi motivimet tuaja. Aktualisht po zgjidhni pyetje që kanë të bëjnë me fatin e një personi tjetër. Ndoshta duhet të kaloni të njëjtën kohë duke menduar edhe për fatin tuaj.
Gaforrja
Klima është e tensionuar sot. Do të jeni të vetëdijshëm për një ndjenjë shqetësimi dhe një dëshirë për ndryshim, por gjithashtu do të ngurroni të bëni ndonjë lëvizje të vërtetë në atë drejtim. Gjykimi juaj ju tregon se ankesat që nuk çojnë në veprim janë të pakuptimta.
Luani
Mund ta interpretosh ditën që të pret si një pyetje të hapur rreth teje. Mund të kesh vënë re disa aspekte fizike ose psikologjike me të cilat nuk ndihesh rehat. Dita që të pret mund të të detyrojë të ndërmarrësh veprime për të korrigjuar atë qëndrim. Do të arrish shumë nëse i ndan shqetësimet e tua me një mik ose të afërm.
Virgjëresha
Ndonjëherë njerëzit mund t’ju qortojnë se nuk jeni shumë të kujdesshëm në marrëdhënie. Pozicionet planetare do t’ju ndihmojnë të jeni më të ndjeshëm. Do të ndiheni sikur papritmas keni një aftësi shumë më të madhe për të dëgjuar.
Peshorja
Ke një talent të pazakontë për ta bërë një situatë të duket më pak dramatike. Do të jesh ti ai që i qetëson njerëzit dhe do të jesh në gjendje ta përmbledhësh situatën në mënyrë objektive pa panik ose ekzagjerim.
Akrepi
Guxo të shprehësh idetë e tua pa pasur frikë. Kjo është ajo që konfigurimi planetar ka për të të thënë sot. Kjo është pikërisht ajo që të pëlqen, sepse frika nga talljet në përgjithësi është rrënimi yt. Sfida për ty është të thuash qartë atë që mendon pa huazuar idetë e të tjerëve. Guxo ta bësh!
Shigjetari
Nëse keni ndjerë dëshirën për të shkruar diçka, tani është koha për ta bërë. Sigurisht që nuk ju mungon imagjinata. Thjesht shkruani dhe lërini njerëzit ta shijojnë atë. Sa I përket lidhjes në çift, mos lejoni që marrëdhënia juaj të bëhet monotone.
Bricjapi
Mund të keni disa hezitime të forta gjatë ditës. Mund t’ju duhet ta mbuloni të vërtetën. Do të mbështeteni nga planetet, të cilët do t’ju ndihmojnë të formuloni idetë tuaja në një mënyrë që nuk do t’i trondisë njerëzit. Madje mund t’i bindni disa prej tyre për këndvështrimin tuaj.
Ujori
Ka momente kur mendimi juaj i qartë zbulon pjekurinë tuaj. Nuk jeni ëndërrimtar, kështu që është e vështirë të kaloni në situata të paqarta. Nëse aktualisht jeni në një marrëdhënie sentimentale, kjo do të ishte një ditë e shkëlqyer për të bërë një bilanc, por përpiquni të mos jeni shumë të ftohtë.
Peshqit
Gjatë ditëve të fundit, mund të jeni ndjerë disi të frustruar në iniciativat tuaja. Ose pengesat e jashtme ose kufizimet e brendshme paraqitën një sfidë të qartë. Përpara se të mund të bëni ndonjë përparim të vërtetë, disa çështje duhet të zgjidhen. Dita që vjen mund t’ju japë një mundësi të artë.
Tag: qartë
-
“Do të jetë një ditë stimuluese për ju…”/ Ja çfarë kanë rezervuar yjet për ju, ditën e sotme
-
Zv.kryeministrja e pandehur, Alimehmeti: Rama duhet të jepte dorëheqjen. Zgjedhjet në Tiranë duken shumë e qartë në favor të Binajt
Tirana pritet të shkojë në zgjedhje të pjesshme në një kohë kur qeveria socialiste përballet me akuza të rënda për korrupsion në nivelet më të larta. Belinda Balluku është e e dyta zv/kryeministre që merret e pandehur.
“ Në një vend normal do të ishte e udhës që kryeministri të jepte dorëheqjen, pastaj në një vend që jemi, mes autokracisë e diktaturës patjetër që kjo s’ka si të ndodhë. Në këtë klimë zhvillohen zgjedhjet e pjesshme. Në këtë situatë përballet opozita dhe jo më kot njerëzit ikin nga ky vend” thotë Ilir Alimehmeti në një intervistë telefonike me gazetarin e Syri Tv, Bled Marku.
Përballja tejet e pabarabartë. Kandidati Binaj përballet jo vetëm me kundërshtarin politik, por me të gjithë aparatin shtetëror, milionat e eurove që dyshohet se qarkullojnë nga afera korruptive dhe presionin mbi administratën publike për të siguruar vota. Sipas informacioneve nga terreni, administrata e bashkisë është instruktuar të intensifikojë punën për shkak të “rënies së entuziazmit”.
Pavarësisht kësaj disbalance, sondazhet e para tregojnë një garë kokë më kokë, një sinjal se pakënaqësia ndaj qeverisjes është e lartë. Zgjedhja për qytetarët e Tiranës duket e qartë: të votojnë për vazhdimësinë e një pushteti të zhytur në skandale, apo të rrezikojnë me një alternativë të re që premton ndryshim.
“Kjo është situata që neve kemi, që është paradoksale, që do të thotë, një kryetar bashkie në burg, një kandidate e partisë në fuqi e cila ka probleme direkte me drejtësinë dhe një drejtuese politike për kryeqytetin që është e pandehur pikërisht nga organet e drejtësisë.Tani kush është gara? Kriminelët kundër njerëzve të ndershëm? Sepse kjo duket që është një gara për bashkinë e Tiranës. Pra, nga njëri krah kemi zotin Florian Binaj, një figurë qytetare, nuk ka kërkush t’i thotë një fjalë, jam i bindur që asnjë gjobë nuk e ka. Njeri me karakter, njeri me një sedër, njeri me dinjitet, e nga krahu tjetër pastaj kemi një grup njerëzish të cilët për interesat e tyre personale, se kjo është e vërteta, për interesat e tyre personale, në kurrizin e të gjithë të tjerëve, pavarësisht e majta, e djathta, pa parti, shkojnë dhe krijojnë situata paradoksale si kjo e fundit. Pra, asnjëra nga këto nuk duhet të ishte më në skenën politike, as kryetari i bashkisë aktual që pritet të shkarkohet, as kandidatja e tyre për bashkinë, as drejtuesja politike, madje as kryeministri, siç e thashë pak më parë.Mirëpo në një situatë paradoksale, ne rrimë dhe diskutojmë këtë element. Këtu s’duhet të kishte asnjë lloj diskutimi, sikur edhe vetë për socialistët, se kë duhet të votohet, sepse, keni të bindur juve, edhe në radhët e tyre ka njerëz të ndershëm. Dhe s’ka se si diskutohet që ata të përfaqësohen tani vetëm nga njerëz të cilët kanë probleme me organet e drejtësisë, nga i pari tek i fundit. Nuk shpëton asnjë. Dhe në këtë realitet, këtu zgjedhja duket shumë e qartë në favor të zotit Binaj”
Alimehmeti pranon se gara nuk është aspak e barabartë por opozita këtë herë është krejtësisht e bashkuar dhe ka vendosur të mbështesë në garë një figurë qytetare, Florian Binajn dhe Alimehmeti argumenton pse në këto zgjedhje është shumë e qartë që janë në favor të tij.
Gara nuk është aspak e barabartë, është një David kundër Goliathit, dhe jo vetëm për zotin Binaj, por për të gjithë opozitën dhe gjithë njerëzit dhe gjithë figurat që po e mbështesin dhe po punojnë aktivisht për të. Por ama ka aspekte pozitive. Opozita tani është krejtësisht e bashkuar. Nga ky aspekt. Nga aspekti tjetër kemi goditje nga ana e Partisë Socialiste. Sërish është e vërteta ajo që ju thoni. Ama kujtoj, më 14 maj, edhe pa këto probleme që ka aktualisht Partia Socialiste, pra me akuzat e fundit që ka bërë SPAK-u, më 14 maj ishin të vërteta të gjitha këto që ju sapo thatë. Pra ishin paratë, ishin grupet kriminale, ishte krejt administrata, ishte gara e pabarabartë. Të gjitha këto elementë ishin në lojë.E megjithatë, madje në krye të listës së Tiranës, drejtues politik ishte vetë kryeministri, apo jo? Jo zëvendëskryeministri, por kryeministri. Dhe megjithatë, ndër 12 qarqet e Shqipërisë, në Tiranë kanë bërë rezultatin më të dobët Partia Socialiste, që do të thotë, është gjithmonë kryeqyteti ai që reflekton i pari, është gjithmonë elektorati qytetar i cili do zgjuar. Me këtë duhet të punojë patjetër opozita. Nga krahu tjetër, patjetër gjithsesi, loja nuk është absolutisht e lehtë. Të punosh kundër kësaj lloj makinerie që funksionon që të gjithë paratë e abuzuara në vite nga xhepat tanë dhe paratë që vijnë nga mafia ndërkombëtare, të vijnë dhe të hidhen në mënyrë të vazhdueshme për të mbajtur pushtetin me çdo kusht. Puna është e vështirë, ama neve i kemi dalë përballë dhe do t’i qëndrojmë përballë. Dhe nga ky aspekt, presim një rezultat shumë pozitiv për Tiranën.
-
Fjala e Veliajt para gjykatës/ B… çeliku që gjuajti me pambuk
Nga përplasja me juristin e Ramës deri te akuzat që hodhi për kryeministrin dhe partinë e tij
Pas nëntë muajsh mungese vizive në opinionin publik, Erion Veliaj është shfaqur sot me një fjalim 13 minutësh përpara Gjykatës Kushtetuese, ku ishte paraqitur për të mbrojtur idenë se ai ishte shkarkuar në mënyrë të padrejtë nga ish miqtë e tij këshilltarë bashkiakë dhe nga kryeministri Edi Rama. Mbrojtja juridike e Veliajt ishte në thelb e shkurtër: I njëjti shtet që më ka rrëmbyer padrejtësisht nga detyra duke shkelur prezumimin e pafajësisë, po më penalizon se nuk paraqitem në zyrë.
Por më i rëndësishëm sesa ky refren i njohur, me kërshëri pritej mbrojtja politike që ai do të bënte. Ajo që u vu re ishte Erion veliaj ndihej i tradhëtuar, i përdorur, i shitur nga partia dhe Edi Rama, ndonëse nga frika dhe trembja e thoshtë këtë mes rreshtave pa pasur guximin ta artikulonte burrërisht. Ai foli me kunja, me aludime, me nënkuptime, që kush donte mund ti dekriptonte, por pa vënë pikat mbi “I”. Boleçeliku i dikurshëm nuk shkoi më larg se goditja me pambuk.
Mëria dhe kontradikta që ai kishte me Edi Ramën u pa në replikat që pati në fund të pjesës së parë të seancës me përfaqësuesin e zyrës së kryeministrit që bënte pyetje për të mbrojtur drejtësinë e vendimit për shkarkimin e kryebashkiakut. Veliaj mori fjalën, e akuzoi mëkëmbësin e Ramës për standarte të dyfishta, sepse nuk kishte kërkuar edhe shkarkimin e kryetarit të Bashkisë së Tropojës që nuk paraqitej gjithashtu në zyrë prej 11 muajsh (video poshte).
Ai e akuzoi kryeministrinë se po përdorte dy standarte, se po targetonte vetëm një njeri, se nuk po prodhonte drejtësi për ta etiketuar pastaj si një institucion që nuk shqetësohet për masat e padrejta të paraburgimit.
Pra po ta dëgjoje gjatë kësaj replike konkluzioni ishte i qartë: si burgun dhe shkarkimin e kam nga Rama, ndonëse Veliaj nuk guxoi asnjëherë të vetme ta nominonte atë me emër.
E njëjta atmosferë që u pa qartë në këtë shkëmbim replikash u duk edhe në pjesën politike të fjalimit të kryebashkiakut ende në detyrë, të cilin e rrëmbyen “ata që nuk donin ta shihnin më me lopatë në dorë”. Erion Veliaj tha me gojën e tij atë që vetëm pjesa më radikale e opozitarëve të Ramës arrijnë ta artikulojnë atë se demokracia në këtë vend ka nevojë për mbrojtje pasi ajo është vënë në sprovë. Ai iu drejtua trupës gjykuese: “Jam këtu për t’ju drejtuar me gjithë respektin që meriton detyra Juaj e lartë dhe për t’ju kërkuar një gjë të vetme: të mbrojmë së bashku demokracinë që po vihet në sprovë”.
Ai u mundua gjithëashtu të vërtetonte se qe, qoftë me burgosjen dhe qoftë me tentativën për shkarkim, viktimë e “etjes për karrierrë”, “protagonizmit politik”, dhe “kulisave të pushtetit”. Ai pretendoi se po “sakrifikohej për llogari të momentit, për rehati politike apo për urdhra të përkohshëm, që bien ndesh me ligjin”. Kuptohet qartë se të gjitha këto epitete targetonin qartë njeriun që qëndronte pas të gjitha këtyre manovrave.
Por, përpos Ramës në fjalën e tij, ai që njihej si ish numri dy i socialistëve nuk la pa shigjetuar as miqtë e vet që iu bindën në mënyrë të verbër urdhërit të Ramës duke e tradhëtuar atë.
“Nuk kishin si të më fyenin më rëndë. Ishte më e rënda e jetës sime publike, sepse erdhi nga bashkëpunëtorët e mi, nga njerëz që më njohin më mirë se kushdo tjetër dhe që nuk denjuan as të më dëgjonin.
Zoti i faltë! Lutem çdo natë për ta: Zot, fali, se nuk dinë ç’kanë bërë” shpërtheu ai.
Pra po ta lexoje midis reshtash, fjala e Veliajt kishte shumë akuza të forat për kryeministrin dhe partinë e tij se ishin ata që e mbanin padrejtësisht në burg madje dhe donin ta shkarkonin. Por formalisht Lali, i njohur për skuthllëkun proverbial, nuk pati guximin që asnjërën prej tyre ta thotë hapur. Ai i mbeti besnik stilit që kishte ushtruar kur ishte në majë të pushtetit duke ia bërë më të lehtë detyrën atyre që e duan të shkatërruar.
©Lapsi.alAi e akuzoi kryeministrinë se po përdorte dy standarte, se po targetonte vetëm një njeri, se nuk po prodhonte drejtësi për ta etiketuar pastaj si një institucion që nuk shqetësohet për masat e padrejta të paraburgimit.
-
Real Madrid ‘gozhdon’ Endrick: Do të huazohesh? Plotëso 3 kushte ose…
31 Tetor 2025
14:24
Telesport
I vetëdijshëm se nuk ka shans të bëhet protagonist në Bernabeu, Endrick ka vendosur të huazohet në merkaton e janarit në një skuadër që i jep minuta.
Objektivi është i qartë: sulmuesi do të luajë në Botëror. Kjo nuk do të jetë e lehtë, sepse Real Madrid ka vendosur 3 kushte për lëvizjen e tij në janar.
Së pari, klubi i interesuar duhet të paguajë një tarifë huazimi. Së dyti, duhet të mbulojë tërësisht pagën e lojtarit. Së treti, duhet të paraqesë një plan të qartë zhvillimi sportiv për lojtarin.
Sipas të gjitha gjasave, Endrick do të transferohet në Ligue 1, ku e presin disa skuadra me projekte entuziaste për rritjen e tij. -
Siria njeh pavarësinë e Kosovës, Vuçiç: Ishte e pritshme, atje marrin urdhra
Bota E Enjte, 30 Tetor 2025 18:58
Presidenti i Serbisë, Aleksandar Vuçiç thotë se lajmi për njohjen e pavarësisë së Kosovës nga Siria ishte i pritshëm.
”Tani është e qartë se sa e rëndësishme ishte qasja liberale e Bashar al-Assad ndërsa ishte në krye të Sirisë, dhe gjithashtu është e qartë kur vjen dikush që është nën ndikim të madh të njërit prej vendeve kryesore në rajon, siç është Turqia”, tha Vuçiç gjatë një konference për mediat.
Nga ana tjetër, Vuçiç shtoi se në Siri “marrin urdhër dhe veprojnë sipas urdhrit” dhe tha se Serbia do të ketë diçka “me të cilën t’i gëzojë”, por nuk sqaroi se çfarë është fjala. -
Netanyahu mesazh të qartë ndërkombëtarëve: Nëse nuk e çarmatosni ju Hamasin, do ta bëjmë ne
Izraeli “ka ende punë për të bërë” në Gaza, tha kryeministri izraelit, Benjamin Netanyahu në një ceremoni diplomimi për nxënësit e shkollës së oficerëve në Izraelin jugor.
“Nëse Hamasi vazhdon të shkelë në mënyrë të qartë armëpushimin, do t’i nënshtrohet sulmeve të fuqishme si ato të dy ditëve më parë dhe dje”, kërcënoi ai.
“Ne vendosim dhe veprojmë sa herë që është e nevojshme për të hequr kërcënimet direkte nga forcat tona”, shtoi Netanyahu.
Në këtë mënyrë, kryeministri izraelit iu përgjigj kritikave se kufizimet amerikane kanë çuar në përgjigje të pamjaftueshme ndaj sulmeve vdekjeprurëse të Hamasit ndaj trupave të IDF.
“Në fund të ditës, Hamasi do të çarmatoset dhe Gaza do të demilitarizohet… Nëse fuqitë e huaja e bëjnë këtë, kjo do të jetë mirë. Nëse nuk e bëjnë, do ta bëjmë ne”, tha Netanyahu.
Në të njëjtën linjë, Shefi i Shtabit të IDF, gjenerali Eyal Zamir, paralajmëroi se ushtria është gati të kthehet në luftime në çdo front dhe do të përdorë “forcë shumë më të madhe” sesa në dy vitet e fundit të luftës.
“Ne nuk do të tregojmë durim ndaj asnjë kërcënimi. Do t’i besojmë një armiku që deklaron qëllimin e tij për të na dëmtuar dhe do ta shkatërrojmë atë”, tha Zamir në të njëjtën ceremoni.
“Nuk do të ketë tolerancë kur siguria e qytetarëve izraelitë kërcënohet. Ky është një parim që kam ndërmend ta mbështes. Ne operojmë në të gjitha zonat dhe tani, në gatishmëri të lartë për çdo shkallë operacioni që kërkohet. Në disa zona, ne do të veprojmë përsëri me forcë shumë më të madhe se në dy vitet e fundit”, shtoi ai.Top Channel
-
Sanksionet amerikane, Vuçiç “i lutet”: Mos na ndëshkoni sërish, nuk jam komunist
Sanksionet amerikane kanë tronditur presidentin serb, Aleksandër Vuçiç. Gjatë një vizite zyrtare në Uzbekistan, Vuçiç tha se e ka kuptuar tashmë mesazhin e qartë nga Shtetet e Bashkuara dhe shtoi se nuk është gati të bëjë asnjë kompromis për industrinë e naftës NIS, shumica në pronësi të Rusisë. “Imagjinoni mua duke dalë dhe duke thënë se po i kërkojmë qeverisë amerikane të bëjë këtë dhe atë… Faleminderit shumë, partnerë të dashur, për të gjitha këto. Meqenëse jetojmë në një botë realiteti, jo drejtësie, është e imja të them se e kuptuam atë mesazh. Unë nuk mashtrova askënd dhe thashë se amerikanët do të ishin të palëkundur. Ata donin të më bënin të thoja ‘shpëtuam edhe një muaj tjetër’ dhe se “patjetër që do të shtetëzonim pronën ruse’.
Thashë se nuk jam komunist, nuk jam fashist, nuk kam marrë asgjë nga askush”, tha Vuçiç. Ai vazhdoi me propagandën e tij se qytetarët në Serbi do të kenë një dimër të vështirë dhe të ftohtë, teksa u vetëshpall si herë duke garantuar se do t’i mbrojë ata. Vuçiç la të kuptohet se Amerika mund t’i vendosë sanksione të tjera Serbisë. “U kërkoj partnerëve tanë amerikanë të mos vendosin sanksione dytësore ndaj institucioneve tona financiare. Të na lënë kohë deri në mesin e dhjetorit për të zgjidhur të gjitha problemet tona dhe pastaj të na njoftojnë të paktën shtatë ditë më parë, për të siguruar një jetë të sigurt për bankat tona,” tha ai. Presidenti serb gjithashtu theksoi se nuk do të lejojë që këto presione të dëmtojnë stabilitetin ekonomik të vendit. Ai bëri të qartë se çdo përpjekje për të detyruar Serbinë të ndryshojë kursin e saj do të përballet me kundërshtim të fortë. Vuçiç u shpreh se Serbia do të vazhdojë të mbrojë interesat e saj kombëtare, pavarësisht kërcënimeve dhe sanksioneve.
-
Vendimi, KQZ nuk e regjistron Gjergji Nikën si kandidat për Bashkinë e Vlorës
Anëtari i Këshillit Bashkiak të Vlorës, Gjergji Nika nuk është regjistruar nga Komisioni Qëndror i Zgjedhjeve si kandidat për Bashkinë e Vlorës për zgjedhjet e pjesshme lokale të 9 Nëntorit.
Vendimi është marrë në mbledhjen e sotme të KQZ-së, teksa Komisioneri Shtetëror i Zgjedhjeve, Ilirjan Celibashi deklaroi se Nika duhet të ishte propozuar nga një Komitet Nismëtar dhe duhet të kishte respektuar procedurën.
Më tej, Celibashi tha se nga precedenti i vitit 2023, Gjegji Nika nuk mund të regjistrohet për zgjedhjet e 9 nëntorit. Teksa tha se anëtarit të Këshillit Bashkiak të Vlorës, i lind e drejta që ta kontestojë vendimin e KQZ-së.
“Është e qartë që interpretimi nuk mund të jetë literal por edhe llogjik. Këtu kemi edhe aspekt proceduriale por edhe materiale të rregullimit të kësaj cështje. Aspektet proceduriale janë ato që kanë të bëjnë me mënyren sesi shkohen në një regjistrim të një kandidati dhe materialet me kushtet që kërkohen.
Aspekti proceduriale është i qartë plotësisht, ti duhet të ndjekësh një procedurë të caktuar që shkosh tek procesi i regjistrimit. Dhe unë mendoj që përjashtimi që ka bërë Kodi Zgjedhor për një kategori të caktuar, si kandidatët që mbështeten nga zgjedhësit, për të cilat ka një procedurë të caktuar, ndryshe nga ajo që ka për subjektet politike. Dhe procedurën kandidatët duhet ta respektojnë. Ju kishit detyrimin që të arfirmoheshit si kandidat i mbështetur nga zgjedhur vetëm duke përgatiur këtë kërkesë tek Komiteti Nismëtar. Favori që ligji iu ka bërë është që ju nuk kishit nevojë për të mbledhur firma.
Patjetër që ka vend për të diskutuar, por e kemi një precedentë në vitin 2023, ku do të duhet që edhe në rastin ku kandidatët janë të mbështetur nga zgjedhësit, të cilat janë deputetë apo kryetar bashkisë, propozimi për ta duhet që të vinte nga një komitet Nismëtar. Kemi një precedentë të tillë, kështu që duke respektuar këtë precedentë, me keqardhje më të madhe, por nuk mund ta regjistrojmë si kandidat. Natyrisht keni gjithë të drejtën për ta kontestuar këtë vendimmarrje, por në precedentin e regjistuar, nuk mund ta regjistrojmë kanidaturën tuaj”, tha Celibashi.
Ndërsa Nika më herët pretendoi se e lejon ligji për të zgjedhur me votë që ai të regjistrohet për zgjedhjet e 9 nëntorit. Sipas tij, me një vërtetim nga instucionet e tyre, mund të regjistrohen duke mbajtur një mandat mbi gjashtë muaj
“Në radhë të parë mua ma lejon ligji, pasi ti e ke të shprehur shumë të qartë, neti 70 pika 4, shkruhet, kandidatët që janë kryetarët e Bashkive, anëtarët e Këshillit Bashkiak dhe deputetët. Me një vërtetim nga instucionet e tyre, mund të regjistrohen duke mbajtur një mandat mbi gjashtë muaj. Është e shkruajtur shumë qartë, nëse do të ishte në pikën 4, nuk do të shkruhej heqja e pikës 3, atëherë këtu do të kishim nevojë për interpretim, por gjëja është shumë e qartë”, tha Nika.
Tashmë, dy kandidatët e vetëm për Bashkinë e Vlorës më 9 Nëntor mbeten Brunilda Mersini e PS-së dhe Dionis Sota si kandidat i pavarur, por që ka dhe mbështetjen e Partisë Demokratike.
-
“Kemi parti-shtet”, Alimehmeti: Raporti i OSBE i qartë, PS komandon gjithçka
Këshilltari i djathtë në Bashkinë e Tiranës, Ilir Alimehmeti ishte i ftuar në Terminal ku komentoi raportin përfundimtar të OSBE-ODIHR në lidhje me zgjedhjet parlamentare të 11 majit.
Sipas Alimehmetit, raporti tregoi qartë se kemi të bëjmë me një parti-shtet që krijoi kushte të pabarabarta për 11 majin.
“Raporti i ODIHR konfirmoi atë që ka ndodhur më 11 maj. Ky raport na thotë që fusha e lojës ishte e pabarabartë. Kur flasim për një lojë të pabarabartë dhe kemi një parti shtet dhe kemi një paragraf që thotë nuk janë standarde ndërkombëtare nuk kemi çfarë të flasim më. Nuk mund të fliste më qartë OSBE-ODIHR dhe nuk mund të prisnim që të fliste me gjuhën tonë”, tha Alimehmeti në A2 CNN. -
Ndalimi i monopatinave elektrike, vendimi në fuqi deri në krijimin një kuadri të qartë ligjor
Kur kanë kaluar më shumë se 10 ditë nga ndalimi i qarkullimit në rrugë të monopatinave elektrike, ministrja e Punëve të Brendshme, Albana Koçiu zhvilloi një tryezë diskutimi me institucionet kryesore që kanë një rol në sigurinë rrugore.Sipas ministres vendimi do të qëndrojë në fuqi deri në krijimin e një kuadri të qartë ligjor që rregullon përdorimin e këtyre mjeteve.“Pezullimi i lëvizjes me monopatina elektrike erdhi si një masë e nevojshme për të garantuar sigurinë e qytetarëve, deri në krijimin e një kuadri të qartë ligjor që rregullon përdorimin e tyre.Në tryezën e diskutimit me institucionet kryesore që luajnë rol kyç në sigurinë rrugore, vumë në fokus hartimin e rregullave të reja që do të përcaktojnë:standardet teknike të mjeteve,rregullat e qarkullimit dhe zonat e lejuara,si dhe përgjegjësitë e institucioneve që do të sigurojnë zbatimin e ligjit.Qëllimi është normimi i lëvizjes së monopatinave elektrike në mënyrë të sigurt, të organizuar dhe në përputhje me jetën urbane moderne të qytetit”, shkruan Koçiu.Vetëm për vitin 2024 janë 991 raste të raportuar nga Urgjenca për aksidentet me këto mjete, ku midis këtyre rasteve ka patur edhe fatalitete dhe dëmtime shumë të rënda.Shtimi i aksidenteve/ Ndalohet përkohësisht qarkullimi i monopatinave elektrike në rrugëKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.