Lajmidites.com

Tag: qarkullimi

  • U përurua 8 muaj më parë, shembet rruga Shëngjin–Velipojë, qarkullimi i mjeteve në kaos

    U përurua 8 muaj më parë, shembet rruga Shëngjin–Velipojë, qarkullimi i mjeteve në kaos

    Shëngjin–Velipojë

    SHËNGJIN- Traseja e rrugës Shëngjin–Velipojë, pranë fshatit Rrjoll, ka pësuar çarje për shkak të rrëshqitjes së dherave. Rruga e përuruar në prill të 2025 ka pësuar dëmtime në një pjesë të konsiderueshme të gjatësisë së saj, duke rrezikuar shembjen e plotë. Bëhet fjalë për një rrugë që është hapur për qarkullimin e automjeteve në pranverë të këtij viti, me gjatësi 15 km, dhe që ka kushtuar 3.8 milionë euro.
    Situata aktuale është mjaft problematike, pasi ka pasur rrëshqitje në të dyja anët e skarpateve pranë fshatit Rrjoll, ndërsa mësohet se njëri krah i lëvizjes është bllokuar prej 2 ditësh. Aktualisht, qarkullimi kryhet me vështirësi vetëm në njërin sens.
    Mësohet se pikërisht në vendin ku ka ndodhur shembja, kompania që ka ndërtuar këtë segment rrugor ka vendosur barriera betoni dhe sinjalistikë në një gjatësi prej 50 metrash. Ndërsa bëhet me dije se është po kjo kompani fituese e tenderit Gener 2, që ka detyrim ligjor të ndërhyjë për çdo problematikë deri në prill të vitit 2026 kur do të dorëzohet projekti./ZËRI
     

  • Protestat në Greqi, bllokohet qarkullimi Kakavijë-Janinë

  • Tirana nën masa të forta sigurie për protestën e PD: Bllokohet bulevardi

    Tirana nën masa të forta sigurie për protestën e PD: Bllokohet bulevardi

    Partia Demokratike do të mbajë pasditen e kësaj të hëne protestën e radhës, para Kryeministrisë ku kërkohet largimi i Edi Ramës dhe Belinda Balluku pas skandaleve që përfshinë qeverinë.
    Për shkak të protestës, do të bllokohet qarkullimi te bulevardi dhe në disa segmente rrugore të kryeqytetit.
    Bëhet me dije se nga ora 15:00 deri në përfundimin e tubimit në orën 18:00 do të ndalohet qarkullimi i automjeteve në segmentin që nis nga Ministria e Brendshme deri në sheshin “Nënë Tereza”.
    Po ashtu, të gjitha rrugët që lidhen me Bulevardin “Dëshmorët e Kombit” dhe sheshin “Nënë Tereza” do të jenë të bllokuara.
    Pjesë e masave janë edhe përdorimi i kamerave të sigurisë për monitorim të vazhdueshëm, lyerja me graso e shtyllave elektrike, për të shmangur ngjitjen apo dëmtimet dhe ndalimi i autoveturave të televizioneve për t’u parkuar përpara Kryeministrisë, një rregull që nuk ishte zbatuar në foltoret e mëparshme.

  • Bllokohet qarkullimi në Librazhd-Elbasan/ Mbi 16 km trafik, qytetarët në pritje prej orësh

    Bllokohet qarkullimi në Librazhd-Elbasan/ Mbi 16 km trafik, qytetarët në pritje prej orësh

    Qarkullimi në aksin Librazhd-Elbasan po përballet me vështirësi të mëdha këtë të diel për shkak të punimeve të zvarritura dhe fluksit të lartë të automjeteve që udhëtojnë drejt Tiranës.

    Ky segment rrugor, i njohur për densitetin e trafikut, është tërësisht i bllokuar për një gjatësi prej të paktën 16 kilometrash.

    Qindra qytetarë dhe drejtues mjetesh kanë mbetur të bllokuar në trafik për më shumë se një orë.

    Sipas raportimeve të qytetarëve, policia nuk është parë askund për të lehtësuar situatën.

    Por me të drejtë, pasi patrullat e policisë janë të angazhuara kryesisht në vendosjen e gjobave për parkime të gabuara, duke lënë pa mbikëqyrje rrugën kryesore dhe duke thelluar kaosin në këtë aks të rëndësishëm.

    Fluksi i pandërprerë i automjeteve, bashkë me mungesën e koordinimit dhe të shërbimeve të patrullave, ka bërë që segmenti të duket pothuajse i pamundur për t’u kaluar./ oranews/ 

  • Përplasen “kokë më kokë” mjetet në Unazën e Madhe në Tiranë, bllokohet qarkullimi

    Përplasen “kokë më kokë” mjetet në Unazën e Madhe në Tiranë, bllokohet qarkullimi

    Një aksident rrugor raportohet se ka ndodhur mëngjesin e sotëm në Unazën e Madhe në Tiranë, ku dy automjete janë përplasur kokë më kokë. Si pasojë e përplasjes, qarkullimi në zonë është bllokuar dhe janë krijuar radhë të gjata automjetesh.
    Shërbimet e policisë ndodhen në vendngjarje për të menaxhuar trafikun dhe për të sqaruar rrethanat e aksidentit. Ende nuk dihet nëse ka të lënduar.

  • Shembja masive e shkëmbinjve bllokon aksin Qukës-Qafë Pllocë/ Devijohet qarkullimi i automjeteve

    Shembja masive e shkëmbinjve bllokon aksin Qukës-Qafë Pllocë/ Devijohet qarkullimi i automjeteve

    Një tjetër shembje masive ka ndodhur mëngjesin e sotëm në aksin rrugor Qukës-Qafë Plloçë, ku një masiv dheu e gurë janë shkëputur nga skarpatat e rrugës dhe ka rënë në rrugë duke bërë bllokimin e saj. Kjo ka ardhur si pasojë e reshjeve të shumta të ditëve të fundit.

    Për shkak të rrezikut dhe për të garantuar sigurinë e përdoruesve të rrugës, qarkullimi i automjeteve është devijuar në një korsi të re, e cila ishte hapur disa ditë më parë, pasi pritej që një situatë e tillë të ndodhte.

    Nga ana e kompanisë ndërtuese është realizuar një bypass, i cili mundëson kalimin e mjeteve në të dy drejtimet, duke shmangur bllokimin total të qarkullimit në këtë segment problematik.

    Shembje të tilla janë përsëritur disa herë në këtë aks, veçanërisht në lotin e tretë, ndërsa kjo konsiderohet shembja e dytë masive në këtë segment rrugor. Sipas specialistëve, situata ishte e parashikueshme, pasi terreni ku është ndërtuar rruga paraqet paqëndrueshmëri të theksuar.

    Autoritetet dhe policia rrugore po monitorojnë situatën në terren dhe u bëjnë thirrje drejtuesve të mjeteve të tregojnë kujdes gjatë qarkullimit në këtë zonë.

  • Parisi pa energji elektrike në disa zona, ndërpritet qarkullimi në disa linja metroje

    Parisi pa energji elektrike në disa zona, ndërpritet qarkullimi në disa linja metroje

    Një ndërprerje e energjisë elektrike ndodhi këtë mëngjes në disa zona të Parisit, njoftoi në faqen e saj të internetit kompania Enedis, e cila menaxhon rrjetin elektrik të kryeqytetit francez.

    Qarkullimi është ndërprerë në disa linja metroje dhe periferike, njoftoi Enedis, duke shtuar se energjia elektrike pritet të rikthehet brenda pak orësh.
    Operatori i rrjetit nuk specifikoi shkaqet e ndërprerjes së energjisë elektrike.

    Top Channel

  • Ndeshja me Anglinë, masat e sigurisë në maksimum! Bllokohet qarkullimi në disa rrugë, hyrja në 15:00

    Ndeshja me Anglinë, masat e sigurisë në maksimum! Bllokohet qarkullimi në disa rrugë, hyrja në 15:00

    Në prag të ndeshjes me Anglinë në stadiumin “Air Albania”, Policia e Shtetit ka hartuar një plan të detajuar masash për garantimin e rendit dhe sigurisë publike.
    Në kuadër të këtij plani, janë marrë masa për shoqërimin dhe sigurimin e ekipit të Anglisë, nga aeroporti deri në hotel dhe stadium, si dhe gjatë kthimit.
    Përveç sigurisë së lojtarëve, do të sigurohet rendi publik para, gjatë dhe pas ndeshjes, jo vetëm pranë stadiumit, por edhe në të gjithë qytetin e Tiranës.
    Do të sigurohen rrugëkalimet për shërbimet e emergjencës dhe do të menaxhohet trafiku në zonat përreth stadiumit.
    Për këtë arsye, nga ora 14:00 e më pas do të ketë kufizime qarkullimi në rrugët “Papa Gjon Pali II”, “Dervish Hima” pranë ambasadës së SHBA-së, “Asim Zeneli” pranë ambasadës së SHBA-së, “Themistokli Gërmenji”, kryqëzimi i Liceut në rrugën “Ismail Qemali”, rruga “Mustafa Matohiti” pranë shkollës “Kosova”, rruga “Jul Variboba” pranë postës, rruga “Lekë Dukagjini” pranë ish-Gardës së Republikës, rruga “Avdyl Frashëri” pranë kryqëzimit të Librit Universitar, si dhe rrugët “Skerdilajd Llagami” dhe “Faik Konica”.
    Hyrja e tifozëve në stadium fillon nga ora 15:00.

  • Hiqen nga qarkullimi 7 mijë makina të vjetra në gjithë vendin, ja mosha mesatare e tyre

    Hiqen nga qarkullimi 7 mijë makina të vjetra në gjithë vendin, ja mosha mesatare e tyre

    Në kuadër të masave për përmirësimin e sigurisë rrugore dhe mbrojtjen e mjedisit, Drejtoria e Përgjithshme e Shërbimeve të Transportit Rrugor bën të ditur, se gjatë periudhës janar- tetor të vitit 2025, janë larguar përfundimisht nga qarkullimi në të gjithë vendin 7.071 mjete.
    Këto mjete janë çregjistruar përfundimisht, pasi nuk plotësonin standardet e sigurisë në qarkullim; nuk përmbushnin kushtet teknike të detyrueshme dhe paraqisnin shkallë të lartë amortizimi dhe konsumimi.
    Sipas të dhënave nga Drejtoria e Përgjithshme e Shërbimeve të Transportit Rrugor, mosha mesatare e flotës së çregjistruar është rreth 22 vjeç. Ky proces, është një hap i rëndësishëm drejt modernizimit të transportit rrugor në vend, pasi ndikon në sigurinë në rrugë, si dhe ka ndikim pozitiv në mjedis, duke reduktuar ndjeshëm ndotjen që shkaktohet nga automjetet e vjetra.
    Ndërkohë, në të njëjtën periudhë është regjistruar një rritje prej 24% të numrit të testimeve teknike krahasuar me vitin 2023. Gjatë 10 muajve të parë të vitit 2025 janë kryer gjithsej 268.999 testime teknike për mjetet në qarkullim.
    Nga totali i mjeteve të testuara, automjetet personale përbëjnë shumicën me 86.2% , të ndjekura nga kamionët me 6.2 %, motomjetet me 4.9%, autobusët me 1.8%, ndërsa rimorkiot dhe mjetet e punës zënë përkatësisht 0.5 dhe 0.4 % të testimeve.
    Kjo rritje tregon një ndërgjegjësim më të lartë të drejtuesve të mjeteve, si dhe një përmirësim në kontrollin teknik dhe monitorimin e automjeteve që qarkullojnë në rrugët shqiptare.

  • Greva në doganën greke/ Më 27 tetor “paralizohet” qarkullimi i mjeteve në Kakavijë, ja sa do të zgjasë

    Greva në doganën greke/ Më 27 tetor “paralizohet” qarkullimi i mjeteve në Kakavijë, ja sa do të zgjasë

    27 tetori do të sjellë një bllokim të kalimeve kufitare në Pikën Kufitare të Kakavijës, kjo për shkak të grevës së palës greke.

    Bllokimi do të nisë në orën 06:00 dhe do të zgjasë deri në 10:00 (me orën shqiptare).

    Nuk do të lejohet qarkullimi i mjeteve në Pikën e Kalimit Kufitar Kakavijë, për shkak të grevës së doganierëve grekë.

    Policia Kufitare Kakavijë njofton se do të lejohet kalimi vetëm i këmbësorëve pa bagazhe, dhe automjetet që kanë emergjenca shëndetësore.