Lajmidites.com

Tag: pyjeve

  • Reformë për zonat e mbrojtura, Rama: Monitorim i pyjeve me dronë, mjedisi kriter i rëndësishëm për antarësimin në BE

    Reformë për zonat e mbrojtura, Rama: Monitorim i pyjeve me dronë, mjedisi kriter i rëndësishëm për antarësimin në BE

    Me fokus te mjedisi si një nga pikat kyçe të rrugëtimit të Shqipërisë drejt Bashkimit Europian, kryeministri Edi Rama, gjatë aktivitetit “Për Ty Natyrë”, paralajmëroi disa reforma të rëndësishme për monitorimin e zonave të mbrojtura, duke synuar përafrimin e tyre me praktikat europiane.
    “Është një moment historik për anëtarësimin dhe synimin për mbylljen e negociatave, ku fokusi mbi mjedisin dhe forcimin e një ekonomie të re të lidhur me natyrën është shumë më i madh se kurrë. Sfidat që lidhen me kapitujt e mjedisit janë ndër më të vështirat, pasi standardet janë maksimale. Pavarësisht të mirave që kemi arritur, jemi ende shumë prapa”, tha Rama.
    Ai njoftoi gjithashtu edhe një ristrukturim institucional, duke paralajmëruar bashkimin e Agjencisë së Zonave të Mbrojtura me Agjencinë Kombëtare të Pyjeve.

    “Do të nisë një reformë që parashikon ristrukturimin e AZM-së dhe të shërbimit të pyjeve, duke i bashkuar në një agjenci të vetme. Zonat e mbrojtura dhe pyjet janë dy komponentë që duhet të menaxhohen së bashku, sepse të ndara nuk na ndihmojnë të ecim më shpejt drejt një menaxhimi më efikas”, tha Rama.
    Rama kujtoi se vera që lamë pas solli dëme të mëdha nga zjarret masive që përfshinë zona të gjera pyjore e malore të vendit. Për këtë arsye, qeveria ka marrë masa të reja për parandalimin e tyre, përfshirë përdorimin e dronëve inteligjentë.
    “Po angazhojmë burime të reja financiare për futjen e teknologjisë dhe rritjen e kapaciteteve për monitorimin e pyjeve me dronë. Këto janë të buxhetuara për vitin që vjen dhe përbëjnë një fazë të re”,  tha Rama.
    Paralelisht me monitorimin ajror, qeveria parashikon edhe fonde për ripyllëzimin e zonave të dëmtuara ndër vite nga zjarret dhe fatkeqësitë natyrore.

  • “Krimet mjedisore janë ulur”, Rama: Askush s’ia ka gjetur ilaçin zjarreve, do të rrisim financimin

    “Krimet mjedisore janë ulur”, Rama: Askush s’ia ka gjetur ilaçin zjarreve, do të rrisim financimin

    Kryeministri Edi Rama ditën e sotme ishte i pranishëm në aktivitetin “Për ty natyrë”.
    Një pikëtakim për prioritetet e mjedisit, biodiversitetit dhe pyjeve, të cilat duhet të hyjnë në një fazë të re përmes modelit unik të administrimit dhe zhvillimit të qëndrueshëm.
    Edi Rama tha se është një moment i mirë për të bërë një bilanc duke kthyer kokën pas, ndërkohë që jemi të fokusuar te njëri nga aspektet më të vështira të procesit të negociatave, që është aspekti i mjedisit. Mënyra se si shihen dhe trajtohen zonat e mbrojtura është një pjesë strategjike e gjithë këtij kompleksi që lidhet me natyrën.

    Shefi i qeverisë tha se duke kthyer kokën pas ka shumë arsye për të qenë krenar për ku jemi sot.
    Rama: Një dekadë më parë, na u desh të bëjmë dy ndërhyrje radikale për të siguruar marrjen e një kthese të domosdoshme në kushtet kur qoftë prerja e paligjshme e pyjeve qoftë gjuetia e paligjshme ishin bërë plagë reale që zgjeroheshin mbri trupin e natyrës së Shqiëpirë.
    Sot, tha Rama, mund të shikojmë me krenari rezultatet e moratoriumeve që para disa vitesh krijuan debat dhe u panë me dyshim.
    Rama: Zonat e mbrojtura dhe në tërësi territoret e natyrës në Shqipëri ishin nën agresionin e vazhdueshëm të ndërtimeve të paligjshme, ishin nën agresionin e vazhdueshëm të ndotjeve dhe më vjen shumë mirë që bilanci flet për një ulje të konsiderueshme të krimeve mjedisore. Ajo çka përbën një pikë të dosmosdoshme për të siguruar një ecuri të suksesshme në këtë proces që lidhet me negociatat për anëtarësim, por që pikërisht se lidhet me negociatat, si të gjitha aspekjtet e tera lidhet me të nesërmen tonë, është një menazhim shumë më i mirë dhe shumë më i sigurt i pyjeve. Jemi angazhuar në një proces reformimi të modelit të menaxhimit të pyjeve dhe të natyrës në tërësi. Një reformim i cili do të duhet të fillojë nga një ristrukturim i Agjencisë Kombëtare të zonave të Mbrojtura dhe i Agjencisë Kombëtare të Pyejeve duke i bërë bashkë dhe duke krijuar një sinergji mes të dyjave, për të pasur një Agjenci.
    Kryeministri u ndal edhe te sfida e përvitshme, ajo e zjarreve.
    Rama: Nevoja që të ndërhyjmë me shumë më tepër kurajo në aspektin e reformës dhe shumë më tepër angazhim në aspketin e vëmendjes sa i përket pyejeve është çdo vit e më e madhe. Nevoja për të rritur kapacitetet tona për pyllëzim është çdo vit e më e madhe. Deri tani askush nuk i ka gjetur ndonjë ilaç zjarreve që kur vijnë bëjnë dëme kolosale. Për këtë arsye po angazhojmë edhe burime të reja financiare për të futur edhe teknologjinë, duke rritur kapacitetet mbjellëse përmes pyllëzimeve me dron që sjellin saktësi, sjellin efiçencë. Janë të buxhetuara për vitin që po vjen dhe duke ndërtruar një bazë vitin që vjen do të rrisim edhe financimet, do të rrisim edhe intensitetin e këtyre pyllëzimeve në vitet e mëtejshme.

  • “Zonat e mbrojtura ishin nën agresion, moratoriumi për pyjet funksionoi”, Rama: Do ristrukturojmë Agjencinë, pyllëzim me dron

    “Zonat e mbrojtura ishin nën agresion, moratoriumi për pyjet funksionoi”, Rama: Do ristrukturojmë Agjencinë, pyllëzim me dron

    Kryeministri Edi Rama ka mbajtur fjalën e tij sot në në aktivitetin “Për ty natyrë”, një takim për prioritetet e mjedisit, biodiversitetit dhe pyjeve.

    Kryeministri u shpreh se zonat e mbrojtura dhe territoret e natyrës në Shqipëri ishin nën agresionin e ndërtimeve të paligjshmeve, ndotjeve ndërsa sot, sipas tij bilanci flet për një ulje të krimeve mjedisore dhe vënien në kontroll të agresionit të ndërtimeve dhe ndotjes.
    Rama foli edhe për një strukturim të Agjencisë Kombëtare të Zonave të Mbrojtura dhe të Pyjeve duke i bërë bashkë dhe krijuar një sinergj mes tyre.
    “Duke kthyer kokë pas ka shumë arsye për të qenë krenar për ku jemi sot. Kam parasysh se na u desh një dekadë më parë të bëjmë 2 ndërhyrje radikale për të siguruar marrjen e një kthesë ku prerja e paligjshme e pyjeve dhe gjuetia ishin bërë plagë reale që zgjeroheshin në trupin e natyrës së Shqipërisë. Sot shohim me krenari rezultatet e dy moratoriumeve.
    Nga ana tjetër zonat e mbrojtura dhe territoret e natyrës në Shqipëri ishin nën agresionin e ndërtimeve të paligjshmeve, ndotjeve dhe më vjen shumë mirë që sot bilanci flet për një ulje të krimeve mjedisore për vënien në kontroll të agresionit të ndërtimeve dhe ndotjes. Thënë këto asnjë prej këtyre elementëve nuk është ende i asgjësuar si problematik dhe në tërësinë e këtyre elementëve ajo çka përbën një pik të domosdoshme për një ecuri të suksesshme në këtë sukses.
    Për këtë arsye bashkë me Ministrin e Mjedisit jemi angazhuar në një proces reformimi të modelit të menaxhimit të pyjeve dhe natyrës. Një reformim që do një strukturim të Agjencisë Kombëtare të Zonave të Mbrojtura dhe të Pyjeve duke i bërë bashkë dhe krijuar një sinergj mes tyre. Sot kemi një menaxhim të fragmentuar, modele që nuk janë koherente me njëra tjetrën. Vendosja e një sistemi kombëtar monitorimi i biodiversitetit. Askush askund nuk i ka gjetur një ilaç zjarreve që kur vijë bëjnë dëme edhe kolosale. Do fusim edhe pyllëzimin me dron që sjellin eficencë dhe janë të buxhetuara për vitin që vjen”, u shpreh Rama.

    Top Channel

  • Numri i elefantëve të pyjeve afrikane në rrezik zhdukjeje është më i lartë nga sa mendohej më parë

    Numri i elefantëve të pyjeve afrikane në rrezik zhdukjeje është më i lartë nga sa mendohej më parë

    Numri i vlerësuar i elefantëve të pyjeve në Afrikë, shumë të kërcënuar nga gjuetia e paligjshme, është rishikuar për lart falë të dhënave më të mira, njoftoi Bashkimi Ndërkombëtar për Ruajtjen e Natyrës (IUCN).

    Unioni vlerëson se numri i tyre është 135,960, që është 16 përqind më shumë se të dhënat e fundit të vitit 2016.

    “Numrat e përditësuar për elefantët e pyjeve afrikane nuk duhet të interpretohen si rritje e popullsisë, por si rezultat i një mbulimi më të mirë të regjistrimit, të mundësuar nga metodat e bazuara në ADN”, tha Rob Slotow i IUCN, një zoolog i specializuar në këtë specie.

    Pjesa më e madhe e këtij vlerësimi vjen nga një vend, Gaboni, ku dy të tretat e specieve të elefantëve në botë (Loxodonta cyclotis) konsiderohen të rrezikuara në mënyrë kritike nga IUCN.

    Elefanti i Savanës (Loxodonta africana) është një specie e veçantë, më e përhapur në të gjithë Afrikën, me rreth 350,000 individë. Dhe është një kopsht i rrezikuar.

    Popullatat e elefantëve të pyllit kanë rënë ndjeshëm “me më shumë se 86 përqind gjatë 30 viteve të fundit deri në vitin 2015, kryesisht për shkak të gjuetisë së paligjshme dhe humbjes së habitatit”, tha IUCN.

    Këto kafshë duket se janë disi më mirë të mbrojtura sot, pasi gjuetia e paligjshme e fildishit duket se është zvogëluar, veçanërisht pas viteve 2018-2019, tha organizata ndërkombëtare.

    Thuhet se elefantët e pyllit po e humbasin me shpejtësi habitatin e tyre, ndërsa pyjet po priten dhe po shndërrohen në tokë bujqësore.

    “Kjo, nga ana tjetër, mund të çojë në sulme të elefantëve mbi të korrat… Këto sulme zvogëlojnë tolerancën e njerëzve ndaj elefantëve dhe, për fat të keq, mund të çojnë në vdekje të ndërsjella”, tha IUCN.

    Rimëkëmbja e popullatave të elefantëve është e ndërlikuar nga shkalla e ulët e riprodhimit të specieve.

    Raporti u botua me rastin e konferencës së Konventës për Tregtinë Ndërkombëtare të Specieve të Rrezikuara të Florës dhe Faunës së Egër, e cila po mbahet në Uzbekistan.

    Namibia po kërkon miratim për shitjen e 46.3 ton dhëmbësh nga elefantët që ngordhën natyrshëm, me të ardhurat që do të përdoren vetëm për ruajtjen e elefantëve.

  • Krimet mjedisore kalojnë pa ndëshkim, statistikat zbulojnë: Mbi 70% e procedimeve penale nuk fillojnë fare, ose mbyllen gjatë rrugës

    Krimet mjedisore kalojnë pa ndëshkim, statistikat zbulojnë: Mbi 70% e procedimeve penale nuk fillojnë fare, ose mbyllen gjatë rrugës

    Autorët e krimeve mjedisore nuk ndëshkohen në të shumtën e rasteve.

    Mbi 90% e dëmeve në mjedis janë proceduar si kundërvajtje administrative, por edhe gjobat e vendosura janë kryesisht të pambledhura, me vetëm 11.4% të tyre të arkëtuara.
    Studimi i Qendrës Burimore të Mjedisit, i mbështetur nga Bashkimi Europian, tregon se vepra si djegia e mbeturinave apo prerja e pyjeve klasifikohen si fenomene të krimit pa autor.
    Drejtori i REC, Shqipëri, Mihallaq Qirjo thotë: “Mbi 70% e procedimeve penale nuk fillojnë fare ose mbyllen rrugën. Djegia e pyjeve si një plagë kombëtare nuk ka asnjë gjykim për veprën penale gjatë 2025 ‘shkatërrimi me zjarr i pyjeve’”.
    Raporti e bën të qartë që krimi mjedisor nuk është ende në prioritetet kyçe të sistemit të drejtësisë në Shqipëri. Në të njëjtën kohë duhet theksuar se është rritur ndërgjegjësimi i autoriteteve shqiptare për nevojën e forcimit të masave në këtë fushë. Si BE jemi në procesin e mbështetjes me asistencë ndaj Policisë, SPAK-ut, për të qenë më proaktiv në trajtimin e krimeve mjedisore”.
    Për shkatërrimin e natyrës, drejtësia ose vonon ose mungon, me një peshë të pakonsiderueshme prej 0.25% të çështjeve të regjistruara në Gjykatën e Apelit.

    Top Channel

  • BE mbështet mbrojtjen e pyjeve shekullore dhe drurëve monumentalë në Shqipëri

    BE mbështet mbrojtjen e pyjeve shekullore dhe drurëve monumentalë në Shqipëri

    Bashkimi Europian (BE) përmes programit Interreg Europe, po mbështet mbrojtjen e pyjeve shekullore dhe drurëve monumentalë në Shqipëri.

    Agjencia Kombëtare e Pyjeve zhvilloi në Tiranë, takimin e parë me përfaqësues nga institucione shtetërore, pushteti vendor, Universiteti Bujqësor i Tiranës, shoqëria civile dhe ekspertë të pyjeve, për të diskutuar mbi sfidat dhe mundësitë që lidhen me mbrojtjen e pyjeve natyrore të vjetra dhe drurëve monumentalë/veteranë (MVT) në Shqipëri.

    Gjatë takimit u diskutuan disa çështje kryesore si prezantimi i planit dhe objektivat e tij për rritjen e qëndrueshmërisë së peizazhit dhe roli i pyjeve të vjetër në ruajtjen e biodiversitetit, përballjen me ndryshimet klimatike dhe garantimin e shërbimeve ekosistemore.

    Gjithashtu u diskutua nevoja për përmirësim të kuadrit ligjor kombëtar për mbrojtjen e pasurive natyrore afatgjata si dhe adaptimi i përvojës së vendeve të BE-së, në menaxhimin dhe mbrojtjen e pyjeve të lashta si modele të suksesshme.

    Ekspertët vlerësuan se, pyjet e vjetra dhe drurët monumentale janë pasuri me rëndësi të jashtëzakonshme për trashëgiminë natyrore dhe kulturore. Ato mbartin vlera të larta ekologjike, kulturore dhe historike, dhe janë streha e shumë specieve të rrezikuara.

    Në rajone të ndryshme të vendit tonë, gjenden drurë të vjetër disa shekullorë që janë shpallur dhe monumente të rralla të natyrës, siç është p.sh: Ulliri i në Gjorëm të Kurbinit; druri i Vënjës në Labovës; Rrapi  Libohovës; Qershia e egër në Çajup; Rrapi i Urës së Tabakeve në Tiranë thuajse 300 vjeçare, etj

    Ky takim shënon fillimin e një bashkëpunimi më të ngushtë mes aktorëve për mbrojtjen dhe menaxhimin e qëndrueshëm të pyjeve, në përputhje me standardet dhe politikat e Bashkimit Evropian.

    ObserverKult

  • Ndërtime pa leje dhe prerje të pyjeve, procedohen katër persona në Durrës

    Ndërtime pa leje dhe prerje të pyjeve, procedohen katër persona në Durrës

    Durrës/Kontrolle në terren dhe verifikime të koordinuara me organet kompetente, për parandalimin dhe goditjen e krimeve kundër mjedisit.

    Konstatohen 4 raste të ndërtimeve dhe 1 rast i prerjes së pyjeve, në kundërshtim me ligjin.

    Në përfundim të veprimeve procedurale për këto raste, specialistët për Hetimin e Krimeve të komisariateve të Policisë Shijak dhe Kavajë referuan materialet në Prokurori, ku nisi procedimi në gjendje të lirë për shtetasit:
    -E. O., 38 vjeç, M. L., 38 vjeç, F. T., 54 vjeç dhe A. D., 30 vjeç, të katërt banues në Shijak, për veprën penale “Ndërtimi i paligjshëm”;
    -L. A., 36 vjeç, banues në Rrogozhinë, pasi dyshohet se ka prerë dru në fshatin Gosë e Madhe, në kundërshtim me ligjin.
    Kontrollet kundër këtyre veprimtarive të paligjshme, vijojnë.

    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

     

  • Kodi i ri Penal/ Shkatërrimi i pyjeve dhe mjedisit pyjor, 20 vite burg për autorët që shkaktojnë pasoja të rënda

    Kodi i ri Penal/ Shkatërrimi i pyjeve dhe mjedisit pyjor, 20 vite burg për autorët që shkaktojnë pasoja të rënda

    Ndryshimi i Kodit Penal parashikon një dënim të ashpër sa i përket shkatërrimit të pyjeve dhe mjedisit pyjor.

    Neni 206/a parashikon dënimet për autorët që shkaktojnë veprimet, me pasoja të rënda.
    Dënim me burg deri në 20 vite parashikohet për veprat penale me pasoja në jetën e njerëzve.

    Top Channel

  • Pyjet e Shqipërisë po tkurren me shpejtësi, zjarret dhe prerjet e paligjshme rrezikojnë ekosistemin

    Pyjet e Shqipërisë po tkurren me shpejtësi, zjarret dhe prerjet e paligjshme rrezikojnë ekosistemin

    Pyjet e Shqipërisë po tkurren çdo vit, për shkak të zjarreve, prerjeve të paligjshme dhe mos-mbjelljes së drurëve të rinj. Nga mbi 1.1 milionë hektarë, hapësira pyjore ka rënë nën 970 mijë hektarë. Kjo zhdukje gradualisht e dobëson ekosistemin dhe rrit rrezikun për mjedisin dhe komunitetet.
    Në Shqipëri ka më pak pyje. Zjarret dhe prerjet e paligjshme nga njëra anë dhe mos-mbjellja e bimëve të reja nga tjetra nga tjetra po tkurrin nga viti në vit sipërfaqen e gjelbër të vendit. Nga mbi 1.1 milionë hektarë deri në 2022-shin, vitin e shkuar hapësira me pisha, lisa, dushqe apo shkurre u kufizua në më pak se 970 mijë hektarë.

    Në rënien me 18 për qind të hapësirës pyjore, ndikim ka pasur edhe fakti se nuk është përllogaritur sipërfaqja e fondit pyjor dhe kullosor që ndodhet brenda zonave të mbrojtura.
    Të dhënat nga INSTAT tregojnë ndërkohë se pjesa më e madhe e sipërfaqes me pyje në vend përbëhet nga drurë frutorë, ndjekur nga shkurret dhe ata halorë.

    Bashkë me tkurrjen e sipërfaqes, në rënie rezulton edhe vëllimi pyjeve. Nga rreth 55 milionë metër kub deri në 2022-shin, gjatë vitit të shkuar vëllimi i përgjithshëm i pyjeve u tkurr në pak më shumë se 53 milionë metër kub.

    Volumi është treguesi më domethënës i situatës në pyje, që prej vitesh pëson tkurrje, si pasojë e shfrytëzimit pa kriter, djegieve apo prerjeve në mënyrë të paligjshme të qindra mijëra hektarëve çdo vit.
    Sipas të dhënave nga Prokuroria e Përgjithshme, në harkun e viteve 2017-2023, 134 persona janë proceduar penalisht me akuzën e zjarrvënies së qëllimshme të pyjeve. Nga ana tjetër, të dhënat nga Gjykatat e Rretheve Gjyqësore tregojnë për një numër tejet të ulët të personave të dënuar. Vetëm 2 në 6 vitet e fundit!

  • Turqi, zjarri u merr jetën 11 rojeve të pyjeve

    Turqi, zjarri u merr jetën 11 rojeve të pyjeve

    Një ngjarje tragjike ka tronditur qytetin e Eskişehirit në Turqi, ku një zjarr masiv në zonën pyjore të rrethit Seyitgazi i ka marrë jetën 11 rojeve të pyjeve.

    Ngjarja ndodhi gjatë pasdites të së martës, kur ekipet zjarrfikëse dhe punonjësit e pyjeve ndërhynë për të kontrolluar përhapjen e flakëve.

    Sipas autoriteteve lokale, për shkak të erërave të forta dhe temperaturave ekstreme që kanë përfshirë rajonin gjatë ditëve të fundit, zjarri u përhap me shpejtësi të madhe, duke krijuar kushte jashtëzakonisht të vështira për ndërhyrjen në terren.

    Të paktën 11 punonjës mbetën të rrethuar nga flakët në një zonë të pyllëzuar dhe nuk arritën të shpëtojnë, pavarësisht përpjekjeve të kolegëve të tyre.

    Pamjet nga vendngjarja tregojnë tym të dendur dhe zjarr të përhapur në një sipërfaqe të madhe pylli, ndërsa zhurma e helikopterëve dhe mjetet e emergjencës dëgjoheshin pa ndërprerje. Skuadrat e ndërhyrjes së shpejtë, përfshirë edhe njësitë ajrore, janë ende në terren për të kontrolluar dhe shuar plotësisht vatrat e zjarrit.