Pas debatit të gjatë në parlament, Greqia ka miratuar një ligj të ri që lejon punonjësit të punojnë deri në 13 orë në ditë, raporton tgcom24.
Qeveria konservatore e ‘Demokracisë së Re’ e përshkruan këtë vendim si një reformë që synon të ofrojë “punë të drejtë dhe fleksibël për të gjithë”. Nga ana tjetër, sindikatat e vendit e kanë cilësuar masën si një legalizim të “skllavërisë së paguar.Ligji i ri, i nënshkruar nga ministrja e Punës Niki Kerameos, parashikon që punonjësit në sektorin privat mund të punojnë deri në 13 orë në ditë për të njëjtin punëdhënës, në mënyrë vullnetare dhe për një periudhë që nuk kalon 37 ditë në vit. Orët shtesë do të paguhen me një shtesë prej 40%.
Një ligj i mëparshëm, i miratuar dy vjet më parë, lejonte punë 13-orëshe vetëm nëse punonjësi kishte dy punëdhënës të ndryshëm.
Edhe pse sindikatat organizuan dy greva të përgjithshme për të kundërshtuar reformën, mazhoranca parlamentare e partisë në pushtet votoi në favor të saj. Demonstratat në qytetet kryesore u zhvilluan nën parulla që e përshkruanin këtë nismë si “kthim në Mesjetë” për të drejtat e punëtorëve.
Sipas Konfederatës së Përgjithshme të Punëtorëve Grekë, ky ligj cenon shëndetin dhe sigurinë e punonjësve, si dhe prish balancën mes jetës personale dhe asaj profesionale.
Tag: punonjësit
-
Skllavëri moderne? Greqia legalizon punën 13-orëshe mes protestave masive
-
“Punonjësit e AKEP-it përgjuan BKH dhe SPAK”, gazetari zbulon dy lajmet që na dha Altin Dumani në Komisionin e Ligjeve
Gazetari Xhevahir Zhabina, duke folur për raportimin e kreut të SPAK, Altin Dumani, në Komisionin e Ligjeve tha se dy ishin çështjet kryesore ku u ndal Dumani.
Ai deklaroi se këto dy çështje shkonin përtej retorikës dhe ishin informacione të panjohura. E para sipas tij ishte lajmi se fondet e IPARD po hetohen për grup të strukturuar kriminal. E dyta kishte të bënte me zërat se punonjës të AKEP-it kishin përgjuar strukturën e famshme, që do të hetonte krimet zgjedhore, me anë të një pajisje që përgjonte oficerët e BKH-së dhe punonjësit e SPAK.
“Dumani mbrohej më shumë nga mazhoranca që sa mirë ke punuar dhe sa mirë i ke bërë këtij vendi. Mendoj se prodhoi dy lajme raportimi i Altin Dumanit. Ai dha lajm që fondet e IPARD po hetohen për grup të strukturuar kriminal.
Momenti tjetër, një pyetje që iu bë nga Saimir Korreshi, e cila ishte jashtë vëmendjes së medias, zoti Korreshi, bëri pyetje nëse kishte informacion që punonjës të AKEP kishin përgjuar strukturën e famshme, që do të hetonte krimet zgjedhore dhe a është vendosur një pajisje që përgjonte oficerë të BKH dhe punonjës të SPAK. Dumani as e pohoi dhe as e konfirmoi. Pjesa tjetër ishte retorikë. Informacioni për McGonigal dihej”, deklaroi Zhabina. -
Trump nis valën e re të pushimeve nga puna/ Panik te punonjësit federalë amerikanë: Nuk kam akses në e-mail, do të thotë se…
Punonjësit federalë në Shtetet e Bashkuara po përjetojnë panik dhe pasiguri, ndërsa administrata Trump ka nisur një valë të re pushimesh masive gjatë një pezullimi të qeverisë federale.
Mungesa e qasjes në e-mail-et zyrtare ka bërë që shumë të mos mund të verifikojnë nëse kanë marrë njoftime për pushim.
Sipas autoriteteve, rreth 4,200 punonjës federalë në shtatë agjenci u pushuan nga puna të premten, megjithatë, rreth 700 nga këto njoftime te Qendra për Kontrollin dhe Parandalimin e Sëmundjeve (CDC) u anuluan gjatë fundjavës.
Një nga problemet më të mëdha është se në Departamentin e Arsimit disa punonjës nuk mund të hyjnë në llogaritë e tyre të email-it zyrtar për të kontrolluar nëse kanë marrë njoftime pushimi.
Sindikata të punonjësve federalë kanë paditur për të ndaluar këto pushime, dhe sot pritet të mbahet një seancë gjyqësore për vendimin.
Presidenti Doanld Trump ka deklaruar se “një numër i madh” punonjësish qeveritarë do të pushohen, dhe nuk është e qartë nëse planet e tij për largime do të zgjaten.Top Channel
-
Punonjësit e Bankers në GREVË urie: Duam rritje të pagave
PAMJE NGA PROTESTA
FIER-Punonjësit e kompanisë së naftës Bankers Petroleum pas protesatave të zhvilluara tashmë do të hyjnë në grevë. Me anë të një njoftimi publik, punonjësit kanë kërkuar të ulet diferenca ekstreme mes pagave të ulëta dhe atyre të larta, dhe asnjë punonjës të mos paguhet më pak se 1000€ neto pagë bazë.
Naftëtarët kërkojnë rritje pagash, trajtim ushqimor e shëndetësor si dhe ndalimin e arrogancës nga ana e drejtuesve të kompanisë. Po ashtu ata shprehen se nuk do të punojnë më nëse vijon të mungojë transparenca për kontratat ekzistuese.Njoftimi;
Në vijim të deklaratës së bërë pak më parë nga Shoqëria Bankers, e cila po përpiqet të manipulojë punonjësit dhe opinionin publik, sqarojmë se: Kërkesa jonë NUK ka qenë rritja e pagave me 9% për disa individë dhe nuk ka ekzistuar asnjë listë paraprake personash të përcaktuar nga Sindikata. Ky është një manipulim i qëllimshëm për të përçarë punonjësit. Të vërtetat mund të konfirmohen nga 5 përfaqësuesit tanë që kanë qenë në takime, si dhe nga takimet zyrtare në zyrën e pajtimit dhe ndërmjetësimit. Kërkesa jonë e vetme dhe zyrtare (bazuar në vendimin e Këshillit Sindikal) ka qenë:
-Rritja e fondit të përgjithshëm të pagave me 9%,-Shpërndarja e kësaj shtese për pagat e ulëta, nëpërmjet një komisioni me përfaqësues edhe nga Sindikata, për transparencë.-1% e këtij fondi të përdoret për krijimin e fondit sindikal.Qëllimi ynë është i qartë:
Të ulet diferenca ekstreme mes pagave të ulëta dhe atyre të larta, dhe asnjë punonjës të mos paguhet më pak se 1000€ neto pagë bazë. Nëse kompania nuk do të pranonte këtë marrëveshje pa shkuar në grevë, atëherë vendimi ynë është: Do të hyjmë në GREVË për rritjen e fondit të përgjithshëm të pagave me 18%, e cila do të shpërndahet përsëri për punonjësit me paga të ulëta. Shoqëria Bankers ofroi vetëm 4200 lekë/muaj shtesë për dietën ushqimore, gjë që u refuzua nga Sindikata, pasi kjo nuk adreson problemin real të pabarazisë së pagave. Ne nuk kërkojmë rritje për ata që marrin mijëra euro, por për ata që mbajnë mbi shpinë punën më të rëndë dhe paguhen më pak. Bazuar në vendimin e Këshillit Sindikal, nesër fillon Greva. Ora 07:00 – Marinëz, përballë zyrave të Shoqërisë Bankers. Kauza jonë është e drejtë. Ne do t’i qëndrojmë deri në fund./ZËRI -
Punonjësit e Bankers në GREVË: Duam rritje të pagave
PAMJE NGA PROTESTA
FIER-Punonjësit e kompanisë së naftës Bankers Petroleum pas protesatave të zhvilluara tashmë do të hyjnë në grevë. Me anë të një njoftimi publik, punonjësit kanë kërkuar të ulet diferenca ekstreme mes pagave të ulëta dhe atyre të larta, dhe asnjë punonjës të mos paguhet më pak se 1000€ neto pagë bazë.
Naftëtarët kërkojnë rritje pagash, trajtim ushqimor e shëndetësor si dhe ndalimin e arrogancës nga ana e drejtuesve të kompanisë. Po ashtu ata shprehen se nuk do të punojnë më nëse vijon të mungojë transparenca për kontratat ekzistuese.Njoftimi;
Në vijim të deklaratës së bërë pak më parë nga Shoqëria Bankers, e cila po përpiqet të manipulojë punonjësit dhe opinionin publik, sqarojmë se: Kërkesa jonë NUK ka qenë rritja e pagave me 9% për disa individë dhe nuk ka ekzistuar asnjë listë paraprake personash të përcaktuar nga Sindikata. Ky është një manipulim i qëllimshëm për të përçarë punonjësit. Të vërtetat mund të konfirmohen nga 5 përfaqësuesit tanë që kanë qenë në takime, si dhe nga takimet zyrtare në zyrën e pajtimit dhe ndërmjetësimit. Kërkesa jonë e vetme dhe zyrtare (bazuar në vendimin e Këshillit Sindikal) ka qenë:
-Rritja e fondit të përgjithshëm të pagave me 9%,-Shpërndarja e kësaj shtese për pagat e ulëta, nëpërmjet një komisioni me përfaqësues edhe nga Sindikata, për transparencë.-1% e këtij fondi të përdoret për krijimin e fondit sindikal.Qëllimi ynë është i qartë:
Të ulet diferenca ekstreme mes pagave të ulëta dhe atyre të larta, dhe asnjë punonjës të mos paguhet më pak se 1000€ neto pagë bazë. Nëse kompania nuk do të pranonte këtë marrëveshje pa shkuar në grevë, atëherë vendimi ynë është: Do të hyjmë në GREVË për rritjen e fondit të përgjithshëm të pagave me 18%, e cila do të shpërndahet përsëri për punonjësit me paga të ulëta. Shoqëria Bankers ofroi vetëm 4200 lekë/muaj shtesë për dietën ushqimore, gjë që u refuzua nga Sindikata, pasi kjo nuk adreson problemin real të pabarazisë së pagave. Ne nuk kërkojmë rritje për ata që marrin mijëra euro, por për ata që mbajnë mbi shpinë punën më të rëndë dhe paguhen më pak. Bazuar në vendimin e Këshillit Sindikal, nesër fillon Greva. Ora 07:00 – Marinëz, përballë zyrave të Shoqërisë Bankers. Kauza jonë është e drejtë. Ne do t’i qëndrojmë deri në fund./ZËRI -
Marrëveshja Itali-Shqipëri për emigrantët, investigimi: Miliona të shpenzuara por pak rezultate
Marrëveshja Itali-Shqipëri për emigrantët, investigimi: Miliona të shpenzuara por pak rezultate
Gazeta italiane Euobserver ka publikuar një investigim mbi marrëveshjen për emigrantët mes Italisë dhe Shqipërisë, duke theksuar se, pavarësisht shpenzimeve milionëshe, rezultatet janë minimale.
Sipas raportit, gjatë vitit të parë të funksionimit të marrëveshjes, operacionet janë pezulluar disa herë për shkak të pengesave ligjore në Itali.
Pas zbarkimit të parë, përveç migrantëve që përballeshin me konfuzion dhe pasiguri, edhe punonjësit shqiptarë nuk kishin marrë trajnim paraprak.
Në disa raste, punonjësit u pushuan nga puna pas përpjekjes së tretë të dështuar të autoriteteve italiane për të bërë marrëveshjen të funksionojë.
Investigimi vë në dukje gjithashtu rreziqet brenda qendrës së Gjadrit, ku në vetëm 13 ditë, deputetja italiane Rachele Scarpa dhe eurodeputetja Cecilia Strada raportuan mesatarisht 2.7 incidente kritike në ditë, përfshirë tentativa vetëvrasjeje.
Gazeta shkruan se Medihospes Albania, kompania që mori kontratën për shërbimet në qendrat e Shëngjinit dhe Gjadrit, ka marrë mbi 133 milionë euro për këtë aktivitet, por ende nuk ka nënshkruar marrëveshjen përfundimtare. Shumë punonjës raportuan mungesë trajnimi, detyrime konfidencialiteti të rrepta dhe frikë për të raportuar abuzime.
Investifimi i Euobserver:
“E gjeta veten në një burg të sigurisë maksimale pa kaluar asnjë ditë në burg në jetën time”, kujton Mustafa.
Ai e kujton në mënyrë të përsosur ditën kur hyri në qendrën e paraburgimit të emigrantëve, të hapur nga Italia në Gjadër të Shqipërisë. Zhurma e mbylljes së portës, hekurat gjigante që rrethonin strukturën, mungesa mbytëse e lirisë.
“Pas kaq shumë vitesh në Itali, nuk e kisha menduar kurrë se diçka e tillë do të ndodhte”, tha ai.
Ashtu si Mustafa, 111 persona nga 16 tetori 2024 deri më 28 korrik 2025 kanë kaluar nëpër atë hyrje në këtë vit të parë operativ, të lehtësirave të parashikuara në marrëveshjen kontroverse të migracionit midis Italisë dhe Shqipërisë. Gjatë 12 muajve, operacionet janë pezulluar disa herë për shkak të një sërë pengesash të pritura ligjore nga autoritetet gjyqësore në Itali.
Por një gjë nuk ka ndryshuar: prania e kompanisë Medihospes, së cilës iu dha një kontratë prej 133 milionë eurosh për të ofruar shërbime brenda ambienteve të Shëngjinit dhe Gjadrit. Ky është një nga tenderët publikë më të rëndësishëm të dhënë ndonjëherë në sektorin e migracionit në Itali, me disa aspekte problematike, përfshirë mungesën e një kontrate të nënshkruar.
Më 14 tetor 2024, saktësisht një vit më parë, qeveria italiane vendosi papritur të aktivizonte lehtësitë e parashikuara në marrëveshjen e nënshkruar midis Romës dhe Tiranës. Dy ditë më vonë, pas disa orësh udhëtimi në det, në jug të ishullit italian të Lampeduzës, 16 personat e parë — 10 bangladeshas dhe 6 egjiptianë — mbërritën në portin e Shëngjinit me anijen Libra.
Libra është një anije ushtarake që qeveria Meloni e transferoi në Shqipëri në mesin e shtatorit. Pas zbarkimit të parë, nuk ishin vetëm migrantët që u përballën me konfuzion dhe pasiguri, por edhe punonjësit shqiptarë të punësuar nga Medihospes, të cilët nuk kishin marrë asnjë trajnim paraprak.
“Na u tha të mbanim një rol vëzhgues gjatë atij operacioni. Nuk njihnim asnjë koleg tjetër, as nuk kishim një pasqyrë të përgjithshme se si funksiononin qendrat. Deri në fund të dhjetorit, nuk kishim as një zyrë”, kujtoi një ish-punonjës të cilit iu dha anonimiteti për të folur lirisht.
Ai tha gjithashtu se ata po informoheshin për turnet e tyre midis orës nëntë dhe dhjetë, natën e kaluar. Në tre muajt e parë të funksionimit, sipas një liste të brendshme punëtorësh të siguruar nga botimi italian Altreconomia, Medihospes Albania, dega e krijuar nga kooperativa italiane për të menaxhuar qendrat, punësoi 99 punëtorë, të cilëve iu bashkuan të tjerë të transferuar nga Italia.
Njëri prej tyre na tregoi kontratën e tij të punës, të bazuar në ligjin shqiptar, duke theksuar klauzolat strikte të konfidencialitetit, që i detyronin shumë kolegë të tij të mos flisnin me gazetarët.
Neni 11 titullohet “Konfidencialiteti”, i mëvonshmi “Detyrimi i besnikërisë”, i cili kërkon që punëtorët të “mbajnë sekret të gjitha informacionet që lidhen me biznesin e punëdhënësit, informacione që kanë ardhur në dijeni gjatë periudhës së punësimit të tyre tek punëdhënësi”.
Përveç kontratës së punës, punëtorët duhej të nënshkruanin edhe një kod sjelljeje, një dokument të brendshëm që përcakton udhëzime për të siguruar standardet etike dhe profesionale. Nëse nuk i përmbahen kodit të sjelljes, punonjësit rrezikojnë penalitete që variojnë nga një paralajmërim me shkrim deri në ndërprerjen e kontratës së tyre.
Dhe siç pohuan disa ish-punonjës të intervistuar nga Altreconomia, rreziku i shkeljes së detyrimit të konfidencialitetit ka çuar në një frikë të përhapur të raportimit të abuzimeve të mundshme nga frika e veprimeve ligjore ose shkarkimit nga organi menaxhues -
Dyshohet se ishin të korruptuar, pezullohen nga puna dy punonjësit e Policisë Kufitare të Rinasit
Dy punonjës të Policisë Kufitare të Rinasit janë pezulluar nga puna pasi dyshohen se janë përfshirë në veprime korruptive
Njoftimi i plotë:
Në lidhje me rastin e transmetuar në emisionin investigativ “Fiks Fare”, ku dy punonjës të Policisë Kufitare, në Komisariatin e Policisë Kufitare Rinas, dyshohen se janë përfshirë në veprime korruptive, ju bëjmë me dije se:
Drejtoria e Standardeve Profesionale me urdhër të Drejtorit të Përgjithshëm të Policisë së Shtetit, në zbatim të nenit 163, pika 3 germa a dhe pika 8 e Rregullores së Policisë së Shtetit, ka bërë pezullimin e menjëhershëm nga detyra të punonjësve të Policisë, Inspektor K. K., me detyrë ndihmës specialist kontrollor, dhe Inspektor E. L., me detyrë ndihmës specialist kontrollor, ndaj të cilëve ka nisur hetimi disiplinor për shkelje të rëndë.
Ndërkohë, në vijim të veprimeve të kryera për ketë rast, Agjencia e Mbikëqyrjes Policore ka nisur menjëherë hetimin penal ndaj punonjësve të Policisë të përfshirë në këtë rast.
Policia e Shtetit falënderon median dhe qytetarët që denoncojnë rastet e abuzimit me detyrën nga punonjësit e saj dhe i fton sërish ata të vijojnë t’i raportojnë çdo rast të tillë, duke i garantuar reagim të menjëhershëm dhe të paanshëm. -
Punonjësit – e huaj
Më shumë se gjysma e punonjësve të huaj që kanë ardhur në Shqipëri në 2024 për të punuar kanë qenë të punësuar në sektorin e turizmit.Sipas të dhënave zyrtare të Tatimeve, gjatë periudhës qershor–shtator 2024, janë punësuar në total 6,906 shtetas të huaj në turizmin sezonal përgjatë 4 muajve të sezonit turistik.Numri i të huajve të punësuar në këtë sektor për periudhën qershor 2024- shtator 2024…
-
Mbyllja e qeverisë në SHBA, nisin shkurtimet e punonjësve federalë
Drejtori i Zyrës së Buxhetit të Shtëpisë së Bardhë, Russ Vote, njoftoi sot nëpërmjet platformës X se “reduktimi i stafit ka filluar”, që do të thotë shkarkimi i punonjësve federalë për shkak të paralizës fiskale të shtetit.
Zyra e Vote i tha AFP-së se një “numër i konsiderueshëm” punonjësish do të pushoheshin nga puna, pa dhënë shifra specifike ose pa specifikuar se cilat departamente do të preken.
Një zëdhënës i Departamentit të Shëndetësisë tha se punonjësit po pushoheshin nga puna, gjë që ai e quajti “pasojë e mbylljes së qeverisë nga demokratët”.Punonjësit që morën njoftime për pushimet e tyre të afërta nga puna u konsideruan jo-thelbësore për departamentet e tyre dhe “departamenti vazhdon të mbyllë shërbime të panevojshme, duke përfshirë ato që bien ndesh me axhendën e administratës Trump” mbi kujdesin shëndetësor, shtoi ai.
Presidenti Donald Trump ka kërcënuar të pushojë nga puna punonjësit federalë që nga 1 tetori, duke përmendur mbylljen, të cilën demokratët dhe republikanët e kanë fajësuar njëri-tjetrin. Mbyllja e buxhetit ka detyruar qindra mijëra punonjës jo-thelbësorë të largohen nga puna.
Gjatë mbylljes, 2.3 milionë punonjës federalë nuk po marrin pagat e tyre, ashtu si edhe 1.3 milionë personel ushtarak. -
SPAK: Thirrje urgjente, të rritet siguria në gjykata dhe punonjësit e drejtësisë
Prokuroria e Posaçme ka dënuar ngjarjen e rëndë të vrasjes së gjykatësit Astrit Kalaja dhe plagosjen e dy qytetarëve të tjerë. SPAK ka shprehur ngushëllimet për familjen e gjyqtarit të vrarë, teksa e konsideron aktin e rëndë si një nevojë emergjente për të rritur sigurinë nëpër gjykata. Nga ana tjetër, SPAK kërkon rritje të sigurisë edhe për të gjithë punonjësit e drejtësisë.
”Prokuroria e Posaçme dënon me forcë vrasjen e paprecedentë të gjyqtarit Astrit Kalaja, ngjarje që ndodhi brenda ambienteve të Gjykatës së Apelit, Tiranë. I shprehim ngushëllimet tona familjes së gjyqtarit Kalaja, të afërmve dhe kolegëve të tij në këtë moment të dhimbshëm.Gjithashtu, shprehim solidaritetin tonë me të gjithë gjyqtarët, prokurorët, avokatët dhe punonjësit e sistemit të drejtësisë, të cilët përballen çdo ditë me sfida të mëdha në kryerjen e detyrës.
Ky akt i rëndë duhet të shërbejë si thirrje urgjente për rritjen e sigurisë në gjykata, forcimin e masave mbrojtëse për gjyqtarët, prokurorët, avokatët dhe punonjësit e drejtësisë si edhe për një reagim të shpejtë institucional, për të ndaluar përsëritjen e akteve të ngjashme”, thuhet në reagimin e SPAK.