Lajmidites.com

Tag: punojnë

  • Skandal në politikën britanike/ Ish-deputetët britanikë nën akuzë, qindra hyrje në parlament për shërbime lobimi

    Skandal në politikën britanike/ Ish-deputetët britanikë nën akuzë, qindra hyrje në parlament për shërbime lobimi

    Ish-deputetë të Parlamentit britanik, të cilët pas humbjes së mandatit kanë kaluar në sektorin e lobingut, rezultojnë të kenë përdorur qasjen e tyre të privilegjuar në godinën e Westminster-it qindra herë, duke ngritur shqetësime serioze për abuzim të mundshëm të këtij privilegji.

    Sipas dokumenteve të siguruara nga The Times, ish-ligjvënës që sot punojnë për kompani lobimi ose firma që ofrojnë shërbime të tilla, kanë hyrë në parlament të paktën 373 herë që nga zgjedhjet e vitit 2024, pavarësisht se rregullat u ndalojnë përdorimin e kësaj karte për ndikim politik.
    Dy prej përdoruesve më të shpeshtë të kartave parlamentare janë:
    Anne-Marie Trevelyan, ish-ministre, sot në Fullbrook Strategies — 55 hyrje
    Nigel Evans, ish-zv.kryetar i parlamentit, gjithashtu në Fullbrook Strategies — 47 hyrje
    Të dy mohojnë të kenë bërë lobim, duke thënë se kanë përdorur kartën vetëm për takime shoqërore ose shërbime të brendshme.
    Edhe ish-ministra e deputetë të tjerë që punojnë për firma lobimi rezultojnë se kanë hyrë dhjetëra herë në godinë, ndonëse deklarojnë se nuk kanë ndërhyrë në proceset politike.
    Organizatat e transparencës paralajmërojnë se ekziston një “rrezik i lartë abuzimi”, pasi kompanitë ku punojnë ish-deputetët kanë klientë me ndikim të madh, përfshirë kompani të armëve, gjigantë farmaceutikë, investitorë ndërkombëtarë dhe grupe të huaja me interesa politike.
    Transparency International thekson se është “e vështirë për t’u besuar” që asnjë prej 373 hyrjeve nuk lidhej me interesa komerciale.
    Dhoma e Komunave deklaron se kartat u jepen vetëm ish-anëtarëve me arsye të vlefshme dhe se përdorimi për lobing është i ndaluar rreptësisht. Por kërkesat për një ndalim total të kartave për ish-deputetët lobistë po rriten.

    Top Channel

  • Raporti i OIT, sa orë në javë punojnë shqiptarët dhe krahasimi me vendet e tjera

    Raporti i OIT, sa orë në javë punojnë shqiptarët dhe krahasimi me vendet e tjera

    Shqiptarët punojnë mesatarisht 41.4 orë në javë, sipas raportit më të fundit të Organizatës Ndërkombëtare të Punës (OIT). Kjo e rendit Shqipërinë ndër vendet me orë të gjata të punës, duke reflektuar një nivel të lartë angazhimi në tregun e punës, por njëkohësisht duke nxjerrë në pah sfida strukturore lidhur me produktivitetin dhe balancën mes jetës personale dhe punës.
    Në nivel global, orët e punës variojnë nga 30 deri në 54 orë në javë. Në krye të listës janë Butani me 54.5 orë, Sudani me 50.8 orë dhe Emiratet e Bashkuara Arabe me 48.4 orë. Këto vende, kryesisht ekonomi në zhvillim, karakterizohen nga puna manuale dhe aktivitetet e shërbimeve, ku oraret e gjata dhe kushtet intensive të punës janë të zakonshme.
    Ndërkohë, vendet e zhvilluara ekonomike si Gjermania, Franca dhe Britania e Madhe shënojnë mesatarisht 31 orë pune në javë, por me produktivitet shumë më të lartë. Në Ballkan, Mali i Zi mban vendin e parë me 44.2 orë pune në javë, i ndjekur nga Shqipëria me 41.4 orë dhe Bosnja e Hercegovina me 40.8 orë.
    Këto vende tregojnë një profil të ngjashëm ekonomik, me punësim të lartë në sektorë si ndërtimi, turizmi dhe tregtia, ku orët e punës zakonisht tejkalojnë mesataren europiane.

  • Trump e Xi akord për mineralet e rralla, SHBA ul tarifat për produktet kineze

    Trump e Xi akord për mineralet e rralla, SHBA ul tarifat për produktet kineze

    Ka zgjatur më pak se dy orë takimi i shumëpritur mes presidentit të Shteteve të Bashkuara të Amerikës, Donald Trump dhe atij kinez, Xi Jinping që u mbajt në Korenë e Jugut.
    Të dy liderët dolën para kamerave mes buzëqeshjeve dhe shtrëngimeve të duarve, në dukje pa tension.
    Ata nuk lëshuan një deklaratë të përbashkët, por për Trump, rezultati i samitit ishte një sukses i madh.
    “Me Xi arritëm një marrëveshje për metalet e rralla”, shtoi ai duke specifikuar se ajo do të zgjasë për një vit dhe do të rinegociohet çdo 12 muaj. “Kina”, siguroi manjati, “do të vazhdojë të ruajë fluksin e eksporteve të metaleve të rralla të tokës”.
    Trump njoftoi më pas se tarifat për produktet kineze do të ulen në 47%, nga 57% që janë aktualisht dhe se Uashingtoni dhe Pekini do të punojnë së bashku për luftën në Ukrainë.
    Më tej, lideri i Shtëpisë së Bardhë shtoi se në muajin prill pritet të zhvillojë një vizitë zyrtare në Kinë. Ai bëri me dije se SHBA-të dhe Kina do të punojnë së bashku për luftën në Ukrainë
    Për Xi, Kina dhe Shtetet e Bashkuara “mund të marrin së bashku përgjegjësitë e tyre si fuqi të mëdha dhe të punojnë së bashku për të mirën e të gjithë botës”.

  • Nga shpëtimtarë, në fajtorë/ Shoferët e ambulancave në Lushnje detyrohen të kthejnë miliona lekë pas auditit!

    Nga shpëtimtarë, në fajtorë/ Shoferët e ambulancave në Lushnje detyrohen të kthejnë miliona lekë pas auditit!

    13 shoferë të autoambulancave në Spitalin e Lushnjes janë kapur me shkelje nga auditi i Ministrisë së Shëndetësisë dhe duhet të kthejnë para, ndërkohë që ata punojnë dyfishin e orëve që parashikon Kodi i Punës, por administrata nuk ua njeh.

    Mbrëmjen e sotme, emisioni Fiks Fare ka transmetuar rastin e 13 shoferëve të autoambulancave në Lushnje, të cilët denoncojnë padrejtësitë që u bëhen nga institucioni ku punojnë. Ata thanë se po detyrohen të kthejnë rreth 1 milion e gjysmë lekë të vjetra secili, edhe pse kanë punuar realisht shumë më tepër se orari zyrtar.
    Sipas tyre, një audit ka vendosur që këto para janë marrë “pa të drejtë”, por në fakt ata kanë bërë orë shtesë, turne 24-orëshe dhe ditë gatishmërie që nuk janë regjistruar dhe nuk janë paguar.
    Shoferët tregojnë se në dokumentet zyrtare shënohen vetëm turnet 24-orëshe, ndërsa ditët kur janë në gatishmëri nuk figurojnë askund, megjithëse gjatë tyre mund të thirren për çdo urgjencë. Njoftimet për punë i marrin vetëm në telefon nga koordinatori i urgjencës, i cili firmos vetëm për shërbimet që i kërkohen nga drejtoria.
    Vetë koordinatori ka pranuar në një intervistë për Fiks Fare se e di që shoferët punojnë shumë më tepër, por shprehet se urdhrat i vijnë “nga lart” dhe nuk mund të veprojë ndryshe. “Nëse i fusim të gjitha orët që bëjnë realisht, u dalin mbi 300 orë në muaj. Unë vetëm zbatoj çfarë më kërkohet,” është shprehur ai.
    Nga ana tjetër, drejtori i Spitalit të Lushnjës fillimisht ka pranuar se auditi ka konstatuar një problem, por më pas ka refuzuar të japë sqarime pa një shkresë zyrtare. “Sipas dokumenteve, ata punojnë me 8 orë, jo me 24,” ka thënë ai shkurtimisht përpara se të largohej.
    Megjithatë, gazetarët kanë siguruar fletë-udhëtime zyrtare të disa shoferëve, të cilat tregojnë qartë se ata kanë qenë në punë për 24 orë në data të ndryshme, duke kundërshtuar deklaratat zyrtare të spitalit.
    Pavarësisht kërkesave për informacion dhe transparencë, spitali nuk ka kthyer asnjë përgjigje ndaj e-mailit zyrtar ku kërkoheshin shpjegime për auditin dhe dokumentet përkatëse.
    Ndërkohë, shoferët kërkojnë vetëm drejtësi dhe që të paguhen për punën që kanë bërë realisht. Ata thonë se punojnë në kushte të vështira, në shërbim të qytetarëve, por ndihen të shpërfillur dhe të penalizuar nga një sistem që nuk bën askënd përgjegjës për abuzimet.

    Top Channel

  • Skllavëri moderne? Greqia legalizon punën 13-orëshe mes protestave masive

    Skllavëri moderne? Greqia legalizon punën 13-orëshe mes protestave masive

    Pas debatit të gjatë në parlament, Greqia ka miratuar një ligj të ri që lejon punonjësit të punojnë deri në 13 orë në ditë, raporton tgcom24.
    Qeveria konservatore e ‘Demokracisë së Re’ e përshkruan këtë vendim si një reformë që synon të ofrojë “punë të drejtë dhe fleksibël për të gjithë”. Nga ana tjetër, sindikatat e vendit e kanë cilësuar masën si një legalizim të “skllavërisë së paguar.Ligji i ri, i nënshkruar nga ministrja e Punës Niki Kerameos, parashikon që punonjësit në sektorin privat mund të punojnë deri në 13 orë në ditë për të njëjtin punëdhënës, në mënyrë vullnetare dhe për një periudhë që nuk kalon 37 ditë në vit. Orët shtesë do të paguhen me një shtesë prej 40%.
    Një ligj i mëparshëm, i miratuar dy vjet më parë, lejonte punë 13-orëshe vetëm nëse punonjësi kishte dy punëdhënës të ndryshëm.
    Edhe pse sindikatat organizuan dy greva të përgjithshme për të kundërshtuar reformën, mazhoranca parlamentare e partisë në pushtet votoi në favor të saj. Demonstratat në qytetet kryesore u zhvilluan nën parulla që e përshkruanin këtë nismë si “kthim në Mesjetë” për të drejtat e punëtorëve.
    Sipas Konfederatës së Përgjithshme të Punëtorëve Grekë, ky ligj cenon shëndetin dhe sigurinë e punonjësve, si dhe prish balancën mes jetës personale dhe asaj profesionale.

  • Greqia miraton ditën e punës 13-orëshe, reagojnë sindikatat dhe opozita: Është skllavëri

    Greqia miraton ditën e punës 13-orëshe, reagojnë sindikatat dhe opozita: Është skllavëri

    Parlamenti grek po përgatitet të votojë një projektligj të diskutueshëm që lejon në kushte të caktuara, një ditë pune 13-orëshe. Qeveria konservatore e Nea Dimokratiana e quan atë një reformë që promovon “punë të drejtë dhe fleksibile për të gjithë”, ndërsa sindikatat greke e konsiderojnë atë si legjitimimin e “skllavërisë së paguar “.
    Projektligji, i nënshkruar nga Ministri i Punës Niki Kerameos, përcakton që punonjësit e sektorit privat mund të punësohen nga i njëjti punëdhënës për 13 orë në ditë (përveç orarit të zakonshëm 8-orësh) për jo më shumë se 37 ditë në vit, në bazë vullnetare. Orët shtesë do të kompensohen me një rritje page prej 40%. Ligji aktual (i miratuar gjithashtu nga konservatorët dy vjet më parë) tashmë lejon mundësinë e punës 13 orë në ditë, por vetëm për dy punëdhënës të ndryshëm.
    Pavarësisht protestave nga përfaqësuesit e punëtorëve, partia në pushtet, me shumicën e saj në Parlament, po ecën përpara. Megjithatë, dy greva të përgjithshme janë organizuar këtë muaj, e fundit të mërkurën, për të kundërshtuar iniciativën që konsiderohet se “i rikthen të drejtat e punëtorëve në Mesjetë”, siç shpallej në pankartat që u shfaqën në krye të demonstratave në qytetet kryesore të Greqisë.
    Konfederata e Përgjithshme e Punëtorëve Grekë beson se reforma “rrezikon shëndetin dhe sigurinë e punonjësve dhe shkatërron çdo ekuilibër midis jetës personale dhe profesionale”, siç thuhet në një letër drejtuar Ministrit Kerameos.
    Partitë e opozitës janë gjithashtu në barrikada, duke i kërkuar qeverisë të heqë dorë nga projektligji gjatë debatit të gjatë parlamentar. Sipas Nikos Androulakis, kreut socialist të PASOK-ut, Nea Dimokratia “po shkatërron sistematikisht të drejtat e punëtorëve”. Presidenti i Syriza-s, Sokratis Famellos, tha se: “Greqia është një vend me punonjës të varfër, të cilët punojnë më shumë se mesatarja evropiane, por paguhen më pak dhe nuk ia dalin dot mbanë.”
    Pavarësisht rritjes ekonomike dhe rënies së papunësisë në vitet e fundit, fuqia blerëse e grekëve mbetet më e ulëta në BE, pas Bullgarisë. Ata punojnë mesatarisht 39.8 orë në javë, krahasuar me mesataren e BE-së prej 36, sipas Eurostat. Grekët shpesh bëjnë disa punë, sepse pagat janë të pamjaftueshme, ankohet sindikata (GSEE), duke shtuar se shumë nuk do të jenë në gjendje t’i thonë jo javës 13-orëshe “duke pasur parasysh çekuilibrin e fuqisë midis punëdhënësit dhe punonjësit”.
    Ministri Kerameos i hedh poshtë këto akuza. “Ka punëtorë që kërkojnë të jenë në gjendje të punojnë me orë më të gjata dhe ata që nuk duan të punojnë jashtë orarit do të mbrohen”, tha ai në Parlament. Ministri sqaroi gjithashtu se reforma nuk ndikon në ditën normale të punës dhe se regjimi 13-orësh do të ndikojë mesatarisht në tre ditë në muaj. “Disa punëtorë aktualisht lëvizin midis punëdhënësit të tyre të parë dhe të dytë në të njëjtën ditë, pa fituar as gjysmë euro më shumë. Por ne po u japim atyre mundësinë të bëjnë atë që bëjnë pa pasur nevojë të lëvizin dhe me një rritje page prej 40%.”

  • Gjermania ndjek modelin grek, pensionistët që punojnë do të përfitojnë nga lehtësitë fiskale

    Gjermania ndjek modelin grek, pensionistët që punojnë do të përfitojnë nga lehtësitë fiskale

    Qeveria gjermane po përgatit një projektligj të ri që synon të inkurajojë pensionistët të qëndrojnë aktivë në tregun e punës, duke u ofruar atyre një përjashtim tatimor prej 2,000 eurosh në muaj për të ardhurat nga puna.

    Sipas raportimit të Financial Times, masa pritet të hyjë në fuqi në janar dhe do t’i kushtojë shtetit rreth 890 milionë euro në vit.
    Kjo nismë është pjesë e përpjekjeve të qeverisë së Kancelarit Friedrich Merz për të adresuar mungesën e fuqisë punëtore të kualifikuar në ekonominë më të madhe të Evropës. Në thelb, ajo synon të krijojë stimuj të fortë fiskalë për qytetarët që, ndonëse në moshë pensioni, zgjedhin të kontribuojnë ende në tregun e punës.
    Gjermania, siç vëren FT, po ndjek shembullin e Greqisë, ku pas një reforme të thellë dy vite më parë, u hoqën penalizimet e rënda për pensionistët që punonin. Nga humbja automatike e 30-60% të pensionit, sot ata e marrin pensionin e plotë dhe kontribuojnë vetëm 10% të pagës në fondin e sigurimeve EFKA. Si rezultat, numri i pensionistëve të regjistruar që punojnë është rritur nga 35,000 në vitin 2023 në mbi 250,000 sot.
    Përveç stimulimit të pjesëmarrjes aktive të të moshuarve në ekonomi, kjo politikë ndihmoi edhe në “zbardhjen” e tregut të punës, pasi penalitetet e mëparshme shtynin shumë pensionistë drejt punës informale, pa të drejta apo përfitime shtesë.
    Kjo nuk është hera e parë që qeveria e Merz ndjek modele të suksesshme nga Greqia. Ndër reformat e tjera të ngjashme përfshihet dixhitalizimi i shtetit, për të cilin është krijuar një ministri e veçantë – si dhe regjistrimi elektronik i orarit të punës dhe përjashtimi nga tatimi i orëve shtesë të paguara, praktika që tashmë zbatohen në Greqi.

    Top Channel

  • Paralizohet Greqia, sindikatat në grevë të përgjithshme: Nuk mund të rropatemi 13 orë në punë

    Paralizohet Greqia, sindikatat në grevë të përgjithshme: Nuk mund të rropatemi 13 orë në punë

    GREQIA NE GREVE

    GREQI- “Unë nuk mund të punoj 13 orë në ditë dhe këtë nuk mund ta kërkoj as nga punonjëset e mira”, thotë Anni, shefe e sallonit të bukurisë “64” në Pagrati, në qendër të Athinës. Ajo është e bindur, se as klientet e saj nuk mund të jenë të kënaqura me një stiliste, e cila është rropatur 13 orë në në punë gjatë gjithë ditës. Ndaj ajo shtron pyetjen, përse ministrja e Punës, Niki Kerameos dëshiron patjetër të mundësojë me ligj ditën me 13 orë pune.
    Ministrja në shumë intervista e shpjegon planin e saj: Synohet vetëm një rregull përjashtues, për vetëm 37 ditë në vit e kjo madje është “në interes të punëmarrësve”.
    Sindikatat e Greqisë e refuzojnë planin e ministres dhe përpiqen ta rrëzojnë projektligjin për “fleksibilizimin e kohës së punës”, që së shpejti pritet të kalojë në parlament. Për të mërkurën (1.10.2025) sindikatat kanë bërë thirrje për grevë të përgjithshme. Ato duan ta paralizojnë Greqinë këtë ditë: Anijet do të qendrojnë të ankoruara në porte, avionët të parkuar në aeroporte dhe ato pak trena që ka, do të mbeten të parkuar nëpër stacione.
    Gjashtë ditë pune për të punësuarit
    Që më parë këtij projektligji qeveria konservatore e kryeministrit Kyriakos Mitsotakis e bëri tregun e punës në Greqi një ndër më “fleksiblët” në Europë. Që nga korriku 2024 të punësuarit në industri, në tregtinë me pakicë, në bujqësi dhe në disa sektorë të shërbimeve publike duhet të punojnë gjashtë ditë në javë, nëse këtë e vendos kështu sipërmarrësi. Për ditën e gjashtë shtesë paguhet një suplement me 40 përqind të pagës ditore.
    Në përgjithësi në Greqi gjithmonë ka qenë në fuqi java me 40 orë pune, por sipërmarrësit lejohen të kërkojnë vetëm për një kohë të kufizuar deri në dy orë shtesë pa pagesë në ditë dhe në kompensim u japin pushim punonjësve të tyre, duke u ofruar kësisoj më shumë kohë të lirë. Teorikisht kjo bëhet vullnetarisht, por në sipërmarrje punonjësit detyrohen të punojnë më gjatë – e kjo pa asnjë kompensim.
    Edhe dita me 13 orë pune duhet të konsistojë në bazë të vullnetit të lirë, thekson ministrja e Punës. Askush nuk është i detyruar të punojë orë shtesë, thotë Niki Kerameos.
    Pasoja negative ndaj produktivitetit
    Por a mundet vërtetë një punonjës që ta refuzojë punën me orë shtesë? Theodoros Koutroukis, profesor për në fushën e marrëdhënieve të punës në Universitetin e Trakës Democritus thotë: “Jo. Kjo nuk mund të bëhet pa pasur pasoja për punonjësin, sepse një punonjës i vetëm ka një fuqi minimale negociimi.”
    Koutroukis tërheq vëmendjen, se rregullorja e re nuk do të ndikojë pozitivisht ndaj tregut të punës. Zgjatja e orëve të punës në ditë mund të shkaktojë pakënaqësinë e të punësuarve dhe në uljen e produktivitetit, thotë ai për DW. Kjo çon në përkeqësimin e cilësisë dhe madje edhe në rritjen e kostove të pagës për njësi. Zgjatja e orarit të punës mund të prishë edhe ekuilibrin në raportin punë dhe familje duke ua kufizuar hapësirën kohore të punësuarve për familjen si dhe për të ndjekur kurse të kualifikimit profesional, vëren profesori.
    Orare pune fleksibël sipas nevojave të sipërmarrësjes
    Krahas aplikimit të ditës me 13 orë pune, në projektligjin e ministres janë parashikuar edhe një ndarje fleksibël e pushimeve vjetore, ndarje fleksibël dhe afatshkurtër e punës shtesë prej 120 minutash në ditë si dhe të qenit në gatishmëri dhe njoftimi përmes aplikacionit i punonjësve. Kriter për këtë janë “nevojat urgjente të firmave”. Edhe një javë me katër dite por me gjithsej 40 orë është e mundur.
    Ministrja e Punës është e angazhuar për reformën e tregut të punës, që synon “përshtatjen e legjislacionit ndaj realitetit”. Ekspertët e punës në të kundërt e konsiderojnë këtë si legalizim të shkeljeve nga ana e sipërmarrjeve. Edhe në të kaluarën rëndom janë regjistruar shkelje kundrejt punonjësve.
    Zgjatje e kohës së punës në vend të dy punëve
    Për shkak se pagat në Greqi janë të ulëta shumë punonjës bëjnë dy punë. Me rregulloren e re mund të mjaftojë që të punohet në një sipërmarrje me 13 orë në ditë.
    Në Greqi njerëzit nuk mund të jetojnë më të ardhurat nga 40 orë punë në javë, ndaj ata bëjnë orë shtesë pune, ose gjejnë një punë të dytë. Sipas Eurostat në Greqi punonjësit me 1886 orë pune në vit punojnë më shumë se të gjithë europianët e tjerë. Megjithatë ata kanë produktivitet më të ulët – ndoshta sepse punojnë kaq shumë – dhe kanë një aftësi më të ulët blerëse (30 përqind nën mesataren e BE-së). Qysh tani grekët punojnë shumë. Sipas qeverisë orët e punës duhet të shtohen edhe më shumë.
    Sindikatat greke: “Mjaft më!”
    Lidhja e sindikatave greke GSEE e refuzon ditën me 13 orë pune. “Raskapitja nuk është zhvillim, kapaciteti njerëzor ka kufij”, kjo do të jetë motoja e protestës në Athinë.
    Sindikata lufton për një shkurtim të kohës javore të punës në 37,5 orë gjithsej, ashtu sikurse është aplikuar tashmë në shumë vende të BE-së.
    Nëse greva do t’ia arrijë ta rrëzojë projektligjin për ditën me 13 orë pune, mbetet e hapur. Por një gjë është e qartë, se Greqia në një kohë, që njerëzit në BE kërkojnë javën me 35 orë pune, ose javën me katër dite pune, po shkon në drejtimin e kundërt./DW

  • Greqi: Grevë e përgjithshme kundër orëve shtesë të punës

    Greqi: Grevë e përgjithshme kundër orëve shtesë të punës

    “Unë nuk mund të punoj 13 orë në ditë dhe këtë nuk mund ta kërkoj as nga punonjëset e mira”, thotë Anni, shefe e sallonit të bukurisë “64” në Pagrati, në qendër të Athinës. Ajo është e bindur, se as klientet e saj nuk mund të jenë të kënaqura me një stiliste, e cila është rropatur 13 orë në në punë gjatë gjithë ditës. Ndaj ajo shtron pyetjen, përse ministrja e Punës, Niki Kerameos dëshiron patjetër të mundësojë me ligj ditën me 13 orë pune.

    Ministrja në shumë intervista e shpjegon planin e saj: Synohet vetëm një rregull përjashtues, për vetëm 37 ditë në vit e kjo madje është “në interes të punëmarrësve”.

    Sindikatat e Greqisë e refuzojnë planin e ministres dhe përpiqen ta rrëzojnë projektligjin për “fleksibilizimin e kohës së punës”, që së shpejti pritet të kalojë në parlament. Për të mërkurën (1.10.2025) sindikatat kanë bërë thirrje për grevë të përgjithshme. Ato duan ta paralizojnë Greqinë këtë ditë: Anijet do të qendrojnë të ankoruara në porte, avionët të parkuar në aeroporte dhe ato pak trena që ka, do të mbeten të parkuar nëpër stacione.

    Gjashtë ditë pune për të punësuarit

    Që më parë këtij projektligji qeveria konservatore e kryeministrit Kyriakos Mitsotakis e bëri tregun e punës në Greqi një ndër më “fleksiblët” në Europë. Që nga korriku 2024 të punësuarit në industri, në tregtinë me pakicë, në bujqësi dhe në disa sektorë të shërbimeve publike duhet të punojnë gjashtë ditë në javë, nëse këtë e vendos kështu sipërmarrësi. Për ditën e gjashtë shtesë paguhet një suplement me 40 përqind të pagës ditore.

    Në përgjithësi në Greqi gjithmonë ka qenë në fuqi java me 40 orë pune, por sipërmarrësit lejohen të kërkojnë vetëm për një kohë të kufizuar deri në dy orë shtesë pa pagesë në ditë dhe në kompensim u japin pushim punonjësve të tyre, duke u ofruar kësisoj më shumë kohë të lirë. Teorikisht kjo bëhet vullnetarisht, por në sipërmarrje punonjësit detyrohen të punojnë më gjatë – e kjo pa asnjë kompensim.

    Edhe dita me 13 orë pune duhet të konsistojë në bazë të vullnetit të lirë, thekson ministrja e Punës. Askush nuk është i detyruar të punojë orë shtesë, thotë Niki Kerameos.

    Pasoja negative ndaj produktivitetit

    Por a mundet vërtetë një punonjës që ta refuzojë punën me orë shtesë? Theodoros Koutroukis, profesor për në fushën e marrëdhënieve të punës në Universitetin e Trakës Democritus thotë: “Jo. Kjo nuk mund të bëhet pa pasur pasoja për punonjësin, sepse një punonjës i vetëm ka një fuqi minimale negociimi.”

    Koutroukis tërheq vëmendjen, se rregullorja e re nuk do të ndikojë pozitivisht ndaj tregut të punës. Zgjatja e orëve të punës në ditë mund të shkaktojë pakënaqësinë e të punësuarve dhe në uljen e produktivitetit, thotë ai për DW. Kjo çon në përkeqësimin e cilësisë dhe madje edhe në rritjen e kostove të pagës për njësi. Zgjatja e orarit të punës mund të prishë edhe ekuilibrin në raportin punë dhe familje duke ua kufizuar hapësirën kohore të punësuarve për familjen si dhe për të ndjekur kurse të kualifikimit profesional, vëren profesori.

    Orare pune fleksibël sipas nevojave të sipërmarrësjes

    Krahas aplikimit të ditës me 13 orë pune, në projektligjin e ministres janë parashikuar edhe një ndarje fleksibël e pushimeve vjetore, ndarje fleksibël dhe afatshkurtër e punës shtesë prej 120 minutash në ditë si dhe të qenit në gatishmëri dhe njoftimi përmes aplikacionit i punonjësve. Kriter për këtë janë “nevojat urgjente të firmave”. Edhe një javë me katër dite por me gjithsej 40 orë është e mundur.

    Ministrja e Punës është e angazhuar për reformën e tregut të punës, që synon “përshtatjen e legjislacionit ndaj realitetit”. Ekspertët e punës në të kundërt e konsiderojnë këtë si legalizim të shkeljeve nga ana e sipërmarrjeve. Edhe në të kaluarën rëndom janë regjistruar shkelje kundrejt punonjësve.

    Zgjatje e kohës së punës në vend të dy punëve

    Për shkak se pagat në Greqi janë të ulëta shumë punonjës bëjnë dy punë. Me rregulloren e re mund të mjaftojë që të punohet në një sipërmarrje me 13 orë në ditë.

    Në Greqi njerëzit nuk mund të jetojnë më të ardhurat nga 40 orë punë në javë, ndaj ata bëjnë orë shtesë pune, ose gjejnë një punë të dytë. Sipas Eurostat në Greqi punonjësit me 1886 orë pune në vit punojnë më shumë se të gjithë europianët e tjerë. Megjithatë ata kanë produktivitet më të ulët – ndoshta sepse punojnë kaq shumë – dhe kanë një aftësi më të ulët blerëse (30 përqind nën mesataren e BE-së). Qysh tani grekët punojnë shumë. Sipas qeverisë orët e punës duhet të shtohen edhe më shumë.

    Sindikatat greke: “Mjaft më!”

    Lidhja e sindikatave greke GSEE e refuzon ditën me 13 orë pune. “Raskapitja nuk është zhvillim, kapaciteti njerëzor ka kufij”, kjo do të jetë motoja e protestës në Athinë.

    Sindikata lufton për një shkurtim të kohës javore të punës në 37,5 orë gjithsej, ashtu sikurse është aplikuar tashmë në shumë vende të BE-së.

    Nëse greva do t’ia arrijë ta rrëzojë projektligjin për ditën me 13 orë pune, mbetet e hapur. Por një gjë është e qartë, se Greqia në një kohë, që njerëzit në BE kërkojnë javën me 35 orë pune, ose javën me katër dite pune, po shkon në drejtimin e kundërt./DW

     

  • Lajm i keq për shqiptarët në Britani? Qeveria angleze pritet të aplikojë letërnjotimet dixhitale

    Lajm i keq për shqiptarët në Britani? Qeveria angleze pritet të aplikojë letërnjotimet dixhitale

    Është gazeta britanike ‘Financial Times’ që njofton atë është spekuluar prej kohësh se qeveria e re laburiste pritet të njoftojë planet që këtë muaj skemën e futjes se kartave digjitale të identifikimit, në përpjekje për të luftuar dhe pakësuar emigracionin ilegal.
    Një nga modelet që po konsiderohen është ajo e pasjes së kartave digjitale për çdo shtetas britanik dhe person që ka të drejtën e qëndrimit në Britani përmes legalizimit të statusit të tyre ligjor. Britanikët ndryshe nga shtetasit e kontinentit evropian nuk kanë karta identiteti, përveç pasaportës. Ish-kryeministri me jetëgjatë laburist Toni Bler në fillim të viteve 2000 tentoi aplikimin e sistemit të letrave të njoftimit, por nuk pati sukses.
    Letrat ose kartat e identitet me shumë gjasa do përdoren në përpjekje për të pakësuar dhe kontrolluar emigrimin ilegal, ku mes tyre do kenë probleme edhe shumë shqiptarë të Britanisë, ashtu si dhe kombësi të tjera, që jetojnë dhe punojnë ilegalisht në Britani, kur të bëhen verifikime, nëse kanë të drejtë të punojnë, apo nëse një person ka të drejtë të marr shtëpie ose banesë me qira, apo edhe për të verifikuar në spitale nga stafet mjekësore të statusit të emigracionit të pacienteve.
    Problem mbetet kur të huajt që jetojnë ilegalisht do mund të përdorin karta identiteti falco të vendeve të tjera të Bashkimit Evropian, siç ndodh rëndom në Britani, edhe nga shqiptarë, por edhe emigrantë të ardhur nga vende të tjera.
    Sipas Kryeministrit Starmer këto karta dixhitale do të luajnë një rol të rëndësishme në pakësimin e atraksionit të Britanisë si një destinacion ku emigrantët mund të vijnë të jetojnë dhe punojnë ilegalisht. Sipas një sondazhi që i referohet Financial Times e Londrës, 53 përqind e publikut britanik është në favor të identifikimit digjital, ndërkohë që një e pesta janë kundër.
    Në fillim të këtij viti Britania njoftoj për krijimin e një aplikacioni qeveritar që do u lejonte Britanikëve aksesimin e mijëra shërbimeve publike në smartphonet e tyre, pak a shume si sistemi e-Albania ne Shqipëri.