Departamenti amerikan i Drejtësisë do të publikojë dosjet nga hetimi i tij ndaj Jeffrey Epstein brenda 30 ditësh. Këtë ka deklaruar këtë të mërkurë Prokurorja e Përgjithshme, Pam Bondi pasi Kongresi votoi pro publikimit të dosjes.
Në një konferencë për shtyp, Bondi konfirmoi se Departamenti i Drejtësisë do të publikojë materialet e saj në lidhje me Epstein brenda 30 ditëve, siç kërkohet nga legjislacioni që miratoi dje Dhomën e Përfaqësuesve dhe Senatin e kontrolluar nga republikanët.
“Ne do të vazhdojmë të ndjekim ligjin dhe të inkurajojmë transparencën maksimale”, tha ajo.
Por ky publikim mund të mos jetë gjithëpërfshirës, pasi agjencia mund të duhet të mbajë të fshehtë materiale që mund të ndikojnë në hetimet e urdhëruara nga Trump ndaj figurave demokrate që lidhen me Epstein. Departamenti do të mbrojë gjithashtu identitetin e çdo viktime të trafikimit seksual, emrat e të cilëve shfaqen në dokumente.
Dhoma e Përfaqësuesve e SHBA-së votoi me shumicë dërrmuese të martën në favor të një projektligji që i kërkon Departamentit të Drejtësisë të publikojë të dhënat lidhur me Jeffrey Epstein. Projektligji u miratua me shumicë dërrmuese prej 427 votash pro dhe vetëm një kundër.
I vetmi person që votoi kundër ishte përfaqësuesi Clay Higgins, një republikan nga Luiziana, i cili është një mbështetës i flaktë i Trump.
Tag: publikojë
-
“Departamenti amerikan i Drejtësisë do të publikojë dosjet e Epstein brenda 30 ditësh”
-
Miratohet hapja e dosjeve të Epstein, votimi në kongres erdhi pas ndryshimit të qëndrimit të Trump
Të dyja dhomat e Kongresit amerikan ranë dakord të urdhërojnë departamentin e drejtësisë të SHBA-së të publikojë dosjet e pedofilit famëkeq, Jeffrey Epstein.Dhoma e Përfaqësuesve votoi me shumicë dërrmuese 427 vota pro dhe 1 kundër, ndërsa Senati e miratoi unanimisht me shpejtësi pa një votim formal.
Lëvizjet vijnë vetëm disa ditë pasi Presidenti Donald Trump ndryshoi qëndrimin e tij dhe i kërkoi Kongresit të votojë për të zbuluar të dhënat pas kundërshtimit publik nga shumë prej mbështetësve të tij.Javën e kaluar, Trump dhe lidhjet e tij me Epstein u rikthyen në titujt kryesorë të lajmeve pasi u publikuan më shumë se 20,000 faqe dokumentesh, disa prej të cilave përmendnin presidentin.
Çështja pritej të merrte disa ditë për të mbërritur në Senat por pas votimit masiv në Dhomën e Përfaqësuesve, afati kohor u përshpejtua . Ai do të shkojë nga Senati në tavolinën e presidentit, ku ai pritet ta nënshkruajë dhe ta kthejë në ligj.Projektligji kërkon që Prokurorja e Përgjithshme Pam Bondi të publikojë të gjitha të dhënat, dokumentet, komunikimet dhe materialet hetimore të paklasifikuara që lidhen me Epstein dhe bashkëpunëtoren e tij, Ghislaine Maxwell, jo më vonë se 30 ditë pas miratimit të ligjit.Këto materiale përfshijnë të dhëna, komunikime apo emra të njohur nga fusha të ndryshme nga e gjithë bota. Jeffery Epstein u gjet i vdekur në qelinë e burgut në New York në vitin 2019, në atë që një mjek ligjor e cilësoi si vetëvrasje. Ai po mbahej nën akuzat për trafikim seksual, pasi ishte dënuar më parë për prostitucion.
/vizionplus.tv