Lajmidites.com

Tag: provimi

  • SYRI TV/ Zhvillohet provimi i lëndës me zgjedhje, tezat qarkulluan sërish në rrjete sociale

    SYRI TV/ Zhvillohet provimi i lëndës me zgjedhje, tezat qarkulluan sërish në rrjete sociale

    1 mijë maturantë më pak se vitin e kaluar kanë testuar këtë të martë njohuritë e tyre në lëndët më zgjedhje në 145 qendra provimi në të gjithë Shqipërinë. Ashtu si edhe në provimet e tjera, edhe këtë herë teza e provimit qarkulloi në rrjete sociale gjatë zhvillimit të provimit. Pas përfundimit të tij, maturantët u shprehën se testi ishte i nivelit mesatar

    Syri tv

    Rreth 27 mijë maturantë, ose 1 mijë më pak se vitin e kaluar, kanë kryer këtë të martë provimin e fundit, atë të lëndëve me zgjedhje, duke testuar njohuritë e tyre në varësi të profilit të ndjekur gjatë shkollës së mesme. Ashtu si edhe në provimet e mëparshëm, në Gjuhë të Huaj, Gjuhë Shqipe dhe Matematikë, edhe këtë herë, në rrjetet sociale janë publikuar tezat e provimit, përpara nisjes së procesit të testimit të maturantëve. Sa i përket testit të zhvilluar, maturantët u shprehën pas përfundimit të tij, se teza ishte e nivelit mesatar

    Testimi i zhvilluar ne 145 qendra provimi në të gjithë Shqipërinë, nisi në orën 10:00 dhe zgjati 2 orë e 30 minuta. Kujtojmë se pas publikimit të rezultateve maturantët do të kenë të drejtë të ankimojnë notën e tyre duke kërkuar rivlerësim të testit. Me këtë provim përmbyllet zyrtarisht cikli i Maturës Shtetërore për vitin 2025.

  • Matura 2025/ Provimi i fundit, 27 mijë nxënës testohen në Lëndët me Zgjedhje

    Matura 2025/ Provimi i fundit, 27 mijë nxënës testohen në Lëndët me Zgjedhje

    Foto ilustruese

    TIRANË- Rreth 27 mijë maturantë do t’i nënshtrohen sot të martën provimit të fundit të Maturës Shtetërore, atij të lëndës me zgjedhje. Si testimet e tjera, edhe provimi i sotëm nis në orën 10:00 dhe do të zgjasë 2 orë e 30 minuta. Për zhvillimin e provimit janë rreth 145 qendra, ku çdo qendër administrohet nga një përgjegjës administrimi dhe nga administratorë të caktuar për çdo mjedis ku zhvillohet provimi.
    Në procesin e korrigjimit do të angazhohen mbi 640 mësues.
    Këtë vit, Ministria e Arsimit dhe Sportit ka vendosur që të ketë edhe teste të personalizuara për maturantët që janë me aftësi speciale. Pas provimit të gjuhës së huaj, të Gjuhës shqipe dhe Letërsisë, të Matematikës, maturantët kanë sot provimin e fundit. Deri më tani, maturantët janë njohur me rezultatet për dy provimet e para, atë të anglishtes dhe gjuhës.
    Pasi të ketë përfunduar edhe korrigjimi i testeve të tjera, rezultatet në këto provime, sikundër edhe mesatarja e 3 viteve të gjimnazit do të jenë përcaktuese për të fituar një kuotë studimi në universitetet shtetërore dhe private në vend./ZËRI

  • Mbahet sot provimi i lëndës me zgjedhje, pjesë e përmbylljes së ciklit të ‘Maturës Shtetërore’

    Mbahet sot provimi i lëndës me zgjedhje, pjesë e përmbylljes së ciklit të ‘Maturës Shtetërore’

    Pas përfundimit të tre provimeve të mëparshme, në Gjuhë të Huaj, Gjuhë Shqipe dhe Matematikë sot maturantët do të testohen mbi njohuritë e marra në një lëndë të zgjedhur, në varësi të profilit të ndjekur gjatë shkollës së mesme.

    Lëndët e përfshira në këtë provim janë të ndara në disa fusha: Shkencat e Natyrës (Kimi, Fizikë, Biologji), Shkencat Shoqërore (Histori, Gjeografi, Qytetari dhe Psikologji, Filozofi, Sociologji), si dhe Ekonomia dhe Artet (Ekonomi, Histori Arti, Histori Muzike, Histori Baleti).

    Nxënësit duhet të paraqiten në shkolla në orën 08:00, të pajisur me një dokument identifikimi (kartë ID ose pasaportë), ndërsa provimi do të nisë në orën 10:00 dhe do të zgjasë për 2 orë e 30 minuta.

    Për të siguruar mbarëvajtjen e procesit, është ndaluar rreptësisht mbajtja e telefonave apo orëve inteligjente gjatë testimit. QSHA ka shpërndarë më herët teste model në të gjitha shkollat, për të ndihmuar maturantët të njihen me formatin dhe kërkesat e provimeve.

    Për korrigjimin e testeve janë angazhuar mbi 640 mësues, ndërsa vetë procesi i hartimit, administrimit dhe vlerësimit është mbikëqyrur nga Qendra e Shërbimeve Arsimore. Në kuadër të përfshirjes dhe barazisë, Ministria e Arsimit ka parashikuar këtë vit edhe teste të personalizuara për nxënësit me aftësi ndryshe.

    Me këtë provim përmbyllet zyrtarisht cikli i Maturës Shtetërore për vitin 2025.

  • Sot provimi i parë i minimaturës, 28 mijë nxënës i nënshtrohen testimit në gjuhën shqipe

    Sot provimi i parë i minimaturës, 28 mijë nxënës i nënshtrohen testimit në gjuhën shqipe

     Nxënësit e klasës së 9-të do të testohen ditën e sotme në gjuhën shqipe. Ky është provimi i parë i minimaturës. Mësohet se në këtë provim do të testohen 28 mijë nxënës në të gjithë vendin.

    Ministria e Arsimit dhe Sportit theksoi se provimi do të kryhet në 340 qendra që administrohen dhe monitorohen nga stafe të institucioneve arsimore.

    Provimi do të kryhet në 340 qendra që administrohen dhe monitorohen nga stafe të kualifikuara të institucioneve tona arsimore.

    Provimi zgjat rreth 2 orë e 30 minuta. Nxënësit do të testohen në ditët në vijim edhe në matematike dhe gjuhën e huaj.

  • Matematika, provimi më stresues për maturantët

    Matematika, provimi më stresues për maturantët

    Provimi i matematikës është ai që i tremb më shumë maturantët.
    Mes tensionit dhe kuriozitetit për pyetjet, rreth 27 mijë nxënës zhvilluan sot provimin.
    Sa i përket nivelit të vështirësisë, për disa maturantë testi rezultoi i vështirë, ndërsa për të tjerë mesatar.
    As sot nuk munguan parregullsitë, pasi fotot e tezave që qarkulluan në rrjetet sociale pas nisjes së provimit treguan se edhe këtë herë është përdorur celular brenda shkollës, edhe pse një gjë e tillë është e ndaluar.
    “Ndërsa një fenomen i tillë përsëritet çdo vit e në çdo provim, Ministria e Arsimit dhe Sportit vazhdon të mbajë të njëjtin qëndrim, duke deklaruar se publikimi i tezës pasi nxënësit kanë nisur testimin nuk cenon procesin e maturës shtetërore,” thotë gazetarja e Tv Klan, Dorina Halili.
    Tashmë maturantëve u ka mbetur edhe provimi i fundit, ai i lëndës me zgjedhje, më 24 qershor.
    Tv Klan

  • Ministria e Arsimit: Publikimi i tezës së Matematikës nuk cenon procesin!

    Ministria e Arsimit: Publikimi i tezës së Matematikës nuk cenon procesin!

    Ministria e Arsimit dhe Sportit ka dalë me një reagim zyrtar për publikimin e tezës së provimit të Matematikës.

    Në një postim në faqen zyrtare në Facebook, thekson se procesi nuk cenohet, duke theksuar se provimi për këtë lëndë, vijon me qetësi.

    “Provimi i Matematikës sipas standardeve të sigurisë, proces i qetë dhe i rregullt Provimi i Maturës Shtetërore në lëndën e Matematikës, po zhvillohet në përputhje të plotë me standardet e sigurisë të përcaktuara në rregulloren përkatëse dhe publikimi i tezës së Matematikës pas nisjes së provimit nuk cenon procesin.

    Ministria e Arsimit dhe Sportit garanton të gjithë maturantët dhe opinionin publik se në 145 qendra provimi në të gjithë vendin testimi po vijon në një atmosferë të qetë dhe të sigurt, duke u dhënë mundësi të 27 mijë maturantëve të demonstrojnë njohuritë dhe aftësitë në lëndën e Matematikës.

    Vëmë dhe njëherë theksin se publikimi i tezës së provimit pasi nxënësit kanë nisur testimin, nuk ndikon në mbarëvajtjen dhe integritetin e procesit.

    Ministria dhe strukturat arsimore kanë ndërmarrë një sërë masash paraprake për të siguruar zhvillimin e drejtë dhe të barabartë të procesit të Maturës Shtetërore, përfshirë: mbikëqyrjen e ambienteve të provimit përmes kamerave të sigurisë, trajnimin e administratorëve, kontrollin e rreptë të hyrjes dhe daljes, si dhe krijimin e kushteve sa më të përshtatshme për të reduktuar stresin te maturantët për të arritur rezultate të merituara“, thotë Ministria.

    Ashtu si herët e shkuara, teza nisi të qarkullojë në rrjetet sociale, rreth 20 minuta pas nisjes zyrtare të provimit.

    Ky është provimi i tretë dhe i fundit i detyrueshëm për maturantët, pas atij të Gjuhës së Huaj të zhvilluar më 3 qershor dhe Gjuhës Shqipe e Letërsisë më 10 qershor.

    Testimi përbëhet nga një kombinim pyetjesh me alternativa dhe pyetje me zhvillim.

    Rezultatet priten të publikohen në javët e ardhshme, ndërkohë që pas përfundimit të provimeve të detyrueshme, më 24 qershor, nxënësit do të japin provimin me zgjedhje.

  • Reagon MAS: Publikimi i tezës së Matematikës nuk cenon procesin

    Reagon MAS: Publikimi i tezës së Matematikës nuk cenon procesin

    Ministria e Arsimit dhe Sportit reagon pas publikimit të tezës së provimit të Matematikës.
    Në një postim në faqen zyrtare në Facebook, MAS nënvizon se procesi nuk cenohet, duke theksuar se provimi për këtë lëndë, vijon me qetësi.
    “Provimi i Matematikës sipas standardeve të sigurisë, proces i qetë dhe i rregullt Provimi i Maturës Shtetërore në lëndën e Matematikës, po zhvillohet në përputhje të plotë me standardet e sigurisë të përcaktuara në rregulloren përkatëse dhe publikimi i tezës së Matematikës pas nisjes së provimit nuk cenon procesin.
    Ministria e Arsimit dhe Sportit garanton të gjithë maturantët dhe opinionin publik se në 145 qendra provimi në të gjithë vendin testimi po vijon në një atmosferë të qetë dhe të sigurt, duke u dhënë mundësi të 27 mijë maturantëve të demonstrojnë njohuritë dhe aftësitë në lëndën e Matematikës. Vëmë dhe njëherë theksin se publikimi i tezës së provimit pasi nxënësit kanë nisur testimin, nuk ndikon në mbarëvajtjen dhe integritetin e procesit. Ministria dhe strukturat arsimore kanë ndërmarrë një sërë masash paraprake për të siguruar zhvillimin e drejtë dhe të barabartë të procesit të Maturës Shtetërore, përfshirë: mbikëqyrjen e ambienteve të provimit përmes kamerave të sigurisë, trajnimin e administratorëve, kontrollin e rreptë të hyrjes dhe daljes, si dhe krijimin e kushteve sa më të përshtatshme për të reduktuar stresin te maturantët për të arritur rezultate të merituara“, thuhet në reagimin e MAS.

     

  • Sot mbi 27 mijë maturantë testohen në provimin e Matematikës

    Sot mbi 27 mijë maturantë testohen në provimin e Matematikës

    FOTO ILUSTRUESE

    TIRANË-Mbi 27 mijë maturantë do t’i nënshtrohën ditën e sotme provimit të Matematikës. Ky është pprovimi i tretë i Maturës Shtetërore, ku maturantët testohen për njohuritë e tyre.
    Nxënësit duhet të paraqiten në ambientet e shkollës në orën 08:30 ndërsa provimi nis në 10:00 dhe përfundon në 12:30. Gjithashtu maturantët duhet të kenë me vete mjet identifikimi (kartë ID ose pasaportë). Mbajtja e telefonave apo orëve inteligjente është rreptësisht e ndaluar.
    Provimi i fundit për maturantët është ai me zgjedhje më 24 qershor. Provimi me zgjedhje ofron një gamë të gjerë lëndësh, përfshirë: Shkencat e Natyrës: Kimi, Fizikë, Biologji, Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji dhe Ekonomia dhe Artet: Ekonomi, Histori Arti, Histori Muzike, Histori Baleti./ZËRI

  • Sot provimi i dytë i Maturës Shtetërore, mbi 27 mijë maturantë testohen për Gjuhën Shqipe

    Sot provimi i dytë i Maturës Shtetërore, mbi 27 mijë maturantë testohen për Gjuhën Shqipe

    Foto ilustruese

    TIRANË- Sot në orën 10.00 të mëngjesit, maturanëtët do t’i nënshtrohen provimit të dytë të Maturës Shtetërore. Pas provimit të Gjuhës së Huaj, mbi 27 mijë maturantë do i nënshtrohen sot njohurive në Gjuhën Shqipe. Provimi, që do të nisë në orën 10.00 dhe zgjat dy orë e gjysmë.
    Edhe sot, ashtu si në provimin e parë, maturantët do duhet të paraqiten në ambientet e shkollave përkatëse në orën 08:00. 
    Para se të futen në klasat e provimit, maturantët duhet të kenë me vete duhet të keni një mjet identifikimi, 2 stilolapsa, vizore të vogël dhe makinë llogaritëse të thjeshtë. Por duhet pasur parasysh që ndalohet rreptësisht përdorimi i celularëve apo i orave smart. Pasi të ketë përfunduar testi, për rreth 1 javë, nxënësit do të njihen me rezultatet duke kërkuar kodin e tyre unik në link-et që do të publikohen nga Ministria e Arsimit.
    Në procesin e korrigjimit do të angazhohen mbi 640 mësues.
    Katër provimet e detyruara të Maturës Shtetërore zhvillohen me një javë distancë nga njëri-tjetri. Pas Gjuhës Shqipe dhe Letërsisë, ndërsa më 17 qershor testi për lëndën e Matematikës. Më 24 qershor japin testin e fundit, atë të Lëndës me Zgjedhje, provim që tregon edhe orientimin e maturantëve që do të aplikojnë më pas për t’u pranuar në universitete. Pasi të ketë përfunduar faza e testimit, rezultatet e fundit në këto provime, sikundër edhe mesatarja e 3 viteve të gjimnazit do të jenë përcaktuese për të fituar një kuotë studimi në universitetet shtetërore dhe private në vend./ZËRI

  • Sot provimi i dytë i Maturës Shtetërore, mbi 27 mijë maturantë testohen për njohuritë në Gjuhën Shqipe

    Sot provimi i dytë i Maturës Shtetërore, mbi 27 mijë maturantë testohen për njohuritë në Gjuhën Shqipe

    Zhvillohet këtë të martë (10 qershor) provimi i dytë i Maturës Shtetërore. Pas atij të Gjuhës së Huaj, mbi 27 mijë maturantë do i nënshtrohen sot njohurive në Gjuhën Shqipe, provim i cili starton në orën 10:00 dhe zgjat dy orë e gjysmë.

    Por sikurse është bërë me dije më herët nga Ministria e Arsimit, maturantët do duhet të paraqiten në ambientet e shkollave përkatëse në orën 08:00 dhe do duhet të kenë me vetë një mjet identifikimi, kartë ID ose pasaportë, ndërsa iu është ndaluar kategorikisht mbajtja e telefonit apo orëve smart.

    Më 17 qershor do të zhvillohet provimi i tretë i Maturës Shtetërore, ai në Matematikë, ndërsa më 24 qershor maturantët testohen për provimin e fundit, atë me Zgjedhje. Ky i fundit ofron një gamë të gjerë lëndësh, duke përfshirë: Shkencat e Natyrës: Kimi, Fizikë, Biologji, Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji dhe Ekonomia dhe Artet: Ekonomi, Histori Arti, Histori Muzike, Histori Baleti.

    Të gjitha provimet fillojnë në orën 10:00 dhe përfundojnë në orën 12:30.

    Për orientimin dhe përgatitjen e maturantëve, testet model për provimet e ardhshme janë shpërndarë shumë më herët në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.

    Procesi i hartimit, administrimit dhe vlerësimit të testeve do të realizohet nga Qendra e Shërbimeve Arsimore (QSHA), duke siguruar standardet më të larta të transparencës dhe korrektësisë.