Lajmidites.com

Tag: proteina

  • Sa proteina duhet të konsumoni?/ Rreziqet nga konsumi i tepërt

    Sa proteina duhet të konsumoni?/ Rreziqet nga konsumi i tepërt

    Sipas studimeve shkencore, konsumi i proteinave nuk duhet të jetë i njëjtë për të gjithë, pasi nevojat ushqyese ndryshojnë në varësi të gjinisë, moshës, nivelit të aktivitetit fizik dhe faktorëve të tjerë individualë.

    Një analizë e botuar në The Economist paralajmëron se konsumi i tepruar i proteinave mund të lidhet me rrezik të shtuar për dëmtim të veshkave, mbingarkesë të mëlçisë, shtim në peshë, si dhe çrregullime metabolike. Ndërkohë, industria e suplementeve dietike shpesh promovon një konsum të lartë të proteinave, shpesh për arsye komerciale, pa mbështetje të mjaftueshme nga të dhënat shkencore.

    Organizata Botërore e Shëndetësisë (OBSH) raporton se shumica e të rriturve marrin sasi të mjaftueshme proteinash përmes një diete të ekuilibruar, pa pasur nevojë për suplemente apo monitorim të rreptë.

    Megjithatë, një analizë e kohëve të fundit thekson rëndësinë e përshtatjes së konsumit të proteinave sipas nevojave individuale dhe vlerësimit të ndikimit të tyre në shëndet dhe performancë fizike.

    Udhëzimet dietike sugjerojnë një marrje ditore prej 0.8 deri në 2 gramë proteina për kilogram të peshës trupore, në varësi të moshës, gjendjes shëndetësore dhe nivelit të aktivitetit fizik. Sidoqoftë, provat shkencore tregojnë se tejkalimi i 1.5 gramëve në ditë për kilogram nuk sjell përfitime shtesë në forcë apo masë muskulore.

    Përkundrazi, konsumi i zgjatur në nivele të larta mund të ndikojë negativisht në funksionin renal, veçanërisht në individët me rrezik më të lartë, dhe mund të aktivizojë mekanizma biologjikë të lidhur me plakjen e përshpejtuar.

    Në raportin e saj zyrtar, OBSH rekomandon 0.83 gramë proteina në ditë për kilogram të peshës trupore për një të rritur të shëndetshëm. Megjithatë, ky rekomandim nuk është gjithmonë i mjaftueshëm për të gjitha grupmoshat ose për gjendje fiziologjike të veçanta.

    -Tek të moshuarit, aftësia e trupit për të përthithur dhe metabolizuar proteinat zvogëlohet, ndërsa humbja e masës muskulore është një pasojë natyrale e plakjes. Një përmbledhje e botuar në Nutrients rekomandon një konsum ditor prej 1.2 g/kg, sidomos në kombinim me ushtrime rezistence.

    -Fëmijët dhe adoleshentët kanë nevoja të ndryshme, që varen nga faza e zhvillimit dhe intensiteti i aktivitetit fizik.

    -Gjatë shtatzënisë dhe ushqyerjes me gji, kërkesat për proteina rriten ndjeshëm, për të mbështetur zhvillimin e fetusit dhe shëndetin e nënës. Në këto raste, nevojat mund të dyfishohen krahasuar me rekomandimet për të rriturit e shëndetshëm.

    Për individët që synojnë hipertrofi muskulore ose që ndjekin programe stërvitjeje me rezistencë, Shoqata Ndërkombëtare e Ushqyerjes Sportive rekomandon një konsum ditor prej 1.4 deri në 2 g/kg. Megjithatë, një analizë e botuar në Sports Medicine konkludon se sasitë mbi 1.6 g/kg nuk ofrojnë përfitime shtesë në rritjen e muskujve.

  • Ja dy llojet e arrave që përmbajnë më shumë proteina se vezët

    Ja dy llojet e arrave që përmbajnë më shumë proteina se vezët

    Arrat janë të pasura me lëndë ushqyese si fibra dhe proteina, dy elementë që ndihmojnë në ndjesinë e ngopjes, ngadalësojnë tretjen dhe stabilizojnë nivelet e sheqerit në gjak, duke ju ofruar energji të qëndrueshme gjatë ditës.

    Kur flasim në mënyrë specifike për përmbajtjen e proteinave, disa lloje arrash spikasin më shumë. Në fakt, disa prej tyre përmbajnë sasi të ngjashme proteinash me një vezë. Meqenëse një vezë përmban rreth 6 gramë proteina dhe konsiderohet një burim i shkëlqyer i këtij makronutrienti, ajo shpesh përdoret si pikë referimi për të krahasuar përmbajtjen e proteinave në ushqime të tjera.

    Ky krahasim nuk ka për qëllim të tregojë se një ushqim është më i mirë se tjetri, por të ndihmojë në kuptimin e vlerës ushqyese të arrave. Kur zgjidhni çfarë të përfshini në dietën tuaj, është e rëndësishme të keni parasysh jo vetëm përmbajtjen e proteinave, por edhe faktorë të tjerë si kaloritë, fibrat, vitaminat dhe mineralet. Edhe pse disa arra përmbajnë më shumë proteina se një vezë, ato zakonisht janë më kalorike.

    Të gjitha ushqimet mund të kenë vend në një dietë të shëndetshme dhe të balancuar, por ajo që ka rëndësi është të kuptoni përbërjen ushqyese të tyre dhe të bëni zgjedhje që i përshtaten nevojave tuaja.

    1. Kikirikët
    Edhe pse teknikisht janë bishtajore që rriten nën tokë, kikirikët konsumohen dhe klasifikohen si arra për shkak të shijes, teksturës dhe përbërjes ushqyese. Ata janë një zgjedhje e përballueshme, me afat të gjatë ruajtjeje dhe shumë ushqyese, një porcion prej 28 gramësh (rreth 1 ons) përmban më shumë se 7 gramë proteina dhe 2 gramë fibra.
    Kikirikët janë gjithashtu burim i mirë i kaliumit, vitaminës B6 dhe manganit, lëndë ushqyese që ndihmojnë në rregullimin e tensionit të gjakut, forcimin e imunitetit dhe të kockave. Studimet tregojnë se konsumimi i rregullt i kikirikëve mund të përmirësojë shëndetin e zorrëve duke rritur përqendrimin e baktereve të dobishme.
    Një ide praktike është të përdorni një blender për të bluar kikirikët me thërrime buke dhe përdoreni këtë përzierje si shtresë për fileto peshku ose gjoks pule para pjekjes.

    2. Bajamet
    Bajamet përmbushin si kriteret ushqyese, ashtu edhe ato kulinare. Janë të pasura me fibra dhe antioksidantë, të cilët kontribuojnë në shëndetin e zemrës. Një porcion prej 23 bajamesh përmban rreth 3.5 gramë fibra, mbi 10% të nevojave tuaja ditore.
    Përveç kësaj, bajamet janë të gjithanshme në përdorim, mund t’i shtoni të kripura në sallata, t’i përdorni në ëmbëlsira apo t’i piqni për një shije më intensive. Syri.net-iefimerida

  • Veza e zier apo e skuqur, ja kush jep më shumë përfitime për organizmin

    Veza e zier apo e skuqur, ja kush jep më shumë përfitime për organizmin

    Vezët e ziera janë një nga opsionet më të thjeshta dhe më të shëndetshme për të nisur ditën. Ato janë të ulëta në kalori dhe të pasura me proteina, duke ofruar një kombinim të shkëlqyer ushqyes për organizmin.

    Çfarë përmban një vezë e zier?
    Një vezë e madhe e zier fort ka rreth 72 kalori, 5 gramë yndyrë (nga të cilat rreth 1.5 gramë janë yndyrna të ngopura) dhe 6 deri në 7 gramë proteina. E verdha është veçanërisht e pasur me vitamina dhe minerale si vitamina A, vitaminat B, riboflavina, folati, hekuri dhe zinku, sipas Jeremy O’Neal, dietolog dhe specialist i çertifikuar për menaxhimin e peshës.

    Vezët janë gjithashtu një nga burimet më të mira të kolinës, një mineral thelbësor gjatë shtatzënisë, i cili ndihmon në prodhimin e acetilkolinës (e rëndësishme për funksionin nervor dhe tkurrjen e muskujve). Sipas Dr. Amar Dave, kolina është gjithashtu e lidhur me përmirësimin e funksioneve njohëse, sidomos te të moshuarit.

    Rëndësia e proteinës në vezë
    Megjithëse një vezë e zier siguron një sasi të konsiderueshme proteinash, ajo nuk është e mjaftueshme për të mbuluar nevojat ditore. Sasia e nevojshme e proteinave ndryshon sipas peshës trupore dhe nivelit të aktivitetit fizik. Rekomandohet të konsumohet të paktën 0.8 gramë proteina për çdo kilogram të peshës trupore në ditë, më shumë për ata që ushtrojnë rregullisht apo janë shtatzënë.

    Sa vezë të ziera mund të konsumoni në ditë?
    Sipas O’Neal, shumica e njerëzve mund të hanë pa problem dy deri në tre vezë të ziera në ditë, në kuadër të një diete të ekuilibruar. Dr. Dave sugjeron gjithashtu të alternohen burimet e proteinës – duke përfshirë mishin e ligët, shpendët dhe vezët, por edhe alternativa bimore si tërshëra, bishtajore, thjerrëza, fara dhe tofu.

    Po kolesteroli?
    Shqetësimi për kolesterolin zakonisht lidhet me të verdhën e vezës, që përmban rreth 200 mg kolesterol. Sidoqoftë, sipas ekspertëve, nuk ka prova të forta që lidhin konsumimin e moderuar të kolesterolit nga ushqimi me rritjen e kolesterolit në gjak apo me sëmundjet e zemrës. Një rishikim i vitit 2022 i botuar në revistën Nutrients thekson se lidhja mes kolesterolit ushqimor dhe atij në gjak nuk është e qartë dhe mbetet temë diskutimi.

    Ekspertët sugjerojnë të përqendroheni më shumë te kontrolli i marrjes së yndyrnave të ngopura dhe stili i përgjithshëm i të ushqyerit sesa te konsumimi i vetë vezëve. Nëse ushqeheni shëndetshëm, me shumë perime, fibra, pak ushqime të përpunuara dhe burime të pasura proteinash, vezët e ziera mund të jenë pjesë e rregullt e dietës suaj. Për çdo paqartësi apo shqetësim shëndetësor, është mirë të konsultoheni me mjekun. Syri.net-iefimerida

  • Biznesi i “urisë”

    Biznesi i “urisë”

    Moda e re ushqimore është e qartë: konsumatorët po braktisin dietat me pak kalori për ushqimet e pasura me proteina. Nga qiqrat e pjekura te kefiri dhe proteina shtazore, tregu ushqimor global dhe ai shqiptar, po përshtatet me një “uri” të re që vjen nga palestrat, mediat sociale dhe dëshira për një trup më të fortë. Kjo prirje, e nxitur nga influencuesit, reklamat dhe ndërgjegjësimi i shtuar për …

  • Çfarë ndodh me organizmin kur konsumoni më shumë proteina seç duhet

    Çfarë ndodh me organizmin kur konsumoni më shumë proteina seç duhet

    Proteina është një nga komponentët më të rëndësishëm të një diete të shëndetshme thelbësore për ndërtimin dhe mirëmbajtjen e muskujve, si dhe për funksione të tjera jetike të trupit. Por çfarë ndodh kur konsumohet më shumë seç duhet? Sipas ekspertëve, teprimi me proteinë, sidomos nga burimet shtazore, mund të ketë pasoja serioze për shëndetin afatgjatë.

    Dr. Joseph Antun, CEO i kompanisë së jetëgjatësisë L-Nutra, në një intervistë për New York Post thekson se konsumimi i tepërt i proteinave shtazore rrit nivelet e IGF-1 (faktori i rritjes i ngjashëm me insulinën), një hormon i prodhuar në mëlçi që ka një rol të rëndësishëm në rritje dhe metabolizëm.
    “Ndonëse IGF-1 është thelbësor në moshë të re, nivelet e larta të këtij hormoni tek të rriturit janë lidhur me përshpejtimin e procesit të plakjes dhe një rrezik më të lartë për sëmundje të lidhura me moshën, përfshirë kancerin,” thotë Antun.

    Madje, ai e quan këtë fenomen ‘diabet proteinik’, për shkak të ndikimit të tij negativ në procesin e plakjes: “Konsumimi i tepërt i proteinës nuk i ndihmon muskujt aq sa dëmton trupin.”
    Rekomandimet ndryshojnë në varësi të moshës dhe gjendjes fizike. Për ata nën moshën 65 vjeç, Antun këshillon të synohet një konsum ditor prej 0.31 deri në 0.36 gramë proteinë bimore për kilogram të peshës trupore.
    Kjo përkthehet në rreth 46 deri në 54 gramë proteina në ditë për një person që peshon 68 kg ,që mund të përmbushet me rreth shtatë vezë, 200 gramë mish pule ose dy gota thjerrëza të gatuara.
    Për të moshuarit mbi 65 vjeç, sidomos ata që vuajnë nga humbja e masës muskulore, këshillohet një rritje e moderuar e proteinave, me theks te burimet më të lehta për t’u përthithur, si peshku, vezët, djathi dhe kosi nga qumështi i deles apo dhisë.

  • Ja çfarë ndodh me organizmin kur konsumoni më shumë proteina seç duhet

    Ja çfarë ndodh me organizmin kur konsumoni më shumë proteina seç duhet

    Proteina është një nga komponentët më të rëndësishëm të një diete të shëndetshme thelbësore për ndërtimin dhe mirëmbajtjen e muskujve, si dhe për funksione të tjera jetike të trupit. Por çfarë ndodh kur konsumohet më shumë seç duhet? Sipas ekspertëve, teprimi me proteinë, sidomos nga burimet shtazore, mund të ketë pasoja serioze për shëndetin afatgjatë.

    Dr. Joseph Antun, CEO i kompanisë së jetëgjatësisë L-Nutra, në një intervistë për New York Post thekson se konsumimi i tepërt i proteinave shtazore rrit nivelet e IGF-1 (faktori i rritjes i ngjashëm me insulinën), një hormon i prodhuar në mëlçi që ka një rol të rëndësishëm në rritje dhe metabolizëm.

    “Ndonëse IGF-1 është thelbësor në moshë të re, nivelet e larta të këtij hormoni tek të rriturit janë lidhur me përshpejtimin e procesit të plakjes dhe një rrezik më të lartë për sëmundje të lidhura me moshën, përfshirë kancerin,” thotë Antun.

    Madje, ai e quan këtë fenomen ‘diabet proteinik’, për shkak të ndikimit të tij negativ në procesin e plakjes: “Konsumimi i tepërt i proteinës nuk i ndihmon muskujt aq sa dëmton trupin.”

    Rekomandimet ndryshojnë në varësi të moshës dhe gjendjes fizike. Për ata nën moshën 65 vjeç, Antun këshillon të synohet një konsum ditor prej 0.31 deri në 0.36 gramë proteinë bimore për kilogram të peshës trupore.

    Kjo përkthehet në rreth 46 deri në 54 gramë proteina në ditë për një person që peshon 68 kg ,që mund të përmbushet me rreth shtatë vezë, 200 gramë mish pule ose dy gota thjerrëza të gatuara.

    Për të moshuarit mbi 65 vjeç, sidomos ata që vuajnë nga humbja e masës muskulore, këshillohet një rritje e moderuar e proteinave, me theks te burimet më të lehta për t’u përthithur, si peshku, vezët, djathi dhe kosi nga qumështi i deles apo dhisë. Syri.net-iefimerida

  • Jo vetëm mishi, edhe dieta bimore mund të ndërtojë muskuj

    Jo vetëm mishi, edhe dieta bimore mund të ndërtojë muskuj

    Një studim i ri tregon se dietat me bazë bimore dhe ato me bazë shtazore mbështesin në mënyrë të barabartë ndërtimin e muskujve gjatë stërvitjes me pesha, për sa kohë që marrja e proteinave është e mjaftueshme.
    Studiuesit analizuan si reagon trupi ndaj një diete nëntëditore të kombinuar me stërvitje, duke u fokusuar në tri pyetje kryesore:
    1 – A ndikon burimi i proteinës, bimor apo shtazor, në ndërtimin e muskujve?

    2 – A ka rëndësi nëse proteina shpërndahet në mënyrë të barabartë gjatë ditës
    3 – A mjafton një sasi mesatare, por e përshtatshme, proteinash për të arritur rezultate?
    Përgjigjja ishte: jo, në të tri rastet.
    Studiuesi Nicholas Burd nga Universiteti i Illinois-it tha se për një kohë të gjatë është besuar se proteinat shtazore janë më të mira për ndërtimin e muskujve. Kjo ide vinte nga studime më të vjetra që analizonin efektin e vetëm një vakti. Por ky studim tregon se, në praktikë, një dietë e ekuilibruar vegane është po aq efektive sa një dietë me mish.
    Në studimin e ri, 40 të rritur aktivë fizikisht (mosha 20-40 vjeç) u ushqyen me dieta të kontrolluara, vegane ose të përziera, për nëntë ditë. Dieta vegane u krijua që të përmbante të gjitha aminoacidet e nevojshme. Pjesëmarrësit ushqeheshin në mënyrë të barabartë ose të shpërndarë në disa vakte me proteina gjatë ditës.
    Të gjithë bënin ushtrime të rregullta dhe mbanin pajisje për të matur aktivitetin fizik. Për të ndjekur ndërtimin e proteinave muskulore në kohë reale, ata pinin ujë të “rënduar” me deuter, që lejonte gjurmimin e aminoacideve në muskuj përmes biopsive.
    Rezultatet treguan se nuk kishte dallim në ndërtimin e muskujve midis atyre që hanin ushqim vegjetarian dhe atyre që hanin mish. Po ashtu, mënyra si përhapej proteina gjatë ditës nuk kishte ndonjë ndikim.
    “E vetmja gjë që ka rëndësi është që pas stërvitjes të marrësh mjaftueshëm proteina cilësore,” tha Burd. “Nuk ka rëndësi nëse vjen nga mishi apo bimët, për sa kohë që dieta është e ekuilibruar dhe përmban aminoacidet e nevojshme.”

  • Konsumimi i mishit nuk është i nevojshëm për ndërtimin e muskujve

    Konsumimi i mishit nuk është i nevojshëm për ndërtimin e muskujve

    Një studim i ri tregon se dietat me bazë bimore dhe ato me bazë shtazore mbështesin në mënyrë të barabartë ndërtimin e muskujve gjatë stërvitjes me pesha, për sa kohë që marrja e proteinave është e mjaftueshme.

    Studiuesit analizuan si reagon trupi ndaj një diete nëntëditore të kombinuar me stërvitje, duke u fokusuar në tri pyetje kryesore:

    1 – A ndikon burimi i proteinës, bimor apo shtazor, në ndërtimin e muskujve?

    2 – A ka rëndësi nëse proteina shpërndahet në mënyrë të barabartë gjatë ditës?

    3 – A mjafton një sasi mesatare, por e përshtatshme, proteinash për të arritur rezultate?

    Përgjigjja ishte: jo, në të tri rastet.

    Studiuesi Nicholas Burd nga Universiteti i Illinois-it tha se për një kohë të gjatë është besuar se proteinat shtazore janë më të mira për ndërtimin e muskujve. Kjo ide vinte nga studime më të vjetra që analizonin efektin e vetëm një vakti. Por ky studim tregon se, në praktikë, një dietë e ekuilibruar vegane është po aq efektive sa një dietë me mish.

    Në studimin e ri, 40 të rritur aktivë fizikisht (mosha 20-40 vjeç) u ushqyen me dieta të kontrolluara, vegane ose të përziera, për nëntë ditë. Dieta vegane u krijua që të përmbante të gjitha aminoacidet e nevojshme. Pjesëmarrësit ushqeheshin në mënyrë të barabartë ose të shpërndarë në disa vakte me proteina gjatë ditës.

    Të gjithë bënin ushtrime të rregullta dhe mbanin pajisje për të matur aktivitetin fizik. Për të ndjekur ndërtimin e proteinave muskulore në kohë reale, ata pinin ujë të “rënduar” me deuter, që lejonte gjurmimin e aminoacideve në muskuj përmes biopsive.

    Rezultatet treguan se nuk kishte dallim në ndërtimin e muskujve midis atyre që hanin ushqim vegjetarian dhe atyre që hanin mish. Po ashtu, mënyra si përhapej proteina gjatë ditës nuk kishte ndonjë ndikim.

    “E vetmja gjë që ka rëndësi është që pas stërvitjes të marrësh mjaftueshëm proteina cilësore,” tha Burd. “Nuk ka rëndësi nëse vjen nga mishi apo bimët, për sa kohë që dieta është e ekuilibruar dhe përmban aminoacidet e nevojshme.” / Scitech Daily – Syri.net

  • Nutricionistja shpjegon se si i ka përfshirë në dietën e saj 100 gramë proteina në ditë

    Nutricionistja shpjegon se si i ka përfshirë në dietën e saj 100 gramë proteina në ditë

    Në mendjen e shumë njerëzve, fjala ‘proteinë’ sjell ndër mend shishet e mëdha që shoqërojnë palestrat dhe bodibilderët. Por në realitet, roli i proteinës në organizëm është shumë më i gjerë dhe më thelbësor sesa thjesht ndërtimi i masës muskulore.

    Proteina është një përbërës thelbësor për shëndetin tonë të përditshëm, ajo ndihmon në stabilizimin e sheqerit në gjak, përmirëson funksionin e sistemit imunitar, kontribuon në një gjumë më të mirë dhe ndikon drejtpërdrejt në humorin dhe energjinë tonë. Më e rëndësishmja, ajo na ndihmon të ndihemi të ngopur më gjatë pas vakteve.

    Për ta bërë këtë realitet të arritshëm për të gjithë, nutricionistja e njohur , Emily English tregon se si e përfshin proteinën në mënyrë të natyrshme në dietën e saj të përditshme, pa kufizime ekstreme dhe pa ndjekur stilin rigoroz të një sportisti profesionist.

    Dita e saj nis me një filxhan çaj matcha të pasuruar me kolagjen – një ritual i vogël që i jep dozën e nevojshme të kafeinës, ndërkohë që përmirëson shëndetin e lëkurës dhe kyçeve. Më pas, ajo përgatit një omëletë me dy të bardha vezësh, të cilat përmbajnë rreth 12 gramë proteina. Shpesh, ajo shton edhe të bardha shtesë për ta çuar këtë sasi në 20 gramë.

    Omëleta shërbehet mbi bukë të thekur (të ruajtur në frigorifer për të mbajtur vlerat e amidonit), e lyer me gjizë për kalcium dhe proteina shtesë, e përfunduar me domate të freskëta, avokado dhe qepë të kuqe. Ky mëngjes i thjeshtë dhe i shijshëm ofron rreth 30 gramë proteina, duke dhënë ngopje dhe energji të qëndrueshme.

    Sallatat janë një zgjedhje e zakonshme për drake, tri herë në javë. Emily preferon një variant me aromë greke: rreth 120 gramë gjoks pule të pjekur në skarë (30 gramë proteina), qiqra për fibra dhe proteina bimore, dhe djathë feta.

    Salca përbëhet nga kos grek i përzier me lëng limoni, mjaltë, mustardë, vaj ulliri dhe hudhër, një përzierje e pasur në shije dhe vlera ushqyese. Sallata përmban proteina nga burime të ndryshme, yndyrna të shëndetshme dhe fibra, duke krijuar një balancë ideale për një ndjesi të gjatë ngopjeje. Herë pas here, ajo e zëvendëson pulën me ton ose karkaleca deti, duke ruajtur sasinë e proteinës në rreth 35 gramë.

    Shufrat e proteinave nuk janë pjesë e dietës së saj, pasi ajo i konsideron shumë të ëmbla dhe pak të kënaqshme. Në vend të tyre, ajo preferon meze të kripura si kallamar i pjekur ose qofte të vogla shtëpie. Si alternativa të tjera, zgjedh një tas me kos dhe manaferra ose disa arra – zgjedhje të thjeshta por të pasura në proteina dhe yndyrna të shëndetshme.

    Për darkë, Emily zgjedh receta të shijshme dhe të lehta. Një nga preferencat e saj janë qoftet me karkaleca në stilin tajlandez, të përgatitura me hudhër, limon dhe xhenxhefil, të shoqëruara me salcë kikiriku dhe kosi.

    Këto qofte ofrojnë proteina të pastra dhe përgatiten shpejt. Ajo i shërben me një sallatë të freskët me karrota dhe kastravec, dhe ndonjëherë shton oriz ose makarona për karbohidrate të nevojshme. Ky vakt përmban rreth 35 gramë proteina dhe përfaqëson një kombinim perfekt mes shijes dhe shëndetit.

    Në fund të ditës, Emily zgjedh një filxhan çokollatë të nxehtë me kolagjen, të përgatitur me qumësht të plotë organik. Ky trajtim i vogël para gjumit ofron rreth 8 gramë proteina dhe ndihmon në rikuperimin e trupit gjatë natës, përveçse përmbush dëshirën për diçka të ëmbël. Syri.net-iefimerida

  • Shenjat në trup që tregojnë se keni mungesë proteinash

    Shenjat në trup që tregojnë se keni mungesë proteinash

    Proteina është një përbërës shumë i rëndësishëm për shëndetin tonë dhe na jep energji, ndihmon në humbjen e peshës dhe në përgjithësi është një element i vlefshëm për trupin tonë.
    Pse është kaq e rëndësishme proteina?
    Proteina është një bllok ndërtimi i trupit, i muskujve, përmirëson metabolizmin dhe aftësinë për të djegur dhjamin. Është me të vërtetë karburanti që aktivizon dhe mbështet trupin në ndërtimin e indeve dhe qelizave të shëndetshme.

    Këto janë shenjat më të zakonshme që tregojnë se trupi juaj po ju paralajmëron se ndoshta nuk po konsumoni mjaftueshëm proteina.
    Disa nga shenjat që do t’ju paralajmërojnë se ndoshta nuk po konsumoni mjaftueshëm proteina përfshijnë:
    Shërimi i ngadalshëm i plagëve
    Proteina është e nevojshme për shërimin e plagëve dhe kur ajo mungon, shërimi i plagëve bëhet më i ngadalshëm, formimi i kolagjenit zvogëlohet dhe plagët gjithashtu mund të përkeqësohen.
    Infeksione të shpeshta, sistem imunitar i dobët
    Dihet se marrja e reduktuar e proteinave ndikon në funksionin e sistemit imunitar. Mekanizmi ka të bëjë me rolet që luajnë aminoacidet në formimin e antitrupave – të njohur si proteina – dhe në rregullimin e përgjigjeve imune.
    Kockat e dobësuara
    Kjo mund të çojë në më shumë fraktura, veçanërisht te të moshuarit. Formimi, mbështetja dhe riparimi i kolagjenit në faza të ndryshme të jetës ndikohen nga mungesa e proteinave, siç është masa muskulore, pasi të dyja punojnë së bashku.
    Rënia e flokëve
    Kjo mund të lidhet me statusin e hekurit, i cili është një mungesë e zakonshme e mikronutrientëve që rezulton nga mungesa e ushqimeve proteinike në dietë, veçanërisht mishit dhe bishtajoreve.
    Rritja e urisë dhe dëshirave për ushqime rehati
    Kur nuk konsumoni mjaftueshëm proteina, është e zakonshme të ndjeni uri të fortë, pasi trupi aktivizon mekanizmin e oreksit për të marrë atë që i nevojitet.