Lajmidites.com

Tag: propozimin

  • Lufta me Ukrainën, Kremlini: Do të shqyrtojmë propozimin për armëpushimin 30-ditor, por…

    Lufta me Ukrainën, Kremlini: Do të shqyrtojmë propozimin për armëpushimin 30-ditor, por…

    Moska po shqyrton një propozim për një armëpushim 30-ditor në Ukrainë, sipas zëdhënësit të Kremlinit, Dmitry Peskov, i cili i tha rrjetit televiziv amerikan CNN se çështja kërkon shqyrtim të kujdesshëm.

    “Duhet të mendojmë gjatë për këtë. Ky është një zhvillim i ri. Ne kemi qëndrimin tonë”, tha Peskov, duke vënë në dukje se Presidenti rus Vladimir Putin kishte njoftuar tashmë  një armëpushim tre-ditor disa ditë më parë, pa asnjë përgjigje nga Kievi.
    Zëdhënësi i Kremlinit shtoi se pavarësisht veprimit të njëanshëm të Rusisë, nuk ka pasur asnjë reagim publik nga pala ukrainase.
    “A keni dëgjuar ndonjë përgjigje nga Kievi? Jo, as ne. A keni dëgjuar ndonjë kritikë ndaj Kievit për mosreagim ose për mosdëshirën për t’u përgjigjur? Jo”, theksoi Peskov, duke nënvizuar mungesën e presionit ndërkombëtar mbi udhëheqjen ukrainase.
    Më parë, fuqitë e mëdha evropiane mbështetën propozimin për një armëpushim 30-ditor pa kushte në Ukrainë, me marrëveshjen e Presidentit të SHBA-së Donald Trump, dhe kërcënuan Presidentin rus Vladimir Putin me sanksione të reja nëse ai nuk e pranon atë brenda ditëve të ardhshme.

    Top Channel

  • Zelensky: Rusia injoron propozimin për armëpushim, më shumë presion ndërkombëtar që të ndalë sulmet ndaj Ukrainës

    Zelensky: Rusia injoron propozimin për armëpushim, më shumë presion ndërkombëtar që të ndalë sulmet ndaj Ukrainës

    Presidenti ukrainas Volodymyr Zelensky ka përsëritur thirrjen e tij për rritjen e presionit ndërkombëtar mbi Rusinë, me qëllim që t’i japë fund sulmeve të vazhdueshme kundër Ukrainës, pas sulmit të ri rus në Odessa.
    Përmes postimit të tij në Telegram, ai theksoi se “për më shumë se 50 ditë, Rusia ka injoruar propozimin e SHBA-së për një armëpushim të plotë dhe pa kushte”.
    Rusia iu përgjigj të gjitha këtyre me bombardime dhe sulme të reja.

    “Kjo është arsyeja pse nevojitet një shtytje e fortë për diplomacinë, presioni i vazhdueshëm mbi Rusinë është i nevojshëm për ta detyruar atë të heshtë dhe të negociojë”, tha Zelensky.
    “Sa më efektive të jenë sanksionet, aq më shumë nxitje do të ketë Rusia për t’i dhënë fund luftës”.
    “Sa më të forta të jenë mbrojtja dhe Forcat e Mbrojtjes Ajrore të Ukrainës, aq më shumë jetë do të jemi në gjendje të shpëtojmë – dhe aq më shpejt do të jemi në gjendje të garantojmë siguri të qëndrueshme. Faleminderit të gjithëve në mbarë botën që po ndihmojnë”, përfundon Zelensky./vizionplus.tv

  • “Injorohet propozimi”/Zelensky: Moska u përgjigjet thirrjeve për paqe me bombardime!

    “Injorohet propozimi”/Zelensky: Moska u përgjigjet thirrjeve për paqe me bombardime!

    “Moska vazhdon të injorojë propozimin e SHBA-së për një armëpushim të plotë dhe pa kushte”. Kështu është shprehur Presidenti i Ukrainës, Zelensky ku ka bërë thirrje për sanksione më të ashpra kundër Rusisë.
    Gjithashtu, Zelensky tha se kishin kaluar 50 ditë që kur Uashingtoni paraqiti një plan paqeje, ndërkohë që dënoi sulmet e fundit me dronë rusë në Odesa dhe rajone të tjera.
    Nga ana e tij, presidenti rus Vladimir Putin ka propozuar një armëpushim tre-ditor javën e ardhshme, por ka hedhur poshtë sugjerimet për një zgjatje dhe nuk është pajtuar me propozimin e Trump për një armëpushim të menjëhershëm dhe pa kushte.
    “Për më shumë se 50 ditë, Rusia ka injoruar propozimin amerikan për një armëpushim të plotë dhe pa kushte. Ne kemi bërë gjithashtu propozime të tilla si ndalimi i sulmeve ndaj infrastrukturës civile dhe një heshtje e zgjatur në qiell, në det dhe në tokë. Rusia i përgjigjet të gjitha këtyre me bombardime të reja dhe sulme të reja”, theksoi ai.
     

  • Zelensky kërkon sanksione më të ashpra ndaj Rusisë: Duam paqe, Moska na përgjigjet me granatime dhe sulme të reja

    Zelensky kërkon sanksione më të ashpra ndaj Rusisë: Duam paqe, Moska na përgjigjet me granatime dhe sulme të reja

    Presidenti i Ukrainës, Volodymyr Zelensky, ka përsëritur thirrjen për sanksione më të rënda kundër Rusisë, duke akuzuar Kremlinin se po refuzon propozimin amerikan për një armëpushim të plotë dhe të pakushtëzuar, të paraqitur më shumë se 50 ditë më parë nga Uashingtoni.
    Në një deklaratë të fortë pas sulmeve me dronë në Odesa dhe në rajonet e Kievit, Sumy, Kropyvnytskyi, Kirovohrad, Kharkiv dhe Cherkasy, Zelensky dënoi vazhdimin e agresionit rus dhe tha se pavarësisht përpjekjeve për paqe, Moska nuk po tregon vullnet për ndalim të luftimeve.
    “Për më shumë se 50 ditë, Rusia ka injoruar propozimin amerikan për një armëpushim të plotë dhe të pakushtëzuar”, u shpreh Zelensky. Ai shtoi se Ukraina vetë ka bërë disa propozime për ulje të tensioneve, duke përfshirë ndalimin e sulmeve ndaj infrastrukturës civile dhe një “heshtje e zgjatur në qiell, në det dhe në tokë”, por se këtyre propozimeve Moska iu ka përgjigjur me sulme të reja dhe granatime.

    Ndërkohë, presidenti rus Vladimir Putin ka ofruar një armëpushim tre-ditor për javën e ardhshme, por ka refuzuar të diskutojë një zgjatje më të gjerë apo të pranojë propozimin e ish-presidentit amerikan Donald Trump për një armëpushim të menjëhershëm dhe të pakushtëzuar.
    Zelensky bëri thirrje për një presion të shtuar diplomatik dhe ndërkombëtar ndaj Rusisë që ta detyrojë të ulet në tryezën e bisedimeve dhe të ndalë luftën. Ai nuk komentoi mbi marrëveshjen e fundit për burime natyrore midis Kievit dhe Uashingtonit, e cila u nënshkrua së fundmi.
    /vizionplus.tv

  • Zëvendëskryeministrja e Ukrainës: Të gatshëm të negociojmë, jo të dorëzohemi

    Zëvendëskryeministrja e Ukrainës: Të gatshëm të negociojmë, jo të dorëzohemi

    Zëvendëskryeministrja e Ukrainës nuk ka rënë dakort me propozimin e paqes të presidentit amerikan Donald Trump.Yulia Svyrydenko ka thënë se Ukraina është “gati për të negociuar – por jo për t’u dorëzuar”.
    “Një armëpushim i plotë – në tokë, në ajër dhe në det – është hapi i parë i nevojshëm. Nëse Rusia zgjedh një pauzë të kufizuar, Ukraina do të përgjigjet në të njëjtën mënyrë.”, u shpreh ajo.Svyrydenko këmbënguli se Ukraina “nuk do ta njihte kurrë” pushtimin e Krimesë – diçka që SHBA ka thënë se do ta bënte në propozimin e saj.
    Një tjetër nga propozimet e Trump është ndalimi i Ukrainës nga anëtarësimi në NATO, me Svyrydenko që deklaron se vendi do të kërkojë “garanci detyruese sigurie” si rezultat.

  • Kryeparlamentari i ri, Haxhiu: Do të jem sërish unë e propozuar

    Kryeparlamentari i ri, Haxhiu: Do të jem sërish unë e propozuar

    Kosova E Shtunë, 19 Prill 2025 17:09
    Ish-ministrja e Drejtësisë, Albulena Haxhiu do të jetë sërish emri i propozuar për kryeparlamentare të Kosovës në seancën e të hënës. Këtë të shtunë dështoi dy herë të merrte 61 votat votat për këtë pozitë.
    Para mediave ajo deklaroi se opozita po e mban të bllokuar Kuvendin, pasi s’e mbështetën propozimin e Vetëvendosjes. Në dy votimet, Haxhiu mori vetëm 57 vota nga 61 që duhen për zgjedhjen e Kryeparlamentarit.

    ”Së pari më lejoni të falënderoj 57 deputetë që më mbështetën që të jem kryetare e Kuvendit, duhen edhe 4 vota. Pra, nga të gjithë deputetët, 61 duhet të jenë për. Siç e kuptuat, seanca u pezullua, brenda 48 orëve u thirr seanca e radhës. Kuvendi nuk konstituohet pa u zgjedhë kryetari dhe nënkryetarët.
    Ne ishim gati të vazhdojmë me procedurat e mëtejme, mirëpo duket që opozita po e mban të bllokuar Kuvendin sepse nuk e mbështeten propozimin e VV-së. I përket VV-së ta bëjnë propozimin e radhës, do të jetë emri i njëjtë”, tha ajo.

  • Hamasi refuzon propozimin izraelit për armëpushim

    Hamasi refuzon propozimin izraelit për armëpushim

    Hamasi ka refuzuar propozimin izraelit për një armëpushim gjashtë-javor në Gaza, i cili kërkonte që grupi i armatosur të heqë dorë nga armët, gjatë të cilit dhjetë pengje të gjalla dhe 16 pengje të vdekur do të lirohen. Lajmi është raportuar nga BBC-ja, duke cituar një “burim të lartë palestinez”.Në të njëjtën kohë, Hamasi njoftoi se një “njoftim i rëndësishëm” nga zëdhënësi ushtarak i Brigadave Izz ad-Din al-Qassam, Abu Obeida, do të publikohet së shpejti në kanalin e tij Telegram.
    Burimi raportoi se “propozimi izraelit, i transmetuar Hamasit nëpërmjet Egjiptit, përfshinte një thirrje të qartë për organizatën fondamentaliste që të çarmatoset, pa ndonjë angazhim izraelit për t’i dhënë fund luftës, ose për të tërhequr forcat IDF nga Rripi i Gazës, të cilat u kërkuan nga Hamasi”.Hamasi e hodhi poshtë tërësisht propozimin, ndërkohë që tha se kishte “humbur kontaktet” me grupin që mban peng izraelito-amerikanin Idan Alexander pas një sulmi IDF.
    Ky vendim i Hamasit vjen, ndërsa Izraeli vazhdon ofensivën e tij ushtarake në Gaza.
    Një roje sigurie u vra dhe nëntë persona të tjerë u plagosën në një sulm ajror në një spital fushor në Khan Younis, tha spitali. Forcat e Mbrojtjes të Izraelit (IDF) nuk komentuan menjëherë.
    Një agjenci e OKB-së ndërkohë paralajmëroi se “situata humanitare në Gaza është tani më e keqja që ka qenë në 18 muajt që nga shpërthimi i armiqësive”.

  • Hamasi pajtohet me propozimin e armëpushimit në Gazë nga ndërmjetësimet e Egjiptit dhe Katarit

    Hamasi pajtohet me propozimin e armëpushimit në Gazë nga ndërmjetësimet e Egjiptit dhe Katarit

    Grupi militant Hamas tha dje në mbrëmje se kishte pranuar propozimin e ri për armëpushim në Gazë nga ndërmjetësit e Egjiptit dhe Katarit, ndërsa shtoi se Izraeli kishte bërë një kundërpropozim në “koordinim të plotë” me ndërmjetësuesin e tretë, Shtetet e Bashkuara të Amerikës, sipas “Reuters”.
    Egjipti, në fillim të javës bëri një propozim për të rivendosur armëpushimin në rrugën e duhur, pas rifillimit të befasishëm të luftimeve nga Izraeli.

    Nuk ishte menjëherë e qartë nëse propozimi kishte ndryshuar përpara se Khalil al-Hayah, udhëheqësi i Hamasit në Gazë, të njoftonte se ishte rënë dakord.
    Në fillim të javës, një zyrtar egjiptian e përshkroi propozimin, duke thënë se Hamasi do të lironte pesë pengje të gjallë, duke përfshirë një amerikano-izraelit nga Gaza në këmbim që Izraeli të lejonte ndihmën në territor dhe një pauzë javore në luftime.
    Izraeli do të lironte qindra të burgosur palestinezë. Zyrtari foli në kushte anonimiteti pasi nuk ishte i autorizuar të informonte mediat për bisedimet me dyer të mbyllura.
    Zyra e kryeministrit izraelit, Benjamin Netanyahu nuk dha detaje rreth kundërpropozimit të Izraelit, i cili tha se ishte ofruar pasi Netanyahu kishte zhvilluar konsultime të premten.
    “Në orët e fundit, Izraeli ka paraqitur kundërpropozimin e tij ndërmjetësuesve në koordinim të plotë me SHBA-ne”, tha zyra e Netanyahut në një deklaratë.
    Izraeli, një javë e gjysmë më parë i dha fund armëpushimit me Hamasin duke nisur një valë të papritur sulmesh që shkaktoi vdekjen e qindra njerëzve.
    Shtëpia e Bardhë fajësoi Hamasin për ripërtëritjen e luftimeve. //a.i/ ATSH