Lajmidites.com

Tag: pronari

  • Grabitja kthehet në tragjedi/ Pronari italian i vilës qëllon tre hajdutët shqiptarë, njëri gjendet i vdekur tri ditë më pas, një tjetër në spital

    Grabitja kthehet në tragjedi/ Pronari italian i vilës qëllon tre hajdutët shqiptarë, njëri gjendet i vdekur tri ditë më pas, një tjetër në spital

    Trupi i pajetë i 25-vjeçarit shqiptar, i cili së bashku me dy bashkëpunëtorë të tjerë akuzohen se kishte marrë pjesë në një grabitje shtëpie në Foria di Centola, u gjet i pajetë mëngjesin e sotëm në Limazzo, San Severino di Centola në Itali.

    I riu ishte zhdukur për më shumë se 48 orë, pasi ishte përfshirë në një shkëmbim zjarri gjatë grabitjes. Kërkime intensive midis San Severinos dhe Forias: dronë dhe qen nuhatës gjithashtu ishin angazhuar në terren.

    Kërkimet ishin të koordinuara nga Karabinierët e Kompanisë Sapri.

    Gjithashtu, në vendngjarje ishin dhjetëra bashkatdhetarë të të riut dhe gruas së tij, të dy shqiptarë, të cilët kishin ruajtur zonën për orë të tëra me ankth në rritje.

    Vdekja me sa duket është shkaktuar nga një e shtënë me armë zjarri, e cila mund të jetë e armës së pronarit të vilës rreth orës 22:00 të së dielës në mbrëmje. Një pistoletë u rrëmbye në të njëjtën kohë, e cila mund të jetë përdorur gjatë konfliktit.

    Aktualisht është e paqartë se kush hapi zjarr i pari: hajdutët apo pronari, tani nën hetim së bashku me një nga bashkëpunëtorët e tij, i cili ndodhet aktualisht i shtruar në spitalin Cardarelli në Napoli me një plagë plumbi. Një person i tretë është ende i pagjetur.

    Do të kryhet një autopsi

    Trupi i 25-vjeçarit do t’i nënshtrohet një autopsi për të sqaruar shkaqet e sakta të vdekjes dhe trajektoren e mundshme të plumbit.

    Tensioni po rritet mes familjes dhe miqve të viktimës, të cilët janë mbledhur pranë vendit ku u gjet djali. Mes lotëve dhe akuzave, është ngritur thirrja për “drejtësi për djalin”, ndërsa policia po përpiqet të ruajë qetësinë dhe rendin publik.

  • Tritoli ndaj biznesit në Vlorë, flet pronari: S’e kuptoj pse ma bënë këtë dëm! S’kam konflikte…

    Tritoli ndaj biznesit në Vlorë, flet pronari: S’e kuptoj pse ma bënë këtë dëm! S’kam konflikte…

    Në një biznes në Vlorë mbrëmjen e djeshme u vendos një sasi lënde eksplozive tritol, duke shkaktuar dëme.
    Viktor Bezhani pronari i këtij biznesi jashtë kamerave shprehet se ka 30 vite që i shërben banorëve të Vlorës, që nga biçikleta deri tek motorët: “Nuk kam pas asnjë konflikt. Nuk e di pse ma kanë bërë këtë dëm”.
    Ndërkohë nga pamjet e dëmtimit të dritares duket që sasia e lëndës plasëse ka qenë e konsiderueshme, pasi betoni i dritares është dëmtuar shumë. Po ashtu dhe në brendësi të dyqanit ka dëme të konsiderueshme.
    Policia ka marrë kamerat e sigurisë së biznesit, por autori mesa duket e ka njohur mirë terrenin dhe zonën pasi lëndën plasëse e ka vendos në dritaren pas godinës së dyqanit ku nuk ka kamera sigurie.
    Policia po vijon hetimet për ngjarjen.

  • Tritol servisit të motorave në Vlorë, kamerat filmuan autorin e maskuar! Pronari: S’kam konflikte

    Tritol servisit të motorave në Vlorë, kamerat filmuan autorin e maskuar! Pronari: S’kam konflikte

    PAMJE NGA NGJARJA

    VLORË-Një shpërthim me eksploziv ka ndodhur mbrëmjen e djeshme në qytetin e Vlorës. Tritoli u vendos në dritaren e një servisi motorësh në pronësi të Vasillaq Bezhanit. Sipas informacioneve, në momentin e shpërthimit, nuk ka patur njeri në biznes dhe fatmirësisht nuk raportohet për të lënduar. Pronari i biznesit para hetuesve ka deklaruar se nuk ka konflikte me njeri.
    Njoftimi i policisë:
    Rreth orës 23:00, në lagjen “Bashkimi”, në dritaren e një servisi motorësh, në pronësi të shtetasit V. B., ka shpërthyer një sasi lënde e dyshuar plasëse, ku si pasojë janë shkaktuar vetëm dëme të vogla materiale.
    Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar./ZËRI

  • Durrës/ Jahti zhduket në mes të ditës, pronari bën denoncimin në Polici

    Durrës/ Jahti zhduket në mes të ditës, pronari bën denoncimin në Polici

    Pasditen e kësaj të hëne, në Drejtorinë e Policisë së Durrësit ka mbërritur një denoncim, ku pronari i një mjeti lundrues të ankoruar në Portin e Durrësit raportoi se jahti i tij nuk ndodhej më në vendin ku ishte lënë disa ditë më parë.
    Pronari i jahtit, në kallëzimin e tij pranë komisariatit të Policisë së Durrësit, ka deklaruar se rreth orës 14:00 ishte njoftuar se mjeti mungonte në vendin e ankorimit. Menjëherë ai ka vënë në dijeni Kapitenerinë e Portit, Policinë Kufitare dhe më pas ka paraqitur kallëzimin pranë komisariatit.
    Pas këtij njoftimi, institucionet janë vënë menjëherë në lëvizje. Vetëm pak minuta më pas, personat që kishin marrë jahtin në mënyrë të paautorizuar, janë rikthyer sërish në vendin ku mjeti ishte ankoruar, në tentativë për të dalë nga akuariumi i portit.
    Policia ka shoqëruar në komisariat personat e përfshirë, me qëllim sqarimin e rrethanave të ngjarjes. Ende nuk dihet se si këta persona kanë mundur ta ndezin jahtin, pasi çelësat e tij mbaheshin nga kapiteni Memet Ayhan Ulus.
    Burime nga policia bëjnë me dije se tre persona po merren aktualisht në pyetje për të zbardhur plotësisht të gjitha rrethanat e kësaj ngjarjeje të pazakontë.

  • Itali/ Tre shqiptarë shkuan për të vjedhur, por u zbuluan nga pronari! I zoti i shtëpisë qëllon me armë, plagos njërin prej tyre

    Itali/ Tre shqiptarë shkuan për të vjedhur, por u zbuluan nga pronari! I zoti i shtëpisë qëllon me armë, plagos njërin prej tyre

    Salerno, Itali – Një tentativë vjedhjeje përfundoi me gjakderdhe në fshatin San Severino, në provincën e Salernos.

    Sipas mediave italiane, tre shqiptarë tentuan të vidhnin një shtëpi mbrëmjen e djeshme, por u pikasën nga pronari.
    Ky i fundit qëlloi me armë ndaj tyre dhe plagosi njërin prej shqiptarëve.

    I plagosuri u dërgua në spital me urgjencë, ndërsa dy bashkëpunëtorët e tij arritën të arratisen.
    Sipas rindërtimit nga karabinierët, tre shqiptarët hynë me forcë në shtëpi. Pronari, pasi vuru re praninë e hajdutëve, rrëmbeu një armë që e mbante ligjërisht dhe qëlloi, duke plagosur njërin prej tyre.
    Policia po vijon hetimet për të zbardhur shkaqet e plota të ngjarjes si dhe vijon kërkimet për dy personat e arratisur./vizionplus.tv

  • Arrestohet pronari i karburantit/ Akuzohet se shiste lëndë hidrokarbure pa kuponë

  • Arrestohet pronari i karburantit në Tiranë, shiste lëndë hidrokarbure pa kuponë

    Arrestohet pronari i karburantit në Tiranë, shiste lëndë hidrokarbure pa kuponë

    Pronari i një karburanti në Paskuqan të Tiranës ka rënë në prangat e policisë, pasi akuzohet se shiste lëndë hidrokarbure pa kuponë.
    Blutë e Tiranës bëjnë me dije se policia ka bllokuar karburantin e shtetasit me iniciale B.M.
    “Gjatë operacionit u arrestua në flagrancë shtetasi B. M., 47 vjeç, pasi në karburantin që kishte në pronësi, në rrugën “Hasan Zylfia”, Paskuqan, shiteshin lëndë hidrokarbure, pa kuponë, për të cilat nuk disponoheshin as fatura blerjeje”, njofton policia.
    Njoftimi i policisë
    Tiranë/Finalizohet operacioni policor i koduar “Informaliteti”.Bllokohet një karburant në Paskuqan, në të cilin shiteshin hidrokarbure pa kuponë.
    Arrestohet pronari i subjektit, pasi nuk kishte as fatura blerjeje për lëndët hidrokarbure, të cilat dyshohet se i kishte kontrabanduar.
    Si rezultat i kontrolleve të kryera në bazë të informacioneve të siguruara nga inteligjenca policore, në bashkëpunim me Drejtorinë e Hetimit Doganor, Seksioni për Hetimin e Krimeve Ekonomiko-Financiare finalizoi operacionin policor të koduar “Informaliteti”.
    Gjatë operacionit u arrestua në flagrancë shtetasi B. M., 47 vjeç, pasi në karburantin që kishte në pronësi, në rrugën “Hasan Zylfia”, Paskuqan, shiteshin lëndë hidrokarbure, pa kuponë, për të cilat nuk disponoheshin as fatura blerjeje.
    Gjithashtu, u bllokua ky subjekt, deri në verifikimin e plotë të rastit.
    Materialet procedurale iu referuan Prokurorisë së Tiranës, për veprime të mëtejshme.

  • Plumbat drejt lokalit të Mond Vogës, autorët me kapuçë u larguan drejt pyllit, pronari “kyç” gojën para hetuesve

    Plumbat drejt lokalit të Mond Vogës, autorët me kapuçë u larguan drejt pyllit, pronari “kyç” gojën para hetuesve

    Lokali i Mond Vogës, që dikur ka qenë shofer i ish-prokurorit Arjan Ndoja, është sulmuar gjatë natës me breshëri plumbash nga persona ende të paidentifikuar. Ngjarjen e ka kallëzuar në polici vetë pronari i lokalit që ndodhet në Krastë të Krujës.

    Fatmirësisht si pasojë e të shtënave ka pasur vetëm dëme materiale.Lexo edhe :Related Posts
    Pronari i lokalit ka qëndruar i rezervuar gjatë marrjes në pyetje, pa dhënë detaje mbi autorët e mundshëm.

    Ndërkohë, burime pranë grupit hetimor bëjnë me dije se hetimet janë shtrirë në disa pista, për shkak të konflikteve të shumta që pronari ka pasur në të shkuarën.
    Një ndër pistat kryesore që po shqyrtohet lidhet me një konflikt për çështje pronësie, megjithatë nuk jepen ende detaje të plota.
    Autorët dyshohet se kanë dalë nga zona e pyllëzuar dhe kanë qëlluar në drejtim të lokalit, ndërsa mbanin kapuçë në kokë për të fshehur identitetin.
    Pas atentatit, ata janë larguar në këmbë në drejtim të pyllit, por nuk përjashtohet mundësia që më pas të jenë ndihmuar nga persona të tjerë për t’u larguar me automjet.
    Hetuesit po analizojnë pamjet e kamerave të sigurisë të bizneseve përreth, me qëllim identifikimin e autorëve.
    Kush është Mond Voga
    Voga është një personazh i njohur për policinë. Ai ka shërbyer si shofer i ish-prokurorit Arjan Ndoja, të cilit në vitin 2019 iu bë atentat duke qenë nën shoqërinë e Aleksandër Lahos, i njohur si Rumi i Shijakut.
    Në vitin 2017, Vogës i është vendosur një sasi eksplozivi në lokal. Ndërsa në vitin 2018 ai është akuzuar si  një nga personat që ka dhunuar avokatin Ilia Ilia në Durrës. Po ashtu, Voga është arrestuar në janar 2020 nga Policia e Tiranës për armëmbajtje pa leje, pasi udhëtonte me një mjet të blinduar dhe me fenelina. Ndërsa në çantë një armë zjarri pa leje, e tipit  TT./vizionplus.tv

  • SKANDALI- Arrestohet pronari i agjencisë së shërbimeve funerale në Maliq, vidhte pllakat e mermerit në varreza dhe i shiste

    SKANDALI- Arrestohet pronari i agjencisë së shërbimeve funerale në Maliq, vidhte pllakat e mermerit në varreza dhe i shiste

    FOTO ILUSTRUESE

    MALIQ-Një rast i rëndë dhe i paprecedentë është raportuar në Maliq, ku në pranga është vendosur pronari i agjencisë së shërbimeve funerale në zonë. Bëhet me dije se shtetasi B.M. akuzohet se në mënyrë sistematike ka vjedhur pllaka mermeri dhe graniti nga varrezat publike, të cilat më pas i dërgonte në punishten e tij për t’i ripunuar dhe shitur si materiale të reja.
    Hetimet kanë zbuluar se kjo veprimtari kriminale është kryer prej kohësh dhe ka shkaktuar dëme materiale dhe morale për familjarët e të ndjerëve.
    Materialet procedurale i kaluan Prokurorisë pranë Gjykatës së Shkallës së Parë Korçë, ndërsa hetimet vijojnë për të zbuluar nëse janë të përfshirë dhe persona të tjerë./ZËRI

  • Vd*kja e turistit, pronari u dha Jet Ski-në pa pasur patentë dhe s’i pajisi me jelekë

    Vd*kja e turistit, pronari u dha Jet Ski-në pa pasur patentë dhe s’i pajisi me jelekë