Lajmidites.com

Tag: pronari

  • Shpërthimi i tritolit në një biznes në Shkodër, flet pronari: S’kam konflikte me askënd, nuk e di kush e bëri

    Shpërthimi i tritolit në një biznes në Shkodër, flet pronari: S’kam konflikte me askënd, nuk e di kush e bëri

    Pronari i biznesit të reklamave në Shkodër, pranë të cilit u vendos një sasi tritoli mbrëmjen e së martës, Lulzim Mehmeti, ka dhënë dëshminë e tij para Policisë së Shkodrës.

    Ai deklaron se nuk ka pasur asnjë konflikt, kërcënim apo shqetësim që mund të lidhej me shpërthimin.
    “Nuk kam asnjë ide kush mund ta ketë vendosur eksplozivin. Nuk kam patur kurrë probleme me askënd, as kërcënime e as ndonjë konflikt tjetër. Ne operojmë prej vitesh në fushën e reklamave dhe marketingut në Shkodër dhe nuk e kuptoj arsyen pse dikush do të vendoste tritol pranë biznesit tim. Gjatë gjithë ditës kam qenë në shtëpi për shkak të një viroze. Nuk di kush mund të jenë autorët”, është shprehur Mehmeti përpara hetuesve.
    Policia dhe Prokuroria e Shkodrës kanë hapur një hetim të zgjeruar për zbardhjen e ngjarjes, e cila tronditi zonën e Ish-Fermentimit për shkak të zhurmës së fortë që u dëgjua, pavarësisht se sasia e lëndës plasëse nuk ishte shumë e madhe.
    Sipas burimeve policore, patrullat u njoftuan rreth orës 22:20, duke u nisur menjëherë drejt vendngjarjes. Forcat blu kanë sekuestruar kamerat e sigurisë, të cilat kanë kapur momentet e atentatit.
    Pamjet tregojnë dy persona shumë të rinj në moshë, të cilët afrohen me motor, vendosin eksplozivin pranë qepenave të lokalit dhe largohen me shpejtësi. Ata mbajnë veshje me kapuç dhe fytyrat e mbuluara, duke e bërë të vështirë identifikimin.
    Të dyshuarit janë larguar menjëherë pas shpërthimit në drejtim të njësisë Rrethina, në një zonë rurale ku mungojnë kamerat e sigurisë. Hetuesit dyshojnë se dy të rinjtë mund të jenë përdorur me pagesë për vendosjen e lëndës plasëse, ndërsa nuk përjashtohen pistat e konflikteve të të tjerëve që mund të kenë shënjestruar biznesin.
    Ngjarja mbetet ende e paqartë, ndërsa policia po vijon hetimet për identifikimin dhe kapjen e atentatorëve.

    Top Channel

  • Në prag të festave të fundvitit/ Sekuestrohen qindra fishekzjarrë në Tiranë! Zbulohet magazina, në pranga pronari

    Në prag të festave të fundvitit/ Sekuestrohen qindra fishekzjarrë në Tiranë! Zbulohet magazina, në pranga pronari

    Një magazinë e mbushur me fishekzjarrë është zbuluar në Tiranë, ndërsa do tregtoheshin në mënyrë të paligjshme për festat e fundvitit.
    Policia bëri me dije sot se në pranga ka rënë pronari i magazinës, 24-vjeçari me inicialet I.K., dhe po vijojnë hetimet për të zbardhur skemën dhe aktivitetin, nëse ka persona të tjerë të përfshirë.
    Aksioni është koduar “Fireworks” (Fishekzjarret), me qëllim ndalimin e përdorimit të lëndëve piroteknike, në kundërshtim me rregullat dhe me kriteret.
    “Konstatohet një magazinë në rrugën “Besim Fagu”, ku mbahej një sasi e madhe fishekzjarresh, me qëllim shitjen. Vihet në pranga pronari i magazinës. Sekuestrohen qindra fishekzjarre të modeleve të ndryshme, të paketuara në koli. Si rezultat i 40 kontrolleve intensive të kryera nga strukturat e DVP Tiranë, në zbatim të planit të masave me objekt kontrollet e subjekteve që shesin në mënyrë të paligjshme lëndë piroteknike/fishekzjarre, nga ana e shërbimeve të Policisë së Komisariatit Nr. 4, është konstatuar një magazinë në një garazh”, tha policia.

  • Gjenden qindra koli me mijëra fishekëzjarre, arrestohet pronari i magazinës

    Gjenden qindra koli me mijëra fishekëzjarre, arrestohet pronari i magazinës

    Policia e Tiranës ka finalizuar operacionin “Fireworks”, i fokusuar në ndalimin e përdorimit dhe shitjes së paligjshme të lëndëve piroteknike.
    Gjatë kontrolleve intensive, Policia e Tiranës konstatoi një magazinë të mbushur me fishekzjarre në rrugën “Besim Fagu”, ku u arrestua pronari, 24-vjeçari I. K. 
    Operacioni u zhvillua në kuadër të 40 kontrolleve të planifikuara ndaj subjekteve që dyshohen se shesin fishekzjarre në kundërshtim me rregullat. Në garazhin e përshtatur si magazinë, shërbimet e Komisariatit Nr. 4 gjetën qindra koli me mijëra fishekzjarre të modeleve dhe madhësive të ndryshme, të cilat u sekuestruan si prova materiale. 
     

  • Shpërthim gazi në një piceri, plagoset lehtë pronari i biznesit si dhe një punëtor

    Shpërthim gazi në një piceri, plagoset lehtë pronari i biznesit si dhe një punëtor

    Një shpërthim i fortë si pasojë e një rrjedhjeje gazi ka tronditur një kompleks pallatesh në afërsi të ish-parkut në Tiranë.
    Vetratat e picerinë kanë përfunduar përballë, te bizneset e tjera. Fatmirësisht nga shpërthimi nuk ka patur pasoja të rënda në njerëz, por pronari i biznesit dhe punëtori kanë mbetur të lënduar dhe janë dërguar menjëherë në spital.
    Piceria është ende e pahapur dhe pronari dhe punëtori ishin duke kryer ende punime. Pasi janë futur Brenda, ata nuk e kanë ndjerë erën e gazit si pasojë e një rrjedhjeje në një tub dhe pasi kanë nisur punën si zakonisht, një shkëndije elektrike ka bërë që ambient të përfshihet nga flakët. Ato kanë dalë deri në sheshin e jashtëm të pallatit, ndërkohë si pasojë e tronditjes janë dëmtuar dhe disa biznese të tjera.

    Fatmirësisht bombolat e gazit kanë qenë të instaluara një kat poshtë biznesit dhe rrjedhje ka patur vetëm një tub gazi ku ka ndodhur dhe shpërthimi.
    Sistemi i sigurisë ka parandaluar kalimin e zjarrit deri në depot e mëdha të gazit në katin e mëposhtëm duke shmangur kështu një tragjedi./vizionplus.tv

  • Shpërthen bombola e gazit në një piceri tek kompleksi Delijorgji, raportohet për persona të dëmtuar

    Shpërthen bombola e gazit në një piceri tek kompleksi Delijorgji, raportohet për persona të dëmtuar

    Një bombol gazi ka shpërthyer në një piceri në rrugën e Kavajës në kryeqytet të enjten.
    Burime bëjnë me dije se pronari i picerisë ka qenë duke instaluar bombolën e gazit në ambiente të brendshme, por ka pasur rrjedhje dhe ka shpërthyer në flakë.
    Si pasojë është dëmtuar lehtë pronari i picerisë, shtetasi Besmir Dyrmishi, 40 vjeç dhe punonjësi, Klejdi Bajrami, 28 vjeç të cilët janë transportuar për ndihmë mjekësore në spitalin e Traumës.

  • Shpërthimi i bombolës së gazit në një piceri në Tiranë, lëndohen pronari dhe punonjësi

    Shpërthimi i bombolës së gazit në një piceri në Tiranë, lëndohen pronari dhe punonjësi

    Një bombol gazi ka shpërthyer pranë ish-Parkut të Autobusëve në Tiranë.

    Gazetarja e Top Channel, Dorjana Bezat raporton se sipas informacioneve të deritanishme një person është lënduar.
    Mësohet se bombola ka shpërthyer në një piceri e re e cila ishte duke u hapur. Pronari, duke instaluar bombolën e gazit në ambiente të brendshme, ka pas rrjedhje dhe ka shpërthyer në flakë. Ai dhe punonjësi, shtetasi me iniciale K.B., 28 vjeç, kanë mbetur të lënduar.
    “Rreth orës 11:20, në Rrugën e Kavajës, te kompleksi “Delijorgji”, në një ambient aktualisht jofunksional, dyshohet se ka shpërthyer një bombol gazi.
    Si pasojë janë dëmtuar pronari i ambientit, shtetasi B. D., rreth 40 vjeç, dhe punonjësi i tij, shtetasi K. B., rreth 28 vjeç, të cilët po marrin ndihmë mjekësore në spital.
    Grupi hetimor ndodhet në vendngjarje dhe po punon për sqarimin e rrethanave të rastit.“, thuhet në njoftimin e policisë.

    Top Channel

  • Shpërthen bombola e gazit në një piceri te “Delijorgji”, lëndohet pronari dhe punonjësi

    Shpërthen bombola e gazit në një piceri te “Delijorgji”, lëndohet pronari dhe punonjësi

    delijorgji-tirane

    TIRANË- Një shpërthim ka ndodhur paraditen e sotme në një piceri në Tiranë, te ish-Parku i Autobusëve. Shpërthimi dyshohet se mund të jetë shkaktuar nga një bombol gazi. Sipas njoftimit të policisë, i plagosur ka mbetur pronari i ambientit dhe punonjësit i tij, të cilët po marrin ndihmë mjekësore në spital.
    Paraprakisht dyshohet se pronari ka qenë duke instaluar bombolën e gazit në ambiente të brendshme ku ka pas rrjedhje dhe ka shpërthyer në flakë. Polica ndodhet në vendngjarje, ndërkohë që nuk raportohet për të lënduar të tjerë, vetëm dëme materiale.
    Njoftimi:
    Tiranë/Informacion paraprak
    Rreth orës 11:20, në Rrugën e Kavajës, te kompleksi “Delijorgji”, në një ambient aktualisht jofunksional, dyshohet se ka shpërthyer një bombol gazi.
    Si pasojë janë dëmtuar pronari i ambientit, shtetasi B. D., rreth 40 vjeç, dhe punonjësi i tij, shtetasi K. B., rreth 28 vjeç, të cilët po marrin ndihmë mjekësore në spital.
    Grupi hetimor ndodhet në vendngjarje dhe po punon për sqarimin e rrethanave të rastit./ZËRI

  • U spiunua nga pronari, shqiptari 39-vjeçar kapet duke vjedhur në firmën e ndërtimit në Xhenova

    U spiunua nga pronari, shqiptari 39-vjeçar kapet duke vjedhur në firmën e ndërtimit në Xhenova

    Rreth orës 18:00 të së premtes, më 28 nëntor, pronari i një magazine në Via delle Fabbriche, në zonën Voltri të Xhenovës, njoftoi numrin 112 për praninë e një personi të dyshuar që kishte hyrë pa autorizim në ambientet e firmës së ndërtimit.

    Patrullat e policisë mbërritën menjëherë në vendngjarje dhe, falë sinjaleve të radios dhe monitorimit të kamerave të sigurisë në rrugët përreth, u informuan se i dyshuari kishte dalë nga dera e pasme duke thyer drynin e magazinës.

    Oficerët e lokalizuan dhe ndaluan menjëherë të dyshuarin, i cili kishte me vete një karrocë dore, një çantë dhe disa pako. Nga kontrolli rezultoi se ai kishte marrë vegla pune dhe sende të tjera të depozituara në magazinë, të cilat kapnin vlerën e rreth 2 mijë eurove. Midis tyre ishte edhe dryni i thyer.

    Pronari identifikoi të gjitha sendet e gjetura, të cilat u sekuestruan për hetime të mëtejshme, sipas raportimeve të mediave italiane.

    39-vjeçari, i cili ka pasur më parë dënime të tjera penale, u arrestua dhe u dërgua për seancën paraprake të ditës së sotme. Ai akuzohet për vjedhje, për marrjen e mallrave të vjedhura dhe për mbajtjen e objekteve të rrezikshme me potencial dëmtues.

  • “Skifteri” shqiptar kapet duke vjedhur firmën e ndërtimit/ Kamerat dhe pronari e spiunuan

    “Skifteri” shqiptar kapet duke vjedhur firmën e ndërtimit/ Kamerat dhe pronari e spiunuan

    Rreth orës 18:00 të së premtes së 28 nëntorit, pronari i një magazine të vendosur në Via delle Fabbriche në Voltri të Xhenovës në Itali, kontaktoi numrin 112 duke raportuar praninë e një hajduti të mundshëm brenda ambienteve të firmës.
    Makinat e patrullës, që mbërritën në vendngjarje, konfirmuan nga një sinjal radioje nga dhoma e operacioneve, e cila analizoi njëkohësisht imazhet nga kamerat në rrugët ngjitur, se autori i dyshuar i krimit ishte arratisur përmes një dere dytësore të vendosur në pjesën e pasme, duke thyer drynin që e mbante të mbyllur.
    Oficerët e kapën menjëherë, duke e gjetur me një karrocë, një çantë dhe disa pako. Një kontroll zbuloi se 39-vjeçari shqiptar sapo kishte vjedhur vegla pune dhe sende të tjera të gjetura në depo, përfshirë drynin e thyer, me një vlerë totale prej afërsisht dy mijë eurosh.
    I gjithë malli u identifikua nga pronari dhe u sekuestrua për hetime të mëtejshme, informon media italiane.
    39-vjeçari me dënime të shumta penale, u arrestua në pritje të seancës paraprake të sotme dhe u akuzua gjithashtu për pranimin e mallrave të vjedhura dhe mbajtjen e armëve, ose objekteve që kishin për qëllim të shkaktonin dëm.

  • “Strike Bet”/ Goditet një rast i aktivitetit të lojërave të fatit, arrestohet pronari i lokalit dhe kamerieri

    “Strike Bet”/ Goditet një rast i aktivitetit të lojërave të fatit, arrestohet pronari i lokalit dhe kamerieri

    Goditet një tjetër rast i ushtrimit të kundërligjshëm të aktivitetit të lojërave të fatit në Tiranë. Për pasojë janë arrestuar në flagrancë pronari dhe kamarieri i lokalit ku kryhej online kjo veprimtari e paligjshme.
    Në vijim të punës për evidentimin dhe goditjen e paligjshmërisë, specialistët e Seksionit për Hetimin e Krimit Kibernetik, në bashkëpunim me Forcën e Posaçme Operacionale, finalizuan operacionin policor të koduar “Strike Bet”, gjatë të cilit u konstatua një rast i organizimit të lojërave të fatit online, në kundërshtim me ligjin.
    Në përfundim të veprimeve procedurale, u arrestuan shtetasit:-E. K., 32 vjeç, pronari i lokalit;-I. Sh., 32 vjeç, kamarier në këtë subjekt.
    Gjatë kontrollit në ambientet e lokalit, në rrugën “Erzen Lita”, u gjetën dhe u sekuestruan 2 aparate celulare, të cilët dyshohet se përdoreshin për organizimin e lojërave të fatit online. Materialet procedurale i janë referuar Prokurorisë, për veprime të mëtejshme.