Lajmidites.com

Tag: progres

  • Rama dhe Gonzato konferencë të përbashkët sot në Kryeministri

    Rama dhe Gonzato konferencë të përbashkët sot në Kryeministri

    Silvio Gonzato-edi rama

    TIRANË- Kryeministri Edi Rama dhe Ambasadori i Bashkimit Europian në Shqipëri, Silvio Gonzato, do të mbajnë sot një konferencë të përbashkët për shtyp. Konferenca, e cila vjen një ditë pasi Bashkimi Europian publikoi progres-raportin për vendin tonë, do të mbahet në ambientet e Kryeministrisë, në orën 11:00.
    Nuk dihen më shumë detaje, ndërsa burime bëjnë me dije se Ambasadori i BE-së pritet t’i dorëzojë kryeministrit Rama progres-raportin e Komisionit Europian 2025. 
    Ditën e djeshme, BE publikoi progresi raportin për Shqipërinë për vitin 2025. Raporti vlerëson hapat e ndërmarra në procesin e negociatave nga vendi ynë, luftën kundër korrupsionit dhe zgjedhjet e 11 majit. Në raport, Shqipëria vlerësohet si vend që ka përparuar në hapat drejt integrimit me hapjen e grupeve negociuese dhe në përfitimet e Planit të Rritjes. Ndërkoë, raporti ka rreshtuar kritika dhe ka ngritur shqetësime në lidhje me median në Shqipëri. Progres-raporti ngre shqetësime serioze për mungesën e vetërregullimit, polarizimin e skajshëm dhe presionin ndaj gazetarëve, veçanërisht në mediat online. Gjithashtu, në raport thuhet se ndalimi i Tik Tok u arsyetua në pulik si masë për mbrojtjen e fëmijëve nga përmbajtja e dëmshme, ndërkohë që aktualisht aplikacioni është i aksesueshëm në gjithë Shqipërinë dhe nuk ka ndonjë njoftim zyrtar për heqjen e ndalimit nga qeveria./ZËRI

  • Progresi i vendeve të rajonit, Serbia më e kritikuara për korrupsionin nga ekspertët e BE

    Progresi i vendeve të rajonit, Serbia më e kritikuara për korrupsionin nga ekspertët e BE

    Rajoni E Martë, 4 Nëntor 2025 20:07
    Bashkimi Evropian pritet të heqë masat ndëshkuese ndaj Kosovës, pas rritjes së tensioneve në veri të vendit, të banuar me shumicë serbe. Lajmi u dha nga komisionerja për Zgjerim, Marta Kos nga Brukseli, pas prezantimit të progres-raportit për vendet kandidate për në BE, ku vlerësohej përparimi i Kosovës në disa fusha, përfshirë në luftën ndaj korrupsionit.
    Serbia është vendi i rajonit që ka shënuar përkeqësim në luftën ndaj korrupsion. Është ky shqetësimi që ngrihet në progres-raport, ku thuhet dhe se ”Reformat janë ngadalësuar ndjeshëm. Ka pakënaqësi nga qytetarët për shkak të korrupsionit, mungesës së llogaridhënies dhe presionit”. Qëndrimi i komisioneres Kos ndaj Beogradit ishte kritik.

    ”Sa i përket Serbisë, progres-raporti është kritik, sigurisht. Qeveria dhe Vuçiç na kanë premtuar se do arrijnë t’i përmbahen angazhimeve. Ne po presim që kjo të ndodhë në të ardhmen e afërt. Ne duhet të pranojmë që duhet të ketë një ritëm tjetër, në zbatimin e rekomandimeve që kanë të bëjnë me ligjin e ri elektoral”, shtoi Kos.

    Komisionerja Marta Kos kishte kritika dhe për Maqedoninë e Veriut, për të cilën tha se nuk ka ndërmarrë hapa vendimtarë për të përparuar në procesin e negociatave, por vlerësoi punën e Malit të Zi, duke e vlerësuar, ashtu si Shqipërisë, lider në procesin e anëtarësimit. ”Mali i Zi është më i avancuari dhe më i përgatituri drejt zgjerimit. Mali i Zi kërkon të përfundojë negociatat në fund të 2026-s. Së shpejti do të kemi lajme pozitive. Do kemi edhe një paketë financiare për Malin e Zi”.

  • Progres Raporti i BE, Spiropali: Rrugëtim i përbashkët drejt një jete më të mirë për çdo shqiptar

    Progres Raporti i BE, Spiropali: Rrugëtim i përbashkët drejt një jete më të mirë për çdo shqiptar

    Ministrja për Europën Elisa Spiropali ka reaguar pas publikimit të Progres Raportit të BE.
    Spiropali ka ndarë në rrjetet sociale pjesë nga fjala e komisioneres së zgjerimit të BE-së, Marta Kos, ku flet me nota pozitive për progresin e Shqipërisë.
    Ministrja e shoqëron videon me mbishkrimin: Ditë e mirë! Ky nuk është thjesht progres në letra, është një rrugëtim i përbashkët drejt një jete më të mirë për çdo shqiptar.

    Me Europën e vlerave, dhe të ardhmen në duar, Shqipëria do të ngjitet patjetër aty ku duhet.

    /vizionplus.tv
     

  • Progres Raporti pozitiv i BE për Shqipërinë, Spiropali: Rrugëtim i përbashkët drejt një jete më të mirë për çdo shqiptar

    Progres Raporti pozitiv i BE për Shqipërinë, Spiropali: Rrugëtim i përbashkët drejt një jete më të mirë për çdo shqiptar

    Ministrja për Europën Elisa Spropali ka reaguar pas publikimit të Progres Raportit të BE.

    Në një reagim në rrjetet sociale ajo shprehet se Shqipëria do të ngjitet patjetër aty ku duhet.
    “Ditë e mirë. Ky nuk është thjesht progres në letra, është një rrugëtim i përbashkët drejt një jete më të mirë për çdo shqiptar. Me Europën e vlerave, dhe të ardhmen në duar, Shqipëria do të ngjitet patjetër aty ku duhet”, shprehet ajo, teksa ka ndarë një pjesë nga fjala e komisioneres së zgjerimit të BE-së, Marta Kos, ku flet me nota pozitive për progresin e Shqipërisë.

    Top Channel

  • Kos jep lajmin e shumëpritur: Së shpejti BE mund të heqë sanksionet për Kosovën

    Në Bruksel janë dhënë sinjale se Bashkimi Evropian pritet të heqë së shpejti masat ndëshkuese ndaj Kosovës, të vendosura gjatë vitit 2023 pas përshkallëzimit të tensioneve në veriun e vendit. Komisionerja për Zhvillim, Marta Kos, ka vlerësuar se situata në Kosovë është përmirësuar ndjeshëm, veçanërisht pas zhvillimit të zgjedhjeve lokale që u konsideruan të qeta dhe të rregullta.
    Sipas saj, ky progres ka krijuar kushtet për rishikimin e sanksioneve dhe heqjen e tyre në një periudhë të afërt. Në lidhje me Serbinë, Kos ka bërë të ditur se progres-raporti përmban vërejtje të rëndësishme.
    “Përsa i përket masave ndëshkuese ndaj Kosovës në progress-raport, ne besojmë se mund t’i heqim këto masa sa më shpejt të jetë e mundur, pasi dhe zgjedhjet lokale u zhvilluan në mënyrë të qetë dhe normale.
    Sa i përket Serbisë, progres-raporti është kritik, sigurisht. Nga ana tjetër ne jemi në mënyrë konstante në komunikim me qeverinë, me presidentin Vuçiç. Ata na kanë premtuar se do arrijnë t’i përmbahen angazhimeve. Ne po presim që kjo të ndodhë në të ardhmen e afërt. Ka qenë një vit i vështirë për Serbinë sepse ka patur një proces ku u krijua një qeveri e re. Ne duhet të pranojmë që duhet të ketë një ritëm tjetër, në zbatimin e rekomandimeve që kanë të bëjnë me ligjin e ri elektoral”, tha Kos.

  • Progres-raporti i KE për integrimin, Kallas vlerësime për Shqipërinë: Dritarja është hapur

    Progres-raporti i KE për integrimin, Kallas vlerësime për Shqipërinë: Dritarja është hapur

    Bashkimi Evropian publikoi sot vlerësimet e tij për vendet kandidate, mes tyre Shqipërisë, duke vlerësuar progresin që ato po bëjnë në rrugën për t’u bërë anëtarë të unionit

    Kaya Kallas, shefja e diplomacisë evropiane, teksa prezantoheshin gjetjet e raportit të KE për integrimin e Shqipërisë në BE, theksoi se rruga është e gjatë.
    Ajo tha se Shqipëria ka bërë progres në rrugën e integrimit drejt BE-së.
    “Kjo dritare është hapur tani. Nuk ofrojmë rrugë të shkurtra. Ky është një qëllim realist. Komisionerja Kos do të japë detaje për secilin vend. Përgjithësisht janë opinione pozitive për Shqipërinë, Maqedoninë, Kosovën, dhe është negative për Gjeorgjinë.”, tha ajo.
     

    Top Channel

  • Shqipëria “nxënëse e dalluar” nga BE, Rama: Do të ulemi të barabartë në tryezën europiane

    Shqipëria “nxënëse e dalluar” nga BE, Rama: Do të ulemi të barabartë në tryezën europiane

    edi rama

    TIRANË- Kryeministri Edi Rama ka reaguar pas deklaratës së Komisioneres për Zgjerim në Komisionin për Punë të Jashtme, Marta Kos. Gjatë prezantimit të progres-raportit për vendet kandidate për vitin 2025, Kos ka vlerësuar Shqipërinë si një nga vendet me përparimin më të dukshëm në procesin e integrimit evropian. Në një reagim në platformën X, kreu i qeverisë shqiptare shprehet optimist se do të bëhet e mundur që Shqipëria të ulet e barabartë në tryezën e BE
    “Po, e bëmë! Dhe do të bëjmë gjithçka që duhet për t’u ulur më në fund si të barabartë rreth tryezës së BE-së. Le të vazhdojmë, të ecim përpara, së bashku.”, shkruan Rama. 

    Yes, ëe did! And ëe ëill do ëhatever it takes to finally sit as equals around the EU table. Let’s keep going, fast forëard, together???????????????????? pic.tëitter.com/3ylIzzarJU
    — Edi Rama (@ediramaal) November 4, 2025

    Komisionerja për Fqinjësinë dhe Zgjerimin në Bashkimin Evropian, Marta Kos, gjatë prezantimit të progres-raportit për vendet kandidate për vitin 2025, ka vlerësuar Shqipërinë si një nga vendet me përparimin më të dukshëm në procesin e integrimit evropian. Sipas Kos, Shqipëria, Moldavia dhe Ukraina janë vendet me progresin më të lartë, ndërsa veçon Malin e Zi, si vendi më i përgatitur. 
    “Shqipëria ka arritur një progres të admirueshëm që nga konferenca e parë qeveritare, të tjerë grupkapituj janë hapur gjatë këtij viti dhe në nëntor hapet grupkapitulli i fundit. Shqipëria po bën progres në grupkapitullin e themeloreve dhe besoj do ta mbyllin deri në fund të këtij vitit. Viti 2025 ishte një vit i mirë me vendet kandidate. Progres shumë domethënës janë bërë nga vende si Mali i Zi, Shqipëria, Moldavia dhe Ukraina. Kjo tregon se reformat gjithmonë të shpërblejnë. Mali i Zi më i avancuari, dhe më i përgatituri drejt zgjerimit.”, tha Kos.

    Më herët u publikuar dhe dokumeti i progres-raportit për Shqipërinë. Në raport vlerësoheshin hapat e ndërmarra në procesin e negociatave nga vendi ynë, luftën kundër korrupsionit dhe zgjedhjet e 11 majit./ZËRI

  • Picula i tërheq vëmendjen Serbisë për Kosovën: Ka rëndësi nëse doni të integroheni në BE!

    Picula i tërheq vëmendjen Serbisë për Kosovën: Ka rëndësi nëse doni të integroheni në BE!

    Raportuesi i Parlamentit Evropian për Serbinë, Tonino Picula, gjatë prezantimit të progres-raportit të vendeve kandidate për në BE, deklaroi se Beogradi duhet të tregojë vullnet të sinqertë politik për të avancuar në procesin e integrimit evropian. 
    “Unë e kam analizuar progres-raportin i cili konfirmon atë që ne kemi thënë prej kohësh sa i përket vullnetit që duhet të shfaqë lidershipi politik në Serbi. Reformat nuk duhen premtuar, pro duhen zbatuar në praktikë. Sidomos në lirinë e medias.”, tha Picula. 
    Ai shtoi: “Shikojmë që keqinformimi ka zënë vend në Serbi”. Raportuesi theksoi rëndësinë e luftës kundër keqinformimit, i cili sipas tij ka zënë vend në Serbi dhe ka ndikuar në humbjen e besueshmërisë në Bashkimin Evropian. 
    “Përputhshmëria me BE në politikën e jashtme mbetet një kërkesë e vazhdueshme; autoritetet serbe duhet të jenë në përputhje me kërkesat e BE-së,” shtoi ai. 
    Picula i tërhoqi gjithashtu vëmendjen Serbisë në lidhje me dialogun me Kosovën, duke e konsideruar si një komponent kyç për përparimin në procesin e integrimit. 
    “Edhe dialogu me Kosovën ka rëndësi në këtë drejtim. Në përfundim, mesazhi im për autoritetet serbe është që të dëshmojnë progres real në këtë drejtim, të heqin dorë nga intimidimi i kundërshtarëve politikë dhe të krijojnë mundësi për zgjedhje të lira dhe të ndershme, duke hapur kështu shoqërinë serbe,” përfundoi Picula. 

  • Progres-raporti vlerëson reformat: SPAK me rekorde kundër korrupsionit, kujdes polarizimin politik

    Progres-raporti vlerëson reformat: SPAK me rekorde kundër korrupsionit, kujdes polarizimin politik

    Shqipëria ka bërë përparime në disa sektorë gjatë këtij viti, vlerëson Bashkimi Europian. Duke e cilësuar si një kohë të përshtatshme për të vijuar me procesin e negociatave dhe mbylljen e grupkapitujve, në dokumentin e progres-raportit për vitin 2025, kryefjalë mbetet reforma në drejtësi e cila është parë pozitivisht edhe këtë vit.
    BE vendos nota të larta ndaj punës së SPAK duke theksuar se ka përparuar qartë në luftën kundër korrupsionit.Lexo edhe :Related Posts
    Komisioni Europian: Struktura e Posaçme Kundër Korrupsionit dhe Krimit të Organizuar ka forcuar rezultatet e saj pozitive dhe ka krijuar një rekord solid në ndjekjen e korrupsionit në nivele të larta, përfshirë rastet me zyrtarë dhe politikanë të rëndësishëm. Megjithatë, korrupsioni mbetet i përhapur në sektorë të ndjeshëm. Kuadri institucional për parandalimin e korrupsionit ka ndikim të kufizuar.  Rekomandohet që kontrolli i deklarimeve të pasurisë të bëhet më efektiv dhe transparent, dhe deklaratat e personave politikisht të ekspozuar  të publikohen online.

    Rekomandimet e unionit shkojnë më tej, duke kërkuar nga vendi ynë që të përshpejtohen reformat në mënyrë që të zgjidhen dhe problematikat që mund të vijnë nga sistemi i gjyqësorit.
    Komisioni Europian: Shqipëria të përshpejtojë reformat në sundimin e ligjit. Cilësia e drejtësisë pengohet nga mungesa e mjaftueshme e magjistratëve dhe nga vonimi në zbatimin e plotë të sistemit elektronik të menaxhimit të çështjeve, që pritet të përfundojë vetëm në 2030, një afat që konsiderohet “dëmprurës”.
    Ashtu si raporti i OSBE-ODIHR, edhe BE e ka cilësuar polarizimin politik si një çështje e cila mund të cënojë në të ardhmen vendimet demokratike.
    Komisioni Europian: Zgjedhjet parlamentare të 11 majit 2025 u vlerësuan si konkurruese dhe profesionale nga OSBE/ODIHR, por me mungesë të “fushës së barabartë” dhe abuzim me burimet publike.  Polarizimi politik mbetet i lartë, parlamenti ka mungesë mbikëqyrjeje ndaj ekzekutivit dhe vendimmarrja shpesh anashkalon konsultimet publike.
    BE nuk i kurseu vlerësimet edhe sa i përket rritjes ekonomike, teksa ulja e inflacionit u cilësua si një punë e mirë. Megjithatë pati një qasje kritike ndaj investimeve publike.
    Komisioni Europian: Ekonomia shqiptare ka ruajtur rritje të fortë të nxitur nga turizmi dhe konsumi i brendshëm. Inflacioni u ul nën objektivin e Bankës së Shqipërisë dhe borxhi publik vazhdoi të bjerë.  Megjithatë, të ardhurat buxhetore janë të ulëta dhe investimet publike shpesh nuk realizohen plotësisht.
    Ndërkaq në progres raport, Shqipëria mori nota të larta në drejtësi, energji dhe politikë të jashtme. Notat mesatare u vunë në sektorin e administratës publike ku kërkohet më tepër angazhim në punësimin e profesionistëve dhe në mjedis ku u kritikuat menaxhimi i mbetjeve./vizionplus.tv

  • Integrimi në BE| Marta Kos: Shqipëria ka bërë një progres të admirueshëm, Mali i Zi vendi më i realizuar…

    Integrimi në BE| Marta Kos: Shqipëria ka bërë një progres të admirueshëm, Mali i Zi vendi më i realizuar…

    Komisionerja për Fqinjësinë dhe Zgjerimin në Bashkimin Evropian, Marta Kos, gjatë prezantimit të progres-raportit për vendet kandidate për vitin 2025, ka vlerësuar Shqipërinë si një nga vendet me përparimin më të dukshëm në procesin e integrimit evropian.
    “Shqipëria ka arritur një progres të admirueshëm që nga konferenca e parë qeveritare, të tjerë grupkapituj janë hapur gjatë këtij viti dhe në nëntor hapet grupkapitulli i fundit. Shqipëria po bën progres në grupkapitullin e themeloreve dhe besoj do ta mbyllin deri në fund të këtij vitit.”, tha Kos për Shqipërinë.
    Ndërsa sa i përket Malit të Zi, tha se është “vendi më i realizuar” në këtë drejtim, por “mbeten ende përpara disa reforma për t’u realizuar”.
    Gjatë fjalës së saj, Kos komentoi edhe situatën në vendet e tjera kandidate në Ballkan dhe më gjerë.
    Ajo vuri në dukje se në Serbi reformat janë ngadalësuar ndjeshëm, veçanërisht në çështjet themelore si drejtësia, liria e medias dhe të drejtën për shprehje. “Serbia ka arritur vetëm 62% të kritereve të BE-së. Duhet të punojë më shumë dhe të eliminojë retorikën kundër shteteve anëtare”, theksoi Kos.
    Sa i përket Bosnjës dhe Hercegovinës, komisionerja nënvizoi se vendi ka pasur një periudhë të vështirë, dhe reformat ekonomike janë ngadalësuar për shkak të zhvillimeve në Republikën Serbe.
    Ndërsa Maqedonia e Veriut dhe Kosova kanë treguar përkushtim në zbatimin e reformave, Turqia vazhdon të punojë për të forcuar të drejtat e njeriut dhe bashkëpunimin rajonal. Në anën tjetër, Gjeorgjia, sipas Komisioneres, ka regjistruar një ngadalësim të dukshëm në përmbushjen e lirive themelore dhe reformave ligjore.
    “Në Gjeorgji, situata është bllokuar së fundmi, me një situatë bllokimi. Ne kemi pasur kthim prapa sa i përket lirive themelore dhe autoriteteve ligjore. Gjeorgjia është vend kandidat vetëm në emër, pasi s’ka realizuar asgjë.”, tha Kos.
    Marta Kos përfundoi duke theksuar se procesi i zgjerimit të BE-së mund të arrijë sukses vetëm nëse reformat zbatohen me cilësi të lartë dhe në përputhje me standardet demokratike.
    “Procesi i zgjerimit mund të arrijë sukses vetëm nëse arrijmë cilësinë e duhur të reformave.”, shtoi ajo.
    Kos shprehu optimizëm për perspektivën e ardhshme të rajonit, duke theksuar mundësinë e përgatitjes së një traktati të zgjerimit nëse Mali i Zi vazhdon progresin e tij.