Lajmidites.com

Tag: profesori

  • U vra nga studentja/ Zbardhet pas 17 vitesh e vërteta e zhdukjes së profesorit…

    U vra nga studentja/ Zbardhet pas 17 vitesh e vërteta e zhdukjes së profesorit…

    Një nga rastet më tronditëse të viteve të fundit në Turqi është rishfaqur pas pothuajse dy dekadash heshtjeje, duke zbuluar një krim që ishte varrosur në kuptimin e mirëfilltë dhe figurativ. 
    Profesori 51-vjeçar i matematikës, Hikmet Akçay, i cili ishte zhdukur në mënyrë misterioze në vitin 2006 në Stamboll, dyshohet se është vrarë nga ish-studentja tij dhe tre bashkëpunëtorë, në një mjedis plot obsesion, kërcënime, pasione dhe një përpjekje për të zhdukur plotësisht provat. 
    Çështja u zgjidh vetëm pesë muaj para se të skadonte afati i parashkrimit të krimit, kur Drejtoria e Personave të Zhdukur e Departamentit të Policisë së Stambollit, pas urdhrave të Shefit Selami Yildiz, nxori në pah dosjet e vjetra të çështjeve që ishin klasifikuar si të pazgjidhura për vite me radhë. 
    Hikmet Akçay u raportua i zhdukur më 2 maj 2006 nga vëllai i tij Ismet, i cili tha se nuk kishte dëgjuar prej tij për ditë të tëra dhe kishte frikë për jetën e tij. 
    Pavarësisht hetimeve fillestare në atë kohë, çështja mbeti e bllokuar, ndërsa një trup i djegur i gjetur në zonën e Silivri nuk u identifikua dhe përfundimisht u varros në një varrezë të panjohur. 
    Një rishqyrtim modern i provave ndryshoi gjithçka, policia gjurmoi kontaktet e viktimës me Esin B., nxënësen e tij kur ajo ishte në shkollë të mesme, me të cilën ai kishte mbajtur një marrëdhënie të ngushtë dhe problematike për vite me radhë. 
    Esin B., tani 42 vjeç, e cila punon për organizatën sportive të Bashkisë së Stambollit, u zbulua se kishte mbajtur kontakt me profesorin edhe pasi ai arriti moshën madhore dhe hyri në universitet. 
    Ajo vizitoi shtëpinë e tij, mori ndihmë financiare dhe ata mbajtën komunikim të shpeshtë, gjë që ngjalli dyshime tek autoritetet. 
    Të dhënat e telekomunikacionit treguan se ditën që telefoni celular i Akçay-t u çaktivizua, më 27 prill 2006, katër persona po lëviznin në koordinim: Esin B., profesori i kimisë Erdogan Y., shoqja e saj Zemçi S. dhe i afërmi Hakan D. 
    Në një operacion të koordinuar në shkallë të gjerë, të kryer në Ditën e Mësuesit, më 24 nëntor, forcat speciale arrestuan katër të dyshuarit në Stamboll dhe Gaziantep. Ata fillimisht mohuan çdo përfshirje, por nën peshën e provave, deklaratat e tyre zbuluan një të vërtetë të papërpunuar dhe rrëqethëse. 
    Sipas rrëfimit të Esin B., Hikmet Akçay u tërbua kur mësoi se ajo kishte një aferë me profesorin e martuar të kimisë, Erdogan G. 
    Siç pretendoi ajo, Akçay e kërcënoi se do t’ia zbulonte aferën familjes së saj dhe gruas së profesorit, gjë që krijoi një atmosferë shpërthyese. 
    Tensioni arriti kulmin ditën e krimit, kur ata u takuan në Kocaeli. Pas një debati të ashpër, ata shkuan në shtëpinë e saj, ku shpërtheu një tjetër përballje. 
    Ajo pretendoi se profesori u përpoq ta mbyste dhe më pas, në gjendje paniku, rrëmbeu një thikë dhe e plagosi për vdekje. 
    Në vend që të njoftonte autoritetet, Esin B. telefonoi shoqen e saj Zemçi S., e cila nxitoi në shtëpi dhe së bashku vendosën ta asgjësonin trupin. Më vonë u njoftua edhe Erdogan G., i cili luajti një rol vendimtar në transportimin e tij. 
    Trupi u vendos në një valixhe të kuqe dhe u transportua me makinë nga Kocaeli në Silivri. Në një zonë rurale, atij iu spërkat benzinë dhe iu vu flaka, në një përpjekje të tmerrshme për të zhdukur të gjitha gjurmët. 
    Pas krimit, autorët u rikthyen në jetën e tyre të përditshme, duke monitoruar në mënyrë diskrete zhvillimet përmes kabinave telefonike dhe duke shmangur çdo lidhje me incidentin. 
    Trupi i djegur u gjet më pas, por pa identifikim, i varrosur në një varr të panjohur. 
    Kasetat e vjetra të gjetura në shtëpinë e viktimës rezultuan thelbësore. Me ndihmën e teknologjisë moderne, policia amplifikoi audion dhe zbuloi bisedat në të cilat Akçay kërcënonte Esin B., duke konfirmuar kontekstin e tensionuar dhe shantazhues të marrëdhënies së tyre. 
    Katër të pandehurit u nxorën para drejtësisë dhe u lanë në paraburgim, ndërsa pritet që çështja të vazhdojë në gjykatë, duke hedhur dritë mbi një krim që ishte mbuluar nga heshtja dhe koha për vite me radhë. 
    Ky rast vërteton se, edhe kur e vërteta duket e varrosur, ajo në një moment kthehet për të kërkuar hakmarrje. 

  • Mos lejo që një shitës rrepe të përcaktojë vlerën tënde

    Mos lejo që një shitës rrepe të përcaktojë vlerën tënde

    Foto ilustrim

    Në qytetin e Samarrës, Irak, i cili ndodhet në veri të Bagdadit, jetonte një pedagog, Ebul Hasen, një nga intelektualët e rrallë të Irakut. Mes shumë studentëve, ai kishte dhe një student të varfër dhe nevojtar, por shumë të zgjuar dhe ambicioz.Një ditë të vështirë, studenti vajti të blejë diçka për të ngrënë. Me vete kishte vetëm 150 cent, ndërkohë që një vakt ngrënie me rrepë kushtonte 200 centë. Me njëqind centë ai bleu një bukë dhe me pjesën e mbetur vajti të blejë ca rrepë. Iu afrua një shitësi dhe i tha: “Kam vetëm pesëdhjetë cent.”Shitësi iu përgjigj: “Por një racion rrepë kushton njëqind.”Student i tha: “Do të të tregoj diçka rreth shkencës në këmbim të pesëdhjetë centëve.”Shitësi iu përgjigj me ironi: “Nëse shkenca jote do të të kishte bërë dobi, do ta kishe fituar me djersë atë 50 centsh e s’do të vije tek unë. Tani shko fute në një gotë me ujë atë shkencën tënde dhe pije në vend të rrepës!”Fjalët e shitësit i ranë si shpatë e mprehtë studentit, i cili me vete tha: “Po, e vërtetë, nëse do më bënte dobi shkenca që studioj, do t’i kisha siguruar paratë e ushqimit, por kam dhjetë vite studime dhe as një 50 centsh se siguroj dot. Do të heq dorë nga studimet e larta.”Pas disa ditësh mungesë, pedagogu u interesua për studentin e tij ambicioz dhe fisnik. Studentët e tjerë i treguan se ai i kishte lënë studimet dhe kishte filluar punë për të përballuar jetesën e vështirë.Profesori e mori adresën e studentit të tij dhe i vajti në shtëpi. Pasi e gjeti dhe hyri brenda, e pyeti përse kishte vendosur të heqë dorë nga studimet.Student ia rrëfeu fije për pe historinë me shitësin e rrepës, ndërkohë që lotët i rridhinin faqeve çurg.Pedagogu, pasi e dëgjoi i tha: “Nëse të duhen para, merre unazën time dhe shite, me ato para plotëso nevojat e tua.” Studenti iu përgjigj: “E urrej shkencën dhe dijen sepse nuk më kanë sjellë asnjë dobi material.”Nën presionin e nevojës dhe nën insistimin e profesorit, studenti e pranoi unazën dhe vajti tek argjendari ta shesë. Me ta parë, argjendari e pyeti: “Ku e ke marrë këtë unazë?”“Ma ka dhuruar profesori im, Ebul Hasen”, iu përgjig.Argjendari dyshoi dhe mori studentin dhe të dy vajtën tek pedagogu në fjalë, i cili e siguroi se ia kishte dhënë ai.Mandej, argjendari e vlerësoi unazën dhe i dha paratë sipas vlerës.Të nesërmen u takuan dhe profesori e pyeti: “Ku vajte për ta vlerësuar dhe shitur unazën?”Studenti:”Tek argjendari.”Profesori: “Përse vajte tek argjendari dhe jo tek shitësi i rrepës?”Student: “Sepse vetëm atje e dinë vlerën e vërtetë të arit dhe sendeve të çmuara.”Profesori: “Po përse pranove që dijen tënde ta vlerësojë shitësi i rrepëve dhe të të thotë se çfarë ke mësuar e mëson nuk vlen fare? Dijen tënde nuk e vlerëson veçse një i ditur dhe ti je nga studentët e mi më të ditur. Kurrë mos lejo që ta përcaktojë vlerën tënde akademike dikush që s’të njeh dhe se vlerëson dijen. Njerëzit janë si metalet dhe metalet e shtrenjtë nuk i vlerëson dot kush veçse një argjendar. Prandaj, kthehu sërish në auditor dhe vazhdo studimet!”

    Perktheu nga arabishtja: Elmaz Fida

    ObserverKult

    Lexo edhe:

    KUR MÁRQUEZ FLISTE PËR ROMANIN “NJËQIND VJET VETMI”: TËRË FRIKË PYETA SE ÇFARË DREQIN DO TË VINTE MË PAS…

  • Një fjalor me sharje dhe mallkime, Edmond Tupja sjell librin e tij të fundit në Panairin e Librit: Ja përse vendosa ta botoj

    Një fjalor me sharje dhe mallkime, Edmond Tupja sjell librin e tij të fundit në Panairin e Librit: Ja përse vendosa ta botoj

    Me nisjen e Panairit të Librit në Tiranë, një nga zërat më të njohur të gjuhësisë shqiptare, profesori Edmond Tupja, ishte i ftuar në studion e News24, ku foli për botimin e tij më të fundit, një vepër unike që rendit dhe analizon sharjet dhe mallkimet në gjuhën shqipe.

    Profesori Tupja, i njohur për kontributin e tij në fushën e leksikologjisë dhe për qasjen e drejtpërdrejtë ndaj fenomenit gjuhësor, theksoi se edhe fjalët e forta, pavarësisht kontekstit, janë pasqyrim i realitetit të gjuhës dhe kulturës popullore shqiptare.

    “Fjalorët duhet të pasqyrojnë shprehjet që përdoren, dhe ndër më të përdorurat janë sharjet e mallkimet. Më duhet të përgëzoj autorët e fjalorëve dhe leksikologët për punën e tyre, sepse në të gjithë fjalorët që kam konsultuar për këtë botim, kam gjetur sharje dhe mallkime,” u shpreh Tupja.

    Ai shtoi se pavarësisht se disa prej tyre janë vulgare apo rrugaçe, ato përbëjnë një pjesë të pandarë të gjuhës së folur dhe nuk duhet të fshihen nga studimet gjuhësore.

    “Ka sharje që nuk figurojnë, ato më vulgaret, që dalin nga goja e rrugaçëve, por janë gjithsesi pasuri e gjuhës. Në të gjitha gjuhët e tjera, sharjet ekzistojnë sepse përdoren. Fjalori duhet të pasqyrojë dhe shpjegojë fjalët, që t’i dimë dhe t’i përdorim me kujdes, sepse njeriu edhe shpërthen dhe shan, këto janë fjalë që ekzistojnë,” shtoi profesori.

    Për më shumë klikoni në videon më poshtë:

    ObserverKult

    Lexo edhe:

    LETRA PREKËSE QË EDMOND TUPJA IA KUSHTOI TË BIRIT AUTIK: TË KËRKOJ TË FALUR…

  • U lirua nga qelia, flet profesori italian që u përfshi në aksident: Makthi ka mbaruar, u ktheva te…

    U lirua nga qelia, flet profesori italian që u përfshi në aksident: Makthi ka mbaruar, u ktheva te…

    Profesori italian Michele D’Angelo, pedagog i Biologjisë në Universitetin e L’Aquila-s, u rikthye në Itali pasi u lirua kundrejt garancisë 15 mijë euro. Ai flet për herë të parë pas lirimit dhe për aksidentin ku u përfshi në autostradën Levan-Fier, ku një 17-vjeçar shqiptar mbeti i vdekur. 
    “Po, e pranoj, kam pasur frikë. Sidomos në ditët e para, kur gjithçka ishte e pasigurt dhe nuk kuptohej se çfarë drejtimi do të merrte çështja. Pyesja veten nëse do të më duhej të qëndroja atje me muaj, ndoshta me vite. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi”, shprehet ai në një intervistë për median italiane La Repubblica. 
    Tani është me bashkëshorten, Vanessa Castelli, mes maceve dhe librave të tij, ndërsa do të kthehet edhe mes studentëve. Michele D’Angelo u mbajt në burg për 75 ditë, pasi më 10 gusht u përfshi në një aksident ku fillimisht mbetën të plagosur 4 persona. Vetëm 3 ditë pas aksidentit, një 17-vjeçar nuk u mbijetoi dot plagëve dhe u nda nga jeta në spital. Për median italiane profesori shprehet se çdo ditë ka menduar për familjen e atij djali dhe boshllëkun me të cilin duhet të përballen. 
    Ndërsa, qëndrimin e tij në paraburgim për një kohë kaq të gjatë e sheh si një masë të tepërt. 
    “Një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt”, thotë profesori italian. 
    Profesori u arrestua për 3 vepra penale “Shkelja e rregullave të qarkullimit rrugor” dhe “Largimi nga vendi i aksidentit”. Pas lirimit kundrejt garancisë, profesori italian do duhet të vijë të premten e fundit të çdo muaji në vendin tonë për të zbatuar edhe masën e detyrim paraqitjes. 
    Intervista e plotë për La Repubblica 
    Profesor D’Angelo, si kanë qenë këto dy muaj e gjysmë në qeli në Shqipëri? 
    Michele D’Angelo: Është e vështirë t’i përtypësh të gjitha. Kanë qenë ditë të gjata, të ngarkuara, gjatë të cilave më është dashur të përballem me vetveten, me vetminë, me dhimbjen për atë që ndodhi. Çdo ditë mbartte me vete një peshë emocionale të jashtëzakonshme dhe vetëm tani, duke u kthyer në shtëpi, arrij të marr frymë me të vërtetë. 
    Arrestimi juaj u duk i tepruar në krahasim me akuzat që ju janë bërë. A keni gjetur ndonjë shpjegim? 
    Michele D’Angelo: Burgu, një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi. 
    Në atë aksident, fatkeqësisht, humbi jetën një djalë i ri. Doni t’i thoni diçka familjes së tij? 
    Michele D’Angelo: Po, dhe e them me respekt dhe dhimbje të thellë. Çdo ditë kam menduar për familjen e atij djali, për humbjen e tyre, për boshllëkun me të cilin duhet të përballen. 
    Si erdhi lirimi juaj? Çfarë do të ndodhë tani, procesi do të zhvillohet në Itali apo do t’ju duhet të ktheheni në Shqipëri si person i lirë? 
    Michele D’Angelo: Lirimi erdhi pasi gjykatësi shqiptar pranoi garancinë: 15 mijë euro për lirinë. Por e di se duhet të falënderoj punën e palodhur të Farnesinës, të ambasadës, të konsullatës, të avokatit dhe vlerësimin e gjykatësit që njohu sjelljen time bashkëpunuese. Hetimet dhe ekspertizat janë ende në zhvillim, procesi do të zhvillohet në Shqipëri dhe unë jam plotësisht në dispozicion. 
    Si i kalonit ditët tuaja në ato kushte? 
    Michele D’Angelo: Ditët kalonin të ndara në gjeste të vogla: lexoja, shkruaja, reflektoja. Përpiqesha ta mbaja mendjen aktive, por ishte mendimi për ata që më mbështesnin ai që më mbante në këmbë. Më ka ndihmuar jashtëzakonisht shumë mbështetja e kolegëve dhe e të gjithë atyre që zgjodhën të qëndronin pranë meje. 
    Për ju janë angazhuar shumë njerëz. 
    Michele D’Angelo: Dua të falënderoj Vanessën, partneren time, e cila ka bërë të pamundurën për mua; kryetarin e bashkisë së L’Aquila-s, Pierluigi Biondi; deputetin D’Alfonso; rektorët e Universitetit të L’Aquila-s; drejtoreshën e departamentit tim. Por edhe kolegët, shoqatat shkencore, studentët, miqtë, dhe madje edhe ata që nuk më njihnin, por zgjodhën të besonin në ndershmërinë time. Çdo mesazh, çdo gjest, ka qenë një rreze drite.” 
    Do të ktheheni menjëherë tek studentët tuaj? 
    Michele D’Angelo: Dëshira ime më e madhe është të gjej sërish qetësinë e përditshme, të kthehem të jap mësim, të bëj kërkime në laboratorin tim, të rifilloj projektet e mia shkencore dhe të ndaj përsëri dijen dhe pasionin me studentët e mi. Universiteti është shtëpia ime dhe mezi pres të rikthehem në laborator dhe në auditor. Por, para së gjithash, dua të shijoj normalitetin, të përqafoj macet e mia, të qëndroj në shtëpi dhe të drekoj me familjen time. Janë gjeste të vogla që tani kanë një vlerë të jashtëzakonshme./La Repubblica 
     
     
     
     

  • U lirua nga qelia, flet profesori italian që u përfshi në aksidentin ku vdiq 17-vjeçari shqiptar

    U lirua nga qelia, flet profesori italian që u përfshi në aksidentin ku vdiq 17-vjeçari shqiptar

    Profesori italian Michele D’Angelo, pedagog i Biologjisë në Universitetin e L’Aquila-s, u rikthye në Itali pasi u lirua kundrejt garancisë 15 mijë euro. Ai flet për herë të parë pas lirimit dhe për aksidentin ku u përfshi në autostradën Levan-Fier, ku një 17-vjeçar shqiptar mbeti i vdekur.
    “Po, e pranoj, kam pasur frikë. Sidomos në ditët e para, kur gjithçka ishte e pasigurt dhe nuk kuptohej se çfarë drejtimi do të merrte çështja. Pyesja veten nëse do të më duhej të qëndroja atje me muaj, ndoshta me vite. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi”, shprehet ai në një intervistë për median italiane La Repubblica.
    Tani është me bashkëshorten, Vanessa Castelli, mes maceve dhe librave të tij, ndërsa do të kthehet edhe mes studentëve. Michele D’Angelo u mbajt në burg për 75 ditë, pasi më 10 gusht u përfshi në një aksident, pas të cilit 3 ditë më vonë u nda nga jeta një 17-vjeçar që mbeti i plagosur. Për median italiane profesori shprehet se çdo ditë ka menduar për familjen e atij djali dhe boshllëkun me të cilin duhet të përballen.
    Qëndrimin e tij në paraburgim për një kohë kaq të gjatë e4 sheh si një masë të tepërt.
    “Një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt”, thotë profesori italian.
    Pas lirimit kundrejt garancisë, profesori italian do duhet të vijë të premten e fundit të çdo muaji në vendin tonë për të zbatuar edhe masën e detyrim paraqitjes.
    Intervista e plotë për La Repubblica
    Profesor D’Angelo, si kanë qenë këto dy muaj e gjysmë në qeli në Shqipëri?
    Michele D’Angelo: Është e vështirë t’i përtypësh të gjitha. Kanë qenë ditë të gjata, të ngarkuara, gjatë të cilave më është dashur të përballem me vetveten, me vetminë, me dhimbjen për atë që ndodhi. Çdo ditë mbartte me vete një peshë emocionale të jashtëzakonshme dhe vetëm tani, duke u kthyer në shtëpi, arrij të marr frymë me të vërtetë.
    Arrestimi juaj u duk i tepruar në krahasim me akuzat që ju janë bërë. A keni gjetur ndonjë shpjegim?
    Michele D’Angelo: Burgu, një masë kaq e gjatë paraburgimi, për një person pa precedent si unë dhe për një akuzë për shkelje të kodit rrugor, më është dukur e tepërt. Ishte një mendim rrëqethës, por u përpoqa të mbështetem te besimi në drejtësi dhe në punën e avokatëve të mi.
    Në atë aksident, fatkeqësisht, humbi jetën një djalë i ri. Doni t’i thoni diçka familjes së tij?
    Michele D’Angelo: Po, dhe e them me respekt dhe dhimbje të thellë. Çdo ditë kam menduar për familjen e atij djali, për humbjen e tyre, për boshllëkun me të cilin duhet të përballen.
    Si erdhi lirimi juaj? Çfarë do të ndodhë tani, procesi do të zhvillohet në Itali apo do t’ju duhet të ktheheni në Shqipëri si person i lirë?
    Michele D’Angelo: Lirimi erdhi pasi gjykatësi shqiptar pranoi garancinë: 15 mijë euro për lirinë. Por e di se duhet të falënderoj punën e palodhur të Farnesinës, të ambasadës, të konsullatës, të avokatit dhe vlerësimin e gjykatësit që njohu sjelljen time bashkëpunuese. Hetimet dhe ekspertizat janë ende në zhvillim, procesi do të zhvillohet në Shqipëri dhe unë jam plotësisht në dispozicion.
    Si i kalonit ditët tuaja në ato kushte?
    Michele D’Angelo: Ditët kalonin të ndara në gjeste të vogla: lexoja, shkruaja, reflektoja. Përpiqesha ta mbaja mendjen aktive, por ishte mendimi për ata që më mbështesnin ai që më mbante në këmbë. Më ka ndihmuar jashtëzakonisht shumë mbështetja e kolegëve dhe e të gjithë atyre që zgjodhën të qëndronin pranë meje.
    Për ju janë angazhuar shumë njerëz.
    Michele D’Angelo: Dua të falënderoj Vanessën, partneren time, e cila ka bërë të pamundurën për mua; kryetarin e bashkisë së L’Aquila-s, Pierluigi Biondi; deputetin D’Alfonso; rektorët e Universitetit të L’Aquila-s; drejtoreshën e departamentit tim. Por edhe kolegët, shoqatat shkencore, studentët, miqtë, dhe madje edhe ata që nuk më njihnin, por zgjodhën të besonin në ndershmërinë time. Çdo mesazh, çdo gjest, ka qenë një rreze drite.”
    Do të ktheheni menjëherë tek studentët tuaj?
    Michele D’Angelo: Dëshira ime më e madhe është të gjej sërish qetësinë e përditshme, të kthehem të jap mësim, të bëj kërkime në laboratorin tim, të rifilloj projektet e mia shkencore dhe të ndaj përsëri dijen dhe pasionin me studentët e mi. Universiteti është shtëpia ime dhe mezi pres të rikthehem në laborator dhe në auditor. Por, para së gjithash, dua të shijoj normalitetin, të përqafoj macet e mia, të qëndroj në shtëpi dhe të drekoj me familjen time. Janë gjeste të vogla që tani kanë një vlerë të jashtëzakonshme.

  • U përfshi në aksidentin ku vdiq 17-vjeçari / Lirohet profesori italian me garanci pasurore 15 mijë euro

    U përfshi në aksidentin ku vdiq 17-vjeçari / Lirohet profesori italian me garanci pasurore 15 mijë euro

    Profesori italian i biologjisë, Michele D’Angelo i cili u përfshi në një aksident në aksin Levan-Fier më 8 gusht të këtij viti është liruar nga burgu pas vendimit të Gjykatës së Fierit.
    Gjykata e Fierit vendosi lirimin e tij në këmbim të garancisë pasurore në vlerën 15 mijë euro.
    Sipas vendimit të Gjykatës së Fierit, bëhet e ditur se profesorit italian i është lehtësuar masa e sigurisë arrest me burg, ndërsa ai do të duhet të paraqitet të premten e fundit të çdo muaji në orën 14:00 para oficerit të Policisë Gjyqësore në Komisariatin e Fierit.
    “Zëvendësimin e masës së sigurimit personal “Arrest në burg”, caktuar me vendimin nr.62-2025-4585-(1305), datë 12.08.2025, të Gjykatës së Shkallës së Parë të Juridiksionit të Përgjithshëm Fier, me masat e sigurimit personal të “Detyrim për t’u paraqitur në policinë gjyqësore” dhe “Garancia pasurore” e parashikuar nga neni 234 dhe 236 i Kodit të Procedurës Penale. Garancia pasurore përcaktohet në shumën 15,000 (pesëmbëdhjetë mijë) Euro/ ose 1,500,000 (njëmilionepesëqindmijë) lekë dhe duhet të depozitohet brenda 5 (pesë) ditëve, nga dita e shpalljes së këtij vendimi, në një bankë të nivelit të dytë në Republikën e Shqipërisë”, theksohet në vendimin e Gjykatës së Fierit.
    Profesori i Biologjisë në Universitetin e Aquila, Michele D’Angelo u vendos në pranga më 8 gusht pasi u përfshi në një aksident në autostradën Levan-Fier, teksa ndodhej për pushime në Shqipëri. Makina me të cilin po udhëtonte italiani u përplas me automjet tjetër ku si pasojë e këtij aksidenti humbi jetën një 17-vjeçar.
    Vendimi i Gjykatës së Fierit:

  • Fiks Fare/ Nxënësit mësonin anglisht me aromë rakie. Pushohet nga puna profesori, konsumonte alkool 

    Fiks Fare/ Nxënësit mësonin anglisht me aromë rakie. Pushohet nga puna profesori, konsumonte alkool 

    Në redaksinë e emisionit investigativ “Fiks Fare” ka mbërritur një ankesë nga disa nxënës të gjimnazit “Rifat Manjani” në Durrës, të cilët akuzojnë mësuesin e tyre të anglishtes se paraqitej i dehur në orët e mësimit.

    Sipas nxënësve, profesori mbante erë alkooli, i bullizonte dhe u bënte presion, duke i kërcënuar se do t’i linte në lëndë. Ata pohuan gjithashtu se orët e tij zhvilloheshin në mënyrë jo serioze dhe shoqëroheshin me sjellje të papërshtatshme.
    Në redaksi është dërguar edhe një video e xhiruar nga vetë nxënësit, ku profesori shihet duke konsumuar raki dhe birrë para fillimit të procesit mësimor. Për të verifikuar denoncimin, ekipi i “Fiks Fare” u vendos në lokalin pranë shkollës, ku sipas nxënësve, ai ndalet çdo mëngjes.
    Në mëngjes rreth orës 08:20, kamerat e emisionit e regjistruan profesorin teksa mbërriti në lokal së bashku me bashkëshorten dhe vajzën. Kamarieri i serviri një gotë raki, por profesori e refuzoi sapo vuri re praninë e stafit të “Fiks Fare”.
    Kur u pyet nga gazetarët pse e refuzoi pijen, ai u përgjigj me arrogancë: “Nuk do t’ju marr juve leje për asgjë.” Pasi gazetarët i treguan videon e xhiruar ku ai shihej që para fillimit të mësimit konsumonte alkool, mësuesi u justifikua “Jam njeri dhe ndonjëherë mund të konsumoj ndonjë gotë, por jo gjatë orarit të mësimit. Ajo video është filmuar një të diel.”
    Por gjatë xhirimeve gazetarët e Fiksit kapin edhe shkelje të tjera të profesorit. Ai në ambientet e shkollës pi duhan , plus që dhe me nxënësit komunikon me duhan në dorë. Veprim ky që bie ndesh me rregulloren e institucioneve arsimore. Edhe për këtë gjë kur u pyet nga gazetarët profesori Shkëlzen Suma  tha se nuk ka thyer asnjë rregull dhe duhani mund të pihet në ambientet e jashtme të shkollës.
    Edhe pse nxënësit nuk pranuan të flasin publikisht për shkak të frikës nga ndëshkimet, një prej tyre, deklaroi në një lidhje telefonike se profesori i shantazhon dhe i tall, duke shtuar se performanca e tij në mësim është shumë e dobët.
    Fiks Fare iu drejtua  në lidhje me profesorin edhe drejtorit të gjimnazit “ Rifat Manjani”  z. Arjan Kaja.  Drejtori u shpreh se nuk ka çi duhet se çfarë bën. I pyetur nëse e konsideron problematike konsumimin e alkoolit të profesorit Suma para mësimit drejtori e dënoi si veprim, por që nuk ishte në dijeni të një fakti të tillë.
    Fiks Fare u interesua pranë Drejtorisë Rajonale të Arsimit Parauniversitar Durrës, e cila reagoi menjëherë duke ngritur një grup pune për të verifikuar ankesat e nxënësve dhe prindërve.  Pas këtij hetimi administrativ u konstatuan shkelje të rënda të etikës në punë nga ana e mësuesit Suma. Në bazë të ligjit për Arsimin Parauniversitar si dhe kodit të etikës ndaj mësuesit Shkëlzen Suma  u morë masa disiplinore “ Largim nga Puna” .
     

    Top Channel

  • “Nuk kërkoj mëshirë, por të vërtetën”/ Prej 50 ditësh në burgun e Fierit, reagon profesori italian: Shpresoj te drejtësia shqiptare

    “Nuk kërkoj mëshirë, por të vërtetën”/ Prej 50 ditësh në burgun e Fierit, reagon profesori italian: Shpresoj te drejtësia shqiptare

    Michele D’Angelo, profesori universiteti nga L’Aquila, ka dërguar një mesazh falënderimi dhe reflektimi nga paraburgimi i Fierit, ku ndodhet prej gati 50 ditësh pas një aksidenti rrugor më 8 gusht.

    Mesazhi i tij është përcjellë për publikun nga bashkëshortja, Vanessa Castelli, e cila e vizitoi këtë të martë.
    “Po jetoj këto ditë me një ndjenjë të thellë mirënjohjeje ndaj atyre që më mbështesin dhe shprehin atë që ka ndodhur, në mënyrë që të krijohet qartësi,” shkruan ai në letrën e publikuar.
    Profesori italian thekson se masa ndaj tij është e rëndë dhe e panevojshme: “Nuk mund ta mohoj se paraburgimi në burg është, sipas mendimit tim, i tepruar. Është një gjendje jashtëzakonisht e vështirë, e bërë edhe më e rëndë nga fakti që jam larg shtëpisë, në një vend gjuhën e të cilit nuk e flas.”
    Ai apelon për gjetjen e alternativave ligjore që nuk do të dëmtonin shëndetin e tij psikologjik: “Duke marrë parasysh sjelljen time, historinë time personale dhe profesionale, shpresoj që të merret në konsideratë një zgjidhje më proporcionale.”
    Në mesazhin e tij, D’Angelo vlerëson fuqinë e mbështetjes që po merr: “Mbështetja që marr nga Vanessa, nga kolegët dhe studentët është spiranca ime. Çdo fjalë apo gjest shqetësimi është si një dritare që hapet,” shprehet ai.
    Profesori shpreh gjithashtu besim tek drejtësia shqiptare: “Unë i besoj autoriteteve shqiptare dhe aftësisë së tyre për të vlerësuar çdo faktor në mënyrë të paanshme.”
    Mesazhi mbyllet me një thirrje të qartë: “Unë nuk po kërkoj dhembshuri, por të vërtetë. Nuk po kërkoj privilegje, por proporcionalitet. Vazhdimisht përpiqem ta përballoj këtë situatë me disiplinë, durim dhe shpresën se drejtësia do të jetë e ekuilibruar.”

    Top Channel

  • Arrestohet profesori italian në Fier, Italia kërkon lirimin e tij pas aksidentit në Shqipëri

    Arrestohet profesori italian në Fier, Italia kërkon lirimin e tij pas aksidentit në Shqipëri

    Mediat italaine i kanë bërë jehonë arrestimit të profesorit italian Michele D’Angelo, i cili po mbahet në burgun e Fierit për shkak të një aksidenti të ndodhur në datën 8 gusht në rrugën Levan- Fier.
    44 vjeç, profesor biologjie në Universitetin e Aquila-s, njëherësh dhe një shkencëtar i famshëm global po mbahet prej dy muajsh në burg dhe kjo çështje sipas mediave vendase mundë të kthehet në një çështje ndërkombëtare.
    Kjo ngjarje ka sjellë reagime të forta nga deputetët italianë. Deputeti Luciano D’Alfonso është ankuar te presidenti Bajram Begaj dhe i ka kërkuar që të ndërhyjë për kthimin e profesorit në Itali, një gjë që e kërkojnë dhe kolegët e tij universitarë.
    Gjithashtu edhe Ambasada italiane në Tiranë dhe Konsullata e Përgjithshme në Vlorë po ndjekin me vëmendjen më të madhe rastin e Michele D’Angelo. Ansa shkruan se kjo u raportua nga Ministria e Punëve të Jashtme, e cila po mban kontakt të vazhdueshëm me bashkëkombësit e tij italianë, duke kryer vizita në burg dhe duke ofruar të gjithë ndihmën e nevojshme. Po ashtu lidhur me çështjen, Universiteti i L’Aquila-s ka shprehur angazhimin e tij.
    “Po bëjmë gjithçka që mundemi për të kërkuar lirimin e profesorit dhe për të ulur presionin psikologjik mbi të përfshirët,” tha rektori i zgjedhur Fabio Graziosi.
    Michele D’Angelo dhe partnerja e tij u përfshinë në një aksident me makinë në Shqipëri më 8 gusht 2025. Të nesërmen, italianët u ndaluan nga policia dhe profesori u la në paraburgim, pasi akuzohet për mosdhënie ndihme.
    Sipas dëshmitarëve afër profesorit, ai po ecte me 40 km në orë dhe u gjend përballë një makine tjetër që ecte me shpejtësi dhe nuk mund ta shmangte. Autoritetet shqiptare e kanë akuzuar profesorin italian për shkelje të rregullave të qarkullimit rrugor dhe “braktisje të mjetit”.

  • Si ka përfunduar profesori i famshëm italian në burgun e Fierit: Incidenti që mund të kthehet në një çështje ndërkombëtare

    Si ka përfunduar profesori i famshëm italian në burgun e Fierit: Incidenti që mund të kthehet në një çështje ndërkombëtare

    Michele D’Angelo

    ITALI- Prej dy muajsh, profesori italian i biologjisë dhe shkencëtari me famë ndërkombëtare, Michele D’Angelo, 44 vjeç, ndodhet i burgosur në burgun e Fierit pas një aksidenti automobilistik të ndodhur më 8 gusht në aksin Levan–Fier.
    Ngjarja ka shkaktuar reagime të shumta në Itali, ku media të ndryshme raportojnë për shqetësimin në rritje për mbajtjen në parburgim të këtij shtetasi italian. Për këtë rast ka reaguar edhe një grup deputetësh italianë, ndër të cilët edhe Luciano D’Alfonso, i cili i është drejtuar personalisht presidentit të Shqipërisë, Bajram Begaj, me një kërkesë për ndërhyrje në këtë çështje, duke kërkuar që profesori të kthehet në Itali, kërkesë që mbështetet edhe nga komuniteti akademik dhe kolegët e tij universitarë.
    Përmes rektorit,  Universiteti i L’Aquila-s ka shprehur angazhimin e tij për lirimin e profesorit.
     “Po bëjmë gjithçka që mundemi, për të kërkuar lirimin e profesorit dhe për të ulur presionin psikologjik mbi të përfshirët”, u shpreh rektori i zgjedhur Fabio Graziosi.
    Sipas avokatët e tij mbrojtës e konsiderojnë këtë sjellje si një veprim instiktiv dhe jo një përpjekje për t’u arratisur. Që atëherë, profesori, një fytyrë e njohur në komunitetin akademik, është mbajtur në burg në pritje të gjyqit.
    Ambasada Italiane në Tiranë dhe Konsullata e Përgjithshme në Vlorë po “ndjekin me vëmendjen më të madhe” rastin e Michele D’Angelo. Kjo u raportua nga Ministria e Punëve të Jashtme, e cila “po mban kontakt të vazhdueshëm me profesorin që ndodhet në qeli.
    Michele D’Angelo dhe partnerja e tij u përfshinë në një aksident me makinë në Shqipëri më 8 gusht 2025. Të nesërmen, shtetasit italianë u arrestuan nga policia dhe vetëm D’Angelo, i akuzuar për mosdhënie ndihme dhe largim nga vendi i ngjarjes, u vu në paraburgim. Mediat italiane shkruajnë se profesori po ecte me një shpejtësi 40 kilometra në orë, ndrësa makina tjetër e drejtuar nga një shiptar ishte me shpjetësi të lartë. Procedurat kundër tij janë aktualisht në vazhdim./ZËRI