Lajmidites.com

Tag: prodhimin

  • Xhaferri: Pas Mogherinit, në Bruksel po hetohet dhe kompania që lidhi marrëveshje me qeverinë Rama për prodhimin e armëve

    Xhaferri: Pas Mogherinit, në Bruksel po hetohet dhe kompania që lidhi marrëveshje me qeverinë Rama për prodhimin e armëve

    Kreu i Forumit Rinor të PD-së, Besart Xhaferri, në një postim në rrjetet sociale t tha se pas rastit të njohur si “skandali Mogherini”, autoritetet belge kanë nisur hetime të reja që lidhen me kontratat e fituara nga kompania izraelite Elbit Systems dhe marrëveshjet e saj me kompaninë shqiptare KAYO për prodhimin e armëve.

    Xhaferri u shpreh se ky zhvillim përfshin drejtpërdrejt qeverinë shqiptare, duke theksuar se marrëveshjet janë firmosur në ndërmjetësimin e kryeministrit Edi Rama.

    Ai theksoi se Belgjika ka lëshuar një urdhër ndërkombëtar arresti për një konsulent të dyshuar të Elbit Systems, ndërsa paralajmëroi se kjo çështje rrezikon të dëmtojë imazhin e Shqipërisë në raport me partnerët e NATO-s.

    Postimi i plotë:

    Edi Rama është kthyer në simbol të korrupsionit në Evropë dhe nga kjo sëmundje preket çdo bashkëpunëtor i tij si brenda dhe jashtë vendit.

    Edi Rama do mbahet mend si Kryeministri që asetet e ushtrisë që bën pjesë në NATO i ktheu në shtëpi bari dhe pilotët e forcave ajrore i angazhoi në trafik droge, teksa së fundmi një tjetër skandal ka përfshirë Ministrinë e Mbrojtjes. 

    Pas skandalit Mogherinit, që njihet si  motra e Edi Ramës, mediat në raportojnë se autoritetet belge kanë nisur një hetim në lidhje me kontratat e dyshuara të fituara nga kompania izraelite Elbit Systems, e cila ka firmosur disa marrëveshje të ndërmjetësuar nga Edi Rama  me kompaninë shqiptarë KAYO, për prodhimin e armëve. 

    Prokuroria Federale e Belgjikës ka lëshuar një urdhër ndërkombëtar arresti për një konsulent të dyshuar se ka vepruar në emër të kompanisë izraelite të mbrojtjes Elbit Systems, në kuadër të disa kontratave të rëndësishme të dhëna nga një agjenci e NATO-s, që dyshohet se janë të manipuluara. 

    Shqipëria si një vend i vogël i vetmi detyrim që kishte me partnerët ishte serioziteti , por Edi Rama me megallomaninë dhe babëzinë e tij ka ekspozuar rëndë dhe partnerët strategjike të kombit tonë.

  • “Po marr kosto politike”, Erion Braçe kritikon ashpër qeverinë për falimentimin e fermerëve

    “Po marr kosto politike”, Erion Braçe kritikon ashpër qeverinë për falimentimin e fermerëve

    Deputeti i Partisë Socialiste, Erion Braçe, i cili është dhe një ndër mbështetësit kryesore të fermerëve, ka kritikuar ashpër skemën aktuale të kompensimit të TVSH-së dhe politikat, të cilat sipas tij prej shtatë vitesh janë duke dëmtuar prodhimin vendas.
    Përmes një postimi në rrjetet sociale, Braçe thekson se problemi i krijuar që prej vitit 2018 vazhdon të mbetet i pazgjidhur, ndonëse të gjithë kolegët e tij ligjvënës e kanë kuptuar dëmin, por nuk po kërkojnë t’i japin zgjidhje.
    Ai nënvizon se skema e kompensimit për TVSH-në e paguar nga bujqit për inputet bujqësore nuk ka asnjë lidhje me TVSH-në e transaksioneve të shitjes dhe blerjes, duke shtuar se ky ngatërrim prej vitesh ka lënë pas pasoja të rënda.
    Sipas Braçes, skema aktuale është e kufizuar dhe godet shumicën e fermerëve, duke përqendruar prodhimin bujqësor vetëm në disa duar. Ai e cilëson të padrejtë faktin që biznesi i vogël dhe tregjet publike përjashtohen nga blerjet dhe shitjet me kompensim për bujqit, duke e bërë situatën edhe më të vështirë për prodhuesit e vegjël.
    Teksa më tej thekson se posti i tij politik dhe “karrigia” e deputetit nuk kanë rëndësi përballë sigurisë ushqimore dhe mbështetjes ndaj fermerëve.
    Postimi
    “Dje ne mbremje, nje mik me coi nje titull per te lexuar; Ne te thuhej se te besh kete llogari eshte OPOZITE-OPOZITARIZEM dhe se kjo do me jape kosto politike; Mire, dakord une do marre kosto politike e nuk do jem me neper lista pas kater vitesh; Po demin qe po shkaktohet ne fshat, demin ne bujqesi e blegtori, e mendon kush??; Po koston e forte politike qe po merr kjo PARTI, PARTIA IME ne fshat, e mendon kush?? Pa kerrige jeton mor jeton, por pa ushqimin e mire te bujkut, behet e veshtire!”, shkruan Braçe.
    KUR KAM TE DREJTE, KAM TE DREJTE!
    Edhe nje here per BUJQIT, PRODHIMIN VENDAS, USHQIMIN E TE GJITHEVE;
    7 VITE I PROVUAR DEMI NE CDO KILOGRAM PRODHIM;
    Te gjithe vendimmarresit-edhe ata qe nuk dine, e kane kuptuar tashme, por NUK DUAN TE ZGJIDHIN;
    Dua shume qe shkaku te jem une, JO BUJQESIA;
    Ai qe e beri kete ne 2018en, tani qe ka kohe boll sheh e degjon dhe qesh, edhe ai e di pse e beri dhe duket ka qene infektues.
    1. Skema e KOMPESIMIT TE BUJKUT per TVSH E PAGUAR PER IMPUTET BUJQESORE, eshte krejt e ndryshme nga TVSH QE PAGUHET NE CDO TRANSAKSION TE SHITJES E BLERJES SE PRODUKTIT BUJQESOR E BLEGTORAL;
    Ai qe e ngaterroi ne 2018en ka lene litarin jashte.
    2. Skema e KOMPESIMIT TE BUJKUT per TVSH E PAGUAR PER IMPUTET BUJQESORE, eshte e vogel, e kufizuar, e pamjaftueshme per BUJKUN, goditese per shumicen dhe perqendron prodhimin bujqesor e blegtoral ne disa duar, vetem disa, kur perjashton biznesin e vogel dhe tregjet publike nga blerjet e shitjet me kompesim per bujqit.
    3. Ne shtyllen tjeter, TVSH NE CDO TRANSAKSION SHITJE E BLERJE ne tregun e brendshem apo per perpunim, FAVORIZON PRODHIMIN VENDAS VETEM NE NJE RAST:
    KUR GRUMBULLUESI ULE CMIMIN E PRODHIMIT TE BUJKUT DHE RRIT CMIMIN E PRODUKTIT TE FRESKET OSE TE PERPUNUAR TEK KONSUMATORI, QYTETAR ME SE SHUMTI!
    Kjo ndodh cdo dite prej 7 vitesh.
    KJO ESHTE E VERTETA DHE KJO ESHTE LLOGARIA, NUK KA NJE TJETER!
    Dje ne mbremje, nje mik me coi nje titull per te lexuar;
    Ne te thuhej se te besh kete llogari eshte OPOZITE-OPOZITARIZEM dhe se kjo do me jape kosto politike;
    Mire, dakord une do marre kosto politike e nuk do jem me neper lista pas kater vitesh;
    Po demin qe po shkaktohet ne fshat, demin ne bujqesi e blegtori, e mendon kush??;
    Po koston e forte politike qe po merr kjo PARTI, PARTIA IME ne fshat, e mendon kush??
    Pa karrige jeton mor jeton, por pa ushqimin e mire te bujkut, behet e veshtire!

  • “Ky është dëmi më i madh që i kemi bërë fshatit”, Braçe akuzon drejtuesit e PS-së: Skema e TVSH-së po dëmton prodhimin

    “Ky është dëmi më i madh që i kemi bërë fshatit”, Braçe akuzon drejtuesit e PS-së: Skema e TVSH-së po dëmton prodhimin

    Deputeti i Partisë Socialiste, Erion Braçe, i cili është dhe një ndër mbështetësit kryesore të fermerëve, ka kritikuar ashpër skemën aktuale të kompensimit të TVSH-së dhe politikat, të cilat sipas tij prej shtatë vitesh janë duke dëmtuar prodhimin vendas.
    Përmes një postimi në rrjetet sociale, Braçe thekson se problemi i krijuar që prej vitit 2018 vazhdon të mbetet i pazgjidhur, ndonëse të gjithë kolegët e tij ligjvënës e kanë kuptuar dëmin, por nuk po kërkojnë t’i japin zgjidhje.
    Ai nënvizon se skema e kompensimit për TVSH-në e paguar nga bujqit për inputet bujqësore nuk ka asnjë lidhje me TVSH-në e transaksioneve të shitjes dhe blerjes, duke shtuar se ky ngatërrim prej vitesh ka lënë pas pasoja të rënda.
    Sipas Braçes, skema aktuale është e kufizuar dhe godet shumicën e fermerëve, duke përqendruar prodhimin bujqësor vetëm në disa duar. Ai e cilëson të padrejtë faktin që biznesi i vogël dhe tregjet publike përjashtohen nga blerjet dhe shitjet me kompensim për bujqit, duke e bërë situatën edhe më të vështirë për prodhuesit e vegjël.
    Teksa më tej thekson se posti i tij politik dhe “karrigia” e deputetit nuk kanë rëndësi përballë sigurisë ushqimore dhe mbështetjes ndaj fermerëve.
    Postimi
    “Dje ne mbremje, nje mik me coi nje titull per te lexuar; Ne te thuhej se te besh kete llogari eshte OPOZITE-OPOZITARIZEM dhe se kjo do me jape kosto politike; Mire, dakord une do marre kosto politike e nuk do jem me neper lista pas kater vitesh; Po demin qe po shkaktohet ne fshat, demin ne bujqesi e blegtori, e mendon kush??; Po koston e forte politike qe po merr kjo PARTI, PARTIA IME ne fshat, e mendon kush?? Pa kerrige jeton mor jeton, por pa ushqimin e mire te bujkut, behet e veshtire!”, shkruan Braçe.
    KUR KAM TE DREJTE, KAM TE DREJTE!
    Edhe nje here per BUJQIT, PRODHIMIN VENDAS, USHQIMIN E TE GJITHEVE;
    7 VITE I PROVUAR DEMI NE CDO KILOGRAM PRODHIM;
    Te gjithe vendimmarresit-edhe ata qe nuk dine, e kane kuptuar tashme, por NUK DUAN TE ZGJIDHIN;
    Dua shume qe shkaku te jem une, JO BUJQESIA;
    Ai qe e beri kete ne 2018en, tani qe ka kohe boll sheh e degjon dhe qesh, edhe ai e di pse e beri dhe duket ka qene infektues.
    1. Skema e KOMPESIMIT TE BUJKUT per TVSH E PAGUAR PER IMPUTET BUJQESORE, eshte krejt e ndryshme nga TVSH QE PAGUHET NE CDO TRANSAKSION TE SHITJES E BLERJES SE PRODUKTIT BUJQESOR E BLEGTORAL;
    Ai qe e ngaterroi ne 2018en ka lene litarin jashte.
    2. Skema e KOMPESIMIT TE BUJKUT per TVSH E PAGUAR PER IMPUTET BUJQESORE, eshte e vogel, e kufizuar, e pamjaftueshme per BUJKUN, goditese per shumicen dhe perqendron prodhimin bujqesor e blegtoral ne disa duar, vetem disa, kur perjashton biznesin e vogel dhe tregjet publike nga blerjet e shitjet me kompesim per bujqit.
    3. Ne shtyllen tjeter, TVSH NE CDO TRANSAKSION SHITJE E BLERJE ne tregun e brendshem apo per perpunim, FAVORIZON PRODHIMIN VENDAS VETEM NE NJE RAST:
    KUR GRUMBULLUESI ULE CMIMIN E PRODHIMIT TE BUJKUT DHE RRIT CMIMIN E PRODUKTIT TE FRESKET OSE TE PERPUNUAR TEK KONSUMATORI, QYTETAR ME SE SHUMTI!
    Kjo ndodh cdo dite prej 7 vitesh.
    KJO ESHTE E VERTETA DHE KJO ESHTE LLOGARIA, NUK KA NJE TJETER!
    Dje ne mbremje, nje mik me coi nje titull per te lexuar;
    Ne te thuhej se te besh kete llogari eshte OPOZITE-OPOZITARIZEM dhe se kjo do me jape kosto politike;
    Mire, dakord une do marre kosto politike e nuk do jem me neper lista pas kater vitesh;
    Po demin qe po shkaktohet ne fshat, demin ne bujqesi e blegtori, e mendon kush??;
    Po koston e forte politike qe po merr kjo PARTI, PARTIA IME ne fshat, e mendon kush??
    Pa karrige jeton mor jeton, por pa ushqimin e mire te bujkut, behet e veshtire!

  • Humor i keq në fund të vjeshtës? Ja ushqimet që ju vijnë në ndihmë

    Humor i keq në fund të vjeshtës? Ja ushqimet që ju vijnë në ndihmë

    Humori i keq është shumë i zakonshëm, veçanërisht në javët e fundit të vjeshtës. Me ditët që shkurtohen dhe rrezet e diellit pakësohen, është normale të ndiheni më të lodhur, të irrituar ose melankolik.

    Ndryshimet sezonale të fundvjeshtës mund të shkaktojnë shqetësime të ndryshme, duke përfshirë vështirësi në përqendrim, përgjumje gjatë ditës dhe rritje të dëshirës për ushqime, veçanërisht ato me sheqer.

    Arsyeja kryesore? Drita e pakësuar zvogëlon prodhimin e serotoninës, hormonit që të bën të ndihesh mirë, duke prishur ritmet natyrore të trupit dhe duke ndikuar në humorin dhe oreksin.

    Por ekzistojnë disa ushqime që ndihmojnë ta përballoni më së miri këtë situatë:

    Bajame për nervozizëm

    Bajamet janë një burim i mirë i triptofanit, një aminoacid thelbësor që stimulon prodhimin e serotoninës, hormonit të “lumturisë”. Bajamet gjithashtu përmbajnë sasi të mira seleni, fosfori, kalciumi dhe kaliumi, minerale që ndihmojnë në qetësimin e nervozizmit dhe tensionit.

    Vezë për të rivendosur humorin e mirë

    Ato janë një burim i mirë i zinkut dhe jodit, dy minerale që mbështesin trurin dhe ju ndihmojnë të ndiheni energjikë. Ato gjithashtu ofrojnë vitaminë J, e njohur edhe si kolina, një pararendës i acetilkolinës, një neurotransmetues që ndikon në cilësinë e gjumit, thelbësor për t’u ndjerë më vigjilentë dhe me humor më të mirë.

    Ato përmbajnë aminoacide esenciale që janë pararendës të dopaminës dhe norepinefrinës, dy hormone që ju ndihmojnë të ndiheni vitalë dhe vigjilentë.

    Salmon për përqendrim

    Salmoni ofron yndyrna “të mira” Omega 3 dhe Omega 6, të dobishme për funksionimin e sistemit nervor. Ai ndihmon në rritjen e niveleve të melatoninës, një hormon që rregullon ciklin gjumë-zgjim. Së fundmi, ai ofron zink dhe selen, të cilat janë të vlefshme për luftimin e stresit psikofizik.

    Banane për energji

    Bananet janë një suplement vërtet natyral. Ato janë të pasura me tirozinë, një aminoacid që nxit prodhimin e dopaminës, norepinefrinës dhe adrenalinës, tre hormone që ju ndihmojnë të ndiheni plot energji dhe plot vitalitet. 

    Gjithashtu ofron triptofan dhe vitamina B, të cilat janë thelbësore për përmirësimin e humorit. Në veçanti, përmban vitamina B1 dhe B2, të cilat janë të dobishme për luftimin e lodhjes.

    Spinaq për stresin

    Spinaqi siguron acid folik, i cili ndihmon në menaxhimin e tensionit emocional për shkak të stresit dhe ankthit. Është gjithashtu i pasur me antioksidantë që veprojnë si substanca të vërteta “anti-ndryshk” për trurin.

  • Shqipëria si vend për prodhimin e filmave nga studiot e huaja, Jorgji: Ky moment është vendimtar  

    Shqipëria si vend për prodhimin e filmave nga studiot e huaja, Jorgji: Ky moment është vendimtar  

    Shqipëria, e parë si një vend për prodhimin e filmave nga studiot e mëdha kinematografike ndërkombëtare, buxheti për QKK, përmirësimi i ligjit shqiptar për kinematografinë, investimet në kinematë në vend dhe një sërë çështjesh të tjera në Komisionin për Kulturën, Turizmin dhe Diasporën.
    Kryetari i QKK Jonid Jorgji në komisionin parlamentar, ku u zhvillua seanca dëgjimore për diskutimin në parim të projektligjit “Për buxhetin e vitit 2026” në Qendrën Kombëtare të Kinematografisë (QKK), gjatë fjalës së tij theksoi rëndësinë e veprimit në kohë për të shfrytëzuar momentin vendimtar në të cilin gjendet vendi ynë, e parë si një vend për prodhimin e filmave nga studiot e mëdha filmike ndërkombëtare. Ai tha se studiot ndërkombëtare po shohin Evropën Juglindore si një alternativë e duhur për t’u zhvendosur. “Ky moment është deciziv. Nëse do të arrijmë të thithim këto produksione dhe këtë interes lidhur me këtë fushë të rëndësishme jo vetëm të artit, por edhe një fushë, e cila prodhon ekonomi, është ky momenti. Nëse na ikën ky moment do jetë e vështirë, pasi do ta kapin vendet e rajonit si Serbia, Bullgaria dhe Hungaria që po bëjnë fushata të rëndësishme promovimi në këtë aspekt”, u shpreh kreu i QKK-së. Më tej, ai renditi një sërë programesh që Qendra Kombëtare e Kinematografisë (QKK) po zhvillon, ku një prej tyre është zyra e promovimit, Albania Film Commission.
    Një tjetër hap është Zyra e Karrierës pranë QKK, pasi sipas Jorgjit ka nevojë urgjente për të rritur kapacitetet njerëzore në lidhje me industrinë audiovizuale. Ndër të tjera, Jorgji foli dhe për të rijetësuar më shumë se 10 salla kinemaje në shkallë kombëtare, por kjo përmes një marrëveshjeje që do të hartohet me bashkitë apo dhe me Ministrinë e Pushtetit Vendor. Në komisionin parlamentar, kryetari i QKK-së u ndal edhe te ligji aktual, që është i vitit 1996. Ligj, i cili ka sjellë dhe diskutime  herë pas here, por sipas kryetari të QKK ka shumë për të përmirësuar. Në fjalën e tij ai theksoi gjithashtu se kinematografia duhet parë jo vetëm si art, por dhe si industri. Buxheti për vitin 2026 për Qendrën Kombëtare të Kinematografisë do të jetë 181,7 milionë lekë, nga 166,8 milionë lekë që ishte për 2025-ën. Qendra Kombëtare e Kinematografisë (QKK) është krijuar në vitin 1997. QKK është institucioni kombëtar që inkurajon, financon dhe promovon prodhimin kinematografik në Shqipëri.

  • “Prodhim armësh e mjetesh të blinduar”, Vengu: Buxheti më i rëndësishëm për mbrojtjen që nga antarësimi në NATO

    “Prodhim armësh e mjetesh të blinduar”, Vengu: Buxheti më i rëndësishëm për mbrojtjen që nga antarësimi në NATO

    Projektbuxheti më i rëndëisshëm që në momentin kur Shqipëria u anëtarësua në NATO. Kjo ka qene deklarata e ministrit të mbrotjes Pirro Vëngu përpara gazetareve pas diskutimeve në komision për ndarjen e tortes se investimeve për vitin 2026. Vëngu u ndal tek pjesa më e rëndësishme e buxhetit, që është pikërisht prodhimi i armëve që pritet të relaizohet gjatë vitit tjetër duke nisur nga mjetet e blinduara e deri tek sistemet antidron.
    Projektbuxheti synon që të financojë prodhimin e municioneve, prodhimin e uniformave, prodhimin e mjeteve të blinduara. Një kapacitet kaq i nevojshëm prej dekadash i cili nuk ishte në disponim të Forcave të Armatosura prej shumë kohës. Mjetet e Emergjencave Civile, dronët luftarakë dhe sistemet antidron që siç e dini shumë të nevojshme sidomos për infrastrukturat kritike në mbarë Evropën, që besoj e keni ndjekur kërcënime të kësaj natyre në shumë aeroporte të kontinentit tonë.
    I pyetur për deklaratën e Sali Berishës i cili tha se Rama i ka kërkuar dorëheqjen, Vëngu u përgjigj:

    Mua nuk më shokojnë aspak delire të kësaj natyre. Jam ambientuar me rrëfime të tilla, të cilat i marr më shumë si kërcënime të zotit Berisha, i cili nuk ka frikë nga ushtrimi i pozitës drejtuesit të opozitës shqiptare për të ushtruar kërcënime, trysni nga më të ndryshmet, sidomos për dikastere siç janë dikastere të sigurisë kombëtare. Nuk janë fare të vërteta këto gjëra.
    Prodhimi i armatimeve të rënda dhe atyre të lehta ‘Made in Albania’ priten të nisin nga kompania shtetërore KAYO.
    /vizionplus.tv

  • Feronikeli ndalon prodhimin për shkak të kostos së energjisë, mbi 350 punëtorë humbin punën

  • Sekretari i NATO-s: Nuk jemi më pas Rusisë në prodhimin e municioneve

    Sekretari i NATO-s: Nuk jemi më pas Rusisë në prodhimin e municioneve

    Sekretari i Përgjithshëm i NATO-s, Mark Rutte tha sot se Aleanca përmbysi një hendek të gjatë me Rusinë në prodhimin e municioneve, duke shtuar se tani aleatët prodhojnë më shumë sesa kanë prodhuar në dekada.
    Duke folur në Forumin e Industrisë së NATO-s në Bukuresht, Rutte tha se “Deri vonë, Rusia prodhonte më shumë municione sesa të gjithë aleatët e NATO-s së bashku”, por shtoi se kjo nuk është më ashtu, pasi industritë perëndimore të mbrojtjes kanë rritur prodhimin.
    “Në të gjithë Aleancën, ne tani po hapim dhjetëra linja të reja prodhimi dhe po zgjerojmë ato ekzistueset. Po prodhojmë më shumë sesa kemi bërë në dekada”, tha ai.

    Rutte nënvizoi se një industri e fortë mbrojtëse është thelbësore për një aleancë të fortë dhe se vendimi i udhëheqësve të NATO-s në samitin e korrikut në Hagë për të rritur shpenzimet e mbrojtjes në 5 për qind të PBB-së deri në vitin 2035 po bën nxitje të madhe në prokurimin e aftësive, nga avionët dhe tanket te dronët, municionet, asetet kibernetike dhe hapësinore.
    “Ka më shumë para në tavolinë. Edhe më shumë do të rrjedhin”, tha ai duke shtuar se aleatët evropianë dhe Kanadaja po rrisin ndjeshëm investimet.
    “Por, sigurisht vetëm paratë në dorë nuk mund të ofrojnë siguri. Na duhen aftësitë, na duhen pajisjet, fuqia e vërtetë e zjarrit dhe sigurisht, teknologjia më e përparuar”, potencoi Rutte.
    Shefi i NATO-s paralajmëroi se kërcënimi i supozuar nga Rusia do të vazhdojë përtej luftës në Ukrainë ndërsa theksoi bashkëpunimin në rritje të mbrojtjes midis Moskës, Kinës, Koresë së Veriut dhe Iranit.
    “Nuk mund të jemi naivë. Duhet të jemi të përgatitur”, Rutte duke kërkuar bashkëpunim më të thellë dhe cikle prodhimi më të shpejta brenda Aleancës”, u shpreh Rutte.

  • Britania e Madhe vendos sanksione ndaj rrjetit kriminal në Kosovë, akuza për falsifikim dokumentesh

    Britania e Madhe vendos sanksione ndaj rrjetit kriminal në Kosovë, akuza për falsifikim dokumentesh

    Qeveria e Mbretërisë së Bashkuar ka shpallur sanksione ndaj disa grupeve kriminale të përfshira në kontrabandën e njerëzve përmes rrugëve të Ballkanit Perëndimor, përfshirë një rrjet të falsifikimit të dokumenteve me bazë në Kosovë, i njohur si “Rrjeti Krasniqi”.
    Rrjeti “Krasniqi”, me bazë në Kosovë, dyshohet për prodhimin e pasaportave, kartave të identitetit dhe patentë-shoferëve të falsifikuara për më shumë se 50 shtete, përfshirë Mbretërinë e Bashkuar.
    Autoritetet britanike kanë vlerësuar se grupi ka ndihmuar bandat ballkanike të lehtësojnë kalimin e paligjshëm të migrantëve drejt Evropës Perëndimore.
    Në listën e sanksioneve janë përfshirë disa anëtarë të rrjetit, mes tyre Burim Krasniqi (i identifikuar si udhëheqës), Arif dhe Valon Krasniqi, Sami Duriqi, Granit Avdyli, Nexhmije Selmani, Endrit dhe Shkëmbim Ermellahu. Ata janë përfshirë në prodhimin, shpërndarjen dhe sigurimin e pajisjeve për falsifikim të dokumenteve.
    “Në shënjestër sot, me mbështetjen e autoriteteve kosovare, është rrjeti i falsifikimit Krasniqi, një bandë kriminale me bazë në Kosovë që drejtonte një laborator të sofistikuar falsifikimi duke prodhuar dokumente të falsifikuara.”
    “Një grup i krimit të organizuar me bazë në Kosovë, përgjegjës për prodhimin e dokumenteve të falsifikuara dhe furnizimin e tyre me to bandave kriminale. Grupi krijoi pasaporta, dokumente identifikimi dhe leje drejtimi të falsifikuara për mbi 50 vende, përfshirë Mbretërinë e Bashkuar, duke përdorur një laborator të sofistikuar falsifikimi.
    Këto përfshijnë:
    Burim Krasniqi, udhëheqës i rrjetit Krasniqi.
    Arif Krasniqi, një ndërmjetës i grupit i cili siguronte klientë për shërbimet e tyre.
    Flamur Krasniqi, një anëtar i grupit të cilit iu gjetën dokumente të falsifikuara.
    Valon Krasniqi, i përfshirë në prodhimin e dokumenteve të falsifikuara.
    Sami Duriqi, i përfshirë në prodhimin e dokumenteve të falsifikuara.
    Granit Avdyli, i përfshirë në prodhimin e dokumenteve dhe reklamimin e shërbimeve të grupit.
    Nexhmije Selmani, siguroi ambientet e përdorura nga grupi për falsifikim dokumentesh dhe ishte e përfshirë në sigurimin e pajisjeve për falsifikim.
    Endrit Ermellahu, i përfshirë në prodhimin e dokumenteve të falsifikuara.
    Shkëmbim Ermellahu, një anëtar i grupit të cilit iu gjetën dokumente të falsifikuara”, “, thuhet në njoftimin e qeverisë britanike.
    Këto zhvillime lidhen me një rast të zbuluar më parë nga Prokuroria Speciale dhe Policia e Kosovës, në janar 2025, kur autoritetet kosovare sekuestruan në Prishtinë një laborator të sofistikuar për falsifikimin e dokumenteve.
    Në bastisje u gjetën mbi 20 mijë mikroçipa, printerë profesionalë, makina laserike dhe mijëra dokumente të falsifikuara nga 51 shtete të ndryshme.

  • Britania e Madhe godet edhe grupin kriminal Krasniqi

    Britania e Madhe godet edhe grupin kriminal Krasniqi

    FOTO ILUSTRUESE

    BRITANIA E MADHE- Britania e Madhe ka sanksionuar edhe grupin Krasniqi, të cilët kanë falsifikuar dokumente përmes një laboratori të falsifikuar.
    Anëtarët e bandave dhe financuesit e fshehtë që mundësojnë tregtinë e neveritshme të kontrabandës së njerëzve, përfshirë një rrjet falsifikimi të pasaportave të Kosovës, janë ndaluar të udhëtojnë në Mbretërinë e Bashkuar dhe janë ngrirë nga sistemi financiar i Mbretërisë së Bashkuar, si pjesë e goditjes së qeverisë ndaj bandave që shfrytëzojnë një rrugë kyçe tranziti për migrim të paligjshëm.
    Sipas njoftimit të Qeverisë britanike, me ndihmën e autoriteteve kosovare është sanksionuar “Rrjeti Krasniqi”, që përshkruhet si një bandë kriminale me seli në Kosovë, që kishte udhëhequr një laborator të sofistikuar për prodhimin e dokumenteve false. Mbretëria e Bashkuar tha se kjo bandë e organizuar kriminale është përgjegjëse për prodhimin e dokumenteve false dhe furnizimit me to për bandat kriminale.
    “Grupi ka krijuar pasaporta false, letërnjoftime dhe patentë-shoferë të më shumë se 50 shteteve, përfshirë të Mbretërisë së Bashkuar”, u tha në njoftim.
    Sipas Mbretërisë së Bashkuar, personat e sanksionuar janë: “Burim Krasniqi, që përshkruhet si udhëheqës i rrjetit Krasniqi; Arif Krasniqi, që thuhet se ishte ndërmjetës i grupit që siguronte klientë për shërbimet e tyre; Flamur Krasniqi, anëtar i grupit të cilit iu gjetën në posedim dokumente të falsifikuara; Valon Krasniqi, i përfshirë në prodhimin e dokumenteve të falsifikuara; Sami Duriqi, i përfshirë në prodhimin e dokumenteve false; Granit Avdyli, i përfshirë në prodhimin e dokumenteve dhe reklamimit të shërbimeve të grupit; Nexhmie Selmani, e cila ka ofruar objektin që ka përdorur grupi për të falsifikuar dokumente dhe po ashtu është përfshirë në ofrimin e pajisjeve për falsifikim; Endrit Emerllahu, i përfshirë në prodhimin e dokumenteve të falsifikuara; si dhe Shembim Emerllahu, anëtar i grupit të cilit iu gjetën dokumente të falsifikuara”.
    Bandat kanë kontrabanduar qindra mijëra njerëz në BE nëpërmjet Ballkanit Perëndimor vitet e fundit, dhe Britania thotë se një e katërta e emigrantëve që arrijnë në Mbretërinë e Bashkuar me anije të vogla përmes Kanalit Anglez kanë udhëtuar nëpër rajon./ZËRI