Lajmidites.com

Tag: procedurë

  • Hetimet për 21 janarin/ Berisha del nga SPAK pas dy orësh: Asnjë urdhër nuk është dhënë për të qëlluar ndaj protestuesëve

    Hetimet për 21 janarin/ Berisha del nga SPAK pas dy orësh: Asnjë urdhër nuk është dhënë për të qëlluar ndaj protestuesëve

    Kryetari i Partisë Demokratike, Sali Berisha ka mbërritur në SPAK rreth orës 9:00.

    Gazetarja e Top Channel Anila Hoxha raporton se kryedemokrati u pyet nga prokurorët për çështjen e 21 janarit. Ai u pa teksa kaloi pragun e prokurorisë dhe në dorë mbante një dosje, ndërsa ishte i shoqëruar nga truproja.
    Pas rreth dy orësh në SPAK, Berisha deklaroi për gazetarët:
    “Më është pyetur së çfarë ndodhi me 21 janar. Kjo mosthirrje flet më shumë se çdo gjë tjetër, kjo mos-thirrje shkak kishte se Edi Rama organizoi protestën më të dhunshme. Kishte agjendë të qartë dhune. Kjo deklaratë është bërë shkak që të mos thirrem unë për një ngjarje dramatike që i mori jetën 4 demostruesve dhe plagosjen e më shumë së 100 efektivëve. Nuk është qëlluar nga brenda kryeministrisë”. 
    Berisha shtoi: “Kjo është procedurë normale ama nuk është procedurë publike. Të thërret dhe shkon. Por Altin Dumani ja shpërndau mediave para meje. Një procedurë që është krejtësisht diskrete dhe s’ka lidhje me mediat, ky e bën publike për leverdi të Ballukut dhe Ramaduros, që njerëzit mos të shohin skandalin e Llogarasë, por të merreshin me faktin që Sali Berisha dëshmon për 2 janarin pas 13 vitesh, një ngjarje ku unë isha i rrethuari dhe mua po më goditeshin dritaret e kryeministrisë me gurë.”

    Top Channel

  • Plarent Ndreca do gjykohet me procedurë të zakonshme, GJKKO rrëzon kërkesën për moskompetencë

    Plarent Ndreca do gjykohet me procedurë të zakonshme, GJKKO rrëzon kërkesën për moskompetencë

    plarent ndreca

    TIRANË- Gjykata e Posaçme Kundër Korrupsionit dhe Krimit të Organizuar (GJKKO)ka pranuar kërkesën e ish-deputetit të Partisë Socialiste, Plarent Ndreca, për t’u gjykuar me procedurë të zakonshme. Ndërkohë, GJKKO ka rrëzuar kërkesën e tij për shpalljen e moskompetencës nga kjo gjykatë dhe kalimin për gjykim të çështjes në Gjykatën Penale të Tiranës.
    Me këtë vendim, Ndreca do të përballet i vetëm me një proces, ndërsa 15 zyrtarët e tjerë të përfshirë në të njëjtën çështje do të gjykohen me procedurë të shkurtuar. Ata akuzohen për shkelje gjatë procedurave të prokurimit publik në vitin 2019. Ndreca akuzohet për kryerjen e veprës penale “Shkelja e barazisë së pjesëmarrësve në tendera apo ankande publike”, kryer në bashkëpunim.
    Për të njëjtën vepër penale akuzohen: Denisa Skënderaj, Blendi Kovi, Lira Kolasi, Ferdinant Tarazhi, Grida Isufi, Jonarda Qurku, Lindita Mukaj, Silva Dauti, Deni Klosi, Julia Hysa, Elora Kokalari dhe Aida Shehi. Ndërsa, për falsifikim dokumentesh akuzohen: Erand Majko Rroboçi, Klejdi Kujtim Meço dhe Emiliano Flamur Mehmeti.
    Ndreca akuzohet se në bashkëpunim me zyrtarë të tjerë të Ministrisë kanë favorizuar Gjon Radovanin si përfitues i tenderit për rikonstruksionin e 4 komisariateve. Sipas SPAK, deputeti socialist dhe zyrtarët e Ministrisë e kanë privilegjuar Gjon Radovanin në të gjitha fazat e procedurës së prokurimit dhe në përfundim e kanë shpallur fitues dhe lidhur kontratë me bashkimin e Operatorëve ekonomikë, Derbi-E shpk, ndërkohë që nuk përmbushte kriteret ligjore. Radovani sikurse thuhet në dosjen e SPAK rezulton të jetë mik me ish-ministrin e Brendshëm Sandër Lleshaj, me të cilin ka shkëmbyer dhe mesazhe. E duket se për shkak të njohjeve dhe lidhjeve me titullarin e institucionit, kompania e tij ka fituar dhe tendera pranë ministrisë së Brendshme. /ZËRI

  • Menaxhimi i mbetjeve/ Plane për landfill-e të reja, ja kostoja

    Menaxhimi i mbetjeve/ Plane për landfill-e të reja, ja kostoja

    Një procedurë prokurimi e çelur nga Operatori i Blerjeve të Përqendruara këtë të hënë me një fond limit 66 milionë lekë apo 660 mijë euro për dy lotet në fjalë parashikon pikërisht këtë plan.
    Menaxhimi i mbetjeve, pas inceneratorëve Fier e Elbasan, plane për landfill-e të reja 15.4 mln euro
    Qeveria po planifikon të marrë masa të reja sa i takon projektimit të Infrastrukturës së Menaxhimit të Integruar të Mbetjeve konkretisht në zonën e mbetjeve Fier dhe atë Elbasan, dy rajone ku më herët zunë vend projektet e inceneratorëve.
    Një procedurë prokurimi e çelur nga Operatori i Blerjeve të Përqendruara këtë të hënë me një fond limit 66 milionë lekë apo 660 mijë euro për dy lotet në fjalë parashikon pikërisht këtë plan.
    Referuar termave të referencës që shoqërojnë këtë procedurë në hyrje të tyre nënvizohen edhe planet sa i takon infrastrukturës.
    “Ky dokument paraqet një set të detajuar të Termave të Referencës (ToR) për realizimin e projekteve të zgjerimit të landfillit ekzistues rajonal të Zonës së Mbetjeve Fier, ndërtimit të impianteve për mbetje inerte, kapsulimit të landfilleve ekzistuese, krijimit të impianteve për rekuperimin e materialeve (MRF), si dhe ndërtimit të landfilleve për mbetje të riciklueshme shtëpiake, përfshirë në të dhe një Njësi për Mbetjet Industriale dhe të Rrezikshme. Dokumenti është konceptuar për të udhëhequr procesin e projektimit dhe implementimit të këtyre ndërhyrjeve në përputhje me standardet më të mira ndërkombëtare dhe kërkesat e BE-së,” thuhet në dokument. Në fund të tij parashikohet që kostoja e ndërtimit të jetë rreth 7.4 milionë euro.
    I njëjti parashtrim bëhet edhe në hyrjen e termave të referencës për zonën e Elbasanit, por këtu kostoja është pak më e lartë.
    “Duke ju referuar VKM nr. 354, datë 11.05.2016, ‘Për miratimin e Manualit të tarifave për shërbime në planifikim territori, në projektim, mbikëqyrje dhe kolaudim’, llogaritja e fondit limit është bërë si më poshtë vijon: Vlera e ndërtimit në euro pa TVSH 8,012,737.46 euro – kosto e llogaritshme. Vlera e ndërtimit pa TVSH 785,248,271.08 lekë – kosto e llogaritshme e objektit/ve në të cilën përmblidhen vetëm punime civile ndërtimore dhe shërbime, pa përfshirë vlerën e pajisjeve dhe të makinerive. Vlera e ndërtimit me TVSH 942,297,925.296 lekë (kosto e llogaritshme me TVSH),” thuhet në dokument.
    Projektet janë një llogaritje fillestare dhe ato do të duhet të kalojnë oponencën teknike. Menaxhimi i mbetjeve në vend ka pasur një politikë jo shumë të qartë, teksa pak vite më parë pati një përqendrim me projekte drejt incenerimit.
    Si landfillet ashtu edhe incenerimi mund të jenë plotësues të njëri-tjetrit, edhe pse plotësisht të ndarë në operim, por synimi është që në incenerim të shkojnë mbetjet që nuk mund të riciklohen, duke ulur volumet në landfille.

  • Këshilli i Integrimit me bashkëkryetarë, PS: Ligjet për BE miratim me procedurë të përshpejtuar

    Socialistët kërkojnë të kenë gjithçka nën kontrollin e tyre përsa i përket procesit të integrimit të Shqipërisë në BE duke i lënë sa më pak hapësirë opozitës.
    Pasi i hoqën PD komisionin për Çështjet Europiane, mazhoranca ka depozituar në Kuvend ndryshimet në ligjin për Rolin e Kuvendit në procesin e integrimit të Shqipërisë në BE. Këto propozime ndryshojnë edhe drejtimin e Këshillit të Integrimit, i cili deri legjislaturën e shkuar kryetaren e ka patur nga radhët e PD, si drejtuese e komisionit për çështjet europiane.
    Ky mekanizëm parlamentar do të funksionojë me bashkëkryetare, jo nga komisionet e përhershme parlamentare, por nga kryetari dhe zv/kryetari i delegacionit shqiptar në Komitetin Parlamentar për Stabilizim dhe Asociim, Taulant Balla nga PS dhe Jorida Tabaku nga PD.
    Përpos bashkëdrejtimit ky ligj vjen edhe me një ndryshim të ri. Për të arritur objektivin e qeverisë së Edi Ramës për mbylljen e negociatave brenda 2027, socialistët nxitojnë për të miratuar në një kohë të shkurtër në një numër të lartë ligjesh.
    Për këtë arsye ata mendojnë që ligjet që synojnë përafrimin me ato të BE, marrëveshjet që lidhen me stabiliizim asociimin apo detyrimet e dala nga negociata do të duhet të kalojnë në kuvendin e Shqipërisë me procedurë të përshpejtuar.
    Përveçse sipas propozuesve socialistë, ligjet që kërkojnë shumicë të cilësuar,3/5 e anëtarëve të Kuvendit. Pavarësisht kundërshtive nga ana e opozitës, PS i ka votat e mjaftueshme për t’i kaluar këto ndryshime edhe e vetme.

  • Për herë të parë në spitalin e Gjirokastrës, realizohet procedura moderne e ekzaminimit me bronkoskopi

    Për herë të parë në spitalin e Gjirokastrës, realizohet procedura moderne e ekzaminimit me bronkoskopi

    Një procedurë moderne diagnostikuese është realizuar për herë të parë në spitalin rajonal të Gjirokastrës. Lajmi është bërë i ditur nga kryeministri Edi Rama, i cili shkruan se ekzaminimi me bronkoskopi, shënon një hap të rëndësishëm në përmirësimin e shërbimeve shëndetësore në vend dhe rajon.
    Nga ky shërbim i përparuar, kanë përfituar deri më tani 30 pacientë me probleme respiratore.
    “MIRËMËNGJESdhe nga Spitali Rajonal i Gjirokastrës, ku për herë të parë është realizuar ekzaminimi me bronkoskopi, një procedurë moderne diagnostikuese dhe terapeutike që shënon një hap të rëndësishëm për përmirësimin e shërbimeve shëndetësore në rajon, ku vetëm në pak ditë 30 pacientë me probleme respiratore kanë përfituar nga ky shërbim të avancuar, pa pasur nevojë të udhëtojnë drejt qendrave terciare, ju uroj një ditë të mbarë”, shkruan Rama.

  • “O idiot”/ Balla shpërthen pas fyerjeve të Nokës ndaj kolegëve socialist: Të dalë jashtë…

    “O idiot”/ Balla shpërthen pas fyerjeve të Nokës ndaj kolegëve socialist: Të dalë jashtë…

    Seanca parlamentare u ndërpre pas një debati mes deputetëve.
    Kreu i grupit parlamentar të PS-së, Taulant Balla i kërkoi deputetit të PD, Flamur Noka që t’i kërkojë falje ministrit të Drejtësisë, Besfort Lamallarit, pasi e quajti ‘idiot’, ose të dalë jashtë nga salla e Kuvendit.
    “U bë seanca e disatë radhazi, por sot po arrihet kulmi, kërkohet fjala për procedurë. Në procedurë kërkohet dorëheqja e një ministri.
    Në seriozitetin e një Parlamenti, një grup parlamentar i disa deputetëve, nëse do t’u kishte dhembur shpirtin seriozisht, mund të kishin ardhur me kërkesë procedurale.
    Javën e ardhshme do të kemi një debat 12 orë e gjysmë për 5 institucionet e drejtësisë që do raportojnë.
    Nuk mund të kryej më debat për një çështje, fyejmë familjen e të ndjerit.
    Unë jam i shumicës, fjala për procedurë merret kur bëhet fjalë për rendin e ditës. Kemi bërë diskutim në Konferencën e Kryetarëve, sot tha njëri, nuk do kemi teatër.
    Dëgjova një këtu që kulturën e ka me klering, që i bërtiste ministrit o idiot. Ky njeri nuk ka vend këtu.
    Ishte një këtu që i bërtiste ministrit o idiot, o idiot. Ça është ky mo? Tani ky o e tërheq mprasht ata që i tha ministrit, ose kërkoj 5 minuta pushim dhe ky zotëria të dalë përjashta”, tha Balla.

  • Ndërpritet seanca plenare, Balla: Një deputet i PD ofendoi ministrin Lamallari gjatë fjalës së tij

    Ndërpritet seanca plenare, Balla: Një deputet i PD ofendoi ministrin Lamallari gjatë fjalës së tij

    Kreu i grupit parlamentar socialist, Taulant Balla kërkoi ndërprerjen e seancës plenare për 5 minuta. Balla deklaroi se një deuptet i PD, ofendoi ministrin e Drejtësisë, Besfort Lamallari, teksa po fliste në lidhje me vrasjen e gjyqtarit Astrit Kalaja. Ndër të tjera, Balla tha se deputetët e opozitës, nuk mund ta kërkojnë fjalën për procedurë, dhe më pas të bëjnë kërkesë për dorëheqje të ndonjë ministri.
    “U bë seanca e disatë radhazi, por sot po arrihet kulmi, kërkohet fjala për procedurë. Në procedurë kërkohet dorëheqja e një ministri. Në seriozitetin e një parlamenti, një grup parlamentar i disa deputetëve, nëse u dhemb shpirti seriozisht, mund të kishin ardhur me kërkesë procedurale. Javën e ardhshme do kemi një debatr 12 orë e gjysmë për 5 institucoinet e drejtësisë që do raportojnë. Nuk mund të kryejnmë debat për një çështje, fyejmë familjen e të ndjerit. Presin distancim që nga dera e gjykatës kërcënojnë prokurorë e gjyqtarë. Unë jam i shumicës, fjala për procedurë, merret kur bëhet fjalë për rendin e ditës. Kemi bërë diskutim në Konferencën e Kryetarëve, sot tha njëri, nuk do kemi teatër. Ky njeriu këtu nuk ka vend, i bërtiste ministrit o idiot. Ose t’i kërkojë ndjesë ministrit, ose zoti kryetar kërkoj 5 minuta pushim dhe ky person të dalë jashtë”, theksoi ai.

  • PD denoncon Vëngun, Vangjeli: Rrethimi i bazës në Mengël në Elbasan, tenderi 460 mijë euro shkon për familjarët e PS

    PD denoncon Vëngun, Vangjeli: Rrethimi i bazës në Mengël në Elbasan, tenderi 460 mijë euro shkon për familjarët e PS

    Partia Demokratike ka ngritur sot alarmin për një tjetër rast të shpërdorimit të fondeve publike, këtë herë në sektorin e mbrojtjes dhe sigurisë. Në një deklaratë për mediat, zëdhënësja për Antikorrupsionin në PD, Genta Vangjeli, akuzoi qeverinë se ka kthyer tenderat shtetërorë në instrument për pasurimin e familjarëve dhe klientëve të Partisë Socialiste.
    Objekt i denoncimit është një procedurë e kufizuar tenderimi e zhvilluar nga Ministria e Mbrojtjes, e drejtuar nga ministri Pirro Vëngu, për projektin: “Ndërtimi i rrethimit të jashtëm pjesor, sistemi i vëzhgimit me kamera, rrjeti i ndriçimit perimetral, ndërtimi i portave hyrëse dhe vendqëndrimi i rojeve në pronën nr. 318 dhe 319, Mengël, Elbasan”.
    Sipas Vangjelit, në këtë procedurë konkurruese mori pjesë vetëm një operator ekonomik, i cili u shpall fitues me një ofertë prej 460 mijë euro, që përbën 98% të fondit limit, çka ngre dyshime serioze për mungesë transparence dhe konkurrencë reale.
    Fituesi i tenderit është një bashkim operatorësh i përbërë nga dy kompani me lidhje të ngushta me pushtetin vendor të PS:
     
     
    “G & M CONSTRUCTION 07” sh.p.k., në pronësi të Maliq Zotkaj, djali i kryebashkiakut të Poliçanit, dhe Oligert Dyrmishi, ish-drejtor ndërtimi në të njëjtën bashki.
    “ASI-2A CO” sh.p.k., në pronësi të bashkëshortit dhe kunatit të Eleni Gjikondaj, ish-zv/kryetare e Bashkisë Fier dhe aktualisht këshilltare për çështjet ekonomike në të njëjtën bashki.
    Sipas PD, ky është një tjetër shembull ku klientelizmi ka zëvendësuar konkurrencën e ndershme, madje edhe në sektorë kritikë për funksionimin e shtetit si mbrojtja dhe siguria.
    Partia Demokratike i ka bërë thirrje organeve të drejtësisë që të nisin menjëherë hetimet për këtë procedurë dhe të ndalojnë praktikën e përdorimit të parave publike për përfitime personale apo politike.
    “Taksat e shqiptarëve nuk mund të shkojnë për tendera të mbyllur dhe klientelistë. Çdo tender duhet të zhvillohet me konkurrencë reale dhe në shërbim të interesit publik,” – u shpreh zëdhënësja Vangjeli.
    Deklaratë e zëdhënëses së Antikorrupsionit në PD, Genta Vangjeli:
    Partia Demokratike denoncon një tjetër rast ku edhe tenderat në sektorin e mbrojtjes dhe sigurisë po kthehen në biznes për familjarët e pushtetit.
    Ministria e Mbrojtjes, e drejtuar nga Pirro Vëngu, ka zhvilluar një procedurë të kufizuar për objektin: ‘Ndërtim i rrethimit të jashtëm pjesor, sistemin e vëzhgimit me kamera, rrjetin e ndriçimit perimetral, ndërtimin e portave hyrëse dhe vendqëndrimit të rojeve në pronën nr. 318 dhe nr. 319, Mengël, Elbasan’.
    Për këtë tender u të kufizuar u paraqit vetëm një ofertë, dhe pikërisht kjo ofertë u shpall fituese, me vlerën 460 mijë euro – 98% të fondit limit.
    Bashkimi i operatorëve fitues përbëhet nga dy kompani të lidhura ngushtë me pushtetin lokal të Partisë Socialiste:
    Kompania ‘G & M CONSTRUCTION 07’ sh.p.k. në pronësi të Maliq Zotkaj , djali i kryebashkiakut të Poliçanit dhe Oligert Dyrmishi i cili ka mbajtur detyrën e Drejtorit të ndërtimit për ndërtesa dhe punime publike pranë së njëjtës bashki ;
    Kompania tjetër ‘ASI-2A CO’ sh.p.k. është në pronësi të bashkëshortit dhe kunatit të ish-zv/kryetares së Bashkisë Fier, aktualisht këshilltare për çështjet ekonomike pranë së njëjtës bashki znj.Eleni Gjikondaj.
    Ky skandal tregon qartë se klientelizmi ka zëvendësuar konkurrencën e ndershme dhe interesin publik, madje edhe në sektorë që lidhen drejtpërdrejt me sigurinë dhe mbrojtjen.
    Partia Demokratike i bën thirrje organeve të drejtësisë të hetojnë menjëherë këtë procedurë dhe kërkon që praktika të tilla të marrin fund.
    Çdo procedurë tenderimi të zhvillohet me konkurrencë të vërtetë dhe në shërbim të interesit publik, mbrojtjes dhe sigurisë, duke ndaluar përdorimin e taksave të qytetarëve shqiptarë për klientët e pushtetit.

  • “Strategjikët e rinj”, KIS “ok” për hotele, energji dhe rafineri, 196 mln euro dhe 205 mln USD

    “Strategjikët e rinj”, KIS “ok” për hotele, energji dhe rafineri, 196 mln euro dhe 205 mln USD

    Komiteti i Investimeve Strategjike ka miratuar të paktën katër statuse të reja ku dy prej tyre janë procedurë e veçantë me më shumë lehtësi për investitorët si efekt i vlerës më të lartë të investimit dhe dy të tjerë janë të asistuar.Projektet në fjalë janë në sektorë të hotelerisë, energjisë por edhe industrisë duke parashikuar një vlerë totale investimi prej 196 milionë euro dhe 205 milionë dollar. Por cilët janë në fakt projektet që kanë marrë statusin në fundmi.Hotel në Ksamil“Enea/ Hotel Ksamil”, me subjekt “AICA Imobilare” sh.p.k. mori statusin “Investim/Investitor Strategjik Procedurë e Asistuar”. Projekti i investimit strategjik parashikon realizimin e investimit mbi 45 mln euro dhe parashikon të punësojë 180 punonjës.TEDA Përrenjas, rafineri nikeli dhe tulla“TEDA Përrenjas” me subjekt “CVMR Albania” sh.p.k ka përfituar statusin “Investim/Investitor Strategjik Procedurë e Veҫantë”. Investitori parashikon një investim 205 milionë USD .“Projekti parashikon ndërtimin e një rafinerie për përpunimin e Nikelit në Shqipëri, duke siguruar një kapacitet të prodhimit të hekur-nikelit të papërpunuar deri në 10,000 ton të shfrytëzueshëm në vit. Pjesë e rafinerisë do jenë linjat e përpunimit paraprak dhe ndarjes mekanike me magnet.Synohet njëkohësisht edhe ndërtimi i një fabrikë tullash të plota me kapacitet 300 milion tulla në vit, e cila do të përdorë si lëndë të parë mbetjet nga përpunimi 2 fillestar i hekur nikelit bruto.  Projekti ndahet në dy faza, përkatësisht atë të ndërtimit të infrastrukturës ndërtimore e më pas implementimin e moduleve dhe lidhjen me infrastrukturën ekzistuese” thuhet në vendim.Resort në Pashaliman“Pashaliman Laguna Eko Resort” që do të zbatohet nga “Meta Resorts Albania” sh.p.k ka marrë statusin e “Investim/Investitor Strategjik Procedurë e Asistuar”. Vlara e investimit llogaritet në 21 mln euro dhe synon te punesojë 78 persona. Projekti i investimit synohet të zhvillohet në një sipërfaqe totale prej rreth 25 Ha, në ZK 1569, në zonën e Pashaliman dhe Orikum, Bashkia Vlorë.“Shtrirja e gjurmës së projektit ilustrohet në Aneks 1 të këtij vendimi. · Projekti i investimit propozohet si një projekt i integruar zhvillimi në të cilin parashikohet restaurimi/rijetësimi i strukturave historike të objekteve ekzistuese në zonën e Parkut Arkeologjik të Qytetit Antik të Orikut ashtu si edhe zhvillimin në zonën e Lagunës, nëpërmjet ankorimit në tokë të strukturave lundruese (vila druri) së bashku me strukturat e kalimit. Gjithashtu në funksion të realizimit të këtij projekti synohet vënia në dispozicion e bregut të detit në Kepin e Shën Gjergjit” thuhet në vendim.Park Eolik dhe Fotovoltaik në VeriNjë tjetër projekt që ka marrë statusin nga Komitet ii Investimeve Strategjike është “Parku i Integruar Eolik dhe Fotovoltaik Kiraҫ” nga “Kirac Green Energy” sh.p.k. që ëhstë pjesë e Kirac Group në Turqi. Statusi është “Investim/Investitor Strategjik Procedurë e Veҫantë”. Projekti ka një vlerë investimi rreth 130 mln euro dhe synon të punësojë 124 persona.“Vlera e investimit të projektit të investimit “Parku i Integruar Eolik dhe Fotovoltaik Kiraҫ” i plotëson kriteret e parashikuara nga legjislacioni për investimet strategjike dhe parashikohet të jetë 129,999,988 Euro (njëqind e njëzet e nëntë milion e nëntëqind e nëntëdhjetë e nëntë mijë e nëntëqind e tetëdhjetë e tetë milion) Euro. Projekti i investimit parashikon një sistem hibrid gjenerimi të energjisë dhe përkatësisht ndërtimin e një parku të integruar eolik dhe fotovoltaik i cili do të ketë në total një kapacitet të instaluar prej 125 MË. Ky projekt strategjik, ndër më të 2 mëdhenjtë në Shqipëri, pritet të kontribuojë ndjeshëm në sigurinë energjetike të vendit.Projekti hibrid zë në total një sipërfaqe prej 269.373 ha. Sipërfaqja në të cilën shtrihet projekti projekti prek Bashkinë Lezhë dhe Bashkinë Vau i Dejës, nga të cilat: a. Sipërfaqja e parcelave në pronësi të Bashkisë Lezhë është 99.2 ha; b. Sipërfaqja e parcelave në pronësi të Bashkisë Vau i Dejës është 152.7 ha; c. Sipërfaqja e parcelave në pronësi shtet është 2.5 ha; d. Sipërfaqja e parcelave pa informacion kadastral është 14.9 ha”, thuhet në vendim/ N.MahoKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Strategjikët, AIDA: Sektorët dhe vlera e investimit për të përfituar statusin

    Strategjikët, AIDA: Sektorët dhe vlera e investimit për të përfituar statusin

    Gjashtë janë sektorët, ku potencialisht mund të zhvillohen projekte që përfitojnë nga statusi i investitorit strategjik nëse përmbushin disa kushte ku më kryesori vlera e investimit dhe punësimi që gjenerohet prej tyre.Agjencia Shqiptare e Zhvillimit të Investimeve (AIDA) publikoi këto ditë një përmbledhje të përvitshme informative sa i takon kësaj kategorie investimesh dhe duke shpjeguar edhe procedurat standard të aplikimit, hallkat institucionale të përfshira, kohën e shqyrtimit dhe miratimin.Të renditura sektorët me interes janë : energjia dhe minierat;  transporti, infrastrukture dhe komunikimet elektronike;  turizmi;  bujqësia dhe peshkimi; zonat e teknologjisë dhe zhvillimit ekonomik; zona me përparësi turizmin. Për secilën prej tyre AIDA saktëson kufirin minimal për statusin investim apo investitor strategjik procedurë e asistuar dhe për procedurën e veçantë.SEKTORI “ENERGJETIK DHE MINERARInvestimi të jetë: i barabartë ose më i madh se 30 milionë euro, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “TRANSPORT, INFRASTRUKTURË E KOMUNIKIMEVE ELEKTRONIKEInvestimi të jetë: i barabartë ose më i madh se 30 milionë euro, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “TURIZËMInvestimi të jetë: i barabartë ose më i madh se 5 milionë  euro, dhe që krijon, minimalisht, 80 vende të reja pune, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “BUJQËSI DHE PESHKIM”Investimi të jetë: i barabartë ose më i madh se 3 milionë euro, dhe që krijon, minimalisht, 50 vende të reja pune, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “ZONË E TEKNOLOGJISË DHE ZHVILLIMIT EKONOMIK”Investimi të jetë: i barabartë ose më i madh se 5 milionë euro, për statusin “Investim/investitor strategjik, procedurë e asistuar”; i barabartë ose më i madh se 50 milionë euro, për statusin “Investim/investitor strategjik, procedurë e veçantë”.SEKTORI “ZONA ME PËRPARËSI ZHVILLIMI”Investimi të jetë: i barabartë ose më i madh se 1 milion euro, dhe që krijon, minimalisht, 150 vende të reja pune, për statusin “Investim/investitor strategjik, procedurë e asistuar”; i barabartë ose më i madh se 10 milionë euro, dhe që krijon, minimalisht, 600 vende të reja pune, për statusin “Investim/investitor strategjik, procedurë e veçantë”.Për sektorë të tjerë AIDA specifikon në broshurë se mund të përfshihen investime me vlerë të barabartë ose më të madhe se 50 milionë Euro përfitojnë Statusin “Investim/investitor strategjik, procedurë e asistuar”, pasi të kenë marrë miratimin paraprak të ministrisë së linjës. Po kështu investime me vlerë të barabartë ose më të madhe se 100 milionë euro përfitojnë Statusin “Investim/investitor strategjik, procedurë e veçantë”.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.