Kryetari i Lëvizjes “Shqipëria Bëhet” tha përmes një videomesazhi në Facebook se është proceduar penalisht nga Policia e Shtetit.
“Kaq frikë ky nga kaq veta sa jemi mbledhur këtu? Imagjinoni sikur të derdhemi në shesh… Të më thonë kë kam bllokuar unë për të mos shkuar në punë, në zyrë, në spital, duke qëndruar këtu? Ah po, ndërgjegjësimi i njerëzve pengon hajdutët e tij të vjedhin”, tha Lapaj, duke iu referuar Kryeminstrit Rama.
“Nuk më frikësoni me letra bakalli… Qeveria e krimit më ka dhënë një dekoratë të paparë duke më proceduar penalisht, sepse i tregon njerëzve të këtij vendi se sa frikacak është. Ky që ka sjellë njerëzit këtu në këtë shesh dhe janë vrarë njerëzit për pushtetin e tij. Ky që bllokonte rrugët me goma… Ky më tregon mua bllokimin e rrugëve, bllokimin e njerëzve…”, shtoi Lapaj.
“Ky bllokoi marrjen e statusit kandidat, bllokoi një komb të tërë për të marrë vizat për një këshilltar në Fier. Me kë? Me zarat e tij, që janë zgjatim i Policisë së Shtetit”.
Sipas një njoftimi të Policisë së Tiranës, Lapaj është proceduar pasi dyshohet se ka bërë grumbullime dhe ka zaptuar hapësirën publike përpara godinës së Kryeministrisë, duke penguar qarkullimin e lirë të lëvizjes.
Tag: proceduar
-
Lapaj sulmon Ramën: Bllokove integrimin për një këshilltar në Fier. Do që të mos flasim?
-
I skeduar dhe i proceduar për shpërndarje narkotikësh, pistat kryesore të hetimit për vrasjen e biznesmenit në Elbasan
Biznesmeni Edmond Hyka që njihej edhe si Mondi Mëhalla u ekzekutua në automjetin e tij sapo ka dalë nga biznesi i tij mbrëmjen e sotme.
Sipas informacioneve në media, janë ngritur pika kontrolli për kapjen e autorëve, ndërsa dyshohet për dy të përfshirë.
Pista në të cilat po hetohen janë disa, pasi nga ana e policisë po hetohen edhe konflikte, ngjarjet e kaluar, pasi nga hetimet ka rezultuar i skeduar dhe i proceduar për shpërndarje të narkotikëve.
Ndërkohë sipas informacioneve, disa persona janë shoqëruar në polici, dhe disa prej dëshmitarëve kanë thënë se nuk kanë mundur të shohin, sepse automjeti i viktimës ka qenë i parkuar pak më larg vendit ku ndodhej biznesi. -
Koçiu: 2736 m² ndërtime pa leje të prishura në Farkë, 18 të proceduar e mbi 1 milion euro gjoba
Prej një jave ka nisur operacioni i inspektimit, evidentimit dhe prishjes së objekteve pa leje në Farkë.
Në vijim të operacionit kombëtar për vendosjen e ligjshmërisë në territor për ata që ndërtojnë pa leje apo për qëllime fitimi, ministrja e Punëve të Brendshme, Albana Koçiu bëri sot një bilanc të operacionit të përqendruar në zonën e Farkës prej datës 3 nëntor.
Koçiu tha se “në çdo kantier ku konstatohen shkelje, mesazhi është i qartë: Askush nuk është mbi ligjin, as pronarët e vilave, pallateve apo komplekseve, as zaptuesit e zakonshëm, as inspektorët apo funksionarët që kanë përdorur detyrën për të abuzuar apo neglizhuar”.
Ministrja Koçiu tha se nga operacioni në zonën e Farkës janë inspektuar deri tani 68 objekte, janë prishur 2736 m² objekte si vila, pa leje, janë vendosur mbi 1 milion euro gjoba ndaj subjekteve, si dhe janë proceduar penalisht 18 persona.
Sipas Koçiut, 13 nga personat e proceduar janë inspektorë të mbrojtjes së territorit, të cilët kanë mbyllur sytë përpara shkeljeve.
“Operacioni për ligjshmërinë në territor do të vijojë e nuk do të ndalet, nga hapësirat publike tek çdo leje e miratuar, që duhet të zbatohet drejt dhe sipas ligjit. Do të vijojmë për sa kohë të jetë e nevojshme për të bërë të mundur që çdo lekë i investuar nga shqiptarët të kthehet në një pronë me cilësi, planimetri dhe standardet e merituara dhe çdo pëllëmbë e zaptuar t’u kthehet qytetarëve dhe komuniteteve”, përfundoi Koçiu. -
Falsifikonte pasaporta dhe viza, procedohet në Shkodër 39-vjeçari nga Irani
Është proceduar në gjendje të lirë nga policia e Shkodrës këtë të mërkurë, një shtetas iranian, pasi dyshohet se falsifikonte letërnjoftime, pasaporta dhe viza.
Sipas raportimeve, është proceduar shtetasi M. M., 39 vjeç, për veprën penale “Falsifikimi i letërnjoftimeve, pasaportave ose vizave”, pasi në SPK Bajzë, shërbimet e Policisë Kufitare i kanë gjetur një kartë identiteti me të dhënat e një shtetasi italian.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. -
Shfrytëzonin hapësirat publike për parkingje dhe lavazhe, 10 të arrestuar e 123 në hetim
Policia e Shtetit, ka ndërmarrë një aksion për goditjen e rasteve të zaptimit të hapësirave publike dhe shfrytëzimin e tyre, në mënyrë të paligjshme për parkingje ose lavazhe.
Raportohet se në 24 orët e fundit janë evidentuar 133 raste, ku si rezultat janë arrestuar 10 persona, ndërsa 123 të tjerë janë proveduar penalisht në gjendje të lirë.Gjithashtu, janë proceduar penalisht edhe 45 drejtues automjetesh për parkime të gabuara që pengonin lëvizjen e lirë të automjeteve, këmbësorëve apo automjeteve të emergjencës.
“Gjatë 24 orëve të fundit, në të gjithë vendin, u konstatuan dhe u goditën:
133 raste të shfrytëzimit të kundërligjshëm të hapësirave publike/private, për aktivitete ekonomike (kryesisht vendparkime ose lavazhe për automjete) të paregjistruara në organet tatimore. Subjektet përfitonin të ardhura të fshehura, pa lëshuar kuponë tatimorë.
Konkretisht:
8 raste në Tiranë me 10 të arrestuar dhe 68 të proceduar;
16 raste në Shkodër me 16 shtetas të proceduar;
11 raste në Lezhë me 11 të proceduar;
6 raste në Korçë me 6 të proceduar;
6 raste në Fier e Lushnjë me 6 të proceduar;
4 raste në Vlorë e Sarandë me 4 të proceduar;
4 raste në Dibër me 4 të proceduar;
3 raste në Elbasan me 3 të proceduar;
2 raste në Berat me 2 të proceduar;
2 raste në Durrës me 2 të proceduar
1 rast në Gjirokastër me 1 të proceduar.
Gjithashtu, u evidentuan 45 raste të parkimeve të gabuara që pengonin qarkullimin e lirë të mjeteve apo qytetarëve, nga të cilat: 37 në Tiranë, 3 në Elbasan, 2 në Fier, 2 në Kukës, 1 në Durrës.
Po ashtu, janë konstatuar 3 raste të punësimit të paligjshëm”, – thuhet në njoftim.
Materialet procedurale i kanë kaluar prokurorive të rretheve gjyqësore për veprime të mëtejshme. -
Policia aksion për hapësirat publike: 10 të arrestuar dhe 123 të proceduar
Gjatë 24 orëve të fundit, Policia e Shtetit ka zhvilluar një operacion mbarëkombëtar ku në fokus ka qenë lirimi i hapësirave publike.
Nga aksioni, i cili mban të njëjtin emër me qëllimin e tij “Hapësirat publike”, janë arrestuar dhjetë persona ndërsa janë proceduar 123 për zaptim të hapësirave publike, të shfrytëzuara në mënyrë të paligjshme për parkingje ose lavazhe.
“Gjatë 24 orëve të fundit, në të gjithë vendin, u konstatuan dhe u goditën: 133 raste të shfrytëzimit të kundërligjshëm të hapësirave publike/private, për aktivitete ekonomike (kryesisht vendparkime ose lavazhe për automjete) të paregjistruara në organet tatimore. Subjektet përfitonin të ardhura të fshehura, pa lëshuar kuponë tatimorë”, njoftoi policia.
Rastet më të shumta janë zbuluar në Tiranë, 78 të tilla që kanë përfunduar me 10 të arrestuar dhe 68 të proceduar. Gjithashtu janë evidentuar edhe 45 raste të parkimeve të gabuara që pengonin qarkullimin e lirë të makinave dhe qytetarëve.
“Konkretisht: 78 raste në Tiranë me 10 të arrestuar dhe 68 të proceduar; 16 raste në Shkodër me 16 shtetas të proceduar; 11 raste në Lezhë me 11 të proceduar; 6 raste në Korçë me 6 të proceduar; 6 raste në Fier e Lushnjë me 6 të proceduar; 4 raste në Vlorë e Sarandë me 4 të proceduar; 4 raste në Dibër me 4 të proceduar; 3 raste në Elbasan me 3 të proceduar; 2 raste në Berat me 2 të proceduar; 2 raste në Durrës me 2 të proceduar dhe 1 rast në Gjirokastër me 1 të proceduar.Gjithashtu, u evidentuan 45 raste të parkimeve të gabuara që pengonin qarkullimin e lirë të mjeteve apo qytetarëve, nga të cilat: 37 në Tiranë, 3 në Elbasan, 2 në Fier, 2 në Kukës, 1 në Durrës. Po ashtu, janë konstatuar 3 raste të punësimit të paligjshëm”, njoftoi policia.
Uniformat blu paralajmërojnë se aksioni kundër pushtimit të hapësirave publike dhe informalitetit do të vijojë intensivisht në të gjitha qarqet e vendit. -
Hapësirat publike! Policia në aksion: 133 raste të goditura në 24 orët e fundit, 10 të arrestuar
pamje nga aksioni
TIRANË-133 raste me 10 të arrestuar dhe 123 të proceduar për zaptim të hapësirave publike, të shfrytëzuara në mënyrë të paligjshme për parkingje ose lavazhe.
45 drejtues automjetesh të proceduar penalisht për parkime të gabuara që pengonin lëvizjen e lirë të automjeteve, këmbësorëve apo automjeteve të emergjencës.
Prej 24 orësh, në të gjithë vendin, strukturat e Policisë së Shtetit po vijojnë operacionin policor të koduar “Hapësirat publike”.
Në operacionin për lirimin e hapësirave publike janë përfshirë strukturat për Hetimin e Krimeve Ekonomiko-Financiare të Drejtorive Vendore të Policisë, Patrullat e Përgjithshme dhe Forcat “Shqiponja”, në bashkëpunim me Policitë Bashkiake përkatëse.
Ky aksion ka si objektiv lirimin e hapësirave publike dhe ndëshkimin e shtetasve që i kanë zaptuar, duke i shfrytëzuar si vendparkime apo lavazhe, me qëllim përfitimi në mënyrë të paligjshme.
Njëkohësisht, Policia Rrugore dhe shërbimet e rendit po vijojnë me intensitet kontrollet dhe ndëshkimin e parkimeve të gabuara që pengojnë qarkullimin normal të mjeteve dhe automjeteve të emergjencës.
Gjatë 24 orëve të fundit, në të gjithë vendin, u konstatuan dhe u goditën:
133 raste të shfrytëzimit të kundërligjshëm të hapësirave publike/private, për aktivitete ekonomike (kryesisht vendparkime ose lavazhe për automjete) të paregjistruara në organet tatimore. Subjektet përfitonin të ardhura të fshehura, pa lëshuar kuponë tatimorë.
Konkretisht: 78 raste në Tiranë me 10 të arrestuar dhe 68 të proceduar; 16 raste në Shkodër me 16 shtetas të proceduar; 11 raste në Lezhë me 11 të proceduar; 6 raste në Korçë me 6 të proceduar; 6 raste në Fier e Lushnjë me 6 të proceduar; 4 raste në Vlorë e Sarandë me 4 të proceduar; 4 raste në Dibër me 4 të proceduar; 3 raste në Elbasan me 3 të proceduar; 2 raste në Berat me 2 të proceduar; 2 raste në Durrës me 2 të proceduar dhe 1 rast në Gjirokastër me 1 të proceduar.
Gjithashtu, u evidentuan 45 raste të parkimeve të gabuara që pengonin qarkullimin e lirë të mjeteve apo qytetarëve, nga të cilat: 37 në Tiranë, 3 në Elbasan, 2 në Fier, 2 në Kukës, 1 në Durrës.
Po ashtu, janë konstatuar 3 raste të punësimit të paligjshëm.
Aksioni kundër pushtimit të hapësirave publike dhe informalitetit do të vijojë intensivisht në të gjitha qarqet e vendit.
Materialet procedurale i kaluan prokurorive të rretheve gjyqësore për veprime të mëtejshme.
Policia e Shtetit apelon për qytetarët dhe drejtuesit e mjeteve që të mos cenojnë të drejtën e qytetarëve për të shfrytëzuar bashkërisht hapësirat publike, si dhe të respektojnë me rigorozitet normat e ligjit tatimor dhe të Kodit Rrugor.Çdo veprim që bie në kundërshtim me ligjet në fuqi do të ndëshkohet.
Gjithashtu, Policia fton qytetarët të denoncojnë çdo rast paligjshmërie që konstatojnë, duke kontribuuar në garantimin e rendit, sigurisë publike dhe zbatimin e ligjit. -
Fier – Arrestime dhe procedime për dhunë, aksidente dhe shpërdorim detyre
Drejtoria Vendore e Policisë Fier ka bërë me dije se gjatë 24 orëve të fundit janë evidentuar disa raste të shkeljeve ligjore, ku disa shtetas janë arrestuar, ndërsa të tjerë janë proceduar në gjendje të lirë.Reklama në FieriWeb – “Oazi i Pishave”
Në fshatin Grykë, është arrestuar në flagrancë 63-vjeçari I. S., banues në Hocharë, pasi duke drejtuar motomjetin në gjendje të dehur, ka humbur kontrollin e mjetit dhe ka dalë nga rruga. Si pasojë, ai është dëmtuar dhe ndodhet nën kujdesin e mjekëve. Reklama në FieriWeb – “KETU MUND TE JETË REKLAMA JUAJ”
Në aksin rrugor Fier–Lushnjë, një automjet që drejtohej nga shtetasi M. Q., 44 vjeç, banues në Durrës, ka përplasur këmbësorin F. Z., 45 vjeç, i cili po ashtu ndodhet në kujdesin e mjekëve.Reklama në FieriWeb – “PASTIÇERI “RUSTEMAJ”
Reklama në FieriWeb – “BREGU CLIMA”
Në Fier, një notere 47-vjeçare me inicialet V. B. është vënë nën hetim pasi dyshohet se ka përfituar një shumë parash nga një qytetar pa kryer pagesat përkatëse, duke shpërdoruar detyrën.Reklama në FieriWeb – “COVIM CAFFE”
Në Marinëz të Roskovecit, është arrestuar në flagrancë shtetasi R. Gj., 28 vjeç, pasi ka ushtruar dhunë ndaj bashkëshortes së tij.
Ndërkohë, janë proceduar në gjendje të lirë dy shtetas nga Vlora, K. H., 31 vjeç, dhe K. H., 26 vjeç, të cilët për motive të dobëta kanë goditur me grushta një 46-vjeçar.
Në fshatin Sheq Musala, është proceduar penalisht shtetasi K. B., 44 vjeç, pasi dyshohet se ka zaptuar një sipërfaqe toke dhe ka penguar hapjen e kanalit kullues.
Gjithashtu, në Lushnjë, një 19-vjeçare me inicialet K. M. është vënë nën hetim pasi ka dëmtuar automjetin e një 37-vjeçari për motive të dobëta.
Policia bën me dije se materialet procedurale për të gjitha rastet i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
-
Të dehur në timon dhe pa leje drejtimi, Policia Rrugore: 7 të arrestuar gjatë 72 orëve
Kronikë E Mërkurë, 22 Tetor 2025 14:34
Shërbimet e Komisariatit të Policisë Rrugore në Tiranë kanë publikuar bilancin e 72 orëve të fundit nga kontrollet përgjatë akseve urbane dhe interurbane.
Si rezultat i kontrolleve të shtuara gjatë 72 orëve të fundit, janë arrestuar ose proceduar penalisht gjithsej 31 shtetas. Sipas njoftimit zyrtar, konkretisht:-5 shtetas janë arrestuar për drejtim mjeti në gjendje të dehur;
-2 shtetas janë arrestuar për drejtim mjeti pa leje drejtimi;
-23 shtetas janë proceduar penalisht në gjendje të lirë për shkelje të ndryshme të Kodit Rrugor;
-1 shtetas është proceduar penalisht në gjendje të lirë për veprën penale “Korrupsioni aktiv ndaj personave që ushtrojnë funksione publike”.
Policia Rrugore e Tiranës thekson se kontrollet dhe prania në terren do të vijojnë me të njëjtin intensitet, si pjesë e strategjisë për rritjen e sigurisë rrugore dhe parandalimin e aksidenteve.