Lajmidites.com

Tag: prilli

  • ODEON/ ’15 ditë prilli’, kronologjia e fundit e diktaturës, Markarian: Thirrje për reflektim

    ODEON/ ’15 ditë prilli’, kronologjia e fundit e diktaturës, Markarian: Thirrje për reflektim

    Mbrëmja e sotme në Odeon na fton të hyjmë në një univers dramatik, ku historia dhe ndërgjegjja përplasen në një nga periudhat më të errëta dhe vendimtare të Shqipërisë. “15 Ditë Prilli”, e sjellë në skenë nga regjisorja Driada Dervishi dhe e bazuar në romanin e Anisa Markarian, na vendos përballë tensionit të një kohe që po merrte fund dhe pasigurisë së një fillimi të ri.

    Në sfondin e një hekurudhe, ku punonjësit i kushtojnë rëndësi të veçantë bustit të diktatorit, shfaqja zbërthen absurditetin e një sistemi në grahmat e fundit, ku errësira dhe ligësia përzihen me zgjimet e ndërgjegjes. Këto janë 15 ditët e fundit të diktatorit, por edhe ditët e para të një demokracie të brishtë, që lind mes pikëpyetjeve për të tashmen dhe të ardhmen.
    Përmes interpretimit të aktoreve Alesia Xhemalaj, Suela Bako, Mimi Marjanaku dhe Sanije Hoti, historia merr jetë në skenë, duke na përballur me dilemat dhe kontradiktat e asaj periudhe. Si e përjetojnë personazhet këtë prag të madh ndryshimi? A është fundi i një epoke domosdoshmërisht fillimi i diçkaje të re?
    Sonte, në këtë bisedë me autoren Anisa Markarian, regjisoren Driada Dervishi dhe aktoret e shfaqjes, do të eksplorojmë jo vetëm sfidat e sjelljes së një periudhe kaq të ngarkuar në teatër, por edhe mesazhet që ajo përcjell për sot. Një reflektim mbi historinë, artin dhe njeriun.

    Autorja e romanit, Anisa Markarian, e sheh 15 Ditë Prilli jo vetëm si një histori, por si një thirrje për reflektim. Ajo thekson se një prej dëshirave të saj ka qenë që lexuesi dhe shikuesi të ndalet dhe të meditojë mbi kohën dhe ngjarjet që kanë ndodhur.Në një realitet ku e kaluara shpesh mbetet në hije ose harrohet, Markarian sjell një rrëfim që nuk kërkon vetëm të tregojë, por edhe të nxisë pyetje, ndjesi dhe ndërgjegjësim. 

    Regjisorja Driada Dervishi e ka përjetuar romanin 15 Ditë Prilli si një përmbledhje të fuqishme të 50 viteve të fundit, një histori që të jep dorë për të krijuar dhe për të rrëfyer artistikisht një epokë të tërë. Në bisedën e saj në Odeon, ajo shprehet se është përpjekur ta sintetizojë këtë përvojë të gjatë historike përmes errësirës së këtyre 15 ditëve, duke sjellë në skenë atë që populli shqiptar ka jetuar në realitet. Për Dervishin, sfida më e madhe ka qenë të kapë esencën e një kohe të ngarkuar me frikë, dhunë dhe shpresa të thyera, por edhe me momentet e vogla të dritës dhe guximit njerëzor. 

    Në këtë histori të mbushur me tension dhe ndryshime dramatike, Alesia Xhemalaj mishëron një figurë të fuqishme: një vajzë ëndërrimtare, studente e mjekësisë, e cila ngre zërin për të vërtetën, duke mos u ndikuar nga realiteti i errët që e rrethon. Në një kohë kur frika dhe nënshtrimi ishin normë, ajo përfaqëson shpirtin e pamposhtur, një zë rebel që nuk pranon të heshtë. Përmes interpretimit të saj, Xhemalaj sjell në skenë një personazh që lufton jo vetëm për të drejtën, por edhe për dashurinë—dy ndjenja që shpesh përplasen me diktaturën dhe kufizimet e saj. Ajo mbetet e pathyeshme, edhe kur përballet me presionin dhe pasigurinë e një epoke që po shkatërrohej.

    Në mozaikun e errët të “15 Ditë Prilli”, një nga figurat më të frikshme është ajo e kryeinfermieres, një grua e ftohtë dhe bashkëpunëtore e mjekut në vrasjen e pacientëve. Ajo nuk është vetëm një hallkë në sistemin e dhunës, por një simbol i njeriut që, i zhveshur nga ndjenja dhe moraliteti, bëhet pjesë e krimeve me një qetësi tronditëse.
    Aktorja Suela Bako, përmes interpretimit të saj të fuqishëm, sjell në skenë këtë personazh kompleks, duke na vënë përballë pyetjes: Si mund të bëhet njeriu kaq i pamëshirshëm, edhe kur është plotësisht i vetëdijshëm për të keqen që po kryen? 

    Në një kohë kur realiteti ndahej mes heronjve pozitivë dhe negativë, reporteri që sjell Mimi Marjanaku në skenën e Odeonit është një figurë e pazakontë një zë mes errësirës, që dëshmon atë që ndodh në një epokë të vështirë. Përmes këtij personazhi, ajo prek një nga plagët më të mëdha të diktaturës: asgjësimin e shpirtrave për të cilët regjimi nuk njohu mëshirë.

    Në dramën e thellë të 15 Ditë Prilli, një nga figurat më prekëse është ajo e një nëne që ka humbur djemtë e saj dhe jeton mes dhimbjes dhe pasigurisë, pa e ditur kurrë se ç’u bë me fatin e tyre. Ky është roli që sjell në skenë Sanije Hoti, një portret i nënave të një epoke ku humbjet nuk kishin përgjigje, vetëm heshtje dhe ankth.

    15 Ditë Prilli nuk është thjesht një shfaqje, por një rrëfim i fuqishëm që na sfidon të reflektojmë mbi historinë dhe kujtesën. Përmes interpretimit të aktorëve dhe vizionit të regjisores Driada Dervishi, kjo vepër na fton të ndjejmë peshën e një epoke dhe të pyesim veten për të shkuarën, të tashmen dhe atë që na pret. Një histori e errët, por e domosdoshme për t’u treguar.

    Anisa Markarian

    Driada Dervishi

    Alesia Xhemalaj

     

    Suela Bako

  • Stuhia po vjen/ “Muaj bombastik, efektet deri në Tetor”, horoskopi i muajit Prill sipas astrologut Jorgo Pulla

    Stuhia po vjen/ “Muaj bombastik, efektet deri në Tetor”, horoskopi i muajit Prill sipas astrologut Jorgo Pulla

    DEMI
    Mos lejoni që tensionet të prishin momentet e mira! Muaji fillon me Afërditën që lëviz retrogradë në një sektor që ka të bëjë me miqësitë, kontaktet shoqërore, por edhe pjesëmarrjen tuaj në grupe, klube, aksione humanitare. Nuk përjashtohet që gjatë kësaj periudhe, një mik i vjetër të kërkojë kontakte me ju, ose ju të kërkoni grupe dhe miqësi në të cilat keni munguar  në të kaluarën. Nga data 13 prill, kur do të ndikoheni direkt nga planetet, do të bëhet më e qartë axhenda juaj dhe do të dini se ku të investoni dhe çfarë të lini pas. Hyrja e Marsit në Luan më 18 Prill i bën të vështira marrëdhëniet tuaja me familjen. Është e mundur që disa riparime në shtëpi mund të jenë të nevojshme dhe t’ju nxjerrin jashtë planit tuaj, por mos lejoni që tensionet të prishin momentet e mira. Fokusohuni te Hëna e re e muajit, më 27 prill, e cila ndodh në shenjën tuaj dhe ju inkurajon të planifikoni fillime të reja.
    BINJAKËT 
    Përcaktoni marrëdhëniet dhe vlerën tuaj! Prilli ju jep mundësinë për të përmirësuar kushtet tuaja të punës. Afërdita në sektorin e karrierës është fillimisht në retrogradë dhe nga 13 prilli rikthehet. Pra, përfitoni nga kjo kohë për të ripërcaktuar marrëdhëniet tuaja me kolegët dhe eprorët, për të kujtuar vlerat dhe dëshirat tuaja nga rruga e karrierës dhe për të ndjekur fitime më të mira. Pas datës 16 prill, do të mund të komunikoni më lehtë me eprorët. Miqtë, grupet shoqërore dhe aktivitetet kolektive stimulojnë mendimin dhe zgjojnë interesin tuaj. Dhjetë ditët e fundit të muajit nisin një periudhë me shumë kontakte, por edhe shumë udhëtime! Udhëtimet dhe ekskursionet gjallëruese ju japin energji dhe ju ngrenë humorin. Megjithatë, mos i lini pas dore riparimet që duhen bërë në mjetet tuaja të transportit dhe mos vozitni në mënyrë të pamatur. Më 27 Prill, jepini vetes mundësinë për të bërë një reflektim.
    GAFORRJA
    Beni udhëtimin që kishit planifikuar! Muaji që po fillon sjell lajme të mira për ju dhe ju bën të ndiheni vërtet sikur pranvera ka nisur për mirë! Fillimisht, Afërdita mbetet te Peshqit gjatë gjithë Prillit dhe ndërsa fillon në retrogradë, më 13 prill kthehet në kursin e duhur. Çështjet e studimit dhe arsimimit, çështjet që kishin të bënin me të huajt apo me jashtë vendit dhe që ishin vonuar, duket se po riplanifikohen. Ndërsa nuk përjashtohet mundësia që tani të realizohet një udhëtim që ishte shtyrë. Emocionet tuaja janë të favorizuara me partnerin! Nga ana tjetër, pas shumë muajsh, Marsi dinamik, por kokënxehtë më në fund largohet nga shenja juaj më 19 prill. Energjia juaj është rikthyer në nivele normale dhe tensioni dhe konfliktet ulen ngadalë!
    LUANI
    Rizbuloni guximin tuaj! Prilli fillon me mendjen tuaj të fokusuar në çështjet financiare që kanë sjellë disa pengesa. Çështjet e trashëgimisë dhe pronës, si dhe çështjet më të përgjithshme të zakonshme financiare (kreditë, borxhet, etj.) hasin në vonesa dhe ju krijojnë pasiguri, pavarësisht perspektivave që përmbajnë. Jini të durueshëm deri më 13 prill dhe gjërat do të ndryshojnë dinamikisht dhe në avantazhin tuaj! Fillimisht, pozicioni i ri i Mërkurit tek Dashi çliron komunikimin dhe mund të diskutoni me sukses çdo gjë që ju intereson. Mendimi juaj është më i qartë ndërsa promovohen tema që lidhen me udhëtime. Ndryshimi tjetër i rëndësishëm i muajit që ju prek drejtpërdrejt, sipas parashikimeve astrologjike për Prillin 2025, është lëvizja e Marsit në shenjën tuaj më 18 prill, ku do të qëndrojë përrreth dy muaj. Ndikimi i këtij pozicioni planetar është i dyfishtë. Nga njëra anë, Marsi ju ofron dinamizëm, guxim dhe energji të shtuar, nga ana tjetër, sjell mbitension dhe acarim që nëse nuk kanalizohet në mënyrë krijuese, shkakton konflikte me ata që ju rrethojnë.
    VIRGJËRESHA
    Përpjekjet tuaja do të japin fryte shumë të rëndësishme nga tani e tutje! Rruga e Mërkurit dhe Afërdites drejt jush, në kohë retrograde, vazhdon afërsisht deri në mes të Prillit. Me këtë ndikim të dyfishtë, universi ju jep pak më shumë kohë për t’u kujdesur për marrëdhëniet, martesën dhe partneritetet tuaja të rëndësishme, me motivimin për t’i përmirësuar ato dhe për të korrigjuar çdo mangësi. Nga 16 prilli, Mërkuri kthehet në kursin e duhur dhe parashikimet tuaja astrologjike për Prillin do të japin fryte. Veçanërisht, Afërdita do t’ju japë mundësinë për të kaluar një kohë të mirë me partnerin tuaj deri në fund të muajit dhe për të kujtuar gjërat që ju bashkojnë. Përfitoni nga pozicioni i ri i Marsit në Luan nga 18 prilli për të adresuar nevojat tuaja të brendshme shpirtërore! Mos i përjashtoni praktikat si joga dhe meditimi. Ato mund t’ju ndihmojnë të përballeni në mënyrë efektive me pasiguritë e brendshme dhe mendimet stresuese.
    PESHORJA 
    Detyrimet po hiqen një herë e mirë nga ju! Rutina juaj e përditshme e punës ka qenë prioritet që nga muaji i kaluar dhe Prilli po vjen për ta përforcuar këtë. Por ndryshimi i dukshëm është se nga data 7 prill, Mërkuri dhe nga 13 Prilli, Afërdita kthehen në rrugën e duhur dhe detyrimet vendosen në rregull. Deri në fund të muajit keni mundësi të kujdeseni për shëndetin dhe mirëqenien tuaj. Kujdesuni për veten, dietën dhe stërvitjen tuaj dhe ky përmirësim do të ketë një ndikim pozitiv në fusha të tjera të jetës suaj. Hëna e Plotë në shenjën tuaj ju ngarkon përkohësisht rreth datës 13 Prill. Marsi largohet përfundimisht nga Gaforrja më 18 Prill, pas shumë muajsh, dhe tensionet e brendshme dhe konfliktet e jashtme, veçanërisht në vendin tuaj të punës, ulen. Miqtë tuaj luajnë një rol të rëndësishëm në përmbushjen e planeve tuaja dhe nuk përjashtohet që gjatë kësaj periudhe të kërkoni pjesëmarrje në grupe të ndryshme sociale.
    AKREPI 
    Universi po ju shkel syrin me Mërkurin dhe Venusin që vazhdojnë rrugën e tyre te Peshqit, të cilët, edhe pse retrogradë, kanë mundësi t’ju ndihmojnë. Ju po rishikoni takimet romantike që kanë ndodhur kohët e fundit në jetën tuaj, ndërsa në të njëjtën kohë ripërcaktoni atë që dëshironi të bëni për të shfrytëzuar në mënyrë krijuese kohën tuaj të lirë. Nga data 7 prill fillimisht dhe nga 13 prilli e në vazhdim, kur të dyja kthehen në normalitet, peizazhi kthjellohet në favorin tuaj. Në të njëjtën kohë, veprimi juaj mbështetet nga Marsi, i cili deri më 19 prill promovon çështjet e udhëtimeve. Megjithatë, një periudhë presioni dhe kërkesash më të mëdha fillon me hyrjen e këtij planeti në Luan. Detyrimet profesionale rriten ndjeshëm për dy muajt e ardhshëm, ndërkohë që konfliktet dhe mosmarrëveshjet me kolegët dhe partnerët sjellin tensione.
    SHIGJETARI
    Koha për t’u aktivizuar sërish! Çështjet e shtëpisë dhe familjes marrin një pjesë të konsiderueshme të energjisë tuaj. Parashikimet astrologjike të Prillit thonë se do përfitoni nga ndikimet mbështetëse të muajit që po fillon. Mërkuri dhe Afërdita normalizojnë klimën familjare dhe sidomos me rikthimin e tyre në normalitet në datat 7 dhe 13 prill, rikthehen komunikimet e shëndetshme. Tani është një mundësi e mirë për të rinovuar shtëpinë tuaj dhe për t’u marrë me dekorimin e hapësirës. Nga ana tjetër, hyrja e Marsit luftarak në Luan më 19 Prill është mundësia që keni pritur për të ndërmarrë veprime dhe për të çuar përpara planet tuaja. Aktivizohen udhëtimet, studimet, marrëdhëniet me të huajt, jashtë vendit dhe gjithçka që lidhet me zhvillimin e interesave dhe përparimin tuaj. Një mundësi e re profesionale do të shfaqet rreth datës 27 prill me Hënën e re.
    BRICJAPI
    Planifikoni për një udhëtim të shkurtër! Fillon një muaj me perspektiva të konsiderueshme përmirësimi dhe ndikimet planetare të Prillit ju japin disa mundësi për të përfituar. Fillimisht, kursi i vazhdueshëm i Mërkurit dhe Afërdita tek Peshqit kontribuon pozitivisht në krijimin e kontakteve dhe komunikimeve të duhura për të çuar përpara çështjet tuaja, veçanërisht nga data 7 prill dhe 13 prill, kur ato kthehen në rrugën e duhur. Nga atje, ju mund të organizoni një udhëtim që do të jetë shumë frytdhënës. Ju i përjetoni marrëdhëniet  nga një këndvështrim tjetër, pasi keni pasur përvoja të shkuara. Çështjet e zakonshme financiare, si huatë, ushqimi dhe prona, tërheqin shumë vëmendjen tuaj nga 18 prilli dhe për dy muajt e ardhshëm.
    UJORI 
    Mos e humbni sensin e masës! Edhe për pak kohë financat do vazhdojnë të jenë prioritet dhe ndër çështjet që ju shqetësojnë. Por fillimisht nga 7 prill dhe më pas nga 13 prill situata fillon të përmirësohet, çështjet e lena pezull të periudhës së mëparshme janë mbyllur tashmë dhe ju do i menaxhoni gjërat më mirë. Duke qenë se deri në fund të muajit ka tendencë për të bërë më shumë blerje, kujdes mos humbisni kontrollin! Veçanërisht e rëndësishme është lëvizja e Marsit në Luan më 18 prill. Pas disa muajsh, ky planet dinamik kthehet në shenjën e kundërt nga e juaja, duke ndezur probleme në marrëdhënie dhe partneritete. Edhe pse ky ndikim planetar sjell tensione dhe konflikte, ndër të tjera, mund të jetë gjithashtu një mundësi për të parë më qartë se çfarë duhet të ndryshojë në martesën ose marrëdhënien tuaj në mënyrë që të kaloni në nivelin tjetër të zhvillimit. Megjithatë, është e rëndësishme që të mos jeni te pa durueshem në dhënien e mendimit. Mundohuni të vendosni veten në vendin e tjetrit për të parë këndvështrimin e tyre.
    PESHQIT
    Çështjet emocionale kthehen për t’u zgjidhur! Me Afërditën në shenjën tuaj dhe gjatë gjithë Prillit, ky muaj mund t’ju mbajë me të mira. Deri në datën 13 prill, planetet do të jenë në retrogradë, që do të thotë se do të ngjallen çështje emocionale të së shkuarës që kanë mbetur të pazgjidhura. Muaji Prill përcjell mesazhin për të qenë të hapur ndaj zhvillimeve duke dëgjuar edhe intuitën tuaj. Deri në mesin e muajit, kur edhe Mërkuri të jetë në shenjën tuaj, dhe sidomos nga data 7 prill e në vazhdim, kur të kthehet në anën e duhur, mund të komunikoni më efektivisht për çështje të ndryshme. Nga mesi i muajit dhe për dy muajt e ardhshëm, kujdesuni për veten, shëndetin dhe dietën tuaj! Përfshini ushtrimet më intensivisht në jetën tuaj për të lehtësuar në mënyrë dinamike stresin tuaj dhe më e rëndësishmja, mos e teproni me punën tuaj.