Lajmidites.com

Tag: presidentit

  • Arabia Saudite dhe Katari gati të shlyejnë e borxhin e Sirisë ndaj Bankës Botërore, presidenti sirian letër Trump për heqjen e sanksioneve

    Arabia Saudite dhe Katari gati të shlyejnë e borxhin e Sirisë ndaj Bankës Botërore, presidenti sirian letër Trump për heqjen e sanksioneve

    Arabia Saudite dhe Katari janë zotuar të shlyejnë borxhin e Sirisë ndaj Bankës Botërore, duke hequr një pengesë për udhëheqjen e re të vendit që të marrë fonde nga huadhënësi ndërkombëtar, ndërsa përpiqet të ringjallë ekonominë e saj të shkatërruar nga lufta.

    Vendet e Gjirit njoftuan një angazhim të përbashkët për të shlyer borxhin e papaguar prej afërsisht 15 milionë dollarësh, pas diskutimeve të nivelit të lartë mbi Sirinë e pasluftës në Takimet e Pranverës së Bankës Botërore/Fondit Monetar Ndërkombëtar 2025 javën e kaluar, ndërsa ato kërkojnë të mbështesin rimëkëmbjen ekonomike nën qeverinë e re të presidentit, Ahmed Hussein al-Sharaa.
    Megjithatë, sanksionet e Shteteve të Bashkuara të vendosura ndaj qeverisë së ish-presidentit Bashar al-Assad mbeten një pengesë e rëndësishme për Sirinë që merr mbështetjen që i nevojitet për të rindërtuar pas një lufte të gjatë civile.
    Konflikti, i cili ka vrarë më shumë se 600,000 njerëz dhe ka zhvendosur miliona, kishte pothuajse përgjysmuar PBB-në e Sirisë që nga viti 2010, një vit para se të fillonte, dhe kostoja e rindërtimit vlerësohet të jetë 400 miliardë dollarë.
    Ligjvënësit republikanë, Cory Mills dhe Marlin Stutzman, vizituan Damaskun javën e kaluar dhe u takuan me Sharaa në një udhëtim jozyrtar të organizuar nga siriano-amerikanë me ndikim.
    Mills i tha Bloomberg se foli me Sharaa në lidhje me kushtet e heqjes së pjesshme të sanksioneve ekonomike dhe do t’i dorëzojë një letër nga ky i fundit, presidentit Donald Trump.

    Top Channel

  • Berisha: Ne kemi në krah avokatin e presidentit Donald Trump, Edi Rama ka në krah bandat, Suel Çelët, Bajrat, Hajrat

    Berisha: Ne kemi në krah avokatin e presidentit Donald Trump, Edi Rama ka në krah bandat, Suel Çelët, Bajrat, Hajrat

    Gjatë fjalës së tij në Kuçovë, lideri i Partisë Demokratike, Sali Berisha, theksoi mbështetjen ndërkombëtare që opozita ka marrë përmes Chris LaCivita, një strateg i njohur dhe i suksesshëm i fushatave elektorale, i cili ka drejtuar rikthimin e presidentit Donald Trump në Shtëpinë e Bardhë.

    Berisha gjithashtu nënvizoi se fushata e PD-së ka përfshirë edhe mbështetje ligjore nga një tjetër figurë me peshë, avokatin e presidentit Trump, që është një simbol i luftës për të drejtat dhe për lirinë e qytetarëve.

    Nga ana tjetër, ai i krahasoi këto forcë pozitive me mbështetjen që Edi Rama ka marrë nga figura të lidhura me krimin, përfshirë Suel Çelën dhe të tjerë, të cilët janë pjesë e një sistemi të korruptuar dhe të lidhur me grupe kriminale.

    Në këtë mënyrë, Berisha e theksoi se opozita, e udhëhequr nga Chris LaCivita dhe me mbështetje nga një avokat i presidentit Trump, është e angazhuar të ofrojë një alternativë të pastër dhe të fuqishme për qytetarët shqiptarë.

    Deklarata e plotë:

    Por përsëri ne jemi më të fortë së kurrë, sepse fushatën tonë, e projektoi, e drejton, kryestrategu i fushatës më të suksesshme elektorale në historinë e njerëzimit, rikthimit të presidentit Donald Trump, Chris LaCivita. 
    I ra dotës me grushta atë ditë që doli Chris LaCivita në konferencë shtypi.
    Por miq, këto dy ditë është i tmerruar edhe më shumë, sepse mësoi se Partia Demokratike ka marrë për avokat të kauzave tuaja të drejta, për avokat të kauzës së drejtë të çdo shqiptari, të votës së lirë shqiptarëve, avokatin e presidentit Donald Trump.
    Imagjinoni tani miq.
    Në një anë opozita me Chris LaCivitanë, në anën tjetër ai me Vullnet Sinën, një hajdut, një deputet që duhet të dorëzonte mandatin dhe që infektoi Shqipërinë me mallra të skaduara. 
    Imagjinoni pak, opozita Partia Demokratike, ju të gjithë me avokat, një vigan, avokatin e presidentit Donald Trump, kurse ai me bandat, me Suel Çelën, me Bajrat, me Hajrat, dhe me të tjerë. 
    I them unë këtu para jush, janë tmerruar se në mënyrë absolute do të shpallen grupe terroriste me datën 12 maj, dhe Edi Rama bashkëpunëtor kryesor i tyre. Po, po.
    Kështu që edhe ato pak shpresa ju shuan, Edi Rama të ardhme nuk ka.
    Fitorja është e njerëzve të lirë, e qytetarëve të lirë, e atyre që besojnë tek shpirti madhështor i shqiptarit, tek Kuçova Madhështore, Shqipëria Madhështore.
    Rrofshi ju, rroftë Shqipëria, 
    Fitore, fitore, fitore!

  • “Afati i presidentit Trump po afrohet”, Rubio për luftën Ukrainë-Rusi: Java e ardhshme, më e rëndësishmja për negociatat

    “Afati i presidentit Trump po afrohet”, Rubio për luftën Ukrainë-Rusi: Java e ardhshme, më e rëndësishmja për negociatat

    Java e ardhshme do të jetë vendimtare për të ditur nëse SHBA-të do të vazhdojnë të përpiqen të ndërmjetësojnë paqen midis Rusisë dhe Ukrainës, tha sot sekretari i departamentit të shtetit, Marco Rubio, duke sugjeruar se afati i fundit i presidentit amerikan, Donald Trump për arritjen e një marrëveshjeje po afrohet me shpejtësi.

    “Jemi afër, por nuk jemi mjaftueshëm afër”, tha sekretari i Shtetit, Marco Rubio. Ai e përshkroi Moskën dhe Kievin si më afër se kurrë arritjes së një marrëveshjeje, por prapë i zbuti pritjet për një përparim.
    “Kjo javë do të jetë një javë vërtet e rëndësishme në të cilën duhet të vendosim nëse kjo është një përpjekje në të cilën duam të vazhdojmë të përfshihemi, apo nëse është koha të përqendrohemi në disa çështje të tjera që janë po aq, nëse jo më shumë, të rëndësishme”, tha Rubio.
    “Ne duam ta shohim të ndodhë. Ka arsye për të qenë optimistë, por ka arsye për të qenë realistë”, tha ai.
    Komentet janë shenja e fundit se Trump po humbet durimin në përpjekjen për t’i dhënë fund konfliktit. Ndërsa po i afrohet ditës së njëqindtë në detyrë, Trump ka shprehur zhgënjim ndaj Rusisë dhe Ukrainës për rezistencën ndaj përpjekjeve të SHBA-së për të sjellë paqe.
    Trump, i cili dikur premtoi të përfundonte luftën në Ukrainë brenda 24 orëve nga marrja e detyrës, u ka thënë këshilltarëve së fundmi se zgjidhja e konfliktit ka qenë më e vështirë nga sa priste.

    Top Channel

  • SPAK-u nisi verifikimin e kontratës së lobimit në SHBA, reagon Partia Demokratike

    SPAK-u nisi verifikimin e kontratës së lobimit në SHBA, reagon Partia Demokratike

    Partia Demokratike ka reaguar pasi SPAK njoftoi se ka nisur verifikimet për kontratën e lobimit të Partisë Demokratike në Shtetet e Bashkuara të Amerikës, me vlerë prej 6 milionë dollarë.
    Sipas PD, “kontrata me avokatin e Presidentit Trump nuk ka trembur vetëm Ramën, por dhe veglat e tij”.
    “Partia Demokratike është transparente për kontratën me avokatin e Presidentit Trump, e cila është nënshkruar në përputhje të plotë me ligjet e të dyja vendeve dhe depozituar në FARA sipas çdo rregulli”, lexohet në deklaratën e PD-së.
    DEKLARATË E PARTISË DEMOKRATIKE
    Pasi e përdori SPAK për vite me radhë si kapak për pusetën e skandalit të tij me McGonigal, sot Rama ka zgjuar sërish nga gjumi ata që kanë mbyllur sytë teksa kartelët e drogës në Tiranë, Durrës, Elbasan dhe Shkodër janë përfshirë më fort se kurrë për të deformuar vullnetin e zgjedhësve, njëlloj siç mbyllën veshët para audiove të dosjeve 339 dhe 184! Njëlloj siç kanë mbyllur sytë para 150 milionë eurove të vjedhura të inceneratorëve, nga të cilat SPAK jo vetëm nuk ka rekuperuar asnjë qindarkë, por hesht si fija e barit se ku kanë përfunduar 150 milionë euro për një vepër që nuk ekziston. Mesa duket kontrata e PD me avokatin e Presidentit Trump nuk ka trembur vetëm Ramën, por dhe veglat e tij. Në fakt, jo pa të drejtë! Pasi sot denoncimet e saj për McGonigal, përzierjen e karteleve të drogës të mbështetur nga Edi Rama dhe narkopolicia në procesin zgjedhor, përfshirë bashkëpunimin e heshtur të organeve të drejtësisë, kanë veshin e administratës dhe Kongresit të SHBA!
    Partia Demokratike është transparente për kontratën me avokatin e Presidentit Trump, e cila është nënshkruar në përputhje të plotë me ligjet e të dyja vendeve dhe depozituar në FARA sipas çdo rregulli! Partia Demokratike gjen dhe njëherë rastin të falënderojë patriotët e komunitetit shqiptaro-amerikan për bujarinë dhe ndihmën e pakursyer për çmontimin e regjimit të Edi Ramës!
    Sot Partia Demokratike, falë diasporës, është më e fortë se kurrë! Ditët e Ramës janë të numëruara! Fitorja është afër dhe i bëjmë thirrje të gjithë demokratëve brenda dhe jashtë Shqipërisë të angazhohen fuqimisht në dy javët e mbetura të kësaj fushate për të realizuar qëllimin tonë final që është Shqipëria Madhështore! 

  • Kremlini zbardh detaje nga takimi mes Putin dhe të dëguarit të Trump në Moskë

    Kremlini zbardh detaje nga takimi mes Putin dhe të dëguarit të Trump në Moskë

    Kremllni ka zbardhur detaje nga takimi i presidentit rus, Vladimir Putin, me të dërguarin special të Donald Trump.
    Zëdhësi i presidentit rus, Dmitry Peskov, ka zbuluar se gjatë takimit Putin përsëriti gatishmërinë e Moskës për bisedime të pakushtëzuara me Ukrainën.
    Duke folur për gazetarët të shtunën, Peskov konfirmoi se tema u diskutua gjatë takimit mes presidentit rus dhe të dërguarit special të SHBA-së në Kremlin të premten.

    “Gjatë bisedës me të dërguarin e Trump Ëitkoff, Vladimir Putin përsëriti se pala ruse është e gatshme të rifillojë procesin e negociatave me Ukrainën pa asnjë parakusht”, tha Peskov.
    Zëdhënësi theksoi se presidenti rus ka folur vazhdimisht për gatishmërinë e Moskës për bisedime.
    Në tetor të vitit 2022, presidenti ukrainas Volodymyyr Zelensky nxori një dekret që ndalonte në mënyrë kategorike të gjitha bisedimet me Rusinë për sa kohë që Putini është në krye. Që atëherë, Kievi ka zbutur disi pozicionin e tij, me Zelensky që pretendoi më vonë se dispozita zbatohej për të gjithë në vend përveç tij. Kohët e fundit, Kievi ka kërkuar që të zbatohet një armëpushim pa kushte përpara se të ndodhin ndonjë bisedë.
    Takimi Putin-Ëitkoff të premten ishte i fundit në një seri kontaktesh midis Moskës dhe Uashingtonit në muajt e fundit. I dërguari special i SHBA-së, i parë si një figurë kyçe pas fillimit të negociatave për konfliktin në Ukrainë, ka zhvilluar raunde të shumta bisedimesh me zyrtarë të lartë rusë, duke përfshirë të paktën tre takime me presidentin rus.
    Në takim morën pjesë edhe ndihmësi i Putinit për politikën e jashtme, Yury Ushakov dhe i dërguari presidencial për investime Kirill Dmitriev. Ushakov e përshkroi bisedën tre-orëshe si “konstruktive dhe shumë të dobishme”.

  • Lobimi 6 mln dollarësh/ Reagon PD: Paratë do të paguhen të gjitha nga shqiptarët që jetojnë në SHBA

    Lobimi 6 mln dollarësh/ Reagon PD: Paratë do të paguhen të gjitha nga shqiptarët që jetojnë në SHBA

    Partia Demokratike ka reaguar në lidhje me kontratën e lobimit të publikuar në media, të nënshkruar mes Nuredin Secit, një shqiptaro-amerikan që jeton në New York dhe ish këshilltari i presidentit Trump, Carlo Trujillo, në cilësinë e Presidentit të “Continental Strategy”.

    Zyra e shtypit të PD-së thotë se kompania është kontraktuar nga komuniteti shqiptaro-amerikan përmes fondacionit “Make Albania Great Again” dhe qëllimi është konsolidimi i marrëdhënieve të Partisë Demokratike me Kongresin dhe Qeverinë e SHBA.
    Sipas PD-së, pagesa është marrë përsipër për t’u paguar 100% nga shqiptarët që jetojnë prej dekadash në SHBA dhe se ajo vetëm sa ka dhënë dakordësinë, por nuk ka asnjë barrë financiare.
    Kontrata kap një vlerë deri në 6 milionë dollarë që do të paguhet nga 250 mijë dollarë në muaj, për një periudhë dy vjeçare.
    Reagimi i zyrës së shtypit të PD:
    “Në lidhje mbi një informacion të shpërndarë në media për lobimin e PD pranë Qeverisë dhe Kongresit të SHBA dëshirojmë të sqarojmë sa vijon:
    Komuniteti shqiptaro-amerikan përmes fondacionit “Make Albania Great Again” ka kontraktuar kompaninë “Continental” për të ndihmuar në konsolidimin e marrëdhënieve miqësore të Partisë Demokratike si forca më e madhe opozitare me Kongresin dhe Qeverinë e SHBA. Synimi i bashkëatdhetarëve tanë në SHBA është bashkëpunimi i PD me aleatin kryesor të Shqipërisë për të rivendosur demokracinë funksionale dhe shtetin e të drejtës në Shqipëri.
    Kompania “Continental” drejtohet nga Ambasadori Carlos Trujillo i cili njihet gjithashtu dhe si avokat i Presidentit Trump dhe si antikomunist i palëkundur në qëndrimet e tij!
    Kontributi financiar për realizimin e këtij qellimi është marrë përsiper 100% nga patriote shqiptare qe jetojne dhe punojne prej dekadash ne SHBA si dhe demokrate te tjere të larguar nga Shqiperia keto 10 vite per shkak te regjimit te Edi Rames!
    Partia Demokratike duke falenderuar demokratët antikomunistë të komunitetit shqiptaro-amerikan për bujarinë dhe patriotizmin e tyre sqaron opinionin publik se ndonëse ka dhënë dakordësinë për marrjen e këtij shërbimi në përputhje të plotë me ligjet e të dy vendeve, nuk ka asnjë barrë financiare apo detyrim kontraktual që lind nga kjo marreveshje.”

  • Varrimi i Papa Françeskut, katër liderët botërorë bëhen bashkë! Starmer, Macron Trump dhe Zelensky “kokë më kokë”

    Varrimi i Papa Françeskut, katër liderët botërorë bëhen bashkë! Starmer, Macron Trump dhe Zelensky “kokë më kokë”

    Në një ditë të ngarkuar me solemnitet dhe reflektim, pranë arkivolit të Papa Françeskut në sheshin e Shën Pjetrit, 4 liderët botërorë nuk kanë humbur kohë për tu takuar sëbashku.

    Pamjet e publikuara tregojnë Kryeministrin britanik Sir Keir Starmer duke qëndruar përkrah Presidentit ukrainas Volodymyr Zelensky, Presidentit amerikan Donald Trump dhe Presidentit francez Emmanuel Macron. Përpjekjet për paqe në Ukrainë, nuk janë lënë as sot në hije.
    Ky takim vjen në një kohë që Rusia dhe Ukraina pretendohet të jenë më afër një marrëveshjeje, sipas një deklarate të fundit nga Trump.
    Udhëtimi i anuluar i Sekretarit amerikan të Shtetit, Marco Rubio, në Londër këtë javë, shihet nga disa si një sinjal mënjanimi për diplomacinë evropiane.
    E megjithatë, Starmer nuk po qëndron pasiv. Ai vazhdon të shtyjë për një “koalicion të vullnetarëve”, një grup vendesh evropiane që mund të luajë rol kyç në zbatimin e çdo marrëveshjeje paqeje në të ardhmen.
     

    Top Channel

  • Publikohet fotoja/ Takimi në Vatikan, Tump-Zelensky përballë njëri-tjetrit

    Publikohet fotoja/ Takimi në Vatikan, Tump-Zelensky përballë njëri-tjetrit

    CNN ka publikuar fotot e takimit të presidentit ukrainas Volodymyr Zelensky dhe presidentit amerikan Donald Trump në Bazilikën e Shën Pjetrit paraditen e sotme.
    Fotot e publikuara nga presidenca e Ukrainës, tregojnë presidentët të ulur ballë për ballë në një zonë të zbrazët të bazilikës.
    Shtëpia e Bardhë i përshkroi bisedimet e tyre si “produktive”.
    Një tjetër imazh tregon liderët të shoqëruar nga kryeministri britanik Keir Starmer dhe presidenti francez Emmanuel Macron.

  • Negociatat për paqe, i dërguari i Presidentit Donald Trump takohet në Moskë me Putinin

    Negociatat për paqe, i dërguari i Presidentit Donald Trump takohet në Moskë me Putinin

    Presidenti rus Vladimir Putin ka nisur një takim me të dërguarin e Presidentit amerikan Donald Trump, Steve Witkoff, në Kremlin, si pjesë e përpjekjeve diplomatike që po intensifikohen për të gjetur një zgjidhje për luftën në Ukrainë.

    Dmitry Peskov, zëdhënësi i Kremlinit, konfirmoi takimin, duke thënë: “Presidenti i Rusisë, Vladimir Putin, është duke pritur Steve Witkoff, dërguarin e Presidentit Trump, në Kremlin.”

    Konvoji i Witkoff thuhet se ka mbërritur në Kremlin pak para orës 14:00, sipas kohës lokale (12:00 BST). Sipas raportimeve nga Interfax, ai ka pasur një takim me Kirill Dmitriev, dërguarin dhe negociatorin e Putinit për Perëndimin, i cili është gjithashtu CEO i Fondit të Investimeve të Drejtpërdrejta të Rusisë.

    Witkoff ka mbërritur në Moskë këtë mëngjes për herë të katërt për t’u takuar me Putin për krizën e Ukrainës. Sipas raportimeve, ai ka fluturuar nga aeroporti Vnukovo në Moskë, duke ardhur nga Miami.

    Gjithashtu, Witkoff pritet të paraqesë kërkesën e SHBA-së që Rusia të njohë të drejtën e Ukrainës për të ruajtur industrinë e saj ushtarake dhe mbrojtëse si pjesë e një mundësie për marrëveshjen e paqes, sipas burimeve të njohura me negociatat aktuale, që janë cituar nga Bloomberg.

  • I shpëtoi një atentati dhe gjendet nën akuzë për grusht shteti, përkeqësohet gjendja shëndetësore e ish-presidentit të Brazilit

    I shpëtoi një atentati dhe gjendet nën akuzë për grusht shteti, përkeqësohet gjendja shëndetësore e ish-presidentit të Brazilit

    Gjendja shëndetësore e ish-presidentit brazilian Jair Bolsonaro është përkeqësuar pas një ndërhyrjeje kirurgjikale në bark, e kryer rreth dy javë më parë.

    Sipas raportimeve mjekësore, ai po përballet me tension të lartë të gjakut dhe rritje të niveleve të enzimave të mëlçisë.

    Bolsonaro iu nënshtrua një operacioni më 13 prill në kryeqytetin brazilian, për shkak të problemeve të lidhura me zorrën e hollë. Ai do të duhet të kryejë ekzaminime të tjera për të vlerësuar më tej situatën. Deri tani nuk është dhënë ndonjë afat për daljen e tij nga spitali. Politikani 70-vjeçar ndodhet në kujdes intensiv që prej ndërhyrjes kirurgjikale.

    Ish-presidenti i krahut të djathtë ka pasur disa ndërhyrje kirurgjikale që nga atentati me thikë që pësoi gjatë fushatës zgjedhore të vitit 2018.

    Ndërkohë, ndaj tij rëndojnë edhe akuza për përfshirje në një komplot për grusht shteti kundër qeverisë së pasardhësit të tij, presidentit aktual Luiz Inácio Lula da Silva, pas humbjes në zgjedhjet e tetorit 2022.