Lajmidites.com

Tag: pranvera

  • “Kafja e Kryengritjes” me Salianjin dhe Alimehmetin, reagon Tedi Kopliku për QUO VADIS: Ja si qëndron e vërteta

    “Kafja e Kryengritjes” me Salianjin dhe Alimehmetin, reagon Tedi Kopliku për QUO VADIS: Ja si qëndron e vërteta

    Ish-kandidati i PD në zgjedhjet e 11 majit, Tedi Kopliku, ka reaguar për emisionin Quo Vadis të moderatores Pranvera Borakaj, pas aludimeve se në kafenë mes tij, Ervin Salianjit, Ilir Alimehmetit dhe disa prej figurave më të votuara në primare kishte një plan për të nisur kryengritjen brenda PD.
    Në përgjigjen dhënë për moderatoren Pranvera Borakaj, Kopliku tha se gjithçka ishte thjesht një kafe dhe se nuk ka asgjë të vërtetë në atë që është shkruar.
    Sipas tij, nëse do të kishte qoftë edhe një grimë të vërtete, ai do të kishte dhënë dorëheqjen më herët.

    “Mediat po e paraqesin si një lëvizje diçka që as ka qenë, as është artikuluar nga askush si e tillë. Ishte thjesht një kafe mes demokratësh.
    Nëse do të bëhesha pjesë e një lëvizjeje, do të hiqja dorë nga detyrat që kam marrë përsipër para shumë pak kohësh. Që nga ai moment, nuk ka ndodhur asgjë që të më bëjë të rimendoj pozicionin tim.
    Nëse do të kisha vendosur apo edhe dyshuar se duhet të bëhem pjesë e një lëvizjeje, do të isha konsultuar me ata njerëz që më kanë votuar.
    Jam i bindur se kjo është një prodhim mediatik dhe jo i dikujt nga mbledhja, sepse ideja e një lëvizjeje apo fraksionimi nuk u artikulua në asnjë moment”, thekson Kopliku në përgjigjen e tij për moderatoren Pranvera Borakaj.

  • Adriana Kalaja, akuza të forta ndaj komisioneres Pranvera Strakosha: A di gjë ku është yt bir…

    Adriana Kalaja, akuza të forta ndaj komisioneres Pranvera Strakosha: A di gjë ku është yt bir…

    Avokatja Adriana Kalaja ka reaguar në lidhje me raportimin e Komisioneres së Mbikëqyrjes së Shërbimit Civil, Pranvera Strakosha. Nëpërmjet një statusi në FB, Kalaja thekson se, po të ishte e pranishme në seancën e Komisionit, do t’i drejtonte pyetje mbi fatin e të birit, Amant Josifi, të cilin e akuzon për një ndër skandalet më të mëdha financiare në vend. Ajo përmend edhe përfshirjen e mëparshme të vetë Strakoshës në çështje penale, duke e lidhur me raste të trafikut të fëmijëve dhe me figura të tjera të njohura politike.

    Postimi i plotë në FB:

    Po të isha sot në Komision……

    Teksa raportonte, Komisionerja e Mbikqyrjes së Shërbimit Civil, Pranvera Strakosha, mendova se nëse do isha prezente, pyetja që do t’i bëja do ishte:

    – A di gjë ku është yt bir, Amant Josifi, që ka grabitur 2.4 miliardë euro qytetarëve shqiptarë dhe europiane?

    Jo për gjë, por thjesht për t’i ardhur në ndihmë interpolit dhe narko policisë.

    PS: Ashtu si i biri, dikur ishte shpallur në kërkim edhe Komisionerja, pasi, është akuzuar dhe dënuar, bashkë me të emën e Oltës Strategjike, ku i biri ishte këshilltar, për trafikim fëmijësh.

     

     

  • “Ku është yt bir që grabiti 2.4 miliardë euro?”, Kalaja shpërthen ndaj Komisioneres Pranvera Strakosha: Ke qenë e…

    “Ku është yt bir që grabiti 2.4 miliardë euro?”, Kalaja shpërthen ndaj Komisioneres Pranvera Strakosha: Ke qenë e…

    Kryetarja e Gjykatës në Partinë Demokratike, Adriana Kalaja, ka reaguar ashpër përmes një postimi në Facebook ndaj Komisioneres së Mbikëqyrjes së Shërbimit Civil, Pranvera Strakosha, gjatë raportimit të saj në një nga komisionet parlamentare.
    Kalaja shkruan se, nëse do të ishte e pranishme në seancë, pyetja e saj për Strakoshën do të ishte direkte dhe e drejtpërdrejtë: “A di gjë ku është yt bir, Amant Josifi, që ka grabitur 2.4 miliardë euro qytetarëve shqiptarë dhe europianë?”

    Sipas saj, kjo pyetje nuk do të bëhej për qëllime politike, por “thjesht për t’i ardhur në ndihmë Interpolit dhe narko-policisë”.
     

     
    Kalaja shkon edhe më tej në akuzat e saj, duke risjellë në vëmendje një episod të së kaluarës, kur sipas saj, vetë Komisionerja Strakosha ka qenë e shpallur në kërkim dhe e dënuar për çështje që lidhen me trafikimin e fëmijëve, bashkë me një person tjetër, të identifikuar si nëna e “Oltës Strategjike”, ku i biri i Strakoshës shërbente si këshilltar.
     
     

  • Nëna e ish-ortakut të Olsi Ramës mbron Edi Ramën dhe patronazhistët në Komisionin e Ligjeve

    Nëna e ish-ortakut të Olsi Ramës mbron Edi Ramën dhe patronazhistët në Komisionin e Ligjeve

    Komisionerja për Mbikëqyrjen e Shërbimit Civil, Pranvera Strakosha raportoi sot në Komisionin për Çështjet Ligjore dhe Administratën Publike.

    Strakosha është nëna e Amant Josifit, ish-ortakut të Olsi Ramës, vëllait të kryeministrit shqiptar.

    Amant Josifi është në kërkim për një skemë manipulimi me call-centerat, që u ka kushtuar miliarda qytetarëve europianë. Ndërkohë SPAK e la të lirë që të arratisej në kohë, kur ai po kërkohej nga policitë evropiane.

    Në seancën e sotme, Strakosha mori në mbrojtje Edi Ramën sa u përket shkarkimeve që u bëri drejtuesve vendorë.

    Deputeti i Partisë Demokratike, Arjan Ndoja, referoi disa pyetje për Strakoshën, ku mes tyre ishte edhe ajo për urdhrin e kryeministrit Edi Rama gjatë muajve të verës për drejtuesit vendorë.

    “Për sa i përket pyetjes për urdhrin e dorëheqjeve, kjo është në vullnetin e tyre, e jep apo nuk e jep, është e drejta e tyre. Ne shqyrtojmë largimet në kundërshtim me ligjin, që ankohen për largim nga puna, që lidhen me largimet e me statusin”, tha ajo.

    Edhe për vendet bosh në institucionet e drejtësisë, Strakosha dha një përgjigje të thatë: “Ne nuk jemi gjykatë, jemi indirekt, marrim njoftimin dhe shqyrtojmë procedurën, sepse është gjykata nëse çështja është atje. Ne bëjmë vetëm shqyrtimin apo zgjidhjen pa shkuar në gjykatë. KLGJ, ILD dhe KLP ne i inspektojmë rregullisht, por të tjerat jo. Ne nuk kemi lidhje se çfarë bëjnë ata në gjykata, por me statusin e tyre”.

    Anëtari demokrat, Oerd Bylykbashi iu drejtua komisioneres Pranvera Strakosha, lidhur me sistemin e patronazhizmit gjatë zgjedhjeve, si dhe përfshirjen në fushatë të drejtuesve të administratës.

    Në përgjigje, Strakosha tha se sistemi patronazhist nuk është ligjor dhe komisioneri përfshihet brenda kuadrit ligjor. Ajo tha se gjatë fushatës, nuk janë lejuar emërime apo shkarkime nga detyra.

    Bylykbashi: Kemi të dhëna konkrete, drejtues të lartë të administratës kanë qenë pjesë e fushatës. Kemi tabelat konkrete, sistemi i patronazhimit ka detyrën e profilizimit të zgjedhësve. Ju rezulton nga hetimet, së pari a keni bërë hetime për të parë sa efektiv është ky sistemi i patronazhimit. Të gjithë e dimë që është katastrofë. Çfarë keni bërë ju për të kuptuar kush është efektiviteti i sistemit të patronazhimit.

    Pranvera Strakosha: I kemi shqyrtuar problematikat. Sistemi patronazhist nuk është ligjor që të hetojmë. Këto tabela që thoni ju, nuk e di ku janë. Këto që po thoni ju, tani po i dëgjoj. Nuk kemi dijeni për formularët që janë shpërndarë fare. Komisioneri përfshihet për aq sa i ka caktuar ligji, ata nuk duhet të dalin përgjatë orarit të punës të bëjnë fushatë. Këtë monitoron komisionere. 16 inspektorë i kemi nxjerrë në terren, nuk kemi lejuar emërime gjatë fushatës zgjedhore. Këtë e kemi bllokuar. Këto formularë që thoni ju mund të jenë shpërndarë privatisht.

  • EMRI/ Tentativë për ATENTAT ndaj prokurores së SPAK, detajet tronditëse në studio

    EMRI/ Tentativë për ATENTAT ndaj prokurores së SPAK, detajet tronditëse në studio

    SPAK dhe performanca e Altin Dumanit në krye të institucionit ka qenë tema e diskutimit në pjesën e dytë të Quo Vadis të moderatores Pranvera Borakaj në Vizion Plus.
    Gjatë analizës për punën e SPAK janë dhënë detaje të rëndësishme, ku prokurorë dhe kandidatë aktualë për kreun e institucionit kanë qenë shënjestër e grupeve kriminale.
    Moderatorja Pranvera Borakaj solli në kujtesë dëshminë e një prej të penduarve të drejtësisë, i cili tregoi planin për eliminimin fizik të kandidates për kreun e SPAK, Doloreza Musabelliu.

    Pjesë nga biseda:
    Alibeaj: Fakti që të dyja palët, këta të mazhorancës që fërkonin barkun, dhe këta të opozitës që kishin hallin e Berishës dhe Metës, ishte shenjë e suksesit të SPAK. Në momentin që sheh që sulmohesh nga të dyja palët, kjo është shenjë suksesi. Publiku duhet ta kuptojë. Në momentin që njëra palë godet, do të thotë që prokuroria është në rrugë të mbarë. Fati i keq është që janë bërë bashkë të dyja, nuk më duket çudi që ata të bashkojnë votat. Komisioni Xhafa nga i përkohshëm u bë i përhershëm.
    Borakaj: Ka dhe një rast për kandidaten për kreun e SPAK, Doloreza Musabelliu, që ka qenë nën shënjestër e grupeve kriminale.
    Sefa: Po, është e vërtetë.

  • U shkarkua nga vetingu, KPA rikthen në detyrë prokuroren e njohur (Emri)

    U shkarkua nga vetingu, KPA rikthen në detyrë prokuroren e njohur (Emri)

    Kolegji i Posaçëm i Apelimit njoftoi të premten ndryshimin e vendimit të Komisionit të Pavarur të Kualifikimit për shkarkimin e prokurores së Elbasanit, Pranvera Stafa, duke e rikthyer atë në detyrë.
    Vendimi u mor në mënyrë unanime nga trupi gjykues i Kolegjit, i kryesuar nga Rezarta Schuetz, me relatore Ina Rama dhe anëtarë Albana Shtylla, Natasha Mulaj e Sokol Çomo, pas shqyrtimit në dhomë këshillimi të ankimit të Stafës ndaj vendimarrjes së Komisionit. Vendimi i Kolegjit është përfundimtar dhe ka efekt të menjëhershëm.
    Prokurorja Pranvera Stafa u shkarkua nga detyra më 8 mars 2024, pasi Komisioni i Pavarur i Kualifikimit, KPK konkludoi se në vlerësimin tërësor, duke konsideruar së bashku problemet e pasurisë dhe mangësitë profesionale e denoncimet nga publiku, kishte cenuar me sjelljen e saj besimin e publikut tek sistemi i drejtësisë. Këto konkluzione janë gjetur të pabazuara nga KPA.
    Pranvera Stafa e filloi karrierën në sistemin e drejtësisë në vitin 1989. Ajo punon prej më shumë se dy dekadash si prokurore pranë Prokurorisë së Elbasanit.
    Në deklarimin për herë të parë në vitin 2003, prokurorja Pranvera Stafa deklaronte pronësinë e dy apartamenteve të përfituara përmes privatizimit, ndërsa në fund të vitit 2019, pasuria e saj familjare kap vlerën e 14.2 milionë lekëve.
    Ajo zotëron familjarisht pasuri të paluajtshme me vlerë 6.3 milionë lekë, likujditete bankare prej 6 milionë lekësh, kursime të akumuluara në cash prej 1.4 milionë lekësh si dhe automjet me vlerë 506 mijë lekë.
    Të ardhurat familjare gjatë periudhës deklaruese janë 38.5 milionë lekë, nga të cilat 60% kanë si burim pagën e subjektit, 20% pagat e familjarëve dhe 19% e totalit rrjedh nga burime të ndryshme.
    Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 16 vite, asnjë prej deklaratave nuk rezultoi me probleme.
    Nga analiza cilësore e deklaratave të pasurisë, BIRN identifikoi si “flamuj të kuq” deklarimin mbi burimet e blerjes së një apartamenti në vitin 2004.
    Në mars të vitit 2004, subjekti Pranvera Stafa deklaron shtesë pasurie një apartament 2+1 me vlerë 50 mijë, pa cilësuar llojin e monedhës dhe burimin financiar. Bazuar në çmimet e referencës për periudhën, në analizën e mësipërme shuma e apartamentit është trajtuar në euro.
    Në vitin 2007, bashkëshorti i subjektit deklaron të ardhura në vlerën e 400 mijë lekëve nga lojërat e fatit.

  • KPA ndryshon vendimin e KPK, rikthen në detyrë prokuroren e Elbasanit Pranvera Stafa

    Pranvera Stafa

    TIRANË- Kolegji i Posaçëm i Apelimit (KPA) ka ndryshuar vendimin për prokuroren e Elbasanit Pranvera Stafa, e cila rikthehet në detyrë. Prokurorja e Elbasanit u shkarkua pasi iu konstatuan probleme me pasurinë, e cila është nga tre shtyllat e vetingut.
    Njoftimi:
    Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Ina Rama relatore, Albana Shtylla, Natasha Mulaj, Sokol Çomo anëtarë, shpalli vendimin për çështjen nr. 16/2024, datë 14.05.2024, që i përket ankimit të subjektit të rivlerësimit Pranvera Stafa kundër vendimit të Komisionit të Pavarur të Kualifikimit, nr. 740, datë 08.03.2024.
    Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
    Ndryshimin e vendimit nr. 740, datë 08.03.2024 të Komisionit të Pavarur të Kualifikimit dhe konfirmimin në detyrë të subjektit të rivlerësimit Pranvera Stafa.
    Ky vendim është përfundimtar dhe ka efekt të menjëhershëm.
    U shpall në Tiranë, më datë 09.10.2025.

    Komisioni i Pavarur i Kualifikimit vendosi në mars të këtij viti për shkarkimin nga detyra të prokurores së Elbasanit, Pranvera Stafa Selita. 
    Komisioni konstatoi pamundësi financiare të subjektit dhe familjarëve të saj për krijimin e disa depozitave, si dhe disa barra prove në kriterin profesional, për të cilat avokati Lushi pretendoi se i kishin përmbysur gjetjet.
    Pranvera Stafa e filloi karrierën në sistemin e drejtësisë në vitin 1989. Ajo punoi prej më shumë se dy dekadash si prokurore pranë Prokurorisë së Elbasanit./ZËRI

  • U shkarkua nga vetingu, KPA rikthen në detyrë prokuroren e Elbasanit

    U shkarkua nga vetingu, KPA rikthen në detyrë prokuroren e Elbasanit

    Kolegji i Posaçëm të Apelimit ka rikthyer në detyrë prokuroren e Elbasanit Pranvera Stafa e shkarkuar një vit më parë nga procesi i vetingut.
    “Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Ina Rama relatore, Albana Shtylla, Natasha Mulaj, Sokol Çomo anëtarë, shpalli vendimin për çështjen nr. 16/2024, datë 14.05.2024, që i përket ankimit të subjektit të rivlerësimit Pranvera Stafa kundër vendimit të Komisionit të Pavarur të Kualifikimit, nr. 740, datë 08.03.2024.
    Në përfundim të gjykimit në dhomë këshillimi, trupi gjykues, vendosi: ndryshimin e vendimit datë 08.03.2024 të Komisionit të Pavarur të Kualifikimit dhe konfirmimin në detyrë të subjektit të rivlerësimit Pranvera Stafa.
    Ky vendim është përfundimtar dhe ka efekt të menjëhershëm”, thuhet në vendimin e KPA.
    Pranvera Stafa Selita e filloi karrierën në sistemin e drejtësisë në vitin 1989. Ajo punoi prej më shumë se dy dekadash si prokurore pranë Prokurorisë së Elbasanit.

  • Aleksandër Gjoka: Pranvera me një lule s’vjen… (teksti dhe kënga)

    Aleksandër Gjoka: Pranvera me një lule s’vjen… (teksti dhe kënga)

    Aleksandër Gjoka është këngëtar dhe autor këngësh shumë i njohur. Deri më tani ai ka disa këngë të incizuara por ndër më të njohurat janë “Kuturu”, “Ditë dimri”, “Falmi sytë e shkruar” etj.Në vazhdim ua sjellim këngën “Pranvera me një lule s’vjen” të intepretuar mjeshtrisht nga Aleksandër Gjoka.

    Kur i vogël në lëndinë,Mbi barin që ndriste në vesënë prag pranvere, një lule gjetaerdhi pranvera, thirra menjëherë.Buzëqeshi motra ime,sa desha t’i thur një kurorë,më kot vrapova edhe kërkovatë tjera lule jo nuk gjeta dot.Një pike vese mbi faqe rao motër unë lulet ku t’i gjej,ajo e dinte ndaj më thapranvera me një lule jo nuk vjen,jo nuk vjen.Si lëndinë vet fëmijëriapor fjalët e saj jo si harroj,sot më thotë koha, dhe vetë riniame e bukur jeta bëhet me shumë shokë.Kështu dhe jetën, se bën një ditë,një lumë i vetëm, se bën një det.Kishe të drejtë o motër them,pranvera me një lule s’vjen.

    ObserverKult

    Lexo edhe:

    ALEKSANDËR GJOKA FLET PËR MARRËDHËNIEN ME BASHKËSHORTEN DHE FËMIJËT

    Këngëtari i dashur për publikun, Aleksandër Gjoka, ishte i ftuar në programin “Dola te Ola”, ku foli ndër të tjera edhe për marrëdhënien që ai ka me bashkëshorten dhe fëmijët e tij.

    Teksa në studio u shfaq një fotografi me bashkëshorten, ai tha se vitet kanë bërë që ata të marrin hijen e njëri-tjetrit.

    Sandri zbuloi se ata janë dashuruar gjatë një ekskursioni. Dhe shtoi se te Rita pëlqen se është shumë e qetë, e dashur dhe shumë arsyeshme.

    “Ajo më qetëson mua”, tha artisti, duke treguar se dhe kur është i acaruar ajo di si t’i falë qetësi. Ndërkohë që shtoi se ai hyn tek ata persona që di të kërkojë falje, dhe shumë herë i është dashur t’i kërkojë falje bashkëshortes.

    Fryt i dashurisë së tyre janë dy fëmijët, djali dhe vajza. Vajza e tij jeton në Itali dhe së bashku me të bijën surprizoi të atin me anë të një videomesazhi. Ku teksa i shprehën mallin ato i kërkuan edhe një album, i cili nuk premtoi asgjë, edhe pse ne të gjithë mezi presim këngë nga ai…

    TEKSTIN E PLOTË E GJENI KËTU

  • Një shqiptare në mesin e më të mirëve, Pranvera Hyseni merr çmim për doktoraturë në SHBA

    Një shqiptare në mesin e më të mirëve, Pranvera Hyseni merr çmim për doktoraturë në SHBA

    Astronomia shqiptare, Pranvera Hyseni ka arritur një sukses të jashtëzakonshëm në Universitetin e Kalifornisë – Santa Cruz, ku është shpërblyer me çmimin vjetor për propozimin më të mirë të doktoraturës në Departamentin e Shkencave Planetare.

    Ky çmim prestigjioz, që ndahet vetëm një herë në vit për kërkimin më premtues shkencor, vjen së bashku me një grant prej 3,000 dollarësh dhe përfaqëson një vlerësim të lartë për punën dhe potencialin e saj në fushën e astronomisë planetare, shkruan KultPlus.

    Në fokus të hulumtimit të Hysenit janë asteroidët dhe trupat e vegjël në Sistemin Diellor, me interes të veçantë në ata që përmbajnë ujë dhe përbërje organike. Ajo studion proceset e transformimit të materialeve dhe kripërave që përmbajnë azot, përmes eksperimenteve laboratorike, vëzhgimeve me teleskop dhe modelimit teorik – kërkime që ndihmojnë në kuptimin e shpërndarjes së ujit dhe mundësisë së jetës në fazat e hershme të sistemit tonë diellor.

    “Ky çmim nuk është vetëm një arritje personale, por një dëshmi që pasioni dhe kureshtja për shkencë nuk varen nga vendi ku ke lindur,” shkruan Pranvera Hyseni, e cila po ashtu shprehu mirënjohje për komisionin vlerësues dhe mbështetjen nga departamenti i saj.

    Ky është një tjetër sukses i madh për shkencën kosovare dhe një frymëzim i fuqishëm për të rinjtë që ndjekin ëndrrat e tyre në fushat STEM./KultPlus.com