Një ekspozitë historike, që solli trashëgiminë postare shqiptare përmes pullave, dokumenteve të rralla, fotografive dhe pamjeve filmike u çel këtë dhjetor. Me rastin e 5 dhjetorit, ditë e cila shënon krijimin e administratës së parë postare shqiptare dhe përbën një prej momenteve më themelore në historikun e shërbimit postar kombëtar, Shoqëria Posta Shqiptare në bashkëpunim me Arkivin Qëndror Shtetëror të Filmit organizuan një aktivitet me tematikë përkujtimore dhe ekspozitë dokumentare me karakter historik, kulturor dhe institucional. Ekspozita historike në Arkivin e Filmit në 113-vjetorin e themelimit të Postës Shqiptare solli trashëgiminë postare shqiptare përmes pullave dhe përfshin materiale nga vitet e para të shtetit shqiptar, filateli të hershme dhe objekte postare, duke treguar rolin e rëndësishëm të postës në historinë kombëtare. Aktiviteti u pasurua falë bashkëpunimit me AQSHF-në dhe Shoqatën e Koleksionistëve.
“Nderim për institucionin që ka shërbyer si urë lidhëse për më shumë se një shekull”, thuhet nga Arkivi Qëndror Shtetëror i Filmit. Ekspozita do të jetë e hapur në Arkivin e Filmit deri në datën 12 dhjetor. Më 5 Dhjetor 1912, për rëndësinë specifike që kishte Posta Shqiptare, qeveria e parë kombëtare e Ismail Qemalit, një javë pas shpalljes së pavarësisë, ngriti një ministri të veçantë të Post Telegrafës, ministër i së cilës ishte eruditi Lef Nosi. Lef Nosi ishte intelektual, atdhetar, politikan dhe studiues si edhe ruajtësi i Dokumentit të Pavarësisë së Shqipërisë. Lef Nosi ishte gjithashtu krijues i Filatelisë së Shtetit Shqiptar, nën drejtimin e së cilit, qeveria e Vlorës nxori gjashtë emisione pullash.
Tag: postare
-
113 -vjetori i Postës Shqiptare, një ekspozitë që sjell trashëgiminë postare shqiptare përmes pullave, dokumenteve…
-
KQZ i kthen përgjigje kompanisë postare: Tërhiq “presionin”për kamatvonesat, nuk paguajmë pa vërtetuar nëse e keni kryer shërbimin
Pak ditë pasi DHL i kujtoi Komisionit Qëndror te Zgjedhjeve se nuk e kishte paguar për shërbimin e kryer që mundësoi votën e diasporës, ka ardhur dhe përgjigja e kryekomisionerit Ilirjan Celibashi.
Në shkresën e siguruar nga gazetarja e Top Channel Elda Menga, kreu i KQZ fillimisht i kërkon kompanisë postare te tërheqë “presionin” për kamatëvonesat, e më pas të caktojë një njeri për përmbushjen e detyrimeve kontraktore.
Kryekomisioneri njofton operatorin postar se vetëm fakti se DHL i ka përcjellë këto fatura në KQZ dhe se ato janë tashmë në sistem (por as janë pranuar dhe as nuk janë refuzuar) nuk e detyron automatikisht KQZ që të bëjë pagesën e tyre, e më shumë akoma të paguajë për kamatvonesa.
“Sikurse edhe në çdo kontratë tjetër të ngjashme, bazuar në përmbajtjen e vetë asaj, si dhe në legjislacionin përkatës, shërbimi i marrë përsipër për t’u kryer nga njëra palë (DHL me këtë rast) do të duhet të provohet se është kryer në sasi, në cilësi dhe në kohë.
Ky është një parashikim kontraktual i qartë edhe në kontratën objekt trajtimi në këtë komunikim. Pranimi i kryerjes së shërbimit nga pala tjetër (KQZ), e detyron këtë të fundit që të paguajë për shërbimin e marrë”, thuhet ne letrën e siguruar nga Top Channel.Top Channel
-
KQZ i kthen përgjigje kompanisë postare: Tërhiq “presionin” për kamatvonesat, nuk paguajmë pa vërtetuar nëse e keni kryer shërbimin
Pak ditë pasi DHL i kujtoi Komisionit Qëndror te Zgjedhjeve se nuk e kishte paguar për shërbimin e kryer që mundësoi votën e diasporës, ka ardhur dhe përgjigja e kryekomisionerit Ilirjan Celibashi.
Në shkresën e siguruar nga gazetarja e Top Channel Elda Menga, kreu i KQZ fillimisht i kërkon kompanisë postare te tërheqë “presionin” për kamatëvonesat, e më pas të caktojë një njeri për përmbushjen e detyrimeve kontraktore.
Kryekomisioneri njofton operatorin postar se vetëm fakti se DHL i ka përcjellë këto fatura në KQZ dhe se ato janë tashmë në sistem (por as janë pranuar dhe as nuk janë refuzuar) nuk e detyron automatikisht KQZ që të bëjë pagesën e tyre, e më shumë akoma të paguajë për kamatvonesa.
“Sikurse edhe në çdo kontratë tjetër të ngjashme, bazuar në përmbajtjen e vetë asaj, si dhe në legjislacionin përkatës, shërbimi i marrë përsipër për t’u kryer nga njëra palë (DHL me këtë rast) do të duhet të provohet se është kryer në sasi, në cilësi dhe në kohë.
Ky është një parashikim kontraktual i qartë edhe në kontratën objekt trajtimi në këtë komunikim. Pranimi i kryerjes së shërbimit nga pala tjetër (KQZ), e detyron këtë të fundit që të paguajë për shërbimin e marrë”, thuhet ne letrën e siguruar nga Top Channel.
-
Posta Italiane i kushton një pullë postare Horës së Arbëreshërve
Italia emetoi një pullë postare kushtuar komunitetit të arbëreshërve.Posta Italiane njoftoi se pulla u emetua nga Ministria e Biznesit dhe Made in Italy. Pulla i përket serisë tematike “vlerat sociale”, i kushtohet komunitetit arbëresh të Piana degli Albanesi dhe ka vlerë tarifore të zonës B 1, e barabartë me 1,35 €.
Tirazhi i saj do të jetë prej 200 025 copë, të shtypura nga Istituto Poligrafico e Zecca dello Stato S.p.A.
Vinjeta e pullës postare ka në qendër veshjen tradicionale të gruas së Horës së Arbëreshëvet, një prej simboleve të trashëgimisë kulturore arbëreshe.Qendra e Studimeve dhe Publikimeve për Arbëreshët tha se, kjo pullë paraqet një moment të rëndësishëm për ruajtjen e diversitetit kulturor në vendin fqinj dhe ruajtjen e identitetit kulturor të komunitetit arbëresh të Horës./KultPlus.com
-
Vota e Diasporës kushtoi 9 milionë euro, kompania postare letër i kërkon KQZ kryerjen e pagesës deri në fund të shtatorit
Edhe pse kanë kaluar pothuaj katër muaj, Komisioni Qendror i Zgjedhjeve vijon me shlyerjen e pagesave që rrodhën nga ky proces elektoral.
Në shkresën e dërguar nga DHL që gazetarja e Top Channel Elda Menga disponon, kompania postare thekson se vlera totale e detyrimit sipas kontratës së shërbimit arrin në 863,906,699 lekë, ndërsa vonesat në shlyerje mund të sjellin edhe kamatëvonesa prej mbi 26 milionë lekësh te reja nëse pagesa nuk kryhet deri më 30 shtator 2025.
Top Channel
-
Disa shtete pezullojnë dërgesat postare drejt SHBA-së pas tarifave të Trump
Agjencia e Kombeve të Bashkuara (UPU) që koordinon shërbimet postare ndërkombëtare, njoftoi se 25 shtete anëtare kanë pezulluar dërgesat drejt Shteteve të Bashkuara, pas shqetësimeve që kanë lindur nga tarifat e reja të vendosura nga administrata e presidentit Donald Trump.
UPU tha se ka informuar Sekretarin amerikan të Shtetit, Marco Rubio, për këtë situatë në një letër të datës 25 gusht 2025. “Operatorët postarë në 25 vende anëtare kanë njoftuar pezullimin e shërbimeve të tyre drejt SHBA-së, për shkak të pasigurive, sidomos në lidhje me shërbimet e tranzitit,” deklaroi agjencia e OKB-së.
Megjithëse UPU nuk përmendi vendet, Australia, Norvegjia dhe Zvicra janë disa nga shtetet që kanë bërë publike pezullimet.Ky vendim vjen pas njoftimit të administratës Trump për eliminimin e përjashtimit global “de minimis”, i cili lejonte mallrat me vlerë deri në 800 dollarë të hynin në SHBA pa taksa dhe me burokraci minimale. Masa pritet të hyjë në fuqi më 29 gusht 2025 dhe ka shkaktuar shqetësime të menjëhershme në shërbimet postare ndërkombëtare.
-
25 shtete i përgjigjen tarifave të Trump, pezullojnë të gjitha dërgesat postare drejt SHBA-së
Unioni Postar Universal, një agjenci e Kombeve të Bashkuara, njoftoi se 25 nga shtetet e saj anëtare kanë ngrirë dërgesat për në Shtetet e Bashkuara, në përgjigje të pasigurisë së shkaktuar nga tarifat e reja të vendosura nga presidenti i SHBA-së, Donald Trump.
Unioni Postar Universal, një agjenci që promovon bashkëpunimin midis shërbimeve postare në 192 vendet e saj anëtare, tha se kishte përcjellë shqetësimet e saj në lidhje me këto pezullime në një letër drejtuar Sekretarit të Shtetit Marco Rubio të datës 25 gusht 2025.
“Operatorët postarë në 25 vende anëtare kanë njoftuar tashmë pezullimin e shërbimeve të tyre postare për në Shtetet e Bashkuara, duke përmendur pasiguri që lidhen veçanërisht me shërbimet e tranzitit”, tha agjencia e OKB-së në një deklaratë.
Nuk i përmendi vendet, megjithëse Australia, Norvegjia dhe Zvicra, ndër të tjera, tashmë i kanë njoftuar publikisht këto pezullime.
Muajin e kaluar, administrata Trump njoftoi se po eliminonte përjashtimin global “de minimis”, i cili lejonte mallra me vlerë deri në 800 dollarë të hynin në Shtetet e Bashkuara pa taksa dhe gjithashtu kishte burokraci minimale. Masa pritet të hyjë në fuqi më 29 gusht.Top Channel
-
Shërbimet postare në Europë limitojnë dërgesat drejt SHBA-së për shkak të tarifave të Trump
Për shkak të shtrëngimit të rregullave doganore në SHBA, shumë zyra postare evropiane kanë njoftuar pezullimin e pakove në anën tjetër të Atlantikut, me disa përjashtime.
Që nga e hëna, kompania postare franceze La Poste tregoi se nuk do të pranojë pako të destinuara për në SHBA, me përjashtim të atyre të dërguara nëpërmjet Chronopost ose kur bëhet fjalë për dhurata midis individëve vlera e të cilave është më pak se 100 euro.
“Për shkak të mungesës së informacionit shtesë nga doganat amerikane mbi kushtet teknike për dërgimin e pakove në SHBA, nuk kemi zgjidhje tjetër veçse të pezullojmë përkohësisht dërgesat”, tha një zyrtar i La Poste.
Kompania postare gjermane lëshoi gjithashtu një njoftim të ngjashëm, duke shpjeguar se do të kufizojë “përkohësisht” ndjeshëm dërgesat e pakove dhe produkteve në SHBA. Duke filluar nga sot, Deutsche Post, e cila tani është riemëruar në DHL Group, do të “pezullojë përkohësisht” dërgesat standarde të pakove në SHBA.
Ky shërbim zakonisht përdoret nga individë dhe biznese të vogla dhe ka të bëjë me pako me një peshë maksimale prej 31 kilogramësh, sqaron DHL në faqen e saj të internetit.
Vetëm pakot e deklaruara si dhurata dhe me një vlerë maksimale prej 100 dollarësh do të pranohen, shton ajo, si dhe dërgimi i dokumenteve. Megjithatë, DHL thekson se do të zbatojë kontrolle për të shmangur parregullsitë.
Që në prill, DHL kishte treguar se po pezullonte përkohësisht dërgesat e pakove në SHBA me vlerë më shumë se 800 euro.
Operatorë të tjerë kombëtarë postarë në Evropë, siç janë BPost i Belgjikës, Correos i Spanjës, PostNord, rrjeti danezo-suedez dhe madje edhe Austrian Post i Austrisë, kanë zbatuar gjithashtu kufizime të ngjashme.
Dhe lëvizja mund të përhapet pasi PostEurop, Shoqata e Operatorëve Publikë Postarë Europianë që përfaqëson operatorët publikë postarë evropianë dhe ka 52 anëtarë, paralajmëroi më 19 gusht për rrezikun e pezullimit të dërgesave të pakove në SHBA në nivel europian.
Rregulloret e reja të SHBA-së, “të cilat ndjekin një qasje të ndryshme nga ajo e parashikuar në nivel global nga Unioni Postar Universal”, do të kenë “një ndikim të rëndësishëm në kompanitë postare në të gjithë botën dhe klientët e tyre që dërgojnë produkte nëpërmjet rrjeteve postare në Shërbimin Postar të SHBA-së”, theksoi PostEurop.
Nëse nuk gjendet “zgjidhje” “para se rregullorja të hyjë në fuqi më 29 gusht 2025, anëtarët e PostEurop, në marrëveshje me autoritetet kombëtare kompetente, mund të detyrohen të kufizojnë ose pezullojnë përkohësisht dërgimin e mallrave nëpërmjet rrjeteve postare në Shtetet e Bashkuara”, paralajmëroi ai.
Në fund të korrikut, administrata e presidentit të SHBA-së Donald Trump njoftoi se do t’i jepte fund përjashtimit nga taksat të ofruar për pakot e vogla që hyjnë në Shtetet e Bashkuara, duke filluar nga 29 gushti.
Uashingtoni do të taksojë dërgesat postare me vlerë më pak se 800 dollarë, me të njëjtën normë si produktet e tjera me origjinë nga BE, përkatësisht 15%, sipas marrëveshjes tregtare të nënshkruar në fund të korrikut.Top Channel
-
Posta e Kosovës shënon Ditën Botërore të Fotografisë përmes emisionit të ri të pullave postare
Posta e Kosovës, sot shënon Ditën Botërore të Fotografisë përmes emisionit të ri të pullave postare.
Fotografia, si disiplinë artistike, por edhe si dukuri e ndriçimit të objekteve, ka preokupuar për dekada krijuesit kosovarë. Që nga çasti kur drita dhe hija filluan të rrëfejnë përmes objektivit, kjo formë shprehjeje u bë mjet dokumentimi, dëshmie dhe interpretimi.
Edhe pse fotografitë e para të qyteteve tona u shkrepën nga vizitorë të huaj si Josef Székely e Auguste Leon, shumë shpejt fotografia u përqafua nga vetë krijuesit vendorë. Ahmet Zherka, me atelienë e tij në Gjakovë, shënon fillesat e këtij zanati në Kosovë. Në Prizren u veçuan familjet Koro dhe Mjeda, ndërsa më gjerë, emri i Marubit mbetet sinonim i pasionit për fotografinë në trevat shqiptare.
Ky brez nismëtarësh e ktheu fotografinë nga mrekulli teknologjike në dëshmitare të kohës, duke na lënë një trashëgimi të çmuar që ruhet sot me përkushtim në Fototekën e Arkivit të Kosovës. Ky trashëgim vizual, i çmuar për nga përmbajtja dhe vlera, dëshmon për rrjedhat kulturore, shoqërore dhe arkitektonike të vendit, gjë që dhe sot paraqet një burim të pashtershëm për studiuesit, artistët dhe publikun e gjerë.
Pamjet e dy pullave postare dhe bllokut filatelik janë siguruar me përkrahjen e Arkivit Qendror pranë Agjencisë Shtetërore të Arkivave të Kosovës, ndërsa për Zarfin e Ditës së Parë, nga studio Zherka në Gjakovë. Ky emision i pullave postare do të mbetet në qarkullim postar deri në konsumim të plotë.
Posta e Kosovës fton koleksionistët, bizneset dhe qytetarët t’i blejnë këto pulla, të cilat pasurojnë koleksionet personale dhe ofrojnë vlerë të shtuar kulturore e historike./KultPlus.com
-
Posta e Kosovës mirëpret diasporën me pulla postare të vitit 2025
Në kuadër të angazhimit për t’i qëndruar afër qytetarëve brenda dhe jashtë vendit, Posta e Kosovës ka zhvilluar një aktivitet simbolik për të mirëpritur bashkatdhetarët që po rikthehen për pushime në vendlindje.
Përfaqësues të Postës u takuan me mërgimtarët në Aeroportin Ndërkombëtar të Prishtinës, ku iu dhuruan pulla postare nga emisionet filatelike të vitit 2025, si shenjë falënderimi për lidhjen e tyre të fortë me vendin dhe për kontributin e vazhdueshëm, transmeton KultPlus.
“Posta për Diasporën” është një nismë që synon të vlerësojë rolin e diasporës si ura lidhëse me botën, ambasadorë të kulturës dhe identitetit shqiptar. Në njoftimin zyrtar, Posta e Kosovës ka shprehur mirënjohje për dashurinë, përkushtimin dhe ndihmesën që bashkatdhetarët vazhdojnë të japin për Kosovën.
“Urojmë që të kaloni çaste të lumtura në gjirin e familjes dhe miqve,” thuhet më tej në njoftim.
Kjo iniciativë e veçantë është pritur me entuziazëm nga qytetarët që po rikthehen nga mërgata, duke sjellë emocione dhe ndjenja të veçanta në një periudhë të mbushur me vizita dhe gëzim familjar./KultPlus.com