Një aksident i rëndë rrugor është shënuar sot pranë Portit të Jahteve në Orikum, ku një automjet tip Audi A3 është përmbysur në mes të rrugës, duke shkaktuar panik tek qytetarët që ndodheshin në zonë.
Sipas dëshmitarëve në vendngjarje, makina ka humbur kontrollin dhe është përmbysur, për arsye ende të paqarta. Në vendngjarje mbërriti menjëherë ambulanca, e cila transportoi drejt spitalit drejtuesin e mjetit, i cili ka mbetur i plagosur. Deri më tani, nuk ka informacion mbi gjendjen e tij shëndetësore.
Policia ndodhet në vend për të zbardhur shkaqet e aksidentit dhe për të menaxhuar qarkullimin e mjeteve në zonë.
Ky aksident ngre sërish shqetësimin për sigurinë rrugore dhe kujdesin e drejtuesve të automjeteve, sidomos në zona me trafik të lartë si Orikumi gjatë sezonit veror.
Tag: portit
-
Aksident në Orikum, përmbyset një automjet pranë Portit të Jahteve
-
Aksident pranë Portit të Jahteve në Orikum, makina përmbyset në mes të rrugës, lëndohet shoferi
Një aksident rrugor është regjistruar sot pranë Portit të Jahteve në Orikum, ku një automjet tip Audi A3 është përmbysur në mes të rrugës.
Sipas dëshmitarëve në vendngjarje, mjeti ka humbur kontrollin duke përfunduar i përmbysur, ndërsa paniku ka qenë i madh tek qytetarët që ndodheshin aty.
Menjëherë në vendngjarje ka mbërritur ambulanca, e cila ka transportuar drejt spitalit shoferin e plagosur. Ende nuk dihet gjendja e tij shëndetësore.
Policia ndodhet në vend për të zbardhur shkaqet e aksidentit dhe për të menaxhuar qarkullimin e mjeteve në zonë.
Ky aksident ngre sërish shqetësimin për sigurinë rrugore dhe kujdesin e drejtuesve të automjeteve, sidomos në zona me trafik të lartë si Orikumi gjatë sezonit veror.Top Channel
-
Kapiteneria e Portit: Nesër ndalohet dalja në det për çdo mjet turistik dhe peshkimi
Kapiteneria e Portit Sarandë ka shpallur një ndalim të menjëhershëm të lundrimit në të gjithë gjirin dhe zonën bregdetare të Sarandës, Ksamilit dhe Borshit, si pasojë e përkeqësimit të kushteve atmosferike dhe detare.
Sipas njoftimit zyrtar, erërat me intensitet të lartë dhe dallgëzimi përtej normave të lejuara për lundrim të sigurt e bëjnë të pamundur qarkullimin detar, duke rrezikuar seriozisht sigurinë e jetës në det.
Ky urdhër përfshin të gjitha mjetet lundruese, pa përjashtim:
– Mjetet turistike që përdoren për ekskursione dhe shëtitje detare;
– Peshkarexhat e zonës;
– Skafet dhe mjetet e vogla private.
Ndalimi hynë në fuqi në Datë 30 gusht 2025, Ora: 06:00
Kohëzgjatja e ndalimit do të jetë derisa të ketë një përmirësim të kushteve dhe një njoftim të dytë nga Kapiteneria e Portit.
Autoritetet paralajmërojnë se mosrespektimi i këtij urdhri përbën shkelje ligjore dhe do të penalizohet sipas legjislacionit në fuqi. Thirrja kryesore është për kujdes dhe përgjegjësi, për të shmangur çdo rrezik të mundshëm gjatë kësaj periudhe.
Sinoptikani grek paralajmëron shqiptarët: Bëhuni gati për stuhi të fuqishme
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb -
Skafi pësoi defekt në motor, Policia u vjen në ndihmë turistëve në Gjirin e Kakomesë
Policia Kufijtare i ka ardhur në ndihmë një grupi turistësh në Gjirin e Kakomesë, pasi mjeti i tyre lundrues pësoi defect në motorr.
Përmes një njoftimi, Kapiteneria e Portit Sarandë bëri të ditur se grupi i turistëve përbëhej nga shtetas shqiptarë dhe të huaj.
Po ashtu, në njoftim, Kapiteneria e Portit Sarandë u bën thirrje të gjithë drejtuesve të mjeteve lundruese që të kryejnë kontrollet e nevojshme përpara nisjes, për të siguruar lundrime të qeta e të sigurta.
Njoftim nga Kapiteneria e Portit Sarandë:
Sot, rreth orës 18:00, Kapiteneria e Portit Sarandë mori një kërkesë për ndihmë nga një grup turistësh shqiptarë dhe të huaj, pasi mjeti i tyre lundrues pësoi defekt në motor, në Gjirin e Kakomesë.
Menjëherë u nis mjeti lundrues i Kapitenerisë, i cili bëri rimorkimin e mjetit drejt Gjirit të Limionit, duke siguruar mbërritjen e tyre të sigurt.
U bëjmë thirrje të gjithë drejtuesve të mjeteve lundruese që të kryejnë kontrollet e nevojshme përpara nisjes, për të siguruar lundrime të qeta e të sigurta.
Kapiteneria mbetet në dispozicion për çdo kërkesë apo nevojë të qytetarëve dhe turistëve. -
Gomonia pëson defekt në det, turistët bllokohen në Gjirin e Kakomesë
Sot, rreth orës 18:00, Kapiteneria e Portit Sarandë mori një kërkesë për ndihmë nga një grup turistësh shqiptarë dhe të huaj, pasi mjeti i tyre lundrues pësoi defekt në motor, në Gjirin e Kakomesë.
Menjëherë u nis mjeti lundrues i Kapitenerisë, i cili bëri rimorkimin e mjetit drejt Gjirit të Limionit, duke siguruar mbërritjen e tyre të sigurt. U bëjmë thirrje të gjithë drejtuesve të mjeteve lundruese që të kryejnë kontrollet e nevojshme përpara nisjes, për të siguruar lundrime të qeta e të sigurta, njofton Kapiteneria e Portit Sarandë.Top Channel
-
Malaj dhe Gazheli në skanerin e Portit të Durrësit, reduktim i ndjeshëm i kohës së pritjes për operatorët ekonomikë
Ministri i Financave, Petrit Malaj së bashku me drejtorin e përgjithshëm të Doganave, Genti Gazheli zhvilluan një vizitë inspektuese pranë skanerit të Portit të Durrësit, ku gjatë tre muajve të fundit, falë masave të marra është shënuar një ulje e ndjeshme e numrit të skanimeve. Ky zhvillim ka sjellë lehtësim të dukshëm të procesit për operatorët ekonomikë dhe është mirëpritur nga shoqëritë e transportit, të cilat kanë vlerësuar reduktimin e kohës së pritjes dhe trajtimin më efikas të fluksit. Drejtor i Përgjithshëm i “S2 Albania”, Agron Jaku bëri të ditur se masat shtesë e kanë lehtësuar dhe përshpejtuar procesin e transportit si për turizmin, ashtu edhe për mjetet e tjera.
“Aktualisht kemi rreth 200 skanime në ditë dhe i gjithë procesi, nga hyrja në dalje, zgjat vetëm 3 minuta”, theksoi ai. Drejtori i Përgjithshëm i Doganave, Genti Gazheli, vuri në dukje se rritja e volumeve të mallrave ka sjellë edhe rritje të ritmit të zhdoganimeve. “Në çdo vit, Porti i Durrësit përpunon rreth 15% të volumit total të import–eksporteve, duke qenë pika më e rëndësishme kufitare në këtë drejtim. Kemi arritur të ulim kohën e përpunimit dhe qëndrimit në port, si dhe të reduktojmë me mbi 10% kohën e skanimit për subjektet që e përdorin si pikë hyrëse dhe dalëse”, tha ai.Nga ana e tij, ministri i Financave, Petrit Malaj, nënvizoi se këto masa të domosdoshme shkojnë drejt modernizimit të administratës doganore dhe përputhjes së proceseve të punës me standardet e Bashkimit Europian. “Një doganë e shpejtë, transparente dhe e besueshme është thelbësore për të arritur objektivat tona dhe për t’u afruar më shpejt me standardet e BE-së”, shtoi Malaj.
Ky përmirësim është rezultat i marrëveshjes së firmosur në muajin prill, e cila garanton një qasje të koordinuar mes Doganës dhe Policisë së Shtetit, me kontrolle të targetuara vetëm mbi bazën e riskut. Në kuadër të këtij bashkëpunimi, po punohet për të reduktuar edhe më tej numrin e skanimeve, duke siguruar balancën e duhur mes sigurisë dhe lehtësive për biznesin.
-
BBC: Dhjetëra mijëra njerëz marrin pjesë në marshimin pro-palestinez në Sidnei
Një protestë e planifikuar pro-palestineze përgjatë Urës së Portit të Sidneit ka vazhduar pasi u autorizua nga Gjykata Supreme vetëm një ditë më parë, në atë që organizatorët e quajtën një vendim “historik”.
Dhjetëra mijëra njerëz dolën në Marshimin për Njerëzimin të dielën pavarësisht shiut të rrëmbyeshëm – shumë prej tyre mbanin pankarta me mesazhe drejtuar politikanëve që të ndalonin luftën.Themeluesi i WikiLeaks, Julian Assange, u pa midis protestuesve, së bashku me pjesëmarrës të tjerë të shquar, përfshirë deputetin federal Ed Husic dhe ish-kryeministrin e NSW Bob Carr.
Ura e Portit të Sidneit u mbyll për herë të fundit për një tubim publik në vitin 2023, kur rreth 50,000 njerëz marshuan mbi rrugën ikonike për Paradën Botërore të Krenarisë.
“Turp turp Izraeli, turp turp SHBA-ja”, brohoritnin turmat. “Çfarë duam? Armëpushim. Kur e duam? Tani.”
Shumë familje, shumë prej të cilave me foshnje të vogla, dolën për të mbështetur demonstratën paqësore. Krahas tyre, të vendosur matanë urës, ishin oficerë policie nga skuadra e trazirave.
«E di që është ana tjetër e botës, por na prek edhe ne këtu masivisht», thotë babai Alec Beville, i cili i krahason fëmijët në Gaza me djalin e tij trevjeçar Frankie. «Mund të ndihmojmë shumë më tepër me ndihma».
«Qeveria jonë nuk ka vendosur asnjë sanksion të mirë ndaj Izraelit», thotë Zara Williams ndërsa mban fëmijën e saj, Avery, të lidhur me rrip. «Ne [Australia] thjesht nuk mund të bëjmë asgjë ndërsa ka një vdekje të detyruar nga uria të një popullsie të tërë».
Dy orë pas fillimit të marshimit, pjesëmarrësit morën një mesazh nga Policia e NSW që thoshte: “Në konsultim me organizatorët, marshimi duhet të ndalet për shkak të sigurisë publike dhe të presim udhëzime të mëtejshme.”
I kërkoi të gjithëve në urë të ndalonin së ecuri në veri dhe të ktheheshin përsëri drejt qytetit në një mënyrë “të kontrolluar”.
Policia ende nuk ka dhënë një vlerësim të numrit të pjesëmarrësve në marshim.
Transporti për NSW u tha shoferëve të shmangin qytetin, duke paralajmëruar për vonesa dhe ndërprerje të mëdha në rrjetin rrugor dhe të transportit publik të Sidneit për shkak të protestës.
Organizata aktiviste me seli në Sydney, Grupi i Veprimit për Palestinë, paraqiti një njoftim për qëllimin e marshimit përgjatë Urës së Portit të Sydney-t të dielën e kaluar, në përgjigje të asaj që e quajti “mizori” në Gaza.
Policia e hodhi poshtë kërkesën me arsyetimin se nuk kishte kohë të mjaftueshme për të përgatitur një plan për menaxhimin e trafikut dhe paralajmëroi për një përplasje të mundshme turmash dhe shqetësime të tjera për sigurinë.
Në një deklaratë të nesërmen, Kryeministri i NSW-së, Chris Minns, tha se ata nuk mund të lejonin që Sidnei të “zhytej në kaos” dhe nuk do të ishin në gjendje të mbështesnin një protestë “të kësaj shkalle dhe natyre” që do të zhvillohej në urë.
Policia gjithashtu paraqiti një kërkesë në Gjykatën Supreme të NSW për një urdhër ndalimi për eventin, i cili u rrëzua vetëm 24 orë para se protesta të mbahej.
Sipas Korporatës Australiane të Transmetimeve, gjyqtarja Belinda Rigg tha se shqetësimet për sigurinë në lidhje me marshimin ishin “të bazuara mirë”, por organizatori i marshimit Josh Lees nga Grupi i Veprimit për Palestinën kishte shpjeguar “në mënyrë bindëse” arsyet pse ai besonte se duhej të kishte një përgjigje urgjente ndaj situatës humanitare në Gaza.
Ajo tha se nuk kishte prova se një urdhër ndalimi do të rriste sigurinë publike dhe urdhëroi që Ura e Portit të Sidneit të mbyllet për automjetet, përveç rrugëve që rrethojnë rrugën e propozuar.
Autorizimi i orës së fundit u jep pjesëmarrësve mbrojtje sipas Aktit të Kundërvajtjeve të Përmbledhura, që do të thotë se ata nuk do të akuzohen për vepra penale që lidhen posaçërisht me tubimet publike, siç është bllokimi i trafikut.
Në një deklaratë të publikuar në Instagram, Bordi i Deputetëve Hebraikë të NSW tha se ishte “i zhgënjyer” nga vendimi i Gjykatës Supreme për të autorizuar protestën në Urën e Portit të Sidneit.
Australia ka qenë nën presion në rritje për të njohur shtetësinë palestineze, pasi Franca, Kanadaja dhe Mbretëria e Bashkuar treguan veçmas se do ta bënin këtë me kushte në Asamblenë e Përgjithshme të Kombeve të Bashkuara që do të mbahet në shtator.
Duke folur në programin 7.30 të ABC-së, kryeministri Anthony Albanese tha se dëshiron të shohë përmbushjen e kushteve që arrijnë siguri të qëndrueshme për Izraelin përpara se Australia të angazhohet për njohjen e një shteti palestinez.
Ai shtoi se nuk do të detyrohej nga kombet e tjera për të marrë këtë vendim.BBC -
Emërohet drejtori i ri i Portit në Sarandë
Pas dorëheqjes së Alket Qëndros është emëruar drejtori i ri Portit të Sarandës.
Ai është Adi Malaj, i cili më herët ka qenë drejtor porti në Vlorë, si dhe kryetar i Partisë Socialiste në Vlorë.
Në rang vendi kryeministri Edi Rama ka nisur një valë ndryshimesh në radhët e drejtuesve të institucioneve vendore e qëndrore. ©Argjiroja.net -
Punonjësit e Portit të Pireut bashkëpunonin me trafikantët shqiptarë, policia greke godet grupin kriminal, kokaina vinte nga Ekuadori
Një operacion i madh antidrogë u zhvillua nga autoritetet greke mëngjesin e djeshëm. Autoritetet zbuluan një rrjet të mirëorganizuar trafikimi kokaine. Pjesë e kësaj organizate kriminale ishin punonjës të portit grek të Pireut dhe trafikantë shqiptarë.
Operacioni policor kulmoi në orët e para të mëngjesit të së hënës, kur dy nga shtatë punonjësit kryesorë të portit u panë duke marrë çanta me kokainë nga një kontejner që sapo kishte mbërritur në portin e Pireut nga Ekuadori.
Tarifa 200,000 euro për çdo kontejner
Në Ekuador ndodhej një grup përkatës i cili merrej me ngarkimin e drogës në kontejnerë. Kontejnerët kishin destinacion Greqinë.
Sapo kontejnerët mbërritën në portin grek, shtatë punonjës të portit ndërmorën veprime. Duke përfituar nga pozicioni i tyre, ata arritën të merrnin mallrat dhe t’ua dorëzonin trafikantëve shqiptarë, kundrejt një pagese prej 200,000 eurosh për secilin kontejner.Protothema.gr raporton se kreu i bandës është një grek 35-vjeçar, i njohur për autoritetet, pasi ishte arrestuar në të kaluarën për drogë.
Ai kishte zhvilluar një rrjet kontaktesh me trafikantë shqiptarë, disa prej të cilëve besohet se ndodhen tashmë në territorin grek.
Secli prej punonjësve të portit kishte një rol kyç; njëri ishte përgjegjës për kamerat, një tjetër rregullonte turnet në mënyrë që i gjithë ekipi të punonte njëkohësisht, duke lehtësuar veprimet e tyre. Komunikimi i tyre bëhej gjithmonë personalisht, pasi ata siguroheshin që të mos flisnin kurrë në telefon në mënyrë që të mos zbuloheshin.Autoritetet po vazhdojnë hetimet e tyre, ndërsa është lëshuar një urdhër arresti për trafikantët shqiptarë që ende nuk janë identifikuar. Autoritetet po shqyrtojnë tani nëse rrjeti është i përfshirë në transporte të tjera apo nëse ka pasur kontejnerë të tjerë që kanë kaluar “nën hundën” e mekanizmave të kontrollit./vizionplus.tv
-
Si u shkatërrua rrjeti i kokainës! Punëtorët e portit bashkëpunonin me shqiptarët, 200,000 euro për çdo ngarkesë, kokaina merrej me Porsche
Pamje nga operacioni
GREQI- Autoritetet kanë zbuluar një rrjet të mirëorganizuar trafikimi kokaine me aktorë kryesorë, përfshirë punonjës të portit grek dhe trafikantë shqiptarë. Operacioni policor kulmoi në orët e para të mëngjesit të së hënës, kur dy nga 7 punonjësit kryesorë të portit të Pireut u panë duke marrë çanta me kokainë nga një kontejner që sapo kishte mbërritur në portin e Pireut nga Ekuadori.
Si vepronin ata?
Në port ata quheshin “komandantë”. “Komandanti” kryesor dhe 3 kontraktorët ndihmës, grupi “Mani” – siç ishin “pagëzuar”, meqenëse ishte vendi i origjinës së të katërve – gjithmonë siguroheshin që të kishin të njëjtin turn. Kokaina ishte fshehur në frigoriferë, në tabaka kabllosh, brenda kontejnerëve. Një kaçavidë e thjeshtë mjaftonte për të çmontuar tabakatë dhe për të marrë drogën që kishte mbërritur nga Ekuadori.
Tarifa 200,000 euro për çdo kontejner
Rruga e drogës niste nga një port në Ekuador dhe vepronte një grup përkatës punëtorësh të portit. Sapo kontejnerët mbërritën në një port grek, 7 punonjës të portit grekë merreshin me shkarkimin e “mallit”. Duke përfituar nga pozicioni i tyre, ata arritën të merrnin mallrat dhe t’ua dorëzonin trafikantëve shqiptarë, kundrejt një pagese prej 200,000 eurosh për secilin kontejner.
Ngarkesa, e cila mbërriti në orët e para të mëngjesit të së hënës, duket se ka qenë takimi që autoritetet kishin pritur për të zbuluar zinxhirin e trafikut. Në orët e para të mëngjesit, 2 nga 7 punonjësit e portit të përfshirë iu afruan vendit ku ishte hapur kontejneri me motoçikleta dhe morën qeset me kokainë. Qeset u ngarkuan menjëherë në një Porsche luksoze, në të cilën po priste një bashkëpunëtor tjetër.
PAMJE NGA OPERACIONI:Makina “Porsche” rezultoi se i përkiste njërit prej 7 punonjësve të portit, u përdor sistematikisht për të transportuar drogën.
Burri në Porsche, sapo mori kokainën, u përpoq të largohej me makinë, pa e ditur se ishte i rrethuar nga oficerë policie. Ai u përpoq të arratisej, por pasoi një ndjekje kinematografike me oficerë policie që qëllonin me armë gomat e automjetit luksoz. Më në fund, Porsche u ndalua dhe shoferi u arrestua. Thuhet se kreu i bandës është një grek 35-vjeçar, i njohur për autoritetet nga një arrestim i mëparshëm për raste droge. Ai kishte zhvilluar një rrjet kontaktesh me trafikantë shqiptarë, disa prej të cilëve besohet se ndodhen tashmë në territorin grek.
Por edhe organizimi i punonjësve të portit nuk ishte i rastësishëm. Secili kishte marrë një rol kyç në port: njëri ishte përgjegjës për kamerat, një tjetër rregullonte turnet në mënyrë që i gjithë ekipi të punonte njëkohësisht, duke lehtësuar veprimet e tyre.
Komunikimi i tyre bëhej gjithmonë personalisht, pasi ata siguroheshin që të mos flisnin kurrë në telefon në mënyrë që të mos zbuloheshin. Autoritetet po vazhdojnë hetimet e tyre, ndërsa është lëshuar një urdhër arresti për trafikantët shqiptarë që ende nuk janë identifikuar. Policia po heton për të zbuluar nëse rrjeti është i përfshirë në transporte të tjera apo nëse ka pasur kontejnerë të tjerë që kanë kaluar “nën hundën” e mekanizmave të kontrollit.
Aktualisht raportohet se një nga anëtarët e dyshuar të organizatës kriminale, i cili jeton në Pire, është i afërm i një zëvendësministri të njohur të Qeverisë greke. Në muajt e fundit, i pandehuri kishte “reklamuar” jetën luksoze që bënte, hotelet e shtrenjta dhe makinat e shpejta, ndërsa kishte filluar të tregonte interes edhe për “pajisjet”, siç i quante ai armët./ZËRI