Tag: popullin

foto ilustruese

UKRAINË- Udhëheqësit botërorë kanë dërguar urime për Ditën e Pavarësisë së Ukrainës, që shënon 34 vjet që nga ndarja e saj nga Bashkimi Sovjetik. Liderët botërorë urojnë popullin ukrainas, teksa shprehin mbështetjen e tyre të vazhdueshme deri në arritjen e paqes së qëndrueshme. 

Presidenti i SHBA-së, Donald Trump, uroi ukrainasit për Ditën e Pavarësisë, duke theksuar se Shtetet e Bashkuara besojnë në të ardhmen e Ukrainës si shtet i pavarur. Presidenti ukrainas, Volodymyr Zelensky, e ndau urimin e Trump në rrjetin social X. Në një letër urimi, Trump vlerësoi shpirtin luftarak të popullit ukrainas, teksa thekson mbështetjen e për një marrëveshje të panegociuar për paqe të qëndrueshme dhe afatgjatë. 
Letra e plotë:
I nderuar z. President,
Në emër të popullit amerikan, ju shpreh përgëzimet dhe urimet më të përzemërta për ju dhe popullin trim të Ukrainës, teksa festoni 34-vjetorin e pavarësisë.
Populli i Ukrainës ka një shpirt të palëkundur dhe guximi i vendit tuaj frymëzon mbarë botën. Në këtë ditë të rëndësishme, dua të dini se Shtetet e Bashkuara respektojnë qëndresën tuaj, nderojnë sakrificat tuaja dhe besojnë në të ardhmen tuaj si një komb i lirë dhe i pavarur.
Tani është momenti për t’i dhënë fund vrasjeve të pakuptimta. Shtetet e Bashkuara mbështesin një marrëveshje të negociuar që do të sjellë një paqe të qëndrueshme e afatgjatë, që i jep fund gjakderdhjes dhe garanton sovranitetin e Ukrainës dhe dinjitetin e saj.
Zoti e bekoftë Ukrainën.
Me respekt,
Donald J. Trump
Mbreti Charles III i Britanisë i ka dërguar gjithashtu një mesazh mbështetjeje Ukrainës për të shënuar ditën e pavarësisë së vendit. Ai bëri thirrje për një “paqe të drejtë dhe të qëndrueshme” për t’i dhënë fund luftës së shkaktuar nga pushtimi rus i fqinjit të saj në vitin 2022.
Nga ana tjetër, Presidenti ukrainas Volodymyr Zelensky tha se fjalët e Mbretit ishin një “frymëzim i vërtetë për popullin tonë” dhe falënderoi Mbretërinë e Bashkuar për mbështetjen e saj.
Mesazhi i Mbretit, i ndarë në mediat sociale nga Zelensky, tha: “Vazhdoj të ndiej admirimin më të madh dhe më të thellë për guximin dhe shpirtin e pathyeshëm të popullit ukrainas. Mbetem shpresëplotë se vendet tona do të jenë në gjendje të bashkëpunojnë më tej ngushtë për të arritur një paqe të drejtë dhe të qëndrueshme në Ukrainë.” Ne e vlerësojmë lidershipin e Mbretërisë së Bashkuar në mbështetjen e Ukrainës dhe kauzës sonë të drejtë: për të mbrojtur lirinë nga tirania dhe për të siguruar një paqe të qëndrueshme në Ukrainë dhe në të gjithë Evropën.”
Urimet erdhën edhe nga Papa Leo XIV, i cili i ka dërguar një letër Volodymyr Zelenskyt ku i shkruan se lutet për popullin që po vuan për shkak të luftës dhe për ata që kanë humbur të afërmit. 
“Dua t’ju siguroj për lutjet e mia për popullin e Ukrainës që po vuan nga lufta, veçanërisht për të gjithë ata që janë plagosur fizikisht, për ata që kanë humbur të dashurit dhe për ata që janë privuar nga shtëpitë e tyre. Vetë Zoti i ngushëlloftë ata; i forcoftë të plagosurit dhe u dhuroftë paqe të përjetshme të ndjerëve. I lutem Zotit të prekë zemrat e njerëzve vullnetmirë, që zhurma e armëve të pushojë dhe t’i hapë rrugën dialogut, duke i hapur rrugën paqes për të mirën e të gjithëve. Ia besoj popullin tuaj Virgjëreshës së Bekuar Mari, Mbretëreshës së Paqes”, tha ai.
Presidenti francez Emmanuel Macron tha: “Për tre vjet e gjysmë tani, Ukraina ka fituar respekt dhe admirim universal për luftën e saj për liri, pavarësi dhe integritet territorial. Guximi dhe vendosmëria e popullit ukrainas janë angazhimi ynë dhe do të mbeten në histori.”
Presidenti turk, Recep Tayyip Erdogan, vuri në dukje në mesazhin e tij të urimit se bashkëpunimi midis vendeve kontribuon në prosperitetin e popujve të tyre dhe “vazhdon të forcohet çdo vit, duke marrë një karakter shumëdimensional dhe shumështresor”.
“Jam i bindur se partneriteti strategjik midis Turqisë dhe Ukrainës është me rëndësi të madhe për besimin dhe stabilitetin si në nivel rajonal ashtu edhe në atë global. Me këtë rast, dëshiroj t’i shpreh edhe një herë urimet e mia më të mira Shkëlqesisë Suaj për lumturi dhe shëndet të mirë, si dhe paqe, prosperitet dhe mirëqenie popullit mik të Ukrainës”, shtoi ai.
Kancelari gjerman Friedrich Merz vuri në dukje se ukrainasit “po mbrojnë veten me guxim të madh kundër sulmeve të Rusisë. Ata po luftojnë për sistemin tonë të bazuar në liri në Evropë dhe për një paqe të drejtë. Në Ditën e Pavarësisë, ne qëndrojmë fort në anën e tyre – sot dhe në të ardhmen”.
Kryeministri britanik Keir Starmer shkroi: “Ne qëndrojmë me Ukrainën sot dhe gjithmonë. Lavdi Ukrainës.” 
Presidentja e Komisionit Evropian, Ursula von der Leyen, vuri në dukje se ukrainasit po luftojnë për një vend të lirë, demokratik dhe të pavarur.
“Ky është qëllimi i përpjekjeve tona. Ne jemi me ju, për aq kohë sa të duhet. Sepse një Ukrainë e lirë do të thotë një Evropë e lirë. Gëzuar Ditën e Pavarësisë, Ukrainë!” shkroi ajo.
Udhëheqësi kinez Xi Jinping tha se Pekini është i gatshëm të punojë me Ukrainën për t’u siguruar që marrëdhënia e tyre të mbetet e fortë dhe afatgjatë, si dhe për të ndihmuar të dy vendet.
Presidenti i Këshillit Evropian, António Costa, tha: “Guximi dhe shpresa juaj për paqe na frymëzojnë të gjithëve. Ne qëndrojmë krah për krah me ju. E ardhmja jonë është së bashku në Bashkimin Evropian. Lavdi Ukrainës!”/ZËRI

foto ilustruese

UKRAINË- Udhëheqësit botërorë kanë dërguar urime për Ditën e Pavarësisë së Ukrainës, që shënon 34 vjet që nga ndarja e saj nga Bashkimi Sovjetik. Liderët botëror urojnë popullin ukrainas, teksa shprehin mbështetjen e tyre të vazhdueshme deri në arritjen e paqes së qëndrueshme. 

Presidenti i SHBA-së, Donald Trump, uroi ukrainasit për Ditën e Pavarësisë, duke theksuar se Shtetet e Bashkuara besojnë në të ardhmen e Ukrainës si shtet i pavarur. Presidenti ukrainas, Volodymyr Zelensky, e ndau urimin e Trump në rrjetin social X. Në një letër urimi, Trump vlerësoi shpirtin luftarak të popullit ukrainas, teksa thekson mbështetjen e për një marrëveshje të panegociuar për paqe të qëndrueshme dhe afatgjatë. 
Letra e plotë:
I nderuar z. President,
Në emër të popullit amerikan, ju shpreh përgëzimet dhe urimet më të përzemërta për ju dhe popullin trim të Ukrainës, teksa festoni 34-vjetorin e pavarësisë.
Populli i Ukrainës ka një shpirt të palëkundur dhe guximi i vendit tuaj frymëzon mbarë botën. Në këtë ditë të rëndësishme, dua të dini se Shtetet e Bashkuara respektojnë qëndresën tuaj, nderojnë sakrificat tuaja dhe besojnë në të ardhmen tuaj si një komb i lirë dhe i pavarur.
Tani është momenti për t’i dhënë fund vrasjeve të pakuptimta. Shtetet e Bashkuara mbështesin një marrëveshje të negociuar që do të sjellë një paqe të qëndrueshme e afatgjatë, që i jep fund gjakderdhjes dhe garanton sovranitetin e Ukrainës dhe dinjitetin e saj.
Zoti e bekoftë Ukrainën.
Me respekt,
Donald J. Trump
Mbreti Charles III i Britanisë i ka dërguar gjithashtu një mesazh mbështetjeje Ukrainës për të shënuar ditën e pavarësisë së vendit. Ai bëri thirrje për një “paqe të drejtë dhe të qëndrueshme” për t’i dhënë fund luftës së shkaktuar nga pushtimi rus i fqinjit të saj në vitin 2022.
Nga ana tjetër, Presidenti ukrainas Volodymyr Zelensky tha se fjalët e Mbretit ishin një “frymëzim i vërtetë për popullin tonë” dhe falënderoi Mbretërinë e Bashkuar për mbështetjen e saj.
Mesazhi i Mbretit, i ndarë në mediat sociale nga Zelensky, tha: “Vazhdoj të ndiej admirimin më të madh dhe më të thellë për guximin dhe shpirtin e pathyeshëm të popullit ukrainas. Mbetem shpresëplotë se vendet tona do të jenë në gjendje të bashkëpunojnë më tej ngushtë për të arritur një paqe të drejtë dhe të qëndrueshme në Ukrainë.” Ne e vlerësojmë lidershipin e Mbretërisë së Bashkuar në mbështetjen e Ukrainës dhe kauzës sonë të drejtë: për të mbrojtur lirinë nga tirania dhe për të siguruar një paqe të qëndrueshme në Ukrainë dhe në të gjithë Evropën.”
Urimet erdhwn edhe nga Papa Leo XIV, i cili i ka dërguar një letër Volodymyr Zelenskyt ku i shkruan se lutet për popullin që po vuan për shkak të luftës dhe për ata që kanë humbur të afërmit. 
“Dua t’ju siguroj për lutjet e mia për popullin e Ukrainës që po vuan nga lufta, veçanërisht për të gjithë ata që janë plagosur fizikisht, për ata që kanë humbur të dashurit dhe për ata që janë privuar nga shtëpitë e tyre. Vetë Zoti i ngushëlloftë ata; i forcoftë të plagosurit dhe u dhuroftë paqe të përjetshme të ndjerëve. I lutem Zotit të prekë zemrat e njerëzve vullnetmirë, që zhurma e armëve të pushojë dhe t’i hapë rrugën dialogut, duke i hapur rrugën paqes për të mirën e të gjithëve. Ia besoj popullin tuaj Virgjëreshës së Bekuar Mari, Mbretëreshës së Paqes”, tha ai.
Presidenti francez Emmanuel Macron tha: “Për tre vjet e gjysmë tani, Ukraina ka fituar respekt dhe admirim universal për luftën e saj për liri, pavarësi dhe integritet territorial. Guximi dhe vendosmëria e popullit ukrainas janë angazhimi ynë dhe do të mbeten në histori.”
Presidenti turk, Recep Tayyip Erdogan, vuri në dukje në mesazhin e tij të urimit se bashkëpunimi midis vendeve kontribuon në prosperitetin e popujve të tyre dhe “vazhdon të forcohet çdo vit, duke marrë një karakter shumëdimensional dhe shumështresor”.
“Jam i bindur se partneriteti strategjik midis Turqisë dhe Ukrainës është me rëndësi të madhe për besimin dhe stabilitetin si në nivel rajonal ashtu edhe në atë global. Me këtë rast, dëshiroj t’i shpreh edhe një herë urimet e mia më të mira Shkëlqesisë Suaj për lumturi dhe shëndet të mirë, si dhe paqe, prosperitet dhe mirëqenie popullit mik të Ukrainës”, shtoi ai.
Kancelari gjerman Friedrich Merz vuri në dukje se ukrainasit “po mbrojnë veten me guxim të madh kundër sulmeve të Rusisë. Ata po luftojnë për sistemin tonë të bazuar në liri në Evropë dhe për një paqe të drejtë. Në Ditën e Pavarësisë, ne qëndrojmë fort në anën e tyre – sot dhe në të ardhmen”.
Kryeministri britanik Keir Starmer shkroi: “Ne qëndrojmë me Ukrainën sot dhe gjithmonë. Lavdi Ukrainës.” 
Presidentja e Komisionit Evropian, Ursula von der Leyen, vuri në dukje se ukrainasit po luftojnë për një vend të lirë, demokratik dhe të pavarur.
“Ky është qëllimi i përpjekjeve tona. Ne jemi me ju, për aq kohë sa të duhet. Sepse një Ukrainë e lirë do të thotë një Evropë e lirë. Gëzuar Ditën e Pavarësisë, Ukrainë!” shkroi ajo.
Udhëheqësi kinez Xi Jinping tha se Pekini është i gatshëm të punojë me Ukrainën për t’u siguruar që marrëdhënia e tyre të mbetet e fortë dhe afatgjatë, si dhe për të ndihmuar të dy vendet.
Presidenti i Këshillit Evropian, António Costa, tha: “Guximi dhe shpresa juaj për paqe na frymëzojnë të gjithëve. Ne qëndrojmë krah për krah me ju. E ardhmja jonë është së bashku në Bashkimin Evropian. Lavdi Ukrainës!”/ZËRI