Lajmidites.com

Tag: polonia

  • Polonia akuzon Rusinë për përpjekje për ndërhyrje në zgjedhjet presidenciale

    Polonia akuzon Rusinë për përpjekje për ndërhyrje në zgjedhjet presidenciale

    Polonia po përballet me një përpjekje të paprecedentë nga Rusia për të ndërhyrë në zgjedhjet presidenciale që do të mbahen më 18 maj, ka deklaruar ministri polak për çështje digjitale të martën, ndërsa fushata elektorale ka hyrë në fazën e saj përfundimtare.
    Sipas autoriteteve polake, roli i Polonisë si një qendër logjistike kyçe për ndihmën ndaj Ukrainës e ka bërë vendin një objektiv të drejtpërdrejtë për aktivitete sabotuese nga Rusia, përfshirë sulme kibernetike dhe fushata dezinformuese të mirë organizuara.
    Varshava ka qenë në gjendje të shtuar gatishmërie kundër këtyre kërcënimeve, duke ndjekur me shqetësim edhe rastin e Rumanisë, e cila anuloi zgjedhjet presidenciale në dhjetor pas akuzave serioze për ndërhyrje nga ana e Rusisë.

    Ndërhyrja që po përjetojmë nuk ka ndodhur më parë. Po bëhen përpjekje sistematike për të ndikuar te zgjedhësit dhe për të destabilizuar procesin demokratik,” deklaroi ministri polak për digjitalizimin.
    Zyrtarët polakë po bashkëpunojnë me aleatët perëndimorë dhe me agjencitë e sigurisë për të garantuar integritetin e zgjedhjeve dhe për të parandaluar ndërhyrjet e jashtme që mund të cenojnë vullnetin e lirë të qytetarëve.

  • Polonia akuzon Moskën, zyrtarët polak: Rusia po mundohet të ndërhyjë në procesin zgjedhor të 18 majit

    Polonia akuzon Moskën, zyrtarët polak: Rusia po mundohet të ndërhyjë në procesin zgjedhor të 18 majit

    Polonia po përballet me një përpjekje ruse për të ndërhyrë në zgjedhjet e saj presidenciale, tha ministri për çështjet dixhitale, ndërsa fushata hyn në fazën e saj të fundit para votimit të raundit të parë më 18 maj.

    Polonia thotë se roli i saj si një qendër për dërgimin e ndihmës në Ukrainë e ka bërë atë një objektiv kyç për sabotimin rus, sulmet kibernetike dhe fushatat e dezinformimit.
    Varshava është në gatishmëri të lartë për zgjedhjet e saj presidenciale pasi Rumania anuloi votimin e dhjetorit, duke përmendur ndërhyrjen ruse në procesin zgjedhor.
    “Gjatë zgjedhjeve presidenciale në Poloni, ne përballemi me një përpjekje të paparë nga pala ruse për të ndërhyrë në procesin zgjedhor”, tha Krzysztof Gafkowski gjatë një konference për shtyp.
    “Kjo bëhet duke përhapur dezinformim në kombinim me sulme hibride kundër infrastrukturës jetësore polake me qëllim paralizimin e funksionimit të duhur të shtetit”, shtoi ai.
    Sulmet kishin në shënjestër kompanitë e ujit dhe kanalizimeve, kompanitë e ngrohjes, impiantet e furnizimit me ujë dhe institucionet shtetërore. Numri i sulmeve kibernetike ruse është dyfishuar krahasuar me vitin e kaluar, tha ai.
    “Sot, në Poloni, çdo minutë të fjalimit tim, regjistrohen rreth dhjetë incidente kundër infrastrukturës jetësore”, theksoi ai.
    Varshava raportoi në mars se kishte pasur një sulm kibernetik ndaj agjencisë hapësinore të Polonisë. Në vitin 2024, Polonia njoftoi se agjencia e saj kombëtare e lajmeve kishte qenë shënjestër e një sulmi kibernetik rus.
    Varshava dhe aleatët e saj akuzojnë Moskën se qëndron pas sulmeve të zjarrvënies dhe sabotimit në të gjithë Evropën.

    Top Channel

  • Vlora, destinacion i preferuar për turistët

    Vlora, destinacion i preferuar për turistët

    “Vlora nuk mbetet vetëm destinacioni i preferuar për fundjavat, por tashmë në rrugët e qytetit çdo ditë mund të shohim turistë që zgjedhin të pushojnë këtu, të shijojnë detin, pamjet panoramike dhe të zhvillojnë sporte të ndryshme”, raporton gazetarja e Tv Klan, Greta Haskaj.
    “Ne vijmë nga Polonia, na pëlqen qyteti, na pëlqen sporti, do të kthehem këtu për verën 2025, me bashkëshorten time.”
    Ata që vijnë për herë të parë në Vlorë, shprehen se do të kthehen sërish për të shijuar rivierën shqiptare përgjatë verës së këtij viti.“Ne vijmë nga Polonia, kemi ardhur për pushime. Shqipëria është vërtetë një vend shumë i bukur. Shumë njerëz të sjellshëm kemi takuar që jetojnë këtu, por ajo që na pëlqen është se çmimet janë shumë të lira, në restorante dhe në qeratë e apartamenteve. Është hera e parë këtu, përpara kësaj ishim në Turqi, por Shqipëria është më mirë.”Një tjetër grup turistësh e vlerësojnë Shqipërinë për mikpritjen e saj dhe çmimet konkurruese, duke e renditur si një destinacion më tërheqës edhe se Turqia.
    “Shqipëria është vend shumë i këndshëm për pushime, shumë i rekomanduar. Klima është shumë e mirë, ushqime të shijshme. Ne na e sugjeruan këtë qytet, mendojmë se Vlora është e bukur dhe nuk kemi pse shkojmë në një qytet tjetër përveçse në Vlorë.”
    “Ne jetojmë këtu, vijmë nga Ukraina.”
    “Ne vijmë nga Anglia, ne dëgjuam që ishte shumë bukur në jug. Ne do të qëndrojmë vetëm dy javë, por ndoshta kthehemi për verën e 2025-ës.”
    Përveç vizitorëve nga Polonia, Rusia dhe Ukraina në rrugët e qytetit bregdetar kombësitë janë shtuar me pushues që vijnë edhe nga vende më të largëta, si Brazili.

  • Tensione në kufi, Polonia ngre avionët luftarakë pas bombardimeve ruse në Ukrainën perëndimore

    Tensione në kufi, Polonia ngre avionët luftarakë pas bombardimeve ruse në Ukrainën perëndimore

    Polonia ka vendosur avionë luftarakë për të siguruar hapësirën e saj ajrore pas sulmeve ruse në Ukrainën fqinje perëndimore, thotë Komanda Operative e Forcave të Armatosura Polake.
    “Për shkak të aktivitetit të aviacionit me rreze të gjatë të Federatës Ruse, i cili po kryen sulme ndaj objekteve të vendosura, ndër të tjera, në Ukrainën perëndimore, avionët polakë dhe aleatë kanë filluar të operojnë në hapësirën ajrore polake,” tha Komanda Operative e Forcave të Armatosura Polake në një deklaratë të shkurtër në X.Lexo edhe :Related Posts
    Sulmet ruse me raketa dhe dron gjatë natës në kryeqytetin ukrainas, Kiev, kanë vrarë të paktën nëntë persona dhe  kanë plagosur më shumë se 60 të tjerë, sipas zyrtarëve lokalë.

    Kryetari i bashkisë së Kievit, Vitali Klitschko, tha se gjashtë fëmijë janë në mesin e personave që janë dërguar në spital.
    “Zjarret shpërthyen në gjashtë vendndodhje”, tha ai, duke shtuar se ka “njerëz nën rrënojat” e një ndërtese banimi të shkatërruar.
    Ushtria ruse ende nuk ka komentuar mbi sulmet, këtë mëngjes ajo tha se kishte kapur 87 drone ukrainas, duke përfshirë dy mbi rajonin e Moskës dhe 45 mbi Krime./vizonplus.tv

  • Polonia kërkon armë bërthamore franceze në territorin e saj

    Polonia kërkon armë bërthamore franceze në territorin e saj

    “Arsenali bërthamor francez vërtet mund të ndihmojë në mbrojtjen e Polonisë”, tha presidenti polak Andrzej Duda në një deklaratë.Siç shkruan Politico, Duda, i cili më parë ka bërë thirrje që Polonia të presë disa nga armët bërthamore amerikane në tokën e saj për të penguar agresionin rus, tha se kokat franceze mund të forcojnë gjithashtu mbrojtjen polake.
    “Unë besoj se ne mund t’i pranojmë të dyja zgjidhjet”, tha presidenti.Presidenti francez Emmanuel Macron ka propozuar shtrirjen e të ashtuquajturës ombrellë bërthamore franceze për aleatët evropianë, mes frikës se Rusia një ditë mund të ketë synim një tjetër shtet evropian.
    Me rreth 300 koka bërthamore, Franca është i vetmi anëtar i BE-së që zotëron armë të tilla dhe një nga tre anëtarët e NATO-s, së bashku me SHBA-në dhe Britaninë e Madhe.
    Polonia dhe Danimarka janë shprehur më parë të hapur ndaj idesë për të qenë nën mbrojtjen bërthamore franceze.
    Në mars, kryeministri polak Donald Tusk tha se Polonia po “diskutonte seriozisht” mundësinë me Francën, e cila ka marrë vrull pas paralajmërimeve nga SHBA se Shtëpia e Bardhë e Donald Trump mund të mos garantojë sigurinë e Evropës në të ardhmen.

  • Rusia paralajmëron NATO-n në rast përshkallëzimi luftarak, kreu i spiunazhit rus: Polonia dhe shtetet baltike do ta pësojnë të parat

    Rusia paralajmëron NATO-n në rast përshkallëzimi luftarak, kreu i spiunazhit rus: Polonia dhe shtetet baltike do ta pësojnë të parat

    Rusia dhe Bjellorusia janë të gatshme të veprojnë në mënyrë parandaluese ndaj rritjes së përshkallëzimit ushtarak nga vendet evropiane mbi Ukrainën, tha të martën kreu i shërbimit të spiunazhit të jashtëm të Rusisë, sipas mediave shtetërore.

    “Ne ndjejmë dhe shohim se vendet evropiane, veçanërisht Franca, Britania e Madhe dhe Gjermania, po rrisin nivelin e përshkallëzimit rreth konfliktit të Ukrainës. Prandaj, ne duhet të veprojmë me parandalim. Ne jemi gati për këtë”, u citua të thoshte Sergei Naryshkin nga agjencitë ruse të lajmeve TASS dhe RIA.
    Në rast të një sulmi ndaj Rusisë ose Bjellorusisë, Rusia do të hakmerret kundër NATO-s në tërësi, por Polonia dhe shtetet baltike do të vuajnë së pari, shtoi ai.
    Këto vende duhet të kuptojnë se “në rast agresioni” të NATO-s “me siguri do të shkaktohet dëm në të gjithë bllokun e NATO-s, por në një masë më të madhe të parët që do të vuajnë do të jenë bartësit e ideve të tilla në qarqet politike të Polonisë dhe vendeve baltike”, tha Naryshkin.
    Komentet e tij erdhën disa orë pasi ministri i Jashtëm rus, Sergei Lavrov tha se “nuk është e lehtë” të bihet dakord me SHBA-në për pjesët kryesore të një marrëveshjeje të mundshme paqeje me Ukrainën.
    “Ne e dimë mirë se si duket një marrëveshje me përfitim të ndërsjellë, të cilën nuk e kemi refuzuar kurrë dhe se si duket një marrëveshje që mund të na çojë në një kurth tjetër”, tha ai për gazetën ruse Kommersant.
     

    Top Channel

  • Polonia ngriti avionët e luftës në ajër, Rusia sulmon ashpër Ukrainën, Zelenski grindet me amerikanët

    Polonia ngriti avionët e luftës në ajër, Rusia sulmon ashpër Ukrainën, Zelenski grindet me amerikanët

    Ukrainasit kanë kaluar orë tepër të vështira. Rusia lëshoi një sulm të ashpër, duke shënjestruar me bomba dhe dronë disa rajone, përfshirë kryeqytetin e Kievit.
    Shpërthime janë dëgjuar, ndërsa banorët vrapuan për në qendrat e sigurta të strehimit. Raportohet për të paktën 3 plagosur. Gjatë këtyre orëve të sulmit, Polonia dhe aleatët e NATO-s ngritën disa avionë lufte në ajër për të garantuar që kufiri dhe siguria e qytetarëve të mos cënohet.
    Ndërkohë, presidenti ukrainas, Volodymyr Zelensky, kritikoi reagimin e ambasadës amerikane, i përcaktuar si “i dobët” dhe “çuditërisht i pakëndshëm”, ndaj “sulmit serioz rus në qytetin e Krivij Rih, që u mori jetën 19 personave, përfshirë gjashtë fëmijëve.
    “Heshtja për vrasjen e fëmijëve nga Moska është e rrezikshme. Kjo tregon se Rusia nuk dëshiron armëpushim, ajo dëshiron vetëm luftë, “thekson lideri ukrainas.

  • Polonia dhe SHBA marrëveshje 2 miliardë euro për mbrojtjen, trajnime dhe mbështetje logjistike për sistemin Patriot

    Polonia dhe SHBA marrëveshje 2 miliardë euro për mbrojtjen, trajnime dhe mbështetje logjistike për sistemin Patriot

    Polonia dhe Shtetet e Bashkuara do të nënshkruajnë një kontratë me vlerë gati dy miliardë euro për ofrimin e mbështetjes logjistike për sistemin e mbrojtjes ajrore Patriot, njoftoi ministri polak i Mbrojtjes Wladyslaw Kosiniak-Kamysz.

    “Siguria e qiellit polak është e paçmuar”, u tha Kosiniak-Kamysz gazetarëve.
    Sipas Reuters, marrëveshja përfshin mbështetje teknike dhe trajnime dhe ka të bëjë me mbështetjen logjistike për sistemin Patriot brenda forcave të armatosura polake.
    Ministria polake e Mbrojtjes njoftoi se zbatimi i kësaj marrëveshjeje do të mundësojë gatishmërinë operacionale të Patriot, të cilët përbëjnë bazën e të ashtuquajturit program Wisla.
    Qëllimi i këtij programi është mbrojtja kundër raketave balistike me rreze të shkurtër veprimi, duke përfshirë raketat që mund të ndryshojnë drejtimin e fluturimit.
    Raportohet se Polonia bleu dy bateritë e para Patriot nga SHBA në vitin 2018 si pjesë e të njëjtit program.
    E nxitur nga agresioni rus në Ukrainë tre vjet më parë, Polonia u bë anëtare e NATO-s me pjesën më të madhe të GDP-së kombëtare të alokuar për mbrojtjen.
    Varshava planifikon të investojë 4.1% të GDP-së në mbrojtje këtë vit, dhe për vitin 2025, ajo njofton një rritje në atë shumë në 4.7%.
    Kryeministri Donald Tusk njoftoi kohët e fundit se të gjithë meshkujt e rritur në vend do t’i nënshtrohen trajnimit ushtarak dhe ai gjithashtu mbështeti tërheqjen e Polonisë nga konventat ndërkombëtare që ndalojnë përdorimin e minave kundër personelit dhe municioneve thërrmuese.
    Sistemi i mbrojtjes ajrore Patriot është një sistem raketor amerikan i krijuar për të kapur raketat balistike dhe lundruese dhe aeroplanët e armikut.

    Top Channel