Lajmidites.com

Tag: poloni

  • Gjermania nis Eurofigher në Poloni, Putin “tallet”: Europa nuk e përballon dot luftën!

    Gjermania nis Eurofigher në Poloni, Putin “tallet”: Europa nuk e përballon dot luftën!

    Ministri gjerman i Mbrojtjes Boris Pistorius, njoftoi se vendi i tij do të rrisë kontributin në mbikëqyrjen e hapësirës ajrore mbi krahun lindor të NATO-s.

    Ushtria gjermane do të jetë e pranishme në Poloni me “disa Eurofighter shtesë” përtej angazhimit të saj aktual, tha Pistorius gjatë takimit të ministrave të mbrojtjes së aleancës në Bruksel.
    “Ne do të kontribuojmë në mbrojtjen e krahut lindor me fluturime patrullimi. Nga sot e tutje, Gjermania do të jetë më aktive, më e pranishme dhe më e dukshme në këtë rajon.”
    Një zëdhënës i ministrisë deklaroi se, nga dhjetori deri në mars, dy Eurofighter do të stacionohen në Malbork, Poloni, në jug të Gdanskut. Pas hyrjes së 19 dronëve rusë në hapësirën ajrore polake në shtator, Gjermania kishte rritur tashmë numrin e avionëve Eurofighter të caktuar për mbikëqyrje ajrore nga dy në katër, si pjesë e iniciativës “Eastern Sentry” të NATO-s në bazën ajrore Rostock-Laage.
    Gjatë takimit të NATO-s, Pistorius njoftoi gjithashtu se qeveria gjermane do të shpenzonte dhjetë miliardë euro për blerjen e dronëve gjatë viteve të ardhshme. Kjo përfshin të gjitha llojet e dronëve, përfshirë dronët sulmues. Në Moskë megjithatë, të gjitha këto lëvizje po i shohin me një lloj qesëndie.
    Këtë tregoi deklarata e një këshilltarit të Kremlinit, Dmitrij Suslov, i cili tha për Corriere della Sera se episode e dronëve dëshmuan se Europa nuk është e përgatitur për një përballje frontale ushtarake me Rusinë. Europianët rrijnë e diskutojnë nëse janë apo jo në luftë me Moskën, dhe e vetmja gjë e sigurtë është se nuk janë gati për një luftë të vërtetë, u shpreh ai.

    Top Channel

  • Zotimi gjerman përballë Moskës, bombarduesit Eurofighter zbarkojnë në Poloni

    Zotimi gjerman përballë Moskës, bombarduesit Eurofighter zbarkojnë në Poloni

    Gjermania do të stacionojë avionë luftarakë Eurofighter në bazën ajrore ushtarake polake në Malbork për të mbrojtur krahun lindor të NATO-s dhe për të investuar dhjetë miliardë euro në dronë.
    Kjo u njoftua nga Ministri gjerman i Mbrojtjes Boris Pistorius (SPD) në margjinat e një takimi të ministrave të mbrojtjes të NATO-s në Bruksel.
    Lidhur me angazhimin e ri në Poloni, politikani i SPD-së deklaroi: “Ne do të kontribuojmë në mbrojtjen e krahut lindor me fluturime patrullimi.Kjo do të na bëjë edhe më aktivë dhe edhe më të pranishëm e të dukshëm në kufirin lindor të aleancës”.
    Lidhur me miliarda dollarët e investuar në dronë, ai tha se këto duhet të prodhohen në vitet e ardhshme. Kjo vlen për të gjitha llojet e dronëve, përfshirë dronët sulmues. Sjellja agresive e Presidentit rus Vladimir Putin tregon se nuk mund të heqim dorë për asnjë moment në forcimin e gatishmërisë mbrojtëse.
    Sipas raportimeve, angazhimi shtesë gjerman për mbrojtjen e krahut lindor do të zbatohet si pjesë e misionit të NATO-s “Eastern Sentry”. Ai u lançua në shtator në përgjigje të shkeljeve të dyshuara të qëllimshme të hapësirës ajrore nga dronët kamikazë rusë në Poloni. Iniciativa mobilizon kryesisht aftësi shtesë mbikëqyrjeje dhe mbrojtjeje ajrore.
    Gjermania, për shembull, aktualisht po ofron katër avionë luftarakë Eurofighter që mund të marrin pjesë në fluturime sigurie të armatosura mbi Poloni nga baza ajrore Rostock-Laage. Vendosja e re në Poloni është planifikuar të fillojë në dhjetor dhe të zgjasë të paktën deri në mars të vitit të ardhshëm. Përveç Gjermanisë, në “Eastern Sentry” po marrin pjesë edhe Franca, Britania e Madhe, Republika Çeke dhe Danimarka.

  • Rasti tronditës në Poloni! Prindërit e izoluan 27 vjet më parë në 1998, policia zbulon 42-vjeçaren në gjendje kritike për jetën

    Rasti tronditës në Poloni! Prindërit e izoluan 27 vjet më parë në 1998, policia zbulon 42-vjeçaren në gjendje kritike për jetën

    Një grua polake është gjetur në një gjendje tronditëse, pasi dyshohet se ka qenë e mbyllur në një dhomë të vogël nga prindërit e saj për gati tre dekada.
    Mirella, tani 42 vjeç , ishte vetëm 15 vjeçe kur u zhduk nga jeta publike në vitin 1998. Ajo jetonte në qytetin Swietochlowice, në Poloni.
    Prindërit e saj thuhet se u thanë fqinjëve në atë kohë se vajza e tyre adoleshente ishte zhdukur. Për vite me radhë, askush nuk e vuri në dyshim këtë.

    Por këtë verë, policia zbuloi rastësisht të vërtetën e tmerrshme. Oficerët u thirrën në një bllok apartamentesh në korrik pasi banorët dëgjuan një zhurmë që vinte nga brenda. Kur trokitën në derë, pronarja e moshuar, 82 vjeç, mohoi se po ndodhte diçka e pazakontë.
    Policët më pas folën drejtpërdrejt me Mirelën. Ajo i siguroi se “gjithçka ishte në rregull”. Por oficerët shpejt vunë re lëndime të rënda në këmbët e saj dhe vendosën të telefononin ambulancën. Ajo u dërgua me urgjencë në spital dhe mjekët përcaktuan se ishte vetëm “disa ditë larg vdekjes” nga infeksioni.
    Edhe pse zbulimi i Mirelës ndodhi në korrik, rasti tronditës është bërë i ditur vetëm tani, pasi vendasit nisën një mbledhje fondesh për ta ndihmuar atë të shërohet.

    Një nga organizatorët postoi në internet: “Mjekët përcaktuan se ajo ishte vetëm disa ditë larg vdekjes për shkak të infeksionit.”

    Mirella, 42 vjeç, ishte 15 vjeç kur u zhduk nga jeta publike në vitin 1998
    Makthi i Mirelës filloi kur ajo ishte vetëm një adoleshente. Prindërit e saj thuhet se e kishin mbyllur në një dhomë të vogël në apartamentin e tyre dhe e kishin izoluar plotësisht nga bota e jashtme.
    Për 27 vjet, fqinjët e besuan historinë e çiftit se vajza e tyre ishte zhdukur.
    Banorët supozonin se vetëm dy persona jetonin në apartament çifti i të moshuarve.
    Autoritetet tani kanë nisur një hetim penal.
    Prokurorja Agnieszka Kwatera konfirmoi se çështja po hetohet zyrtarisht.
    /vizionplus.tv
    Gjendja e Mirellës nga infeksioni.

  • Të rinjtë polakë më afër Shqipërisë: Konsullata në Łódź nismon bashkëpunimin kulturor me shkollat lokale

    Të rinjtë polakë më afër Shqipërisë: Konsullata në Łódź nismon bashkëpunimin kulturor me shkollat lokale

    Tashmë të rinjtë polakë do të kenë mundësinë të njihen më nga afër me historinë, kulturën dhe traditat shqiptare. Kjo falë një nisme të Konsullit të Nderit të Shqipërisë në Poloni, Dr. Paweł (Pavëll) Michalak, një polak me origjinë, por i dashuruar pas Shqipërisë. Dashurinë e tij për vendin tonë ai e shpreh edhe në mënyra simbolike madje edhe targat e makinës së tij në Poloni mbajnë shkrimin “Avash”, një fjalë që përfaqëson shpirtin e qetë dhe miqësor të shqiptarëve.

    Në Konsullatën e Republikës së Shqipërisë në Łódź u nënshkrua një marrëveshje bashkëpunimi mes Konsullit të Nderit, Dr. Michalak, dhe drejtoreshës së Shkollës Fillore “Józef Lompa” Nr. 14, znj. Barbara Bulesowska. Ky partneritet synon të krijojë ura bashkëpunimi mes të rinjve shqiptarë dhe polakë përmes shkëmbimeve kulturore, edukative dhe aktiviteteve të përbashkëta.

    “Kufijtë sot nuk ekzistojnë më në rrjetet sociale, por kontaktet e vërteta lindin vetëm nga takimet njerëzore. Prandaj duam që të rinjtë tanë të njohin njëri-tjetrin, të mësojnë për kulturën dhe historinë e vendeve tona dhe, pse jo, të vizitojnë Shqipërinë,” u shpreh Michalak gjatë ceremonisë së nënshkrimit.

    Sipas marrëveshjes, Konsullata e Shqipërisë në Łódź do të mbështesë shkollën në organizimin e ngjarjeve arsimore dhe kulturore që lidhen me Shqipërinë, do të ofrojë patronazh nderi për aktivitete të zgjedhura dhe do të ndihmojë në ndërtimin e kontakteve me institucione shqiptare në Poloni dhe jashtë saj.

    “Ky është një moment i veçantë për nxënësit tanë. Jemi të lumtur për këtë partneritet dhe besojmë se do të sjellë shumë mundësi të reja për njohje dhe bashkëpunim,” tha drejtoresha Barbara Bulesowska.

    Në ceremoninë e nënshkrimit mori pjesë edhe Dr. Gert Dragoshi, lektor në Universitetin Łukaszewski në Varshavë, i cili prej më shumë se 25 vitesh jeton në Poloni. “Iniciativa të tilla tregojnë se marrëdhëniet shqiptaro-polake po forcohen dhe se miqësia midis dy popujve tanë po ndërtohet që në moshë të re,” theksoi ai.

    Në kuadër të bashkëpunimit, nxënësit e klasës së shtatë kanë vizituar tashmë Konsullatën Shqiptare për t’u njohur me punën e një konsulli, ndërsa në nëntor planifikohet një vizitë në Ambasadën e Republikës së Shqipërisë në Varshavë.

    Ky është vetëm hapi i parë i një nisme që synon të lidhë më ngushtë të rinjtë e dy vendeve përmes njohjes, dialogut dhe respektit të ndërsjellë.

  • Poloni/ Zbulohet ‘komploti rus’ me kanaçe ushqimore të mbushura me eksplozivë

    Poloni/ Zbulohet ‘komploti rus’ me kanaçe ushqimore të mbushura me eksplozivë

    Prokuroria Kombëtare e Polonisë po heton një komplot të dyshuar rus, që përfshinte futjen në vend të kanaçeve ushqimore me etiketa “misër”, por të mbushura me eksplozivë, raportojnë mediat polake.

    Sipas gazetës Gazeta Wyborcza, burime nga Prokuroria Kombëtare dhe Agjencia e Sigurisë së Brendshme (ABË) konfirmuan rastin.

    I dyshuari është një shtetas ukrainas, i identifikuar vetëm si Władysław D., që dyshohet se ka lidhje me shërbimin e inteligjencës ushtarake ruse (GRU).

    Sipas burimeve, person ka transportuar kanaçet nga një varrezë në Lituani dhe i ka lënë ato pranë qytetit Lodz në qendër të Polonisë.

    Sipas një eksperti ushtarak, sasia e eksplozivëve që besohet se ishte përdorur mund të shkaktonte dëmtime të mëdha në automjete dhe plagë serioze për njerëzit që do të gjendeshin pranë.

    Koordinatori i shërbimeve speciale të Polonisë, Tomasz Siemoniak, deklaroi se GRU kishte planifikuar operacione sabotazhi në Poloni, Lituani dhe Gjermani, duke përdorur eksplozivë të fshehur në kanaçe.

    Hetuesit dyshojnë se kanaçet ishin planifikuar të përdoren si ngarkesë shpërthyese në dronë për të kryer sulme.

    Megjithëse nuk është bërë publik motivi i sulmeve të planifikuara, mbështetja e fortë e Polonisë për Ukrainën që nga fillimi i pushtimit të plotë nga Rusia, shihet si një arsye e mundshme.

    Polonia ka ofruar rreth 3.3 miliardë euro ndihmë ushtarake dhe humanitare për Kievin dhe ka strehuar afro 1 milion refugjatë ukrainas, shumica gra dhe fëmijë.

    Prokuroria polake e cilësoi hetimin si pjesë e një hetimi më të gjerë për operacionet e luftës hibride të Rusisë në Evropë.

    Ky zbulim ndodh në një kohë kur ka pasur disa shkelje të hapësirës ajrore në vende evropiane, për të cilat Rusia dyshohet se qëndron pas.

  • Hedhja në erë e gazsjellësit ‘Nord Stream’ më 2022, arrestohet në Poloni ukrainasi i dyshuar

    Hedhja në erë e gazsjellësit ‘Nord Stream’ më 2022, arrestohet në Poloni ukrainasi i dyshuar

    Arrestohet në Poloni një ukrainas i kërkuar si i dyshuar për shpërthimet në gazsjellësin “Nord Stream”, që ndodhi në vitin 2022 dhe shkaktoi dëmtime të mëdha të rrjetit të furnizimit dhe u cilësua një akt i pastër sabotimi.

    Një avokat që përfaqëson Volodymyr Z., i cili kërkohet në Gjermani nën dyshimin për përfshirje në shpërthimet e tubacionit të gazit Nord Stream, konfirmoi për “Reuters” të hënën se klienti i tij po mbahej në Poloni.

    Stacioni privat radiofonik polak RMF FM raportoi se burri kërkohej me një urdhër arresti evropian, të lëshuar nga një gjykatë gjermane.

    Shpërthimet e vitit 2022, të cilat si Moska ashtu edhe Perëndimi i kanë quajtur një akt sabotimi, dëmtuan rëndë furnizimet ruse me gaz në Evropë, duke shkaktuar një përshkallëzim të madh të konfliktit në Ukrainë dhe duke tendosur furnizimet me energji të kontinentit.

    Askush nuk ka marrë përgjegjësinë për shpërthimet dhe Ukraina ka mohuar çdo përfshirje.

    Në gusht, policia italiane arrestoi një ukrainas me dyshimin për koordinimin e sulmeve. Nuk ka pasur asnjë koment të menjëhershëm nga prokurorët polakë ose gjermanë.

  • Volejboll/ Botërori në fazë gjysmëfinale, programi në vijim

    Volejboll/ Botërori në fazë gjysmëfinale, programi në vijim

    Botërori i meshkujve në Volejboll që po zhvillohet në Filipine ka hyrë në fazë vendimtare. Katër skuadrat gjysmëfinaliste nisin nesër përballjet e nxehta me dy finalistet që do të luajnë finalen e madhe dhe dy të eleminuarat që garojnë për vendin e tretë, medaljen e bronxtë.

    Përballjet gjysmëfinale janë kështu: Republika Çeke- Bullgari dhe Itali- Poloni. Ata nisin me orën e Shqipërisë në 17:30 (Çeki-Bullgari) dhe 21:30 (Itali- Poloni).

    Për të përmbledhur;

    Nesër e shtunë 27 shtator 2025

    Çeki-Bullgari 17:30

    Itali-Poloni 21:30.

    Të dielën 28 shtator:

    Finalja për vendin e tretë të dielën ora 17:30

    Finalja e madhe për vendin e parë, të dielën ora 21:30./ Sportiim.al/

    Vazhdo leximin

  • Mercedes zhvendos prodhimin nga Gjermania

    Mercedes zhvendos prodhimin nga Gjermania

    Mercedes-Benz planifikon të zhvendosë prodhimin nga Gjermania në Poloni për shkak të kostove të larta të punës, raportoi TVP World polake të mërkurën, 17 shtator.
    Gjigandi gjerman i makinave planifikon të mbyllë fabrikën e tij në Ludwigsfelde, pranë Berlinit, deri në fund të vitit 2029. Fabrika aktualisht punëson më shumë se 2,200 punëtorë dhe prodhon rreth 60,000 variante të specializuara të furgonit Sprinter dhe automjeteve elektrike çdo vit.
    Prodhimi i e-Sprinter, një version elektrik i furgonit të shpërndarjes popullore, do të zhvendoset në Poloni sepse kostot e punës në Gjermani janë pesë herë më të larta, tha TVP World, duke cituar raporte.
    Fabrika e re do të ndërtohet në qytetin Jawor, në Poloninë jugperëndimore, ku Mercedes ka prodhuar motorë dhe bateri për automjete hibride që nga viti 2019.
    Vendimi thuhet se ka shkaktuar polemika midis sindikatave gjermane dhe autoriteteve lokale, dhe protesta priten në qytetin Ludwigsfelde. /tesheshi.com/

  • Lituania: Një rrjet i mbështetur nga Rusia qëndron pas shpërthimeve të pakove në Evropë

    Lituania: Një rrjet i mbështetur nga Rusia qëndron pas shpërthimeve të pakove në Evropë

    Autoritetet lituaneze kanë zbuluar 6 kilogramë eksploziv gjatë kontrolleve policore në të gjithë Evropën, duke ngritur shqetësime për një operacion të supozuar të mbështetur nga Rusia. Pesëmbëdhjetë persona janë akuzuar për përfshirje në planifikimin e sulmeve zjarrvënëse që do të kryheshin përmes shërbimeve të korrierëve, njoftuan prokurorët lituanezë.

    Sipas zyrës së prokurorit të përgjithshëm të Lituanisë, hetimet tregojnë se të dyshuarit, me lidhje me GRU-në, shërbimin e inteligjencës ushtarake ruse, kishin udhëhequr operacionet. Në mesin e tyre janë shtetas nga Rusia, Lituania, Letonia, Estonia dhe Ukraina.

    Rrjeti dyshohet të ketë fshehur pajisje shpërthyese të prodhuara në shtëpi, përmbajtja e të cilave ishte substanca termite shumë e ndezshme, brenda jastëkëve masazhues dhe tubave të kozmetikës. Disa nga këto pajisje shpërthyen vitin e kaluar në Mbretërinë e Bashkuar, Gjermani dhe Poloni gjatë transportit nga DHL dhe DPD.

    Katër pako u postuan më 19 korrik 2024 nga një anëtar i rrjetit. Dy prej tyre u dërguan me aeroplanë mallrash të DHL në Mbretërinë e Bashkuar, ku njëra shpërtheu në një depo në Birmingham. Tjetra nuk shpërtheu për shkak të një defekti teknik. Pako të tjera u dërguan në Poloni nga DPD, ku njëra u përfshi nga flakët në Leipzig dhe tjetra u dogj në një kamion shpërndarjeje.

    Autoritetet lituaneze kanë lëshuar urdhër-arreste ndërkombëtare për tre persona dhe kanë kryer mbi 30 kërkime në Lituani, Poloni, Letoni dhe Estoni, duke zbuluar gjithsej 6 kilogramë eksploziv. Hetuesit njoftojnë gjithashtu për përfshirjen e disa të dyshuarve në një sulm me zjarrvënie në një dyqan Ikea në Vilnius gjatë vitit 2024.

    Autoritetet kanë paralajmëruar se incidentet e vitit të kaluar mund të kenë qenë pjesë e një prove për një komplot rus që synonte aeroplanët e mallrave drejt Amerikës së Veriut.

    Ky operacion thekson rrezikun e vazhdueshëm të aktiviteteve të organizuara nga rrjete të lidhura me shërbimet e inteligjencës, duke ngritur shqetësime serioze për sigurinë në Evropë.

  • Anis Mehmeti mund të shënonte shumë gola me Bristol Sitin, Toma kalon në Poloni

    Anis Mehmeti mund të shënonte shumë gola me Bristol Sitin, Toma kalon në Poloni

    Adriatik BALLA
    Armando Broja është lojtari shqiptar që ka marrë më shumë vëmendje në Premier League angleze, por ai nuk është i vetmi që spikat në Angli. Armando Dobra është gjithashtu i njohur, por kohët e fundit ai që po spikat më shumë nga shqiptarët është Anis Mehmeti, që luan me Bristol Sitin dhe ka bërë një performancë të shkëlqyer. Broja kaloi këtë edicion te Bernli, luajti një ndeshje titullar, por në takimet e tjera ka luajtur pak minuta nga fundi. Mbetet të shihet nëse do ta fitojë apo jo vendin e titullarit. Por situata për të është e rëndë, pasi një sulmuesi i duhen golat dhe ka kohë që Broja s’po e gjen rrugën e rrjetës as në Kombëtare e as në Premier League, gjë që e vë atë në siklet edhe në përfaqësuese përballë kritikëve dhe opinionistëve të futbollit. Ndërkohë, skenën në Angli po e merr një shqiptar tjetër, Mehmeti.
    Mehmeti, një “yll” në ngjitje
    Në Angli luajnë disa lojtarë shqiptarë, kryesisht një kontigjent i ri në moshë. Mes tyre është edhe Anis Mehmeti, i cili ka qenë padyshim personazhi kryesor i ndeshjes që Bristol fitoi me shifrat 3-0 ndaj Shefild në fundjavë në Championship. Sulmuesi shqiptar shënoi gol, dha asist, goditi shtyllën e krijoi një mori rastesh të rrezikshme para portës kundërshtare në këtë duel. Ndaj nuk është rastësi që ai ishte lojtari më i vlerësuar i ndeshjes sipas statistikave nga “SofaScore” dhe përfundoi edhe në formacionin e javës për kategorinë e dytë angleze. Por vetë futbollisti mendon se mund të kishte bërë shumë më tepër në këtë sfidë. “Unë me shumë mundësi mund të kisha shënuar 3 apo 4 gola. E di që duket çmenduri ta thuash, por ka të bëjë gjithçka me lidhjen që krijon me të tjerët përkrah dhe unë me Tuini dhe Ris e kemi bërë një gjë të tillë, ndaj shpresojmë të vazhdojë kështu. Jemi të pamposhtur prej 5 ndeshjesh dhe kemi qenë në formë të shkëlqyer. Duhet të vazhdojmë kështu. E dimë që Championship ka një sezon të gjatë dhe gjithçka varet nga seri pozitive të gjata radhazi. Po e bëjmë diçka të tillë aktualisht”, tha vetë Mehmeti pas ndeshjes.
    Toma kalon tek LKS Lodz në Poloni
    Lëvizjet në merkato janë mbyllur, por në ditët e fundit të transferimeve ndonjë shqiptar ka mundur të përfundojë në destinacionin e duhur. Kështu, mësojmë se mesfushori Bastien Toma karrierën do ta vazhdojë në Poloni. Toma ka nënshkruar kontratë njëvjeçare me skuadrën LKS Lodz që bënë gara në kategorinë e dytë të futbollit polak. Toma vendosi në fillim të muajit që ta shkëpusë kontratën me skuadrën zvicerane, St. Gallen. “Jemi të kënaqur që Bastieni po i bashkohet ekipit tonë. Ai është lojtar me përvojë të madhe dhe ka luajtur në një nivel të lartë në disa liga evropiane. Besoj se aftësitë dhe profesionalizmi i tij do të ofrojnë cilësi për ekipin tonë këtë sezon”, është shprehur Radoslav Mozyrko, drejtor sportiv i LKS Lodzit. 26-vjeçari Toma me St. Gallenin zhvilloi 94 ndeshje. Shënoi gjashtë gola dhe bëri 12 asistime. Në të kaluarën është paraqitur edhe për skuadra si Sion, Genk e Paços de Ferreira.