Lajmidites.com

Tag: politika

  • Premtimi i fortë i Lili Sulës për sistemin arsimor

    Premtimi i fortë i Lili Sulës për sistemin arsimor

    Në një pyetje të mbylljes, që shkon përtej kontureve të zakonshme të intervistës, Egla Xhemalaj solli përballë publikut një reflektim mbi marrëdhënien mes politikës dhe letërsisë, mes fjalës që ka peshë dhe asaj që përdoret si mjet pushteti. Kandidatura e Prof. Dr. Lili Sulës për deputete në Kuvendin e Shqipërisë, e vendosur në këtë sfond, u kthye në një mundësi për të artikuluar një vizion ndryshe për politikën shqiptare.

    Pjesë nga biseda:

    Egla Xhemalaj: Ju kandidoni për deputete nga Partia Demokratike, por vini nga një botë ku fjalët kanë peshë dhe kuptimet kërkojnë thellësi. Cila është ajo ndjeshmëri që doni t’i sillni politikës shqiptare nga përvoja juaj si pedagoge dhe kritike letrare? A mund të ketë politika një kod estetik, një përgjegjësi etike të ngjashme me letërsinë?

    Lili Sula: Unë vij nga Universiteti në politikë, por në të vërtetë jam pjesë e Partisë Demokratike prej shumë kohësh – që nga protestat e para të studentëve në Qytetin Studenti. Ka qenë një angazhim që më ka shoqëruar ndër vite dhe që është konkretizuar me drejtimin e Departamentit të Arsimit në PD. Duket si një kapërcim i madh, nga auditorët dhe tekstet e thella në foltoren parlamentare, por unë mendoj se nuk është aq i largët sa duket. Të dyja fushat janë brenda së njëjtës hapësirë: arsimi.

    Nëse do të jem në parlament, do të jem një zë i fortë për arsimtarët, për studentët, për universitetet dhe kërkimin shkencor. Kam qenë e angazhuar në terren, në takime me mësues dhe ekspertë, dhe e kam bërë këtë edhe në vite opozite, me tryeza, me deklarata publike, me alternativa konkrete që sot janë pjesë e programit të PD-së për vitet 2025–2029.

    Por më tej se kaq, nuk besoj se politika mund të më shkëpusë nga pasioni im për letërsinë. Përkundrazi – ajo që unë dua t’i sjell politikës është pikërisht ajo që më ka formuar si njeri dhe si pedagoge: thellësia, përgjegjësia për fjalën, etika dhe estetika në komunikim. Mendoj se politika shqiptare ka nevojë të çlirohet nga gjuha e vrazhdë, nga etika maskiliste, nga banaliteti i përditshëm. Dhe për ta bërë këtë, duhet të veshim politikën me të bukurën – jo thjesht me fjalë të hijshme, por me substancën që i jep kuptim vërtetë përfaqësimit publik.

    Unë besoj fort se ky është dimensioni i munguar në politikën tonë. Dhe besoj se më 11 maj, përmes votës, mund të hapim një derë të re për këtë lloj përfaqësimi.

     

     

  • “Nuk ka LaCivita që e shpëton”, Evi Kokalari: Berishën do ta shkatërroj! Ai do dergjet në qeli, familja do zhduket nga politika

    “Nuk ka LaCivita që e shpëton”, Evi Kokalari: Berishën do ta shkatërroj! Ai do dergjet në qeli, familja do zhduket nga politika

    Aktivistja Evi Kokalari ka shpërthyer fort në akuza dhe sulme ndaj Sali Berishës. Ajo ka reaguar ndaj atyre qe kritikojnë dhe që e akuzojnë se e ka personale me Berishën.
    Në një status në rrjetet sociale, ajo është e bindur se Berisha do përfundojë në qeli dhe familja e tij do zhduket nga politika. Sipas saj, çfarë turpi për LaCivitën të ulet dy karrige larg LSI.
    Evi Kokalari: Idiotëve të dobishëm që vazhdojnë thonë se kjo është personale;
    Personale duhet ta ketë çdo demokrat që është gënjyer që në 1990, dhe e gjithë Shqipëria që ia morën peng demokracinë në momentin më të brishtë që si popull patëm pas rënies së komunizmit.
    Prandaj – idiotëve të dobishëm ju them: sot jam më e vendosur se kurrë që Berisha do të shkojë në shtëpi (a burg) dhe e gjithë familja do të zhduket nga politika, dhe vendi do të dalë nga moçali ku vegjetoni ju që flisni si injorantë, sepse vetëm injorantët nuk arrijnë të kuptojnë se në çfarë moçali e keni kthyer Shqipërinë.
    S’ka Paul Manafort & Chris LaCivita që ta shpëtojë Berishën, dhe s’ka Jared Kushner a Ivanka Trump që do ta mbrojë Edi Ramën në të ardhmen. Ju që s’kuptoni që këta janë në Shqipëri për para dhe s’duan t’ia dinë për ju – vështirë të kuptoni detajet e tjera.
    Imagjinoni çfarë turpi për LaCivitën të ulet dy karrige larg LSI – Lëvizjes SOCIALISTE për Integrim. Turp që ndot aq emër sa bëri nga Donald Trump.
    Fundjavë të mbarë. Beteja e radhës sapo ka filluar.
    Qëllim – shkatërrimi i Sali Berishës dhe i budallenjve që e ndjekin! Kur të bjerë Berisha, do të bini të gjithë – si loja e dominos.

  • Nga Arkiva në kandidat për deputet, Bido zbulon dy qarqet e vetme që do të zgjidhte për të garuar

    Nga Arkiva në kandidat për deputet, Bido zbulon dy qarqet e vetme që do të zgjidhte për të garuar

    Kandidati për deputet në listat e PS në Qarkun e Vlorës, Ardit Bido u shpreh se vetëm për dy qarqe do të kandidonte për deputet.
    I ftuar në studion e emisionit “Opinion” në Tv Klan, Bido ka treguar se dy qarqet që do të kandidonte janë Vlora ku kandidon aktualisht edhe Tirana, pasi sipas tij politika duhet bërë me dashuri.
    Ardit Bido: Kam 17 vite në jetën publike dhe për arsye krejt të tjera nga profesioni që unë kam pasur. Kam mbajtur qëndrimet e mia dhe janë konstante në kohë dhe këto politikë janë. Janë politikë e paaplikuar, janë në kuadrin e ideve të vizionit dhe të qasjes  dhe është krejt normale kalimi nga politika e aplikuar në politikë të aplikuar. Pra nga pjesëmarrja në jetë publike drejt politikës ku ti tenton që këto bindje dhe ide ti kthesh në bindje. E dyta unë jam shumë i lindur me zonën nga vij dhe rrjedhimisht dëshira nuk ka qenë që unë të kandidoja, por ka qenë që unë të kandidoja në qarkun e Vlorës. Sepse është lidhja emocionale.
    Blendi Fevziu: Pra po të mos ishte Vlora nuk do të kandidoje.
    Ardit Bido: Jo sepse politika për mua duhet bërë dhe me dashuri. Mund të ishte edhe Tirana se unë kam ndërtuar edhe jetën në Tiranë dhe kam dashuri dhe për Tiranën, por nuk do të mund të ishte asnjë qark tjetër. Qarku i Vlorës është një lidhje direkte e qëndrimeve të mia në vijimësi dhe e dashurisë dhe unë besoj që politika duhet të bëhet me zemër.
    Ndër të tjera Bido ka treguar se vjen nga një familje tradicionalisht e majtë, por kjo nuk është arsyeja pse ai kandidon për PS, pasi ai thotë që është i lidhur fortë me bindjet e tij. Bindje të cilat kjo parti përmbush 80% të bindjeve të tij.

  • “Unë nuk flas me megafon, apo bërtas për vëmendje”/ Agron Shehaj: Flas për ekonomi dhe projekte sepse i kam jetuar

    “Unë nuk flas me megafon, apo bërtas për vëmendje”/ Agron Shehaj: Flas për ekonomi dhe projekte sepse i kam jetuar

    Kryetari i Partisë Mundësia, Agron Shehaj deklaroi se kur flet për ekonominë bazohet në përvojën e tij personale, si një sipërmarrës që ka mbërritur aty ku ndodhet sot nga hiçi, krah njerëzve që punojnë dhe jo me përfitime tenderash apo me pazare. Në një video mesazh në rrjetet sociale, kreu i “Mundësia” shprehet se politika të cilës ai i beson është ajo që kërkon t’i kuptojë qytetarët dhe jo të mbajë fjalime para tyre.
    “Në këtë fushatë nuk kam dalë për të folur më shumë, por kam dalë për të dëgjuar, sepse unë nuk jam një politikan në profesion, nuk jam rritur në parti, nuk jam rritur me fjalime, jam njeri i punës, jam sipërmarrës, jam mësuar të krijoj nga hiçi, me punë, me ide, me njerëz, jo me tendera, jo me miq, jo me pazare.
    Dhe kur flas për ekonomi, për projekte, për shtet të vogël, flas se i kam përjetuar vetë, jo se i kam lexuar në libra. Çdo ditë jam në rrugë, në biznese, në dyqane, mes njerëzish që kërkojnë t’ja dalin vetë, me punë dhe me sakrifica, jam mes tyre jo për të premtuar, por për të dëgjuar. Nuk flas me megafon, nuk bërtas për vëmendje, unë preferoj të dëgjoj sepse besoj që politika e re nuk fillon me fjalë, por me vepra.
    Ndryshimi nuk vjen nga ata që sillen sikur i dinë të gjitha, por nga ata që pyesin ‘si je’, ‘si po shkon puna’, ‘çfarë të pengon t’ja dalësh’, ‘çfarë të pengon të rritesh’? Kjo është politika që unë besoj, jo ajo që mban fjalime, por ajo që kërkon të të kuptojë”, shprehet Shehaj në video mesazh. Agron Shehaj garon për herë të parë në zgjedhjet parlamentare të 11 Majit me partinë Mundësia që në fletën e votimit mban numrin 10. Shehaj e ka orientuar fushatën e tij në takimet çdo ditë të njerëzve në rrugë apo bizneset ku ata punojnë, për të parë e dëgjuar nga afër nevojat dhe sakrificat e tyre.

  • Ardit Bido padit për shpifje zëdhënësen e PD

    Ardit Bido padit për shpifje zëdhënësen e PD

    Nga Ardit Bido
    🗣️Flasim me fakte, jo me baltë 🧱
    ⚖️Sot depozitova në Gjykatën e Tiranës kallëzimin për shpifje ndaj zëdhënëses së Partisë Demokratike, parti e cila ka zgjedhur të nisë fushatën në mënyrën e vetme që njeh: përmes përbaltjes.
    Tashmë që KQZ-ja ka zbardhur të vërtetën dhe ka sqaruar zyrtarisht se unë jam i pezulluar nga detyra si drejtor i Përgjithshëm i Arkivave, përpjekja për të krijuar mjegull, nga ana e PD-së, bie poshtë. Faktet flasin vetë. 🧾
    Unë nuk besoj se kjo është politika. Politika nuk lind nga zhurma, por nga përgjegjësia. Nga përballja me qytetarët, jo nga sulmet ndaj kundërshtarit. 🤝
    Politika janë ofertat që u japim qytetarëve për t’i përfaqësuar me dinjitet në Parlament. Të jemi zëri i halleve të tyre, i shqetësimeve të tyre, i bindjeve të tyre. 🗳️
    Besueshmëria politike nuk ndërtohet mbi baltë. Ndërtohet mbi atë që ke bërë në jetë, jo mbi çfarë shpif për tjetrin. 🌱
    Për këtë arsye, shpifjes nuk i përgjigjemi me po të njëjtën monedhë. I përgjigjemi aty ku duhet, në gjykatë. Sepse ky vend meriton debat, jo baltë. Drejtësi, jo zhurmë. ⚖️
    Politika e vjetër nuk ka më vend. Jo më lojëra me fjalë. Jo më baltë për të fshehur boshllëkun. Shihemi në gjykatë me politikën e vjetër dhe në Parlament me një përballje të ndershme për çështjet që vërtet kanë rëndësi. 🔥
    Programin tim të plotë e gjeni në www.arditbido.al 📲
    #ArditBido ✅#PSVlorë 💜#Voto5 🗳️#PS2030 🚀#Shqipëria2030 🇦🇱

  • “SPAK, frikë apo besim?”, analisti: Janë hakeruar Kremlini dhe Pentagoni, politika do që…

    “SPAK, frikë apo besim?”, analisti: Janë hakeruar Kremlini dhe Pentagoni, politika do që…

    Indiciet për ndërhyrje në kompjuterët e SPAK u faktuan ditën e sotme pas një reagimi zyrtar të Prokurorisë së Posaçme ku konfirmonte arrestimin e dy personave.
    Sulmi kibernetik ka arritur të depërtojë në email-et e 3 prokurorëve të posaçëm të SPAK, ndërsa nuk është arritur të zbërthehet adresa elektronike e kreut të këtij institucioni, Altin Dumani.
    Analisti Ervis Iljazaj tregon për “Top Story” se SPAK është një institucion që sulmohet nga politika dhe kjo e fundit ndikon që opinioni publik ta ketë frikë.
    “Hakerimi mund të ndodhë dhe në institucione më të rëndësishme. Janë hakeruar Kremilini apo Pentagoni. Gazetarët kanë zbuluar plane më të rëndësishme në Amerikë dhe e kanë fituar gjyqin. Diskutimi më i rëndësishëm është ajo që tha Anila (Hoxha). Njerëzit kanë frikë nga SPAK, apo e besojnë? Unë mendoj se kjo gjë, ka një sërë interesash në Shqipëri. Deri tani ne kemi pasur frikë nga politika. Tani kam përshtypjen, del një institucion tjetër që e balancon politikën dhe kalojmë në një ekstrem tjetër. Ata që e kanë frikë këtë institucion do e pikturojnë si një gogol, që ndikon dhe opinionin publik. Unë do kisha frikë nga një institucion që nuk sulmohet nga politika, por jo nga një që sulmohet”, tha Iljazi.

  • “Politika ka futur duart edhe te ‘Gërdeci’”, Idajet Beqiri: Krim shtetëror i Berishës e Mediut, Strasburgu e tha qartë!

    “Politika ka futur duart edhe te ‘Gërdeci’”, Idajet Beqiri: Krim shtetëror i Berishës e Mediut, Strasburgu e tha qartë!

    Edhe pse e vështirë për t’u hetuar sepse kanë kaluar vite, dosja “Gërdeci” ka një mundësi proceduriale hetimi për shkak të rastit amerikan.
    Drejtësia shqiptare mjafton që të marrë për referencë procesin që është bërë në SHBA dhe nëpërmjet asaj dosjeje të procedojë edhe në Shqipëri.
    Këtë mendim ndanë dy avokatët Idajet Beqiri dhe Edmond Petraj sot në ‘Studio Live’, duke vënë theksin se edhe kjo çështje po zvarritet, pasi një shtet i tërë është i përfshirë, ku kryesori mbetet përsëri Sali Berisha.
    Madje avokati Beqiri shkoi më tej, se politika i kishte shtrirë duart edhe te dosja “Gërdeci”.
    “Dosja Gërdeci ka kaluar shumë kohë. Kam përshtypjen do ngeci, ka kaluar shumë kohë, mungojnë provat. Nuk jemi më në atë kohë të ngjarjes, personazhet, institucionet etj., nuk funksionojnë më e kështu me radhë. Thjesht të marrin vendimin e gjykatës Amerikane dhe kaq, të verifikojnë atje se si është vepruar dhe të vendosin, precedenti juridik është”, tha Petraj për Report Tv.
    Për avokatin Beqiri provat ishin të dukshme, shkresore dhe me deponime, kryesisht ato të dosjes në Amerikë, që janë të dokumentuara tashmë edhe me deponime e dëshmitarë.
    “Politika i ka shtrirë duart edhe te dosja Gërdeci. Ajo është dosje shumë e thjeshtë për ta provuar, edhe për faktin e dosjes amerikane dhe dëshmive të dy amerikanëve për trafikimin, por jo vetëm kaq. Kosta Trebicka i ka dhënë dëshmitë këtu dhe në SHBA dhe ai rrëfim ishte i provuar, edhe nën betim, kur ke edhe vendimin e Gjykatën e Strasburgut që e thotë hapur çështjen, por duke parë personazhet e përfshirë si Sali Berisha, Fatmir Mediu, Aldo Bumçi, Mihal Delijorgji, Shkëlzen Berisha etj., është e lehtë të provohet. Pyetja është e thjeshtë që provon faktin. Pse e bëre Gërdecin këtu? Duhej 32 km larg banesave, por ata e bënë afër kryeqytetit dhe ndodhi ajo që ndodhi, ka përgjegjësi për ato vrasje. Janë këta persona që i bënë këto vrasje. Është një krim shtetëror, krimin e bëri shteti dhe duhet të përgjigjet deri më një. Berisha, Mediu dhe Bumçi kishin në dorë ta ndalonin, por lejuan ngritjen e fabrikës atje, në mes të banesave”, tha avokati në ‘Studio Live’.

  • Raporti i SPAK: Kemi pasur presion nga krimi dhe politika

    Raporti i SPAK: Kemi pasur presion nga krimi dhe politika

    SPAK ka publikuar raportin vjetor për 2024, duke evidentuar sfidat dhe presionet me të cilat është përballur gjatë vitit.
    Në raport theksohet se Prokuroria e Posaçme ka qenë objekt i ndërhyrjeve nga krimi i organizuar, politika dhe media, gjë që ka ndikuar në pavarësinë e institucionit dhe efektivitetin e hetimeve.
    SPAK kërkon një reagim më të koordinuar nga institucionet përgjegjëse për të garantuar mbrojtjen e integritetit të prokurorëve dhe proceseve hetimore. Një tjetër shqetësim i ngritur është numri i ulët i referimeve për korrupsion dhe krim të organizuar nga institucionet publike dhe Policia e Shtetit.
    SPAK kërkon përmirësimin e bashkëpunimit dhe rritjen e angazhimit të këtyre institucioneve në luftën kundër krimit.

  • ‘Gruaja, fuqi ndryshimi’/ Vokshi: Mos u dorëzoni përballë shantazhimeve, kërcënimeve dhe dhunës së patronazhistëve të pushtetit

    Kryetarja e Lidhjes Demokratike të gruas ka kërkuar fuqizimin e grave në jetën politike dhe shoqërore të vendit. Duke folur në konferencën ‘Fuqia e grave në politikë’, me pjesëmarrjen edhe të kreut të PD, Sali Berisha, Vokshi tha se gratë janë motrrët e ndryshimit në familje, shoqëri e politike , dhe si e tillë është koha që t’u jepet zë atyre që nuk kanë mundësi të dëgjohen.

    Sipas Vokshit, gratë sot po shantazhohen, kërcënohen dhe dhunohen nga patronazhistët e pushtetit në këmbim të votës, ndërsa u bëri thirrje të mos dorëzohen përballë tyre, por me 11 maj të bëjnë ndryshimin që Shqipëria të jetë madhështore.

    Për Vokshin, PD ka politika të qarta për gratë dhe fuqizimin e tyre përmes programit të prezantuar në Ditën e Gruas më 8 mars, dhe që do të vihet në zbatim pas 11 majit.

    Kjo është Evropa këtu duam të shkojmë, jo si ata që bredhin me pasaportë evropiane pas 12 vitesh dështime.  Gratë janë motrrët e ndryshimit në familje, shoqëri e politike. T’u japim zë grave të pazëshme, të flasim për nënat që punojnë në dy punë për të siguruar fëmijët. Për nënat që çojnë fëmijët në shkollë e s’u kthehen kurrë pasi u vriten në shkolla, të grave që vuajnë nga kanceri por që s’marrin mjekime, se paratë i shkojnë koncensionarit, mikut të kryeministrit. Në emër të nënave që po terrorizohen nga patronazhistët në pushtet për t’i kërcënuar me votën.

    Sot ka shpresë dhe kjo shpresë janë gratë. Rama i përdor gratë për numra e statistika, do t’u japim grave emër e forcë. Na duhen programe të qëndrueshme për t’u zhvilluar, për të mbështetur gratë me politika mbështetëse, edhe për ata që rrinë në shtëpi. Politika për çiftet e reja, dhe jky është program që kemi paraqitur më 8 mars, dhe pas 11 majit do ta bëjmë realitet. Ndryshimin e kemi ne përmes votës. Në pak ditë vota juaj është shantazhuar e dhunuar, blerë, mund të bëni ndryshimi. Rezistoni para shantazhit e dhunës së patronazhistëve, parave që blejnë votën tuaj.