Është arrestuar polici, Esat Gjura i cili qëlloi me armë zjarri në ajër.
Ngjarja ndodhi mbrëmjen e sotëm në fshatin Pilafe në Peshkopi.
Gazetari i TCH, Endi Tufa, raporton se polici është babai i kandidatit të PS, Daniel Gjura.
Sipas uniformave blu, denoncimi është bërë nga Xhemal Gjunkshi, kandidat për deputet i PD, i cili pretendon se efektivi i policisë shpërndante para në këmbim të votave.
Top Channel
Një incident është regjistruar pak momente më parë në një fshat në Peshkopi.
Është identifikuar dhe shpallur në kërkim polici, Esat Gjura, i cili ka qëlluar me armë zjarri. Po ashtu në kërkim është dhe një person tjetër. Sakaq mësohet se Gjura është babai i një kandidati të PS.
Gazetari i TCH, Endi Tufa, raporton se forcat e FNSH-së ndodhen në vendin e ngjarjes. Forcat policore ushtruan kontroll dhe morën automjetin e Gjurës.
Sipas uniformave blu, denoncimi është bërë nga Xhemal Gjunkshi, kandidat për deputet i PD, i cili pretendon se efektivi i policisë shpërndante para në këmbim të votave.
Kujtojmë se Esat Gjura është babai i kandidatit për deputet të Partisë Socialiste.
Top Channel
Pamje nga konflikti
HAS- Detaje të reja janë zbardhur nga konflikti mes dy familjeve në Has, ku 41-vjeçari Ylber Jaku ka qëlluar për vdekje me armë zjarri, Rushit Callahin. Mësohet se babai i autorit, ka bërë mbi 20 kallëzime në Polici për konfliktin mes dy familjeve për çështjet e pronave. Ditën e djeshme Policia e Kukësit raportoi se dy familje ishin konfiktuar për motive pronësie. Si pasojë e përplasjes, të lënduar mbetën një çift bashkëshortësh. Për të njëjtën ngjarjes, sot Policia njoftoi se kishte vendosur në pranga një 21-vjeçare, e motra e viktimës, e cila kishte plagosur me mjete të forta prindërit e moshuar të autorit të vrasjes së sotme.
21-vjeçarja e identifikuar si Artjola Sallahu, u vendos në pranga për akuzat: “Plagosja e rëndë me dashje” dhe “Plagosja e lehtë me dashje”; ndërsa dy të moshuarit e familjes Jaku, Agim dhe Vera përfunduan në spital, por jashtë rrezikut për jetën. Por edhe pse një person u vendos në pranga, konflikti duket se nuk u mbyll me aq.
Makina e viktimës
Pasditen e sotme, Ylber Jaku ka marrë armën e zjarrit, tip kallashnikov dhe ka shtënë mbi fqinjin e tij duke i marrë jetën në vend. 34-vjeçari u gjet pa shenja jete brenda makinës së tij./ZËRI
Një 15-vjeçar në Elbasan është zhdukur që prej 3 javësh.
Sipas uniformave blu bëhet me dije se e ëma e adoleshentit denoncoi ditën e djeshme në polici zhdukjen e të birit.
Policia njofton se i mituri është larguar nga banesa më datë 16.04.2025 dhe që prej asaj dite nuk është kthyer më në banesë.
“Më datë 06.05.2025, ka kallëzuar shtetasja V. Z., 36 vjeçe, se më datë 16.04.2025, është larguar nga banesa, djali i saj 15 vjeç. Po punohet për gjetjen e tij”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Një efektiv policie jashtë shërbimit ka njoftuar sallën se po konfliktohet me disa persona.
Aktualisht ndodhet në komisariatin e Kukësit që po bën kallëzimin.
Fillimisht kallëzimin efektivi i rrugores, i cili ka qenë jashtë shërbimit në momentin që pretendon se është konfliktuar me disa persona në rrugë, e ka bërë në Prokurorin e Kukësit.
Mësohet se polici i dhunuar është efektivi i rrugores Qazim Dogjani 25 vjeç.
“Rreth orës 17:00, Inspektor Q.D, punonjësi i Policisë Rrugore në DVP Kukës, ka njoftuar se në rrugën për në fshatin Pobreg, është konfliktuar fizikisht me disa persona për shkak të detyrës. Punonjësi i Policisë aktualisht është duke dhënë kallëzim pranë Oficerit të Policisë Gjyqësore të Prokurorisë. Nga veprimet e para është identifikuar njëri prej personave që punonjësi i Policisë ka debatuar për shkak të detyrës ditë më parë”, njofton policia.
Top Channel
Familjarët bëjnë kallëzim në polici, për 51-vjeçaren nga fshati Kalis i Kukësit e cila ka humbur kontaktet me ta. Shërbimet e Policisë vijojnë kontrollet intensive, si dhe monitorimin e zonës me dronë me qëllim gjetjen e saj.
Kanë qenë vetë të afërmit e saj, të cilët kanë bërë kallëzim në Policinë e Kukësit.
Qytetari: Po vijmë shumë, rrugët gropa gropa, s’po them për legalizimet se e kam bërë vetë, s’ma ka bo as PS as PD besoj e kupton si e kam bërë si gjithë të tjerë, a ka mundësi të na ndihmoni për rrugën, mos të rrimë duke ndrru gomat e makinave, Në momentin që do të bësh kotec pulash të vjen IKMT IMT, polici bashkiake, njëri 5 mijë, tjetri 5 mijë, 20 mijë euro, shihe vetë këtë.
Rama: Këto llafet në hava si kam qejf, duhet ta denoncosh se ndryshe nuk mundet të funksionojë kjo punë që të flasësh në hava dhe ti ngarkosh të gjithë me përgjegjësi, nuk e përjashtoj se ka individë të tillë, policia janë 9 mijë vetë, s’mund ti ngarkosh ata, ti nuk je vetëm që ke ndërtu pa leje, dëgjojnë kët historinë e legalizimeve, e kemi bërë ne, as ti as ai, se bën dot kshu dhe të qeshësh, ne të dy do shkojmë bashkë do ta denoncojmë atë person që të ka cenu ty, turp i madh që e thu kshu.
Unë se përjashtoj që ka të tillë, por në bazë të ligjit je aq fajtor sa ai që e ka bërë me ty, e dyshoj shumë. Nuk kemi nevojë për zotin, nuk do ti lëmë këta njerëz që të godasin imazhin e shumë të tjerëve se ka patjetër punonjës që meritojnë ndëshkim, infermierë, mjekë që meritojnë ndëshkim, por nuk janë shumica, nuk e meritojnë të futen në një thes, ne të dy bashkë do të shfrytëzojmë në të mirë të shoqërisë, ti e merr met qeshme, unë jam shumë serioz, unë i njoh njerëzit, këtë humorin do ta bashkojmë dhe do të merremi seriozisht të dy, nëse të ka kërkuar të paguash ai do të paguajë.
Unë ty do tët kthej me partinë time, se do bëhesh personazh në lajme. Erdhe për t’më hap probleme, por ti dhe unë do jemi bashkë në një parti që zgjidh probleme për të tjerët, se na mori kohë shumë se janë të vështirë këta demokratët
Top Channel
Një kanosje me armë zjarri ka ndodhur ditën e sotmë në Kamëz. Burime, bëjnë me dije se një person ka telefonuar repartin e Policisë për kanosje me armë pasditen e sotme.
Pas telefonatës autori i dyshuar është shoqëruar për në Polici. Ndërkohë që vijon marrja në pyetje nëse rezulton e vërtet apo jo kanosja me armë
Vijon…
Zbardhet dëshmia e dhënë në polici nga tre të arrestuarit lidhur me përplasjen mes njerëzve të Agron Kapllanaj në kompaninë e të vëllait në Fier dhe hetuesve të BKH dhe efektivëve të policisë. Ledjan dhe Klaudio Kapllanaj (dy nipërit e Kapllanajt) dhe Gerald Kollçaku akuzohen me akuzën ‘Goditje për shkak të detyrës’.
Burimet bëjnë me dije se në dëshminë e tyre në polici se nuk e dinin që personat me të cilët u përplasën ishin të SPAK, në të kundërt nuk do të silleshin në këtë mënyrë.
Në një komunikim zyrtar një ditë më parë, SPAK, ndonëse nuk dha shpjegime, tha se hetuesit janë bërë objekt i sulmit pa asnjë shkak. Sipas SPAK, hetuesit e BKH-së dhe efektivët e policisë po kryenin detyra hetimore të deleguara, në kuadër të një hetimi të Strukturës së Posaçme kundër Korrupsionit dhe Krimit të Organizuar.
Njoftimi i policisë:
Një 13-vjeçar është larguar pa adresë nga banesa e tij në Elbasan. Babai i tij ka kallëzuar rastin në Polici dhe ka kërkuar ndihmë për gjetjen e të birit. Babai i tij, sipas policisë, ka deklaruar se i mituri është larguar nga banesa me 13 prill dhe nuk ka komunikuar me të.
“Ditën e djeshme, ka kallëzuar shtetasi 54 vjeçar, banues në lagjen “5 Maji”, se më datë 13.04.2025, është largua nga banesa, djali i tij 13 vjeç. Po punohet për gjetjen e tij”., thekson policia.