Banorët e fshatit Çerravë janë mbledhur jashtë komisariatit Pogradecit ku ndodhet i arrestuar Kevi Muçllari, i cili pas vendimit të Këshillit Bashkiak të Pogradecit, që u merrte banorëve të zonës 35 hektarë toke, u përfshi në përplasje fizike me këshilltarin socialist.
Avokati Endri Çela, tha se nuk jemi në kushtet e një goditje klasike për shkak të detyrës.
Ai tha se do kërkojë që arrestimi të quhet I paligjshëm.
Arrestimi i bërë për shtetasin Kevi Muçllari nuk është në mbështetje të ligjit së pari për faktin se nuk ishte që kemi të bëjmë me goditje ka pasur shtyrje të përbashkët. Nuk është provokuar nga ana e Kevit mosmarrëveshja apo konflikti për aq sa mund ta quajmë konflikt dhe nuk jemi në kushtet e një goditje klasike për shkak të detyrës. Elementi i dytë ka të bëj le faktin se mosmarrëveshja nuk lindi për faktin se për kë votoi një këshilltar apo për kë botoi një këshilltar tjetër pavarësisht kundërshtisë që kishte Kevi dhe gjithë banorët e tjerë. Mosmarrëveshja lindi në momentin që Kevi ishte duke u largur dhe pati një reagim nga persona të tjerë pra lindi pasi kishte përfunduar votimi. Në këtë këndvështrim nuk ishte për shkak të detyrës. Mendoj se nuk jemi në kushtet e shtyrjes për shkak të detyrës dhe nuk është Kevi Muçllari që e provokoi këtë situatë. Normalisht të gjitha palët e përfshira duhet të shoqërohen dhe duhet tju meren deklarimet përkatëse. Do ndjekim procedurën duke i kërkuar prokurorisë që ta konsiderojë të paligjshëm këtë arrestim dhe nëse nuk e cilëson si të paligjshëm do i kërkojmë më pas gjykatës që ta vlerësojë dhe që të mos caktohet asnjë masë sigurimi ndaj tij.
Banorët e quajnë padrejtësi arrestimin e tij, pasi fshatari i tyre u provokua.
Sot kemi ardhur për një padrejtësi që na është bërë,kemi qënë në një mbledhje të bashkisë Pogradec për të kërkuar të drejtat tona bëhet fjalë për disa toka që ne i kemi patur kullota dhe këta zotërinjtë do na i marin këto toka për ti mbjellë pemë a çfarë dreqin këta e dinë.
Na është arrestuar një fshatari jonë, pa të drejtë,kur këshilltari e provokon në maksimum,i ze në gojë zotrisë në fjalë motrën,që ai nuk i përdori këto fjalë.Kur tjetri të cënon nga familja çfarë duhet të bësh?
Ti thuash,faleminderit mirë ma bëre?
Të tërë të shitur ishin aty brenda dhe me të drejtë ja u tha.
Përse nuk shoqërohet fajtori por shoqërohet ai që ska kusur.
Domethënë ky shtet kështu na do ne,të fshijë stapin,si punë e atyre dhenëve që marr unë përpara dhe ti drejtojë ku të dojë.
Mbledhja e Këshillit Bashkiak të Pogradecit, e zhvilluar sot u shoqërua me tensione të forta dhe përplasje fizike mes një banori të fshatit Çërravë dhe këshilltarit socialist Engjëll Shyti.
Shkak është bërë marrja e 34.6 ha toke blegotorev qe shfrytezoje per kulluta dhe dhenin e saj me qira nga bashkia investitoreve strategjike.Pavarësisht kundërshtimeve të banorëve të pranishëm në sallë, vendimi u miratua me shumicë votash nga këshilltarët socialistë.
