Xhamia e Plumbit në Shkodër, një monument simbol i trashëgimisë islame, tashmë qëndron e qetë dhe ngadhjimtare pas çdo rrebeshi. Më saktë, pas çdo shiu të rrëmbyeshëm ajo përmbytej paq, duke ofruar një pamje trishtuese. Por pas një rikonstruksioni komplementar, ajo rrezaton siç i ka hije, pasfidueshëm nga faktorë natyrorë, siç shirat.
Edhe pse e mundësuar nga TIKA, qeveria priret ta marrë ajo meritën e rikonstruksionit, edhe pse pjesën e saj, për hir të së vërtetës, e ka kryer pa ndonjë ekuivok.
Kështu, fillimisht kryeministri Rama e më pas e gjithë skota qeveritare, kanë nxituar ta promovojnë realitetin e tij të Xhamisë së Plumbit në Shkodër.
“Xhamia e Plumbit, një ndër monumentet më të vjetra dhe më të bukura të Shqipërisë, ndërtuar nga Mehmet Pashë Bushati, e cila dikur përmbytej çdo vit, sot pas restaurimit të thellë e rikualifikimit urban të territorit të saj, nuk cënohet më prej reshjeve intensive.
Një ndërhyrje e mbarë që ka rikthyer jo vetëm vlerat historike dhe arkitekturore, por edhe jetën shpirtërore e vizitorët në këtë vend të shenjtë të Shkodrës”, shkruan i pari i qeverisë.
Por tashmë, muslimanët e Shkodrës janë në tjetër hall të madh. Ata, më saktë Myftinia, thotë se kulla që do ndërtohet te Hotel Rozafa është mbi pronën e saj. Në këtë rast, qeveria nuk ka me çfarë rreh gjoksin për ndonjë drejtësimbajtje në çështjen delikate të pronave. /tesheshi.com/
Tag: plumbit
-
Gjoksrrahje qeveritare mbi fatin e ri të Xhamisë së Plumbit në Shkodër
-
Shiu në Shkodër, Rama ndan pamjet nga Xhamia e Plumbit: Dikur përmbytej çdo vit, sot pas restaurimit nuk …
Reshjet e shiut që kanë përfshirë sot vendin tonë, kanë shkaktuar problematika dhe përmbytje në rrugë, por edhe në disa banesa, kryesisht në qarkun e Shkodrës.
Ndërsa ministria e Mbrojtjes bëri me dije se tashmë situata është drejt normalizimit, ka reaguar edhe kreu i qeverisë, Edi Rama.
Ai ka ndarë në Facebook pamje nga Xhamia e Plumbit, e cila nuk është prekur nga reshjet, pas restaurimit të saj.
“Xhamia e Plumbit, një ndër monumentet më të vjetra dhe më të bukura të Shqipërisë, ndërtuar nga Mehmet Pashë Bushati, e cila dikur përmbytej çdo vit, sot pas restaurimit të thellë e rikualifikimit urban të territorit të saj, nuk cënohet më prej reshjeve intensive
Një ndërhyrje e mbarë që ka rikthyer jo vetëm vlerat historike dhe arkitekturore, por edhe jetën shpirtërore e vizitorët në këtë vend të shenjtë të Shkodrës”, shkruan Rama. -
Shiu në Shkodër, Rama ndan pamjet nga Xhamia e Plumbit: Dikur përmbytej çdo vit, sot pas restaurimit nuk cenohet prej reshjeve
Reshjet e shiut që kanë përfshirë sot vendin tonë, kanë shkaktuar problematika dhe përmbytje në rrugë, por edhe në disa banesa, kryesisht në qarkun e Shkodrës.
Ndërsa ministria e Mbrojtjes bëri me dije se tashmë situata është drejt normalizimit, ka reaguar edhe kreu i qeverisë, Edi Rama.
Ai ka ndarë në Facebook pamje nga Xhamia e Plumbit, e cila nuk është prekur nga reshjet, pas restaurimit të saj.
“Xhamia e Plumbit, një ndër monumentet më të vjetra dhe më të bukura të Shqipërisë, ndërtuar nga Mehmet Pashë Bushati, e cila dikur përmbytej çdo vit, sot pas restaurimit të thellë e rikualifikimit urban të territorit të saj, nuk cënohet më prej reshjeve intensive
Një ndërhyrje e mbarë që ka rikthyer jo vetëm vlerat historike dhe arkitekturore, por edhe jetën shpirtërore e vizitorët në këtë vend të shenjtë të Shkodrës”, shkruan Rama.Top Channel
-
Xhamia e Plumbit, monumenti historik që la pas të shkuarën e përmbytjes dhe sot shkëlqen në madhështinë e besimit
Kryeministri Edi Rama ka ndarë me publikun në rrjetet sociale një fotogaleri të veçantë, duke sjellë në vëmendje një nga thesaret më të çmuara të Shkodrës dhe të Shqipërisë: Xhaminë e Plumbit, një ndër monumentet më të vjetra dhe më të bukura të vendit, ndërtuar nga Mehmet Pashë Bushati.
Ky monument historik, i njohur për arkitekturën e tij madhështore dhe rëndësinë shpirtërore, dikur përmbytej çdo vit nga reshjet e dendura, duke rrezikuar integritetin e tij dhe qetësinë e vizitorëve. Fotogaleri krahasuese e publikuar nga Kryeministri tregon ndryshimin dramatik: më parë Xhamia e Plumbit ishte nën kërcënimin e ujit, ndërsa sot, pas një restaurimi të thellë dhe rikualifikimi urban të territorit përreth, ajo qëndron e sigurtë, duke ruajtur vlerat historike dhe arkitekturore pa u cënuar nga elementet e natyrës.Restaurimi nuk ka rikthyer vetëm bukurinë vizuale të xhamisë, por ka ringjallur edhe jetën shpirtërore dhe vizitorët në këtë vend të shenjtë të Shkodrës. Tani, hapësirat përreth janë të aksesueshme dhe të sigurta, duke e kthyer Xhaminë e Plumbit në një destinacion ku trashëgimia kulturore dhe besimi harmonizohen në mënyrë të përsosur.
Kjo ndërhyrje është një shembull i qartë i kujdesit për trashëgiminë kulturore shqiptare, duke treguar se me planifikim dhe përkushtim, monumentet historike mund të ruajnë integritetin e tyre dhe të vazhdojnë të shërbejnë si pika referimi për komunitetin dhe vizitorët e ardhshëm.
Fotot e postuara nga Rama shfaqin jo vetëm transformimin fizik, por edhe rritjen e sigurisë dhe funksionalitetit, duke konfirmuar se investimet në trashëgimi nuk janë thjesht restaurime estetike, por rikthime të jetës dhe historisë në hapësirat publike.
Xhamia e Plumbit sot nuk është vetëm një monument për të admiruar, por një dëshmi e angazhimit të Shqipërisë për të ruajtur dhe promovuar identitetin e saj historik dhe shpirtëror.
Albert Vataj -
OBSH: Mbi 10% e fëmijëve mund të kenë plumb në gjak, kërkohen matje në disa zona të vendit
Ndotja toksike nga plumbi është alarmi që OBSH ngriti edhe këtë vit për shkak të vlerave të gjetura mbi përqendrimit e këtij metali në gjak në disa vende.
Tek fëmijët shqiptarë nën moshën 5 vjeç vlera mesatare e plumbit në gjak rezultoi nën pragun e lejuar prej 3,5 mikrogram/decilitër por gjithsesi sipas OBSH mbi 10% e tyre mund të tejkalojnë 5 mikrogram/decilitër dhe mbi 35% nivelin 3,5 mikrogram /decilitër.
Me këto vlera, mbi 45% e fëmijëve tanë janë të ekspozuar ndaj këtij metali helmues problematik.
“Mund të ketë zona që mund të ketë nivelin e plumbit shumë të lartë por mund të ketë dhe zona të tjera ku niveli i plumbit është zero dhe kur i fut në algoritmin e mesatares, mesatarja del në rregull. Nivelet e plumbit mbi 38.5% fillojnë shfaqin probleme në shëndetin e fëmijëve”, u shpreh Enver Roshi – Shefi i Departamentit të Shëndetit Publik në Universitetin e Mjekësisë.
Shefi i Departamentit të Shëndetit Publik në Universitetin e Mjekësisë Prof. Enver Roshi tregon për RTSH burimet e ekspozimit ndaj plumbit dhe dëmet serioze që ai shkakton.
“Ndotja e mjedisit sidomos trafiku, por edhe lodrat e fëmijëve, bojërat e përdorura ndikojnë në rënien e inteligjencës së fëmijës, të depozitimin të plumbit në kocka por edhe prekje e sistemit të gjakut, kujtesës etj.”, tha ai.
Universiteti i Mjekësisë kërkon angazhimin ne veprime konkrete dhe ndaljen e menjëhershme të ndotjes nga plumbi ku ai gjendet.
“Duhet të shohim se kush janë zonat më alert që përmbajnë plumb dhe duhen njoftuar menjëherë prindërit”, tha Roshi.
Helmimi nga plumbi është i vështirë për t’u kuruar. Dëmi që i shkakton nuk mund të kthehet mbrapsht. Testi i gjakut është mënyra e vetme për të identifikuar ekspozimin ndaj tij. -
A kemi vërtet nevojë ta pastrojmë trupin nga metalet toksike?
Të gjithë kemi metale toksike në trup, përfshirë arsenikun dhe plumbin, nga ekspozimi përmes ushqimit, ajrit dhe ujit. Pra, pse të mos përdorim trajtime për t’i larguar, ose “keluar”, ato?
Ndërsa këto metale shkaktojnë dëme në nivele të larta, “të kesh një sasi të vogël fare është çmimi për të jetuar në Tokë,” thotë toksikologu Adam Blumenberg nga Universiteti i Kolumbias. Terapia e kelimit trajton me sukses njerëzit me nivele shumë të larta metalike, megjithëse ka rreziqe. Megjithatë, disa rrethe të mjekësisë alternative e kanë bërë të njohur përdorimin e saj për nivele të ulëta ose mesatare, duke pretenduar se përmirëson simptoma si dhimbjet e kokës ose parandalon autizmin dhe alzheimerin. Këto ide nuk janë mbështetur nga kërkimet shkencore.
Kur shkencëtarët e kanë studiuar terapinë e kelimit për kushte të caktuara, rezultatet kanë qenë të paqarta ose të pamjaftueshme. Në disa raste, heqja e metaleve ka qenë madje e dëmshme,studiues që po shqyrtonin alzheimerin në fazat e hershme raportuan këtë vit se nivelet e hekurit ranë, por përkeqësimi mendor u përshpejtua.
Blumenberg thotë se toksiciteti i vërtetë nga metalet e rënda është jashtëzakonisht i rrallë. “Njerëzit dëgjojnë diçka frikësuese si ‘kam plumb në trup’, por kjo bëhet e rëndësishme nga aspekti mjekësor vetëm kur sasia tejkalon një prag të caktuar shumë të lartë.”
Nivelet e larta të metaleve të rënda shkaktojnë disa sëmundje
Metalet e rënda përfshijnë elemente toksike si plumbi, kadmiumi dhe merkuri, si edhe elemente që trupi i kërkon në sasi të vogla, si hekuri dhe magnezi. Sasitë e tepërta mund të ndikojnë në sëmundjet e zemrës. Nivelet e larta të kadmiumit, kobaltit ose plumbit në urinë lidhen me rritje të rrezikut për kancer. Merkuri i përqendruar dëmton shëndetin hormonal dhe riprodhues. Plumbi është përgjegjës për mbi 700 milionë pika IQ të humbura tek fëmijët në mbarë botën dhe ka kontribuar në gjysmë miliardi vdekje nga sëmundjet e zemrës në vitin 2019.
Megjithatë, metalet e rrezikshme janë relativisht të rralla në SHBA. Sipas të dhënave të vitit 2023, nivelet mesatare të kadmiumit dhe plumbit në gjakun e amerikanëve janë shumë më poshtë kufijve toksikë, rreth gjysma e atyre të 25 viteve më parë. Edhe nivelet e merkurit kanë rënë.
Çfarë është saktësisht terapia e kelimit dhe kush përfiton prej saj?
Një kelues është çdo përbërje që tërheq dhe lidhet me jonet metalike në trup, duke qëndruar e bashkuar me to ndërsa nxirren përmes urinës.
Barnat keluese janë trajtime të vlefshme për helmimin nga metalet, zakonisht për fëmijë të vegjël të ekspozuar ndaj plumbit në bojë ose tuba uji, punëtorë që thithin metale në fabrika, ose persona me sëmundje si sëmundja e Uillsonit.
Por trajtimet mbartin rrezik: keluesit nuk bëjnë dallim, prandaj largojnë edhe metale që trupi i ka të nevojshme, si zinku. Janë regjistruar edhe vdekje kur barnat janë infuzuar shumë shpejt. Ky rrezik ia vlen vetëm kur përfitimet janë të qarta.
Këto trajtime përdoren rrallë; vetëm shtatë në çdo 100,000 fëmijë në SHBA kanë nivele të plumbit aq të larta sa të kërkojnë kelim. Ndërsa kelimi për nivele të ulëta është përgjithësisht i paefektshëm, heqja e plumbit nga gjaku i fëmijëve me nivele lehtësisht të ngritura nuk përmirëson as të nxënit e as sjelljen.
Prova të kufizuara për përdorime të tjera
Shumica e barnave keluese kërkojnë recetë, por disa produkte shiten lirshëm nëpër dyqane. FDA paralajmëroi në vitin 2016 se këto versione pa recetë nuk janë provuar efektive dhe mund të jenë të rrezikshme.
Njerëzit me nivele të ulëta ose mesatare të metaleve përfitojnë më shumë duke eliminuar burimin e ekspozimit. Vetëm kur simptomat lidhen drejtpërdrejt me analiza laboratorike që tregojnë nivele shumë të larta, duhet konsideruar kelimi. Bazuar në provat aktuale, askush nuk duhet të përdorë terapi kelimi për të parandaluar sëmundje kronike në të ardhmen. / NationalGeographic – Syri.net
-
Kujdes nga produktet me plumb! Alarmi i ISHP: Dëme të parikuperueshme te fëmijët
Ekspertet e Shëndetit Publik ngrenë alarmin për kujdes të shtuar ndaj ndotjes dhe kryesisht metalit të plumbit. Fëmijët janë mëtë rrezikuar nga ky element, me dëme shëndetësore që mund të jenë të pakrikthyeshme. Sipas studimeve gati 1.5% e vdekjeve vjetore në nivel botëror kanë si shkaktar plumbin.
Grimcat e plumbit janë kudo! Ky është alarmi që ngrenë ekspertët e shëndetit publik në Shqipëri. Përveçse një metal, plumbi është një rrezik serioz për jetën dhe zhvillimin e fëmijëve që në barkun e nënës. Specialistët e shëndetit publik tregojë se cilat janë vendet apo objektet me përmbajtjen më të lartë të plumbit.
Ndërtesat e vjetra, trafiku, lodrat e pa certifikuara, kozmetika e pacertifikuar, boja që lyejmë shtëpinë e pacertifikuar, zonat industriale etj…
Por çfarë shkakton plumbi nëse hyn në organizmin e fëmijëve?
“Dëme të parikthyeshme në tru, dëmtim të organeve të trupit dhe zhvillimit”, thotë ekspertja e ISH-së Genta Qirjako.
Apeli kryesor shkon për prindërit për një higjienë sa më të lartë te fëmijët si dhe për stafet mjekësore për të qenë vigjilent.
“Merrni pluhurat me leckë të njomë. Kontrolloni produktet që blini pa certifikim: lodra, bojë për shtëpinë. Shmangni ekspozimin e gjatë në trafik apo pranë zonave industriale. Kryeni analizë gjaku për të zbuluar nëse ka depërtim të plumbit”.
Sipas studimeve gati1.5% e vdekjeve vjetore në nivel botëror kanë si shkaktar plumbin. -
FOTO – Presidenti i Republikës Bajram Begaj viziton Xhaminë e Plumbit, pritet nga myftiu Muhamed Sytari
Paraditën e së shtunës, më 9 gusht 2025, Myftiu i Shkodrës, Imam Muhamed B. Sytari, priti në një takim të përzemërt në Xhaminë e Plumbit, ShTZ. Bajram Begaj, President i Republikës së Shqipërisë.
Pasi i uroi mirëseardhjen në Shkodër, Shkëlqesisë së Tij, Presidentit të Republikës, Myftiu i Shkodrës, shprehu kënaqësinë e tij me rastin e kësaj vizite bujare që Presidenti Begaj, pati mirësinë të zhvillojë sot në xhaminë e Plumbit.
Vizita e Presidentit të Republikës në xhaminë e restauruar të Plumbit, u shoqërua me një bashkëbisedim të përzemërt, që u zbukuruar edhe me detajet e shumta të xhamisë historike.
Bashkëbisedimi i ngrohtë, vijoi edhe gjatë vizitës në ambientet e brendshme dhe të jashtme të kompleksit islam të Xhamisë së Plumbit, që u vlerësua edhe nga Presidenti Begaj, për detajet e arkitekturës dhe ngrohtësinë që dhuron për frekuentuesit dhe vizitorët e saj.
Në takim, ku ishte e pranishme dhe Prefektja e Shkodrës, znj. Majlinda Angoni, drejtori i Medresesë “Haxhi Sheh Shamia”, z. Kujtim Dervishi, imamë dhe pjesëtarë të stafit të Myftinisë Shkodër, u vu theksi edhe tek roli i madh i komuniteteve fetare të Shkodrës për rimëkëmbjen e vendit, sidomos me zhvillimet historike të nëntorit 1990.
Në këtë kontekst, Myftiu Sytari e informoi Presidentin Begaj me aktivitetet që po zhvillohen në kuadër të vitit jubilar të 35-të të rihapjes së kishave dhe xhamive në Shkodër e në mbarë Shqipërinë, duke kërkuar nga Shkëlqesia e Tij, që tre komunitetet fetare të Shkodrës, të nderohen në këtë atmosferë të begatë, për kontributin e madh që kanë dhënë dhe vazhdojnë të japin në ruajtjen dhe përhapjen e vlerave të harmonisë, pajtimit, bashkëjetesës dhe solidaritetit me njerëzit në nevojë.
Me rastin e kësaj vizite, Myftiu i Shkodrës i dhuroi Presidentit të Republikës, kolanën e veprës së plotë të dijetarit dhe Hoxhës së shquar shkodran, Imam Vehbi Ismaili (1919 – 2008).Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim! -
Hapet Xhamia e Plumbit në Shkodër! E renditur si një nga më të bukurat në botë, u rikonstruktua pas përmbytjeve
Pas dekadash të tëra sfidash nga koha dhe përmbytjet, Xhamia e Plumbit, një prej monumenteve më të rëndësishme të arkitekturës osmane në Shqipëri, ka hapur sërish dyert për besimtarët dhe turistët.
Që prej 8 majit, kjo xhami e renditur si një ndër 50 më të bukurat në botë ka marrë një pamje krejt tjetër pas përfundimit të rikonstruksionit.
“Shumë e bukur. Nuk kam parë asnjëherë një xhami dhe është hera e parë që futem në një objekt të tillë fetar. Ishim tek kalaja, erdhëm këtu. Ne i përkasim një besimi tjetër, por isha kurioz për ta parë dhe është me të vërtetë e bukur.”
“Është shumë impresionuese si xhami dhe arkitektura është shumë e veçantë. U futëm brenda, tek vendi ku zhvillohen ritet, ishte hera e parë edhe për mua, dhe më la shumë të emocionuar.”
Mehdi Myftia me familjen e tij janë organizatorë të faljes së parë dhe rihapjes së kësaj xhamie në vitet ’90. Ata kanë më shumë se 30 vite që përkujdesen për këtë objekt.
Për imamin e xhamisë, ky monument kulture tani ka marrë vëmendjen e duhur.
Xhamia u rikonstruktua falë një investimi të qeverisë turke, ku në fokus ishte shpëtimi i saj nga përmbytjet.Top Channel
-
VIDEO – Pas rikonstruksionit të plotë, Xhamia e Plumbit në Shkodër hap dyert për ritualet fetare të besimtarëve
30 maj 2025. Një ditë e shënuar për krejt bashkësinë islame të Shkodrës, por jo vetëm. Xhamia e Plumbit pas disa kohësh e mbyllur për shkak të restaurimit dhe rimëkëmbjes totale hapi sot dyert për faljen e namazit të xhumasë së parë pas përurimit të saj, më 8 maj 2025.
Besimtarë të shumtë e tejmbushën sallën e faljes së xhamisë së Plumbit dhe ambientet e saj të jashtme duke e kthyer këtë ditë në një dëshmi gëzimi dhe një moment të paharruar për të gjithë të pranishmit.Besimtarë të ardhur nga vende të ndryshme të botës, si Zvicra, Gjermania, Kosova, Bosnja, Mali i Zi, por edhe nga shumë qytetet të Shqipërisë u bënë dëshmitarë të këtij gëzimi të madh, si të ishte një ditë Bajrami për zemrat e krejt besimtarëve.
Në hytben e parë të kësaj xhumaje, Myftiu i Shkodrës, Imam Muhamed B. Sytari falënderoi të gjithë ata, që janë përkushtuar për këtë punë të madhe, sikurse u ktheu me vëmendjen e besimtarëve tek viti 1775, kur në Shkodër ndërroi jetë Mehmet Pashë Plaku, themeluesi i Pashallëkut të Shkodrës. Myftiu theksoi se me emrin e këtij burri të madh është lidhur xhamia e Plumbit, të cilën e ndërtoi për të mbetur një vend adhurimi dhe një cak i palëkundur i tabanit besimor dhe qytetar të Shkodrës.
Myftiu falënderoi poashtu kontributin e paçmuar të Presidentit të Republikës së Turkijes, ShTZ. Rexhep Tajjip Erdogan, të cilit iu referua në një histori plot emocion nga e kaluara e Sulltan Selim Javuz Khanit, i cili ishte nisur për një ekspeditë për çlirimin e Misirit dhe gjatë rrugës kaloi me ushtrinë e tij pranë një kopshti me fruta të shumtë. U ndal dhe mendoi: Po sikur ushtarët e mi të kenë marrë ndonjë fryt pa leje dhe urdhëroi që të kontrollohen çantat e ushtarëve. U gëzua pa masë, kur agai i jeniçerëve e lajmëroi se çantat ishin të pastra dhe askush prej ushtarëve nuk kishte prekur asnjë fryt. Sulltani i lavdishëm iu drejtua Allahut me këto lutje: “Zoti im, unë të falënderoj shumë, që ma bëre këtë mirësi të kem një ushtri me njerëz, që nuk e hanë haramin!” Pastaj iu drejtua agait të jeniçerëve: “Sikur ushtarët e mi të kishin marrë fryte pa leje, do ta kisha anuluar këtë ekspeditë ushtarake drejt Misirit, sepse ushtria që e ha haramin nuk mund të ketë sukses në çlirimin e tokave!”
Nga këtu, Myftiu i Shkodrës drejtoi një mesazh për qeverinë, për ministrat, për klasën politike, për të gjithë njerëzit, që kanë një përgjegjësi në jetën e tyre të kësaj bote dhe për krejt individët që të kenë frikë Zotin në marrëdhëniet e tyre të përditshme dhe të distancohen nga haramet.
Ndër të tjera, Myftiu tha: “Një shoqëri, individët e së cilës përziejnë haramin me hallallin e përditshëm largojnë bekimet dhe mirësinë e Zotit nga jeta e tyre!”
Myftiu çoi rahmete dhe u lut për shpirtrat e hoxhallarëve, myftilerëve, bamirësve dhe besimtarëve të shkuar, sikurse iu drejtua Zotit të gjithësisë me një lutje të posaçme për Shkodrën, Shqipërinë dhe shqiptarë e besimtarë kudo që ndodhen.
Në shoqërinë e salavateve dhe ajeteve të ndryshme kur’anore, që vinin nga minarja e xhamisë së Plumbit, besimtarët u përshëndetën me njëri-tjetrin, duke këmbyer urimet, lutjet dhe kënaqësinë e madhe të kësaj dite të paharruar. /Publikuar në faqen zyrtare të Myftinia Shkodër në Facebook/Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim!