Lajmidites.com

Tag: plumba

  • EKSPERTIZA! Gilmando Dani mori 20 plumba në trup, 80 gëzhoja në vendngjarje, mjeti i autorëve u vodh para 2 vitesh

    EKSPERTIZA! Gilmando Dani mori 20 plumba në trup, 80 gëzhoja në vendngjarje, mjeti i autorëve u vodh para 2 vitesh

    Gilmando Dani

    TIRANË-Të tjera detaje janë bërë publike në lidhje me atentatin mafioz mesditën e 11 nëntor ku mbeti i vrarë Gilmando Dani dhe u plagos miku i tij, agjent i AMP, Muçi Shaljani. Ekspertiza paraprake nga morgu i Tiranës, ka nxjerrë se Gilmando Dani ka marrë 20 plumba në trup, ndërsa në vendngjarje janë gjetur mbi 80 gëzhoja. Në Spitalin e Traumës, vijon të jetë i intubuar Muçi Shaljani, i cili mori 10 plumba në trup, 2 prej të cilëve në kokë. 
    Ndërkohë nga verifikimet e kryera nga Policia, rezulon se makina tip ‘Toyota Yaris”, e përdorur nga autorët në krim, është vjedhur në Greqi më 22 tetor 2023, ndërsa targat po ashtu të grabitura në 2024-ën ishin të mbivendosura. Nga ana tjetër në mjetin tip ‘Benz’ ku udhëtonte shënjestra me punonjësin e AMP, i cili u hap një ditë pas atentatit nuk është gjetur asgjë e paligjshme.
    Hetimet janë fokusuar në disa pista hetimore, siç është ajo e larjes së hesapeve mes grupeve kriminale, konfliktet e fajdet financiare e deri tek bashkëpronësia tek disa sipërfaqe toke prapa zonës së “Casa Italia” dhe trafiku i kokainës. Gilmando Dani, mik dhe bashkëpunëtor i Emiljano Shullazit u ekzekutua mesditën e 11 nëntorit me breshëri plumbash pranë aeroportit ‘Nënë Tereza’, teksa i plagosur rëndë ka mbetur edhe miku i tij, që e shoqëronte Muçi Shaljani Sheqeri, agjent i AMP-së. Ndaj automjetit të tyre ‘Benz’ u qëllua nga persona të paidentifikuar me një mjet tip “Toyota Yaris”, e cila u gjet e djegur pak minuta pas ngjarjes në Fushë Krujë. Dani dhe Shaljani, sapo ishin kthyer nga Spanja, ku besohet nga policia se kishin shkuar për koordinim të punëve në trafikun e drogës./ZËRI

  • Plumba të leshuar në tym, si shpëtoi mrekullisht anëtari i FRPD që po priste nënën në Rinas

    Plumba të leshuar në tym, si shpëtoi mrekullisht anëtari i FRPD që po priste nënën në Rinas

    Nga Elton Qyno – Syri

    Dhjetëra plumba kallashnikovi, janë hedhur në tym dhe pa adresë nga autorët e krimit të masakrës së Rinasit, duke rrezikuar seriozisht jetën e personave të tjerë që ndodheshin në rrugë dhe hotelin përballë.

    Mes personave që i ka shpëtuar mrekullisht sulmit me armë është dhe një i ri, anëtar i FRPD, i cili kishte shkuar për të pritur nënën e tij që po vinte në Shqipëri.

    Mjeti i tij është përshkuar nga 4 apo 5 plumba në pjesën e derës së prapme dhe fatmërisht shoferi nuk ka pësuar asnjë dëmtim

    I riu që s’ka preferuar të bëhet publik për shkak të tronditjes dhe frikës për hakmarje, është shoqëruar në policinë e Tiranës dhe ka dhënë deklarime.

    Kjo është foto e makinës së dëmtuar dhe që policia ka kryer veprimet e nevojshme hetimore. 

    Foto: Makina e anëtarit të FRPD e dëmtuar nga plumbat

  • “Gjuajtën mbi 80 plumba ndaj Gilmando Danit”, Lala zbulon detajet: Njëri nga autorët nuk ndalej as pasi i mbaroi arma

    “Gjuajtën mbi 80 plumba ndaj Gilmando Danit”, Lala zbulon detajet: Njëri nga autorët nuk ndalej as pasi i mbaroi arma

    Gazetarja e njohur e kronikës, Klodiana Lala, ka komentuar në një emision televiziv ngjarjen e rëndë të ndodhur një ditë më parë pranë aeroportit të Rinasit, ku u ekzekutua Gilmando Dani, një emër i njohur për lidhjet e tij me botën e krimit.
    Lala përshkroi me detaje momentet e atentatit.
    “Ditën e djeshme në mesditë, u qëllua me breshëri kallashnikovi mbi automjetin që drejtohej nga agjenti i AMP-së, Muçi Shaljani. Janë tre persona të veshur me të zeza dhe me kapele që dalin dhe qëllojnë drejt makinës. Më pas, një prej tyre afrohet tek mjeti, hap derën e pasagjerit dhe qëllon sërish në drejtim të Gilmando Danit, i njohur si krahu i djathtë i Emiljano Shullazit,” tha gazetarja.
    Sipas Lalës, pamjet tregojnë një nivel të lartë organizimi të autorëve, të cilët kanë vepruar me koordinim të plotë dhe me armë të ndryshme.
    “Në një moment, njëri prej autorëve lë kallashnikovin në tokë dhe qëllon me pistoletë drejt Danit, ndoshta për të realizuar një goditje më precize, ose sepse arma automatike mund të jetë bllokuar. Pas të shtënave fatale në kokë, autorët hipin në mjetin e tyre dhe largohen me shpejtësi nga vendngjarja,” shtoi ajo.
    Nga hetimet paraprake, janë qëlluar mbi 80 plumba në drejtim të automjetit ku ndodhej Dani, ndërsa Policia e Shtetit po verifikon rrugët e largimit të atentatorëve dhe mjetet e përdorura.Lala kujtoi se Gilmando Dani ishte liruar nga burgu në vitin 2024, pas disa viteve në qeli për çështje të lidhura me grupet kriminale, dhe prej asaj kohe kishte mbajtur një profil të ulët publik.
    “Pas lirimit, Dani ishte tërhequr nga jeta publike, madje ishte fejuar dhe përpiqej të mbante një profil të qetë. Por mënyra se si u ekzekutua tregon se kemi të bëjmë me një atentat të planifikuar mirë dhe me motive që lidhen me përplasjet mes grupeve kriminale,” përfundoi Lala.

  • 2 plumba në kokë dhe 8 në trup, punonjësi i AMP-së që shoqëronte Danin i intubuar te Trauma

    2 plumba në kokë dhe 8 në trup, punonjësi i AMP-së që shoqëronte Danin i intubuar te Trauma

    MUCI SHALJANI SHEQERI

    TIRANË- Muçi Shaljani, i cili mbeti i plagosur mesditën e djeshme në atentatin që ndodhi pranë rrethrrotullimit të Aeroportit të Rinasit, ka marrë 10 plumba. Burime nga spitali i Traumës bëjnë me dije se Shaljani është në intubim, ndërsa 2 prej plumbave e kanë prekur në kokë dhe 8 të tjerë në trup.
    Burime bëjnë me dije për ZËRI-n se Shaljani është bërë pjesë e AMP-së gjatë muajit shtator, kur ky institucion drejtohej nga Artjol Saliasi pas shkarkimit të Florjan Sulejmanit. Drejtori i ri i kësaj strukture, Eduart Merkaj, me marrjen e detyrës, kishte kërkuar rishikimin e një sërë kontratash që ishin nënshkruar me agjentët, përfshirë dhe Shaljanin, i cili madje në një kohë të shkurtër ishte pajisur dhe me certifikatë sigurie. Dëshmia e tij do të ishte me vlerë të madhe për hetimin e ngjarjes, por aktualisht punonjësi i AMP ndodhet në gjendje kritike për jetën në Spitalin e Traumës.
    40-vjeçari rezulton gjithashtu që të jetë pronar i një hoteli në Tiranë, ndërkohë që nga verifikimet e para rezulton që të jetë pa precedentë të mëparshëm penal, por miqësia me një eksponent të njohur të botës së krimit, si Gilmando Dani, duket se i ka kushtuar shumë. /ZËRI 

  • U plagos në Rinas/ Si paraqitet gjendja e Muçi Shaljanit që mori 10 plumba, 2 prej tyre në kokë

    U plagos në Rinas/ Si paraqitet gjendja e Muçi Shaljanit që mori 10 plumba, 2 prej tyre në kokë

    Vijon të jetë në gjendje të rëndë shëndetësore Mustafa Sheqeri, i njohur ndryshe si Muçi Shaljani pasi mori 10 plumba, 2 prej të cilëve në kokë.
    40-vjeçari, i cili ndodhet i intubuar në reanimacion, mbeti i plagosur rëndë në atentatin e ndodhur ditën e djeshme në zonën e Rinasit, ku humbi jetën 47-vjeçari Gilmando Dani.
    Sipas burimeve spitalore, Sheqeri ndodhet i intubuar në repartin e reanimacionit, nën kujdesin e mjekëve. Mjekët po bëjnë përpjekje të vazhdueshme për t’i shpëtuar jetën, ndërsa gjendja e tij mbetet kritike dhe e paqëndrueshme.
    Ngjarja e rëndë ndodhi pasi automjeti ku udhëtonin Gilmando Dani dhe Mustafa Sheqeri u qëllua me breshëri plumbash nga persona ende të paidentifikuar.
     

  • Atentati në Rinas ku mbeti i vrarë Gilmando Dani/ Mori dy plumba në kokë, Muçi Shaljani i intubuar në reanimacion

    Atentati në Rinas ku mbeti i vrarë Gilmando Dani/ Mori dy plumba në kokë, Muçi Shaljani i intubuar në reanimacion

    Vijon të jetë në gjendje të rëndë shëndetësore Mustafa Sheqeri, i njohur ndryshe si Muçi Shaljani pasi mori 10 plumba, 2 prej të cilëve në kokë.

    40-vjeçari, i cili ndodhet i intubuar në reanimacion, mbeti i plagosur rëndë në atentatin e ndodhur ditën e djeshme në zonën e Rinasit, ku humbi jetën 47-vjeçari Gilmando Dani.
    Sipas burimeve spitalore, Sheqeri ndodhet i intubuar në repartin e reanimacionit, nën kujdesin e mjekëve. Ai ka marrë 10 plumba, ndër to 2 në kokë dhe disa të tjera në pjesë të ndryshme të trupit. Mjekët po bëjnë përpjekje të vazhdueshme për t’i shpëtuar jetën, ndërsa gjendja e tij mbetet kritike dhe e paqëndrueshme.
    Ngjarja e rëndë ndodhi pasi automjeti ku udhëtonin Gilmando Dani dhe Mustafa Sheqeri u qëllua me breshëri plumbash nga persona ende të paidentifikuar. Të dy sapo ishin kthyer nga Barcelona.
    Sipas burimeve spitalore, Sheqeri ndodhet i intubuar në repartin e reanimacionit, nën kujdesin e mjekëve. Ai ka marrë 10 plumba, ndër to 2 në kokë dhe disa të tjera në pjesë të ndryshme të trupit. Mjekët po bëjnë përpjekje të vazhdueshme për t’i shpëtuar jetën, ndërsa gjendja e tij mbetet kritike dhe e paqëndrueshme.
    Ngjarja e rëndë ndodhi pasi automjeti ku udhëtonin Gilmando Dani dhe Mustafa Sheqeri u qëllua me breshëri plumbash nga persona ende të paidentifikuar. Të dy sapo ishin kthyer nga Barcelona.

    Top Channel

  • Zbardhen detaje të reja nga atentati në Rinas: Autorët qëlluan 50 plumba drejt “Benzit”

    Zbardhen detaje të reja nga atentati në Rinas: Autorët qëlluan 50 plumba drejt “Benzit”

    Detaje të reja janë zbardhur nga atentati i rëndë i ndodhur pasditen e sotme pranë Rinasit, ku mbeti i vrarë Gilmando Dani dhe u plagos rëndë Muçi Shaljani (Sheqeri), punonjës i Agjencisë së Mbikëqyrjes Policore (AMP).
    Sipas burimeve policore, autorët lëviznin me një automjet Toyota Yaris Hybrid, nga i cili hapën zjarr ndaj makinës Benz, pak para se të mbërrinin në rrethrrotullimin e Rinasit.
    Raportohet se autorët kanë qëlluar rreth 50 plumba në drejtim të automjetit ku ndodheshin viktima dhe i plagosuri. Si pasojë e breshërisë së plumbave, makina e Danit humbi kontrollin dhe doli në krahun e kundërt të rrugës.
    Sipas dëshmitarëve dhe pamjeve të sigurisë, pas disa sekondash një person i maskuar, me armë zjarri në dorë, ka zbritur nga Toyota, i është afruar derës së pasagjerit dhe ka qëlluar katër herë nga afër, duke siguruar ekzekutimin e viktimës.
    Më pas, autori është kthyer me shpejtësi në makinën e bashkëpunëtorëve dhe është larguar nga vendi i ngjarjes, ndërsa dyshohet se ka pasur edhe kundërpërgjigje me armë nga brenda “Benzit”.
    Grupi hetimor po vijon punën për të identifikuar autorët dhe për të zbardhur motivet e atentatit, i cili mendohet të jetë i mirëorganizuar dhe i planifikuar në detaje.

  • Vrau kushëririn me 6 plumba, 32-vjeçari pranon autorësinë: Krimi ndodhi për një arsye të fortë, do e tregoj një herë tjetër

    Vrau kushëririn me 6 plumba, 32-vjeçari pranon autorësinë: Krimi ndodhi për një arsye të fortë, do e tregoj një herë tjetër

    “E vrava për një arsye të fortë që s’mund ta them, pasi i kisha thënë disa herë që duhet të reagonte. Ndoshta në një moment tjetër do të flas për arsyen, por ende nuk jam gati”
    Kjo ka qenë dëshmia që ka dhënë para policisë 32-vjeçari Bertil Alliaj, i cili ka pranuar krimin.Lexo edhe :Related Posts
    Bertil Alliaj pasi qëlloi me 6 plumba në trup djalin e xhaxhait, u fsheh në një zonë të pyllëzuar. Arratisja e tij do të zgjaste vetëm 5 orë, ku më pas do të arrestohej nga policia e cila kishte vënë në dispozicion edhe dronët inteligjentë.

    32-vjeçari cilësohet nga policia si një person me rrezikshmëri të lartë shoqërore dhe ishte shpallur në kërkim për vrasjen e 3 të rinjve në vitin 2015.
    Gjykata e Vlorës e kishte dënuar me 35 vite burgim në vitin 2016, pikërisht për këtë ngjarje të rëndë./vizionplus.tv

  • U ekzekutua me 6 plumba nga djali i xhaxhait, ky është viktima Dalan Alliaj

    U ekzekutua me 6 plumba nga djali i xhaxhait, ky është viktima Dalan Alliaj

    Dalan Alliaj, 36 vjeç, është i riu që u vra më armë zjarri mbrëmjen e djeshme në Gjorm të Selenicës.

    Policia bëri me dije se kanë qenë familjarët ata që e kanë gjetur pa shenja jete, e më pas është transportuar në spitalin e Vlorës, por për fat të keq ka ndërruar jetë.
    Mësohet se në trupin e të riut janë konstatuar 6 plumba.
    Pas pesë orësh arrati, policia ka arritur të arrestojë autorin e dyshuar të ngjarjes, i cili është vrarë nga djali i xhaxhait.

    Top Channel

  • FOTO/ Ky është 36-vjeçari që u vra me 6 plumba nga kushëriri në Vlorë

    FOTO/ Ky është 36-vjeçari që u vra me 6 plumba nga kushëriri në Vlorë

    Gazetarja e Vizion Plus Efrosina Papa ka siguruar foton e 36-vjeçarit  Dalan Alliaj, i cili mbeti i vrarë mbrëmjen e djeshme në fshatin Gjorm të Vlorës, pasi u qëllua nga kushëriri i tij, Bertil Alliaj.
    Dalan Alliaj, rezulton administrator i kompanisë Allidagu në Fier, me aktivitet në fushën e prodhimit, përpunimit dhe shpërndarjes së ushqimeve, mbarështimi i kafshëve në fermat agroblegtorale të mëdha, tregti kafshësh të gjalla si dhe servis e tregti automjetesh.Lexo edhe :Related Posts
    Viktima ka marrë 6 plumba në trump, ndërsa trupi i pajetë i 36- vjeçarit është gjetur nga familjarët e tij. Ngjarja ka ndodhur rreth orës 20: 25 minuta të mbrëmjes së të shtunës.

    Autori, Bertil Alliaj pas arrestimit, nuk ka pranuar të tregojë arysen e konfliktit që çoi në vrasjen e 36-vjeçarit./vizionplus.tv