Ka nisur zyrtarisht procesi i votimit të emigrantëve Shqiptar në diasporë. 111 fletët e par atë votimit pritet të mbërrijnë sot në Shqipëri, ndërsa kryekomisioneri Ilirjan Celibashi njoftoi se janë shpërndarë afro 91 mijë zarfe.
Janë në mbërritje për në KQZ, por akoma në trakun e DHL, 111 zarfe. Janë 111 votues që kanë votuar dhe kanë njoftuar postierin e DHL për ta tërhequr ky zarf nga DHL. Me pak fjalë votimi i zgjedhësve shqiptarë nga jashtëm tashmë konsiderohet i kryer, që në momentin kur njëri prej votuesve e ka marrë zarfin dhe e ka kthyer mbrapsht”
Sipas komisionerit shpërndarja e zarfeve do të vijoj edhe për dy ditët në vijim.
Po çfarë ndodh pasi vota vendoset në zarf? Si garantohet që ajo nuk do të të tjetërsohet ose fotografohet?
Në momentin që fleta është në sistemin e DHL dhe KQZ, garantoj 100% ruajtjen e fshehtësisë, kjo garantohet plotësisht nga ne. Nëse votuesit duan ta shesin, blejnë apo tregojnë, është çështje e tyre. Do të thotë se kanë llogaritur edhe pasojat penale. Nëse një fenomen i tillë ndodh, ai shoqërohet me sanksione penale të rënda, deri në 3, 4 apo 5 vite burgim.
Zarfet me votën e shqiptarëve, sapo të kthehen në vendin tonë do të vendosen direkt në Parkun Olimpik, ku do të jenë të monitoruara 24 orë me kamera.
/vizionplus.tv
