Policia e Vlorës ka ngritur disa pika kontrolli në zonën e Plazhit të Vjetër, pas dyshimeve se një person është qëlluar me armë.
Menjëherë pas njoftimit, policia ka nisur kontrollet në terren dhe ka ngritur pika kontrolli në disa zona të qytetit për të bërë të mundur identifikimin e autorit.
Hetimet vijojnë për zbardhjen e ngjarjes dhe identifikimin e personave të përfshirë./vizionplus.tv
Tag: plazhit
-
Dyshohet për të shtëna me armë në Vlorë, policia ngre pika kontrolli në zonën e Plazhit të Vjetër
-
Tensione në Durrës, Përmbarimi nis lirimin e ish-kabinave të plazhit, nxjerr jashtë 32 familje! Banorët: Vendimi i padrejtë…
E tensionuar ka qenë situata mëngjesin e kësaj të marte në zonën e plazhit të Durrësit, pranë “Rrotës së Kuqe”. Zyra e Përmbarimit ka ndërhyrë për të nxjerrë jashtë 32 familje. Një banore në moment dëshpërimi është dëgjuar të thotë: “Do të hidhem nga pallati”, teksa përmbaruesit kanë mbërritur për zbatimin e vendimit.
Këto banesa janë ndarë që në vitin 1991 nga bashkia për familjet e pastreha. Prej më shumë se tre dekadash, 32 familje kanë jetuar këtu, por në vitin 2012 objektet janë privatizuar. Mikel Noçka ia ka blerë dy vilat, Bashkisë së Durrës dhe Ministrisë së Ekonomisë, ndërkohë që banorët vijonin të jetonin në to.
Banorët pretendojnë se ende kanë statusin e të pastrehëve dhe se pavarësisht dy takimeve me kryetaren e bashkisë, Emirjana Sako nuk u është ofruar asnjë zgjidhje konkrete. Sipas tyre, bashkia u ka kërkuar të aplikojnë sërish për banesa sociale, duke u futur në radhë me rreth 3 mijë familje të tjera që presin prej vitesh.
Ndërkohë, çështja që po shqyrtohet në Gjykatën e Apelit nuk është ende e përfunduar. Procesi është shtyrë pas vrasjes së gjyqtarit Astrit Kalaja, i cili pritej ta merrte dosjen për gjykim. Pavarësisht kësaj, Përmbarimi ka vijuar sot me ekzekutimin e vendimit të shkallës së parë, duke kërkuar largimin e menjëhershëm të banorëve nga banesat në zonën e plazhit.
-
Përmbarimi nis lirimin e ish-kabinave të plazhit në Durrës, familjet përplasen me efektivët, lot dhe dëshpërim
Tensione dhe lot gjatë ekzekutimit të urdhrit të përmbarimit në ish-kabinat e plazhit pranë “Rrotës së Kuqe” në zonën e Plazhit.
Banorët u detyruan të largohen nga banesat ku jetojnë prej më shumë se tri dekadash, pasi ish kabinat e plazhit u dhanë si banesa sociale në vitin 1991 për familjet e pastreha.
Më pas, trualli ku ndodhen ato hyri në procesin e kthim-kompensimit të pronave. Disa familje u sistemuan, të tjera, siç janë dhe këto familje, vijuan betejat gjyqësore. Në vitin 2013, gjykata i dha përfundimisht të drejtën e pronësisë familjes Tirana, raporton korrespondentja e Top Channel Vali Qyrfyçi.
Banorët që nuk e kanë ndalur betejën ligjore thonë se u është kërkuar të aplikojnë si të pastrehë për banesa të reja. Gjykimi më i fundit i çështjes së tyre në Apel është vonuar, pas vrasjes së gjyqtarit Astrit Kalaja, që kishte dosjen, ndërsa përmbarimi ka vijuar me lirimin e godinave.
Ekzekutimi i sotëm rikthen pasigurinë për banorë të tjerë në plazhin e Durrësit, që presin ende një zgjidhje për strehimin e tyre.Top Channel
-
U zhveshën në plazhin e gabuar, përfundojnë në burg nudistët
Gjashtë pushues u arrestuan nga sherifi i qarkut St. Lucie në Florida pasi departamenti mori ankesa të shumta se ishin shfaqur nudo në një plazh jo të përshtatshëm.
Grupi i nudistëve po qëndronin pranë zonës Little Mud, e cila është rreth një milje në veri të plazhit Blind Creek, ku lejohet nudizmi.
Daniel Harrison, Donald Knapp, Gaetan Lambert, Steven Marchenke, Elmer Quandt dhe Nicholas Ramos akuzohen për ekspozimin e organeve të tyre gjenitale, sipas zyrës së sherifit pasi u gjetën 1.5 kilometra larg plazhit ku lejohet nudizmi.
Plazhi nudist është aktualisht i mbyllur dhe, ndërsa autoritetet pranuan se “mund të shkaktojë shqetësime të përkohshme për ata që lahen”, ata nuk lejojnë nudizmin në zona publike të pacaktuara.
Nudistët që protestojnë kundër projektit Blind Creek kanë kërkuar vazhdimisht që t’u jepet hapësirë në veri të plazhit, por banorët kanë rezistuar. Që nga fillimi i shtatorit, policia ka patrulluar zonën me patrulla të shtuara në këmbë dhe ka vendosur tabela që tregojnë zonat ku lejohet lakuriqësia.
“Oficerët do të vazhdojnë të zbatojnë të gjitha ligjet dhe rregulloret që lidhen me plazhin Blind Creek. Vizitorëve u kujtohet të qëndrojnë brenda kufijve të nudizmit dhe të mbulohen para se të largohen nga këto zona ose të hyjnë në parkingje dhe zona publike”, sipas autoriteteve.
Ekspozimi i organeve gjenitale në shtetin e Floridës është një kundërvajtje dhe, nëse dënohen, shkelësit mund të përballen me një vit burg dhe një gjobë prej 1,000 dollarësh.
-
Çfarë do të thotë ‘kodi me tre fishkëllima’ në resortet e Disney-t?
Disney u ofron mysafirëve të saj parqet tematike më magjike në botë, por ndonjëherë realiteti përfshihet edhe atje. Ndërsa anëtarët e stafit bëjnë çmos për të ruajtur karakterin dhe për t’u sjellë buzëqeshje fëmijëve dhe të rriturve, ata janë gjithashtu të trajnuar për t’u përballur me incidente serioze.
Ka shumë kode për probleme të ndryshme në park, të tilla si aksidente, sëmundje ose çdo gjë tjetër që mund të lindë. Por ekziston edhe një sistem sinjalizimi i veçantë për pishinat në hotelet e resortit Disney.
Sipas një raporti nga Exploreist, çdo fishkëllimë ka kuptimin e vet, të cilin e dinë të gjithë rojet bregdetare dhe anëtarët e stafit.
Kjo do të thotë që rojtari i plazhit po përgatitet të zhytet në pishinë, ndoshta për të ndihmuar një person që është në telashe. Në atë moment, rojet e tjera të plazhit aktivizojnë menjëherë planin e tyre të emergjencës. Dikush merr përsipër të mbulojë pozicionin e rojtarit të plazhit që u largua, për t’u siguruar që të gjitha zonat e pishinës të mbeten nën mbikëqyrje.
Ky sinjal është më pak alarmues dhe do të thotë se do të bëhet një njoftim. Në fund të ditës, rojtari i plazhit fryn dy herë bilbilin, duke sinjalizuar se koha e pishinës ka mbaruar dhe se rojet e mbetura të plazhit duhet të fillojnë të nxjerrin njerëzit nga uji. Megjithatë, i njëjti sinjal mund të nënkuptojë gjithashtu që pishina do të mbyllet përkohësisht për arsye sigurie, siç janë goditjet e rrufeve ose problemet e higjienës, siç janë të vjellat ose… urina (po, edhe kjo ndodh). Sidoqoftë, kur dëgjohen dy fishkëllima, stafi e di se po vjen një njoftim.
Ky sinjal është shumë më i rrallë, sepse përdoret vetëm në situata emergjente.
Sipas Exploreist, tre fishkëllimat i bëjnë thirrje të gjithë rojet bregdetare dhe anëtarëve të stafit të veprojnë menjëherë, pasi një vizitor ose është plagosur rëndë, është sëmurë ose ka nevojë për kujdes të menjëhershëm mjekësor.
Stafi duhet të ndalojë atë që po bën dhe të nxitojë në vendngjarje për të ofruar ndihmë derisa të mbërrijnë shërbimet e ndihmës së shpejtë ose personeli mjekësor.
-
Kroatët janë të shqetësuar: Plazhi i tyre më i famshëm ka ndryshuar plotësisht pamjen
Një nga plazhet më të famshme të Adriatikut, Zlatni Rat në ishullin kroat Brač, po përballet me ndryshime të dukshme në formën dhe ekosistemin e tij, duke ngritur shqetësime tek banorët, turistët dhe ekspertët. I njohur për bukurinë e pazakontë dhe për faktin që ndryshon formë në varësi të erërave, plazhi ikonik është shndërruar prej kohësh në simbol të turizmit kroat.
Megjithatë, sipas raportimeve të Morski.hr, sot ka mbetur pak prej pamjes së tij të dikurshme për t’u përfshirë në kartolina. Ndryshimet klimatike, ndërtimet e shumta pranë vijës bregdetare dhe erërat e forta kanë ndikuar ndjeshëm në strukturën dhe simetrinë e plazhit. Forca në rritje e erërave perëndimore si mistrali dhe tramuntana, si dhe dobësimi i erërave tradicionale jugo dhe bora, kanë zhvendosur zhavorrin drejt lindjes, duke deformuar pamjen karakteristike të “bririt të artë”.
Ekspertët paralajmërojnë se ndërtimet në brendësi të plazhit kanë bllokuar rrjedhën natyrore të sedimenteve nga Vidova Gora, duke ndërprerë procesin që ruante balancën e masës së zhavorrit. Ndërkohë, ankorimi i pakontrolluar i anijeve përgjatë bregdetit ka dëmtuar rëndë habitatet nënujore dhe fushat me Posidonia oceanica, një bimë endemike mesdhetare që mban të qëndrueshëm shtratin e detit dhe rërën e plazhit.
Fotot e fundit nënujore kanë treguar dëme të dukshme nga spirancat, të cilat kanë shkatërruar zona të mëdha të posidonias, duke çuar në humbje të biodiversitetit dhe në rrezik për stabilitetin e plazhit. Banorët lokalë shprehen të shqetësuar se kombinimi i presionit turistik dhe ndryshimeve klimatike mund ta shkatërrojë në mënyrë të pakthyeshme këtë perlë të Adriatikut, e cila dikur njihej si një nga mrekullitë më të mëdha natyrore të Kroacisë.
-
Vrasje në Kotor, policia bllokon zonën e plazhit popullor
Policia zbarkoi mbrëmjen e djeshme në zonën e plazhit Jaz në Kotor, pas një vrasjeje të ndodhur pranë plazhit të afërt Trsteno.
Sipas mediave malazeze, forca të shumta policore rrethuan zonën duke kontrolluar të gjitha hyrjet dhe daljet, ndërsa hetimet janë ende në zhvillim.
Rrethimi filloi pranë urës në Jaz dhe shtrihet deri në vendin e ngjarjes, që ndodhet rreth një orë larg.
Me urdhër të prokurorit të lartë të shtetit, kalimi është ndaluar për publikun, ndërsa zyrtarët po kontrollojnë identitetin e çdo automjeti që ndodhet pranë perimetrit të sigurisë.
Trupi i pajetë i një burri, ende i paidentifikuar, është gjetur brenda një automjeti pranë plazhit Trsteno.
Sipas informacioneve jozyrtare, viktima dyshohet se është një anëtar i nivelit të lartë i një grupi kriminal, çka ngre dyshimet se kemi të bëjmë me një tjetër përplasje mes klaneve rivale.
Një makinë funerale nga Tivati ka mbërritur në vendngjarje për të transportuar trupin e pajetë. Edhe pse autoritetet ende nuk kanë dhënë një konfirmim zyrtar, burime pranë hetimit thanë se viktima është qëlluar përmes xhamit të përparmë të makinës.
Kjo është vrasja e dytë e ndodhur në më pak se dy muaj që lidhet me konfliktet e përgjakshme midis klaneve kriminale që veprojnë në zonën e Kotorit.
-
“Jemi në rrugë të madhe”/ Banorët protestojnë para bashkisë: Përmbarimi na nxjerr jashtë shtëpisë, s’kemi strehë
32 familje që prej 3 dekadash banojnë në vilat 36 dhe 38 në zonën e plazhit të Durrësit kundërshtojnë vendimin e gjykatës së shkallës së parë, që kërkon që ata të dalin nga shtëpitë e tyre, sepse 2 godinat janë privatizuar nga pronari i truallit dhe nuk janë më pronë e bashkisë.
Urdhri i përmbarimit që u kërkon të lënë banesat deri më datë 5 tetor i ka alarmuar banorët, të cilët mëngjesin e sotëm janë paraqitur para bashkisë Durrës për të kërkuar një takim me kryebashkiaken Emiriana Sako për këtë çështje.
Banorët deklarojnë se gëzojnë statusin e të pastrehut dhe kërkojnë nga bashkia një zgjidhje alternative për strehimin e tyre, ashtu siç u është premtuar gjatë takimeve të mëparshme.
‘Jemi 32 familje në zonën e plazhit dhe brenda të gjitha rregullave me statusin e të pastrehurit dhe kemi vite që bëjmë gjyqe dhe problemi është se përmbarimi ka ardhur me na nxjerr jashtë që ne të dalim jashtë shtëpisë. Ne jemi në rrugë të madhe sot. Ne duam që bashkia të na jap një rrugëzgjidhje për këtë problem’, tha një banorë.
‘Kemi vite aty, edhe si rregull për gjithë plazhit janë privatizuar dhe ne na ka ardhur letra për të dal nga shtëpia. Ne kërkojmë nga bashkia që të zgjidh këtë problem, ku do të shkojmë ne tani. Jemi me status të pastrehë, dhe presim nga kryetrai i bashkisë që të na strehojë’, tha një tjetër.
Pas protestës së sotme, banorëve u është komunikuar se do të zhvillojnë ditën e hënë të javës së ardhshme një takim me drejtuesit e bashkisë për të diskutuar lidhur me çështjen e strehimit të tyre dhe sesi do të procedohet më tej. -
Përdhunimi i turistes italiane/ Pamjet e kamerave të sigurisë tregojnë momentet kur autori bisedon me 18-vjeçaren në shëtitoren e Plazhit, më pas largohen drejt bregut
Kamerat e sigurisë në shëtitoren e Plazhit në Durrës kanë filmuar momentet kur Leonardo Preza i afrohet turistes italiane, me të cilën më vonë abuzoi seksualisht.
Në pamjet e siguruara nga Top Channel, duket 26-vjeçari që flet me 18-vjeçaren. Më pas, largohet dhe rikthehet sërish, duke ftuar turisten të shkojnë bashkë drejt bregut, në shezlongët e plazhit.
Dyshohet se 26-vjeçari, i dënuar më parë për vjedhje dhe armëmbajtje pa leje, ka abuzuar seksualisht me adoleshenten. Menjëherë pas ngjarjes vajza ka shkuar të bëjë denoncimin ku ka treguar të gjitha të dhënat që mbante mënd në lidhje me përdhunuesit.
Në bazë të kallëzimit të saj, por edhe dëshminë së një personi që kishte parë ngjarjen, janë gjetur pamjet në kamerat e sigurisë dhe është identifikuar përdhunuesi. Ai u arrestua pas disa orësh dhe në polici ka pranuar marrëdhënien me italianen por ka pretenduar se ishte me dëshirën e saj. Por shenjat e dhunës në trupin e vajzës që ka luftuar kundër përdhunimit tregojnë të kundërtën.
Vajza është dërguar në spital ku i është nënshtruar një vizite të hollësishme mjekësore. Në duar e në qafë e në pjesë të tjera të trupit ajo ka shenja të cilat të çojnë në konkluzionin se është përdhunuar.Top Channel
-
VIDEO/ Rrufeja godet në mes të plazhit
Bota E Mërkurë, 27 Gusht 2025 16:16
Imazhe të frikshme të një rrufeje që goditi midis çadrave të plazhit të një resorti, janë parë në Lignano Sabbiadoro (Udine) të Italisë. Asnjë pushues nuk u lëndua në ato momente, edhe për shkak se plazhi ishte i shkretë pas stuhisë së fortë që po kalonte në ato momente. Rrufeja dëmtoi një tavolinë plastike dhe përkuli tubin e një çadre aty pranë, duke shkaktuar vetëm dëme të vogla materiale, por që mund të kishte përfunduar edhe në tragjedi nëse do të kishte pushues.