Lajmidites.com

Tag: plazhet

  • Vëzhgimi: Kullat e vrojtimit bosh, mungon siguria në një pjesë të plazheve në vend

    Vëzhgimi: Kullat e vrojtimit bosh, mungon siguria në një pjesë të plazheve në vend

    Në shumë kulla vrojtimi në bregdet nuk ka asnjë njeri.

    Plazhet janë plot, por sytë e atyre që garantojnë sigurinë e pushuesve mungojnë.

    Kjo panoramë përsëritet edhe këtë vit nga veriu në jug.

    “Gjatë një vëzhgimi të bërë nga Tv Klan, në plazhin e Shëngjinit, shumë prej kullave të vrojtimit që janë vendosur për sigurinë e pushuesve ishin bosh, ndërsa në shumë të tjera vrojtuesit ishin vigjilent”, raporton gazetari Martin Marku.

    “Jo s’kam parë, duhet të ketë”, u shpreh një pushues.

    “Duhet patjetër, me u përgjigj dikush…”, tha një pushues tjetër.

    Sipas ligjit, edhe plazhi publik duhet të garantojë shërbimin me vrojtues plazhi, por në realitet mungojnë e në disa raste ato ruhet nga vrojtuesi i zonës private ngjitur, përmes një dakordësie mes bashkisë dhe bizneseve.

    “Nuk kemi pasur shqetësim këtë sezon. Ngjitur jam me plazhin publik, do të jap të pamundurën, edhe sikur ta kem zonën time”, tha Gjon Çoku, vrojtues plazhi.

    Edhe në Durrës, situata është e njëjtë, në disa zona vrojtuesit janë në detyrë e në të tjera mungojnë plotësisht.

    “Ky standard sigurie mungon në kulmin e sezonit, ndërsa institucionet lokale pretendojnë se zgjidhja është gjetur përmes bashkëpunimit me subjektet private. Roja e plazhit privat, sipas tyre do të mbulojë edhe hapësirën publike ngjitur.”, raporton gazetarja Enkeleda Arapi.

    “Publiku s’ka, po është ky i kësaj…”, tha një pushues.

    Në Divjakë, që është një nga plazhet me hapësirat më të mëdha publike, problemet janë të njëjta, struktura ka, ndërsa njerëz jo.

    “Në Divjakë të gjitha bizneset kanë vendosur kulla vrojtimi, por jo në të gjithë këto ka punonjës.”, raporton gazetarja Anila Sefa.

    Në jo pak raste personat që në dokumente rezultojnë si vrojtues, në praktikë janë të angazhuar me detyra të tjera brenda subjektit privat.

    Kjo ndodh edhe në Vlorë.

    “Një nga mungesat që vihet re gjatë këtij sezoni turistik janë vrojtuesit e plazheve.”, raporton gazetarja Greta Haska.

    Ndërsa në plazhet publike, në disa raste janë vendosur vetëm tabela informuese.

    “Duhet të jemi të vëmendshëm, ka njerëz që mund të rrezikojnë për probleme shëndetësorë që mund të kenë”, shprehet Ariel Lamaj, vrojtues plazhi.

    Një shembull i mirë vjen nga vija breg-liqenore e Pogradecit.

    “Edhe vjet që ishim, këto kullat kështu ishin”, tha një pushuese.

    Në pjesën me të madhe, si zonat publike ashtu edhe ato private kullat e vrojtimit janë funksionale.

    “Tek plazhet publike, bashkia e Pogradecit ka punësues vrojtues, të cilët qëndrojnë nga ora 09:00 deri nga ora 17:00 – 18:00, duke siguruar qytetarët”, tha Entela Karafili, drejtore e Tatim – Taksave në bashkinë Pogradec“

    Nga viti 2017 e deri më sot, në vend janë trajnuar dhe certifikuar rreth 1 900 vrojtues plazhi.

  • Media italiane: Det kristalor dhe bukuri magjepsëse, vizitoni plazhet më të qeta në Shqipëri

    Media italiane: Det kristalor dhe bukuri magjepsëse, vizitoni plazhet më të qeta në Shqipëri

    Keni planifikuar të kaloni pushimet në bregdetin e Shqipërisë? Ekzistojnë disa plazhe që konsiderohen xhevahire të vërteta.
    Gjithnjë e më shumë turistë po e vlerësojnë Shqipërinë si një destinacion kryesor për pushimet e tyre verore: deti, është vërtet një xhevahir dhe ka plazhe për të gjitha shijet.

    Përveç kësaj, nuk është e vështirë të shkosh në Shqipëri nga Italia dhe gjuha italiane është një gjuhë, padyshim e përhapur kudo.
    Nëse doni të kaloni disa ditë në bregdet, ne ju rekomandojmë disa nga plazhet më të fshehura dhe më pak të njohura në Shqipëri.
    Plazhi i Gjipesë: një kanion që hapet në det
    Riviera Shqiptare përfshin vendpushimet bregdetare më të njohura si Saranda, Ksamili apo Dhërmiu.
    Këto vende janë shumë të bukura dhe shpesh vizitohen nga një numër i madh turistësh, veçanërisht në pikun e sezonit veror.
    Plazhi i Gjipesë, nga ana tjetër, është një plazh në Rivierën Shqiptare, ku turmat janë më të kufizuara.
    Pse është më pak i mbushur me turistë se plazhet e tjera nëse është kaq i bukur?
    E thjeshtë: duhet të ecni pak për të arritur atje. Vendi ku mund të parkoni automjetin tuaj është rreth katër kilometra larg nga Dhërmiu. Nga aty, duhet të vazhdoni më këmbë përgjatë shkëmbit për rreth 40 minuta.
    Rruga është e mirë, por duhet të ecësh me këpucë të përshtatshme dhe sigurisht jo me shapka.
    Plazhi i Gjipesë përbëhet nga rërë dhe gurë të vegjël, të gjithë me ngjyrë të çelët. Uji i detit është kristal i pastër dhe ngjyrë bruz.
    Gjipeja është një plazh unik, i vendosur në fund të një kanioni shkëmbinjsh.
    Kjo e bën atë sugjestionues dhe të izoluar. Mjedisi është plotësisht natyror, pa asnjë lloj ndërhyrje. Ky plazh është perfekt për ata që kërkojnë qetësi dhe një arratisje nga jeta e përditshme.
    Plazhi i Livadhit: pjesa veriore, ku heshtja takon detin
    Një nga plazhet më të arritshme lehtësisht, ndër shumë plazhet e bukura në Shqipëri, është Plazhi i Livadhit.
    Zakonisht është shumë i njohur dhe i frekuentuar në pjesën qendrore, por, nëse doni diçka më natyrale dhe të qetë, këshilla jonë është të largoheni nga zona ku do të gjeni shumë turistë dhe të shkoni, duke ecur përgjatë vijës bregdetare, drejt veriut.
    Pjesa veriore e Plazhit të Livadhit është ajo ku nuk lejohen resortet e plazhit dhe gjatë pikut të sezonin – frekuentimi është më i kufizuar.
    Ashtu si plazhet e tjera të mrekullueshme në Shqipëri, Plazhi i Livadhit gjithashtu krenohet me detin blu dhe kristalor si një xhevahir i çmuar.
    Plazhi i Akuariumit
    A përfshin udhëtimi juaj në Shqipëri edhe kalimin e disa orëve, ose ndoshta disa ditëve, në një varkë? Shkëlqyeshëm. Plazhi i fshehur i Akuariumit është vendi ideal.
    Është një vend i cili frekuentohet nga shumë pak turistë. Në fakt, arrihet më lehtë nga deti. Gjeografikisht, ky plazh ndodhet në veri të Plazhit të Livadhit, praktikisht në gjirin e vogël ngjitur.
    Emri i tij vjen nga transparenca e ujit, i cili duket si një akuarium. Si gjatë agimit ashtu edhe gjatë perëndimit të diellit, ky plazh është një nga vendet më romantike në Rivierën Shqiptare.
    Plazhi i Pasqyrave, ku dielli i verbon të gjithë
    Në jug të Sarandës, në rrugën drejt Ksamilit, ndodhet Plazhi i Pasqyrave. Pse quhet kështu ky plazh i fshehur dhe i bukur në Shqipëri? Sepse ngjyra e rërës së tij – reflekton dritën – si pak vende të tjera në botë.
    Më shumë se e nevojshme, nëse shkoni atje – gjatë udhëtimit tuaj përgjatë Rivierës Shqiptare – ju duhen syze dielli dhe shumë krem ​​mbrojtës.
    Për të arritur këtu, është më mirë të parkoni përgjatë rrugës kryesore dhe pastaj të ecni më këmbë.
    Është më pak i mbushur me turistë se Ksamili dhe ofron një pamje madhështore të Korfuzit, ishullit grek, i cili është pikërisht përballë.
    Plazhi i Pasqyrave është një tjetër vend i përsosur për të admiruar perëndimet e diellit shumë romantike.
    Plazhi i Borshit
    Plazhi i Borshit sigurisht që nuk është një plazh i panjohur për ata që udhëtojnë në Shqipëri, por ka një element për t’u marrë në konsideratë, nëse jeni duke kërkuar një vend ku turmat janë vetëm një “kujtim i largët”.
    Ky plazh, përfaqëson një nga plazhet më të gjatë në të gjithë Shqipërinë. Bëhet fjalë për rreth 7 kilometra vijë bregdetare.
    Sapo të largoheni nga pjesa e plazhit ku ka bujtina, bare dhe restorante, qetësia do të jetë shoqëruesi juaj më besnik i udhëtimit.
    Këtu do të gjeni një ndërthurje midis një mjedisi tipik mesdhetar me ullishte dhe bimësi, dhe rërës, shkëmbinjve dhe një deti me ngjyrën e safirëve.
    Plazhi i Shën Andreut: një vend i mbrojtur ku respektohet natyra
    Një tjetër plazh i arritshëm që duhet vizituar në Shqipëri, është Plazhi i Shën Andreut, një vend pranë Karaburunit, brenda Parkut Detar Karaburun-Sazan.
    Ky plazh është një nga vendet më të pacënuara dhe të mbrojtura në Shqipëri.
    Ai ndodhet brenda një parku natyror. Është ideal për ata që e duan detin e pastër, natyrën e pandotur dhe qetësinë.
    Mjedisi detar këtu është ndër më të pastrit në të gjithë Adriatikun.
    Idealja është të niseni me varkë nga Orikumi ose Vlora. Plazhi është i vogël, me rërë dhe shtrati i detit është i cekët.
    Plazhi i Krorëzës: ujëra të thella dhe rërë e artë
    Plazhi i Krorëzës konsiderohet si një nga plazhet më të izoluara dhe më të ruajtura në Shqipëri.
    Ky vend karakterizohet nga rëra e artë dhe ujëra vërtet të pastra. Ju mund të notoni në det të hapur dhe të shijoni peizazhin.
    Aksesi në plazhin e Krorëzës, është i mundur vetëm nga deti.
    Varkat që sjellin njerëz këtu nisen gjithashtu nga Porto Palermo, me ture të organizuara të hartuara posaçërisht për të respektuar mjedisin, por duke i lejuar turistët të shijojnë një nga pikat më të bukura bregdetare në Shqipëri.
    Krorëza është plotësisht e egër, kështu që do të keni mundësi të shijoni nga afër rërën, detin dhe natyrën.

  • “SiViaggia”: Shqipëria unike me dete të kristalta

    “SiViaggia”: Shqipëria unike me dete të kristalta

    “Deti i qartë kristal dhe bukuri unike: Plazhet më të fshehura të Shqipërisë.” Ky është kryetitulli i portalit italian të udhëtimeve “SiViaggia” që shkruan për destinacionet më të bukura të plazheve të vendit tonë.
    “Gjithnjë e më shumë vizitorë që e vlerësojnë Shqipërinë si një destinacion për pushimet e tyre të verës: Deti në këtë vend është një xhevahir dhe ka plazhe për të gjitha shijet dhe tipologjitë e turistëve. Përpos kësaj, Shqipëria është lehtësisht e aksesueshme nga vendi ynë dhe mbi te gjitha italishtja është e përhapur kudo,” shkruan portali italian.
    “Dëshironi të kaloni disa ditë në det dhe plazh ne do t’ju sugjerojmë disa nga destinacionet më të fshehura dhe të bukura duke nisur që nga kanioni i plazhit të Gjipesë. Ky destinacion në rivierën shqiptare nuk është shumë i mbipopulluar për shkak se ju duhet të ecni në këmbë për të arritur tek ky plazh unik, i përkryer për ata që kërkojnë qetësi dhe një ditë ndryshe,” shkruan “SiViaggia”.
    Më tej në shkrimin për Shqipërinë portali italian ndalet tek plazhi i Livadhit, i cili është lehtësisht i aksesueshëm dhe ashtu si plazhet e tjera të shkëlqyera të Shqipërisë, Livadhi krenohet me një det blu si kristal.
    “Nëse po planifikoni një udhëtim në Shqipëri për të kalur disa orë, apo ndoshta disa ditë me varkë, Plazhi i fshehur i Akuariumit është ideali për të gjithë ata që duan të jenë larg turmave në bregdet. Emri i tij rrjedh nga uji i pastër sa duket si një akuarium, dhe po ashtu si në agim edhe në perëndimin e diellit, ky plazh është një nga vendet më romantike në rivierën shqiptare.”
    Gjithashtu portali italian i udhëtimeve “SiViaggia” në listën e destinacioneve rendit edhe plazhin e Borshit dhe të Shën Andreas, ku tek i pari do të gjeni një mjedis tipik mesdhetar, me ullinj, bimësi, rërë dhe shkëmbinj të gatshëm për t’u kredhur në ujin e pastër.
    Në përmbyllje të artikullit për plazhet shqiptare, portali italian i udhëtimeve “SiViaggia” ka në fokus Plazhin e Krorëzës që e konsideron si një nga plazhet më të izoluara dhe më të ruajtura në Shqipëri me rërën e artë dhe ujëra të thella vërtet të pastra, aty ku kemi një kombinim të detit dhe natyrës. Klan News

  • Mbytjet në plazhe/ Eksperti Softa ngre alarmin: Neglizhencë dhe paaftësi nga institucionet

    Mbytjet në plazhe/ Eksperti Softa ngre alarmin: Neglizhencë dhe paaftësi nga institucionet

    Eksperti i sigurisë, Fatjon Softa, teksa foli për ngjarjet e fundit me humbje jete të regjistruara në plazhet shqiptare, u shpreh se institucionet përkatëse duhet të ishin përgatitur që në janar, ashtu siç e përcakton edhe rregullorja.

    I ftuar në një intervistë përmes një lidhje video në Syri tv në edicionin e mesditës, nën moderimin e Arnold Kariqit, Softa tha se vonesat në dhënien e ndihmës së parë në rastet e mbytjeve në plazhe, tregojnë se hallkat e zinxhirit institucional nuk kanë funksionuar, kjo edhe për shkak të neglizhencës dhe paaftësisë.

    Sipas Softës, në raste të tilla, organet ligjzbatuese duhet të nisin hetime për faktin se ka çeduar dhënia e ndihmës së parë.

    Softa ngriti edhe reklamën e shumë për folur nga autoritetet, lidhur me motorët e ndihmës së shpejtë që sipas tij, do të patrullonin nëpër plazh, por që një nismë e tillë ka mbetur thjeshtë një reklamë pa u vënë në funksion nga instancat përkatëse.

    Duke marrë shembull Greqinë, lidhur me futjen e lënës së notit në shkolla, Softa sugjeroi që një nismë e tillë të aplikohet edhe në vendin tonë, sikurse edhe përcaktimi i zonave të riskut përmes një aplikacioni.

    Institucionet shtetërore duhet të ishin të përgatitura në në janar, e jo në nisje të sezonit. Janë masa jo vetëm për plazhet por edhe për ujërat e brendshme, për këqyrje e kontrolle të rrepta. Vonesa për ndihmën e parë nis nga roja e bregut, që është e normuar me ligj, që plazhet duhet të kenë roje, që të japë edhe ndihmën e parë, pastaj duhet të ketë ndihmë mjekësore, të stacionuara.

    Duhet të këtë planifikim shëndetësor, edhe në rastet e situatave të plazheve. Kjo është e përditshme. Është neglizhencë dhe paaftësi. Që nga roja, që duhet dijë  rastet e mbytjes. 60 % e rasteve, mungojnë rojet. Duhet të ketë vrojtues, radio, të komunikojë dhe jo të jenë kamarierët. Janë qytetarët që shkojnë, që janë të pastërvitur  dhe ndihma humanitare ndonjëherë s’është e duhura. Duhet të jenë të certifikuar. Dhe kjo mungon. Për shkak të korrupsionit, disa motorë uji lëvizin dhe pa dokumente.

    Ka disa institucione që merren për masat e sigurisë deri te parandalimi. Nga pushteti lokal, Ministria e Turizmit dhe Policia e Shtetit. Që duhet ketë mjetet e duhura për të monitoruar, edhe dronë. Një lloj sensibilizimi me qytetarët duhet, pasi ka shkelje dhe nga ata. Greqia, p.sh, ka kërkuar që ta bëjë të detyrueshëm mësimin e  notit në shkolla deri më 2030. Është nismë pozitive, pse jo të mos futet edhe në vendin tonë.

    Është çështje menaxhimi dhe vdekjet duhet të hetohen, përfshirë edhe shërbimin e ndihmës së shpejtë, duhet të ishin të përgatitur që nga janari, qershori iku. Korriku e gushti, muaj intensiv.

    Vjet janë bërë reklamë për motorë ambulancë, ku janë këto që janë reklamuar nga institucionet?! Duhet të përcaktohen zonat me risk, nisur dhe nga historiku apo analiza e bërë. Nëse do kishim këtë hartë, që ta kishim si aplikacion për shqiptarët e të huajt, që të përcaktojnë se ku janë rrymat dhe rreziqet.

  • Si Viaggia: Det kristal dhe bukuri e vetmuar plazhet më të fshehta të Shqipërisë

    Si Viaggia: Det kristal dhe bukuri e vetmuar plazhet më të fshehta të Shqipërisë

    Gjithnjë e më shumë turistë po e vlerësojnë Shqipërinë si një destinacion kryesor për pushimet e tyre verore: deti, është vërtet një xhevahir dhe ka plazhe për të gjitha shijet.Përveç kësaj, nuk është e vështirë të shkosh në Shqipëri nga Italia dhe gjuha italiane është një gjuhë – padyshim e përhapur kudo.Nëse doni të kaloni disa ditë në bregdet, ne ju rekomandojmë disa nga plazhet më të fshehura dhe më pak të njohura në Shqipëri.Plazhi i Gjipesë: një kanion që hapet në detRiviera Shqiptare përfshin vendpushimet bregdetare më të njohura si Saranda, Ksamili apo Dhërmiu.Këto vende janë shumë të bukura dhe shpesh vizitohen nga një numër i madh turistësh, veçanërisht në pikun e sezonit veror.Plazhi i Gjipesë, nga ana tjetër, është një plazh në Rivierën Shqiptare, ku turmat janë më të kufizuara.Pse është më pak i mbushur me turistë se plazhet e tjera nëse është kaq i bukur?E thjeshtë: duhet të ecni pak për të arritur atje. Vendi ku mund të parkoni automjetin tuaj është rreth katër kilometra larg nga Dhërmiu. Nga aty, duhet të vazhdoni më këmbë përgjatë shkëmbit për rreth 40 minuta.Rruga është e mirë, por duhet të ecësh me këpucë të përshtatshme dhe sigurisht jo me shapka.Plazhi i Gjipesë përbëhet nga rërë dhe gurë të vegjël, të gjithë me ngjyrë të çelët. Uji i detit është kristal i pastër dhe ngjyrë bruz.Gjipeja është një plazh unik, i vendosur në fund të një kanioni shkëmbinjsh.Kjo e bën atë sugjestionues dhe të izoluar. Mjedisi është plotësisht natyror, pa asnjë lloj ndërhyrje. Ky plazh është perfekt për ata që kërkojnë qetësi dhe një arratisje nga jeta e përditshme.Plazhi i Livadhit: pjesa veriore, ku heshtja takon detinNjë nga plazhet më të arritshme lehtësisht, ndër shumë plazhet e bukura në Shqipëri, është Plazhi i Livadhit.Zakonisht është shumë i njohur dhe i frekuentuar në pjesën qendrore, por, nëse doni diçka më natyrale dhe të qetë, këshilla jonë është të largoheni nga zona ku do të gjeni shumë turistë dhe të shkoni, duke ecur përgjatë vijës bregdetare, drejt veriut.Pjesa veriore e Plazhit të Livadhit është ajo ku nuk lejohen resortet e plazhit dhe gjatë pikut të sezonin – frekuentimi është më i kufizuar.Ashtu si plazhet e tjera të mrekullueshme në Shqipëri, Plazhi i Livadhit gjithashtu krenohet me detin blu dhe kristalor si një xhevahir i çmuar.Plazhi i AkuariumitA përfshin udhëtimi juaj në Shqipëri edhe kalimin e disa orëve, ose ndoshta disa ditëve, në një varkë? Shkëlqyeshëm. Plazhi i fshehur i Akuariumit është vendi ideal.Është një vend i cili frekuentohet nga shumë pak turistë. Në fakt, arrihet më lehtë nga deti. Gjeografikisht, ky plazh ndodhet në veri të Plazhit të Livadhit, praktikisht në gjirin e vogël ngjitur.Emri i tij vjen nga transparenca e ujit, i cili duket si një akuarium. Si gjatë agimit ashtu edhe gjatë perëndimit të diellit, ky plazh është një nga vendet më romantike në Rivierën Shqiptare.Plazhi i Pasqyrave, ku dielli i verbon të gjithëNë jug të Sarandës, në rrugën drejt Ksamilit, ndodhet Plazhi i Pasqyrave.Pse quhet kështu ky plazh i fshehur dhe i bukur në Shqipëri? Sepse ngjyra e rërës së tij – reflekton dritën – si pak vende të tjera në botë.Më shumë se e nevojshme, nëse shkoni atje – gjatë udhëtimit tuaj përgjatë Rivierës Shqiptare – ju duhen syze dielli dhe shumë krem ​​mbrojtës.Për të arritur këtu, është më mirë të parkoni përgjatë rrugës kryesore dhe pastaj të ecni më këmbë.Është më pak i mbushur me turistë se Ksamili dhe ofron një pamje madhështore të Korfuzit, ishullit grek, i cili është pikërisht përballë.Plazhi i Pasqyrave është një tjetër vend i përsosur për të admiruar perëndimet e diellit shumë romantike.Plazhi i BorshitPlazhi i Borshit sigurisht që nuk është një plazh i panjohur për ata që udhëtojnë në Shqipëri, por ka një element për t’u marrë në konsideratë, nëse jeni duke kërkuar një vend ku turmat janë vetëm një “kujtim i largët”.Ky plazh, përfaqëson një nga plazhet më të gjatë në të gjithë Shqipërinë. Bëhet fjalë për rreth 7 kilometra vijë bregdetare.Sapo të largoheni nga pjesa e plazhit ku ka bujtina, bare dhe restorante, qetësia do të jetë shoqëruesi juaj më besnik i udhëtimit.Këtu do të gjeni një ndërthurje midis një mjedisi tipik mesdhetar me ullishte dhe bimësi, dhe rërës, shkëmbinjve dhe një deti me ngjyrën e safirëve.Plazhi i Shën Andreut: një vend i mbrojtur ku respektohet natyraNjë tjetër plazh i arritshëm që duhet vizituar në Shqipëri, është Plazhi i Shën Andreut, një vend pranë Karaburunit, brenda Parkut Detar Karaburun-Sazan.Ky plazh është një nga vendet më të pacënuara dhe të mbrojtura në Shqipëri.Ai ndodhet brenda një parku natyror. Është ideal për ata që e duan detin e pastër, natyrën e pandotur dhe qetësinë.Mjedisi detar këtu është ndër më të pastrit në të gjithë Adriatikun.Idealja është të niseni me varkë nga Orikumi ose Vlora. Plazhi është i vogël, me rërë dhe shtrati i detit është i cekët.Plazhi i Krorëzës: ujëra të thella dhe rërë e artëPlazhi i Krorëzës konsiderohet si një nga plazhet më të izoluara dhe më të ruajtura në Shqipëri.Ky vend karakterizohet nga rëra e artë dhe ujëra vërtet të pastra. Ju mund të notoni në det të hapur dhe të shijoni peizazhin.Aksesi në plazhin e Krorëzës, është i mundur vetëm nga deti.Varkat që sjellin njerëz këtu nisen gjithashtu nga Porto Palermo, me ture të organizuara të hartuara posaçërisht për të respektuar mjedisin, por duke i lejuar turistët të shijojnë një nga pikat më të bukura bregdetare në Shqipëri.Krorëza është plotësisht e egër, kështu që do të keni mundësi të shijoni nga afër rërën, detin dhe natyrën.https://siviaggia.it/idee-di-viaggio/spiagge-albania-meno-conosciute/537743/

  • Rregullorja: Plazh publik në çdo 1 mijë metra, pa asnjë pagesë edhe në plazhet ‘luksoze’, në hapësirën 2.5 m nga vija e ujit

    Rregullorja: Plazh publik në çdo 1 mijë metra, pa asnjë pagesë edhe në plazhet ‘luksoze’, në hapësirën 2.5 m nga vija e ujit

    Për herë të parë, gjatë sezonit veror 2025 pushuesit mund të qëndrojnë pa pagesë në hapësirat e dedikura për publikun në të gjitha plazhet e Shqipërisë. Në çdo 1000 metra vijë lineare, 300 metra prej tyre duhet të jenë të lira. Ndërkohë, në hapësirën 2.5 metra nga vija e ujit, publiku në plazhet private mund të qëndrojë ose të kalojë pa pagesë, sipas rregullores së re të miratuar nga Këshilli i Ministrave në 16 tetor të vitit të kaluar në të cilën tregohet edhe mënyra se si duhet të zbatohet:
    a) për çadrat dhe ndenjëset e pushuesve të respektohet një distancë prej të paktën 10 (dhjetë) m nga vija e bregut të detit/liqenit;
    b) hapësira prej 2.5 (dy pikë pesë) m përpara brezit të parë të çadrave të jetë e lirë për t’u shfrytëzuar nga publiku;
    c) Ndarja e sipërfaqes së plazhit të lejuar, si plazh
    privat/publik, do të kryhet sipas gjatësisë në vijë lineare të hartës së propozuar nga njësia e vetëqeverisjes vendore përkatëse, në mënyrë perpendikulare me vijën e bregut të detit/liqenit, ku në çdo 1000 m vijë lineare, 300 m vijë linear plazh përcaktohen si parcela publike, shpërndarja e të cilave në hartë vlerësohet nga njësia e qeverisjes vendore, rast pas rasti, sipas tipologjisë së secilit plazh.
    ç) hapësira midis çadrave (nga çadra në çadër) nuk duhet të jetë më e vogël se 3 (tre) m në linjë horizontale me vijën e ujit, si dhe jo më e vogël se 2.5 (dy pikë pesë) m në linjë vertikale me vijën e ujit;
    d) të ketë në dispozicion të pushuesve 1 (një) dush me ujë të ëmbël;
    dh) të jetë i pajisur me shërbime higjienike, minimalisht të ketë 1 tualet, të ndarë në njësi për femra dhe meshkuj, dhe 1 (një) për njerëzit me aftësi të kufizuar; njësia për njerëzit me aftësi të kufizuar mund të përfshihet në secilën njësi për femra dhe meshkuj, duke rritur sipërfaqen e këtyre njësive të shërbimit, në dimensionet maksimale 1,80 m x 1,80 m;
    e) të ketë kabina zhveshjeje, sipërfaqja totale e kabinave të zhveshjes nuk duhet të jetë më e vogël se 1 (një) % e sipërfaqes së hapësirës së plazhit të dhënë në përdorim.
    Gjithçka duket e mirëorganizuar deri në detaj por si janë zbatuar konkretisht në terren?  
    Plazhet e Lezhës 
    Modeli i parë dhe më i plotë në zbatim është ai i hartuar nga Bashkia Lezhë.
    Përgjatë vijës bregdetare nga Rana e Hedhur deri në Tale, janë në total 268 parcela publike. Nga këto, 94,195 m² janë të lira, ku qytetarët mund të pushojnë pa pagesë, ndërsa 96,070 m² janë me shërbime të menaxhuara nga shoqëria “Lezha Invest”, e ngritur nga Bashkia e Lezhës.
    Në çadrat e vendosura nga kjo shoqëri, çmimet variojnë nga 300 deri në 500 lekë të rinj, në varësi të zonës, ndërkohë që janë plotësuar edhe shërbimet e nevojshme për pushuesit.
    Besmir Frroku, administrator i shoqërisë “Lezha Invest” tregon krahas tabelave informuese në hapësirat publike janë vendosur edhe rojet bregdetare, tualetet dhe kufizueset në det.
    Të gjitha këto reflektohen në cilësinë e pushimeve të atyre që kanë zgjedhur të verojnë në plazhet e Lezhës.
    Ndërkaq Task-forca vazhdon çdo ditë monitorimin në terren, për të mos lejuar zaptimin e paligjshëm të plazheve nga privatët.
    Plazhet publike në Velipojë 
    Velipoja, këtë vit ka më shumë hapësira publike për pushuesit. 34 parcela per plazhe publike në plazhin e Velipojës. 55 leje shfrytëzimi për privatin. Sakaq, në zonën e Vilunit, po vijon aksioni për lirimin e hapësirave publike për pushuesit.
    Bekim Mema – Drejtor i Planifikimit Strategjik Bashkia Shkodër tha se: Kemi vendosur pedanë, kufizues, po pastrojmë rërën. Ka përmirësim të dukshem që vjen si pasojë e ligjit të ri. Një pushues ka tre mundësi zgjedhje, plazh publik me pagesë, plazh publik të menaxhuar nga bashkia me pagesë mungesë, ose të shijojë hapesirën e lirë me çadrat e tyre.
    Menaxhimi i duhur i një plazhi publik nuk kërkon vetëm çadra e shezlongë por edhe dushe e tualete të cilat mungojnë. Ankesa ka edhe për mbajtjen pastër të hapësirave publike në Velipojë.
    Plazhet publike në Durrës
    Lëmë kryeqendrën e veriut për të shkuar në plazhet më të frekuentuara të Durrësit. Vija bregdetare e Durrësit është 42 km e gjatë dhe shtrihet nga Kepi i Rodonit deri te Derdhja e Përroit të Agait në kufi me Golemin. Në total janë 128 hapësira për plazhe publike.
    Në këtë vijë bregdetare gjenden 6 plazhe sikurse janë Plazhi “Shetaj, Plazhi “Gjiri i Lalëzit”, “Katundi i Ri”,” Plazhi i Currilave”, Plazhi i Madh i Durrësit” dhe ai i “Shkëmbit të Kavajës”.
    Në këto plazhe është vendosur ndarja 70 % me 30% e kësaj hapësire në favor të privatit.
    Oltsen Gripshi, Kordinatori i Task Forcës në Durrës sqaron hapësirat publike në këto plazhe: “Në Plazhin “Shetaj” janë në funksion të publikut 4 hapësira, në “Gjirin e Lalzit” 11 hapësira, në “Katundin e Ri” 17 hapësira, në “Currila” 10 hapësira, në Plazhin e madh të “Durrësit” 52 hapësira, te “Shkëmbi i Kavajës 34 hapësira”.
    Secili nga plazhet është pasqyruar edhe në harta ku përcaktohet tipologjia e tyre.
    Në hapësirën e verdhë janë plazhet publikë të menaxhuara nga bashkia ku mund të qëndroni me një tarifë ekonomike. Në hapësirën e kuqe janë plazhet e menaxhuara nga investitorë strategjikë, në hapësirën bojëqielli janë plazhe që menaxhohen nga privatë të cilët kanë një kontratë 5 vjeçare me institucionet shtetërore, ndërsa në hapësirën e gjelbër janë plazhet publikë pa asnjë pagesë.
    Plazhi i madh i Durrësit është më i frekuentuari nga stacioni i parë e deri tek Shkëmbi i Kavajës. Për herë të parë edhe këtu nuk shpenzon më për të marrë rreze e për t’u larë në det. Kudo gjenden zona të dedikuara ku tabelat informojnë se janë hapësira publike. Edhe në këtë plazhe të Durrësit vlerësimi më i madh jepet për shtimin e hapësirave publike.  Rregullorja e re e miratuar nga Këshilli i Ministrave për ushtrimin e veprimtarisë së stacioneve të plazhit nuk është e zbatuar plotësisht. Diku ka dushe, diku tjetër jo, hapësirat dedikuar personave me aftësi të kufizuar është nuk ekziston askund, tualetet gjithashtu.
    E sigurtë në këtë sezon veror deri më tani është hapësira publike në çdo plazh të Durrësit e jo vetëm. Vëzhgimi ynë vazhdon më tej, drejt Vlorës.
    Në Zvërnec, në plazhin e vjetër, në Orikum dhe zona të tjera pranë detit ka plazhe publike. Por qytetarët ankohen se nuk janë të pastër. Nga pikat e rregullores vetëm të qëndruarit falas është zbatuar,
    Plazhet publikë të Himarës
    Vëzhgimin e shtrijmë drejt plazheve më lakmuara nga të gjithë gropmoshat, në bashkinë Himarë. Gjatë një inspektimi të ministres së turizmit dhe mjedisit, Mirela Kumbaro, kryebashkiaku Vngjel Tavo tha se në plazhet publike të Himarës do të vendsen çadra pa pagesë.
    “Për sa i përket plazheve publike, jemi gati në raportin 50 me 50%. Në plazhet publike të Himarës do të vendosim 250 çadra të bashkisë të cilat do të jenë falas për pushuesit”.
    Për pushuesit shqiptarë por edhe të huaj pastërtia, vendosja e rojeve bregdetare janë kushte që nuk duhen anashkaluar. Megjithatë risia e të pushuarit pa paguar shtrenjtë në plazhe të tilla si ai i Dhërmiut e shumë gjireve të preferuara ndodh për herë të parë që nga koha kur këto zona ishin të virgjëra.
    Plazhet publike të Ksamilit e Sarandës
    Vazhdojmë udhëtimin drejt plazhit që ka marrë vëmendjen e medieve më prestigjoze ndërkombëtare, Ksamilit. Nuk është më e nevojshme të shpenzosh 20, 50 apo 100 euro e sipër për shezlongë e çadra.
    Janë lënë për herë të parë hapësira të konsiderueshme për plazh publik. Konkretisht, në zonën ikonike përballë tre ishujve, është përcaktuar një hapësirë prej 900 metra katrorë, ku pushuesit mund të vendosin çadrën dhe peshqirin e tyre mbi rërën e imët, duke shijuar detin pa pagesë.
    Gjithashtu, në plazhin Paradiso, një tjetër zonë mjaft e frekuentuar, është përcaktuar një hapësirë publike prej 2,000 metra katrorë, e aksesueshme për të gjithë.
    Në total Ksamili ka 24 hapësira publike të vendosura ndërmjet plazheve private, ku pushuesit janë të lirë të vendosin pajisjet e tyre pa paguar asnjë tarifë.
    Edhe në qytetin e Sarandës, plazhet kryesore janë tërësisht të hapura për publikun. Plazhi i Centralit dhe Plazhi i Ri, të cilët ndodhen përgjatë gjirit qendror të qytetit, janë lënë plazhe publike, ku pushuesit mund të vendosin çadrat dhe peshqirin e tyre pa pagesë.
    Në total në Sarandë janë 17 hapësira publike.  Në plazhin e madh, në shëtitoren e Sarandës është ngritur kulla e vrojtimit ku shërbejnë vëzhguesit e plazhit, duke garantuar siguri për pushuesit e çdo moshe.
    Nëse kthejmë kokën pas, sezoni veror për shqiptarët niste me çadrën me vete, një top e ushqimi i përhershëm, bukë me djathë e shalqi.
    Plazhi ishte vendi i lojrëva, nxirjes, shtrirjes në rërë e larjeve të gjata në det. Prej afro 30 vitesh kjo rutinë si shumëçka tjetër u zhduk, por për ata që kanë jetuar atë kohë, e dinë mirë se rikthimi i hapësirave publike nuk është largim nga luksi por mundësi për të  të shijuar det e diell si kura më e mirë më mendjen dhe trupin.

  • Nga Velipoja në Ksamil, për herë të parë plazhe pa pagesë edhe para resorteve luksoze!

    Nga Velipoja në Ksamil, për herë të parë plazhe pa pagesë edhe para resorteve luksoze!

    Për herë të parë, gjatë sezonit veror 2025 pushuesit mund të qëndrojnë pa pagesë në hapësirat e dedikura për publikun në të gjitha plazhet e Shqipërisë. Në çdo 1000 metra vijë lineare, 300 metra prej tyre duhet të jenë të lira, sipas rregullores së re të miratuar nga Këshilli i Ministrave në 16 tetor të vitit të kaluar në të cilën tregohet edhe mënyra se si duhet të zbatohet:

    a) për çadrat dhe ndenjëset e pushuesve të respektohet një distancë prej të paktën 10 (dhjetë) m nga vija e bregut të detit/liqenit;

    b) hapësira prej 2.5 (dy pikë pesë) m përpara brezit të parë të çadrave të jetë e lirë për t’u shfrytëzuar nga publiku;

    c) hapësira midis çadrave (nga çadra në çadër) nuk duhet të jetë më e vogël se 3 (tre) m në linjë horizontale me vijën e ujit, si dhe jo më e vogël se 2.5 (dy pikë pesë) m në linjë vertikale me vijën e ujit;

    ç) të ketë në dispozicion të pushuesve 1 (një) dush me ujë të ëmbël;

    d) të jetë i pajisur me shërbime higjienike, minimalisht të ketë 1 tualet, të ndarë në njësi për femra dhe meshkuj, dhe 1 (një) për njerëzit me aftësi të kufizuar; njësia për njerëzit me aftësi të kufizuar mund të përfshihet në secilën njësi për femra dhe meshkuj, duke rritur sipërfaqen e këtyre njësive të shërbimit, në dimensionet maksimale 1,80 m x 1,80 m;

    dh) të ketë kabina zhveshjeje, sipërfaqja totale e kabinave të zhveshjes nuk duhet të jetë më e vogël se 1 (një) % e sipërfaqes së hapësirës së plazhit të dhënë në përdorim.

    Gjithçka duket e mirëorganizuar deri në detaj por si janë zbatuar konkretisht në terren?

    Plazhet e Lezhës – Zbatimi më i mirë i rregullores (deri më tani)

    Modeli i parë dhe më i plotë në zbatim është ai i hartuar nga Bashkia Lezhë.

    Përgjatë vijës bregdetare nga Rana e Hedhur deri në Tale, janë në total 268 parcela publike. Nga këto, 94,195 m² janë të lira, ku qytetarët mund të pushojnë pa pagesë, ndërsa 96,070 m² janë me shërbime të menaxhuara nga shoqëria “Lezha Invest”, e ngritur nga Bashkia e Lezhës.

    Në çadrat e vendosura nga kjo shoqëri, çmimet variojnë nga 300 deri në 500 lekë të rinj, në varësi të zonës, ndërkohë që janë plotësuar edhe shërbimet e nevojshme për pushuesit.

    Besmir Frroku, administrator i shoqërisë “Lezha Invest” tregon krahas tabelave informuese në hapësirat publike janë vendosur edhe rojet bregdetare, tualetet dhe kufizueset në det.

    Të gjitha këto reflektohen në cilësinë e pushimeve të atyre që kanë zgjedhur të verojnë në plazhet e Lezhës.

    Ndërkaq Task-forca vazhdon çdo ditë monitorimin në terren, për të mos lejuar zaptimin e paligjshëm të plazheve nga privatët.

    Plazhet publike në Velipojë 

    Velipoja, këtë vit ka më shumë hapësira publike për pushuesit. 34 parcela per plazhe publike në plazhin e Velipojës. 55 leje shfrytëzimi për privatin. Sakaq, në zonën e Vilunit, po vijon aksioni për lirimin e hapësirave publike për pushuesit.

    Bekim Mema – Drejtor i Planifikimit Strategjik Bashkia Shkodër tha se: Kemi vendosur pedanë, kufizues, po pastrojmë rërën. Ka përmirësim të dukshem që vjen si pasojë e ligjit të ri. Një pushues ka tre mundësi zgjedhje, plazh publik me pagesë, plazh publik të menaxhuar nga bashkia me pagesë mungesë, ose të shijojë hapesirën e lirë me çadrat e tyre.

    Menaxhimi i duhur i një plazhi publik nuk kërkon vetëm çadra e shezlongë por edhe dushe e tualete të cilat mungojnë. Ankesa ka edhe për mbajtjen pastër të hapësirave publike në Velipojë.

    Plazhet publike në Durrës

    Lëmë kryeqendrën e veriut për të shkuar në plazhet më të frekuentuara të Durrësit. Vija bregdetare e Durrësit është 42 km e gjatë dhe shtrihet nga Kepi i Rodonit deri te Derdhja e Përroit të Agait në kufi me Golemin. Në total janë 128 hapësira për plazhe publike.

    Në këtë vijë bregdetare gjenden 6 plazhe sikurse janë Plazhi “Shetaj, Plazhi “Gjiri i Lalëzit”, “Katundi i Ri”,” Plazhi i Currilave”, Plazhi i Madh i Durrësit” dhe ai i “Shkëmbit të Kavajës”.

    Në këto plazhe është vendosur ndarja 70 % me 30% e kësaj hapësire në favor të privatit.

    Oltsen Gripshi, Kordinatori i Task Forcës në Durrës sqaron hapësirat publike në këto plazhe: “Në Plazhin “Shetaj” janë në funksion të publikut 4 hapësira, në “Gjirin e Lalzit” 11 hapësira, në “Katundin e Ri” 17 hapësira, në “Currila” 10 hapësira, në Plazhin e madh të “Durrësit” 52 hapësira, te “Shkëmbi i Kavajës 34 hapësira”.

    Secili nga plazhet është pasqyruar edhe në harta ku përcaktohet tipologjia e tyre.

    Në hapësirën e verdhë janë plazhet publikë të menaxhuara nga bashkia ku mund të qëndroni me një tarifë ekonomike. Në hapësirën e kuqe janë plazhet e menaxhuara nga investitorë strategjikë, në hapësirën bojëqielli janë plazhe që menaxhohen nga privatë të cilët kanë një kontratë 5 vjeçare me institucionet shtetërore, ndërsa në hapësirën e gjelbër janë plazhet publikë pa asnjë pagesë.

    Plazhi i madh i Durrësit është më i frekuentuari nga stacioni i parë e deri tek Shkëmbi i Kavajës. Për herë të parë edhe këtu nuk shpenzon më për të marrë rreze e për t’u larë në det. Kudo gjenden zona të dedikuara ku tabelat informojnë se janë hapësira publike. Edhe në këtë plazhe të Durrësit vlerësimi më i madh jepet për shtimin e hapësirave publike.  Rregullorja e re e miratuar nga Këshilli i Ministrave për ushtrimin e veprimtarisë së stacioneve të plazhit nuk është e zbatuar plotësisht. Diku ka dushe, diku tjetër jo, hapësirat dedikuar personave me aftësi të kufizuar është nuk ekziston askund, tualetet gjithashtu.

    E sigurtë në këtë sezon veror deri më tani është hapësira publike në çdo plazh të Durrësit e jo vetëm. Vëzhgimi ynë vazhdon më tej, drejt Vlorës.

    Në Zvërnec, në plazhin e vjetër, në Orikum dhe zona të tjera pranë detit ka plazhe publike. Por qytetarët ankohen se nuk janë të pastër. Nga pikat e rregullores vetëm të qëndruarit falas është zbatuar,

    Plazhet publikë të Himarës

    Vëzhgimin e shtrijmë drejt plazheve më lakmuara nga të gjithë gropmoshat, në bashkinë Himarë. Gjatë një inspektimi të ministres së turizmit dhe mjedisit, Mirela Kumbaro, kryebashkiaku Vngjel Tavo tha se në plazhet publike të Himarës do të vendsen çadra pa pagesë.

    “Për sa i përket plazheve publike, jemi gati në raportin 50 me 50%. Në plazhet publike të Himarës do të vendosim 250 çadra të bashkisë të cilat do të jenë falas për pushuesit”.

    Për pushuesit shqiptarë por edhe të huaj pastërtia, vendosja e rojeve bregdetare janë kushte që nuk duhen anashkaluar. Megjithatë risia e të pushuarit pa paguar shtrenjtë në plazhe të tilla si ai i Dhërmiut e shumë gjireve të preferuara ndodh për herë të parë që nga koha kur këto zona ishin të virgjëra.

    Plazhet publike të Ksamilit e Sarandës

    Vazhdojmë udhëtimin drejt plazhit që ka marrë vëmendjen e medieve më prestigjoze ndërkombëtare, Ksamilit. Nuk është më e nevojshme të shpenzosh 20, 50 apo 100 euro e sipër për shezlongë e çadra.

    Janë lënë për herë të parë hapësira të konsiderueshme për plazh publik. Konkretisht, në zonën ikonike përballë tre ishujve, është përcaktuar një hapësirë prej 900 metra katrorë, ku pushuesit mund të vendosin çadrën dhe peshqirin e tyre mbi rërën e imët, duke shijuar detin pa pagesë.

    Gjithashtu, në plazhin Paradiso, një tjetër zonë mjaft e frekuentuar, është përcaktuar një hapësirë publike prej 2,000 metra katrorë, e aksesueshme për të gjithë.

    Në total Ksamili ka 24 hapësira publike të vendosura ndërmjet plazheve private, ku pushuesit janë të lirë të vendosin pajisjet e tyre pa paguar asnjë tarifë.

    Edhe në qytetin e Sarandës, plazhet kryesore janë tërësisht të hapura për publikun. Plazhi i Centralit dhe Plazhi i Ri, të cilët ndodhen përgjatë gjirit qendror të qytetit, janë lënë plazhe publike, ku pushuesit mund të vendosin çadrat dhe peshqirin e tyre pa pagesë.

    Në total në Sarande janë 17 hapësira publike.  Në plazhin e madh, në shëtitoren e Sarandës është ngritur kulla e vrojtimit ku shërbejnë vëzhguesit e plazhit, duke garantuar siguri për pushuesit e çdo moshe.

    Nëse kthejmë kokën pas, sezoni veror për shqiptarët niste me çadrën me vete, një top e ushqimi i përhershëm, bukë me djathë e shalqi.

    Plazhi ishte vendi i lojrëva, nxirjes, shtrirjes në rërë e larjeve të gjata në det. Prej afro 30 vitesh kjo rutinë si shumëçka tjetër u zhduk, por për ata që kanë jetuar atë kohë, e dinë mirë se rikthimi i hapësirave publike nuk është largim nga luksi por mundësi për të  të shijuar det e diell si kura më e mirë më mendjen dhe trupin.

  • Kumbaro në Himarë, takohet me turistët: Këtë vit më shumë plazhe publike

    Kumbaro në Himarë, takohet me turistët: Këtë vit më shumë plazhe publike

    Ministrja e Turizmit dhe Mjedisit Mirela Kumbaro ka vijuar inspektimet në plazhet e bregdetit Jon ku në bashkinë Himarë, pas aksioneve për lirimin e plazheve, hapësirat publike pothuajse janë dyfishuar. Kumbaro u ndalua gjatë inspektimit nga një pushues shqiptar, që kishte ardhur bashkë me të fejuarën italiane, vjehrrin dhe vjehrrën për të shijuar plazhet dhe bukuritë e bregdetit shqiptar.
    I riu u prezantua me emrin Raul dhe gjatë bisedës shprehu kënaqësinë që këtë vit ka më shumë plazhe publike në dispozicion të pushuesve, në dallim nga vitet e kaluara.

    “Ka më shumë plazhe publike sivjet. Ti mund ta vendosësh peshqirin apo shezlongun jo vetëm në plazhe publike, por edhe në plazhet private në buzë të detit sepse është e lejuar. Askush nuk do të të ndalojë”, tha Kumbaro. Ministrja u shpreh se fjalët e mira të pushuesve përtej kënaqësisë, shtojnë edhe me shumë përgjegjësinë për këtë sezon turistik.
    Gjatë inspektimit në plazhet e Himarës, ministrja kërkoi nga të gjithë administratorët e plazheve private të respektojnë distancën 2.5-3 metra buzë detit si hapësirë publike, si dhe koordinim mes bashkisë dhe Agjencisë Kombëtare të Bregdetit për mirëmbajtjen dhe pastrimin e plazheve publike.

  • Izraelitët “harrojnë” luftën, “pushtojnë” plazhet e Tel Avivit! Flasin për TCH: Shpresojmë të na shpëtojë Trump!

    Izraelitët “harrojnë” luftën, “pushtojnë” plazhet e Tel Avivit! Flasin për TCH: Shpresojmë të na shpëtojë Trump!

    Vendosja e armëpushimit më Iranin çliroi mendjet dhe zemrat e izraelitëve.

    Në pamjet e siguruara nga korrespodenti i Top Channel, Artur Bibe, shihen plazhet e Tel Avivit, të cilat janë mbushur plot me njerëz që duan t’i rikthehen sa më parë normalitetit.
    Ata shprehen për TCh se janë të lumtur që lufta përfundoi dhe bën thirrje për paqe.
    Si është situata tani?
    “Tani lufta mbaroi. Jemi shumë të lumtur! Siç e shihni po shkojmë në plazh. Shpresojmë që Trump të na shpëtojë”, shprehet një banor i Tel Avivit.
    “Urojmë që të shohim dritën në fund. Të gjithë erdhëm në shtëpi sa më shpejt që ishte e mundur. Paqe, paqe për të gjithë”, tha një izraelite.
    Izraeli e nisi befas ofensivën ajrore  më 13 qershor, duke sulmuar centralet bërthamore të Iranit, që mohon me forcë se po bën përpjekje për ndërtimin e armëve bërthamore. Republika Islamike u kundërpërgjigj me breshëri raketash mbi objektet ushtarake dhe qytetet izraelite. Autoritetet iraniane thanë se 610 njerëz u vranë në vendin e tyre nga sulmet izraelite dhe 4.746 u plagosën. Bombardimet hakmarrëse nga Irani vranë 28 vetë në Izrael.

    Top Channel

  • Gjipe dhe Grama në listën e 50 plazheve më të mira të Evropës

    Gjipe dhe Grama në listën e 50 plazheve më të mira të Evropës

    Vlerësimi vjen nga një ekip me mbi 1000 profesionistë udhëtimesh
    Dy nga plazhet më të bukura dhe autentike të Rivierës Shqiptare, Gjiri i Gramës dhe ai i Gjipesë janë renditur në listën prestigjioze të 50 plazheve më të mira në Evropë për vitin 2025. Ky vlerësim është rezultat i një procesi përzgjedhjeje që përfshin rreth 1000 profesionistë udhëtimesh, “ambasadorë” të njohur plazhesh dhe një juri të specializuar ndërkombëtare.

    Gjiri i Gramës është renditur në vend të 12, ndërsa Gjipe në vend të 30 duke kaluar madje edhe disa prej destinacioneve më në zë në brigjet e Spanjës, Italisë, Greqisë apo Francës, të cilat prej vitesh kanë kryesuar preferencat e vizitorëve nga e gjithë bota.
    Kjo përzgjedhje realizohet çdo vit nga “The worlds 50 best beaches”, një nga platformat më të njohura globale për renditjen e plazheve, së cilës i referohet vazhdimisht edhe vetë Forbes.Për t’u renditur në këtë listë plazhet duhet të plotësojnë disa kritereqë lidhen kryesisht me natyrën, qetësinë dhe përvojën e përgjithshme që ato ofrojnë. Kriteri kryesor është që plazhi të jetë unik, me një peisazh që dallohet nga të tjerët, autentik, larg zonave të mbipopulluara, larg zhurmës, i paprekur, ideal për të forcuar lidhjen me natyrën dhe padyshim me pamje mbresëlënëse.
    Profesionistët që votojnë plazhet duhet të bëjnë një përshkrim bindës që më pas vlerësohet nga ambasadorët e plazheve dhe ekspertët ndërkombëtarë, të cilët e bëjnë renditjen bazuar në kriteret e lartpërmendura.
    Gjiri i Gramës që është bërë pjesë e kësaj liste prestigjioze është një nga perlat e bregdetit të Jonit. Këtu deti hyn mes masiveve shkëmbore duke krijuar një plazh fantastik ku bie në sy uji kristal i pastër me një kombinim unik ngjyrash. Ndërsa Gjiri i Gjipesë nga ana tjetër është i vendosur në hyrje të një kanioni spektakolar duke u bërë simbol i ekoturizmit dhe aventurës në Shqipëri. Me akses si nga bregu ashtu edhe nga shtregu, ky gji ofron pamje mahnitëse dhe një natyrë gati të virgjër, shumë pak të eksploruar.
    Përfshirja e këtyre dy gjireve në këtë renditje dëshmon edhe njëherë se Shqipëria është një vend që ofron vlera të paçmueshme natyrore dhe po hyn gjithnjë e më shumë në listën e destinacioneve elitare të Mesdheut, kjo falë natyrës së bukur, infrastrukturës gjithnjë e në përmirësim si dhe projekteve ambicioze.