Lajmidites.com

Tag: plazhet

  • I dështoi sezoni turistik/ Rama: Do llafosemi në shtator

    I dështoi sezoni turistik/ Rama: Do llafosemi në shtator

    I rehatuar në plazhet e jugut ku pret e percjell miqtë e tij në vilat shtetërore, Edi Rama ka bërë një “live” në Facebook, mëngjesin e kësaj të diele kur është përpjekur të justifikojë banditizmin e aksionit për lirimin e hapsirave publike.

    Ku me përqeshje ndaj komentuesve e ku me mashtrime Rama se aksioni ishte i domosdoshëm dhe duke hequr përgjegjësinë e qeverisë së tij për lënien e zaptimit të këtyrë hapsirave, ai nuk ka mundur dot të japë një shpjegim se pse pushteti i tij është i paaftë të prekë ata që bëjnë pallate pa leje mbi kulla, dhe është mjaftuar më retorikë, “ato kate pa leje do i marrë shtetit”.

    Por ajo që është më interesante gjatë zdërhalljes së sabahut të Ramës është se ai për herë të parë ka pranuar indirekt se turizmi në Shqipëri është në rënie të lirë, por jo nga fadromat që shpërndau në zonat turistike në kulmin e sezonit, por për arsye të tjera.

    Propaganda turistike i është shkërmoqur, mosardhja e turistëve të huaj për shkak të shkatërrimit të bregdetit me investitorët strategjike, pamundësi e shqiptarëve për të frekuentuar plazhet prej varfërisë ku i ka zhytyr qeverisja e tij, mungesa totale e infrastrukturës bazike për turistët si uji, dritat, pastërtia, për Ramën janë gjëra që, “do llafosemi në shtator”.

    Në pamundësi për të mbrojtur propagandën e deritanishme më turizmin, ka premtuar një çmenduri tjetër që nuk dihet se sa do u kushtojë shqiptarëve përsëri, një “Rilindje urbane 2.0”, kur dihet fare mirë që u hodhën miliarda euro për rilindjen e parë urbane dhe të gjitha qytetet e Shqipërisë u dizenjuan me pllaka shesheve sipas shijeve të tij, por që ndikimi në jetën e banorëve të atyrë zonave ishte zero.

    Deklarata e Ramës për dështimin e turizmit:

     “Rilindja urbane 2.0 është një projekt që do vijë për 4 vjet. Nuk e linim dot për në dimër. Çështja e turistëve lidhet me gjërat e tjera për të cilat do të llafosemi shumë afër dhe shumë qartë në shtator. Një pjesë e industrisë po mendon për kap ça të kapësh sot. Do të marrim masa radikale për plazhet vitin e ardhshëm, shkundja e bashkive sot është për një të ardhme më të mirë nesër”, tha Rama.

  • “Do marrim masa drastike me plazhet”, Rama: Bizneset po i bëjnë gropën vetes

    “Do marrim masa drastike me plazhet”, Rama: Bizneset po i bëjnë gropën vetes

    Kryeministri Edi Rama komentoi në një komunikim me ndjekësit në rrjetet sociale rënien e shifrave të turizmit në këtë sezon në vendin tonë.
    Teksa fliste për aksionin e lirimit të hapësirave publike dhe kritikave pse ky aksion zhvillohej në kulmin e sezonit, Rama theksoi se çështja e turistëve nuk lidhet me këtë aksion, por me sjelljen e disa sipërmarrësve në industri.
    “Rilindja urbane 2.0 do vazhdojë për 4 vjet, nuk është një aksion veror, është një proces. Çështja e turistëve nuk lidhet me këtë , por me 2-3 gjëra të tjera për të cilat do të flasim gjerësisht në shtator. Duke filluar nga një pjesë e industrisë që nuk po mendojnë fare strategjikisht, kap ça të kapësh sot, por po i bën gropën vetes për nesër. Nëse sot vendos çmime të cilat do të hapin me shumë shpejtësi fjalën që është shumë shtrenjtë në Shqipëri… Do marrim masa radikale me plazhet vitin tjetër, bashkitë do marrin shumë më shumë”, tha Rama.

  • Rebelimi italian, plazhet private shohin rënie të vizitorëve, çmimet e larta shtyjnë turistët drejt plazheve publike dhe maleve

    Rebelimi italian, plazhet private shohin rënie të vizitorëve, çmimet e larta shtyjnë turistët drejt plazheve publike dhe maleve

    Këtë verë, pushuesit italianë po ndryshojnë traditën e tyre të pushimeve, duke u larguar nga plazhet private për shkak të çmimeve të larta dhe situatës ekonomike. Sipas të dhënave, vendpushimet private kanë regjistruar një rënie të ndjeshme të numrit të vizitorëve, me 15% dhe 25% në qershor dhe korrik, krahasuar me vitin 2024. Kjo situatë ka ndezur një debat të gjerë mbi kostot e pushimeve dhe të drejtën për plazhe të lira.
    Sipas shoqatës së konsumatorëve Altroconsumo, kostoja mesatare e qirasë për një shezlong është rritur me 17% krahasuar me katër vjet më parë. Nxjerrja e dy shezlongëve dhe një çadre në rajonin e Lacios kushton rreth 30 euro në ditë, ndërsa në vendpushime si ai i Galipolit në Puglia, çmimi arrin deri në 90 euro.
    Presidenti i shoqatës së klubeve të plazhit, Fabrizio Licordari, ia atribuon rënien e numrit të pushuesve kostos së lartë të jetesës, duke theksuar se familjet po i shkurtojnë shpenzimet për argëtimin dhe pushimet. Nga ana tjetër, shoqata e konsumatorëve Codacons akuzon pronarët e koncesioneve se po “derdhin lot krokodili” dhe se shkuarja në plazh është kthyer në një luks të papërballueshëm.
    Aktori i njohur, Alessandro Gassmann, e thelloi debatin duke ndarë në Instagram një foto të plazheve me shezlongë të zbrazët dhe duke bërë thirrje për uljen e çmimeve.
    Ndërkohë, ndërsa plazhet po humbasin vizitorë, zonat malore, si Dolomitet, po përjetojnë një bum turizmi. Sipas gazetës italiane Il Messaggero, gjithnjë e më shumë italianë po zgjedhin malet, jo vetëm për arsye ekonomike, por edhe për të shpëtuar nga temperaturat e larta të shkaktuara nga ndryshimet klimatike. Ky trend i ri sugjeron një ndryshim të madh në preferencat e pushimeve verore të italianëve, me një kthim nga kultura tradicionale e detit drejt maleve. Theguardian

  • Ksamili në kulmin e sezonit turistik, gushti sjell fluksin më të lartë të pushuesve

    Ksamili në kulmin e sezonit turistik, gushti sjell fluksin më të lartë të pushuesve

    Ditët e muajit gusht e kanë kthyer Ksamilin në një nga destinacionet më të frekuentuara të bregdetit shqiptar.

    Plazhet janë të mbushura që herët në mëngjes nga pushues vendas dhe të huaj, të cilët zgjedhin këtë zonë për ujin kristal, peizazhin natyror dhe klimën relaksuese. Kulmi i sezonit ka sjellë një atmosferë të gjallë dhe ritëm të lartë në çdo cep të vendit .

    Në krahasim me vitet e kaluara, Ksamili ka pësuar ndryshime të dukshme në infrastrukturë dhe në cilësinë e shërbimeve turistike. Rrugët janë asfaltuar, hapësirat publike janë sistemuar dhe plazhet janë më të organizuara shprehen pushuesit

    Pushuesit vlerësojnë pozitivisht përmirësimet në infrastrukturë dhe mikpritjen në Ksamil, ndërsa shprehen se zona po i afrohet gjithnjë e më shumë standardeve europiane të turizmit. Ky zhvillim jo vetëm rrit cilësinë e përvojës turistike, por ndikon drejtpërdrejt edhe në ekonominë e zonës, duke i dhënë gjallëri jetës lokale gjatë sezonit veror.

  • Blendi Fevziu alarmohet nga plazhet bosh në jug: Mblidhni mendjen, me keto çmime të çmendura Shqipëria nuk justifikon shërbimin…

    Blendi Fevziu alarmohet nga plazhet bosh në jug: Mblidhni mendjen, me keto çmime të çmendura Shqipëria nuk justifikon shërbimin…

    Dy ditë më parë, gazetari i njohur Blendi Fevziu, ka folur nga Palasa, ku përmes një video të publikuar në “Facebook”, ka ngritur alarmin për braktisjen e plazheve të jugut nga turistët.
    Fevziu shprehet se, plazhet janë boshatisur dhe turizmi i plazheve është nën nivelin e pritshmërive.

    Sipas tij, një ndër arsyet kryesore është ulja e numrit të vizitorëve nga Kosova, Maqedonia e Veriut dhe Mali i Zi.

    “Dështimi i këtij viti kanë qenë plazhet. Po pse kanë dështuar plazhet? E para dhe kryesorja, nëse referojmë të dhënat e INSTAT, 54% e turizmit vjetor përbëhet nga shqiptarët e Kosovës dhe Maqedonisë dhe më pak të Malit të Zi. Po ashtu një pjesë turistësh që e çojnë në 68% numrin e turistëve që hyjnë në rrugë tokësore, ky lloj turizmi ka pësuar rënie. Shqiptarët e Kosovës janë dukshëm më pak të pranishëm, madje edhe në veri dhe Durrës. Janë shumë pak të pranishëm në jug ku është shtuar turizmi i shqiptarëve të diasporës”, shprehet Fevziu.
    Gjithashtu, Fevziu fajëson çmimet e larta për këtë braktisje, duke thënë se çmimet në jug të vendit, janë “të çmendura” dhe ideja për të tërhequr turistët elitarë, është e gabuar, pasi shërbimi nuk përputhet me çmimin dhe turistët elitarë nuk afrohen.
    Si shembull, Fevziu përmend faktin se turistët elitarë nuk kanë ku dalin mbrëmjeve, apo nuk kanë ku parkojnë jahtet, pra mungon infrastruktura.
    “Duhet ta mbushim mendjen, problemi kryesor i turizmit dhe dëmtimi më i madh janë çmimet. Nuk paragjykoj askënd të vendosë çmimin që do, për shezllonë, dhomën apo restorantin. Çmimi është ofertë-kërkesë, por ka një problem, me çmimet që ka Shqipëria nuk justifikon shërbimin. Në veri çmimet janë ngritur por pak, edhe në Durrës edhe në Velipojë, por janë ngritjet më të ulëta. Çmimet e jugut janë të çmendura!
    Dëgjoj njerëz që thonë, po sa e merrni në Mykonos, Saint-Tropez, Monte Carlo, Sardinia, Porto Cervo. Jugu i Shqipërisë pavarësisht bukurive, nuk mund të jetë asnjë prej këtyre, sepse nuk ka shërbime, nuk ofron asgjë. Dëgjoj operatorë turistikë të dalldisur, që thonë nuk na duhet turizmi i lirë, por duam turizëm elitar. Po mirë, këta turistë elitarë ku do të shkojnë pasdite? Në cilin dyqan? Ku do ti parkojnë jahtet apo varkat e tyre? Apo do të rrinë në det me spirancë? Ku janë aeroportet që do të ulen avionët? Ku ka turist elitar që vjen dhe të mos ketë, me përjashtim të dy hoteleve me pesë yje të standardit ndërkombëtar…”, thotë Fevziu i alarmuar.
    Ai jep edhe një shembull se si disa njerëz të pasur nga Evropa, zbritën nga jahti për të bërë plazh në Vlorë, por sapo panë plazhin u kthyen sërish në jaht.
    “Para ca kohësh nga një jaht në Vlorë zbriti një nga familjet më të pasura të Evropës. Me të zbritur me jaht dhe me të parë plazhin, hipën në varkë dhe ikën sërish. Mos pretendoni turistë elitarë, nuk është gati Shqipëria dhe nuk do të jetë as në dhjetë vitet e ardhshme”, tha ndër të tjera Fevziu.

  • REL: Ukrainasit mbushin plazhet e Odesës, pavarësisht sulmeve ruse

    REL: Ukrainasit mbushin plazhet e Odesës, pavarësisht sulmeve ruse

    Bota E Shtunë, 2 Gusht 2025 19:53
    Për ukrainasit që jetojnë vazhdimisht nën kërcënimin e luftës, kënaqësitë e zakonshme në kohë paqeje, sikurse pushimet verore, janë të parezistueshme. Prandaj mijëra persona guxojnë të rrezikojnë dhe t’iu ekspozohen sulmeve ruse, teksa e bëjnë një vizitë në Odesa, qytetin bregdetar në Detin e Zi. Qyteti është goditur nga dronët rusë, mirëpo vizitorët ukrainas besojnë se rreziqet nuk janë më të mëdha sesa ato me të cilat përballen nëpër shtëpitë e tyre. “Ne jemi nga Harkivi, jemi mësuar me këtë situatë”, ka thënë një turiste e re për televizionin Current Time. “Goditemi çdo ditë, e kemi ditur që mund të jetë rrezik, por na duhet një pushim”.
    Të tjerë pajtohen se stresi i luftës sa shkon e rritet, prandaj kanë nevojë për ta hequr mendjen nga ajo situatë – sidomos prindërit me fëmijë të vegjël. “Është hera e parë që jemi këtu, prej vitit 2022. Fëmijët kanë nevojë për pushim. Ka luftë, por fëmijëria e tyre nuk do të zgjasë përgjithmonë. Duhet të kalojnë momente të lumtura”, ka thënë një baba. Plazhet e Odesës janë të stërngarkuara nga pushuesit dhe shitësit lokalë që ofrojnë ballkava, misër të zier dhe karkaleca të Detit të Zi.

    Hotelet brenda qendrës historike në qytetin e Odesas, zonë e mbrojtur nga UNECSO-ja, kanë kërkesa të mëdha. Një menaxhere hoteli, Iryna, ka thënë se vitin e kaluar kanë regjistruar rekord vizitorësh në qytet, dhe shifra e këtij viti mund të jetë edhe më e madhe. Por, aty ka edhe rregulla për t’i siguruar mysafirët nga sulmet e mundshme ajrore. “Fillimisht, nuk duhet injoruar alarmet e sirenave. E dyta, gjithmonë duhet ditur ku janë qendrat e strehimit. Këto veprime ua ruajnë jetën”, ka thënë Iryna.

    “Dhe e treta, jeni miqësor dhe të lumtur, sikurse kanë qenë gjithmonë njerëzit në Odesa”. Shumë hotele i kanë ndërtuar qendrat e tyre të strehimit, përveç qendrave publike që janë të instaluara në plazhet e qytetit, ku mund të shkojnë pushuesit në rast të ndonjë alarmi. Punëtorët e emergjencave janë vazhdimisht të angazhuar në kërkim të minave, sipas Marina Lozovenkos, zyrtare e qytetit.
    “Para se të nisë sezoni, zhytësit bëjnë kërkime në zonë, në det dhe në rërë”, ka thënë ajo. “Çdo muaj ata bëjnë inspektime. Nuk e dimë se çfarë mund të ketë hedhur armiku kundër nesh”. Më 19 korrik, është raportuar për një sulm të madh rus në Odesa, duke vrarë një person dhe duke hapur zjarr në shumë ndërtesa banimi. Makinat e djegura shihen ende nëpër rrugë. Një banore që jeton në afërsi, e ka përshkruar ndryshimin që pëson qyteti nga ora në orë.
    “Këtë vit, Odesa shndërrohet në Monako gjatë ditës, ndërsa në Afganistan gjatë natës”, ka thënë ajo. “Nuk e kuptoj përse vijnë njerëzit. Ata e shohin që goditemi çdo natë dhe çdo ditë. Por, ata vazhdojnë të vijnë. Plazhet janë të mbushura”. Mirëpo, disa të tjerë në industrinë e turizmit e shohin fluksin e madh si simptomë të natyrshme të lodhjes së madhe të ukrainasve nga lufta. Iryna, menaxhere hoteli, beson se njerëzit janë lodhur nga ndjenja e frikës. “Presioni psikologjik është i patolerueshëm. Duhet të vazhdojmë të jetojmë. Çfarë mund të bëjmë tjetër?” /Përgatiti: Krenare Cubolli/-REL/

  • “Nuk mbahen” vajzat në Ksamil, “tërbohen” pushuesit në plazh (Video)

    “Nuk mbahen” vajzat në Ksamil, “tërbohen” pushuesit në plazh (Video)

    Duket se pushuesit po “dhurojnë” skena gjithnjë e më të pahijshme në plazhet shqiptare.
    Një qytetar ka dërguar për JOQ një video, ku shfaqen disa disa vajza të reja teksa sillen në mënyrë provokuese me njëra-tjetrën pranë pushuesve, mes tyre edhe fëmijë të mitur.
    Sipas denoncuesit, pamjet janë filmuar në një plazh të Ksamilit më 21 korrik, rreth orës 19:00.

    Denoncuesi thotë se nuk kuptohej nëse vajzat ishin shqiptare apo të huaja, por sjellja e tyre është konsideruar nga ai si jashtë çdo norme shoqërore dhe një “spektakël” i panevojshëm në një ambient publik familjar.
    Ai e quan këtë emancipim të rremë dhe e përshkruan me ironi situatën, duke përfunduar me një mesazh të qartë për realitetin që po krijohet në plazhet shqiptare.
    Kjo ngjarje vjen në një periudhë kur Ksamil, një prej destinacioneve më të frekuentuara të verës, po përballet shpesh me debate për sjelljet e pushuesve, zaptimin e hapësirave publike, si dhe mungesën e etikës në ambiente të përbashkëta.
    “Kaq shumë janë emancipuar plazhet e Ksamilit që kemi arritur deri në këtë pikë? Tek një plazh në Ksamil edhe pse ka minoren këto zonjushat japin spektakël. Hajde Shqipëri hajde… Lum si ne e lum si ti Shqipëri moj Shqipëri….. Video është bërë në dt 21 Korrik ora 19:00. Nuk kuptohej a ishin shqiptare apo të huaja pasi vetëm qeshnin dhe lepiheshin me njëra-tjetrën. Nejse kaq kisha unë.” – shkruan denoncuesi.

  • Plazhet sekrete të Europës për të zbuluar këtë verë

    Plazhet sekrete të Europës për të zbuluar këtë verë

    Nëse jeni lodhur nga turmat dhe çmimet e larta, ja disa parajsa bregdetare larg syve të publikutNdërsa plazhet me famë si Malaga, St. Tropez apo St. Ives mbeten destinacione klasike të verës, ato gjithashtu sjellin me vete radhë për shezlongë, fotografi të njëjta në Instagram dhe shumë njerëz që konkurrojnë për një hapësirë nën diell. Por këtë vit, sipas platformës së udhëtimeve Hellotickets, luksi i vërtetë është privatësia.Playa de GulpiyuriPër të ndihmuar udhëtarët që kërkojnë qetësi dhe natyrë të paprekur, Hellotickets publikoi listën e 10 plazheve më të izoluara për të vizituar në Europë gjatë verës. Të aksesueshëm vetëm me varkë, makinë 4×4 apo ecje të gjatë, këto vende janë larg rrugëve të zakonshme turistike, por ofrojnë bukuri të rrallë.Në krye të listës është Playa de Saleccia në bregun verior të Korsikës, në mes të shkretëtirës së Agriates. Me rërë të bardhë dhe gjire të fshehura, uji i kristaltë është ideal për zhytje, dhe hapësira e bollshme ju lejon të shtriheni pa u shqetësuar nga fqinjët. Megjithatë, është mirë të merrni me vete ushqim, ujë dhe krem dielli, pasi plazhi nuk ka shumë hije apo shërbime.Në vendin e gjashtë, plazhi Seixal në Madeira ofron një pamje krejt ndryshe: rërë e zezë vullkanike dhe ujëra të kaltërta të rrethuara nga shkëmbinj të gjelbër. Nga aty mund të eksploroni edhe pyllin Laurissilva përmes shtegut të ecjes që kalon pranë një shtëpie guri, dikur strehë gjatë Luftës së Dytë Botërore. Plazhi ofron edhe dushe, kajakë me qira dhe një bar për freskim.MadeiraNëse doni më shumë aktivitete, provoni Golden Beach në ishullin Paros të Greqisë. Plazhi ofron shezlongë, çadra dhe ture zhytjeje për të eksploruar shpellën Panderonisi. Për aventurierët, është edhe një nga vendet më të mira për sporte si windsurf dhe kitesurf. Pas aktiviteteve, mund të shijoni një vakt në restorantet buzë detit.ParosLista e plotë e plazheve sekrete të Europës për verën 2025:Playa de Saleccia, Korsikë, FrancëPlaya Gulpiyuri, Asturias, SpanjëPraia da Marinha, Algarve, PortugaliCala Goloritzé, Sardenjë, ItaliElafonissi Beach, Kretë, GreqiSeixal Beach, Madeira, PortugaliGolden Beach, Paros, GreqiKleopatra Beach, Alanya, TurqiRamla Bay, Gozo, MaltëLuskentyre Beach, Harris, SkociNë këto vende, verën mund ta shijoni në paqe, me natyrë të egër, ujëra të kthjellta dhe qetësinë që plazhet më të njohura nuk mund ta ofrojnë. / Time Out, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Nga Spanja në Shqipëri: pushime të lira, për çdo stinë dhe shije

    Nga Spanja në Shqipëri: pushime të lira, për çdo stinë dhe shije

    Në një kohë kur çmimet e udhëtimeve po rriten dhe buxhetet e pushimeve janë gjithnjë e më të kufizuara, gjetja e një destinacioni të përballueshëm është kthyer në një sfidë për shumë turistë. Por një artikull i së përditshmes britanike “Independent”, me autore Sarah Marshall, vjen në ndihmë me pesë sugjerime të vlefshme për pushime buxhetore në vitin 2025. Nga plazhet e arta të Spanjës, deri te peizazhet magjepsëse të Shqipërisë, këto destinacione po tërheqin gjithnjë e më shumë vizitorë, veçanërisht ata që kërkojnë eksperienca autentike, larg turmave dhe çmimeve të kripura.Shqipëria: Vendi më i mirë për aventuraQoftë duke shëtitur nëpër rrugët me kalldrëm, duke zbuluar majat e maleve apo duke notuar në ujërat e kaltra të shndritshme, Shqipëria ka një ngjashmëri të madhe me fqinjën e saj elegante përtej detit Adriatik.Por krahasuar me Italinë, plazhet janë më të qeta, vendet e fshehura janë më të shumta dhe çmimet janë dukshëm më të lira.I specializuar në udhëtime për turistë 18-35 vjeç, “Contiki” është operatori i parë turistik për të rinj që ofron udhëtime në të gjithë vendin ballkanik.Mësoni rreth të kaluarës përmes arkitekturës osmane, fashiste dhe sovjetike të kryeqytetit, Tiranës, ecni në shtigjet që të çojne në Parkun Kombëtar të Valbonës dhe relaksohuni në plazhet e arta të Rivierës Shqiptare.Udhëtimi tetëditor kushton 1,025 euro për person, duke përjashtuar fluturimet.“Independent” rendit vendet më të mira për t’u vizituar në vitin 2025 – për pushime të përballueshme:1. Vendi më i mirë për aventura: Shqipëria2. Vendi më i mirë për plazhet: El Gouna, Egjipt3. Vendi më i mirë për familjet: Galicia, Spanjë4. Vendi më i mirë për ski: Voss, Norvegji5. Vendi më i mirë për natyrën: Bosnjë-Hercegovinahttps://www.independent.co.uk/travel/news-and-advice/best-cheap-holidays-spain-albania-flights-b2797926.html

  • “Pushime autentike dhe me buxhet të përballueshëm”/ “Travel and Tour” promovon Shqipërinë: Sekreti i Mesdheut, i njohur për plazhet e pastra dhe kulturën e pasur

    “Pushime autentike dhe me buxhet të përballueshëm”/ “Travel and Tour” promovon Shqipërinë: Sekreti i Mesdheut, i njohur për plazhet e pastra dhe kulturën e pasur

    E vendosur në cepin juglindor të Evropës, Shqipëria ofron një ndërthurje të bukurisë natyrore magjepsëse, kulturës së pasur lokale dhe çmimeve të përballueshme, që kohët e fundit ka filluar të tërheqë vëmendjen e turistëve, në kërkim të përvojave autentike evropiane, sipas “Travel and Tour World”.

    Me një vijë bregdetare që shtrihet përgjatë deteve Adriatik dhe Jon, rajoni jugor i Shqipërisë, i njohur si Riviera Shqiptare, është një parajsë.
    Këtu, turistët do të gjejnë ujëra të kristalta, plazhe të pastra dhe një atmosferë të qetë, pa turma vizitorësh apo çmime të larta si në destinacionet e tjera të njohura mesdhetare.
    Vend i përballueshëm dhe i arritshëm
    Një nga aspektet më joshëse të vizitës në Shqipëri është përballueshmëria e saj. Ndryshe nga vendet e tjera mesdhetare si Bregu i Amalfit ose Santorini, Shqipëria ofron çmime shumë më të ulëta për akomodim, ngrënie dhe aktivitete të tjera.
    Një natë në një shtëpi mysafirësh ose në një hotel të vogël, zakonisht kushton midis 20-30 euro. Të ngrënit jashtë është po aq lirë. Një vakt tipik në një restorant lokal, duke përfshirë ushqime të freskëta deti, sallatë dhe një pije, mund kushtojë rreth 10–15 euro. Edhe një birrë freskuese pranë plazhit kushton rreth 1–1,50 euro.
    Zhvillimi i infrastrukturës
    Infrastruktura e Shqipërisë është përmirësuar, vitet e fundit për të mbështetur numrin në rritje të turistëve që vizitojnë vendin. Qeveria ka investuar në projekte transporti për ta bërë më të lehtë për vizitorët të eksplorojnë vijën bregdetare të mrekullueshme të vendit dhe zonat në brendësi. Një shembull i dukshëm është Tuneli i Llogarasë i ndërtuar rishtazi, i cili ka ulur ndjeshëm kohën e udhëtimit midis qytetit bregdetar të Vlorës dhe Rivierës Shqiptare. Ky itinerar i ri e shkurton udhëtimin nga 30 minuta në vetëm 7, duke e bërë atë më të përshtatshëm, efikas dhe të shpejtë, për të aksesuar plazhet e virgjëra të Shqipërisë jugore.
    Kulturë e pasur dhe bukuri natyrore
    Shqipëria është një vend i pasur me trashëgimi kulturore dhe bukuri natyrore. Qytetet e Beratit dhe Gjirokastrës, të listuara nga UNESCO, të njohura për arkitekturën e tyre osmane, ofrojnë një pamje magjepsëse të së kaluarës së vendit. Adhuruesit e historisë mund të vizitojnë rrënojat e lashta të Butrintit dhe Apolonisë, ku shfaqen mbetjet e Greqisë së Lashtë, Romës dhe Perandorisë Bizantine. Përveç vendeve të saj historike, Shqipëria është shtëpia e një shumëllojshmërie mrekullish natyrore. Alpet Shqiptare, Parku Kombëtar i Lumit Vjosa dhe Liqeni i Shkodrës ofrojnë hapësirë të bollshme për aventura në natyrë, të tilla si ecje në natyrë, rafting dhe vëzhgim i jetës së egër.Peizazhet e larmishme të Shqipërisë, nga malet dhe lumenjtë te plazhet dhe pyjet, ofrojnë gjithçka për çdo vizitorë.
    Ndikimi ekonomik i turizmit: Industria në rritje e Shqipërisë
    Turizmi është një sektor thelbësor i ekonomisë së Shqipërisë, duke kontribuar mbi 20% në PBB-në e vendit.Në vitet e fundit, qeveria shqiptare ka njohur vlerën e turizmit dhe vazhdon të investojë në tërheqjen e vizitorëve ndërkombëtarë. Bordi i turizmit i vendit ka nisur fushata ndërkombëtare që synojnë turistë nga Britania e Madhe, Gjermania dhe vende të tjera evropiane. Këto përpjekje synojnë ta pozicionojnë Shqipërinë si një destinacion kryesor për vizitorët që kërkojnë një arratisje unike dhe të përballueshme në Mesdhe.
    Qëndrueshmëria sipas planit të strategjisë së turizmit të Shqipërisë
    Shqipëria po bën hapa përpara në promovimin e praktikave të turizmit të qëndrueshëm. Një nga arritjet më të rëndësishme mjedisore të vendit është përcaktimi i lumit Vjosa si park kombëtar, duke siguruar ruajtjen e njërit prej lumenjve të fundit të egër të Evropës.
    Ky angazhim për mbrojtjen e burimeve natyrore të Shqipërisë është pjesë e një përpjekjeje më të gjerë për të balancuar rritjen e turizmit me ruajtjen e mjedisit. Qeveria po punon ngushtë me organizatat mjedisore për të siguruar që zhvillimi i ardhshëm të jetë në përputhje me praktikat e qëndrueshme.
    Pse Shqipëria është sekreti i Mesdheut?
    Shqipëria shquhet si një nga perlat e fundit të pazbuluara të Evropës. Me plazhet e saj të pastra, historinë e pasur dhe çmimet miqësore, ajo ofron një përvojë udhëtimi autentike dhe të shëndetshme, që është gjithnjë e më e rrallë në destinacionet turistike të komercializuara.
    Banorët miqësorë dhe mikpritës të vendit, aksesueshmëria e lehtë, përballueshmëria dhe atraksionet e larmishme e bëjnë atë zgjedhjen për një arratisje nga vendet e mbipopulluara. Pavarësisht nëse jeni duke pushuar në plazhet e pastra të Ksamilit, duke bërë ecje në Alpet Shqiptare apo duke shijuar ushqime të freskëta deti në një restorant lokal, Shqipëria ofron një përvojë të paharrueshme me një kosto shumë më të ulët se destinacionet e njohura.
    Ndërsa turizmi në Shqipëri vazhdon të rritet, është e qartë se kjo parajsë mesdhetare është në rrugën e saj për t’u bërë një destinacion që duhet vizituar me patjetër, për një pushim autentik dhe me buxhet të përballueshëm.

    Top Channel