Lajmidites.com

Tag: pjekura

  • Çfarë i ndodh organizmit kur konsumoni gështenja të pjekura

    Çfarë i ndodh organizmit kur konsumoni gështenja të pjekura

    Gështenjat janë ndër më të mirat e sezonit. Të pjekura apo të ziera, aroma e tyre është e parezistueshme, posaçërisht në këto ditë vjeshte.

    Për të mësuar më shumë mbi vlerat e gështenjave dhe se çfarë i ndodh organizmit tuaj nëse konsumoni gështenja, lexoni më poshtë vlerat e listuara nga AgroWeb.org.

    Një grusht gështenjash në ditë sjell shumë vlera për shëndetin, pasi ato janë të pasura me vitamina e minerale.
    Gështenjat janë burim i pasur i vitaminës C, kalciumit dhe fosforit. Ato janë idelae kur ndiheni të lodhur dhe të plogësht.

    Gështenjat kanë më pak yndyrë në krahasim me arrorët e tjerë me lëvore të fortë. Gjithashtu edhe më shumë niseshte, që i bëjnë të tretshme.

    Konsumimi i gështenjave është fantastik për personat që ndihen të lodhur dhe pa vullnet. Po ashtu gështenjat duhet të konsumohen nga ata që dëshirojnë ta forcojnë muskulaturën, nga, personat anemik si edhe nga sportistët.

    Gështenja e pjekur ka vlerë më të madhe energjike, sasi më të madhe të proteinave, yndyrave, vitaminave E dhe dy herë më shumë sasi të karbohidrateve.

    Gështenjat shqiptare

    Gështenjat shqiptare në pjesën më të madhe gjenden në anë të maleve dhe kodrave në Kolgecaj dhe Lekbibaj në Tropojë, Malësitë e Pukës, në Shënmëri në Kukës.

    Po ashtu në Mes dhe Shllak në Shkodër, Kashnjet në Lezhë, Shupal në Tiranë, në Pogradec, në Muzinë në Delvinë, Dhrovjan dhe Leshnicë në Sarandë.

    Ndërkohë që edhe zona të tjera si Berati, Skrapari, Përmeti, Gramshi dhe Tepelena e kultivojnë gështenjën, por në sasi më të vogla.

    Vlera ushqyese e gështenjës

    Në 100 gramë gështenja do të gjeni, 67 mg vitaminë B, 27 mg kalçium, 2,38 mg hekur, 175 mg fosfor, 6.4 mg proteina dhe 374 mg kalori.

    Gështenjat e pjekura janë popullore sidomos në periudhën vjeshtë -dimër. Në shumicën e rasteve konsumohen të ziera, për edhe të gatuara, si dhe mund t’i shtoni në supa të ndryshme./AgroWeb.org

  • Qumështor me Petë dhe Arra të Pjekura – Shije e Përsosur në Shtëpi

    Qumështor me Petë dhe Arra të Pjekura – Shije e Përsosur në Shtëpi

    Qumështori me Petë dhe Arra të Pjekura është një ëmbëlsirë e mrekullueshme, shija e të cilit është e papërshkruar kur përgatitet nga mjeshtëria e duarve të amvisave shqiptare.

    Fantastik për t’u konsumuar në çdo kohë, sidomos pas një vakti të plotë dreke apo edhe darke.
    Ideal për t’u shërbyer në raste festash e gëzimesh familjare, qumështori me petë e arra të pjekura qendron padyshim në krye në listës së shijshme të gatimeve shqiptare.
    AgroWeb.org ju sugjeron më poshtë recetën tradicionale të përgatitjes së kësaj ëmbëlsire unike krejt lehtë në shtëpi.
    Përgatitja e Qumështorit me Petë në Shtëpi 
    Përbërësit 
    (Përbërësit më poshtë janë për 4-5 persona)  
    Për Kremin  

    2 kokrra vezë
    5 lugë gjelle sheqer
    2 lugë gjelle miell
    2 filxhan çaji me qumësht
    Pak vanilje
    1 filxhan çaji me arra të qëruara

    Për Petët 

    2 filxhanë çaji miell
    5-6 lugë gjelle me gjalpë të freskët

    Për Shurupin 

    2 gota ujë me sheqer
    1 gotë e gjysmë me ujë

    Përgatitja 
    Si fillim, parangrohet furra dhe arrat e qëruara futen të piqen për 10-15 minuta. Më pas, largojini nga furra dhe shtypini pak.
    Në një tenxhere hedhim vezët, sheqerin, pak qumësht dhe rrihen mirë duke shtuar miellin e situr.
    Pastaj shtohet qumështi i nxehtë duke e trazuar vazhdimisht dhe vihet në zjarr që të marrë valë, pa ndërprerë të trazuarit.
    Hiqet nga zjarri, shtohen arrat e pjekura, shtohet vanilje e holluar në qumësht dhe hidhet në enë tjetër që të ftohet.
    Më pas, zihet brumi. Ndahet në pjesë të barabarta të punuara në formë topi, nga të cilat përgatiten petët. (këto hapen me dorë në tavolinë ose me petës)
    Petët pasi janë hapur lihen të thahen pak, pastaj priten në madhësi pak më të mëdha se madhësia e tepsisë.
    Lyhet tepsia me gjalpë, shtrojmë gjysmën e sasisë së petëve duke i spërkatur me gjalpë.
    Hidhet mbi të kremi, sheshohet dhe mbi të shtrohen petët e tjera të skërkatura me gjalpë.
    Anët e tepërta të petëve që mbeten jashtë tepsisë mbështillen nga brenda.
    Lyhet sipërfaqja me gjalpë dhe piqet.
    Pas pjekjes ftohet dhe pritet në copa.
    Në fund i hidhet shurup i vakët dhe i trashë si i bakllavasë.
    Sipas preferencës mund t’i shtoni ose jo edhe sherbet.
    Mjafton të zjeni mirë sheqerin dhe ujin derisa të krijohet në masën e shurupit dhe më pas sherbetin e nxehtë hidhjani qumështorit, i cili duhet të jetë i ftohtë. /AgroWeb.org

  • Hudhra të Pjekura në Furrë dhe dy Receta Fantastike

    Hudhra të Pjekura në Furrë dhe dy Receta Fantastike

    Fantastike në vlera dhe shije, hudhra është një përbërës që vështirë të mungojë në recetat shqiptare, qoftë ato moderne apo edhe ato të brezave të shkuar.

    Përveç shijes fantastike, hudhra është një nga ushqimet më të shëndetshme që njeriu mund të konsumojë rregullisht.
    Hudhra është një burim natyral i shumë ushqyesve të domosdoshëm për shëndetin e organizmit. Ajo ndihmon në mirëmbajtjen e funksionit dhe shëndetit të zemrës ndërsa forcon gjithë organizmin në tërësi.
    AgroWeb.org u përcjell tre mënyra fantastike të përgatitjes së hudhrave krejt lehtë në shtëpi.
    Receta që i shtojnë shije dhe fantazi çdo gatimi por edhe mënyra për ta konsumuar hudhrën në mënyra krejt të reja krahasuar me ato tradicionale që jemi mësuar deri sot.
    Të pjekura në furrë ato transformohen në një gjalpë të mrekullueshëm natyral, i cili ndjell shijen e oreksin teksa konsumohet me një fetë buke të thekur.
    Të gatuara në formën e një salce kremoze me vaj ulliri apo të prera në feta e të marinuara në vaj ulliri hudhrat transformojnë çdo gatim me shijen e tyre në një pjatë speciale.
    Tri Receta Fantastike me Hudhra
    Hudhrat e Pjekura në Furrë
    Merrni disa kokrra hudhra dhe siç janë të plotë prijuni përmes një thike të mprehtë pjesën e sipërme të kokës.
    Marinojini me kripë, piper të zi dhe vaj ulliri dhe mbështillini me letër pjekjeje.
    Futini në furrë dhe lërini përreth 40 minuta.
    Mund të konsumohen në formën e gjalpit me bukë të thekur por edhe si garniturë për mishra të ndryshëm.
    Salca e Hudhrave
    Pastroni disa kokrra hudhra dhe skuqini lehtë në vaj ulliri për pak minuta.
    Thelbinjtë e skuqur bashke me vajin e ullirit grinjini në një blender derisa të përftohet një salcë kremoze e ujshme
    Është një salcë e shkëlqyer që mund t’u shtohet sallatave të ndryshme ose mishrave gjithashtu.
    Feta hudhrash me vaj ulliri
    Ndani thelpinjtë e disa kokrra hudhrave. Pastrojini nga lëkura dhe prijini përmes një thike të mprehtë në feta të holla.
    Skuqini në vaj ulliri, hidhuni kripë, kaurdisini për pak sekonda dhe hudhrat janë gati.
    Mund të përdoren për sallata të ndryshme, gjellëra dhe supa./AgroWeb.org

  • Vezë të Pjekura me Patate – Receta e Shëndetit të Mirë

    Vezë të Pjekura me Patate – Receta e Shëndetit të Mirë

    Ndër gjërat që nuk mungojnë kurrë në frigoriferin tuaj, me siguri janë vezët.

    Qëllon shumë shpesh që t’i përdorim ato për një darkë të shpejtë, kur nuk kemi shumë kohë ose nuk mund të qëndrojmë gjatë në kuzhinë.
    Por duhet të jemi të kujdesshëm. Vetëm një ose dy përbërës të gabuar janë të mjaftueshëm për ta kthyer një gatim në një koncentrat kalorish.
    Gjalpi dhe kripa e tepërt janë disa nga këta përbërës me të cilët nuk duhet tepruar.
    Kur gatuhet si duhet dhe shoqërohet me perime, ky ushqim është ekuilibri i përsosur midis shijes dhe shëndetit.
    Si të garantoni vlerat e mira?
    Në vijim AgroWeb.org ju sjell një recetë të përkryer për të gatuar një omeletë të lehtë pa vaj e pa gjalpë.
    Është shumë e dobishme për shëndetin dhe ofron më pak se 200 kalori!
    E shijshme, ngopëse dhe e lehtë për t’u përgatitur, kjo omeletë në sajë te lidhjes natyrale midis proteinave të vezës dhe niseshtesë së patates, është shumë e shëndetshme dhe plot vlera të mira ushqyese.
    Gjithashtu mund të konsumohet dy herë në javë pa asnjë problem për peshën dhe kolesterolin.
    Vezë të pjekura me patate

    Përbërësit për një omëletë të lehtë me më pak se 200 kalori. Kjo recetë është për katër persona.
    Për një omeletë të lehtë për dy njerëz, ndani masat në mënyrë të përshtatshme.
    Ju duhen 6 vezë • 2 patate të mesme • dy tufa me majdanoz të freskët • një lugë çaji me pluhur shafran të Indisë • pak kripë dhe piper të zi
    Përgatitja
    Qëroni patatet dhe prijini ato në kuba, lërini të vlojnë në ujë për disa minuta derisa të zbuten dhe më pas kullojini.
    Rrihni vezët në një tas dhe shtoni patatet, duke i përzier dhe shtypur bashkë derisa të formojnë një masë të plotë.
    Shtoni majdanozin e prerë për t’i rritur shijen omletës tuaj pasi në sajë të vitaminës C, shtoni një efekt antioksidues dhe tretës.
    Shtoni gjithashtu edhe shafranin e Indisë që e gjeni në markete bashkë me piperin e zi.
    Të dyja këto erëza kur kombinohen, ndihmojnë në përthithjen e shpejtë të vlerave të gatimit nga organizmi juaj.
    Shtoni pak kripë, përzieni mirë gjithçka. Më pas kalojeni masën në një tavë të veshur me letër pjekjeje të lagur me ujë.
    Vendoseni në furrë të nxehur në 180° për 30 minuta dhe shijoni një gatim të lehtë plot shëndet!
    Sekreti është pjekja dhe përdorimi i letrës së lagur pjekëse, e cila na lejon të mos përdorim shumë yndyrë.
    Përveç kësaj, përdorimi i erëzave jo vetëm që e bën atë më të shijshëm, por siguron substanca shumë të dobishme siç është vitamina C, e bollshme në majdanoz./AgroWeb.org

  • Yshmer i Myzeqesë – Qumështor me Petë të Pjekura

    Yshmer i Myzeqesë – Qumështor me Petë të Pjekura

    Myzeqeja është e famshme për traditën e saj në kuzhinë. Specialitete të veçanta të përgatitura me produkte të freskëta të zonës janë pjesë e pandashme e menusë tradicionale të saj.

    AgroWeb.org sjell më poshtë recetën e një prej gatimeve më të veçanta të Myzeqesë, atë të Yshmerit, i njohur ndryshe si qumështor me petë të pjekura, një traditë e vjetër, krejt e shijshme.
    Ideal për t’u shërbyer në raste festash e gëzimesh familjare, Yshmeri qendron padyshim në krye në listës së gatimeve të shijshme shqiptare.
    Ai mund të përgatitet në dy mënyra, i ëmbël ose i kripur, e sigurisht në të dyja rastet shija e tij të mahnit njëlloj.
    Në rastet e përgatitjes së Yshmerit të kripur, ai shoqërohet në mënyrë të shkëlqyer me sallata të freskëta të stinës, perime të pjekura, supa të lehta, por edhe me zahiretë e famshme shqiptare siç janë turshitë me perime të ndryshme.
    Në rastet kur Yshmeri përgatitet i ëmbël, ai është një ëmbëlsirë e mrekullueshme për t’u konsumuar në çdo kohë, veçanërisht pas vakteve të drekës apo darkës por edhe në momente të tjera gjatë ditës.
    Në fshatrat e Myzeqesë, Yshmeri piqet në prush me saç, e padyshim që shija e tij në këtë rast bëhet edhe më speciale.
    AgroWeb.org ju sugjeron më poshtë recetën tradicionale të përgatitjes së këtij gatimi unik krejt lehtë në shtëpi.
    Përgatitja e Yshmerit në Shtëpi
    Përbërësit

    3 gota miell gruri
    4-5 gota qumësht
    3 kokrra vezë
    2-3 filxhan kafeje gjalpë
    Sheqer ose kripë

    Për përgatitjen e petëve
    Brumi përgatitet si për byrek të zakonshëm.
    Petët hapen dhe piqen në furrë.
    3-4 petë lihen të papjekura mënjanë.
    Mund të përdorni edhe petë gatshme.
    Përgatitja e Yshmerit
    AgroWeb.org ju sugjeron që për përgatitjen e Yshmerit të përdorni qumësht dele ose lope fshati.
    Në një tavë të lyer me gjalpë shtrohen si fillim petët e papjekura.
    Pasi spërkaten me gjalpë, vendosen petët e pjekura mirë dhe të thërrmuara.
    Në një tas rrihen vezët, shtohet qumështi, gjalpi dhe sheqeri ose kripa sipas preferencës.
    Në rastet kur preferohet të përgatitet i ëmbël hidhen 2-3 lugë sheqer, ëmbëlsia vendoset sipas preferencës.
    Në rastet kur përgatitet i kripur hidhet një lugë gjelle kripë, jo e mbushur plot. Megjithatë sasia hidhet sipas dëshirës.
    Yshmeri vendoset në furrë dhe piqet sa të jetë gati.
    Kur është i kripur shoqërohet i ngrohtë./AgroWeb.org

  • Patate të Pjekura me Salcë Domatesh – Receta e Veçantë për Tryezat Tuaja

    Patate të Pjekura me Salcë Domatesh – Receta e Veçantë për Tryezat Tuaja

    Patatet janë gjithnjë një ide e mirë për të shoqëruar gatimet e tjera.

    Megjithatë përgatitjes së tyre shpesh i shtohen vetëm erëza apo përbërës të tjerë  me shije të thjeshtë.

    Në recetën e sotëme AgroWeb.org ju këshillon që të provoni një shije më ndryshe në përgatitjen e patateve të pjekura.

    Slaca e domateve do të jetë përbërësi special për sot dhe do të shikoni që shija nuk do ju zhgenjejë.

    Ndiqni mëposhtë mënyrën e saktë të përgatitjes se kësaj recete të veçantë hap pas hapi.

    Përbërësit

    2 patate mesatare

    3-4 lugë salcë domatesh

    Rigon

    Vaj ulliri

    Kripë

    Përgatitja

    Për të nisur me këtë recetë si fillim lani dhe pastroni mirë patatet tuaja. Më pas në një grirëse ose me një thikë të mrrehtë, filloni t’i prisni ato në feta të holla jo më shumë se 1 cm.

    Pasi t’i keni prerë të gjithë në mënyrë uniforme, hidhini në një enë të thellë dhe spërkatini me vaj ulliri, kripë e rigon.

    Sipas dëshirës mund të përdorni edhe erëza apo përbërës të tjerë siç është piper i zi, speci djegës apo hudhra pluhur ose të freskët.

    Përzieni mirë të gjithë përbërësit dhe zgjidhni një tavë rrethore mesatare, të mbuluar me një letër pjekje.

    Sipër shtroni një nga një patatet në mënyrë rrethore duke i mbivendosur pak tek njëta tejtra.

    Bëjeni këtë derisa të mbulohet e gjithë sipërfaqja e tavës ku duhet të keni formuar disa shtresa të holla me patate.

    Futeni tavën në furrë të piqet në temperaturën 180 gradë për 20 minuta derisa patatet të jenë bërë krokante.

    Më pas nxirreni tavën nga furra dhe shtroni sipër salcën e domateve dhe sipas dëshirës edhe pak djathë të grirë kaçkavall.

    Futeni sërish në furrë për 5 minuta të tjera derisa të shikoni që djathi është shkrirë dhe mund ta servirni menjëherë në tryezën tuaj. /AgroWeb.org

  • Përbërësi që duhet të shtoni kur bëni patate të pjekura

    Përbërësi që duhet të shtoni kur bëni patate të pjekura

    Nëse i pëlqeni patatet e pjekura, përgatisni vetëm me këtë recetë duke shtuar edhe këtë përbërës. Nuk do t’i ndani nga tryeza pasi të provoni shijen e tyre të mrekullueshme. Ja cili është ai…
    Qëroni patatet dhe prijini përgjysmë. Hidhini në një enë së bashku me lëngun e pulës/perimeve, shafranin dhe hudhrën. Ziejini për 12 minuta.
    Kullojini dhe hidhini në një enë me ujë të ftohtë. Më pas kullojini sërish dhe lërini mënjanë.
    Hidhni vajin e ullirit në një tavë dhe vëreni në furrë të nxehet. Më pas shtoni në të patate, spërkatini me pak kripë dhe piper. Piqini për rreth 40 minuta.