Lajmidites.com

Tag: pistën

  • Alex Marquez mund të vëllanë dhe triumfon në garën sprint në pistën e Silverstone

    Alex Marquez mund të vëllanë dhe triumfon në garën sprint në pistën e Silverstone

    24 Maj 2025

    17:36

    Telesport

    Në pistën e Silverstone u zhvillua të shtunën gara sprint e MotoGP e vlefshme për Cmimin e Madh të Britanisë së Madhe. Një garë që u dominua nga vëllezërit spanjollë Marquez.
    Alex Marquez me Ducati Gresini triumfoi, duke lënë pas të vëllanë Marc (i dyti me Ducati), ndërkohë që në podium u ngjit edhe Fabio di Giannantonio me VR46 (skuadra e Valentino Rossi).
    Një garë që nuk pati shumë histori, pasi një gabim i Marc Marquez bëri që vëllai i tij Alex ta parakalojë dhe ta fitojë pa shumë probleme garën. Bagnaia, që synonte podiumin, në fund u klasifikua në vendin e gjashtë,

  • Zarco triumfon në pistën e Le Mansh, Marquez përfiton nga gabimet e rivalëve dhe nis shkëputjen

    Zarco triumfon në pistën e Le Mansh, Marquez përfiton nga gabimet e rivalëve dhe nis shkëputjen

    11 Maj 2025

    15:08

    Telesport

    Piloti francez i Honda, Johann Zarco, është shpallur sot fitues i garës së Çmimit të Madh të Francës në MotoGP, zhvilluar në pistën e Le Mansh.
    Një triumf i merituar i Zarco, që përfitoi nga situatat e krijuara përgjatë garës për shkak të shiut, kryesisht në pjesën e parë të saj. Ky është suksesi i dytë në karrierë për të në MotoGP.
    Ajo që bis në sy është rikthimi te fitorja i motorit Honda pas shumë kohësh, kjo pas problemeve që patën me gomat pilotët e tjerë, që shkuan për t’i ndërruar ato për shkak të shiut, duke humbur kohë.
    Në vendin e dytë u rendit spanjolli i Ducati, Marc Marquez, që la pas patriotin e tij me Fermin Aldeguer me Ducati Gresini (i treti). Një garë e kushtëzuar nga pista e lagur, duke bërë që mjaft pilotë të rrëzohen.
    Mes tyre edhe Francesco Bagnaia, që në start apo Alex Marquez në xhirot e fundit. Kjo i jep mundësi Marquez të thellojë edhe më shumë diferencën në renditje me rivalët e tij (+22 pikë).

  • Ulet avioni i parë në pistën e Aeroportit të ri të Vlorës (VLO)

    Ulet avioni i parë në pistën e Aeroportit të ri të Vlorës (VLO)

    Vlorë, 8 maj 2025 – Një moment historik për jugun e Shqipërisë u shënua sot me uljen e avionit të parë në pistën e Aeroportit Ndërkombëtar të Vlorës (VLO). Avioni, i operuar nga kompania italiane ENAV, kreu një fluturim testues teknik, pjesë e procesit të certifikimit të sistemit të navigimit dhe funksionalitetit të pistës.

    Ky test i suksesshëm shënon një hap të rëndësishëm drejt përfundimit të punimeve dhe përgatitjes për hapjen zyrtare të aeroportit, e cila është parashikuar për sezonin turistik veror 2025.

    Aeroporti i Vlorës pritet të jetë një nga nyjet kryesore ajrore në rajon, duke përmirësuar ndjeshëm lidhjet ajrore të Shqipërisë me Evropën dhe më gjerë, si dhe duke dhënë një shtysë të fortë për zhvillimin e turizmit dhe ekonomisë lokale.

    Reklama në FieriWeb – “STREET FOOD S.O.A”

    Reklama në FieriWeb – “PASTIÇERI “RUSTEMAJ”

  • Patate në pistën vlonjate!

    Patate në pistën vlonjate!

    Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona

  • Edhe 3 ditë larg uljes së avionit të parë në aeroportin e Vlorës (VIDEO)

    Edhe 3 ditë larg uljes së avionit të parë në aeroportin e Vlorës (VIDEO)

    Kryeministri Edi Rama thotë se kanë mbetur edhe 3 ditë nga ulja e avionit të parë në pistën e aeroportit të Vlorës.
    Rama shprehet se do të fillojnë testet e hapjes graduale, për të marrë më pas çertifikimin përfundimtar.
    “Edhe 3 ditë nga ulja e avionit të parë në pistën e kodifikuar me inicialet VLO dhe për fillimin e testeve të hapjes graduale, për çertifikimin përfundimtar”, shkruan Rama në Facebook.

  • “Edhe tre ditë nga ulja e avionit të parë”, Rama publikon pamjet e Aeroportit të Vlorës

    “Edhe tre ditë nga ulja e avionit të parë”, Rama publikon pamjet e Aeroportit të Vlorës

    Ashtu siç ishte paralajmëruar pak ditë më parë nga Ministrja e Energjisë dhe Infrastrukturës, Belinda Balluku, më 8 Maj në pistën e aeroportit të Vlorës do të realizohet fluturimi testues.
    Këtë e ka konfirmuar edhe kryeministri Edi Rama përmes një postimi në Facebook, ku përkrah një video ku shihet pista e vijëzuar e aeroportit, ai shkruan: “Edhe 3 ditë nga ulja e avionit të parë në pistën e kodifikuar me inicialet VLO dhe për fillimin e testeve të hapjes graduale, për certifikimin përfundimtar”.
    Aeroporti i Vlorës do të jetë më i riu në Mesdhe dhe do t’i shërbejë turizmit, ekonomisë dhe lidhjeve të drejtpërdrejta të rivierës shqiptare.

    Shoqata Ndërkombëtare e Transportuesve Ajrorë ka vlerësuar aplikimin e Aeroportit Ndërkombëtar të Vlorës, si në përputhje me standardet ndërkombëtare, duke vendosur kodin për aeroportet dhe shitjen e biletave VLO.
    Aeroporti i Vlorës është një investim 104.5 mln euro dhe ndodhet në Akërni, jo më larg se 10 minuta nga autostrada Levan-Vlorë. Pista e aeroportit është e gjatë prej 3.2 kilometrash duke mundësuar edhe fluturimet transoqeanike.
    Aeroporti pritet të jetë bazë për flotën e avionëve “Air Albania”, por edhe strehë për kompanitë “low cost” që do të mundësojnë fluturime me aeroportet e ngjashme në Itali, Greqi apo Spanjë.

  • Aeroporti i Vlorës drejt fundit, më 8 maj avioni i parë ulet në aeroport, ja detajet

    Aeroporti i Vlorës drejt fundit, më 8 maj avioni i parë ulet në aeroport, ja detajet

    Zëvendëskryeministrja  dhe njëherësh ministrja e Energjisë dhe Infrastrukturës, Belinda Balluku u shpreh se më 8 maj, në Aeroportin e Vlorës do të kryhet testi i parë i uljes së avionit në pistën e gjatë prej 3.8 kilometrash. “Më datë 8 maj, vetëm pas pak ditësh, do kemi testin e parë te uljes në pistën prej 3.2 kilometrash këtu në Vlorë duke i lënë pastaj gjithë kohën disa mujore, por brenda sezonit veror për të nisur  operimet zyrtare nga Aeroporti i Vlorës, aeroporti i gjithë shqiptarëve”, tha ajo. Ajo theksoi se ndërtimi dhe bërja funksional i Aeroportit të Vlorës do të krijojë 1200 vende punë për të gjithë ata persona, që duan të punojnë dhe kontribuojnë në sektorin e  Aviacionit Civil.

  • Balluku: Më 8 maj, testi i parë i uljes së avionit në pistën e aeroportit të Vlorës

    Balluku: Më 8 maj, testi i parë i uljes së avionit në pistën e aeroportit të Vlorës

    Më 8 maj, në Aeroportin e Vlorës do të kryhet testi i parë i uljes së avionit në pistën e gjatë prej 3.8 kilometrash.
    Lajmin e ka dhënë zv.kryeministrja Belinda Balluku gjatë një takimi mbi ecurinë e projekteve strategjike në fushën e transportit ajror dhe detar në Vlorë.
    “Më datë 8 maj, vetëm pas pak ditësh, do kemi testin e parë te uljes në pistën prej 3.2 kilometrash këtu në Vlorë duke i lënë pastaj gjithë kohën disa mujore, por brenda sezonit veror për të nisur operimet zyrtare nga Aeroporti i Vlorës, aeroporti i gjithë shqiptarëve”.
    Sipas saj ndërtimi dhe bërja funksionale e Aeroportit të Vlorës do të krijojë 1200 vende punë për të gjithë ata persona, që duan të punojnë dhe kontribuojnë në sektorin e  Aviacionit Civil.
    “Aeroporti i Vlorës është aeroporti i parë që ka bërë bashkë 3 komponentë. Komponenti i parë është ai aviacionit civil, pra transporti i pasagjerëve, komponenti i dytë është mirëmbajtja e avionit, pra një nënsektor i ri në Shqipërisë, i cili do të sjellë punësimin e qindra djemve dhe vajzave. Një aeroport me impakt të jashtëzakonshëm pune dhe të ardhurash. Komponenti i tretë do të jetë ai i kargos. Vlora pret në vitin e parë të operimit 3 milionë pasagjerë. Parashikohen 1200 vende pune, një pjesë e të cilëve kanë nisur rekrutimi. Pagat në Aviacionin Civil janë paga shumë të ngjashme me vendet e tjera evropiane. Kapaciteti maksimal është në 4.5 milionë”.

  • Mektrin, 20 vite në pistën e suksesit/ Lider i tregut automobilistik në Shqipëri, Shahini: Ëndërr e bërë realitet

    Mektrin, 20 vite në pistën e suksesit/ Lider i tregut automobilistik në Shqipëri, Shahini: Ëndërr e bërë realitet

    Mektrin, lider i tregut automobilistik në Shqipëri feston 20 vjetorin në pistën e suksesit. Një ëndërr që nisi dekada më parë, tashmë është bërë realitet edhe për tregun shqiptar. E

    themeluar nga z. Edmond Shahini, Mektrin nisi me vizionin për të sjellë në Shqipëri eksperiencën dhe standardin perëndimor në automjete dhe shërbime.
    Me më shumë se 7,000 automjete të shitura dhe 13 brande prestigjoze ku përfshihen; Land Rover (Defender, Range Rover, Discovery), Jaguar, KIA, Volvo (Auto dhe Truck) e së fundmi linjën multibrand me një flotë makinash luksoze ku shquhet Porsche, Ferrari dhe Rolls Royce. Mektrin është një prej emrave më të besuar në industrinë automobilistike.
    Së fundmi Mektrin nepermjet Mektrin Marine sjell gjithashtu emra të njohur të industrisë së jahteve dhe barkave luksoze.
    I pranishëm në ceremoninë speciale të 20 vjetorit të organizuar në ambientet e shoëroomit, ishte edhe ministri i Ekonomisë, Blendi Gonxhe. I cili vlerësoi punën e bërë në këto dekada.
    Më shumë se 7,000 klientë në Shqipëri dhe Kosovë. Mektrin, lideri i tregut automobilistik garanton vijimin e këtij suksesi në tregun shqiptar.

    Top Channel

  • Do ketë pistën më të madhe në Ballkan, Aeroporti i Vlorës hapet në maj! Detaje: Avioni i “Air Albania” do të bëjë inagurimin i pari

    Do ketë pistën më të madhe në Ballkan, Aeroporti i Vlorës hapet në maj! Detaje: Avioni i “Air Albania” do të bëjë inagurimin i pari

    Aeroporti ndërkombëtar i Vlorës do të hapet në ditët e para të majit. Kështu ka deklaruar ministrja Belinda Balluku, duke theksuar se gjithçka po bëhet gati për fluturimin inagurues të kësaj vepre madhore për jugun. Avioni i kompanisë shqiptare “Air Albania” do të bëjë fluturimin e parë.
    Ajo është shprehur se Aeroporti i Vlorës do të ketë pistën më të madhe në Ballkan, me një gjatësi prej 3.2 kilometrash dhe me një terminal gjigand prej 22 mijë metrash katrorë.
    “Sot, jemi vetëm pak ditë larg nga ulja e avionit të parë në aeroportin e Vlorës. Në ditët e para të majit, Airalbania do bëjë fluturimin inaugurues duke prekur pistën më të madhe në Ballkan, 3.2 kilometra dhe 22 mijë metra katrorë terminal.
    Ai terminal kur nisi fillimisht projekti nisi vetëm për 5 mijë metra katrorë dhe sot konsorciumi në VIA është duke ndërtuar 22 mijë metra, pasi volumet dhe parashikimet që ne kemi për dekadat në vazhdim flasin për një numër të konsiderueshëm turistësh, pasi dhe vetë viti 2025, krahasimisht me vitin 2024 në katër muajt e parë ka 30% rritje në numrin e vizitorëve.
    Dhe siç e patë edhe në hartën e prezantimit, sepse ne e themi gjatë gjithë kohës që është më afër Fierit sesa Vlorës ai aeroport, por ju e patë me sytë tuaj sesa larg është nga Pishporo aty ku përfundon ajo promenada, shëtitorja e bukur prej 21 kilometrash që do të jetë gjëja e parë, besoj unë, që do të ndërtojmë”, është shprehur ministrja Belinda Balluku.