Lajmidites.com

Tag: pishinë

  • VIDEO/ Tragjike në Spanjë, katër persona humbin jetën pasi u goditën nga një dallgë teksa laheshin në një pishinë natyrale në bregdetin e Tenerifes

    VIDEO/ Tragjike në Spanjë, katër persona humbin jetën pasi u goditën nga një dallgë teksa laheshin në një pishinë natyrale në bregdetin e Tenerifes

    Katër persona vdiqën të dielën, ndërsa një tjetër është zhdukur, pasi një valë e fuqishme rrëmbeu turistët ndërsa ata ndodheshin në një pishinë natyrale përgjatë bregdetit të Tenerife-s.

    Siç raportohet nga CBS news, ekipet e emergjencës nxorën tre trupa të dielën, një grua 35-vjeçare, një burrë 55-vjeçar dhe një burrë tjetër, për të cilët nuk u dhanë informacione.
    Një grua tjetër ndërroi jetë një ditë pas incidentit pasi u transportua me helikopter në spital nga vendngjarja. Akoma nuk janë dhënë informacione të mëtejshme në lidhje me identitetin e viktimave.

    Four dead and one missing after a powerful wave swept a group of swimmers out to sea from a popular seawater pool on Tenerife’s rocky western coast, according to Spanish authorities.pic.twitter.com/qMu9NjChOF
    — Volcaholic 🌋 (@volcaholic1) December 9, 2025

    Pse është e rrezikshme pishina natyrore në Isla Cangrejo?
    Pishina në Isla Cangrejo, në bregdetin Los Gigantes të Tenerife-s, është një destinacion shumë i popullarizuar për të huajt. E rrethuar nga shkëmbinj vullkanikë nga njëra anë dhe çimento nga ana tjetër, pishina është pothuajse në nivelin e detit.
    Për këtë arsye, mund të bëhet shumë e rrezikshme kur deti është i trazuar dhe valët e mëdha mund të kapërcejnë lehtësisht barrierën e betonit.
    Sipas mediave lokale, ishte lëshuar një paralajmërim për det të trazuar kur notarët u futën në pishinë det. Pishina ka qenë e mbyllur për publikun që nga 3 dhjetori.
    Një dëshmitar i tha El País se dy valë të fuqishme përfshinë gjithçka në rrugën e tyre. “Ne ishim shumë larg nga pishina dhe sërish valët na arritën. Shikova prapa dhe pishina nga e mbushur plot me ujë, u zbraz në sekonda”, tha ai.
    Banorët vendas thanë se notarët injoruan shenjat dhe gardhet që ishin vendosur për të parandaluar hyrjen e kujtdo në pishinë për shkak të kushteve të motit.
     

    Top Channel

  • Tragjedi në Francë! Makina del nga rruga dhe bie në pishinë, humbin jetën 3 adoleshentët

    Tragjedi në Francë! Makina del nga rruga dhe bie në pishinë, humbin jetën 3 adoleshentët

    Një aksident ka tronditur Francën jugore, ku tre adoleshentë humbën jetën këtë të mërkurë.
    Sipas mediave të huaja, automjeti me të cilin udhëtonin adoleshentët doli nga rruga, u përplas me një mur dhe përfundoi në pishinën e një banese private.
    Të rinjtë, të moshave 14, 15 dhe 19 vjeç, nuk mundën të hapnin dyert e makinës dhe u mbytën, pasi automjeti u përmbys në ujë dhe zhytej plotësisht.
    Ngjarja ndodhi gjatë një nate me reshje të dendura shiu, që dyshohet se kanë ndikuar në humbjen e kontrollit të makinës.
    Prokurori e përshkroi skenën si “kulin e tmerrit”, duke theksuar se nuk ishte përplasja ajo që u mori jetën të rinjve, por pamundësia për të dalë nga makina e kthyer përmbys në ujë të akullt.

    “Ata nuk kishin asnjë shpresë”, tha ai.

    🔴ALERTE INFO – TROIS ADOS MORTS NOYÉS DANS UNE PISCINEUn gamin de 14 ans défoncé au gaz hilarant prend le volant, perd le contrôle à Alès…La voiture finit sur le toit dans une piscine. Ils se sont noyés vivants, coincés tête en bas dans 1m50 d’eau glacée.14, 15 et 19 ans.… pic.twitter.com/JuLBauU9gk
    — 🇮🇹 RADIOROMA (@RadioRomaX) December 3, 2025

    Mësohet se në timon mund të ketë qenë 14-vjeçari.
    Makina u përplas fillimisht me një mur të ulët kopshti, më pas u rrotullua dhe ra në pishinë, e cila ishte vetëm 1.5 metra e thellë. U deshën disa orë para se dikush të jepte alarmin dhe të thërriste zjarrfikësit, të cilët zbrazën pishinën për të nxjerrë automjetin.

  • Makina del nga rruga dhe përmbyset në pishinë, vdesin tre të rinj në Francë

    Makina del nga rruga dhe përmbyset në pishinë, vdesin tre të rinj në Francë

    Tre adoleshentë në Francën jugore humbën jetën tragjikisht kur makina e tyre doli nga rruga, u përplas me një mur dhe ra në një pishinë në oborrin e një banese.

    Meqenëse automjeti kishte madhësinë me pishinën, adoleshentët, të moshës 14, 15 dhe 19 vjeç, nuk mundën të hapnin dyert dhe u mbytën. Aksidenti ndodhi në orët e para të mëngjesit të së mërkurës gjatë një nate me shira të rrëmbyeshëm, raporton BBC.
    «Është vërtet kulmi i tmerrit», tha prokurori, duke shpjeguar se «nuk ishte ndikimi i aksidentit që i vrau ata. Ata ishin përmbys në ujin e ngrirë, të paaftë për të dalë». Raportime të pakonfirmuara sugjerojnë se 14-vjeçari ishte në timon të makinës.

    Trois jeunes de 14, 15 et 19 ans sont morts à Alès (Gard) ce mercredi. Leur voiture a détruit le muret d’une propriété et fini sa course dans une piscine. Le conducteur pourrait être encore plus jeune. Des bouteilles de protoxyde d’azote ont été retrouvées.
    🎙️ @FredericPilard pic.twitter.com/KJ8bz3sAnF
    — M6 Info (@m6info) December 3, 2025

    🔴ALERTE INFO – TROIS ADOS MORTS NOYÉS DANS UNE PISCINEUn gamin de 14 ans défoncé au gaz hilarant prend le volant, perd le contrôle à Alès…La voiture finit sur le toit dans une piscine. Ils se sont noyés vivants, coincés tête en bas dans 1m50 d’eau glacée.14, 15 et 19 ans.… pic.twitter.com/JuLBauU9gk
    — 🇮🇹 RADIOROMA (@RadioRomaX) December 3, 2025

    Prokurori i tha AFP-së se aksidenti ishte rezultat i një “serie rrethanash të pabesueshme”. Makina u përplas me një mur të ulët kopshti, u përmbys dhe përfundoi në pishinë, e cila ishte vetëm 1.5 metra e thellë.
    U deshën disa orë që të jepej alarmi dhe të thirreshin zjarrfikësit për të zbrazur pishinën dhe për të nxjerrë automjetin. Në makinë u gjetën shishe me oksid azoti, i njohur edhe si “gaz qeshës”. Substanca përdoret për qëllime euforike, pasi mund të shkaktojë një ndjesi relaksimi.

    Top Channel

  • Bia del top@les në pishinë, dy banoret e ”BBVK4” kanë pasur një të dashur?

    Bia del top@les në pishinë, dy banoret e ”BBVK4” kanë pasur një të dashur?

    KOHA JONË SONDAZH

    Pas vendimit të gjykatës kushtetuese a duhet liruar Erion Veliaj dhe të gjykohet në gjëndje të lirë?

    Ke arritur limitin e votimit.

  • Po gërmonte për të ndërtuar një pishinë, burri gjen thesarin 700 mijë eurosh në oborrin e shtëpisë

    Po gërmonte për të ndërtuar një pishinë, burri gjen thesarin 700 mijë eurosh në oborrin e shtëpisë

    Një burrë në Francë ka bërë një zbulim të jashtëzakonshëm teksa po gërmonte për të ndërtuar një pishinë në kopshtin e shtëpisë së tij, ai gjeti shufra ari dhe monedha me vlerë të përafërt prej 700 mijë eurosh.
    Sipas autoriteteve lokale, ngjarja ndodhi në qytetin Neuville-sur-Saône, pranë Lionit. Zbulimi u raportua në muajin maj në Drejtoria Rajonale e Çështjeve Kulturore, e cila pas hetimeve vendosi se burri mund t’i mbajë thesaret, pasi nuk kishte asnjë provë që bëhej fjalë për një objekt arkeologjik.

    🤑A Neuville-sur-Saône, dans le Rhône, un habitant a fortuitement découvert un véritable trésor dans son jardin en creusant une piscine : un pécule d’une valeur de 700 000 €. On vous raconte. #Rhône #Or #Lingots pic.twitter.com/vFQ0BWTI1X
    — Le Progrès (@Le_Progres) November 5, 2025

    Në deklaratën e një përfaqësuesi të autoriteteve thuhet se nuk kishte asnjë tregues për origjinën e arit, ndërsa ish-pronari i tokës kishte ndërruar jetë, gjë që e bënte të pamundur të përcaktohej se kujt i përkisnin.
    Sipas gazetës rajonale Le Progrès, burri gjeti pesë shufra ari dhe disa monedha, të mbështjella me kujdes në thasë plastikë një zbulim që i ndryshoi jetën papritur.
    /vizionplus.tv

  • Çmontohet organizata shqiptare në Spanjë! Kthyen vilën me pishinë në ‘shtëpi bari’, 5 të arrestuar

    Çmontohet organizata shqiptare në Spanjë! Kthyen vilën me pishinë në ‘shtëpi bari’, 5 të arrestuar

    Një organizatë shqiptare e “shtëpive të barit” është çmontuar nga policia në Spanjë ditë më parë, teksa u zbulua edhe një vilë e kthyer në plantacion hashashi për mbjellje, tharje dhe përgatitje me metodat më të sofistikuara dhe pajisje moderne.

    Guardia Civil (Roja Civile) ka arrestuar 5 anëtarë (katër burra dhe një grua, të moshës midis 24 dhe 37 vjeç) të një organizate kriminale të dedikuar për trafik droge nga Alhendín, në Granada.

    Bëhet fjalë për një grup shqiptarësh që kishin qendrën e tyre të prodhimit dhe shpërndarjes së marijuanës në një zonë banimi të kësaj komune metropolitane, sipas një njoftimi për shtyp të lëshuar nga autoritetet.

    Pesë të paraburgosurit akuzohen se i përkasin një organizate kriminale, ndërsa tre prej tyre përballen me akuza për kultivim dhe prodhim droge dhe mashtrim me energji elektrike; dhe dy prej tyre përballen me një akuzë të katërt për falsifikim dokumentesh.

    Arrestimet pasuan një kontroll të një shtëpie në një zonë banimi në Alhendín, i cili, që nga gushti, ka shkaktuar ankesa të shumta nga banorët për shkak të erës së fortë të marijuanës dhe trafikut të pazakontë të automjeteve që i afrohen shtëpisë.

    Vila ishte luksoze dhe e pajisur me pishinë e bodrume të përshtatshme për kultivim.

    Oficerët hetues zbuluan se shtëpia ishte e zhurmshme me ventilatorë shkarkimi, një erë të fortë marihuane, një furnizim të dyfishtë me energji elektrike dhe një fluks të vazhdueshëm njerëzish dhe automjetesh.

    Dy nga të ndaluarit ishin përgjegjës për kujdesin dhe ruajtjen e plantacionit të brendshëm të drogës dhe u arrestuan në një operacion special të mbështetur nga Njësia e Sigurisë Qytetare të Granadës dhe Armillas, Shërbimi i Qenve dhe Ekipi Pegaso.

  • Tragjedia në Santorini/ Arrestohet babai i 6-vjeçarit që u mbyt në pishinë, menaxheri i hotelit dhe pishinës

    Tragjedia në Santorini/ Arrestohet babai i 6-vjeçarit që u mbyt në pishinë, menaxheri i hotelit dhe pishinës

    Një ngjarje e rëndë ka tronditur mëngjesin e së shtunës zonën turistike të Kamarit, në Santorini, ku një fëmijë 6-vjeçar humbi jetën tragjikisht në pishinën e një hoteli. Policia greke ka arrestuar tre persona në lidhje me ngjarjen: babain e fëmijës, menaxherin e hotelit dhe menaxherin e pishinës.

    Sipas informacioneve zyrtare, personat e ndaluar janë: babai i fëmijës, 33 vjeç; menaxheri i hotelit, 38 vjeç; dhe menaxheri i pishinës, 37 vjeç. Ky i fundit rezulton se ndodhej në një pishinë tjetër të kompleksit në momentin kur ndodhi aksidenti fatal – një fakt që po hetohet për shkelje të protokolleve të sigurisë dhe mungesë të rojes së trajnuar.

    Dyshohet për neglizhencë prindërore dhe mungesë sigurie

    Burime nga policia greke bëjnë me dije se babai i 6-vjeçarit ishte futur në ujë për t’u larë dhe më pas, kur doli, nuk e gjeti më fëmijën pranë vetes. Djali i vogël ishte fundosur në fundin e pishinës pa u vënë re nga askush. Sipas urdhrit të prokurorit, u urdhërua arrestimi i babait për të hetuar nëse ka pasur mungesë mbikëqyrjeje apo neglizhencë që çoi në tragjedinë.

    Hetimet po zgjerojnë fokusin edhe tek operacionet e hotelit, ku dyshohet për mungesë të masave të duhura të sigurisë në zonën e pishinës. Rregulloret kërkojnë që çdo pishinë hoteliere të mbikëqyret nga një person i certifikuar, por rezulton se nuk kishte një të tillë në vendngjarje në momentin kritik.

    Fëmija u gjet nga një pushues

    Skena tragjike u zbulua kur një nga pushuesit në pishinë ndjeu diçka në këmbë dhe kuptoi që kishte prekur trupin e pajetë të fëmijës. Menjëherë pas këtij momenti, në vend mbizotëroi paniku. Stafi i hotelit dhe disa kalimtarë bënë përpjekje të dëshpëruara për ta ringjallur, duke i dhënë ndihmën e parë dhe duke përdorur një defibrilator që ndodhej në vendngjarje.

    Brenda shtatë minutash mbërriti edhe një ambulancë e shërbimit mjekësor emergjent (EKAB), por pavarësisht përpjekjeve të mëdha, fëmija u shpall i vdekur në spitalin e Thirës.

    Autoritetet greke kanë nisur një hetim të plotë për të përcaktuar përgjegjësitë penale dhe institucionale për këtë ngjarje tragjike. Fokus i hetimeve janë standardet e sigurisë që duhet të zbatoheshin në ambientet e hotelit, si dhe roli i personelit të përfshirë. Nëse vërtetohen shkelje serioze, priten akuza penale për neglizhencë me pasojë vdekjen./Prothothema

  • Tragjedi në Santorini/ 6-vjeçari mbytet në pishinën e hotelit, prindërit aty pranë s’e vunë re mungesën e djalit

    Tragjedi në Santorini/ 6-vjeçari mbytet në pishinën e hotelit, prindërit aty pranë s’e vunë re mungesën e djalit

    Fëmija ishte në një grup turistësh – Prindërit e tij  ishin gjithashtu në pishinë, por ata nuk mund të shpjegojnë se si fëmija u mbyt – Djali i vogël u zbulua nga një person që po notonte në pishinë i cili e goditi aksidentalisht me shkelm në ujë!

    Një tragjedi ka ndodhur mëngjesin e kësaj të shtune në  Santorini , kur një djalë gjashtëvjeçar humbi jetën në pishinën e një hoteli në Kamari, ku po qëndronte me prindërit e tij. Fëmija i përkiste një grupi turistësh nga India që kishin mbërritur në ishull për pushime.

    Sipas mediave greke në kohën e aksidentit kishte disa persona në zonën e pishinës, megjithatë, askush nuk e kish parë që fëmija ishte në fund në pishinë. Djali duket se kishte pirë një sasi të madhe uji dhe kishte humbur ndjenjat pa u vënë re, ndërsa prindërit e tij , 33 dhe 32 vjeç, ishin gjithashtu në zonën e pishinës, por nuk e kuptuan në kohë se fëmija i tyre ishte në rrezik.

    Elementi më tronditës i rastit është se, sipas informacioneve, njëri nga personat që laheshin e kuptoi praninë e fëmijës vetëm kur e goditi aksidentalisht me shkelm në ujë!

    Pastaj mbizotëroi paniku. Fëmija u nxor menjëherë në sipërfaqe dhe u bënë përpjekje për ta ringjallur, me CPR dhe përdorimin e një defibrilatori që ishte në vendngjarje.

    Pavarësisht përpjekjeve mbinjerëzore të stafit dhe kalimtarëve, fëmija nuk reagoi. Brenda shtatë minutash, mbërriti një ambulancë e EKAB, e cila e transportoi fëmijën në Spitalin Thira, ku u shpall i vdekur.

    Sipas të njëjtit informacion, nuk kishte roje plazhi në pishinë në kohën e incidentit, gjë që ka ngritur pikëpyetje të forta në lidhje me masat e sigurisë që po respektonte hoteli.

    Menaxherët e akomodimit po kërkojnë dokumentet e nevojshme për lejen e funksionimit të pishinës.

    Ndërkohë që autoritetet kanë kryer arrestime dhe po hetojnë si nga ana e kompanisë ashtu edhe nga ana e prindërve të fëmijës. Sipas informacioneve, prindërit pritet të dalin në gjykatë, pasi po shqyrtohet nëse ka pasur neglizhencë apo mbikëqyrje të pamjaftueshme. Policia po kryen një hetim paraprak për të sqaruar plotësisht rrethanat në të cilat ndodhi incidenti tragjik.

  • Tan Agolli i FSHZH-së “kopjon” Pacollin, por me lekët e shtetit: Bën pishinë dhe resort 4.6 milionë euro në Divjakë!

    Tan Agolli i FSHZH-së “kopjon” Pacollin, por me lekët e shtetit: Bën pishinë dhe resort 4.6 milionë euro në Divjakë!

    Dritan Agolli, kreu i Fondit Shqiptar të Zhvillimit, është kthyer në një biznesmen të mirëfilltë, megjithëse me turizëm merret djali dhe bashkëshortja e tij. Tashmë në krye të një institucioni shtetëror, ai ka bërë një mori ndërtesash, brenda të cilave ka bërë bare, restorante apo hotele. I tillë ka qenë projekti në Llixhat e Bënjës, në Sarandë, Vlorë apo edhe në rrethinat e Tiranë. Restorant dhe bar është bërë edhe në parkun Retro në Bulqizë, ku të gjitha ndërtimet janë bërë me paratë e taksave të shqiptarëve, të cilët po e shohin veten dita-ditës vetëm për të mbijetuar. Tashmë, Agolli po “kopjon” biznesmenin Behgjet Pacolli, i cili para disa kohësh publikoi një mega projekt për një resort të stërmadh në zonën e plazhit dhe pishave në Divjakë. Kësaj herë, sërish me paratë e shqiptarëve, Agolli po ndërton një hotel, restorant, bar dhe pishinë në një zonë kodrinore. Sipas dokumenteve që disponon VoxNews, Fondi Shqiptar i Zhvillimit ka hapur një tender ditët e fundit me një vlerë të madhe. Bëhet fjalë për procedurën e prokurimit me objekt “ndërtimi i infrastrukturës së modeleve të integruara në zona me potencial zhvillimi, Divjakë”.
    Fondi do të ndërtojë “fermën e dijës dhe agroturizmit të ullishteve”, Divjakë me një fond prej 458.267.729 lekë, ose rreth 4.6 milionë euro. Një vlerë e stërmadhe për një pronë shtetërore, që më shumë ngjason me një resort luksi. Por, duke parë këto shifra, kush do t’a menaxhojë këtë resort?! VoxNews ka mësuar se në një kodër në Divjakë do të ndërtohet një godinë të madhe dykatëshe, me punime guri dhe druri. Fotot e projektit më shumë ngjasojnë me një resort luksoz, sesa me një fermë. Resorti do të ketë dhoma hoteli, restorante, bare apo edhe pishinë. “Ndërtesa kryesore, e dizajnuar me kujdes për të ndërthurur estetikën moderne me elementet natyrore, qëndron në harmoni të plotë me peizazhin përreth” shkruan projektuesi. Sipas saj, ullishtat e gjelbërta shtrihen në të gjithë zonën, duke krijuar një atmosferë të qetë dhe edukative. “Pishina e integruar dhe tarracat e gjelbëruara shtojnë një prekje të qëndrueshme dhe luksoze, duke bërë këtë fermë një destinacion unik agro-turistik” thuhet në dokumente. Ky masterplan dhe projekt teknik është financuar nga Bashkia e Divjakës.

  • Iu dogj 18% e trupit, Lucio rrëfen tragjedinë: Alkooli në oxhak, flakët dhe zhytja në pishinë. Çfarë tronditjeje…

    Iu dogj 18% e trupit, Lucio rrëfen tragjedinë: Alkooli në oxhak, flakët dhe zhytja në pishinë. Çfarë tronditjeje…

    13 Shtator 2025

    13:21

    Alfred Lleshi

    Ish-futbollisti i njohur brazilian, Lucio, kujton incidentin që e përfshiu në ditëlindjen e 47-të, duke i djegur 18% të trupit: “Shtrimi në spital ishte gjëja më e vështirë, një traumë e vërtetë. Djegiet janë lëndime të rënda, fizikisht dhe psikologjikisht. E vazhdoj ende trajtimin e lëkurës, por po përmirësohem. Jam këtu ta tregoj, Zoti më dha një pjesë të dytë loje. Do të duhet kohë për ta kaluar shokun, sidomos psikologjikisht”.
    Lucio përshkruan momentin e incidentit: “Kur oxhaku u fik, një shok hodhi një bidon alkool dhe shpërtheu flaka. Më kujtohen vetëm flakët në fytyrë, duar dhe këmbë. Gruaja nuk u lëndua, unë u hodha për hidrim në pishinë”. Më pas kujton spitalin dhe operacionet: “Ishte e vështirë të flija nga dhimbja. Operacionet ishin të nevojshme për të hequr indet e dëmtuara”.
    Ai jep një mesazh: “Kujdesuni për veten dhe të tjerët, disa veprime të thjeshta mund të shmangin tragjeditë”. Lucio për Interin: “Arritja e Chivu në pankinë është krenari. Prioriteti im është të stabilizoj mbrojtjen. Me Akanji, mbrojtja mund të forcohet; nëse gjithë ekipi bashkëpunon, mund të kemi një sezon të suksesshëm”.