Deputeti socialist, Erion Braçe, vijon të denoncojë rastet e skemave piramidale online.
Ai ka publikuar Braçe mesazhe nga brenda grupit në Telegram, ku thotë se ‘krimi i mashtrimit dhe grabitjes po konsumohet i plotë’. Ai tregon se personat që qëndrojnë pas Xuex kanë bllokuar çdo tërheqje të parave nga anëtarët.
“Anëtarët në rajonin e Shqipërisë aktualisht nuk janë në gjendje të tërheqin fonde në llogaritë e tyre të portofolit. Ne kemi pasur komunikim të hollësishëm me XUEX për këtë çështje dhe ata më thanë se për shkak të një sulmi hakerash, zinxhiri i blockchain-it për tërheqjet e të gjithëve ishte dëmtuar, duke rezultuar në një vonesë në tërheqjen e fondeve”, thuhet në një nga mesazhet.
“Anëtarët që e kanë anuluar tërheqjen e tyre mund të përdorin lidhjen e re të bllokimit të tërheqjes për të rinisur tërheqjen pasi lidhja e re e bllokimit të tërheqjes të jetë vendosur me sukses. Anëtarët që duan të vazhdojnë të përdorin lidhjen e mëparshme të bllokimit të tërheqjes për të tërhequr para duhet të vazhdojnë të presim me durim”, thuhet në një tjetër mesazh, ku përpiqen të justifikojnë arsyen se përse anëtarët nuk mund të tërheqin para.
Skemat piramidale online nuk janë shfaqur tani, ato kanë tre vite që operojnë në Shqipëri. Këto platforma janë bërë aq shumë të besueshme sa vetëm gjatë muajit gusht, grupi TXEX ALBANIA ka grumbulluar nga qytetarët shqiptarë afërsisht 20 milionë dollarë.
Por kjo nuk është platforma e vetme në Shqipëri. Monetarisht janë edhe 6 të tjera që po mundohen të joshin shqiptarët duke u premtuar dyfishimin e parave të hedhura, por me një kusht: çdo depozitë nuk është më e vogël se 1000 euro. Por që këto para t’i tërheqësh, mashtruesit vendosin një tjetër detyrim – të shtosh në grup pesë anëtarë të rinj.
E më pas, për të rritur besueshmërinë, të japin mundësinë të tërheqësh paratë. Dhe lokacionet nuk mungojnë – burime për Top Channel bëjnë me dije se në qytetin e Lushnjës, paratë e skemës piramidale qarkullojnë në një bar-kafe. Edhe pse tashmë kjo skemë është bërë publike, ata vazhdojnë punën e tyre, duke u kërkuar qytetarëve shqiptarë 400 dollarë për të siguruar llogarinë e tyre – në të kundërt, nuk lejohet asnjë tërheqje.
Postimi i plotë i Erion Braçes:
BRENDA GRUPIT NE TELEGRAM TE PIRAMIDES XUEX;
48 ORE DHE BOSET E PIRAMIDES KANE BLLOKUAR CDO TERHEQJE TE PARAVE NGA ANETARET!
LEO SMITH, domethënë PROFESORI, domethënë ROBOTI,
KA THIRRUR MBLEDHJE GRUPI DHE KA NJOFTUAR BLLOKIMIN E TERHEQJES SE PARAVE;
Pra daljen nga PIRANIDA duke kaluar PARATE nga LLOGARIA-MURI I ANETAREVE NE BINANCE E PASTAJ NE EXCHANGE NE KOSOVE PER TI MARRE CASH! Këtë gjë bëri dhe shpalli TXEX 10 DITE ME PARE;
Pas 10 ditësh askush në Divjakë e Lezhë nuk ka marrë dot paratë.
PRA KRIMI I MASHTRIMIT DHE GRABITJES PO KONSUMOHET I PLOTE!
Leo Smit e quan XUEX ende BURSE, por unë nuk di as në Evropë e as në Amerikë bursë që të bllokon paratë e tua;
Lexoini mesazhet e tij; CDO FJALI ESHTE PROVE E FUNKSIONIMIT SI PIRAMIDE, JO SI BURSE!
E reja tjetër sot-zbuluar nga mesazhet në shqip të Leo Smith, ka të bëj me faktin se paske edhe SHQIPTARE nga jashtë Shqipërisë që paskan futur para në PIRAMIDE!!!!
Pas gjithë asaj që kaloi thuajse cdo familje në 1996-1997, besoja se nuk do kishte më shqiptarë të binin në gropën e piramidave!
Top Channel
