Ish-Nënkryetari i Bashkisë së Tiranës, Andi Seferi i cili tashmë garon në listën e hapur për zgjedhjet e 11 majit në Kryeqytet, deklaroi se ka pezulluar pozicionin e tij që mbante prej dhjetë vitesh në këtë institucion.
Në emisionin ‘Ngjarja kryesore’ në RTSH të drejtuar nga Sonila Agostini, Seferi u shpreh se, “Në momentin që filloi fushata elektorale, por edhe më përpara, kam pezulluar pozicionin tim si N/Kryetar i Bashkisë së Tiranës. Unë kam zgjedhur këtë variant sepse edhe mund të marrësh në këtë situatë dhe lejen e zakonshme. Kam vepruar kështu sepse nuk dëshiroj që edhe pse me takon leja sipas ligjit, të jem i pagur nga taksat e qytetarëve të Tiranës.”
Duke u ndalur në angazhimin e tij elektoral, Seferi vlerësoi se prioritet për të ka arritja e objektivit të Partisë Socialiste dhe jo thjesht synimi i tij personal për tu zgjedhur deputet.
“Bashkë me gjithë kolegët e listës tonë që përfaqësojmë PS-në në Qarkun e Tiranës kemi një objeksion të madh që ka të bëjë me maksimizimin e votës socialiste. Duke njohur emër për emër të gjithë ata që përfaqësojnë listën e hapur të partisë kam bindjen që kushdo qoftë do jetë një përfaqësim i denjët i PS-së dhe elektoratit. Unë jam përgatitur që Partia Socialiste të fitojë. Nëqofse qytetarët do shikojnë tek unë personin që përfaqëson projektin e PS-së, do shikojnë tek unë dhe atë njeriun që ka eksperiencë, prej dhjetë vitesh nënkryetari i Bashkisë së Tiranës, jam person që kam qenë me njerëzit e Tiranës në gjithë situatat.”
Tag: pezulluar
-
Nga N/kryetar i Bashkisë Tiranë, në kandidat për deputet. Seferi: Jam i pezulluar nga detyra
-
Stuhia më e fortë në më shumë se 50 vite, anulohen fluturimet dhe lëvizjet me trena në Pekin
Qindra fluturime janë anuluar dhe shërbimet e trenave janë pezulluar pasi stuhitë e forta goditën Pekinin dhe rajonin verior të Kinës këtë të shtunë.
Erërat e fuqishme, që arritën deri në 150 km/h, më të fortat që ka përjetuar kryeqyteti kinez në më shumë se gjysmë shekulli, teksa pritet të vazhdojnë.
Deri në orën 11:30 me orën lokale, 838 fluturime ishin anuluar në dy aeroportet kryesore të Pekinit, sipas agjencisë së lajmeve Reuters. Shpërthimet e erës të shoqëruara me rërë dhe pluhur nga Mongolia kanë detyruar mbylljen e atraksioneve turistike dhe vendeve historike, ndërsa mijëra njerëz janë paralajmëruar të qëndrojnë brenda për siguri.
Shërbimet e trenave, përfshirë linjën e metrosë ekspres të aeroportit dhe disa linja hekurudhore me shpejtësi të lartë, janë pezulluar gjithashtu.
Parqet janë mbyllur, dhe shumë pemë të vjetra janë përforcuar ose shkurtuar për t’u përgatitur për goditjet e mundshme të erës. Pavarësisht dëmeve të shkaktuara nga erërat, siç janë rrëzimi i pemëve dhe dëmtimi i automjeteve, nuk ka raporte për të lënduar.
Banorët e Pekinit, të cilët janë paralajmëruar që të shmangin udhëtimet jo thelbësore, kanë qëndruar brenda, duke i dhënë qytetit një pamje më të zbrazët se zakonisht.
Pekini ka shpallur alarmin e tij të parë portokalli për erëra të forta në një dekadë, ndërsa shpejtësia e erës ka arritur nivelin 11, që mund të shkaktojë dëme serioze, sipas autoriteteve meteorologjike kineze.Top Channel