Në situata të vështira, teksa shumica përfshihen nga paniku dhe konfuzioni, ka individë që qëndrojnë të qetë, të përqendruar dhe racionalë, duke gjetur gjithmonë një zgjidhje për të dalë nga situata. Ata nuk janë gjithmonë më zhurmshmit në grup, por kur situata bëhet kaotike, të gjithë kthejnë sytë nga ata për të marrë udhëzime dhe mbështetje.
Një nga aftësitë kryesore që i karakterizon është pamja nga perspektiva të ndryshme dhe reagimi i shpejtë, pa humbur qetësinë. Sipas astrologjisë, disa shenja të horoskopit kanë tendencë të jenë më shpesh “zgjidhës të problemeve” natyralë.
Bricjapi: Analistë të qetë dhe strategjikë
Bricjapët dallohen për qasjen e tyre praktike dhe mendjen analitike. Në momentet kur të tjerët janë në panik, ata tashmë po përgatisin një plan rezervë. Qetësia dhe aftësia për të vepruar në mënyrë të organizuar dhe pa impulsivitet i bëjnë ata të besueshëm. Me një dëshirë të fortë për kontroll, Bricjapët parashikojnë sfidat e ardhshme dhe gjejnë zgjidhje konkrete, jo thjesht fjalë ngushëlluese.
Virgjëresha: Eksperte e detajeve dhe organizimit
Personat e lindur nën shenjën e Virgjëreshës kanë një sy të mprehtë për detajet dhe një organizim të jashtëzakonshëm. Ata ndajnë problemin në pjesë të vogla dhe analizojnë çdo element të mundshëm për të arritur në zgjidhje. Truri i tyre kalon automatikisht në “modalitetin analitik” duke shmangur panikun. Këshillat që japin janë të bazuara në logjikë dhe praktikë, dhe shpesh janë të paçmuara, madje edhe kur nuk kërkohen.
Ujori: Kreativë dhe jashtë kornizave
Ujorët janë të njohur për mënyrën e tyre të veçantë të të menduarit. Ata nuk kufizohen vetëm në zgjidhjet tradicionale, por eksplorojnë ide inovative dhe të pazakonta. Në situata stresuese, shpesh propozimet e tyre të para duken të çuditshme, por në fund rezultojnë të jenë të jashtëzakonshme dhe të efektshme. Perspektiva e tyre jashtë kornizave ndihmon në gjetjen e zgjidhjeve më të shpejta dhe të papritura.
Tag: perspektiva
-
‘Horoskopi i gjakftohtësisë’, shenjat që lindin për të zgjidhur probleme
-
Aksioni në Theth, Braçe: Perspektiva e atij vendi s’mund të jetë dominimi nga paratë e krimit!
Deputeti socialit Erion Braçe e sheh të nevojshëm aksionin në Theth e në të gjithë vendin për lirimin e hapësirave publike.Në një intervistë për Report Tv, pavarësisht të gjitha kritiakve për këtë aksion, Braçe thotë se nuk është i shqetësuar sepse ky vend ka nevojë për ligj e rregull. “E ardhmja e Thethit nuk shkon, që kjo është toka ime, ndërtoj unë ça dua”, thotë Braçe duke theksuar se perspektiva e këtij vendi nuk mund të jetë dominimi nga paratë e krimit.
Por ai thekson se banorëve të Thethit u mungonte një plan zhvillimi në letër, në mënyrë që t’u jepeshin modelet se si duhet të ndërtojnë.
“Nuk jam i shqetësuari, sepse unë mendoj që ky vend ka nevojë për ligj, edhe për rregull. Perspektiva dhe e ardhmja e Thethit nuk shkon, që kjo është toka ime, ndërtoj unë ça dua. Apo perspektiva e Thethit nuk mund të jetë dominimi nga paratë e krimit. Atje ka mungesë të një plani zhvillimi në letër, që jepet atyre njerëzve bashkë me modelet e strukturave që ata duhet të ndërtojnë”, thekson Braçe.
Ai ndalet edhe tek zaptimi i hapësirave publike në Tiranë, për të cilat thotë se nuk janë zënë thejsht si vullnet i deisa invidëve se duan të bëjnë biznes për të fituar para, por edhe si vullnet i agjencive të zbatuese në nivel kombëtar dhe në nivel vendor, që janë korruptuar
“Por në krahun tjetër, dhe këtu po vij tani në, në Tiranë. Hapësirat publike këtu nuk janë zënë thjeshtë dhe vetëm si vullnet i disa individëve për të zënë e për të bërë biznes e për të fituar para, e kështu me radhë, po edhe si vullnet i agjencive të zbatuese në nivel kombëtar dhe në nivel vendor, që janë korruptuar. E natyrisht, ky operacion duhet të vlejë jo vetëm për lirimin e hapësirës publike, po edhe pastrimit të agjencive tona ligj zbatuese, që kanë janë marrë drejtpërdrejt me territorin”, shprehet Braçe. -
“Vendi i Shqipërisë është në BE”, Macron nga Tirana: Perspektiva e 2027-ës është një realitet
Krah kryeministrit Rama në Tiranë, Presidenti Emanuel Macron shprehu mbështetjen për rrugën europiane të Shqipërisë.
Macron vlerësoi se vendi i Shqipërisë në BE është I rëndësishëm, ndërsa theksoi se perspektiva e 2027 është një realitet. “Shqipëria tregon udhën në mënyrë të shkëlqyer” tha ai.
“Bashkëpunimi universitar po bëhet realitet. Në fushën ekonomike projekti prioritar menaxhimi I ujit, turizmi , bujqësia. Kjo për të thënë se deklaratat e mëparshme u bënë realitet. Kemi avancuar në temat e mbrojtjes.do vijojmë në të gjitha fushat me kapacitet të mirë. Radarët e mbikëqyrjes, kemi vijuar bashkëpunim dhe për më shumë aktorë francezë, prania jonë është në të gjitha rajonin. Franca do jetë krah jush për kapacitet financimi Më shumë se 300 milionë investime janë bërë tashmë, edhe për Korcën djepi historik I frankofonisë. Përtej kësaj marrëdhënie dy palëshe, duam të shkojmë më tej. Vendi i Shqipërisë në BE, është I rëndësishëm Shqipëria ka bërë avancime të mëdha, kam besim te ajo që do bëni, jam I lumtur për mandatin. Udha e Shqipërisë drejt BE është shumë e qartë. Është një udhë shumë sensibël, Franca do jetë krah jush për t ju shoqëruar në këto reforma. Ju do mbani axhendën tuaj dhe ne tonën. Perspektiva e 2027 është një realitet. Shqipëria tregon udhën në mënyrë të shkëlqyer” u shpreh Macron. -
Ari tërhiqet nga rekordi historik, por perspektiva afatgjatë mbetet pozitive
Çmimi i arit ka shënuar një rënie të ndjeshme gjatë javës së kaluar, duke u larguar nga niveli më i lartë i të gjitha kohërave. Kjo tërheqje erdhi në një kohë kur ndjenjat ndaj rrezikut u zbutën, pas sinjaleve pajtuese të presidentit amerikan Donald Trump në lidhje me tarifat ndaj Kinës.
Edhe pse analistët parashikojnë se çmimi i arit mund të qëndrojë nën presion në afat të shkurtër, pritshmëritë për rritje afatgjatë mbeten të forta, të nxitura nga pasiguritë e vazhdueshme ekonomike dhe politike.
Të dyja, të ardhmet dhe tregtimi fizik i arit, ranë rreth 6.5% nga kulmi i tyre rekord, ndërsa tregjet globale përjetuan një rritje lehtësimi mes shenjave të de-përshkallëzimit të tensioneve tregtare mes SHBA-së dhe Kinës. Sipas strategëve të Barclays Plc, çmimi i arit ka shkuar përtej bazave ekonomike dhe duket teknikisht i shtrirë, ndërkohë që fondet mbrojtëse kanë reduktuar ndjeshëm pozicionet e tyre neto në ar, duke treguar një ndjenjë më të matur në treg.
Ndërkohë, Bloomberg raportoi se interesimi për arin është zbehur veçanërisht në Azi, çka mund të sinjalizojë një dobësim të mëtejshëm të çmimit në afat të afërt.
Forca e euros, një mbështetje e re për arin në 2025
Një faktor kyç që po ndihmon arin këtë vit është forca e euros, e cila ka ushtruar presion ndaj dollarit amerikan. Me çiftin EUR/USD që është rritur me 11% që nga shkurti, ari është bërë më i përballueshëm për investitorët evropianë. Këshilli Botëror i Arit vlerëson se blerjet e arit nga ETF-të evropiane arritën në 1 miliard dollarë vetëm në muajin mars.
Sipas raportit, dobësimi i ndjeshëm i dollarit amerikan, i nxitur nga ndjenja e “eksistencës amerikane” dhe pasiguritë e brendshme, ka kontribuar në mbështetjen e çmimit të arit.
Rreziqet afatshkurtra dhe perspektiva afatgjatë
Pavarësisht këtyre zhvillimeve pozitive, ari përballet me disa sfida në afat të shkurtër. Ndër këto rreziqe përfshihen zbehja e ndjenjës së frikës në tregje, sinjalet e mbiblerjes, ngadalësimi i blerjeve nga bankat qendrore dhe rreziqet e mundshme të likuiditetit.
Analistët theksojnë se ndryshimi i qëndrimit të presidentit Trump për tarifat, fitimi i shpejtë i arit në një kohë të shkurtër dhe frenimi i politikave të lehtësuara monetare mund të ushtrojnë presion mbi çmimin e metalit të çmuar në javët në vijim.
Megjithatë, sipas Michael Brown nga Pepperstone, perspektiva afatgjatë për arin mbetet optimiste: “Në një botë të mbushur me pasiguri dhe trazira, ari vazhdon të jetë një strehë e preferuar për investitorët.”