Lajmidites.com

Tag: persona

  • Rrëzohet helikopteri në Angli/ Humb jetën 70-vjeçari, tre persona të plagosur

    Rrëzohet helikopteri në Angli/ Humb jetën 70-vjeçari, tre persona të plagosur

    Një 70-vjeçar ka humbur jetën dhe tre persona të tjerë janë plagosur, pas rrëzimit të një helikopteri në Doncaster në Angli.

    Shërbimet e emergjencës u thirrën në një fushë pranë Ings Lane, Bentley. Helikopteri ishte ngritur nga Aeroporti Retford Gamston, në Nottinghamshire.
    Piloti, një 41-vjeçar, dhe dy pasagjerë të tjerë, një grua 58-vjeçare dhe një djalë 10-vjeçar, pësuan lëndime të lehta, tha Policia e Yorkshire.
    “Mund të konfirmojmë se një helikopter i operuar nga një qiramarrës në vend, është përfshirë në një incident. Nuk kemi informacione të mëtejshme aktualisht”, tha aeroporti Retford Gamston në një deklaratë.
    BBC raportoi se një patrullë policore ishte vendosur dhe një ambulancë private kishte mbërritur në vendngjarje.

    Top Channel

  • Tregu i punës në rritje, mbi 19 mijë persona të sistemuar në 9-mujorin e parë 2025

    Tregu i punës në rritje, mbi 19 mijë persona të sistemuar në 9-mujorin e parë 2025

    Agjencia Kombëtare e Punësimit dhe Aftësive ka publikuar statistikat për 9- mujorin e parë të vitit 2025, të cilat dëshmojnë një tendencë pozitive në tregun e punës.
    Sipas të dhënave, 19.158 punëkërkues të regjistruar në zyrat e punës janë sistemuar në pozicione të ndryshme pune, falë bashkëpunimit ndërmjet institucioneve publike, sektorit privat dhe programeve të ndërmjetësimit të punës.
    Një vëmendje e veçantë u është kushtuar grupeve vulnerabël, të cilat përbëjnë një pjesë të rëndësishme të përpjekjeve institucionale për përfshirje të barabartë në tregun e punës. Sipas shifrave zyrtare, 11.297 gra dhe vajza janë punësuar; 7. 354 të rinj deri në moshën 29 vjeç kanë gjetur punë, si rezultat i programeve të veçanta për integrimin e të rinjve në tregun e punës.
    Më tej, 1.506 përfitues të pagesës së papunësisë janë sistemuar në pozicione pune; 1.436 anëtarë të skemës së ndihmës ekonomike janë përfshirë në tregun e punës, ndërkohë 909 persona nga komuniteti rom dhe egjiptian janë punësuar, duke reflektuar përpjekjet konkrete për përfshirje sociale dhe ekonomike të këtyre komuniteteve. Nga ana tjetër, 315 persona me aftësi të kufizuar janë integruar në tregun e punës, si pjesë e programeve për punësim të përshtatur për këto kategori.
    Sipas Agjencisë Kombëtare të Punësimit dhe Aftësive, qëllimi mbetet fuqizimi i çdo punëkërkuesi dhe garantimi i mundësive të barabarta për integrim të qëndrueshëm në tregun e punës.

  • Kaos në Brazil, 132 persona të vrarë në një bastisje në Rio! Si dështoi plani sekret i policisë?

    Kaos në Brazil, 132 persona të vrarë në një bastisje në Rio! Si dështoi plani sekret i policisë?

    brazil

    BRAZIL- Operacioni më vdekjeprurës policor në historinë e Brazilit vrau të paktën 132 persona, thanë mbrojtësit publikë të mërkurën, ndërsa banorët e Rio de Janeiros mbushën një rrugë me dhjetëra kufoma të gjetura gjatë natës, një javë përpara ngjarjeve globale klimatike në qytet.
    Policia shtetërore tha se bastisjet që synonin një bandë të madhe droge një ditë më parë ishin planifikuar në mënyrë të hollësishme për më shumë se dy muaj, me qëllim që të dyshuarit të futeshin në një kodër të pyllëzuar ku një njësi e operacioneve speciale po priste në pritë.
    ‘Masakra’
    Bastisjet, në të cilat morën pjesë rreth 2,500 oficerë policie, u përqendruan në lagjet veriore të Rios, Kompleksin Penha dhe Kompleksin Alemao.
    Disa banorë të zemëruar akuzuan policinë për vrasje masive. 
    “Shteti erdhi për të masakruar, nuk ishte një operacion [policor]. Ata erdhën direkt për të vrarë, për të marrë jetë njerëzish”, tha një grua në Kompleksin Penha për agjencinë e lajmeve AFP.
    «Ka njerëz që janë ekzekutuar, shumë prej tyre të qëlluar në pjesën e prapme të kokës, të qëlluar në shpinë. Kjo nuk mund të konsiderohet siguri publike», tha banori dhe aktivisti 36-vjeçar Raul Santiago.
    Ministri i Drejtësisë i Brazilit, Ricardo Lewandowski, tha se Presidenti Luiz Inacio Lula da Silva është “i tmerruar” nga shkalla e viktimave dhe i befasuar që një operacion i tillë u zhvillua pa dijeninë paraprake të qeverisë federale.
    ‘Jo krim i zakonshëm’
    Forca e madhe policore e angazhuar në operacion u përforcua nga automjete të blinduara, helikopterë dhe dronë.
    Policia dhe anëtarët e dyshuar të bandave shkëmbyen të shtëna të rënda, me autoritetet që akuzuan të dyshuarit për barrikada në autobusë dhe për vendosjen e dronëve të mbushur me eksplozivë për të sulmuar policinë.
    “Ky nuk është krim i zakonshëm, por narkoterrorizëm”, shkroi Castro të martën në X, ku ndau një video nga luftimet.
    Bastisjet policore kundër organizatave kriminale nuk janë të rralla në favelat e Brazilit dhe shumë prej tyre rezultojnë vdekjeprurëse. Në vitin 2024, afërsisht 700 persona vdiqën gjatë operacioneve policore në Rio, një normë prej pothuajse dy personash në ditë.
    Por grupet e të drejtave të njeriut kanë vënë në pikëpyetje kohën e operacioneve të tilla policore në shkallë të gjerë në Brazil, të cilat nuk janë të rralla para ngjarjeve të mëdha ndërkombëtare.
    Javën e ardhshme, Rio de Janeiro do të presë Samitin Botëror të Kryetarëve të Bashkive C40 dhe Çmimin Earthshot të Princit William, i dhënë për arritje mjedisore.
    Më vonë, Brazili pritet të mirëpresë liderët botërorë për samitin e klimës të Kombeve të Bashkuara, COP30, në qytetin amazonian të Belemit, që fillon më 10 nëntor.

  • Shembet ndërtesa 7-katëshe në Stamboll, 5 persona të bllokuar nën rrënoja

    Shembet ndërtesa 7-katëshe në Stamboll, 5 persona të bllokuar nën rrënoja

    Një ndërtesë 7-katëshe është shembur në distriktin Gebze të provincës Kocaeli në Turqi, duke lënë të paktën pesë persona të bllokuar nën rrënoja.
    Autoritetet po zhvillojnë operacione intensive kërkim-shpëtimi me ndihmën e 147 punonjësve, përfshirë ekipe nga AFAD, zjarrfikësit, policia dhe organizata të tjera.
    Guvernatori İlhami Aktaş deklaroi se shkaku i shembjes ende nuk dihet, ndërsa prioritet mbetet shpëtimi i personave të mbetur poshtë rrënojave. Sipas raportimeve, pesë anëtarë të një familjeje ndodheshin në ndërtesë në momentin e incidentit.

    Në vendngjarje janë angazhuar qentë shpëtimtarë, pajisje për zbulimin e rrënojave, dronë dhe automjete speciale. Dëshmitarët kanë dëgjuar zëra nga nën rrënoja, ndërsa dyshohet se ndërtesa mund të jetë shembur për shkak të punimeve nëntokësore që po kryheshin pranë saj.

  • Tragjedi në Turqi: Pesë persona të bllokuar pas rrënimit të ndërtesës

    Tragjedi në Turqi: Pesë persona të bllokuar pas rrënimit të ndërtesës

    Një ndërtesë 7-katëshe është shembur në distriktin Gebze të provincës Kocaeli në Turqi, duke lënë të paktën pesë persona të bllokuar nën rrënoja.
    Autoritetet po zhvillojnë operacione intensive kërkim-shpëtimi me ndihmën e 147 punonjësve, përfshirë ekipe nga AFAD, zjarrfikësit, policia dhe organizata të tjera.
    Guvernatori İlhami Aktaş deklaroi se shkaku i shembjes ende nuk dihet, ndërsa prioritet mbetet shpëtimi i personave të mbetur poshtë rrënojave.
    Sipas raportimeve, pesë anëtarë të një familjeje ndodheshin në ndërtesë në momentin e incidentit.
    Në vendngjarje janë angazhuar qentë shpëtimtarë, pajisje për zbulimin e rrënojave, dronë dhe automjete speciale.
    Dëshmitarët kanë dëgjuar zëra nga nën rrënoja, ndërsa dyshohet se ndërtesa mund të jetë shembur për shkak të punimeve nëntokësore që po kryheshin pranë saj.

  • Mburret Berisha: Në vitet 2008–2009 u dënuan 630 persona për korrupsion, tani tre herë më pak

    Mburret Berisha: Në vitet 2008–2009 u dënuan 630 persona për korrupsion, tani tre herë më pak

    Kryetari i Partisë Demokratike, Sali Berisha, ka deklaruar se drejtësia shqiptare po shkon drejt një kolapsi moral e institucional. Në një deklaratë për mediat, Berisha u ndal te statistikat e dënimeve për korrupsion gjatë viteve të qeverisjes së tij, duke i krahasuar me situatën aktuale.
    “Në vitet 2008–2009, sipas raporteve të Departamentit të Shtetit dhe të Prokurorit të Përgjithshëm, u dënuan 630 zyrtarë për korrupsion. Ndërsa tani, sipas raportit të Altin Troplinit, janë dënuar vetëm 199 persona tre herë më pak, dhe një pjesë e tyre janë për krim të organizuar”, tha Berisha.
    Berisha shtoi se gjatë periudhës së qeverisjes së tij kishte funksionuar një “task-forcë kundër korrupsionit” që garantonte bashkërendimin mes institucioneve të hetimit dhe ndëshkimit.
    “Përpara ishte task-forcë. Kjo do të thotë që nuk e mbyllte dot dosjen as prokurori, as polici, as doganieri, sepse ishin të gjithë bashkë. Tani prokurori është ‘i pavarur’ dhe bën pazare”, theksoi ai.

  • VIDEO/ Stambolli në ankth, shembet ndërtesa shtatëkatëshe, familjet mbeten nën rrënoja

    VIDEO/ Stambolli në ankth, shembet ndërtesa shtatëkatëshe, familjet mbeten nën rrënoja

    Një pallat shtatëkatësh është shembur mëngjesin e sotëm në qytetin Gebze të provincës Kocaeli, pranë Stambollit, duke shkaktuar alarm tek autoritetet turke, që dyshojnë se nën rrënoja mund të ketë persona të bllokuar. Ngjarja ndodhi rreth orës 07:30 në rrugën Işıkgel, për shkaqe ende të paqarta.
    Në vendngjarje ndodhen forca të shumta policie, zjarrfikës dhe ekipe të AFAD-it, të cilat po zhvillojnë operacione kërkimi me ndihmën e droneve, qenve të trajnuar dhe pajisjeve të zbulimit. Sipas Ministrit të Brendshëm Ali Yerlikaya, në aksion marrin pjesë 147 shpëtimtarë, përfshirë 80 nga AFAD.

    Guvernatori i Kocaelit, İlhami Aktaş, ka deklaruar se dyshohet për pesë persona të bllokuar, një familje me prindërit dhe tre fëmijë, ndërsa ekipet kanë dëgjuar zëra nga rrënojat dhe po vijojnë kërkimet pa ndërprerje.
    Kryetari i bashkisë së Gebzes, Zinnur Büyükgöz, tha se në ndërtesë jetonin dy familje, gjithsej shtatë persona, por ende nuk dihet nëse të gjithë ndodheshin brenda në momentin e shembjes. Hetimet për shkaqet e ngjarjes vijojnë, ndërsa autoritetet kanë shprehur mbështetje për familjet e prekura.
    /vizionplus.tv

    🇹🇷 A six-story residential building collapsed in Istanbul
    According to AHaber TV, several members of a family of five or six people, including children, may still be trapped under the rubble.
    The cause of the incident has not yet been determined. pic.twitter.com/3VXNkGBluv
    — Visegrád 24 (@visegrad24) October 29, 2025

  • Iu bë atentat me tritol, zbardhet dëshmia e inspektorit të Tatimeve në Shkodër, shoqërohen disa persona

    Iu bë atentat me tritol, zbardhet dëshmia e inspektorit të Tatimeve në Shkodër, shoqërohen disa persona

    enea busukja

    SHKODËR- Një ditë pas shpërthimit me tritol në mjetin e tij, inspektori i hetimit tatimor në Shkodër, Enea Busukja, ka dhënë dëshminë e tij për grupin hetimor. I riu ka deklaruar se nuk ka konflikte me njeri, dhe nuk ka një indicie për autorët e vendosjes së lëndës plasëse në makinën e tij, i cili shpërtheu me telekomandë.
    “Nuk kam konflikte me njeri, nuk e di se kush mund ta ketë vendosur tritolin”, është shprehur Busukja, ndërsa policia ka shoqëruar dhe pyetur disa persona që mund të kenë dijeni për ngjarjen.

  • Protesta të përgjakshme në Rio de Janeiro, regjistrohen 64 viktima pas përplasjes së dhunshme mes qytetarëve dhe policisë

    Protesta të përgjakshme në Rio de Janeiro, regjistrohen 64 viktima pas përplasjes së dhunshme mes qytetarëve dhe policisë

    Rreth 64 persona kanë humbur jetën në Rio de Janeiro gjatë ditës më të përgjakshme të dhunës në qytet, ndërsa mbi 2,500 policë dhe forca speciale sulmuan një zonë të favelave pranë aeroportit ndërkombëtar, ku konsiderohet se ndodhet selia e një prej grupeve më të fuqishme kriminale në Brazil.

    Operacioni, i zhvilluar në orët e para të mëngjesit në favelat Alemão dhe Penha, shkaktoi shkëmbim të fuqishëm zjarri. Trafikantët e drogës nga fraksioni Red Command ngritën barrikada, dogjën makina dhe përdorën për herë të parë dronë të armatosur për të sulmuar forcat speciale.
    Derisa viktimat u transportuan në spital gjatë mëngjesit, raportohet se në mesin e të vrarëve janë katër policë, ndërsa tetë efektivë dhe katër banorë të tjerë mbetën të plagosur. Qindra banorë raportuan frikë dhe pasiguri, duke përshkruar ditën si një “masakër të sponsorizuar nga shteti”.
    Guvernatori i krahut të djathtë, Cláudio Castro, e shpalli qytetin “në luftë” dhe e përshkroi situatën si operacionin më të madh policor që nga viti 2010. “Kjo nuk është më krim i zakonshëm, kjo është narco-terrorizëm,” tha ai në një video të publikuar në rrjetet sociale.
    Më shumë se 80 persona u arrestuan dhe u sekuestruan mbi 75 armë automatike, duke nxjerrë në pah arsenalën e fuqishme të trafikanëve që kontrollojnë favelat e Rio-s që nga fundi i viteve 1980.
    Aktivistë dhe politikanë opozitarë kanë reaguar me indinjatë, duke e cilësuar operacionin si një “masakër të sponsorizuar nga shteti” dhe duke akuzuar autoritetet për kthimin e favelave në zona lufte.
    Situata mbeti e tensionuar edhe pasdite, me forcat policore në gatishmëri të lartë dhe rrugët kryesore të qytetit të bllokuara nga përpjekjet e kriminelëve për të penguar operacionin.
    Ngjarja shënon një moment historik dhune në Rio, duke tejkaluar operacionin e majit 2021 në Jacarezinho, ku u vranë 28 persona, dhe tregon për sfidën e vazhdueshme të autoriteteve për të kontrolluar fuqinë e grupeve kriminale në favelat e qytetit.

    Top Channel

  • 110 vite burg për “call center”/ Vodhën italianët, GJKKO dënoi 16 persona për mashtrime kompjuterike

    110 vite burg për “call center”/ Vodhën italianët, GJKKO dënoi 16 persona për mashtrime kompjuterike

    Gjykata e Posaçme për Korrupsionin dhe Krimin e Organizuar dha vendimin përfundimtar ndaj 16 persona të përfshirë në një skemë mashtrimi online që ka prekur qytetarë në Itali.

    Të gjithë u dënuan me rreth 110 vite burg në total, me reduktim një të tretën për procedurë të shkurtuar.
    Grupi, i udhëhequr nga Bruno Çobo, operonte një “call center” në Tiranë. Ata bindnin viktimat të blinin aksione të kompanive të njohura si “Amazon”, duke premtuar fitime të mëdha. Vetëm përmes kësaj skeme, të pandehurit përvetësuan rreth 4.7 milionë euro.
    Bruno Çobo, i ekstraduar nga Abu Dhabi, u dënua me 8 vjet burg për “Mashtrim kompjuterik” dhe “Grup të strukturuar kriminal”.
    Gjykata shpalli fajtor edhe pjesëtarët e tjerë të grupit, me dënime që variojnë nga 6 vjet e 8 muaj deri në 7 vjet e 4 muaj burgim përfundimtar. Mes të dënuarve janë emra si Elisa Çaçi, Gilbert Pushani, Aldo Pasku, Bruno Gjika, Rezarta Ibrahimi, Valbona Abedinaj, Erion Kastrati, Orland Cani dhe të tjerë.
    Të gjithë të pandehurit u gjykuan sipas procedurës së shkurtuar, e cila, përveçse përshpejtoi procesin gjyqësor, u mundësoi atyre reduktimin e një të tretës së dënimit.

    Top Channel